Konkursi Letrar, Albasoul 2011

[Fiori]

Çmimet nuk janë publikuar ndaj dhe nuk kini lexuar më shumë informacion rreth tyre. Tani për tani jemi duke folur me dy-tre veta që i konsiderojmë si artdashës dhe intelektualë për atë çfarë ata kanë dhënë e kontribuar si në forum dhe në jetën e tyre private në lidhje me letërsinë. Nga muajt e verës shpresojmë t'ju japim një zgjidhje në lidhje me vlerësimin e shkrimeve si dhe me çmimet.


Në konkursin e kaluar fituesit morrën nga një kartë krediti për të blerë libra tek amazon.com si dhe nga një çertifikatë me titullin e Konkursit Albasoul dhe emrin e fituesit. Të dy fituesit e vëndeve të para i dhuruan çmimet monetare për faqen e albasoul.com dhe mbajtën vetëm çertifikatat.

Këtë vit vlera monetare e kartave te kreditit nuk është vendosur në këto momente, por përsëri do publikoj një listë më të qartë në lidhje me to kur të kemi marrë një vendim.

Në lidhje me pyetje e dytë, do ju lutesha të lexonit mirë rregullat e konkursit në faqen e parë :

14. Në qoftëse stafi i forumit të letërsisë konstaton se krijimet janë të vjedhura apo kanë qënë të publikuara më parë, pjesmarrësit do të skualifikohen. Gjithashtu pjestarët që dërgojnë shkrime të kopjuara nuk do të lejohen të postojnë tek forumi i Letërsisë si dhe nuk do të pranohen në konkurse të ardhshme.

Publikimi përmban bërjen publike të shkrimeve në shtyp apo internet.

Gjithashtu për kujtesë, të shtunë është data 1 Maj dhe ju mund të filloni të dërgoni shkrimet tuaja.

Pyetjet dhe sugjerimet janë të mirëpritura,
Fiori

[Fiori]

Të shtunën në datën 2 Maj, 2010 të interesuarit mund të fillojnë të dërgojnë krijimet e tyre për Konkursin Letrar Albasoul 2010 në adresën Konkursi.Albasoul@gmail.com

Krijimet për pjesmarrjen në konkurs do të pranohen deri në datën 1 Tetor për ndarjet e mëposhtme:

Poezi
Prozë e shkurtër (krijimet deri në 10 faqe; të shtypura në Word; Font 10 Arial ose 12 Romak).
Prozë e gjatë (krijimet mbi 10 faqe dhe romanet do të pranohen tek kjo ndarje)


Për më shumë informacion mund të lexoni këtu ose mund të na shkruani tek Konkursi.Albasoul@gmail.com


Suksese

[aR-my_nD]

nese un tani dergoj nje poezi a do te votohet qe tani apo do te votohet nga data kur do te mbyllen aplikimet...?_

[Fiori]

7. Publikimi në forum do fillojë në mënyrë anonime në datën 1 Tetor, 2010 dhe do të vazhdojë deri në datën 1 Nëntor. Nga data 1 Nëntor deri në datën 24 Dhjetor krijimet do të vlerësohen nga lexuesit.

Pra nga data 1 Tetor - 1 Nëntor, krjimet do të vendosen në forum, në tema të mbyllura. Vizitorët do kenë mundësinë të lexojnë por jo të votojnë.

Nga data 1 Nëntor deri në datën 24 Dhjetor temat do të jenë të hapura për votim.

[Fiori]

Falenderoj anëtarët të cilët kanë dërguar krijimet e tyre deri tani për konkursin si dhe janë treguar korrektë në mënyrën e dërgimit.

Të interesuarve do ju lutesha që para se të dërgonin krijimet të lexonin rregullat e konkursit, sidomos pikat 5. dhe 10.

Kini parasysh që nq se ju nuk kini mbushur formularin e shkurtër (pika 5. emri, pseudonimi etj) ose nq se dërgoni më shumë se një krijim për ndarje (pika 10.), pjesmarrja juaj nuk do të merret parasysh.

Përshëndetje,
Fiori

[Deivi Taka]

Pervec anetareve qe votojne, a ka profesioniste qe i lexojne krijimet?

[brunilda_it]

PERSHENDETJE FIORI !!
JU UROJ SUKSESE ME KETE INICIATIVE QE KENI MARRE NE LIDHJE ME KONKURSIN !!!

I NDERUAR FIORI !!
KRIJIMET E MIA SI DHE LIBRAT E BOTUAR JANE TE HEDHURA NE FORUM .

EMRI IM ESHTE BRUNILDA BOCOVA dhe ne FORUM NJIHEM si brunilda_it !

NE SE DO TE ME SHPJEGONIT SE PERSE DUHEN KRIJIMET DHE TITUJT E LIBRAVE KUR ATO JANE TE TERA TE REKLAMUARA SI NE FAQEN E LETERSISE SHQIPTARE dhe ne ate te SHKRIMTAREVE SHQIPTARE !

ME RESPEKT BRUNILDA BOCOVA !

[Fiori]

Deivi,

Po mundohemi të krijojmë një si grup intelektualësh të cilët mund të japin mendimin e tyre profesional për çdo krijim por që nuk do kenë të drejtë votimi. Gjithsesi kjo është akoma në diskutim e sipër sepse siç e kam shpjeguar dhe më parë konkursi organizohet nga Forumi për Krijuesit e Forumit, dhe nuk duam të krijojmë klane duke vendosur një juri të veçantë.

Duke e lënë votimin në dorën e vizitorëve, i japim mundësi krijuesve të vlerësohen nga një shumëllojshmëri njerzish, me nivele të ndryshme dhe me shije të ndryshme për letërsinë.

Deri tani jam shumë e gëzuar për çmimet këtë vit. Me sa kam folur deri tani, Albasoul do dhurojë një kupë/pllakë të vogël me emrin e fituesit si dhe çmime të arsyeshme monetare në formë letre me vlerë për amazon.com ku fituesit mund të blejnë libra ose materiale që ju duhen për krijim etj.


Bruna,

Ta kam përmendur disa herë që në botën virtuale shkronjat e mëdha nënkuptojnë ulërima. Nuk jam e sigurt përse vazhdon shkruan sikur je me inat me parafolësit. Mjafton të shtypësh 'Caps Lock' në tastierë dhe mund të shkruash normal.

Në lidhje me pyetjen tënde, nq se i ke lexuar të gjitha rregullat, krijimet për konkursin fillimisht do të hidhen në forum në mënyrë anonime. Kështu nuk krijojmë keqkuptime dhe votimi është asnjëanës. Krijimet që mund të marrin pjesë në konkurrim, nuk duhet të jenë botuar në ndonjë libër apo internet, pra duhet të jenë krijime të reja.

Për të minimalizuar keqkuptimet, krijimet që dërgohen për konkurrim kontrollohen vetëm nga dy veta. Këta dy persona kontrollojne krijimtaritë e autorëve të ndryshëm si dhe faqet e tyre për ndonjë 'keqkuptim/kopjim' të mundshëm. Gjithashtu pasi të shpallen fituesit, ne do të mund të reklamojmë në ndihmë të krijuesve, faqet e tyre personale si dhe librat që kanë botuar.


Përshëndetje,
Fiori

[brunilda_it]

Fiori !!

Te falenderoj per pergjigjen teper SQARUESE !!!

Me vjen keq per shkrimin me germa te medha , me duket me normal , (ndoshta eshte gabim) , por nuk mund te shkruaj dot ne tastjere po nuk mbeshteta gishtin tek shift-i, jo se le 'Caps Lock' -un hapur !!!

Me mirekupto drejt per kete !

Me RESPEKT__BRUNA !!

[mjergull]

Pershendetje!

Mendoj se duhet te kete dhe kritike, ashtu sic dine anetaret te japin mendimin e tyre rreth nje poezie.

Mendoj se kjo eshte ne shendet te poezise.

Pra them se mund te hapet nje faqe tjeter ku anetaret te japin mendimet e tyre se pse e pelqejne kete apo ate poezi, dhe anasjelltas.