Lajme nga bota e muzikës

[sirena_adria]

Muzika latine ‘zbret’ në Tiranë, të premten koncerti i Enrique Iglesias!

Biletat nga 28 euro deri në 2 mijë euro për zonat VIP


Tirana po bëhet gati për të përjetuar netë të paharrueshme. Dy emra të muzikës me famë botërore, Enrique Iglezias dhe Ricky Martin do të performojnë për herë të parë para publikut shqiptar, në sheshin ‘Skëndërbej’. Mbrëmjen e 30 Qershorit, këngëtari Enrique Iglesias do të hapë edhe Javën Kulturore Spanjolle, që nis të premten në kryeqytet.

Të interesuarit për të ndjekur koncertin Enrique Iglesias, i njohur për hitet e tij në krye të listave “Bailamos”, “Hero”, “Escape”, “Tonight (I’m Lovin’ You)” spo “Subeme La Radio” dhe performancat elektrizuese që me siguri do të krijojë një mbrëmje të paharrueshme të mbushur me emocione, duhet të pajisen me bileta.

Ato janë në 8 lloje të ndryshme dhe çmimet e tyre variojnë nga 28 euro më e lira, deri në 225 euro për zonën B, VIP GOLD dhe deri në 330 euro për zonën A, VIP GOLD. Biletat kanë të përfshira edhe disa benefite si pozicionimi pranë skenës ku edhe do të performojë Iglezias. Konkretisht për paketë VIP GOLD, me çmim 900 euro, përfshihen 4 bileta, tavolinë dhe një shishe alkooli. Ndërsa me atë 2 mijë euro, përfitojnë hyrje 6 persona, një kolltuk për tu ulur, si dhe 2 shishe pije alkoolike.

Gjithashtu për çdo blerje për zonat VIP, GOLD dhe PLATINUM, do të përfitohet edhe një ulje prej 20%, për koncertin e Ricky Martin që do të zhvillohet më datën 20 korrik. 20 % ulje do të ketë edhe për ata blerës të biletave të zonave BRONZE dhe SILVER për koncertin Placido Domingo që do të mbahet në Tiranë, më 7 shtator.

Koncerti do të nisë në orën 21:30 dhe çdo person nën 18 vjeç do të duhet që të jetë i shoqëruar. Në event nuk do të lejohen as pijet, apo ushqimet pasi ato do të shiten aty. Gjithashtu do të ndalohet edhe çdo mjet i rrezikshëm, si dhe kamerat apo aparatet fotografike, pasi autorësia për shpërndarjen e videove i përket vetëm organizatorëve.


Lexo.al

https://www.lexo.al/2023/06/muzika-l...per-zonat-vip/

[sirena_adria]

Do të performoj sonte në Tiranë, Enrique Iglesias poston video nga sheshi ‘Skënderbej’

Këngëtari i njohur latin, Enrique Iglesias pritet të mbaj mbrëmjen e sotme koncertin e tij të parë në Shqipëri.

Ylli do të performojë para publikut shqiptar në sheshin Skënderbej. Së fudnmi në rrjet po qarkullojnë pamjet të Enriques, i cili tashmë ka mbërritur në kryeqytet.

Koncerti i yllit të muzikës latine do të nisë në orën 21:30, Iglesias do të hapë kështu edhe Javën e Kulturës Spanjolle dhe pritet të dhurojë një super performancë para të gjithë fansave të tij.

Enrique ka publikuar gjithashtu pamje të sheshit ku do të mbahet dhe koncerti, teksa shkruan:

“Tirana, shihemi sonte”

Kujtojmë se Enrique Iglesias është një nga artistët më të mëdhenj spanjollë, që u bë i njohur në mbarë botën në fillin e viteve 90 dhe më pas karriera e tij ndërkombëtare u zgjerua në mbarë globin me këngë si “Bailamos”, “Rhythm Divine”, duetin me Whitney Houston “Could I have this kiss forever”.

Ai është një nga këngëtarët spanjollë më të kërkuar në botë, ku numëron më shumë se 70 milionë disqe të shitura. Në vitin 2016 ai është cilësuar nga Billboard si mashkulli më i suksesshëm në club dance style, i të gjitha kohërave.


Gazeta Tema

https://www.gazetatema.net/lifestyle...eo-nga-i396405

[sirena_adria]

Zbuloni qytetin suedez që u zgjodh për të pritur “Eurovision” në vitin 2024

Qyteti jugor suedez i Malmos është përzgjedhur nga Host Broadcaster SVT dhe EBU (Unioni i Transmetuesve Europianë) për të mirëpritur edicionin e 68-të të Eurovision-it në Maj të vitit 2024.

SVT do të organizojë konkursin e vitit të ardhshëm pas fitores historike të artistes Loreen në Liverpool në fillim të këtij viti me këngën “Tattoo”, duke u bërë gruaja e parë që fitoi dy herë në “Eurovision” dhe duke e bërë Suedinë të barazojë rekordin e Irlandës prej shtatë fitoresh në total.

Finalja e Madhe e Konkursit të 68-të të “Eurovision-“it do të mbahet të shtunën më 11 Maj në ‘Malmo Arena’ me gjysmëfinalet që do të organizohen në fillim të së njëjtës javë, respektivisht të Martën më 7 Maj dhe të Enjten më 9 Maj 2024.

Malmo u zgjodh si qyteti nikoqir pasi u shqyrtuan objektet në vend, aftësia e tij për të akomoduar mijëra delegacione, staf, fansa dhe gazetarë dhe infrastruktura lokale.

Vetë Suedia do të mirëpresë për herë të shtatë “Eurovision”-in në vitin 2024, pasi më parë kishte organizuar konkursin në Stokholm në vitet 1975, 2000 dhe 2016 dhe në Goteborg në vitin 1985.

Është gjithashtu hera e parë që “Eurovision” nuk mbahet në një kryeqytet për pesë organizime radhazi.


Gazeta Shqip

https://www.gazeta-shqip.com/arti/zb...-2024-i1223166

[sirena_adria]

81 vjet më parë, në Tiranë vihej në skenë “La Traviata”

Më 25 korrik 1942, trupa “Carro di Tespi Lirico” mbërrin në Tiranë për operan “La Traviata”. Drejtoria e Përgjithshme e Arkivave kujton këtë ngjarje e cila me gjasë, ishte e para opera lirike që vihej në skenë në Shqipëri.

Skena u vendos në krye të Viale del Impero (sot “Bulevardi Dëshmorët e Kombit”), në lartësinë ku sot ndodhet Sheshi Nënë Tereza. Me përjashtim të “La Traviata”, trupa Carro di Tespi Lirico dha edhe disa shfaqje të tjera në korrik të vitit 1942.

Në vitin 1929 qeveria fashiste e Romës krijoi katër trupa teatrale shëtitëse që morën emërtimin “Carri di Tespi” (“Qerret e Tespit”). “Carro di Tespi Lirico” mbulonte operan dhe këngën lirike, ndërsa tri të tjerat vinin në skenë pjesë teatrale. Synimi i këtyre trupave ishte që të përçonte deri tek fashat më të izoluara të shoqërisë teatrin dhe operan lirike.


/ atsh / KultPlus.com

https://www.kultplus.com/teatri/81-v...e-la-traviata/

[sirena_adria]

Cilat janë 10 këngët më të dëgjuara në botë dhe historia që fshihet pas tyre…!

Muzika, me fuqinë e saj për të ngjallur emocione dhe për të lidhur njerëz nga kultura dhe kohë të ndryshme, bëhet një dëshmitar i heshtur i historisë njerëzore. Këngët më të dëgjuara nuk janë thjesht pjesë muzikore, por dritare të momenteve dhe ndjesive që kanë lënë gjurmë në shoqëri. Me kalimin e viteve, disa këngë janë bërë himne brezash, të përjetësuar në kohë si simbole të shpresës, dashurisë, rebelimit dhe ndryshimit.

Nëse po pyesni se cila është kënga më e dëgjuar në botë, në këtë artikull të “OneHOWTO”, ne do të bëjmë një udhëtim të thellë përmes dhjetë prej këngëve më të dëgjuara në histori, duke eksploruar origjinën, kuptimin dhe arsyen e vendit të tyre, në zemrën e miliona njerëzve…

– 10 këngët më të dëgjuara të historisë:

1 - “Bohemian Rhapsody” – Queen

2 - “Imagine” – John Lennon

3 - “Shape of You” – Ed Sheeran

4 - “Billie Jean” – Michael Jackson

5 - “Like a Rolling Stone” – Bob Dylan

6 - “Hey Jude” – The Beatles

7 - “Despacito” – Luis Fonsi y Daddy Yankee

8 - “Smells Like Teen Spirit” – Nirvana

9 - “Rolling in the Deep” – Adele

10 - “Hotel California” – Eagles



“Bohemian Rapsody” – “Queen”

“Bohemian Rhapsody” i Queen nuk është thjesht një këngë, por një epikë (baladë) muzikore që i shtyu kufijtë e konventës. E përbërë nga gjeniu krijues i Freddie Mercury, kjo kryevepër është një ndërthurje zhanresh dhe emocionesh. Nga prezantimi i saj i qetë, deri te kulmi i saj shpërthyes operistik dhe mbyllja emocionale, kënga është një udhëtim i vetëm. E njohur për tekstet e saj enigmatike, interpretimi personal i çdo dëgjuesi është pjesë përbërëse e tërheqjes së saj. Por për më tepër, se teksti i saj përkoi fatkeqësisht edhe me fundin e këngëtarit, teksa shumë fansa kuptuan se Freddie kishte parandjerë fundin e tij të parakohshëm.

“Imagine” – John Lennon

“Imagine” i John Lennon është bërë një himn universal i paqes dhe vëllazërisë. Fjalët e thjeshta, por të fuqishme të Lennon-it pikturojnë një portret të një bote pa barriera dhe ndarje, një vend ku njerëzimi jeton në harmoni. E frymëzuar nga aktivizmi dhe dëshira për ndryshime pozitive, kënga ka bashkuar njerëz të të gjitha moshave dhe kulturave në vizionin e saj utopik.

“Shape of You” – Ed Sheeran

“Shape of You” i Ed Sheeran është një shembull se si muzika mund të rezonojë kudo. Ritmi dhe tekstet e tij infektive që eksplorojnë tërheqjen dhe pasionin e bëjnë atë një hit të pandalshëm. Kënga demonstron se si muzika mund të kapërcejë barrierat gjuhësore dhe kulturore për të bashkuar njerëz nga e gjithë bota.

“Billie Jean” – Michael Jackson

“Billie Jean” i Michael Jackson është një testament i fuqisë së mbretit të popit për të krijuar hite ikonike. Ritmi i veçantë dhe zëri i pagabueshëm i Jackson-it krijuan një vulë të pashlyeshme në historinë e muzikës pop. Kënga, e shoqëruar me videoklipin e saj ikonik, përcaktoi një dekadë dhe mbetet aktuale në kulturën e sotme.

“Like a Rolling Stone” – Bob Dylan

“Like a Rolling Stone” i Bob Dylan është një shembull se si muzika mund të jetë një platformë për shprehje sociale dhe politike. Gjatë një kohe ndryshimesh dhe pyetjesh, kënga rrëmbeu frymën e një brezi me tekstet e saj introspektive dhe sfiduese. Fuqia e tij për të vënë në dyshim status quo-në dhe për të shkaktuar reflektime është ende e rëndësishme sot.

“Hej Jude” – The Beatles

“Hey Jude” nga The Beatles është një kujtesë se si muzika mund të sjellë ngushëllim në kohë të vështira. E shkruar nga Paul McCartney për djalin e John Lennon, kënga u bë një mesazh inkurajimi dhe mbështetjeje. Kori i tij masiv i fton dëgjuesit të bashkohen dhe të këndojnë së bashku, duke krijuar një ndjenjë të komunitetit përmes muzikës.

“Despacito” – Luis Fonsi dhe Daddy Yankee

“Despacito” nga Luis Fonsi dhe Daddy Yankee theu kufijtë dhe u shndërrua në një fenomen global, duke qenë një nga këngët më të dëgjuara në botë. Duke bashkuar reggaeton me elementë pop, kënga demonstroi se si muzika mund të kapërcejë pengesat gjuhësore dhe kulturore për të arritur audiencën në mbarë botën. Ritmi dhe energjia e saj infektive e bënë atë një ndjesi që kapërcen muzikën latine.

“Smells Like Teen Spirit” – Nirvana

“Smells Like Teen Spirit” i Nirvana-s përmbledh qëndrimin dhe ankthin e brezit grunge të viteve ’90. Energjia e tij e papërpunuar dhe mesazhi i pakënaqësisë rezonuan te të rinjtë që kërkonin një zë për frustrimet e tyre. Kënga u bë një himn rebelimi dhe autenticiteti, dhe trashëgimia e saj vazhdon të ndikojë në muzikën alternative edhe sot.

“Rolling in the Deep” – Adele

“Rolling in the Deep” e Adele është një shembull se si muzika mund të përcjellë emocione të thella dhe universale. Zëri i fuqishëm dhe tekstet prekëse të Adelës krijojnë një lidhje të drejtpërdrejtë me përvojat njerëzore të dashurisë dhe humbjes. Kënga u bë himn i qëndresës dhe i vetëfuqizimit.

“Hotel California” – Eagles

“Hotel California” e Eagles është një këngë mendimtare dhe e interpretueshme që është kthyer në një nga këngët më të famshme në botë. Me narrativën e saj enigmatike dhe harmonitë dalluese, kënga ka intriguar dëgjuesit e të gjitha moshave. Riff-i ikonë i kitarës dhe atmosfera e frikshme e kanë bërë atë një nga pjesët më të dashura të rock-ut klasik. Dhe të mendosh se u shkruajt një natë para koncertit, në ambientet e zymta të një dhome hoteli plot tym duhani dhe alkool.


Gazeta Dita

https://gazetadita.al/cilat-jane-10-...ine-e-muzikes/

[sirena_adria]

Me Orkestrën Simfonike të Ushtrisë / Koncerti “La femme” me 21 kompozitore gra, nga himnografja që shkroi për një kurtizane

Mbahet në Tiranë të martën në mbrëmje, koncerti “La femme”, që bashkon muzikën e grave kompozitore nga Lindja e Mesme, Ballkani, Europa Perëndimore e Lindore Afrika e Jugut, SHBA-ja, Kanadaja e Amerikan Latine, mes tyre sigurisht edhe nga Shqipëria ku përfshihen Lola Gjoka e Eriona Rushiti. Mezosopranoja Flaka Goranci, producente e koncertit, na njeh me idenë.

“Është një program me 21 pjesë kompozitoresh gra, që sjell një rrugëtim dhe histori të ndryshme duke nisur nga kompozitorja e parë femër para 1 mijë vitesh. Është një tregim e inspirim, është muzikë e shumëllojshme e jo vetëm klasike duke përfshirë edhe këngë shumë të njohura si “Besame mucho” që janë shkruar nga gra”, thotë Flaka Goranci.

Koncerti e çon audiencën në një udhëtim muzikor përmes shumëllojshmërisë së stileve, zhanreve dhe kulturave të përfaqësuara nga kompozitoret. Është një nderim për krijimtarinë dhe shprehjen unike të vizioneve muzikore femërore duke nisur nga dy shenjtore të kishës, Kasia nga Kostandinopoja dhe Hildegarde Von Bingen, nga Gjermania.

“Kompozitorja e parë vlerësohet të jetë Kasia nga Konstandinipoja që ka qenë një një himnografe. Si duket, jeta e murgeshave ka qenë mjaft moderne dhe në atë kohë dhe ato kanë protestuar për disa të drejta. Krijimtaria e Kasias, “Pelagia”, flet për një kurtizane që ishte kthyer në murgeshë dhe jetonte e fshehur.

Më pas kam edhe , krijimtarinë e Hildegarde Von Binden ishte një grua jashtëzakonisht e veçantë, ajo nuk merrej vetëm me muzikë por ka edhe libra të tjera për ushqimin për shembull dhe është e njohur në gjermani, atje ishte e shenjtë”, thotë Flaka Goranci.

Koncerti me hyrje të lirë, mbahet në kuadër të Javës Kulturore Austriake me dirigjimin e Konstantinos Diminakis dhe me Orkestrën Simfonike të Forcave të Armatosura të Shqipërisë.

/ m.j - Java News

https://javanews.al/me-orkestren-sim...nje-kurtizane/




https://www.youtube.com/watch?v=d6gLCPof100