Lajme nga bota e muzikës

[sirena_adria]

Liverpool will host Eurovision 2023 on behalf of Ukraine

[sirena_adria]

Eurovision Song Contest 2023: 37 Participating Countries joining us in Liverpool!


https://telegrafi.com/konfirmohen-37...rovision-2023/

Konfirmohen 37 shtetet që do të marrin pjesë në Eurovision 2023

[sirena_adria]

Eurovision 2023: All 37 countries ranked based on who is waiting the longest for a Win

[sirena_adria]

Përfaqësuesi i Shqipërisë për Eurovision zgjedhet vetëm nga PUBLIKU !

Festivali i 61-të i Këngës në RTSH, do të japë 3 çmime të para: vendi i parë, vendi i dytë dhe vendi i tretë. Një çmim për artistët e rinj dhe grupet alternative dhe një çmim për karrierë.

Ndryshe nga vitet e kaluara, Festivali i 61-të i Këngës në RTSH vjen me një risi lidhur me këngën që do të përfaqësojë Shqipërinë në Eurovizion, fituesi i së cilës do të zgjidhet vetëm me votat e publikut me anë të SMS-ve.

Çmimi për 3 vendet e para, çmimi për artistët e rinj dhe grupet alternative si dhe çmimi për karrierën do të jepen pas një vlerësimi nga Juria.

Në festivalet e mëparshme të Këngës në RTSH fituesi i çmimit të parë ka përfaqësuar Shqipërinë në Eurovizion, por këtë vit, vendin tonë në “Eurovision Song Contest 2023” që do të zhvillohet në Britaninë e Madhe, do e përfaqësojë ajo këngë e cila do të rezultojë më e votuara nga publiku.


/ KultPlus.com

https://www.kultplus.com/muzika/perf...m-nga-publiku/

[sirena_adria]

Shqiptarja GALA DRAGOT (Aliaj) konkurron për të përfaqësuar Belgjikën në Eurovision !

Transmetuesi belg VRT ka zbuluar shtatë artistët që do të konkurrojnë për të përfaqësuar vendin në “Eurovision 2023”, që do të mbahet në Maj në Liverpool. Mes artistëve të njohur që do të konkurrojnë më 14 janar në Paleis 12 është dhe Gala Dragot, vajza e Robert Aliajt.

Lajmi në faqen e festivalit evropian shoqërohet edhe me një prezantim të shkurtër të artistes shqiptare. “17-vjeçarja Gala Dragot është artistja në Eurosong 2023. Dy vjet më parë ajo fitoi “The voice kids” dhe publikoi këngën e saj të parë “Infektive”. Gala vjen nga një familje artistësh.

Babai i saj Robert Aliaj Dragot është një nga figurat më të spikatura të botës së showbiz-it shqiptar dhe një artist bashkëkohor. Të dy prindërit e saj e kanë inkurajuar gjithmonë që të frymëzohet nga forma të ndryshme të artit. Është nxënëse në gjimnazin e Arteve, luan piano, pikturon dhe ka pasion filmin.

Gala Dragot pëlqen të imitojë artistë si Massive Attack, Björk, David Boëie dhe Rosalía. Por ajo ka një dashuri të madhe edhe për kompozitorët klasikë si Ravel, Chopin dhe Rachmaninoff”, shkruhet në faqen e Eurosong.

Secili artist do të prezantojë dy këngë sipas dëshirës së tij. Artisti që do të performojë përfundimisht në Eurovision Song Contest do të zbulohet gjatë një shfaqjeje të madhe live, pasi shikuesit dhe një juri profesionale vendosin se kush do të përfaqësojë Belgjikën.


https://www.albora.ch/shqiptarja-kon...ne-eurovision/


Eurovision 2023 Belgium - Meet the Finalists!

https://www.youtube.com/watch?v=MdDkUgwEwB8

[sirena_adria]

BEBE REXHA e nominuar për GRAMMY në të njëjtën kategori me BEYONCE

Bebe Rexha është e vetmja artiste shqiptare me famë ndërkombëtare që ka arritur të nominohet sivjet në ceremoninë e madhe të ndarjes së çmimeve, Grammy Awards 2023.

Ajo është nominuar në kategorinë “Kënga më e mirë ritmike/elektronike” për këngën e saj hit “I’m good (Blue)” në bashkëpunim me DJ David Guetta.

Në po të njëjtën kategori për të fituar këtë çmim, ajo ka një konkurrencë mjaft të fortë pasi e nominuar është edhe vet diva e muzikës botërore, Beyonce.

E pyetur nga fansat se nëse mendon se do të arrijë ta mposhtë Beyoncen në këtë kategori, 33-vjerçarja është shprehur mjaft skeptike.

“Bebe Rexha a mendon se do të fitosh para Beyonces”, ka pyetur një fanse, së cilës shqiptarja i është përgjigjur: “Jo, haha”.

Grammy Awards 2023 do të mbahet më 5 shkurt të vitit 2023 në Crypto.com Arena, në Los Angeles.


Katror.info

https://katror.info/e-nominuar-ne-te...cmimin-grammy/

[sirena_adria]

Eurovision anulon votimin e Jurise ne Gjysmefinale. Ndryshimet ne konkursin e vitit te ardhshem !

Eurovision Song Contest ka njoftuar ndryshime të mëdha në procesin e votimit në konkursin e vitit të ardhshëm.


Juritë profesionale janë hequr nga gjysmëfinalet, që do të thotë se shikuesit vetëm do të zgjedhin se kush kualifikohet për finalen e madhe.

Vendet që nuk konkurrojnë në garë do të lejohen gjithashtu të votojnë për herë të parë.

Lëvizja vjen pasi u zbulua se gjashtë anëtarët të jurisë “shitën” votat në konkursin e këtij viti në Torino, Itali.

Modele të parregullta votimi u zbuluan nga Azerbajxhani, Gjeorgjia, Mali i Zi, Polonia, Rumania dhe San Marino, tha EBU, e cila organizon konkursin.

Këto vota të jurisë u zbritën dhe u zëvendësuan me një rezultat të përgjithshëm, të llogaritur nga rezultatet e vendeve të tjera me të dhëna të ngjashme votimi.

Në fund, konkursi u fitua nga Kalush Orchestra e Ukrainës, me Sam Ryder të Mbretërisë së Bashkuar që zuri vendin e dytë.

Liverpool do të jetë mikëpritës i eventit në vitin 2023. Juritë profesionale, të cilat përbëhen nga kompozitorë profesionistë dhe figura të industrisë muzikore, kanë ekzistuar të paktën që nga konkursi i dytë i këngës në Eurovizion në 1957 (sistemi i votimit për konkursin e parë nuk është zbuluar kurrë).

Sipas sistemit aktual, rezultatet e tyre kombinohen me rezultatet e një votimi të publikut për të përcaktuar fituesin e përgjithshëm.

Kjo praktikë do të vazhdojë edhe në finale, thuhet në njoftimin e EBU-së.

Lejimi i vendeve jo-pjesëmarrëse për të votuar do të pasqyrojë “ndikimin global të eventit”, tha Martin Österdahl, mbikëqyrësi ekzekutiv i konkursit.

“Të gjithë ata që ndjekin konkursin, kudo që jetojnë në botë, mund të japin votën për këngët e tyre të preferuara”.

Votat online nga “pjesa tjetër e botës” do të bashkohen dhe do të konvertohen në pikë që do të kenë të njëjtën peshë si një vend pjesëmarrës në të dyja gjysmëfinalet dhe finalen e madhe, tha EBU.

Publiku shpesh ka shije të ndryshme nga juritë. Këtë vit, Ukraina fitoi me 439 pikë, por doli e katërta në votimin e jurisë, me 192 pikë.

Ndërkohë, Sam Ryder ishte i preferuari i anëtarëve të jurisë, duke marrë 283 pikë, por doli i pesti me votimin e shkiuesve në shtëpi.

Tridhjetë e shtatë vende do të marrin pjesë në konkursin e vitit të ardhshëm, ku Mali i Zi dhe Maqedonia e Veriut tërhiqen për shkak të kostos së pjesëmarrjes.

Rusia u përjashtua nga eventi i këtij viti pas pushtimit të Ukrainës. Pritet që vendi gjithashtu të përjashtohet në vitin 2023.


Panorama.al

http://www.panorama.com.al/eurovisio...t-te-ardhshem/

[sirena_adria]

"Cold Heart" kënga e kënduar nga Dua Lipa dhe Elton John më e kërkuara në Shazam për Vitin 2022!

Apple Music publikoi listën e këngëve më të dëgjuara për vitin 2022.


Kënga “Stay” e Kid Laroi dhe Justin Bieber ishte më e dëgjuara për këtë vit, sipas të dhënave te Apple.

Kënga “Stay” e cila ishte në krye të listës së 100 këngëve më të pëlqyera për 7 javë gjatë verës, ishte më e pëlqyera edhe në listën botërore të platformës Apple Music. “Stay”, qëndroi kënga më e pëlqyer tek platforma Apple Music për 51 ditë rresht.

“Cold Heart” e kënduar nga Dua Lipa dhe Elton John ishte kënga më e kërkuar në aplikacionin Shazam.

“We Don’t Talk About Bruno” nga muzikali “Encanto” ishte kënga me tekstin më të lexuar për vitin 2022, sipas platformës Apple Music.

Të dhënat tregojnë edhe për rritjen e popullaritetit të këngëve jo në gjuhën angleze. Këngët afrikane kanë shënuar rritje në kërkimet e Shazam ndërsa këngët në gjuhën japoneze patën rritje mes teksteve më të lexuara.

Në nëntor, Apple Music kurorëzoi superyllin e regetonit, portorikanin Bad Bunny, si “Artistin e Vitit” falë albumit të tij të fundit, “Un Verano Sin Ti,” i cili u bë albumi më i degjuar në Apple Music për vitin 2022 dhe albumi më i suksesshëm i muzikës latine i të gjitha kohërave.


/VOA / Panorama.al

http://www.panorama.com.al/cold-hear...er-vitin-2022/

[sirena_adria]

DUA LIPA ndan momente pikante nga koncerti në Tiranë: 200 mijë njerëz, shfaqja jonë më e madhe në ditën e Pavarësisë!

Këngëtarja shqiptare me famë botërore, Dua Lipa, ka publikuar disa foto nga koncerti madhështor që mbajti në datën 28 Nëntor në Tiranë, në 110 vjetorin e Pavarësisë së Shqipërisë.

Ylli i muzikës Pop shkruan se mbylli turneun e koncerteve në Tiranë me rreth 200 mijë spektatorë.

“94 shfaqje në të gjithë botën në një vit dhe duke i dhënë fund në Tiranë, Shqipëri për rreth 200 mijë njerëz, shfaqja jonë më e madhe solo EVER ~ në ditën e Pavarësisë!!! Gjithçka që mund të them është falënderimi më i thellë për një vit që më ka shtyrë të rritem përtej çdo gjëje që mund të kisha imagjinuar me njerëzit më të mëdhenj për ta ndarë atë. FUTURE NOSTALGIA FOREVER”, ka shkruar Dua.


https://newsbomb.al/dua-lipa-ndan-mo...-e-pavaresise/

[sirena_adria]

Top News-Në këngët më të dëgjuara të vitit/Në “Billboard” Dua Lipa, Bebe Rexha dhe Ava Max


Dua Lipa, Bebe Rexha dhe Ava Max janë klasifikuar në top listën e artisteve me disa këngë që janë votuar si më të dëgjuarat të vitit.

Lista është publikuar nga Billboard, Billboard i cili është llogaritësi më i madh i hiteve në Shtetet e Bashkuara të Amerikës. Aty përfshihen këngët më të dëgjuara të zhanreve të ndryshme muzikor.

Në krye të listës ishte Dua Lipa me këngën e saj “Cold Heart” në bashkëpunim me Elton John. Pjesë e listës janë edhe dy shqiptare të tjera: Bebe Rexha dhe Ava Max.

Ava Max ka zënë vendin e katërt me këngën “The Motto”, të cilën e ka në bashkëpunim me DJ-in e famshëm, Tiesto.

Ndërsa, në vendin e shtatë ndodhet e renditur Bebe Rexha për hitin e saj “I’m Good (Blue)” në bashkëpunim me David Guettan.

Duket qartë se këngëtaret shqiptare po ecin me hapa të pandalshme drejt suksesit.


Top Channel Albania

https://top-channel.tv/video/top-new...a-dhe-ava-max/

[sirena_adria]

Nga një strehë e bombave në Kiev, Ukraina zgjedh përfaqësuesit për “Eurosong 2023”

Edhe pse luftë, Ukraina ka zgjedhur përfaqësuesit e saj për në “Eurovision Song Contest”. “Heart of Steel” është kënga fituese që çon Ukrainën në Liverpool në vitin 2023.

Edhe pse në kushte jashtëzakonisht të vështira, Ukraina ka mundur të zgjedhë dyshen pop Tvorchi që ta përfaqësoj në festival, që këtë vit mbahet në Britaninë e Madhe, edhe pse Ukraina fitoi “Eurosong 2022” në Itali. Përzgjedhja e artistëve u zgjodhi në një transmetim të drejtpërdrejtë nga një strehë e bombave në Kiev.

Ukraina gjithmonë ka mbështetur artistët dhe sportistët duke i falenderuar edhe gjatë luftës dhe duke qenë mirënjohës për çfarë I kanë dhuruar sportit edhe atyre atletëve që tashmë kanë ndërruar jetë.

Ukraina arriti të kthejë një stacion metroje në një studio të vërtetë televizive për shfaqjen e përzgjedhjes së fituesve.


Koha Jone

https://kohajone.com/nga-nje-strehe-...eurosong-2023/

[sirena_adria]

Këta janë artistët më të shitur në mbarë botën bazuar në shitjet e certifikuara!

Ndoshta çuditërisht, grupi britanik i rock-ut The Beatles është në krye të listës për artistët më të shitur në mbarë botën, me 183 milionë njësi shitje të certifikuara. I dyti është Garth Brooks me mbi 157 milionë njësi shitje, i ndjekur nga Elvis Presley me 139 milionë njësi. Të gjithë artistët që hynë në listën e njëzet më të mirë janë të njohur ndërkombëtarisht për kontributin e tyre në muzikë dhe variojnë nga ikona e pop-it britanik Elton John deri tek legjendat amerikane të rock-ut si Metallica.

Artistët më të shitur në mbarë botën që nga gushti 2022, bazuar në shitjet e certifikuara (në milionë njësi) (Grafiku - në artikullin e Gazetës).

Çfarë kanë të përbashkët artistët më të shitur?

Artistët në renditjen e njëzet më të mirëve për shitjet e certifikuara në mbarë botën, të gjithë lanë gjurmën e tyre në muzikë në mënyrën e tyre unike. Megjithatë, ajo që bie në sy është se shumë prej artistëve në listë kanë arritur famë dhe sukses disa dekada më parë dhe kanë pasur fatin të kenë një ndikim të qëndrueshëm. Shumica e muzikantëve në listë kanë lindur në Shtetet e Bashkuara ose në Mbretërinë e Bashkuar dhe kanë filluar karrierën e tyre muzikore në vitet 1960 ose 1970.

Muzika e viteve 1960 shpesh konsiderohet revolucionare, me muzikë me prirje politike nga Bob Dylan dhe Joan Baez që kanë arritur një popullaritet të madh dhe rock psikodelik duke u bërë një nga shenjat muzikore të epokës. Grupi britanik psikodelik/progresiv i rockut Pink Floyd si dhe grupet rock The Rolling Stones dhe Led Zeppelin u formuan të gjithë në Londër në vitet 1960, si dhe The Beatles që filluan karrierën e tyre në Liverpool në fillim të dekadës.

Cilët artistë janë aktivë edhe sot?

Që nga viti 2022, vetëm disa nga artistët që hynë në listë mbeten aktive. Grupi amerikan Eagles kanë bërë turne rregullisht gjatë gjithë karrierës së tyre të gjatë.

Megjithatë, për fat të keq, disa nga muzikantët më të shitur në botë tani nuk janë më, duke përfshirë Elvis Presley, Whitney Houston dhe Michael Jackson. Disa grupe janë ende aktive muzikore, por pak e kanë ruajtur formacionin e tyre origjinal. Grupi australian i rock and roll-it AC/DC ka pësuar ndryshime të shumta në formacion gjatë viteve, më i fundit është zëvendësimi i vokalistit Brian Johnson me këngëtarin e Guns n’ Roses, Axl Rose.


Edel Strazimiri / SCAN

https://www.imalbania.com/keta-jane-...-certifikuara/

[sirena_adria]

Spotify arrin në 200 milionë abonentë me pagesë

Numri i abonentëve të Spotify arriti në 205 milionë në fund të vitit që lamë pas njoftoi kompania ditën e sotme.

Është një rritje me 14 përqind krahasuar me një vit më parë ndërsa numri i përgjithshëm i përdoruesve aktivë në muaj ishte 489 milionë ose 20 përqind më shumë.

Kompania priste një numër abonentësh me pagesë prej 202 milionë dhe në total prej 479 milionë.

Lajmi vjen vetëm një javë pasi Spotify njoftoi shkurtime në vendet e punës duke prekur 6 përqind të fuqisë punëtore ose 600 punonjës.

Megjithatë Spotify postoi një humbje operative prej 231 milionë eurosh. Edhe pse në pamje të parë të jep përshtypjeje e një trendi negativ, kompania kishte parashikuar humbje në shifrat e 300 milionë eurove.

Të ardhurat mesatare për abonent ishin 4.55 euro. Spotify konsiderohet si platforma streaming e muzikës më e madhe në botë.


https://www.imalbania.com/spotify-ar...nte-me-pagese/

[sirena_adria]

40 këngët më të preferuara të shoferëve në Angli

Ata ndoshta nuk kanë pasur në mendje shoferët kur e kanë shkruar, por një hit i madh ‘Queen’ ishte në krye të një sondazhi në Angli për këngët e preferuara që shoferët dëgjojnë në makinat e tyre.

Sondazhi i 2000 shoferëve në Mbretërinë e Bashkuar zbuloi se 78% e të anketuarve këndonin në makinë, edhe pse vetëm 21% e atyre që kënaqen duke kënduar melodi mendojnë se ato janë të mira.


Në vend të parë ishte “Don’t Stop Me Now” i Queen’s, i lëshuar si single në 1979. Abba’s Dancing Queen është në vendin e dytë, e ndjekur nga Livin’ on a Prayer e Bon Jovi në vendin e tretë.

Më shumë se katër në 10 (42%) që kënaqen duke kënduar në makinë pohojnë se të kënduarit është thelbësor për përvojën e tyre të vozitjes, ndërsa 51% thonë se kjo thjesht i bën ata të lumtur. Megjithatë, 37% duhet të dëgjojnë këngët e pasagjerëve ose shoferëve gjatë rrugës, duke i bërë udhëtimet e tyre më pak të këndshme.

Studimi i OnePoll në bashkëpunim me Fiat zbuloi se 16% e shoferëve u është thënë të ndalojnë së kënduari, ndërsa 11% janë vënë në telashe pasi janë kapur duke e bërë atë.


40 këngët më të mira të makinave, sipas sondazhit

- Queen – Don’t Stop Me Now
- Abba – Dancing Queen
- Bon Jovi – Livin’ on a Prayer
- Neil Diamond – Sweet Caroline
- Meatloaf – Bat out of Hell
- Fleetwood Mac – Go Your Own Way
- The Killers – Mr Brightside
- Kings of Leon – Sex on Fire
- Pharrell Williams – Happy
- Bruce Springsteen – Born to Run
- Spandau Ballet – Gold
- The Beatles – Hey Jude
- Fleetwood Mac – The Chain
- The Weather Girls – It’s Raining Men
- Culture Club – Karma Chameleon
- Rod Stewart – Maggie May
- Dire Straits – Money for Nothing
- Taylor Swift – Shake It Off
- Steppenwolf – Born to be Wild
- Cyndi Lauper – Girls Just Want To Have Fun
- Take That – Never Forget
- Bryan Adams – Run to You
- Petula Clark – Downtown
- Fleetwood Mac – Dreams
- David Bowie – Let’s Dance
- David Bowie – Heroes
- Lady GaGa – Poker Face
- Rihanna – Umbrella
- Beyoncé – Single Ladies
- Duran Duran – Rio
- Frank Sinatra – Fly Me To The Moon
- Alanis Morissette – Ironic
- Frank Sinatra – My Way
- Katy Perry – Roar
- Harry Styles – As It Was
- Madonna – Holiday
- Michael Jackson – Smooth Criminal
- Demi Lovato – Let It Go (from “Frozen”)
- Madonna – Like a Virgin
- Depeche Mode – Just Can’t Get Enough.


/ abcnews.al / KultPlus.com

https://www.kultplus.com/muzika/40-k...reve-ne-angli/

[sirena_adria]

SJELL PROJEKTIN E PARË NË GJUHËN SHQIPE

Bebe Rexha surprizon shqiptarët!

Të gjithë e kemi kërkuar dhe ja ku na e plotësoi dëshirën! Bebe Rexha sapo na ka zbuluar se ka gati një këngë në gjuhën shqipe, le të themi më mirë hit pasi ashtu do jetë.

”Të dua”– titullohet projekti i artistes shqiptare me famë botërore e cila kujton në çdo moment prejardhjen e saj. Bebe ka zbuluar një fragment nga projekti i saj me Dj Gimi, i cili flet për një histori dashurie.

”A e di sa shumë të dua”- dëgjohet të thotë Bebe në gjuhën shqipe, e duhet pranuar se i shkon shumë këndimi në shqip.

Se kur do publikohet, na mbetet të presim. Deri ditën e publikimit, na mbetet të dëgjojmë refrenin “non-stop”.


Konica.al

https://konica.al/2023/05/bebe-rexha...on-shqiptaret/

[sirena_adria]

Mbani frymën, Enrique Iglesias dhe Ricky Martin do të performojnë në Tiranë

Më 30 Qershor do të jetë Enrique Iglesias ai i cili do të “ngrejë peshën” Tiranën, ndërsa më 20 Korrik, Ricky Martin do të performojë në sheshin “Skëndërbej”.

Ylli botëror i muzikës në kuadër të turit të tij “RICKY MARTIN SYMPHONIC”, ka vendosur që të bëjë një ndalesë të vogël edhe në Shqipëri.

Ai do të përformojë në sheshin “Skëndërbej” dhe do të shoqërohet nga Orkestra Kombëtare e Tiranës dhe grupi i tij për të sjellë më të mirën e muzikës së tij.


Newsbomb.al

https://newsbomb.al/mbani-frymen-enr...jne-ne-tirane/

[sirena_adria]

“I’M GOOD (BLUE)”

Bebe Rexha dhe David Guetta thyejnë një tjetër rekord!


David Guetta dhe Bebe Rexha kanë dëshmuar gjithmonë se bashkëpunimet e tyre janë shumë të suksesshme.

Që nga hera e parë kur dyshja bashkëpunuan në këngën “Hey Mama”, ata kanë pasur sukses dhe më pas e vazhduan bashkëpunimin edhe në tri këngë të tjera.

E fundit u publikua vitin e kaluar, kënga “I’m Good (Blue)”, e cila erdhi si një ripërpunim modern i këngës legjendare “Blue” të Eiifel 65.

Kënga e cila u publikua fillimisht në gusht dhe më pas edhe me klip në shtator të vitit të kaluar, është pritur tejet mirë nga fansat.

Kjo këngë tashmë ka arritur të shënojë mbi një miliard dëgjime në platformën më të madhe të muzikës në botë, Spotify.

Këtë gjë e kanë bërë të ditur vet artistja shqiptare dhe Guetta, përmes shpërndarjes së një statusi të Spotify-t në rrjetin social Twitter.

“I’m Good (Blue)”, ka qenë këtë vit e nominuar edhe në mbrëmjen më të madhe të ndarjes së çmimeve të muzikës, Grammy Awrds 2023, në kategorinë “Kënga më e mirë ritmike/elektronike”.

Të njëjtët u nominuan edhe në Brit Awards 2023 për “këngën më të mirë të vitit”, por në të dyja ceremonitë e çmimeve u mundën nga Beyonce me këngën “Break my soul”.

Gjithsesi, ata fituan çmimin ‘Bashkëpunimi më i mirë’ në ceremoninë evropiane të çmimeve, MTV Europe Music Awards 2022.


Konica.al

https://konica.al/2023/06/im-good-bl...tjeter-rekord/

[sirena_adria]

Legjenda e muzikës latine, Ricky Martin do të performojë në Tiranë, këngëtari i fton të gjithë: Shpresoj të më bashkoheni

Këngëtari i njohur i muzikës latine Ricky Martin do të performojë për herë të parë në Tiranë. Ylli botëror i cili po zhvillon turin e tij “Ricky Martin Symphonic”, do të ndalojë dhe në vendin tonë.

“Po!! Shumë i lumtur të njoftoj se do të jem në Tiranë, Shqipëri më 20 korrik me koncertin tim Simfonik dhe Orkestrën Kombëtare të Tiranës. Shpresoj që të gjithë të mund të më bashkoheni në koncertin tim të parë në Shqipëri”, ka shkruar artisti.


Lexo.al

https://www.lexo.al/2023/06/legjenda...me-bashkoheni/

[sirena_adria]

“Praising You” e Rita Orës dhe FatBoy Slim është kënga më e lëshuar në klubet e natës në Mbretërinë e Bashkuar

Këngëtarja shqiptare me famë botërore, Rita Ora, ka pak javë që ka publikuar këngën dhe klipin e saj më të fundit, “Praising You”.

Kënga e cila vjen si bashkëpunim me FatBoy Slim dhe është një ripërpunim modern i hitit klasik “Praise You”, është pritur shumë mirë nga publiku.

Ajo madje për ditë të tëra rezultoi si kënga më e lëshuar në radiot amerikane.

E mesa duket, “Praising You” ka gjetur simpatinë e njerëzve edhe në diskoteka dhe festa të ndryshme në Mbretërinë e Bashkuar.

Madje sipas matësit të statistikave, MusicWeek’s Club Charts, ajo rezulton të jetë kënga më e lëshuar në klubet e natës në Britaninë e Madhe.

Kjo e dhënë është bërë e ditur nga postimet e vet fansave të këngëtares, të cilat më pas Rita i ka shpërndarë në rrjetin social Instagram.

“Uau, ‘Praising You’ është kënga më e lëshuar në klubet e natës në mbretërinë e Bashkuar”, thuhet në njoftim.

“Praising You” është kënga e dytë e albumit të saj të ri në ardhje, pas “You Only Love Me” e cila u publikua në janar të këtij viti.

Ndërkohë albumi i saj i ri “You and I” është bërë e ditur se do të publikohet i plotë më datën 24 korrik.


/ Telegrafi /

https://telegrafi.com/praising-e-rit...ne-e-bashkuar/

[sirena_adria]

Tenori me fame botërore, Placido Domingo në Tiranë! Ja kur mbahet koncerti në Sheshin Skënderbej