RIAD- Një vajzë nga Arabia Saudite, në moshë 12 vjeçe, po zhvillon betejë për divorc nga burri i saj 80-vjeçar. Në këtë drejtim po i ndihmon Komisioni për të drejtat e njeriut, gjë që paraqet rastin e parë të tillë në këtë vend. Vajza para një viti u detyrua për martesë me kushëririn e babait të saj për një pajë prej 17 000 eurove.
Nëna e vajzës shumë shpejt ka kërkuar divorc në emër të bijës së saj, por pas pak kohësh e tërhoqi kërkesën pa kurrfarë sqarimi. Interesat e vajzës 12 vjeçe po i përfaqëson Komisioni saudit për mbrojtjen e të drejtave të njeriut, i cili kërkon divorc në emër të saj.
Aktivistët e këtij komisioni shpresojnë se kjo procedurë për divorc do të bëjë të mundshme aplikimin e kufirit të ulët të moshës për lidhje të një martese.
Në viset e varfra të Arabisë Saudite martesat e dhunshme ndërmjet fëmijëve dhe të rriturve janë ende dukuri e shpeshtë.
(m.a/BalkanWeb)
Krijoni Kontakt