Albin Kurti

[ARIANI_TB]

Vetëvendosje kundër shitjes së Trepçës
Publikuar: Sot, më 02 mars 2011

Prishtinë, 2 mars - Lëvizja Vetëvendosje, duke u bazuar në vendimin e datës 28 shkurt 2011 të Dhomës së Veçantë të Gjykatës Supreme të Republikës së Kosovës për vendosjen e një administratori ndërkombëtar për ndërmarrjen Trepça, është deklaruar kundër këtij vendimi, duke e cilësuar atë si të padrejtë dhe të papranueshëm.

Sipas Vetëvendosjes, ky vendim u morr në bazë të rregullores së UNMIK-ut 2005/48, rregullore të cilat, sipas Lëvizjes, nuk do të duhej të ishin në fuqi në Kosovë.

“Pas luftës, Trepça është administruar nga UNMIK-u dhe AKM-ja (tash AKP). Problemet kryesore të mosfunksionimit të saj ishin çështja e statusit të ndërmarrjes dhe po ashtu borxhi i supozuar ndaj kreditorëve të huaj në emër të kësaj ndërmarrje (rreth 200 milion euro) që nga vitet 1990. Këto konteste kanë bërë që në vitin 2005 kjo ndërmarrje të futet në moratorium. Gjendja e tillë statusore dhe mosinteresimi i qeverive të pasluftës ka kontribuar në degradimin dhe shkatërrimin e mëtejmë të ndërmarrjes, sepse duke qenë me status të “ngrirë” ajo thjeshtë është lënë pas dore”, thuhet në reagimin e Vetëvendosjes.

Lëvizja thotë se qeveritë e pasluftës, në vend se të angazhoheshin për rimëkëmbjen e Trepçës, gjë që ka qenë e mundur për shkak të potencialit të madh zhvillimor të kombinatit; kapacitetet teknike-teknologjike dhe rezervat e mëdha të verifikuara të xehes së plumbit, zinkut, argjendit, arit, kadmiumit etj., “ato përkundrazi e kanë nxitur shitjen e Trepçës si dhe të gjitha ndërmarrjeve tjera publike e shoqërore”.


“Vendimi për emërimin e administratorit të ri për Trepçën, është marrë vetëm me qëllimin e falimentimit të ndërmarrjes dhe pastaj privatizimin e saj, si dhe shlyerjen e borxheve të supozuara ndaj kreditorëve të huaj”, vlerëson Vetëvendosje.

Lëvizja Vetëvendosje, ka dalë edhe në mbrojtje të sindikalistëve të Trepçës, të cilët kanë reaguar ashpër në kundërshtim të këtij vendimi arbitrar, të cilët, ndër të tjera, kërkojnë “përcaktimin e statusit të Trepçës, shfuqizimin e rregullores UNMIK 2005/48, heqjen e moratoriumit të Trepçës, miratimi e Strategjisë së Ristrukturimit të Trepçës si dhe miratimin e ligjit për pensionim të parakohshëm”.

“Jemi kundër privatizimit të ndërmarrjeve publike dhe të pasurive strategjike të Kosovës të cilat kanë potencial përfitimi të madh dhe që janë baza e zhvillimit ekonomik të vendit”, thuhet në reagimin e Lëvizjes Vetëvendosje.

[ARIANI_TB]

Vallja e negociatave me korrupsionin

Duket që faktorët ndërkombëtarë në Kosovë tashmë u përcaktuan: nuk do të ketë luftim të korrupsionit në Kosovë dhe as mbështetje të sistemit vendës të drejtësisë për luftimin e korrupsionit. Faktorët ndërkombëtarë përsëri u përcaktuan për negociatat e radhës ndërmjet Kosovës e Serbisë dhe jo për luftën kundër korrupsionit.

Edhe nëse kishte prokurorë vendës a ndërkombëtarë që e merrnin punën e tyre seriozisht, të gjitha bastisjet e kryera dhe paditë e përgatitura përfundimisht u kuptimësuan si trysni mbi politikanët para negociatave, e jo si proces i drejtësisë.

Ethet prej më shumë se një viti të politikanëve kryesorë se do të mund të arrestohen, gjykohen e dënohen për korrupsion, atyre tash iu kujtohen si një ëndërr e keqe, ndërkaq qytetarëve që shpresonin se do të ketë ndëshkim për të korruptuarit, e gjitha iu kujtohet si një ëndërr e bukur. Ama gjithsesi ëndërr se ëndërr, apo jo?


S’ka dyshim që nuk është e mundur t’i kemi njëkohësisht të dyja në Kosovë: edhe negociatat me Serbinë, edhe luftimin e korrupsionit në Kosovë. Sepse janë pikërisht politikanët më të korruptuar ata që do të negociojnë me Serbinë në emër të Kosovës e në kurriz të Kosovës. Në vend të akuzave dhe arrestimeve për zyrtarët shtetërorë e krerët institucionalë e partiakë që shpërdoruan postet e paranë publike, kemi detyrim të tyre për negociata me Serbinë për çështjet e brendshme të Kosovës.

Shikimi nga Brukseli rregullisht i jep përparësi stabilitetit në Serbi kundrejt drejtësisë, demokracisë e zhvillimit në Kosovë. Sepse Brukseli me fanatizëm vazhdon t’i përmbahet doktrinës së stabilitetit afatshkurtër që sakrifikon demokracinë kur vjen puna te rajoni i Ballkanit Perëndimor. ShBA-të nuk duken as për së afërmi të interesuara si dikur, me përjashtim të ambasadorëve të saj që duken së tepërmi të interesuar, por jo në sferën që ky artikull ka për temë.


Me këto bisedime, që mendohet të nisin në këtë muaj, fiton shteti i Serbisë dhe pushteti në Kosovë. Shtetit të Serbisë i shtohet kontrolli mbi veriun e Kosovës, mbi enklavat me shumicë serbe dhe ai avancon në integrimet evropiane, kurse pushtetit në Kosovë i zgjatet jeta dhe i shtohet toleranca ndërkombëtare ndaj korrupsionit.

Ata që s’ia dinë për pasuritë dhe ndërmarrjet publike të Kosovës, për buxhetin e shtetit dhe cilësinë e jetesës së qytetarëve, ata s’çajnë kokën as për veriun e Kosovës. Dhe, natyrisht që vlen edhe anasjelltas… Kësisoj, populli i Kosovës del dyfish i humbur. Së pari, Kosovës i rrudhet territori dhe Kosova bëhet edhe më jofunksionale seç është tani.

Së dyti, politikanët e korruptuar vendës përderisa negociojnë me Beogradin amnistohen për të pabërat e tyre në Kosovë dhe kështu inkurajohen ta vazhdojnë avazin e vjetër të keqpërdorimeve e manipulimeve. Kur të korruptuarit (kosovarë) pranojnë të negociojnë (me Serbinë) atëherë korrupsioni (vendës) bëhet i negociueshëm (për ndërkombëtarët).

Nga deklaratat e fundit të diplomatëve të huaj kuptohet që shumë më i ngutshëm konsiderohet të jetë fillimi i këtyre bisedimeve të paralajmëruara sesa përfundimi i tyre. Pra, duan që të nisë procesi dhe nuk brengosen aq se kur do të mbarojë ai. Në fakt, kjo tregon që procesi i këtyre bisedimeve planifikohet të zgjasë bukur shumë. Nëse në Vjenë në vitet 2006 e 2007 Ekipi i Unitetit nga Kosova i bënte koncesione Serbisë me lugë supe, tash grupi negociator i Kosovës i kryesuar nga Edita Tahiri do t’i vazhdojë koncesionet me lugë çaji.

Njëherë komisione për dokumentet, pastaj hollësitë rreth policisë e gjyqësisë në veri, pastaj detajet rreth mbetjes së parave të grumbulluara nga doganat në veri etj. etj., deri te republika e re serbe në Kosovë, së cilës vetëm emri do t’i mungojë. Pak e nga pak deri sa të mbesim me aspak.

Ose, më saktë, deri sa të bëhemi si Bosnja që duket si një shtet i vetëm në hartë, por po shkove atje i gjen dy në mos edhe tri shtete të shkapërderdhura nëpër kantone e të ndara mbi baza etnike. I vetmi kufi kohor duket që është ai i dhjetorit të këtij viti kur planifikohet të jetë afati i fundit që Serbisë t’i jepet statusi i vendit kandidat për BE. Jo vetëm inicimi, por edhe fazat e këtij procesi të bisedimeve janë të përcaktuara nga nevojat dhe interesat e Serbisë e kurrsesi nga ato të Kosovës.

Qeverisë së Kosovës do t’i ngutet ose jo, varësisht se kur Serbisë i ngutet e kur jo.

Tre vjet më parë politikanëve shqiptarë në Kosovë iu lejua që ta shpallin pavarësinë formale, por pa substancë. Tre vjet më vonë Serbisë po i mundësohet substanca e autonomisë, por pa formën e saj.

Mirëpo, teksa sovranitetit si substancë e shtetit të pavarur të Kosovës po i venitet perspektiva, formës së autonomisë substanciale të serbëve brenda Kosovës i mbetet që me lehtësi të shpallet në fund të këtyre bisedimeve të reja.

[Gogi]

Kane per ta bere namin keta moleret e vetvendosjes

[halla mine]

A PO HUMBIM SI SHTET APO SI KOMB

Shkëlzen Haxhiu

Ngjarjet e fundit në Shqipëri, Kosovë, Maqedoni ishin rezultat i papjekurisë politike dhe mentalitetit individualist që zotërojnë lidershipet e këtyre shteteve.
Shikuar në retrospektivë, nuk është ndonjë risi që ngjarje të tilla denigruese, janë katapultuar dhe kanë sjellë rezultate përcmuese para bashkësisë ndërkombëtare.
Ishin pikërishtë këto procese të vonuara dhe të degraduara, që shqiptarët në tre shtetet e lartpërmendura i solli para një sfide dhe mëdyshje, e cila gjeneron vazhdimisht mosbesim dhe apati ndajë këtyre proceseve dhe liderëve që i përfaqësojnë ato.
Dinamika e avancimit të proceseve politike dhe integruese në të gjitha territoret shqipfolëse, dallojnë për shumë nuanca, në krahasim me shtetet e rajonit.

Shqipëria - si shtet me traditë pothuaj shekullore, i`u deshën njëzet vjetë tranzicion për t`a realizuar vetëm një pjesë të strategjisë nacionale, drejt integrimeve euroatlantike. Dikush do t`a quante normale këtë gjendje për një shtet postdiktatorial! Por nëse thellohemi në analizë të këtijë kapitulli njëzetvjecarë, rezultati del më ndryshe në krahasim me rezultatet e përfaqësuesve të këtyre proceseve, që janë institucionet dhe partitë politike në pushtet.

Në politikën e jashtme, Shqipëria gjatë njëzet viteve qëndroj në defanzivë politike, ekonomike dhe të sigurisë, kundrejtë fqinjëve të sajë. Kjo, jo vetëm që i shkaktoj kokëcarje të shumta avancimit të proceseve integruese, por ato ndikuan negativisht edhe në proceset e brendshme politike, të cilat degjeneruan pothuaj tër proceset që ishin konsideruar me rëndësi të vecantë nacionale. Gjithashtu, kjo defanzivë e politikës shqiptare, po i`u krijon shteteve fqinje terren të përshtatshëm politikë dhe diplomatik në kontestimin e sovranitetit territorial të sajë, siq është rasti me fqinjin e saj jugor, Greqinë. Shqiptarët asesi të kalojnë në ofenzivë politike ndaj fqinjëve, si pasojë e kundërthënjeve dhe përcarjeve të spektrit politikë i cili apetitet për pushtet i konkretizon dhe i shfaqë edhe dhunshëm. Kjo, jo vetëm që e vuri në sprovë opinionin e brendshëm dhe institucionet legjitime në Shqipëri, por ajo sprovoj edhe imazhin edhe ashtu të lënduar, që shqiptarët kishin krijuar kohë pas kohe në arenën ndërkombëtare. Shqipëria tashmë nga një komb që gjeneron stabilitet në rajon, rrezikon të gjeneroj jostabilitet i cili fatkeqësishtë po interferon edhe në shtetet fqinje. Sa herë që skena politike shqiptare trandet nga goditjet e brendshme dhe krizat e njëpasnjëshme politike, atëherë shqiptarëve në Maqedoni, Greqi por edhe në Kosovë, i`u servohen makinacione të cilat tentojnë t`a denigrojnë cënjen shqiptare përgjithësishtë.

Kosova - deri para pak kohe njihej si shteti më i ri në botë. Imazhi i sajë i krijuar në arenën ndërkombëtare e kishte dehur lidershipin e sajë në atë masë, që të mos e njohë më vetëveten. Sinjalet pozitive që vinin nga qendrat e vendosjes për shtetin e ri, ngjanin me analgjetikët të cilët përkohsishtë u`a fashitnin dhembjet e shkaktura nga sundimi fashist i Millosheviqit.

Mirpo, tre vjet pas pavarësisë së Kosovës, imazhi i „ kombit të ri“ është tërsisht tjetër. Dështimi në detyrat e shtëpisë për të cilat lidershipi i sajë u zotua se do t`i përmbushë me korrektësi i zhgënjeu të gjithë, parasëgjithash popullin e sajë. Lufta deklarative e prijësve të Kosovës kundër krimit të organizuar, korrupsionit, sundimit të ligjit etj. nuk ishte asgjë më shumë se sa një mashtrim optik dhe verbal.

Politikisht edhe Prishtina zyrtare qëndron në defanzivë politike dhe diplomatike kundrejtë Serbisë dhe shteteve tjera të rajonit. Kësaj defanzive i ka parapri situta e rëndë ekonomike, politike, sociale dhe nacionale që mbretëron në vend, si dhe mosfunksionimi dhe mosorientimi adekuat i atyre mekanizmave reputativ qeveritarë dhe shtetëror, për të rikthyer imazhin që Kosova e kishte dikur.

Lidershipi kosovar edhe tre vjet pas pavarësisë, lundron në vorbullën e politikës ndërkombëtar, me busollën të cilën e drejton dreqi dhe miqtë e tijë më të mirë. Ajo, po dështon në të gjitha segmente e shtetndërtimit, duke mos mundur që të i`u ofrojë as më të voglen asistencë bashkëkombasve të sajë në Luginën e Preshevës, Medvegjës dhe Bujanocit. Asnjë ofenzivë politike nuk është ndërmarrë nga Prishtina ndajë Beogradit, në këto tre vite të pavarësisë, e lëre më herët. Përderisa lidershipi i Kosovës dhe ai i Shqipërisë, merren me njëri tjetrin, shqiptarët në Mitrovicën e Veriut, Kosovën Lindore dhe në Maqedoni, ballafaqohen me ekzistencën e cënjes shqiptare në këto regjione. Andaj shtrohet pyetja: kur do të ndezen gjeneratorët e diplomacisë së mirëfilltë kombëtare, për t`a deligjitimuar politikën secesioniste të serbëve ne veri të Kosovës, dhe kur do t`i bëhet me dije bashkësisë ndërkombëtare që Lugina e Preshevës, Medvegjës dhe Bujanoci është një proces i pa përfunduar politikë për Republikën e Kosovës? Është ndoshta kjo një pikënisje e mirë për një ofenzivë diplomatike që diplomacia kosovare mund t`a ndërmerr kundrejtë Serbisë? Apo këto politika kombëtare janë të stërvjetëruara për mentalitetin e politikanëve shqiptarë të shekullit njëzet e një!


02/03/2011

[ARIANI_TB]

[Hard]

Kane per ta bere namin keta moleret e vetvendosjes

....a molera kukan bo a? ....paskan perparu ...pak deri dje vojagji tu u marr me vo , tash me molerizem ....po qaq ,skan kok per ma shum , e mjer veni qe i ka ....

[ARIANI_TB]

Fjala e Visar Ymerit, në Kuvendin e Kosovës, lidhur me ndarjen buxhetore
03 MARS 2011 - E Enjte 13:53
Ndarja buxhetit për vitin 2010 nuk ka qenë diçka për të cilën mund të lavdërohet Kosova e as diçka prej të cilës ka përfituar Kosova. Gjatë vitit 2010 ne kemi shpenzuar më së shumti, marrë për sektorë, në infrastrukturën rrugore, në projekte të paplanifikuara mirë të cilat nuk i sollën asnjë përfitim as Kosovës si shtet e as qytetarit të Kosovës, ndërkohë që janë lënë tërësisht anash ata sektorë të ekonomisë të cilat do ta zbusnin papunësinë dhe do ta pëmrirësonin bilancin tregtar të Kosovës. Pra është lënë anash prodhimi. Investimet në infrastrukturën rrugore janë të mira dhe të mirëseardhura. Mirëpo në rrethanat në të cilat jetojmë ne, me papunësi e varfëri që i kanë kapluar gjysmën e popullatës, me raport 1 me 10 të eksportit me importin, me shkatërrim sistematik të tokave bujqësore përmes ndërtimit e lënies djerrë, me degradim të vazhdueshëm të kapacitetit industrial të vendit përmes shitjes që po quhet privatizim, me degradim të vazhdueshëm të rrjetit të energjisë për shkak të mosfinancimit, me degradim të cilësisë së arsimit e shëndetësisë së qytetarëve, me nëpërkëmbje të vazhdueshme të të drejtave të pensionistëve, investimet shumë të shtrenjta në ndërtimin e rrugëve e autoudhëve moderne nuk mund të jenë prioritet ekonomik. Aq më pak janë prioritare ato rrugë me të cilat do të jetojmë njëjtë siç jemi duke jetuar pa to.



Nga ne është kërkuar që sot ta votojmë zgjatjen edhe për një muaj të shfrytëzimit të 1/12 së buxhetit të vitit të kaluar për administratën shtetërore. Prandaj edhe e bëra këtë hyrje për buxhetin e vitit të kaluar. Por problemet me këtë buxhet nuk përfundojnë këtu. Është bërë e zakonshme në Kosovë që përdorimi i parasë publike të jetë zakonisht i keq, pra keqpërdorim. Dhe ky keqpërdorim me kalimin e kohës ka filluar të bëhet edhe publik. Rastin më eklatant të kësaj e kemi vendimin e fundit të qeverisë së kaluar për ngritje të pagave të sektorit publik për 50%, vendim ky që na u shfaq në formën e premtimit elektoral, pra si metodë e blerjes së votave, dhe i cili, së paku deri tash, mbeti vetëm si i tillë: premtim elektoral i cili nuk u zbatua si shumë të tjerë.



Ne sot do të votojmë për ta lejuar përdorimin e 1/12 së buxhetit për muajin mars. Këtë e bëjmë për shkak se jemi të vetëdijshëm për rëndësinë e funksionimit të institucioneve shtetërore e publike të Kosovës, dhe të pagave për shërbyesit civil. Por po ashtu shprehim pakënaqësinë tonë me këtë mënyrë të ndarjes dhe shpenzimit të parasë publike. Prandaj i bëjmë thirrje Qeverisë së vendit që buxhetin e Kosovës ta marrë seriozisht dhe që ndarja buxhetore të reflektojë interesat e vendit dhe qytetarëve të Kosovës e jo ato të ministrave të kabinetit.

[Llapi]

Fjala e Visar Ymerit, në Kuvendin e Kosovës, lidhur me ndarjen buxhetore
03 MARS 2011 - E Enjte 13:53
Ndarja buxhetit për vitin 2010 nuk ka qenë diçka për të cilën mund të lavdërohet Kosova e as diçka prej të cilës ka përfituar Kosova. Gjatë vitit 2010 ne kemi shpenzuar më së shumti, marrë për sektorë, në infrastrukturën rrugore, në projekte të paplanifikuara mirë të cilat nuk i sollën asnjë përfitim as Kosovës si shtet e as qytetarit të Kosovës, ndërkohë që janë lënë tërësisht anash ata sektorë të ekonomisë të cilat do ta zbusnin papunësinë dhe do ta pëmrirësonin bilancin tregtar të Kosovës. Pra është lënë anash prodhimi. Investimet në infrastrukturën rrugore janë të mira dhe të mirëseardhura. Mirëpo në rrethanat në të cilat jetojmë ne, me papunësi e varfëri që i kanë kapluar gjysmën e popullatës, me raport 1 me 10 të eksportit me importin, me shkatërrim sistematik të tokave bujqësore përmes ndërtimit e lënies djerrë, me degradim të vazhdueshëm të kapacitetit industrial të vendit përmes shitjes që po quhet privatizim, me degradim të vazhdueshëm të rrjetit të energjisë për shkak të mosfinancimit, me degradim të cilësisë së arsimit e shëndetësisë së qytetarëve, me nëpërkëmbje të vazhdueshme të të drejtave të pensionistëve, investimet shumë të shtrenjta në ndërtimin e rrugëve e autoudhëve moderne nuk mund të jenë prioritet ekonomik. Aq më pak janë prioritare ato rrugë me të cilat do të jetojmë njëjtë siç jemi duke jetuar pa to.



Nga ne është kërkuar që sot ta votojmë zgjatjen edhe për një muaj të shfrytëzimit të 1/12 së buxhetit të vitit të kaluar për administratën shtetërore. Prandaj edhe e bëra këtë hyrje për buxhetin e vitit të kaluar. Por problemet me këtë buxhet nuk përfundojnë këtu. Është bërë e zakonshme në Kosovë që përdorimi i parasë publike të jetë zakonisht i keq, pra keqpërdorim. Dhe ky keqpërdorim me kalimin e kohës ka filluar të bëhet edhe publik. Rastin më eklatant të kësaj e kemi vendimin e fundit të qeverisë së kaluar për ngritje të pagave të sektorit publik për 50%, vendim ky që na u shfaq në formën e premtimit elektoral, pra si metodë e blerjes së votave, dhe i cili, së paku deri tash, mbeti vetëm si i tillë: premtim elektoral i cili nuk u zbatua si shumë të tjerë.



Ne sot do të votojmë për ta lejuar përdorimin e 1/12 së buxhetit për muajin mars. Këtë e bëjmë për shkak se jemi të vetëdijshëm për rëndësinë e funksionimit të institucioneve shtetërore e publike të Kosovës, dhe të pagave për shërbyesit civil. Por po ashtu shprehim pakënaqësinë tonë me këtë mënyrë të ndarjes dhe shpenzimit të parasë publike. Prandaj i bëjmë thirrje Qeverisë së vendit që buxhetin e Kosovës ta marrë seriozisht dhe që ndarja buxhetore të reflektojë interesat e vendit dhe qytetarëve të Kosovës e jo ato të ministrave të kabinetit.

haaaaaaaaaaaaaaaaaaaaaaaaa
sos na ka namin e ka ba ky far moleri i pshurrt

[ARIANI_TB]

VV: Seancë të jashtëzakonshme për bisedimet me Serbinë03-03-2011 16:13 CET Lëvizja Vetëvendosje, përmes një komunikate për medie, ka njoftuar se të enjten ka paraqitur pranë kryesisë së Kuvendit të Republikës së Kosovës kërkesën për seancë të jashtëzakonshme për të premten, më 4 mars, në të cilën do të diskutoheshin bisedimet me Serbinë.

“Qeveria e Kosovës e ka marrë me ngut çështjen e bisedimeve me Serbinë. Zëvendës kryeministrja znj. Edita Tahiri është emëruar udhëheqësja e ekipit negociator dhe i ka filluar takimet e para të saj me kryendërmjetësin Robert Cooper. Koordinatori i strategjisë së Qeverisë së Kosovës për veriun z. Ylber Hysa e vizitoi Beogradin javën e kaluar. Këto bisedime filluan prapa shpinës së Kuvendit të Republikës së Kosovës, ku është e domosdoshme të diskutohet së pari nëse negociatat duhet të ndodhin në parim, dhe së dyti nëse ato duhet të ndodhin në këtë mënyrë”, thuhet në komunikatën e Lëvizjes Vetëvendosje.

Prandaj, sipas kësaj lëvizjeje, është kërkuar një seancë të jashtëzakonshme e Kuvendit për të diskutuar për këto bisedime.

Vetëvendosje konsideron që bisedimet me Serbinë janë “tejet të dëmshme dhe të rrezikshme për Kosovën” që të trajtohen vetëm si njëra prej pikave në një seancë të zakonshme plenare të Kuvendit.

“Nuk ka asgjë të zakonshme në bisedimet që ato të trajtohen me këtë zakonshmëri. Prandaj kërkuam që ta kemi një seancë të jashtëzakonshme e cila do t’i kushtohej tërësisht këtyre bisedimeve”, vlerëson Vetëvendosje.

Sipas tyre, kjo lëvizje synon që përmes kësaj seance “ta miratojmë një rezolutë që i paraqet kushtet të cilat duhen plotësuar paraprakisht nga Serbia, në mënyrë që të mund të bisedojmë me të si dy shtete”.

“Në rrethanat aktuale kur Serbia nuk na e njeh shtetësinë, kur ajo as nuk tregon as keqardhjen më të vogël për historikun e saj kriminal në Kosovë, dhe kur ajo përmes strukturave të saja paralele është e angazhuar drejtpërdrejt në cenimin e sovranitetit e integritetit territorial të Kosovës, dhe ua rrezikon drejtpërdrejt jetën dhe pronën qytetarëve të Kosovës, bisedimet ia falin krimet Serbisë pa kërkuar ajo fare falje, dhe rrezikojnë ta çimentojnë këtë gjendje e ta shpërblejnë Serbinë për të kaluarën”, theksohet në fund të komunikatës së Lëvizjes Vetëvendosje.

[ARIANI_TB]

Nëse Vetëvendosje mbledh 40 nënshkrime, seanca mbahet nesër
Nga Express më 03 mars 2011 në ora 16:17
(E plotësuar) Kuvendi i Kosovës do ta thotë fjalën e vetë për bisedimet me Serbinë, në seancën që ka caktuar Kryesia e Kuvendit të mbahet të hënën, sipas kërkesës së parashtruar nga Qeveria për debat parlamentar para fillimit të dialogut Kosovë-Serbi. Kryesia në mbledhjen e mbajtur sot pasdite ka miratuar kërkesën e Qeverisë, ndërkaq kërkesa e Grupit Parlamentar të Lëvizjes Vetëvendosje është hedhur poshtë pasi që, siç ka bërë të ditur kryeparlamentari Jakup Krasniqi, Kushtetuta nuk e lejon që Kryesia e Kuvendit të marrë vendim për seancë të jashtëzakonshme.

Krasniqi ka thënë se kërkesa e GP të Vetëvendosjes ka qenë e bazuar në rregulloren e punës së Kuvendit, e cila i jep mundësi Kryesisë që të thërras seancë të jashtëzakonshme, mirëpo është Kushtetuta e Republikës ajo që përcakton që seancë të jashtëzakonshme mund të thërras vetëm Presidenti, Qeveria dhe 40 nënshkrime të deputetëve.

Në rast se GP i Vetëvendosjes arrin të mbledh 40 nënshkrime, atëherë sipas Krasniqit, seanca mund të mbahet nesër.

“Ne morëm vendim si Kryesi me konsensus mund të them, që të hënën të mbahet një seancë e Kuvendit të Kosovës në orën 10.00, për të debatuar për bisedimet Kosovë-Serbi. Nëse në ndërkohë, Grupi Parlamentar i Vetëvendosjes, sjellë kërkesën me 40 nënshkrime që seanca të mbahet nesër, kryesia nesër do ta shqyrtojë dhe do ta radhis për seancën e nesërme të jashtëzakonshme”, ka thënë Krasniqi.

Rezultat i debatit të zhvilluar, sipas Krasniqit, do të jetë një rezolutë e miratuar nga ligjvënësit e Kosovës.

“Pritet që në fund të debatit të ketë një rezolutë, të ketë një dokument, i cili pak a shumë do të jetë rezultat i debatit. Do të thotë mbi bazën e debatit që do të zhvillohet do të dal një dokument. Ne mendojmë që ky dokument, kësaj radhe duhet të jetë një rezolutë”, ka thënë ai.

Kryeministri i Kosovës Hashim Thaçi, në seancën e sotme të Kuvendit të Kosovës ka njoftuar ligjvënësit për përgatitjet që po i bën Qeveria për bisedimet me Serbinë dhe për emërimin e zëvendëskryeministres Edita Tahiri në krye të delegacionit të Kosovës.

Ai po ashtu ka kërkuar nga ligjvënësit që gjatë debatit për bisedimet të japin idetë e tyre dhe të nxjerrin konkluzionet për këtë proces. Thaçi ka garantuar se gjithçka sa i përket procesit të bisedimeve do të jetë transparente.

Vetëvendosje kërkon seancë të jashtëzakonshme për bisedimet

Lëvizja VETËVENDOSJE! sot ka paraqitur në kryesinë e Kuvendit të të Kosovës kërkesën për seancë të jashtëzakonshme për të premten 4 mars, në të cilën do të diskutoheshin bisedimet me Serbinë.

“Qeveria e Kosovës e ka marrë me ngut çështjen e bisedimeve me Serbinë. Zëvendës kryeministrja znj. Edita Tahiri është emëruar udhëheqësja e ekipit negociator dhe i ka filluar takimet e para të saj me kryendërmjetësin Robert Cooper. Koordinatori i strategjisë së Qeverisë së Kosovës për veriun z. Ylber Hysa e vizitoi Beogradin javën e kaluar. Këto bisedime filluan prapa shpinës së Kuvendit të Republikës së Kosovës, ku është e domosdoshme të diskutohet së pari nëse negociatat duhet të ndodhin në parim, dhe së dyti nëse ato duhet të ndodhin në këtë mënyrë. Prandaj kërkuam një seancë të jashtëzakonshme të Kuvendit për të diskutuar për këto bisedime. Konsiderojmë që bisedimet me Serbinë janë tejet të dëmshme dhe të rrezikshme për Kosovën që të trajtohen vetëm si njëra prej pikave në një seancë të zakonshme plenare të Kuvendit. Nuk ka asgjë të zakonshme në bisedimet që ato të trajtohen me këtë zakonshmëri. Prandaj kërkuam që ta kemi një seancë të jashtëzakonshme e cila do t’i kushtohej tërësisht këtyre bisedimeve”, thuhet në komunikatën e Vetëvendosjes.

“Ne synojmë që përmes kësaj seance ta miratojmë një rezolutë që i paraqet kushtet të cilat duhen plotësuar paraprakisht nga Serbia, në mënyrë që të mund të bisedojmë me të si dy shtete. Në rrethanat aktuale kur Serbia nuk na e njeh shtetësinë, kur ajo as nuk tregon as keqardhjen më të vogël për historikun e saj kriminal në Kosovë, dhe kur ajo përmes strukturave të saja paralele është e angazhuar drejtpërdrejt në cenimin e sovranitetit e integritetit territorial të Kosovës, dhe ua rrezikon drejtpërdrejt jetën dhe pronën qytetarëve të Kosovës, bisedimet ia falin krimet Serbisë pa kërkuar ajo fare falje, dhe rrezikojnë ta çimentojnë këtë gjendje e ta shpërblejnë Serbinë për të kaluarën”, thuhet më tej në komunikatë.