Albin Kurti

[ARIANI_TB]

Fitorja e “Vetëvendosjes” dhe humbjet e Kosovës

Maratona e gjykimit të masakrës së 10 shkurtit 2007 u mbyll para pak ditësh. I akuzuari i vetëm për ato që ndodhën atë ditë - kur u vranë Arben Xheladini dhe Mon Balaj, si edhe u plagosën dhjetëra qytetarë të Kosovës – Albin Kurti, u dënua me kohën e paraburgimit, thjesht për të rregulluar letrat e gjykatës. Ndërsa Kurti gjykohej disa veprimtarë të lëvizjes “Vetëvendosje!” po rriheshin barbarisht nga forcat speciale policore, aq sa ndokujt i hoqën mallin e milicisë serbe! Regjimet ndryshojnë, por metodat mbeten po ato. Nuk ka gjë më të shëmtuar për një popull deri dje të pushtuar, të shtypur e të dhunuar, të shohë se pas çlirimit regjimi i ri kërkon të arrijë standardet terrorizuese të regjimit të vjetër.
Ndërsa me fundin e këtij gjyqi nuk mund thuhet se EULEX-i e ka nisur me këmbën e mbarë forcimin e shtetit ligjor në Kosovë, padyshim që fituesja e vërtetë nga ky proces doli lëvizja “Vetëvendosje!”. Sigurisht kjo është një fitore e trishtë, sepse autorët e vërtetë të krimit të 10 shkurtit mbeten pa u ndëshkuar. Mirëpo patjetër është një fitore për këtë lëvizje qytetare dhe kombëtare, e cila ka përballuar një terror të pareshtur shtetëror dhe të pashembullt në Kosovë pas vitit 1999. Niçja thotë se çfarë nuk më shkatërron, më bën më të fortë dhe vetë fakti se lëvizja “Vetëvendosje!” ia doli të mbijetonte dhe madje të forcohej akoma më shumë, është treguesi kryesor i fitores së saj. Lëvizja mbijetoi, sepse ajo frymëzohej nga ideali kombëtar dhe përkrahej nga populli, i cili përditë po sheh se si po i fashiten ëndrrat që kishte thurur për kohën e lirisë.
Fitorja e lëvizjes “Vetëvendosje!” është shumëplanëshe: vendëse (kosovare), kombëtare (shqiptare) dhe ndërkombëtare. Në planin vendës, gjatë gjithë procesit gjyqësor kundër Albin Kurtit dhe sidomos në epilogun e 12 qershorit, lëvizja “Vetëvendosje!” gjithmonë e ruajti epërsinë morale, përballë një pushteti të korruptuar deri në rrënjë, të larguar dhe të veçuar nga qytetarët dhe nevojat e tyre dhe që mbahet në këmbë nga bashkëfajësia në korrupsion, interesat private të udhëheqësve shqiptarë dhe përfaqësuesve ndërkombëtarë. Fitorja morale në sytë e popullit do të thotë shumë, sepse ai e bën dallimin midis veprimtarëve të frymëzuar nga idealet dhe atyre që janë gati të kryejnë çdo poshtërsi e krim për të qëndruar në pushtet.
Në planin kombëtar, procesi kundër Albin Kurtit dhe lëvizjes “Vetëvendosje!” u bë shkak për një solidaritet të madh kombëtar në Kosovë, Shqipëri dhe IRJM dhe kudo ku janë shqiptarët, sidomos në mesin e të rinjve. Këta të fundit tani e kanë më të qartë dallimin midis qëndrimeve parimor dhe burrëror të Kurtit dhe të veprimtarëve të Lëvizjes në njërën anë dhe të politikanëve të veckël shqiptarë në Prishtinë, Tiranë dhe Shkup. Lëvizja “Vetëvendosje!” është kthyer në një simbol kombëtar, që po ngre lart flamurin e Lidhjes së Prizrenit pikërisht atëherë kur të tjerë po përpiqen që institucionalisht shqiptarët të mos i referohen kësaj ngjarjeje që është pikënisja e nacionalizmit politik shqiptar dhe shprehja e parë e kombit shqiptar si i tillë. Këshillat që u ngritën për të kundërshtuar gjyqin kundër Albin Kurtit me parullën “Jemi Një!” bënë një punë shumë të mirë informuese dhe zgjuese dhe që duhet ta vazhdojnë edhe për problemet e shumta kombëtare që na shqetësojnë.
Në planin ndërkombëtar, gjyqi kundër Albin Kurtit e shfaqi hapur karakterin neokolonial që mund të marrin organizatat ndërkombëtare, kur nuk u shërbejnë interesave të popujve aty ku vendosen, por vetëm interesave të porositësve të tyre ndërkombëtarë. Kosova është tashmë një vend ku testohet e ardhmja e ndërhyrjeve dhe misioneve ushtarako-civile ndërkombëtare. UNMIK-u dje dhe EULEX-i janë akuzuar për neokolonializëm nga lëvizja “Vetëvendosje!” dhe sjellja e tyre në shumë drejtime ka qenë e denjë për këtë emërtim. Aftësia e Bashkimit Evropian për të qenë një aktor i sigurisë në Evropë është vënë në një dyshim serioz prej procesit politik të EULEX-it kundër Albin Kurtit.
Fitorja e lëvizjes “Vetëvendosje!” në këto tri plane shenjon humbjet e Kosovës. Shteti i shpallur si republika e dytë shqiptare nuk është as republikë dhe as shqiptar. Nuk mund të jetë republikë më 12 qershor 2010 kur policia speciale dhunon pa asnjë shkak dhe provokim qytetarët me metoda brutale. Kosova e shkopinjve, e shkelmave dhe e helmeve kundër të rinjve që protestojnë për të drejta kombëtare e shoqërore mund të jetë republika e sejdinëve, hashimëve, dacëve, etj., por jo e qytetarëve. Nuk mund të jetë republikë një shtet që lejon ekzistencën e strukturave qeveritare paralele të armikut në 1/3 e territorit dhe konsideron armik publik organizatën që vetëvendosjen, sovranitetin dhe demokracinë i ka në zemër të ideologjisë së saj. Nuk mund të jetë republikë shqiptare një shtet që miraton heqjen dorë nga simbolika kombëtare dhe që së fundi nga stema e Prizrenit përjashtoi shtëpinë-muze të Lidhjes. Çfarë vlere kanë njohjet ndërkombëtare për një republikë nëse shumica e qytetarëve të saj nuk e njohin veten e tyre te ajo. Çfarë vlere ka që himni i Kosovës të luhet krahas himneve të shteteve të tjera, kur qytetarët e saj nuk janë në gjendje ta këndojnë atë!
Shkopinjtë, shkelmimet, fyerjet ndaj veprimtarëve të lëvizjes “Vetëvendosje!” më 12 qershor 2010 janë treguesi më i mirë për nivelin e demokracisë dhe të respektit të të drejtave të njeriut që ka arritur shteti i Kosovës. Ata që mendojnë të realizojë ndryshimin e vërtetë, ata që besojnë te fuqia e votës dhe e aktivizimit të pareshtur të qytetarëve për të të drejtat dhe interesat e tyre si jetësim i demokracisë, pikërisht ata shikohen si rrezik për rendin në Kosovë. Ata që duan një demokraci, e cila, siç thotë Kurti, të mos shterohet nga përfaqësimi, ndeshen me mosdurimin e klikës në pushtet, e cila ka frikën e humbjes së pozitës së saj sunduese. Jo më kot zemërimi i klikës u shfry mbi trupat e pambrojtur të të rinjve të lëvizjes “Vetëvendosje!” ditën kur kjo shpalli vendimin për të marrë pjesë në zgjedhje.
Lëvizja “Vetëvendosje!” po shfaqet si alternativa politike që synon të prapsojë humbjet e Kosovës që nga miratimi i Pakos Ahtisari e deri tani. Kjo detyrë sigurisht që është e vështirë, por jo e pamundur, sidomos atëherë kur ekziston vizioni dhe mbështetja e popullit.

(Autori është sociolog dhe profesor në Universitetin e Tiranës)

[Disa]

Dridhen politikanet!,sepse po vjen Albini.....,po vjen gjenia i shekullit XXl,po vjen shqiptari i madhe...,keshtu qe ju politikan servila,ju erdhi fundi,te me falni,por Albini se shpejti Kryeministet i Kosoves,dhe hiq large ska me shku do te behet,Kryeministet i Shqiperis Etnike.

[bili99]

Albin Kurti: nuk ka nevoje per glorifikime,as per kult personaliteti, ai ka nevoje per perkrahje,per mbrojtje dhe per keshilltare,dhe kujdes te jashtzakonshem si sillet .
Ne duhet te ndahemi nga vleresimet ekstreme pozitive dhe negative, mos ti kendojme sot dhe ta shajme pasi te vij ne pushtet ,pasi edhe kur te vij ne pushtet procesi i zgjedhjes se ceshtjes tone mund te pershpejtohet pakez por do jete i ngadalshem per mentalitetin tone te padurimte.
Eshte nje hap pozitiv per Albinin qe morri vendim te dalin ne zgjedhje, nuk duhet te shqetsohet dhe as te merzitet nga ata qe qe neser do ta quajn:" ja nje politikan ordinere eshte Albini dhe bente zhurme ne rruge pse e lakmonte pushtetin", te shikoje punen, te ndjeki rrugen ku eshte nisur,mos te merret as me sulmet personale,dhe as mos te sulmoje personalisht personalitetet e politikes ne Kosove, te sulmoje platformat dhe te punoje ndryshe nga ata, te plasoje platformen me te mire dhe te premtoje se do te do te punoje pandalur dhe do te vazhdoje idealin e atyre qe nuk jane me sot, rrugen per zhvillimin e Kosoves dhe bashkimin me Shqiperine.
Albini ka karizmen , ka kredibilitetin kombetar, eshte guximtar dhe ka idealin e nje shqiptari modern por qe vazhdon nje rruge te pakryer te shqiptareve si komb, rrugen e bashkimit dhe zhvillimit te nje kombi te bashkuar shqiptar.
Albini nuk duhet te merret me vogelsira se keshtu e humb madheshtine per te cilen eshte i destinuar me vetperkushtim, me veprimtari, me guxim dhe me atdhedashuri.
Asnje sot nuk dridhet nga Albin Kurti , ne fakt te gjithe kete dhjetevjetsh ata e kane shfrytezuar per ti forcuar pozitat e veta ,per tu pasuruar perderisa Albini ishte ne rruge me gjithe popullin, pra populli eshte ai qe dridhet nga ata,nga i ftohti,nga i nxehti dhe nga uria,populli qe eshte ne rruge sot duhet ta sjelle ne Parlament nje anetar te vetin besnik qe vertete do te coje ne vend deshiren dhe mundin e shumices se shqiptareve te Kosoves.
Une e dua cdo atdhetar edhe athere kur gabon shume rende , e le me Albin Kurtin qe eshte nje atdhetar i deshmuar,por qe ende nuk eshte sprovuar me poziten politike, me lakmine dhe me fuqine, i deshiroj te kete mendjen ne krye dhe mos ta humbi gjithe kete kredibilitet qe mund ta shfrytzoje per te miren kombetare.
Albini ka potencialin e nje lideri kombetar dhe mund te jete ne sherbim shume te dobishem te Kosoves dhe kombit ne pergjithesi, lideret nuk lindin cdo dite, jane si pemet;rriten ,zhvillohen ,shperthejne dhe japin frytet, Albini eshte ne fazen e fundit,pra te japi kontributin real per shpetimin e Kosoves nga ndarja dhe nga vetshkatrrimi dhe bashkangjitjes me Shqiperine.
Kush ka punuar deri me sot ,per aq sa ka punuar shume mire, kane punuar per vehte dhe per Kosoven, dhe kush do te punoje prej sot shume mire per te gjithe ne.
Nje rruge e re duhet kur rruga e vjeter eshte aq e lakuar sa qe te kethen nga je nisur.

Ndersa per te tjeret : jo shume rrahje krahesh, kritika me vend dhe dashamirese dhe perkrahje te parezerve per Albinin,per profilizimin dhe perkryerjen e ketij personaliteti kombetar.Ata qe sot e perkrahin Albinin dhe te tjeret qe neser do bashkohen ,shpresoj dhe deshiroj te pergatiten per nje maratone kombetare dhe jo per nje sprint , se ne u beme turpi i botes duke u kenduar ne kenge per gjashte muaj personaliteteve kombetare dhe pastaj i quajm tradhetar, kemi shume vleresim katastrofal ne,shpresoj ta kursejme per Albinin dhe per ceshtjen qe na pret, durim dhe pune konkrete per realizim.Kur shumica punon dhe nuk pret nga nje njeri i vetem vjen suksesi, largohet deshprimi dhe urrejtja per njeritjetrin largohet, kush punon nuk ka kohe as te beje keq dhe as te urreje te tjeret.
Un besoj se Albini do te perkrahet nga shqiptaret qe e duan kombin, dhe bashkimin kombetar nga i gjithe globi,si moralisht,ashtu edhe me logjistike dhe materialisht, shpresoj edhe me vota nga shqiptaret e Kosoves ku do te konkuroje per pushtet
Une kam vetem nje keshille per Albinin: puna pozitive dhe ndryshe nga ata qe jane sot ne pushtet do te sjelli ne pushtet, mbajtja e premtimeve dhe vazhdimi i idealit do te ruaj poziten dhe jo ne asnje menyre perbaltja e kundershtarve politik,perkundrazi perbaltja te sjelle ne gremine, te sjelle energji negative dhe te largon nga vendi ku mund te japish kontributin kapital...Kur Perqendrimi eshte lart ne qiell kah suksesi i pafund per personalitetin tend dhe per kombin nuk shihen hijet dhe vogelsirat , pozitiviteti dhe mosarmiqesia me kundershtaret politik,perkundrazi miqesia kombetare dhe dallimi politik nese keni dallime per nje qellim final.
Shendet i deshiroj Albinit,suksese ne cdo aspekt jete dhe ne ceshtje kombetare , dhe per kete te fundit eshte shume veshtire por mos u merzit se nuk do te jeshe as i pari dhe as fundit dhe mos u brengos nuk do te jeshe pa perkrahje.

me nderime per Vetvendosjen dhe Albin Kurtin,

[metinsk]

Mpelqen vullneti i tina,ky ka mu bo simbol i idejes se bashkimit shqiptar.

[bili99]

Edhe nje gje per lideret shqiptare'ua heq nje dileme- lider modern eshte ai qe mendon per bashkim kombetar dhe nuk eshte jashtkohe por supermodern, shqiptaret e gjithe globit do te perkrahin lideret shqiptare qe nuk e trajtojne ceshtjen shqiprare si te cunguar, duke u mbyllur ne konjukturat administrativo-shtetrore dhe mentalitetit percare. Shqiptaret do te perkrahin lider ne te cilin mund te identifikohen te gjithe , jo lidere qe perfaqsojne interesin e vet dhe perfaqsojne katundin e vet, njerez qe bashkpunojne ne mes vedi per nje qellim te perbashket final,njerez qe besojne ne fuqine mendore dhe kreative te nje kombi te bashkuar.
Ata lidere qe sot as ne teme diskutimi nuk e kane bashkimin e le me ne platforme , i ka sjelle ne politike interesi vetjak dhe jo ai kombetar, kjo kategori e propagandon ndamjen si te shendoshe me arsye banale si :" me mire jemi keshtu kush mirret vesh me kosovaret" dhe anasjelltas thuhet e njejta gje per te tjeret " s'mund te mirremi vesh me shqiptaret e Shqiperise administrative", kush i nxjerre keto konstatime dhe i lanson ne popull dihet qellimi-vetem e vetem ti shtojne pushtetin vetvetes, dhe ti mundesojne vjedhjen dhe rjepjen me te kollajshme te Atdheut= vetvetes.
sa bukur e kishte thene edhe poeti Sabit Idrizi nga Mitrovica qe kemi fatin ta lexojme ketu ne forum,ja si ne poezine me poshte:

Ti dhe Atdheu

Perdite ja gerryen zemren
si urith nen dhe
dhe pa fije turpi
i thua atdhe !

Mbajtja gjalle i idealit te bashkimit ,perpjekja ne vazhdim i rruges per realizim dhe realizimi i bashkimit kombetar eshte thelbi per fillimin e zhvillimit te kombit shqiptar si komb normal.
Lideret shqiptare modern qe nuk e kane frike qellimin e bashkimit te shqiptareve ne Ballkan ,dhe qe e inkorporojne ne platformen e tyre kombetare do kene perspektive ne te ardhmen ... bashkimi ben fuqi per cdo komb normal, nuk ben fuqi vetem per ata individe qe e duan fuqine per vehti dhe nuk kan hallin e kombit.

me nderime,
bili99

[martini1984]

Turp per ata qe hodhen gaz lotsjelles kundra Albin Kurtit????
Dhe prap ai nuk akuzoi,vecse u shpreh qe struktura te vecanta te shtetit si dhe ata qe morren pjese ne kete akt te turpshem jane te perzgjedhur....nga kush?
Eshte e vetmja alternative shqiptare e pastert,dhe per PRESIDENT votoj.
Kush del kundra Albinit eshte shqiptaro-seb i kamufluar.
Forza Albin,nuk je vetem

[Llapi]

Turp per ata qe hodhen gaz lotsjelles kundra Albin Kurtit????
Dhe prap ai nuk akuzoi,vecse u shpreh qe struktura te vecanta te shtetit si dhe ata qe morren pjese ne kete akt te turpshem jane te perzgjedhur....nga kush?
Eshte e vetmja alternative shqiptare e pastert,dhe per PRESIDENT votoj.
Kush del kundra Albinit eshte shqiptaro-seb i kamufluar.
Forza Albin,nuk je vetem:)

e tani edhe ai zbutet e pekmezavet
se edhe ai deshiron ta shijoj pushtetin
heeee
per ket edhe ka luftue me vo rrugve me thmi

[KILI MERTURI]

ALTERNATIVE E VETME SHQIPTARE NË KOSOVË "VETVENDOSJE!"

Kosova ka nevoj për kthim të dinjitetit kombëtarë dhe sovranitet 100% dhe natyrisht për fillim negociatash për bashkimin Kosovë-Shqipëri.

Këto punë do ti kryej me sukses "VETVENDOSJE!"

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB , E KA NIS MI ARDH ERË!
HASA I KA DITËT E NUMRUARA!

[Hard_Style]

Këto punë do ti kryej me sukses "VETVENDOSJE!"

....me vo.....

[KILI MERTURI]

Albin Kurti: Kosova ka të drejtë bashkimi me Shqipërinë




PRISHTINË- Lideri i lëvizjes “Vetëvendosja”, Albin Kurti në një intervistë për radion “Evropa e Lirë” pohon se “sovraniteti nënkupton të drejtën e Kosovës për kontrollin e resurseve natyrore dhe të kapaciteteve ekonomike, nënkupton të drejtën e Kosovës për t’u bashkuar me Shqipërinë, nënkupton të drejtën e Kosovës për ushtri, nënkupton mospasjen e strukturave paralele të Serbisë dhe integritetin territorial”.

Albin Kurti flet edhe për ambiciet e tij politike duke deklaruar se “vendosëm të marrim pjesë në zgjedhje, meqenëse është urgjente që gjatë këtyre dy viteve pavarësisë t'ia shtojmë sovranitetin”, ndërsa shprehu bindjen se nuk do të ketë pengesa të cilat do të jenë vendimtare dhe të cilat do t’ua pamundësojnë pjesëmarrjen e tyre në zgjedhje .

Sipas tij, qytetarët kanë nevojë për një tjetër lloj shteti të Kosovës, për shtet të Kosovës, që është në shërbim të qytetarëve. Duke folur për veriun e vendit dhe duke theksuar masat që duhet ndërmarrë, Kurti tha se është problem i trefishtë: politik, i sigurisë dhe ekonomik.
(m.a/BalkanWeb)

ALTERNATIVE E VETME SHQIPTARE NË KOSOVË "VETVENDOSJE!"

Kosova ka nevoj për kthim të dinjitetit kombëtarë dhe sovranitet 100% dhe natyrisht për fillim negociatash për bashkimin Kosovë-Shqipëri.

Këto punë do ti kryej me sukses "VETVENDOSJE!"
Me vo , bile mirë.
hasa me antishqiptar tjer ka nis mu dridh pi "vove"!

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB , E KA NIS MI ARDH ERË!
HASA I KA DITËT E NUMRUARA!