Si të ndash me Opera Unite-n

[BHGod]

Kohët e fundit kam parë të kërkohet në forum sesi shpërndahet një dosje në Internet, çfarë lejesh duhen etj.
Siç do tregoj më poshtë, kjo mund të bëhet edhe vetëm me një shfletues normal të Internetit.

Opera, si një nga shfletuesit më të vjetër, më të avancuar dhe më novatorë në treg, në mesin e këtij viti bëri të njohur teknologjinë
që me gjasa do të revolucionarizonte mënyrën si ne e përdorim sot Internetin, si lidhemi në të, Opera Unite-n.
Në figurën e një shfletuesi, përdoruesit kryesorë mund të ndajnë lirshëm dokumentet, muzikën apo fotot dhe filmimet e tyre private,
mund të komunikojnë me të tjerët, të publikojnë faqen e tyre personale, pa kufij.
Këtu do tregoj njërin funksion të Opera Unite: ndarjen e skedave me çdo kompjuter/telefon portativ/pajisje tjetër të lidhur
në Internet, në mënyrën më të thjeshtë. Për këtë nevojitet Opera dhe një konto te
My Opera (për konton, lexoni më poshtë).
Udhëzimet do i jap sipas versionit shqip, ndaj kushdo që ka dëshirë ta përdorë në shqip, të shkojë
këtu (ka mundësi që frazat të ndryshojnë me kohën).

Hapeni programin. Pamja është e ngjashme me shfletuesit e tjerë, por duhet aktivizuar Opera Unite.
Mënyra a: shtypni tastin F4 në tastierën tuaj (djathtas do dalë një brez me opsione) dhe shkoni te ikona si me tre bula ajri.

http://3.bp.blogspot.com/_Ooq_kGlxjw...0/figura1d.png

Seleksiononi “Shtëpia e Opera Unite” dhe klikoni butonin Nise.
Mënyra b: shkoni te menyja Mjete > Serveri i Opera Unite > Aktivizo Opera Unite-n.
Do ju shfaqet një dritare hyrëse, përshkruese. Klikoni butonin Tjetër. Do shikoni këtë:

http://1.bp.blogspot.com/_Ooq_kGlxjw...0/figura2d.png

Këtu ju kërkohet të krijoni një konto që të përdorni shërbimin Unite dhe shumë të tjera që ofron Opera (nëse e keni një,
mos e vazhdoni këtë hap, thjesht shtypni butonin “Kam një konto” dhe ndiqni udhëzimet). Kur të mbaroni me plotësimin e fushave
boshe, klikoni butonin Tjetër që kompjuteri të hyjë në rrjetën Opera Unite pas verifikimit të rregullt të kontos. Në dritaren tjetër
mund të përshkruani më tej rolin e kompjuterit tuaj, apo ku ndodhet ai.

http://1.bp.blogspot.com/_Ooq_kGlxjw...0/figura3d.png

Pasi ta keni shkruar, klikoni butonin Përfundo. Ky ishte konfiguracioni fillestar i Opera Unite. Tani duhet aktivizuar aplikimi që lejon
ndarjen e skedave me të tjerët, “File Sharing” (ndarje skedash).

http://1.bp.blogspot.com/_Ooq_kGlxjw...0/figura4d.png

Seleksionoheni dhe shtypni butonin Nise. Do ju shfaqet një dritare ku mund të zgjidhni dosjen që dëshironi të ndani.


http://2.bp.blogspot.com/_Ooq_kGlxjw...Untitled5d.png


Seleksiononi pëlqimet tuaja dhe klikoni butonin OK. Sa për informacion, në “Mundësitë e dukshmërisë” (Vendosjet e avancuara)
mund të zgjidhni nivelin e transparencës për të treguar të dhënat tuaja, p.sh. që motorët e kërkimit Bing, Google etj. t'i vënë
ato në indeks apo jo, që aplikimi të duket te faqja kryesore e Opera Unite apo që të duket në rrjetin lokal.
Hapeni aplikimin “File Sharing” në shfletues duke e klikuar dy herë.

http://1.bp.blogspot.com/_Ooq_kGlxjw...h/figura6d.png

Në mes tregohet lista e skedave që keni vendosur të ndani me të tjerët. Ato mund të hapen direkt në shfletues ose të ruhen në kompjuter.
Në krahun e djathtë sipër mund të shikoni si duket faqja për vizitorët, ose aplikimet e tjera që janë aktivizuar. Më poshtë tregohet adresa juaj personale,
të cilën mund t'ua dërgoni të tjerëve me postë elektronike ose me mundësitë e radhitura. Poshtë saj jepen mundësitë e privatësisë: këto dokumente mund
të jenë publike (të lira për t'u parë nga kushdo) ose me kod.

Përdorimi i këtij aplikimi është i pafundmë, që nga shfrytëzimi i kompjuterit të shtëpisë për të marrë dokumentet në punë, në shkollë etj. ose anasjelltas,
dhe deri te ndarja e ligjshme P2P pa programe/faqe shtesë. Aplikimet që përfshihen për tani në instalimin normal të Operas janë: Media Player, Photo Sharing,
Messenger, Fridge dhe Web Server. Ka edhe aplikime të tjera http://unite.opera.com/applications/

Shfletuesit e sotëm të Internetit kanë hyrë në një rrugë ku nuk mjafton më thjeshtësia e paraqitjes së një faqeje që i bën ata të pëlqyeshëm,
por pasuria e tyre për të kryer sa më shumë funksione, mundësisht që të gjitha nën komandën e përdoruesit kryesor. Ata janë kthyer në suita,
në programe të plota, dhe shpejt mund të zëvendësojnë sistemet tona operative.

Duke përfituar nga rasti i fundvitit, vajza/djema ju uroj Gëzuar Vitin e Ri, suksese dhe dashuri.

[P@R4nOi@C_LorD]

SHum faleminderit per InFoN

[BHGod]

Duket sikur nuk eshte zgjidhur problemi me figurat nr. 5 dhe nr. 6. Adresa e tyre eshte ne rregull, dhe mund t'i shikoni duke i klikuar me te djathten dhe duke zgjedhur p.sh. te Opera "Hap në fushë të re".