Viti i skarcuar
Arshivë e universit
Merre dhe kët' vit
Lere në skutat e harresës
Për hatrin tim!
Për hatrin tim
Të njeriut tënd të grimcuar
Që nuk pa një dit'
Nga viti tënd i skarcuar.
Dhe për hatrin tënd
Në skarcot e kohës hidhe
Tjetrin ndryshe ta bëjmë
Ndryshe je univers me hile.
-Pasja e shpirtit është privilegj për trupin. (E SH)
Mondi të uroj për poezinë dhe qoftë ky vit më i mirë për ty dhe pa hile...d.m.th. ky univers!
Faleminderit Beso! Gezuar festat e fundvitit dhe sjellte mbaresi gjithvjetore 2010, per ty e te afermit e tu.
-Pasja e shpirtit është privilegj për trupin. (E SH)
Kohë çalamane
Ti e ke fajin
Kohë e mbrapshtë
Kohën time mbi ty ta krijoj.
Ndryshova hapin
Tëndin e lashë
Patericash zvarritur ulok.
Nuk ndjej keqardhje
Ndjej neveri
Për hapin tënd çalaman.
Se ti nuk ndale
Aspak marrëzin
Që ecje gaforeje ka.
-Pasja e shpirtit është privilegj për trupin. (E SH)
Megjithatë
Megjithatë...
Trokasim gotat
Një vit tani përcjellim.
Ai na lë
Mbi supet tona
Një kohë që ende e presim.
31 dhjetor 2009
-Pasja e shpirtit është privilegj për trupin. (E SH)
Me vitin psherëtij
Diçka ka marë nga mua
Nga ai diçka kam marë
Psherëtima e lëshuar
Simbiozë e pandarë.
Sa shumë prisja prej tij
Nga mua sa shumë priste
Të dy në pafuqi
Mes kohës që s'lëvizte.
Mbeta unë pa vit
Apo viti pa unë!?
Të dy veç psherëtijmë
Të dy kohën pështyjmë!
-Pasja e shpirtit është privilegj për trupin. (E SH)
Koha ime
Mes varfërisë reale
Një mbretëri krijoj
Mes kohës që veç tallet
Një kohën time rroj.
Mos u çudit moj botë
Ti je çudia vetë
Jam mbret që s'rri në fron
Jam kohë për tjetër jetë.
-Pasja e shpirtit është privilegj për trupin. (E SH)
Moj kohë!
Moj kohë prostitutë e vetes
Joshëse deri në neveri
Trotuareve të jetës mbetesh
Viktimë e viktimës, njeri.
-Pasja e shpirtit është privilegj për trupin. (E SH)
Ej, puroxhi!
Dikush pret dyzimin tim
Frymëmarrjes më jep ajër të dyzuar
Të njëjtën gjë dhe në ushqim
Dhe ecjen tjetërlloj drejtuar.
Kujton se mbaron klonimin
Dhe puron ndez qetësisht
Arenës lëshon dyzimin
Të therret me veten shpatërisht.
I mjeri i kohës, puroxhi
Tymnajës e do botën të dyzuar
Ta shuajë e ndezë siç do ai
Mes gishtash si me puron të luaj.
Ej puroxhi, jam antiklonim!
Nuk thith bashkë me ty keqësinë
Trupit mbetet vetja pa dyzim
Ty të mbetet vetja pa Njerinë.
-Pasja e shpirtit është privilegj për trupin. (E SH)
Unë dhe liria
Liria vuan teprinë e saj
Unë teprinë e lirisë vuaj
Tërësisht i plotë në gjysmak
Tërësisht gjysmak i plotësuar.
Liria vuan mashtrimin e vetes
Unë mashtrimin e lirisë vuaj
E prapë besnik i lirisë mbetem
Besnik i lirisë së mashtruar.
Unë dhe liria, ironi e kohës
Liria dhe unë, kohë e ironisë
Nuk di nga njeri-tjetri ç'morrëm
Ç'dhamë? Po ja le historisë!
Ndryshuar për herë të fundit nga mondishall : 08-01-2010 më 03:50
-Pasja e shpirtit është privilegj për trupin. (E SH)
Mes kohës çalamane, prapë se prapë jeta vazhdon dhe në intimitetet e saj kënaqësisjellëse.
Uji dhe Ti
Burimi i këtij uji
Shpërthen i harbuar
Posa t'i njomën sytë
Me ujë të kulluar.
Uji i këtij lumi
Vërshon si i marrë
Posa të prekën trupin
Shkumbon në ekstazë.
Mes detit Don Zhuan
Dhe merakliut Diell
Ti tradhëtinë e ndan
Dhe prap' e ndershme je.
-Pasja e shpirtit është privilegj për trupin. (E SH)
Pergezime per poezite e tua, kane shprehje admiruese.
Urime Per Poezite Tuaja
Kthe respektin me respekt... perballo me gjakftohtesi provokimet... dhe dhuroji hipokrizise indiferencen tende ...
gloreta dhe HELEN OF TROY ju falenderoj per kohen e perkushtuar ne lexim e vleresim. Ju pershendes.
-Pasja e shpirtit është privilegj për trupin. (E SH)
Kjo ikje kohe!
Së pari, së prapthi,
______________s'e marr vesh
Kjo ikje kohe absurde,
____________ nga vjen!
Anash, në mes, tej saj,
________________i ndodhur
Kjo ikje kohe, me mua,
_________________pa mua,
______________________marrosur!
-Pasja e shpirtit është privilegj për trupin. (E SH)
mondishala nderimet e mija qe po ushqeni nje shpirt voglushe.Poezia eshte shpirti e qe shprehet nga dora e art....
- - Shumë shpesh ndodh rasti, kur dhembjen nuk mund ta ndash me askë!
Agim Metbala" ♥
Sueda gojëëmbël, më ngrohin ftohtësinë e kohës fjalët e tua. Qofsh e shëndetshme dhe suksesshme në jetë!
-Pasja e shpirtit është privilegj për trupin. (E SH)
Në fillimfundin jetë
Një shtëpi pa shtëpi
Një qejf pa qejf
Gjithçka llogari
Në fillimfundin jet'.
Një ëndërr pa ëndërr
Një shpresë pa shpresë
Gjithçka shtrembër
Në fillimfundin jetë.
Një luftë pa luftë
Një paqe pa paqe
Në gjithçka unë
Mes ferrit ringjallje.
-Pasja e shpirtit është privilegj për trupin. (E SH)
Kam mall heshtjen
Më lini pak çaste vetëm
Jo, mos ikni!
Me heshtjen tuaj, dua të rri
Zhurmat në padurim arritën
________________Në shurdhëri!
Pak çaste vetëm, ju lutem
Jo, mos ikni!
E dua vetminë tuaj
Veç zhurmat e zërave, tutje
_____________Tutje, larguar!
Jo, mos ikni!
Bashkë në vetmi, një çast
Heshtjen njeri-tjetrit t'i dëgjojmë
________________Kam mall!
-Pasja e shpirtit është privilegj për trupin. (E SH)
Ketu na ke o poet, merr zemer poezite jane freskim shpirti
Regullat e Postimit
Përgjigju Duke Cituar
Krijoni Kontakt