Urime Krishtelindjet!!!

[alem_de]

Urime dhe per shume vjet Krishlindjet te ngjithe shqipetareve te ktishtere,kudo qe jane.E befshi per shume vjet,e zoti qofte me ju.

Frohe Weinachten:

Urime per Krishtlindjet:

[skampin]

Gezuar Krishtlindjet te gjithe Katolikeve dhe gjithe Shqiptareve ne pergjithesi.
Zoti madh dhe i plotefuqishem qofte me te gjithe ne dhe u realizofshin endrrat e kombit tone per liri demokraci dhe perparim.
Krishti qofte me ne.

[B.C.B]

per shume mot.

[juanito02]

Amin, gezuar cdo shqiptar kudo qofte.

[veli44]

Edhe une ju uroj Krishtelindjet te gjithe vllezer e moterave te besimit te krishter


dhe ju sjell nje shkrim nga Koha Ditore qe ngrohe zemrat
----------------------------------------------------------


Në Prishtinë Krishtlindjet i luten të krishterët e myslimanët




Prishtinë, 25 dhjetor - Festa e Krishtlindjeve në kryeqytetin e Kosovës u shënua me meshën e shenjtë, e cila u mbajt në kishën katolike “Shën Ndou”. Me rastin e kësaj feste, ipeshkvi i Kosovës, Dodë Gjergji, tha se Kosova i dërgon botës mesazhe paqeje. Qytetarë të besimit katolikë dhe myslimanë festuan bashkërisht.
Mbretërimi i paqes, tolerancës, solidaritetit dhe dashurisë ndërnjerëzore kanë qenë mesazhe, të cilat janë dërguar nga kisha katolike “Shën Ndou” në Prishtinë, ku është mbajtur mesha e shenjtë e Krishtlindjeve, për të shënuar këtë festë të besimtarëve katolikë.

Meshën e ka udhëhequr ipeshkvi i Kosovës, imzot Dodë Gjergji, i cili foli për rëndësinë e kësaj feste dhe njëkohësisht është lutur për të gjithë ata, të cilët siç tha ai, janë lënë anash kujdesit njerëzor dhe vuajnë në këtë botë.

“Lutem për të gjithë ata, të cilët janë në trishtim, nën trysninë e varfërisë dhe të moskujdesit njerëzor, për të gjithë ata të moshuar që janë të detyruar të ballafaqohen me vështirësitë e jetës, të sëmundjeve dhe të pleqërisë, në vetmi, pa dashurinë e fëmijëve të tyre. Zoti qoftë mbështetje, ngushëllim dhe shpresë për të gjithë njerëzit që në çdo mënyrë vuajnë në këtë botë”.

Urime dhe porosi për paqe besimtarëve katolikë dhe gjithë shqiptarëve u ka dërguar edhe famullitari dom Lush Gjergji i cili ishte i pranishëm në meshën e Krishtlindjeve në Prishtinë..

“Të jenë sa më afër Zotit për të qenë sa më afër njëri-tjetrit, që ta zbulojnë të mirën, të drejtën dhe të vërtetën, që të dimë të gëzohemi së bashku pas shumë dhembjeve, vuajtjeve dhe pikëllimeve që kemi pasur edhe si popull edhe si kishë dhe mbi të gjitha, që ta mësojnë artin e dashurisë, që është arti i jetës”.

Festën e krishtlindjeve, besimtarëve katolik dhe gjithë qytetarëve të Kosovës, në emër të Qeverisë së Kosovës, ua ka uruar Gjergj Dedaj, ministër i punës dhe Mirëqenies Sociale, i cili me këtë rast porositi...

“Për një unitet, solidaritet, paqe, tolerancë, bashkëpunim që t’i tejkalojmë të gjitha këto sfida që janë para nesh, në shtetin e ri dhe demokratik të Kosovës. Sepse, nëse jemi bashk, tolerant, solidar, do të jemi më të fortë, më të bindshëm dhe më të sigurt me ecjet tona për ta ndërtuar shtetin e Kosovës, mirëqenien për të gjithë qytetarët, për besimtarët dhe për gjithë popullin e Kosovës”.

Në meshën e shenjtë të Krishtlindjeve në kishën “Shënd Ndou” morën pjesë një numër i madh i besimtarëve katolik, ndërkaq që të pranishëm kishte edhe qytetarë të besimit islam, të cilët në shenjë respekti, bashkërisht kanë shënuar këtë festë.

[Anesti_55]

Pershendetje dhe Gezuar Krishtlindjet.

Kryeministri shqipetare beson ne Zot e kjo eshte nje tregues i rendesishem drejt reformimit te individualitetit te tij ne ceshtjen e religionit.Ai eshte perkrahes i Kadarese ne ceshtjen e identitetit fetare kombetare dhe shpesh ne po shikojme se ai po shprehet gjithmone e me hapur pozicionimin e tij si nje i krishter (ndoshta Katolik)

Kryeministri uron nga Shkodra besimtarët e krishterë me rastin e festës

Berisha: Krishtlindjet e ardhshme do t`i gjejnë shqiptarët më afër Europës

Kryeministri Berisha ka përcjellë dje nga qyteti i Shkodrës urimet më të përzemërta për të gjithë besimtarët e krishterë me rastin e festës së Krishtlindjeve. Urimet e tij kreu i qeverisë i nisi nga Kisha Ortodokse dhe Katedralja e qytetit të Shkodrës. I shoqëruar nga bashkëshortja e tij, Liri Berisha, gjatë vizitës në Kishën Ortodokse, Berisha u përcolli besimtarëve ortodoksë urimet më të përzemërta në këtë ditë të bekuar të lindjes së shpresës dhe adhurimit. "Të gjithë besimtarëve ortodoksë të Shkodrës dhe mbarë Shqipërisë, besimtarëve të krishterë dhe të gjithë besimtarëve të Zotit, u uroj gëzuar këtë ditë të madhe, këtë ditë të shenjtë, ditë e cila ndryshoi njeriun dhe botën, e mbushi atë me shpresë, me besim, me të ardhme", u shpreh Berisha. Gjithashtu, ai shprehu optimizmin dhe urimin e tij që "Krishtlindjet e tjera t'i bëjmë edhe më mirë, të na gjejnë edhe më afër projekteve tona familjare, kombëtare dhe të ecim më shpejtë e më të sigurt drejt Evropës". Në vijim të vizitës së tij në Shkodër, Berisha vizitoi edhe Katedralen e këtij qyteti. Përzemërsisht Kryeministri Berisha uroi besimtarët katolikë të Shkodrës dhe mbarë Shqipërisë, duke theksuar se Krishtlindjet janë një ditë frymëzimi për besimin te Zoti dhe tek e ardhmja. "Lindja e Krishtit ka shënuar një ndryshim të madh për njeriun dhe njerëzimin. Kjo është një ditë frymëzimi për besimin te Zoti dhe tek e ardhmja. Kjo është një ditë shprese dhe mirëkuptimi për mbarë shqiptarët", vijoi më tej Kryeministri. Ai vlerësoi se shqiptarët i festojnë këto Krishtlindje si qytetarë të një vendi anëtar të NATO-s dhe shumë pranë lëvizjes së lirë në mbarë Evropën. "Le të urojmë së bashku që Krishtlindjet e tjera të na gjejnë më afër ëndrrave, më afër dëshirave dhe më afër projekteve tona. Këto Krishtlindje ne i festojmë pasi Shqipëria është anëtarësuar në NATO dhe flamuri i saj, më i vjetër flamur shtetëror i Evropës, qëndron sot mes flamujve të kombeve më të zhvilluara të Evropës dhe botës. Sot, ne jemi më afër se kurrë lëvizjes së lirë të qytetarëve shqiptarë në mbarë Evropën dhe më afër progresit të ndjeshëm, të thellë, për anëtarësim në Bashkimin Evropian", u shpreh ndër të tjera Berisha, duke shprehur urimin që viti tjetër ta afrojë Shqipërinë sa më shumë me Europën. "Krishtlindjet e tjera t'i festojmë me një besim më të madh te Zoti, te vetja dhe te Shqipëria, si dhe të lëvizim të lirë në mbarë Evropën si qytetarë të një vendi të lirë", tha Berisha, i cili në këto vizita shoqërohej edhe nga Kryetarja e Kuvendit, Jozefina Topalli.


Qeveria, masa për një betejë të suksesshme kundër varfërisë


Një tjetër mesazh urimi me rastin e festës të Krishtlindjeve, Kryeministri Berisha e përcolli edhe gjatë vizitës së tij në Kishën Ortodokse Autoqefale të Shqipërisë. Gjatë kësaj vizite, Kryeministri Berisha u prit nga Hirësia e tij, Kryepeshkopi Anastasios Janullatos dhe drejtues të tjerë të Kishës Ortodokse Autoqefale të Shqipërisë. Përmes një prononcimi mediatik, Kryeministri Berisha theksoi se këto Krishtlindje shqiptarët i festojnë më krenarë se kurrë, pasi janë anëtarë të NATO-s, më pranë me BE dhe në prag të lëvizjes së lirë në vendet e BE. "Është një rast i shkëlqyer për t'i uruar sot nga zemra të gjithë besimtarëve ortodoks shqiptarë, besimtarëve të krishterë dhe besimtarëve të Zotit, gëzuar këtë ditë të shenjtë, këtë ditë të madhe, ditë e cila shënon lindjen e Krishtit, moment ky që ndau kohërat dhe historinë. Asgjë s'ka ndikuar më fuqishëm në historinë e qytetërimit sesa lindja e Krishtit. Kjo është një ditë që frymëzon besim të madh, shpresë, dashuri, mirëkuptim dhe forcë për njeriun. Ndaj dhe një herë, le të urojmë që Krishtlindjet e tjera t'i festojmë edhe më mirë. Këto Krishtlindje ne i festojmë si një vend anëtar i NATO-s, ç'ka do të thotë se urimi ynë, dëshira dhe ëndrra jonë u bë realitet. Krishtlindjet e tjera uroj që t'i festojmë me lëvizje të lirë në mbarë Evropën, atë që presim, me një përparim të mëtejshëm në procesin e integrimit në Bashkimin Evropian, me më shumë punë për shqiptarët dhe me një betejë të suksesshme kundër varfërisë", u shpreh Kryeministri. Më pas, Kryeministri u drejtua për një vizitë në Katedralen e Shën Palit në Tiranë, ku u prit nga Arqipeshkvi Metropolit i Tiranës dhe Durrësit, Imzot Rrok Mirdita. Duke i përcjellë urimet më të përzemërta besimtarëve katolikë, Kryeministri Berisha shprehu mirënjohjen e tij për të gjithë udhëheqësit shpirtëror që me një punë të palodhshme arritën të ndërtonin vlerat e mëdha të besimit. "Urimet me të përzemërta të gjithë besimtarëve katolik shqiptarë, besimtarëve të krishterë, besimtarëve të Zotit, por edhe një mirënjohje të thellë ndaj Imzot Rrok Mirditës dhe të gjithë udhëheqësve shpirtëror të kombit, të cilët me një përkushtim të jashtëzakonshëm, me sakrifica të mëdha, ndihmuan rindërtimin e vlerave të mëdha shpirtërore, hyjnore të njeriut në Shqipëri. Shqiptarët i festojnë këto Krishtlindje si anëtarë të NATO-s. Pra, një urim i Krishtlindjeve të një viti më parë është bërë realitet. Sot le të urojmë të gjithë së bashku për lëvizjen e lirë, më shumë punë për shqiptarët, më pak varfëri, mirëkuptim dhe një besim më të madh tek e ardhmja që meritojnë. Edhe njëherë Gëzuar! Shpreh kënaqësinë që këtë vit Krishtlindjet janë festuar më masive, më të fuqishme, më të bukura se asnjëherë më parë. Më të bukura le t'i festojmë Krishtlindjet që vijnë", uroi Kryeministri Berisha.

[sabah08]

Gezuar Krishtlindjen2009!Paqe e begati per te gjithe popullin shqiptar.

[☆Angie☆]

Tema mbyllet. Ekzistojne disa te tilla. Urimet jeni te ftuar ti beni ne komunitetet perkatese.