FC Juventus

[{A_N_G_E_L_69}]

Adebayor spo duhet fare, Dzeko, Neymar dhe Suarez , do ishe mire.


ps.Patjeter duhet edhe ne mbrojtje, ai De Ceglia po mi con nervat shume.

Suarez do ishe sulmuesi ideal per Juven.

[Smth_Poetic]

Ne dzekon ka mundesi shume ta marrim qe kete janar sepse ai vet do te vije tek juvja.
Duhet se sben te ngulmojme per suarez dhe Lukakun . Lukaku per mua eshte drogba i ardhshem , bile me i mire akoma. Eshte 19 vjec , por si kal , tmerresisht i fuqishem.

Imagjinoje , me keta 3 sulmues vitin e ardhshem , zere se behemi te pamposhtur.
Po bleu keta juvja , qe i ka bere synim se sben per ne janar ose veren tjeter , atehere bastos dhe elia jane blerje shume te mundshme per tu bere mot .

Mgjth juvja po thote se po interesohet edhe per torres dhe benzema.

Mmmmmm , jam pak ne dyshim me keta dy te fundit.
Jane mendjemedhenje qe si duhen juves.......Juvja historikisht ka pase sulmuesa qe punonin shume ne fushe , pervec inzaghit, keshtuqe suarez ,dzeko dhe Lukaku jane ideal per stilin e lojes juventine.

Te shpresojme.

[Bamba]

Ore sikur te vije vetem njeri (Dzeko ) se nuk mund te blesh 3-4 lojtare qe kushtojne minimumi 20 MILION euro...
Ne janar ka shume mundesi te largohet Sissoko, dhe do na duhet te marim nje mesfushor tjeter per te kompletuar repartin.

[{A_N_G_E_L_69}]

http://www.sportishqiptar.com.al/wp-.../del-piero.jpg “Calciopoli 2″, radha e Del Pieros me shokë




Përveç juventinit, edhe Nesta me Ibrën u thirrën si dëshmitarë nga gjyqtari De Santis në gjyqin e Napolit
Masimo De Santis ka grumbulluar “skuadrën” e tij. Arbitri më i përfshirë në skandalin “Calciopoli”-t, i akuzuar nga Ançeloti se “ishte bashkëpuntor i Moxhit” dhe që e ka përkufizuar këtë gjyq “një farsë”, ku “të gjithë jemi të pafajshëm”, ka thirrur si dëshmitarë në favor të tij 9 futbollistë, midis të cilëve janë edhe disa elementë të nivelit të lartë si Aleks Del Piero, Zllatan Ibrahimoviç dhe Alesandro Nesta.
Dy seancat ku do të dëgjohen futbollistët do të zhvillohen më 12 dhe 19 tetor. Teoria që synon të vërtetojë avokati Paolo Galineli, avokati mbrojtës i arbitrit nga Tivoli, është shumë e thjeshtë: De Santis është i pafajshëm, nuk ka qenë asnjëherë një gjyqtar që ka mbrojtur Juventusin dhe, nëse ka patur disa gabime që janë cilësuar si favore, këto kanë ndodhur njësoj për të gjitha skuadrat e mëdha të futbollit italian.
Do të fillohet më 12 tetor, ditën ku do të flitet për Leçe-Juventus të luajtur më nëntor të 2004-ës: dita e Alesandro Del Pieros. Më pas, do të vazhdohet me Alesandro Nestën për Fiorentina-Milan të luajtur më 1 maj të 2005-ës dhe Fabio Galanten për Livrono-Siena të 8 majit të të njëjtit vit. Ndërsa, do të duhet të pritet pak më gjatë për Zllatan Ibrahimoviç: suedezi, në fakt, nuk mund të paraqitet në gjyq më 12 tetor, për shkak të impenjimeve me kombëtaren e tij, por as më datën 19, duke parë se do të jetë i impenjuar në derbin e Europës midis Realit të Madridit dhe Milanit në Ligën e Kampionëve. Për të rifreskuar memorien, tani do të analizojmë ndeshjet në të cilat do të mbështetet mbrojtja e De Santis:
LEÇE JUVENTUS 0 1, 14 nëntor 2004
Ndeshja është zhvilluar në kushte atmosferike jo të mira: fusha ka qenë e mbuluar nga uji, por De Santis, siç ka ndodhur në takimin Peruxhia-Juventus, që ka përcaktuar fituesin e kampionatit italian në 2002-in, ka vendosur që ndeshja të luhet gjithsesi.
Goli vendimtar është shënuar pikërisht nga Alesandro Del Piero, në minutën e 14-të të pjesë së parë, një gol që është favorizuar nga një devijim jo natyral i topit për shkak të një pellgu me ujë. Avokati Galineli do të mbështetet te kapitenët e dy skuadrave, Del Piero dhe Kristian Ledezma, të cilët duhet të deklarojnë se nuk kanë kërkuar pezullimin e ndeshjes, për të vërtetuar pafajsinë e De Santis.
JUVENTUS INTER 0 1, 20 prill 2005
Takimi është vendosur nga një goditje dënimi e Kruzit, por dyshimet nuk kanë të bëjnë me golin. Në harkun e 90 minutave, në fakt, Ibrahimoviç, që në atë kohë luante me Juven, ka goditur Kordobën me bërryl kur loja ishte e ndalur.
De Santis ka deklaruar, në raportin e tij, se nuk e ka parë gjestin e suedezit, duke ia lënë gjithçka në dorë gjykatësit sportiv. Thelbi: tri javë skualifikim për Ibrën, që ka munguar në sfidën për titull të 8 majit kundër Milanit dhe arbitri me ndërgjegjen e pastër se e ka privuar Juventusin (po a nuk ishte vendimi i gjykatësit sportiv?) nga sulmuesi i saj në një ndeshje kaq vendimtare.
FIORENTINA MILAN 1 2, 1 maj 2005
Ka qenë ndeshja e fundit në kampionat e kuqezinjve, para sfidës me Juventusin, ku të dy skuadrat do të paraqiteshin me pikë të barabarta. Milani ka patur tre lojtarë në formacion që rrezikonin skalifikimin në rast se do të ndëshkoheshin me kartonin e verdhë, midis të cilëve Alesandro Nestën.
Avokati i De Santis do të kërkojë të vërtetojë se klienti i tij mund të kishte ndëshkuar një nga tre lojtarët kuqezi, duke i detyruar ata kështu që të mungonin në takimin e rëndësishëm kundër Juventusit në “San Siro”. Por, askush midis Sedorfit, Rui Kostës dhe Nestës nuk është ndëshkuar me kartonin e verdhë.
LIVORNO SIENA 3 6, 8 maj 2005
Kjo është ndeshja me të cilën De Santis dhe mbrojtja e tij do të kërkojnë të dalin të pafajshëm nga akuza se kanë komanduar të ashtuquajturën “organizatë romane”, një organizatë në gjendje të kushtëzonte në mënyrë pozitive karrierën e atyre që bënin pjesë në të. Përveç arbitrit 48-vjeçar, flitet edhe për arbitrat Gabriele, Palanka dhe Çenikola.
Para derbit toskan kanë ardhur deklaratat e ashpra të presidentit të Livornos, Aldo Spineli, që ka folur pikërisht për një lidhje midis De Santis dhe kësaj organizate. Sipas akuzës, arbitri ka dëmtuar pikërisht për këtë arsye vendasit, duke nxjerrë me kartonin e kuq lojtarin Fabio Galante: ja përsa avokati Galineli ka thirrur vetë Galanten për të dëshmuar se largimi i tij nga fusha ka ardhur për shkak të një ndërhyrje të rëndë ndaj Albertos.
Kapiteni i Juventusit
Del Piero i mërzitur me shenjën “X”
“Pasi kanë përfunduar dy ditët pushim që na janë dhënë pas ndeshjes së “San Siro”-s, do të rikthehemi në Vinovo për t’u stërvitur, në pritje të rifillimit të kampionatit. Barazimi 0-0 me Inrerin vlen më shumë nga sa tregon në të vërtet ky rezultat.
Jam i kënaqur me lojën që ka bërë skuadra, për mënyrën se si jemi pozicionuar në fushë, për personalitetin që kemi treguar, për atmosferën pozitive dhe korrekte, në të cilën është zhvilluar ndeshja, por dua që të jetë e qartë se unë nuk jam i kënaqur plotësisht për rezultatin që kemi marrë sepse objektivi ynë është gjithmonë fitorja”.
Këto kanë qenë fjalët e Alesandro Del Pieros, i cili duket se është mërzitur me shenjën “X”, dhe nga faqja e tij zyrtare në internet ka provuar të karikojë ambientin bardhezi. “Sigurisht rezultati 0-0 në “San Siro” vlen më shumë se një barazim, sepse është një pikënisje e mirë dhe një etapë e rëndësishme në rrugën tonë drejt përmirësimit, për të arritur aty ku duam të arrijmë. Dhe tani duhet t’i futemi punës…”, ka saktësuar kapiteni bardhezi.
Mbrojtësi bardhezi
Kielini: Objektivi ynë është Championsi
“Interi mbetet skuadra më e fortë, por ne nuk duhet të ndjekim vetëm Interin. Juventusi duhet të përmirësohet kundër skuadrave më të dobëta”. Kështu ka folur Xhiorxhio Kielini. “Këtë vit do të jetë thelbësore të sigurojmë një vend në Ligën e Kampionëve për të rigjetur entuziazmin dhe për t’u rritur më shumë si skuadër”.
Ndërkohë, kanë ardhur lajme të këqia nga Vinovo: Rinaudo duhet të operohet për shkak të hernies diskale. “Nëse do të arrijmë në Champions mund të kërkojmë të marrim lojtarë që mund të bëjnë diferencën. Dhe nuk e kam fjalën për ata që nuk kanë ardhur këtë vit si Di Natale apo Borrielo”, ka shtuar Kielini, i cili më pas ka siguruar tifozët në lidhje me të ardhmen e tij me bardhezinjtë: “Kontrata ime?
Mungojnë vetëm disa detaje, për momentin ka vetëm një shtrëngim duarsh dhe mua kaq më mjafton”. Italia do të ndeshet me Serbinë në eleminatoret për Euro 2012 dhe Kielini ka zbuluar një këshillë që i ka dhënë Del Neri për këtë takim: “Më ka thënë të tregohem i kujdesshëm me Krasiç”, - ka thënë Kielini duke qeshur.

[{A_N_G_E_L_69}]

http://www.sportishqiptar.com.al/wp-...arkryqjpeg.jpg Del Piero midis rekordit dhe lamtumirës nga Juvja




Rinovimi i kontratës po vonon, ndërsa një gol i duhet kapitenit bardhezi për të kapur Bonipertin
Eshtë e kotë ta zgjasim. Përshtypja është se ky mund të jetë me të vërtet sezoni i fundit i Del Pieros me bardhezinjtë, të paktën si lojtar. Kontrata është drejt skadencës, drejtuesit janë të rinj, skuadra po rinovohet, projekti është i qartë, dhe të themi të drejtën edhe bindës: në këtë moment sinjalet për një rinovim midis kapitenit dhe “Zonjës” janë të dobëta. Dhe sigurisht nuk do të jetë Del Piero, simboli i kësaj skuadre, që do të bëjë “presion” për të zgjatur bashkëpunimin.
Në moshën 36-vjeçare, Aleks e di mirë se duhet të mendojë për të tashmen, ndoshta duke u argëtuar, siç po bën, duke ngritur dyshime për faktin se kush do ta marrë vendimin e fundit. Më pas, pas disa muajsh do të bëjë llogaritë e tij: të vazhdojë të dhurojë magji te një skuadër tjetër, apo t’i dedikohet menjëherë karrierës si drejtues?

ME SHUME SE BONIPERTI - Pikërisht, sepse jeta e dytë e Del Pieros do të jetë gjithsesi e gjitha juventine. Zyra në klubin bardhezi është bërë gati që tani, një rrugë gjithnjë dhe më e ngjashme me atë të Xhianpiero Bonipertit, simboli tjetër bardhezi, njeriu që akoma mban një rekord që nuk është i Del Pieros. Ndoshta edhe për pak kohë, duke parë se Alesandros i mungon vetëm një gol për të kapur të madhin Boniperti në kreun e renditjes së golashënuesve më të mirë të historisë së Juves në kampionat:
177 gola kundër 178. Sulmi i radhës është programuar për të dielën më 17 tetor, stadiumi “Olimpiko”, Juventus-Leçe. Del Piero do të jetë, gjithmonë i pranishëm në dymbëdhjetë ndeshjet e këtij sezoni, por akoma pa asnjë gol në kampionat (të gjithë në Ligën e Europës tre golat e bërë deri tani). Goli i fundit në Serinë A ka ardhur më 9 maj të 2010-ës, ku ndër të tjera Parma ka fituar në Torino 3-2. Domethënë, edhe një hap i vetëm dhe më pas në aspektin e statistikave do të jetë vetëm Alesandro Del Piero.
AKUILANI - “Nuk mendoj se tani është e drejtë të flasim për titullin në kampionat, - ka thënë ndërkohë Akuilani. - Duhet të tregojmë vlerat tona në kampionat, ndeshje mbas ndeshjeje, dhe më pas të shikojmë se ku kemi arritur. Sipas mendimit tim nuk jemi akoma për vendin e parë, ndoshta pak më mbrapa. Juventusi po rritet dhe unë bashkë me shokët e mi të skuadrës. Do të duhet akoma kohë për të parë rezultate konkrte. Por kemi bërë disa hapa të vegjël përpara. Kombëtarja? Eshtë një objektiv i imi, për ta rimarrë duhet të luaj me vazhdimësi te Juvja. Dhe përsa i takon të ardhmes time, negociatat e ardhshme të Juves me Liverpulin do të jenë një moment thelbësor për karrierën time, sido që të përfundojnë”, ka thënë mesfushori bardhezi.
MERKATO - Në orët e fundit drejtuesit juventinë kanë filluar të mendojnë për merkaton e janarit. Me përjashtim të rasteve të mëdha që mund të paraqiten (ndiqen nga afër situatat e Benzemasë dhe Kasanos), nuk janë parashikuar investime të rëndësishme në repartin e sulmit. Këto janë lënë për në merkaton e verës. Ndërsa, në janar pritet të vijë një mbrojtës i krahut të djathtë: në krye të listës janë milanistët Bonera dhe Antonini, më e shtrenjtë rruga që të çon te Glen Xhonson. Për sa i takon mbrojtësve qendrorë, do të ndërhyhet në merkato vetëm nëse rekuperimi i Rinaudos do të rezultojë më i komplikuar nga sa ishte parashikuar në fillim.

[{A_N_G_E_L_69}]

http://www.sportishqiptar.com.al/wp-.../juventus2.jpg Juventusi përgatit një mesfushë “super”




Prova të skemës 4-5-1. Del Neri mund t’i shtojë Sisokon, katërshes Krasiç, Melo, Akuilani e Markizio
Xhixhi Del Neri është duke mbyllur kantierin. Për dy muaj ka studiuar, ristudiuar, eksperimentuar dhe marrë masa për të gjithë organikën që ka pasur të gatshme që në verë. Tani është vërtet një hap drejt “zgjidhjes”, të paktën në aspektin taktik. Si “rrokada” e bërë në Milano kundër Interit kampion. Çdo gjë do të përcillet rreth repartit, i cili që sot nuk ka asgjë më pak se klubet e tjera të forta të Europës: mesfushën.
Vrapi dhe gjallëria e Krasiçit, një Melo në version “Fiorentinë”, Akuilani sërish “Princi” elegant, por konkret dhe i rigjeturi Markizio, kanë bindur trajnerin e Juventusit të rishikojë në formë strikte modulin e tij 4-4-2, për një më elastik dhe më “të rëndë”, 4-5-1.
JUVE “PANZER” - Një “poker” i vërtetë me lojtarë “big” në zemër të çdo ndeshjeje, si një alternativë luksi që vlen edhe për titullarët teorikë, ose Momo Sisokonë. Pra, një mesfushë e fortë, dinamike, ideale për t’i dhënë mbështetje të fortë një mbrojtjeje akoma ende “balerinë”, si për të ekzaltuar aftësitë sulmuese të Krasiçit, më pak i përkushtuar në këtë fazë me këtë sistem.
Del Neri ka ndër mend të punojë me anën fizike dhe bën mirë duke konsideruar edhe karakteristikat e sulmuesve të tij. Me Iakuintën në krah e Amaurin si referues qendror, do të jetë një “Juve-panzer”, sigurisht skuadra më e fuqishme dhe më e lartë e kampionatit. Ka mundësi që të jetë pikërisht ky momenti, me modulin e ri në listën e parapëlqimeve të trajnerit bardhezi:
Martinez, Kualjarela e Pepe (për të cilin nuk përjashtohet një aktivizim si mbrojtës i djathtë), janë alternativa të rëndësishme nga krahët, ndërsa Del Piero, është “arma vdekjeprurëse” për t’u aktivizuar gjatë ndeshjes, sepse kapiteni nuk mund të luajë ndoshta në nivele të larta në 20-të minutat e fundit, por sigurisht nuk e ka humbur goditjen e “KO”-së.
MARKIZIO APROVON - “Kundër Interit luajtëm një ndeshje të mirë dhe duhet ta rinisemi nga ajo paraqitje, - thotë mesfushori bardhezi. - Kishte disa vite që nuk arrinim të luanim siç bëmë në “San Siro”, në shtëpinë e Interit. Nuk patëm frikë nga kundërshtari dhe kjo është rruga e duhur mbi të cilën duhet të vazhdojmë”. Etapa e parë, Leçe, “ndeshje shumë e rëndësishme për ne, për t’u fituar. Sa keq që ishte pushimi, sepse ndoshta na e ka ndaluar disi ritmin”.
MILANI NË SHËNJESTËR - Por do të mendojë Del Neri për të shmangur ndonjë rënie të mundshme të tensionit. Po, sepse nëse Mançester Siti e Inter i kanë dhënë moral trupës juventine, prova e vërtetë do të jetë pikërisht kundër Leçes e Bolonjës. Dhe me skuadra të nivelit mesatar, kanë ardhur deri tani problemet.
Ambicia për të cilën synon Juvja është e madhe: gjashtë pikë në dy ndeshjet e ardhshme në kampionat, do ta lançonin Juventusin si protagonist në podin e një pretendenti serioz dhe të frikshëm në kampionat, përfshirë dhe ndeshjen e pas dy javëve në “San Siro”, kundër Milanit. Një provim për “diplomë”.

[RaPSouL]

Juventus 4-0 Lecce, një skuadër që po shkatërron gjithçka që i del përpara që nga ndeshja kundër Manchester Cityt jemi rikthyer në një formë tepër të mirë, me një Milos Krasic të pandalshëm dhe me një skuadër që po funksionon tepër mirë po ecim përpara, shpresoj edhe në ndeshjet e radhës të vazhdojmë me këtë ritëm.

[{A_N_G_E_L_69}]

Juventus 4 - 0 Lecce 13' [1 - 0] A. Aquilani
16' D. Mesbah
25' R.A.D.R. Olivera
34' [2 - 0] F. Melo (pen.)
44' [3 - 0] F. Quagliarella
45' M. Fabiano
60' S. Ferrario
82' [4 - 0] A.D. Piero
90' C. Grosmull

[Bamba]

Melo-Aquilani shume mire, kishim kohe qe vuanim per mesfushore, ishalla vazhdon keshtu Alberto e nuk peson ndonje demtim.

[RaPSouL]

Melo-Aquilani shume mire, kishim kohe qe vuanim per mesfushore, ishalla vazhdon keshtu Alberto e nuk peson ndonje demtim.

Melo po i habit të gjithë vetëm ta karahasojmë me sezonin e kaluar ai mbajti premtimin se do të rikthehet në një lojtarë të jashtzakonshëm dhe në një të tillë po shëndrohet dita-ditës vetëm përmisime, sezonin e kaluar e gjithë publika e urrenin dhe fishkëllenin kur u largonte nga stadiumi ndërsa sot japin duartrokitje të gjithë të çuar në këmbë kur ai largohet, poashtu loja e tij përputhet shumë me atë të Aquilanit që po inkuadrohet në një kohë tepër të shpejt në skuadër dhe të dy krijojnë një mesfush kompakte dhe funksionale duke mos lënë pa përmendur Marchision dhe Krasic që janë fenomenal.