Prizren- Ruzhdi Rexha: I besoj Thaçit

[Kosovar2006]

Ruzhdi Rexha: I besoj Thaçit
Kryeministri Hashim Thaçi dhe Ramadan Muja garantojnë se programi im ekonomik për Prizrenin do të realizohet. I kam thyer barrierat mes PDK’së dhe LDK’së në Prizren. Fitorja e Ramadan Mujës dhe e imja është e sigurt. Duhet të merremi me qytetarin dhe jo me CD të ndryshme. Të akuzohet PDK’ja për vrasjen e vëllait tim, Komandat Drinit, është marrja e Zotit. Hashim Thaçi e ka pasur bashkëpunëtor shumë të ngushtë Drinin. Ruzhdi Rexha i LDD’së flet për Express.

Nga Bekim Greiçevci më 06.12.2009 në ora 8:02
Ish-kandidati i koalicionit LDD-AKR për kryetar të komunës së Prizrenit, Ruzhdi Rexha është i bindur se partneri i tij, Ramadan Muja i PDK’së do të fitojë edhe në raundin e dytë të zgjedhjeve në këtë qytet, të dielën e ardhshme.

Megjithëse partia e tij, LDD, ka bërë koalicion me LDK’në, Rexha, i cili ka marrë rreth 14 mijë vota të prizrenasve në raundin e parë, ka bërë marrëveshje me PDK’në.

Kryetari aktual i Prizrenit, Ramadan Muja dhe Kryeministri Hashim Thaçi kanë mirëpritur programin e tij ekonomik dhe i kanë garantuar se do të realizohet.

Nëse Muja arrin sërish të mposht kandidatin e LDK’së, Hanefi Muharremi, nënkryetari i ardhshëm i Prizrenit do të jetë Ruzhdi Rexha.

Në një intervistë për Express, Rexha thotë se vazhdon të jetë anëtar i LDD’së, ndërkaq koalicionin me Ramadan Mujën e ka bërë për interes të qytetarëve të Prizrenit.

Ai beson se përmes këtij koalicioni është thyer një barrierë që ka ekzistuar në Prizren ndërmjet dy taborreve të mëdha, PDK dhe LDK, “Tani duhet të merremi me zhvillim ekonomik, me projekte konkrete për qytetarin, e jo me çështje politike, me CD’ja të ndryshme, e të tjera”, ka thënë Rexha.

Duke kundërshtuar spekulimet rreth vrasjes së vëllait të tij Komandant Drinit, ai ka deklaruar se gjithmonë ka pasur raporte të mira me Partinë Demokratike të Kosovës.

Ai gjithashtu ka thënë se Hashim Thaçi ka pasur një bashkëpunim shumë të ngushtë me Komandant Drinin, gjatë kohës së luftës.

“Askush nuk mund të marrë të drejtën të akuzojë një subjekt politik, apo të akuzojë një përqindje të madhe, 33 përqindëshin, se më kanë vrarë vëllain e unë tash u jam bashkangjitur atyre. Kjo është me të vërtetë marrja e Zotit që njerëzit të bartin fjalë kështu. Unë jam ai që e di saktësisht se çfarë ka ndodhur me vëllanë tim. Nuk ka kurrfarë lidhje kjo me vrasjen e vëllait tim”, ka thënë Rexha.

Express: z. Rexha, pse vendosët të përkrahni kandidatin e PDK’së Ramadan Muja për kryetar të Prizrenit?
Ruzhdi Rexha: Para se të tregoj pse vendosa ta përkrah z. Ramadan Muja më duhet të sqaroj çfarë përpjekjesh kam bërë para se të përkrahë z. Muja. Unë kam qenë kandidat për kryetar i “Koalicionit për Prizrenin” ku kanë bërë pjesë shtatë subjekte politike: LDD, AKR, Balli Kombëtar, Partia Boshnjake për Aksion Demokratik, Unioni i Boshnjakëve të Kosovës, Partia Ekologjike e Kosovës dhe Partia Demokratike e Ashkalinjve të Kosovës. Është një koalicion dinjitoz dhe në garë kemi hyrë si koalicion.
Pas shpalljes së rezultateve të raundit të parë, deklarata e parë ka qenë e përfaqësuesit të AKR’së që ka thënë se “thjesht, Ruzhdi Rexha si kandidat e ka kryer punën”. Mirëpo, unë si kandidat i kam marrë rreth 14 për qind të votave, kurse subjektet politike të koalicionit nga 4, 5, ose 1 për qind, e të tjera. Dhe, kur kanë filluar negociatat për koalicione për balotazh, subjektet politike kanë bërë negociata veç e veç me LDK’në dhe PDK’në duke anashkaluar koalicionin ekzistues. Thjesht kanë deklaruar, “Ruzhdiu e ka kryer punën e vet, dhe për të s’ka më nevojë”. Gjatë bisedimeve që kanë pasur ma kanë mohuar të drejtën se ku do të shkojë më tutje. Hapi i parë ka qenë koalicioni i LDD’së me LDK’në në Prizren, ku LDD i ka marrë disa karrika ose disa poste. Nga ana tjetër, AKR m’i ka ndaluar bisedimet e mëtutjeshme. Atëherë, në momentin e nënshkrimit të koalicionit ndërmjet LDK’së dhe LDD’së, kam marrë iniciativë, që unë si ish-kandidat të bëjë negociata me disa taborre, por para vetës gjithnjë e kam pasur programin tim, që është program i zhvillimit ekonomik të cilin ua kam ofruar qytetarëve të Prizrenit. Ata që i morën karrikat, për të mos thënë postet, askush nuk e ka marrë me vete këtë program. Unë kam biseduar me LDK’në se çka është puna me koalicionin për Prizrenin dhe këtë program. Nuk ishte interesant për ta për arsye se unë nuk kam ulëse në asamblenë komunale, sepse ulëset i kanë marrë partitë. Nuk kanë qenë të interesuar për programin sa kanë qenë të interesuar për mua si Ruzhdi Rexha. Nga ana tjetër, po ashtu kam biseduar edhe me përfaqësuesit e PDK’së në Prizren. Kam kërkuar të bisedoj edhe me Kryeministrin Hashim Thaçi. Ai e ka parë programin tim dhe m’i ka hapur dyert për të përkrahur të gjitha projektet të cilat i kam prezantuar para qytetarëve të Prizrenit. Ato projekte janë: rruga Prizren – Tetovë, është një drejtori për zhvillim ekonomik dhe kujdesin ndaj biznesit, që kam kërkuar të krijohet, drejtoria për turizëm, si dhe të hartohet një plan për rritjen e nivelit të sigurisë nëpër shkollat e komunës së Prizrenit. Me këtë është pajtuar edhe z.Ramadan Muja. Mirëpo, kam kërkuar garanci që unë të marrë pjesë për zbatimin dhe mbikëqyrjen e këtij projekti dhe më është ofruar posti i nënkryetarit të Komunës. Për shkak të respektit, të hapjes së dyerve dhe pranimit të mirë të projektit nga ana e z. Muja dhe z. Thaçi unë kam vendosur që si kandidat i Koalicionit për Prizrenin, si Ruzhdi Rexha, të bëj marrëveshje. Kam bërë marrëveshje me z. Ramadan Muja në prani të Kryeministrit Hashim Thaçi dhe disa ministrave.

Express: Cili ka qenë ndikimi i liderit të PDK’së Hashim Thaçi për arritjen e kësaj marrëveshje?
Ruzhdi Rexha: Ndikimi i Kryeministrit Thaçi ka qenë përmes pjesëmarrjes së tij dhe garancisë së tij se projekti do të realizohet. Unë kam besim te z. Muja, por kam kërkuar që të jetë prezent edhe z.Thaçi, që është Kryeministër i Kosovës. Ana tjetër, përfaqësuesit e LDK’së, nuk i kanë pranuar kërkesat e mia.

Express: Si është pritur vendimi juaj në LDD? A keni kontaktuar me z. Daci?
Ruzhdi Rexha: Në momentin e nënshkrimit të marrëveshjes mes LDD’së dhe LDK’së kam dashur të shohë përmbajtjen e marrëveshjes. Qëndrimi i LDD’së për marrëveshje me LDK’në është përfaqësuar nga gjashtë anëtarë. Mirëpo, 12 anëtarë të tjerë kanë qenë për të bërë marrëveshje me PDK’në. Thjesht nuk është respektuar mendimi i shumicës. Unë kam dashur të bisedojë me kryesinë por kryetari i Degës së LDD’së në Prizren pas nënshkrimit ka shkuar jashtë Kosovës. Nuk kam pasur kohë ta presë dhe kam ndërmarrë hapin tim. Nuk jam konsultuar as me qendrën, përkatësisht me z. Nexhat Daci. Por, më vonë e kam njoftuar dhe kam kërkuar falje sepse e kam bërë pa njoftimin e qendrës. Por sot e kam njoftuar dhe e kam përkrahjen si Ruzhdi Rexha. Unë edhe publikisht kam thënë se marrëveshjen e kam nënshkruar në emrin tim. Unë jam, dhe gjithnjë do të jem anëtar i Lidhjes Demokratike të Dardanisë. Jam anëtar i kryesisë së degës së LDD’së në Prizren.

Express: Por si është vlerësuar vendimi juaj?
Ruzhdi Rexha: Kam edhe lëvdata, ka edhe kritika. Mirëpo, koha do ta tregoj të vetën. Ka komente të mira sepse thjesht është thyer një barrierë që ka ekzistuar në Prizren ndërmjet dy taborreve të mëdha (PDK dhe LDK). Tani duhet të merremi me zhvillim ekonomik, me projekte konkrete për qytetarin, e jo me çështje politike, me CD’ja të ndryshme, e të tjera.

Express: Meqenëse dega e LDD’së ka bërë koalicion me LDK’në në Prizren si do të sillen votuesit? A prisni që ata tash të votojnë për kandidatin e PDK’së Ramadan Mujën apo për kundërkandidatin e tij me të cilin LDD ka bërë koalicion?
Ruzhdi Rexha: Votuesit, momentalisht janë të hutuar. Unë kam dhënë intervista në televizione lokale në Prizren dhe kam dhënë arsyetimet e mia. Ju po e përmendni PDK’në, por unë po e përmendi Ramadan Mujën dhe Kryeministrin Thaçi si garanci se do të realizohet projekti. Unë kam pasur rreth 8,300 votues. Po shkoj me një logjikë të thjeshtë. LDD ka marrë rreth 3,000 vota. AKR rreth 2,000. Të tjerët, partitë e vogla, nuk kanë pasur më shumë se 500 vota. Pra, 3,000 votues kanë votuar për Ruzhdi Rexhën dhe programin tim. Votuesit janë shumë të mençur. Aty ku është programi i zhvillimit ekonomik i Ruzhdi Rexhës, aty edhe do të votojnë. Ata e dinë fort mirë çka është LDK’ja dhe LDD’ja, por e dinë shumë mirë çka është Ruzhdi Rexha.

Express: Do të thotë gjatë kësaj jave të fushatës ju pritet të dilni së bashku me Ramadan Mujën dhe t’u bëni thirrje votuesve tuaj që të votojnë kandidatin e PDK’së?
Ruzhdi Rexha: Po, sigurisht. Kjo është pjesë e marrëveshjes. Aty ku është Ramadan Muja, aty është edhe Ruzhdi Rexha. Do t’u bëjë thirrje votuesve që të votojnë për Ramadan Mujën dhe programin tim të cilin e ka pranuar z. Muja. Unë do të dalë në fushatë me të, ndoshta që nga dita e sotme.

Express: Çfarë rezultati prisni me 13 dhjetor?
Ruzhdi Rexha: Partia Demokratike e Kosovës, përkatësisht z.Ramadan Muja e ka mbledhur një spektër të subjekteve politike që është karakteristikë për qytetin e Prizrenit. Aty janë turqit, boshnjakët, Partia e Drejtësisë, aty jam unë, me të vërtetë është edhe pjesë e shumetnicitetit, që thjeshtë është karakteristikë e Prizrenit. Nga ana tjetër e kemi LDK’në, që ka një koalicion, mirëpo, aty ku përcaktohet Ruzhdiu, jam i sigurt që edhe Partia Demokratike do të fitojë. Me këtë do të fitojë sigurisht edhe qytetari i Prizrenit për shkak të integrimit apo bashkimit të projekteve të Ramadan Mujës dhe Ruzhdi Rexhës. Jam i sigurt për fitore.

Express: Viteve të fundit ka pasur spekulime se ju nuk keni raporte të mira me PDK’në për shkak të vrasjes së vëllait tuaj, Komandat Drinit?
Ruzhdi Rexha: Ato janë fjalë të njerëzve që thjesht deklarojnë “jo gjaku, jo gjaku”. Unë kam marrë pjesë në gjykimin për vrasjen e vëllait tim, prej fillimit në vitin 2001, deri në përfundim, në vitin 2006. Në kuadër të këtij gjykimi nuk është përmendur që ndonjë subjekt politik ka vrarë vëllain tim. Janë përmendur saktësisht emrat dhe mbiemrat e njerëzve që janë dyshuar se kanë dorë në vrasjen e vëllait tim. Askush nuk mund të marrë të drejtën të akuzojë një subjekt politik, apo të akuzojë një përqindje të madhe, 33 përqindëshin, se më kanë vrarë vëllain e unë tash u jam bashkangjitur atyre. Kjo është me të vërtetë marrja e Zotit që njerëzit të bartin fjalë kështu. Unë jam ai që e di saktësisht se çfarë ka ndodhur me vëllanë tim. Nuk ka kurrfarë lidhje kjo me vrasjen e vëllait tim. Nuk është e vërtetë se nuk kam pasur marrëdhënie të mira me Partinë Demokratike të Kosovës. Unë i kam miq, i kam shokë. Unë kam anëtarë të familjes që janë pjesë e PDK’së. A do të thotë se ajo e ka vrarë vëllain tim? Ajo që flitet në emër të PDK’së ose LDK’së, ose cilitdo subjekt tjetër për vrasjen e vëllait tim, i kisha lutur që nëse kanë informata le të kallëzojnë emrin dhe mbiemrin e jo të përfshijnë komplet masën e njerëzve. Mua më vjen keq që njerëzit janë duke u marrë me vrasjen e Komandant Drinit lidhur me një subjekt politik. E di që po përmenden kohëve të fundit edhe këto CD’të, e të tjera. Pa marrë parasysh si do të jetë, Ruzhdi Rexha nuk do të akuzojë subjekte të tëra. Unë e kam thyer një barrierë që gjithnjë ka ekzistuar, njëra anë është deklaruar “ta kanë vrarë vëllain”, e ana tjetër që heshtet dhe thotë “nuk është e vërtetë”. Unë kam hyrë mes tyre për t’iu thënë ejani të shohim cila është e mira për qytetarët, ejani t’i realizojmë këto projekte. Me hapjen e rasteve le të merret drejtësia. Mos të na mbajnë peng neve qytetarëve që të ndikojnë te votuesit.

Express: Çfarë raportesh ka pasur Hashim Thaçi me Komandat Drinin?
Ruzhdi Rexha: Do t’i përsëris fjalët e vëllait tim, Komandant Drinit – Ekrem Rexha, kur kam kontaktuar me të në vitin 1999. Pasi i kishte lindur djali në muajin korrik, ka qenë në Sarajevë, e kam pyetur kush janë këta njerëz. Dhe kurrë nuk e harroj. Ka thënë Hashim Thaçi është një djalë shumë i mirë. Drini ka qenë më i vjetër se Thaçi. Hashim Thaçi e ka pasur bashkëpunëtor shumë të ngushtë Drinin. Këtë na e kanë thënë edhe kolegët, edhe bashkëluftëtarët e Drinit. Hashim Thaçi ka fjetur gjatë luftës në një dhomë me Drinin, në Devedak. Ashtu quhet ai fshati. Kanë pasur bashkëpunim shumë të mirë. Për këtë ju garantoj.

[daja shneq]

shume mire kshtu duhet te jene shqiptaret

[Brari]

llap..
pershnetje e pergzime thaqit qe ka takue vllan e "tradhtarit"..
mir thot dajashneq.. mir ka ba thaqi.. e ashtu duhet..

njiher tjeter do komentojme kto fenomene..

[Kosovar2006]

llap..
pershnetje e pergzime thaqit qe ka takue vllan e "tradhtarit"..
mir thot dajashneq.. mir ka ba thaqi.. e ashtu duhet..

njiher tjeter do komentojme kto fenomene..

Po KURVA jan ata qe etiketojn qdo njonin tradhtar (kurse tradhtari eshte mbranda atyre) pa kurfar evidence vetem perqkak se rezikohet poziten qe ekan apo dojn ta ken kurse vet nuk e kuptonj e jan inkompetent

Pastaj dergonjn Nazim Bllaca' te cilet fshihen mbas qosheve, mbas lisave, dhe vrasin mbas shpine. Sjen vet burra te dilin perpara.

Komandant Drini cili u plagos shum her ne luft, Ka pasur nje akademi ushtareke nder me te lart te kryer e te persosur, ka qen der me te aftsuar per logjistiken ushtarake( Per ket u malltretua ne burqet e shkaut 3 muj rradh) krejt jeten e harxhoj duke u menduar hartuar per Kosoven dhe si me cliru e pavarsu. Beri shum beteja duke e mbrojt Kabashin e Pashtrikun, Vrrau me qindra okupator me taktikat e shkelqyer ushtarake e mandej vritet nga nje KURV .

KURVAVE nuk i intereson nga vin LEKET nga shkau apo nga tjetri ata vetem ndonj te kurvaten

[Guri i Kuq]

Eshte e drejte e cdonjerit qe te rreshtohet ne cdo subjekt politik qe ai e percepton si me te aferm dhe te jep kontributin e vet sa e si mundet per kend te deshroj.
Pa dyshim,kete privilegje e ka edhe ky zotni -Ruzhdi Rexha nga Prizreni,por megjithate ka disa pikepyetje ,me shume morale do te thoja, ne rreshtimin e tij,sepse ne rastin konkret,kemi nje kandidat qe garoi ne emer te LDD dhe te disa partive te djathta si i Balli Kombetar e tjera ,e te AKR-se dhe ne momentin kur partia qe e mbeshteti ne gare dhe aleatet e saj ,deklarohen per nje koalicion tjeter,ai si individ del dhe sfidon partite e koalicionit dhe gjithe ata qe ia dhane voten ne emer te nje opcioni krejt tjeter politik dhe kalon ne mbeshtetje te kadidatit ,te cilin deri dje e konsideronte si krejtsisht te pa pershtashem per ate post.
Bazuar ne deklaraten e LDD-se ne Prizren,kemi te bejme me nje pazar privat te ketij zotrie me PDK,sepse ai (sipas tyre), ka marr premtimin per nje post publik,qe realisht nuk e meriton(nese zgjidhet kandidati i PDK,jo per ate si individ,por per mungesen e perkrahjes nga asnje subjket politik qe e kishte kandiduar)-ate te nenkryetarit te pare te Komunes se Prizrenit.

Edhe kjo nuk do te ishte kurrfare "krimi" ,sepse kalimet e ketilla nga nje parti ne tjetren ,gati se jane bere perditeshmeri ne kete Kosoven e re,sikur mos te behej fjale per nje individ, qe eshte vella i Ekrem Rexhes-Komandant Drini,nje nga figurat me emblematike te Prizrenit te pas luftes,te vrare ne rrethana te pa sqaruara ne majin e vitit 2000.
Ne gjykimin maratonik qe ka zgjatur me vite,njeri nder akuzuesit kryesor ishte mu ky Ruzhdi Rexha . Nga deshmite e tij te shumta ne gjykim dhe deklaratat e dhena ne mjetet e informimit publik,opinioni ka pas fituar nje lloj perceptimi (ndoshta edhe te gabueshem), se ky individ,me ose pa fakte,nje pjese te madhe te akuzave ia drejtonte krereve ushtarak e politik te lidhur me PDK.
Perndryshe,Ruzhdi Rexha ishte epror ushtarak i ish Jugosllavise, me sherbim ne vende te ndryshme dhe se fundi,ne vitin 2000,kur ndodhi vrasja e Drinit,ishte me sherbim dhe familje ne Bosnje e Hercegovine,si ushtarak aktiv i Armates Boshnjake.
Gjithashtu,nga deklaratat e tij ne gazeta dhe ne mjetet lokale te informimit,fitohet pershtypja se ky njeri me shume e konsideron veten si perfaqesues te nje pjese te popullesise lokale,qe ne Kosove njihet si "torbesh",nje popullesi e perzier shqipfolese dhe serbisht- folese, e cila kryesisht jeton ne rajonin e Zhupes se Prizrenit.Ky perceptim forcohet edhe me teper kur kihet parasysh fakti se kete vit PDK-ja e Prizrenit,kryesisht per aleate ne qeverisje (nese arrine t`a fitoj pushtetin) ka zgjedhur partite minoritare te turqeve dhe boshnjakeve,koalicion ky i deshmuar edhe ne mandatin qe po leme pas.

Gojekqinjet ne Prizren, flasin se PDK-ja me kete koalicion me minoritare,po i rikthehet traditave te deshmuara te internacionalizmit,si pjese e trashigimise historike te majte,prej nga e ka prejardhjen edhe kjo force politike e Kosoves,e krijuar ne vitin 2000,pas transformimit te LPK-se,ne parti politike ne perberje te se ciles u rreshtuan kryesisht ish kuadrat e LPK dhe te shoqatave te dalura nga lufta.
Ne baze te asaj cka kemi arritur te shohim ne debatett televizive te fushates deri ne eliminatore,ky person lene pershtypjen e nje kandidati shume megaloman dhe disi te shkaperderdhur (keshtu i pata cilesuar kete dhe dissa tjere ne prezantimin e pare ne temen e zgjedhjeve,premtimi i ndertimit te rruges Prizren -Tetove,me nje tunel 6 km.-rruge nderkombetare e qe fare nuk eshte ne korpusin e pushtetit komunal), e shume e shume premtimeve tjera qe jane realisht te pamundeshme per nje kryetar komune.
Personalisht mendoj se sforcimi qe ketij individi nga ana e Thacit,eshte nje investim afatgjate per Prizrenin nga ana e PDK-se,sepse kjo parti ne kete qytet,ka pasur probleme te medha kadrovike,me nje kryetar aktual te deges shume te papershtashem dhe tekanjoz dhe me nje kryetar aktual te komunes te nje moshe rreth 74 vjecare,qe nuk premton ku ta di sa ne perspektive...

[Llapi]

mire jau ka mbyll gojen disave
vellau i Komandant Drinit

[extreme]

mire jau ka mbyll gojen disave
vellau i Komandant Drinit

Tash pe quan Komandat a ?? Haku i qiti kualicioni se me siguri e ksihe shti ne listen e UDB-ashave !

[Guri i Kuq]

LDD e AKR akuzojnë Ruzhdi Rexhën për përvetësim projekti!

Prizren, 10 dhjetor

- Kryesia e LDD-së në Prizren ka bërë të njohur opinionin për marrëveshjen e arritur për balotazh me LDK-në në mbështetje të z. Hanefi Muharremi dhe se çdo qëndrim tjetër është i papranueshëm dhe konsiderohet si iniciativë personale që nuk paraqet qëndrimet e Degës së LDD-së në Prizren. LDD-ja ka zgjedhur projektin për zhvillim ekonomik të Prizrenit, të punuar nga ekspertë të këtij subjekti me synimin e realizimit përmes koalicionit “Lidhja për Prizrenin dhe kandidatin për kryetar z.Hanefi Muharremi”. Abuzimi i këtij projekti nga individë për nevoja dhe marketing personal gjoja në emër të qytetarëve të Prizrenit tregon një naivitet të skajshëm politik dhe një veprim të ulët ndaj besimit dhe votës së qytetarëve që është arritur me një mund dhe punë të madhe ekipore. “Ndaj, kjo deklaratë për media është me qëllim të heqjes së dilemave dhe konfuzitetit në radhët e anëtarëve të LDD-së dhe qytetarëve të Prizrenit”, thuhet në fund të kësaj letre. Ndërkaq, sekretari i Degës së AKR-së në Prizren, z. Fatmir Lipoveci, ishte më konkret, i cili akuzoi ish-kandidatin për kreun komunal nga “Koalicioni për Prizrenin“, Ruzhdi Rexhën, i cili tanimë ka kaluar në taborin e PDK-së. Z. Lipoveci, pos tjerash ka theksuar se projektin që z. Rexha para qytetarëve e shpalos si të vetin, në fakt ai është i përpiluar në zyrat e AKR-së dhe nga ekspertë të AKR-së dhe të koalicionit. Ndërkaq që ka njoftuar se vendimtare për mbështetjen e kandidatit të LDK-së nga ky subjekt politik në balotazhin e 13 dhjetorit, ka qenë vendimi i kryesisë qendrore të partisë, sikurse edhe preferencat e anëtarëve të nëndegëve, ndonëse patëm oferta më joshëse nga PDK-ja për ta bërë koalicionin me të. Ai me këtë rast, para mediave ka apeluar te aderuesit e AKR-së, që më 13 dhjetor të dalin masivisht në votime me synimin e fitores së kandidatit të LDK-së, Hanefi Muharremit. / M. Shasivari