Kontributi i shqiptarëve të diasporës, i rëndësishëm për integrimin e Shqipërisë - Shprehet Kryeministri Nano në një takim me përfaqësues të Këshillit Kombëtar Shqiptaro-Amerikan -
TIRANE, 1 Shkurt/ATSH/.- Kryeministri Fatos Nano, në një takim të zhvilluar të Shtunën me përfaqësuesit e Këshillit Kombëtar Shqiptaro-Amerikan, Riçard Lukaj dhe Martin Vukaj, u shpreh se "kontributi i shqiptarëve që jetojnë dhe punojnë në Shtetet e Bashkuara të Amerikës, është mjaft i vlefshëm për integrimin e Shqipërisë". Zëdhënësi i Kryeministrit, Aldrin Dalipi, bëri të ditur se, në këtë takim, z.Nano theksoi se "bashkëpunimi me këtë pjesë të shqiptarëve ka nevojë të strukturohet mbi një program konkret veprimi". "Diaspora jonë mban lidhje në të gjithë vendet ku jetojnë shqiptarët, dhe, në këtë kuadër, mendojmë se bashkërisht do të rrisim edhe më tej rolin moderator dhe europianizues", u shpreh z.Nano. Presidenti i Këshillit, Riçard Lukaj, dhe Drejtori Ekzekutiv, Martin Vulaj, vlerësuan vizitën e Presidentit të Komisionit Europian, Romano Prodi, në Tiranë, dhe hapjen e negociatave me Bashkimin Europian. Ata vunë në dukje "arritjet e gjithanshme të muajve të fundit në Shqipëri, drejtimin pozitiv të klimës politike në vend dhe rolin e Kryeministrit Nano në këto zhvillime." Përfaqësuesit e Këshillit Kombëtar shqiptaro-amerikan shoqëroheshin në këtë takim nga Ambasadori amerikan në Tiranë, Xhejms Xhefri. /o.cu/inxhi/
2003-02-01
--------------------------------------------------------------------------------
Copyright © 2001 Albanian Telegraphic Agency! Inc. All rights reserved.
Pershendesim viziten e shqiptaro-amerikaneve, si dhe u rekomandojme nje vizite ne te gjitha trojet shqiptare, gjithashtu pershendesim shume edhe deklaraten e zotit Nano se "bashkepunimi me kete pjese te shqiptareve ka nevoje te strukturohet mbi nje program konkret veprimi".
Pershendetje
Rrofshin Shqiptaret e Bashkuar dhe Shqiperia e Bashkuar
Krijoni Kontakt