Aforizmat e Agim Metbalës

- Defekti mbetet defekt, pavarësisht riparimit të shpejtë!
- Dinakëria më ngjanë pastërmës - së pari mirë ushqehet, pastaj me ëndje prehet!
- Faqecebook është një lulishte që për fekondim josh shumë flutura e bleta në fluturim!
- Mund të shkruhet edhe në rërë, por një erë e një tallaz i vogël, e fshijnë për gjithmonë!

- Ambicie e tepruar, pjellë xhelozinë, xhelozia përqafon urrejtje, urrejta kurorëzohet me hakmarrjen!
- Gënjeshtra i ngjanë vegimit - vegimi të bënë t'i sillesh botës shumë herë vetëm për disa sekonda!
- Nëse njeriun e krahasojmë me një libër, kopertinat kanë rëndësi shumë të madhe!
- Dorëshkrimi i ngjanë kufomës së mumifikuar, s’ka shanse teorike pa u zbuluar e nga ekspert pa u ekzaminuar!

- Kurrë mos lejo që opinionet e bujshme e të zhurmshme, ta luhasin qëndrimin tëndë pozitiv!
- Kur të shtrohet mundësia e parë ta përmirësosh gabimin, bëje me shumë kujdes e me përpikëri, në të kundërtën, pajtohu me pasojat!
- Mos humbë kohë në kërkim të shkaqeve, kuroje pasojën!
- Çdo mllefosje, sjell vendime me përllosje!

- Sensacioni, është satisfakcion i njerëzve të pasur!
- Inati është bërë gangrenë e jonë!
- Mos kurse kohën në luftim të vërtetës, mos kurgjë tjetër, do ta amortizosh forcën e sajuesve të pavërtetës!
- Njeriut të luhatshëm, kurrë mos i ofro shumë alternativa!

- Mos lidh aleancë me mendjemadhësinë, nga vetja do largosh e gjithë shoqërinë!
- Mrrolja e fytyrës i ngjanë kundërmimit - të gjithë ikin me ndjenjën e dëshprimit!
- Një fotografi - një roman i gjatë!
- Ka shumë njerëz që me punë minimale, kërkojnë kushte maksimale!

- Largohu shoqërimit me njeriun që lavdërohet se di shumë, mbase do humbish kohën kot duke iu kundërvënë!
- Antari i familjes që ndërron besimin, ka humbur edhe familjen edhe besimin!
- Me dyshimin, mundohu të shoqërohesh sa më pak!
- Çdo dekorim e zbukurim, në esencë, jo se ka ndonjë efekt të madh, ama kënaq syrin e shpirtin!

- Fatkeqësisht, ama mashtrimi është përqafuar nga shumica si parim kryesor i punës dhe i jetës!
- Shumë shpesh ndodhë në jetë, që goja thot të kundërtën e shpirtit!
- Kush çmon kufirin, çmon autoritetin dhe dinjitetin e vet!
- Nëse do shoqëri me jetëgjatësi, mbajë balans në vazhdimësi!

- Femra më e lënur dorësh në jetë, është bashkëshortja e politikanit dhe e njeriut të pasur!
- Kujdes në sjellje - nëse i verbëri nuk sheh, ndëgjon fare mirë, nëse i shurdhëri nuk ndëgjon, sheh fare mirë!
- Nuk ka lidhje cilit besim I takon, besimtari I vërtet, është njeriu I drejtë!
- Mirësjellja është si çelsi kallauz për nder, me lehtësi hap me lehtësi secilën portë e secilën derë!

Z.Agim,cdo shkronje e jotja nje margaritar,
cdo fjali nje thesar.
Frymezim te vazhdueshem.

Postuar më parë nga Xhenet.M.S.

Z.Agim,cdo shkronje e jotja nje margaritar,
cdo fjali nje thesar.
Frymezim te vazhdueshem.

Falemnderit Xhenet, unë po përpiqem të bëjë diçka për sot e për brezat që do vijnë...është çështje në vete sa ia arij...por nga gjithë këto aforizma të shkruar, jam plotsisht i vetëdijshëm se disa sosh do mbeten të pavdekshëm...
Ju falenderohem për vlerësim e komplimente...