Shqiptarët me kuti, ballkanasit pa viza

[ramaik]

Në 20 Nëntor opozita (e supozuar) do bëjë namin në Tiranë me protestën e saj për ca kuti; kurse në 19 Dhjetor, maqedonasit, serbët dhe malazezët do udhëtojnë lirshëm në vendet e BE-së. Po, ishte parashikuar për në 1 Janar 2010 heqja e vizave, por Parlamenti Evropian vendosi dje t’i kërkojë Këshillit që të miratojë heqjen e vizave që nga 19 Dhjetori. “Kështu iu bëjmë një dhuratë për festat e fund-vitit qytetarëve të këtyre vendeve” - thuhet në deklaratën zyrtare të Parlamentit Evropian. Kurse qytetarët shqiptarë do marrin si dhuratë protestën më të madhe që ka parë ndonjëherë historia. Po, po, edhe ajo e Sali Berishës me mitingjet e sheshit. Protestë dhe kuti, edhe pse brenda tyre nuk pritet të ketë ndonjë mandat tepër për dashuruesit e rinj të demokracisë bojkotiste.

Shqiptarët nuk do të kenë dhurata lëvizjesh të lira për fund-vitin, sepse, edhe pse votuan mirë e bukur sipas çdo standardi të kërkuar në 28 Qershor, përfaqësuesit e zgjedhur, por jo fitues, nuk kanë fort qejf të pranojnë humbjen. Nuk kanë as ndonjë ngut për ta pranuar atë. Viza kanë, parà po e po, edhe pse nuk marrin rrogë, nxitim nuk kanë për punën që i pret në parlament, kështu që, janë që janë, po merren me bojkotin e kutive.

Përtej të drejtës për t’i hapur ato, bojkoti arkaik dhe i patolerueshëm i së majtës thjesht po mitizon Berishën. Duke ndjekur gjurmët e tij, nga një, na u bënë dy mitingje-dashës në krye të politikës, që në mënyrë rigoroze dhe pa asnjë fije përgjegjësie, pengojnë ecurinë e shqiptarëve përpara (se Shqipërinë po e qajnë me lot).

Bojkoti do ishte shumë më i besueshëm dhe i pranueshëm po të ishte vërtet në interes të shqiptarëve. Po si mund të jetë i tillë, kur nga jashtë e nga brenda të majtës po i kërkohet të futet në Parlament? E majta do e kishte bërë, po guximi i 64 njerëzve me mandat varet nga kapriçoja e dikujt që as nuk ka qenë, as nuk ka gjasa të hyjë ndonjëherë në parlament. E për shkak të pakënaqësive personale të njerëzve të dështuar në politikë, shqiptarët duhet të durojnë protestat, vonesat dhe efektet e shëmtuara të mungesës së stabilitetit politik në Shqipëri.

Më keq akoma, sjellja arrogante, e papërgjegjshme dhe jo-reflektuese e së majtës, po mitizon një të djathtë manipulative, të zhytur në oligarki, privatizuese të gjithçkaje që i del përpara, prishëse efektive të sistemit arsimor, hermetike në shanset për punësim, dirigjuese të një sërë sipërmarrjesh që prekin drejtpërdrejt jetën dhe kuletën e qytetarëve. Dhe jo, opozita nuk shqetësohet për këto, por për kutitë. Po, sepse aty fshihet pushteti. Dhe lufta është për dominancën, jo për qytetarin, as për vizat, as për demokracinë, as për shtetin e së drejtës, as për pavarësinë e gjyqësorit. Jo. Se po të ishte lufta e madhe apo protesta për këto, me numrin më të madh që ka pasur ndonjëherë opozita, ajo do kishte hyrë me kohë në Parlament t’ia vështirësonte qeverisë ngadalësimin e progresit. Por në vend që ta ngadalësojë, opozita po e mban peng fare këtë zhvillim.

Politika, njëlloj si media, (sa shumë shkojnë të shkretat me njëra-tjetrën), po prodhojnë mite dhe raste fatkeqe. Në emër të fjalës së lirë, apo në emër të votës së lirë, personazhe të gabuara e çojnë veten në vendin e duhur për të krijuar martirizma dhe gjoja për të ngritur zërin në emër të lirisë.

Po ç’liri zeza? Liria për të penguar lirinë e të tjerëve? Të atyre që kanë votuar për të lëvizur, e që përkundrazi mbahen lidhur nga brenda prej kapriçove personale?

Përveç absurditetit dhe papërgjegjshmërisë në zgjedhjen për të vazhduar bojkotin (mënyra më e mirë për të përcaktuar shkallën e frikës së përballjes), e majta po bëhet edhe qesharake me mundimet e saj për t’u justifikuar alla-Berisha se shqetësohet jashtëzakonisht shumë për fatin e votës së shqiptarëve, prandaj nuk hyka në parlament.

Ja edhe po të kishte fituar e majta, do ishte më ndryshe? Jo. Jo dhe JO. Do kishim masterin e protestave, zotin Sali Berisha, në krye të kalvarit dhe thirrjeve për të mos njohur institucionet “e votës së vjedhur”.

Pra, në secilin kah, politika do luftonte ashpër për karriget e saj, dhe lufta bëhet mbi kurrizin popull. S’ka gjë, se durojnë shqiptarët. Edhe po s’ka heqje vizash këtë radhë, e rëndësishme është të ketë protesta.

Kaq shumë është përkëdhelur politika nga nënshtrimi dhe adaptimi i dhimbshëm i shqiptarëve me cilëndo situatë që ju serviret, saqë tani seriozisht mendon se ka të drejtë të padiskutueshme që të bëjë ç’të dojë, kur të dojë e për sa kohë të dojë me këta njerëz, votën dhe të drejtat e tyre.

Ç’të qajnë më parë shqiptarët? Se tuneli që hëngri miliona është aq i rrezikshëm sa mund të hajë edhe jetë njerëzish? Se punësimi është ëndërr e thurur keq? Se arsimi është në udhëkryq e i përçudnuar në barsoletën e universiteteve private? Se shëndetësia është gjeneruese e korrupsionit, po aq sa edhe e pasigurisë? Se tarifat, çmimet dhe shpenzimet janë jashtë çdo mundësie përballje nga konsumatorët?

Apo të vajtojnë për një opozitë që bredh qyteteve duke bërtitur për hapje kutish?

Kutitë japin pushtet, jo mirëqenie. Plotësojnë kapriço personale, jo progres të përbashkët. Çojnë ujë në mullirin e partive, por kurrsesi në atë të qytetarëve.

Kjo në njërin krah. Dhe në krahun tjetër, sa të mallkuara paska qenë ato kuti, që po mbajnë peng politikën, median, Tiranën e Brukselin bashkë?

Serbët, malazezët dhe maqedonasit do mund të kalojnë pushimet e fund-vitit me të afërmit e tyre në Evropë këtë vit. Po shqiptarët, ç’mund të fitojnë, edhe nëse hapen ato të flamosura kuti? Mbase diçka politike dhe të pavlerë po, por lëvizje dhe përfitim direkt për qytetarët JO.

E pse të shohim sërish fytyra të ngrysura e arrogante kryetarësh që bërtasin duke tundur gishtin, si për të na treguan vendin sipas mendësisë së tyre? Që nga Hoxha, akoma vazhdon ky gjestikulacion autoritar e i gjithëpushtetshëm në udhëheqësit rastësorë shqiptarë.

Qytetarët kanë nevojë për debat konstruktiv, për progres dhe për ecuri pak më të shpejtë përpara, se gishtat tregues duke u tundur lart e poshtë, boll i kemi parë si komb.

Politika. Vrasësja e të drejtave të shqiptarëve. Bartësja e të papërgjegjshmëve që abuzojnë me pushtetin e saj.

Politika sjell protesta në Shqipëri, jo lëvizje pa viza. Dhe protestat sjellin veç politikë. Prandaj do na duhen akoma vizat.

Ç’fatkeqësi që as vaksina e votës nuk e izolon virusin “politikë” në Shqipëri. Prandaj, të rrimë urtë, se mirë jemi të izoluar si komb. Apo të protestojmë kundër protestave dhe personalizimeve të politikës?

Mungon nervi i reagimit qytetar, prandaj livadhisin gënjeshtrat e mazhorancës dhe pallavrat e opozitës. Ama shqiptarët, pak e nga pak, po mësojnë mirë se si të ndëshkojnë me votë. Sa do mësojë politika, do ta shohim shpejt.

Edlira Gjoni (Tirana Observer)

[land]

Po Edlira ashtu eshte,pra me pak fjale......http://www.forumishqiptar.com/showpo...51&postcount=9

[dritek7]

ashtu de ... opozita e ka fajin pse Shqiperia largohet c'do dite e me shum nga bota e qyteteruar ne drejtim te maleve te Pakistanit e Afganistanit ... turp te ket opozita qe nuk ndalon trenin e prishur e te mbushur me mbetje toksike te Berishes qe po vazhdon udhetimin ne drejtim te kundert te stacionit qe Shqiptaret duan te shkojn...turp e faqja e zez... ps Shqiptaret duhet te zgjedhin ndermjet baces dhe vizave...nuk ka viza me bacen sot e 100 vjet...

[Duaje Siveten]

citue prej aramaik

... E pse të shohim sërish fytyra të ngrysura e arrogante kryetarësh që bërtasin duke tundur gishtin, si për të na treguan vendin sipas mendësisë së tyre? Që nga Hoxha, akoma vazhdon ky gjestikulacion autoritar e i gjithëpushtetshëm në udhëheqësit rastësorë shqiptarë.
...

sepse sundon maliqi, dhe jo ligji ...

perse nuk e thua dot SHQIP se politikanet e sotem, duke filluar nga salija, gjino, fatosi, paskali, gramozi ... e sa e sa te tjere jane pjelle e drejtperdrejt e tundje gishtit dhe e grushtit, e fytyrave te ngrysura e arrogante te politbyrose me shokin enver ne krie ...

dhe per me teper, politikanet e siperpermendur nuk jane aq rastesore, moj shoqja jone naive Edlira ... e di mire gjithkush nashi se i ka vene shoki ramiz me sillo-sigurimin ... shoqeruar me gjestikulacione te atij kallepi ... per te siguruar perhershmerine e ruajtjes te asaj qe ata kane grabitur me dekada, dhe vijojne te grabisin pa trazuar ...

[skampin]

o duje ke harruar emrat e kanibaleve te rinj si Rama me grupin e pedeve te bashkise se nuk jane me te mire se keta qe ke permendur.

[Duaje Siveten]

o duje ke harruar emrat e kanibaleve te rinj si Rama me grupin e pedeve te bashkise se nuk jane me te mire se keta qe ke permendur.

Aferim, miku im!

[soni12]

e kemi peshqesh dhe prej mero baze-rezart taci

[drenicaku]

Sikur ky edi rama eshte dashurua ne kuti me shume se sa ne shqiperi

[salihaj]

As ata që e duan të vërtetën, as ata që e duan të bukurën, nuk mund të merren me politikë, sepse ajo nuk merret me të vërtetën, as me të bukurën. A. Kamy

Frik me shkoi mendja!
Frik me shkoi mendja te thënia e NOSTRADAMUS-it ku në librin e tij profetizues thotë: “në vitin 2020 deveja e Afrikës do të pijë ujë në lumin Rajnë e Gjaermanisë!” Edhe kjo me provokoi fjalën e urtë popullore: “hip se të vrava, zbrit se të vrava!” Po të zgjerohet Islamizmi sipas NOSTRADAMUS-it, ku janë Islamistët që ende nuk e pranuan Kosovën? Sipas meje pjesë e Shqipërisë. Po të kthehemi në drejtim të Evropës, shtrohet pyetja: “kur ja ka pa hairin shqiptari Evropës e cila e ka gjymtuar e bërë pikë e PESË! Më këtë liberalizim të vizave jam shumë skeptik sepse ashtu siç ka në Shqipëri të cilët bëjnë me gisht, ashtu ka në Evropë që ju kanë lënë lezet Beogradi si metro evropiane, po ashtu Shkupi e Podgorica mi shfry “topat” e vet. Për atë ka ekzistuar dhe ekziston kënga e vjetër serbe “dashuria e parë kurrë nuk harrohet”, ose “mësoje macen mos me ngrënë miun!”.
Flitet dhe është e vërtetë: “opozita e fortë shteti i fortë!” Sikur mos të ishte Edi Rama i tillë, as Sala nuk kishte me qenë i tillë, kishte pasur mundësi që Shqipëria të shkon drejtë humnerës. Por mirë e ka vërejtur njëri nga forumistët që kanë shkruar më parë se asnjëri nga të cekurit nuk e kanë freskuar popullin shqiptar ashtu si e meriton pas të gjitha katrahurave qe kaloi, siç ka qenë izolimi nga vetë PK dhe okupimi nga serbi etj. Duhet të mbretëroi ligji, ama ligji i të drejtës. Besoj se një ditë edhe populli shqiptar do të vetëdijesohet dhe të zgjedh djemtë që meriton e të bashkohem ashtu siç na ka hije për hir të popullit martirë dhe vatanit që ja ka lakmi edhe Evropa edhe Azia.

[STUDENTI USHT]

eshte nje pyetje e cila ne vete ngerthen shum pergjigje por vetem njera eshte e vertet e cka do te thot se ne jemi shqiptar po pse po mundohemi ta cveshim petkun e shqiptaris e jo te mburremi me at qka jemi.
eshte me se e vertet se jemi shqiptar dhe se ne kto troje datojm shum me heret se te ishin maqedonasit po ku jan ata historianet tan qe heshtin dhe nuk ngren ze kunder kesaj padrejtesie po ku jan ata politikanet tane te ci;et mburren me ate se jan shqiptar dhe mashtyrojn popullin e mjer me mashtrimet e tyre klasike ku eshte i madhi si quhet Ali ahmeti i cili shitej patiot luftonte per popullin shqiptar e tash eshte futur ne rrugen epolitikes se felliqur dhe po mburet me ate se po ban marveshje me vmrn e cila ashte nje produkt i uidbes dhe se piksinim e ka shkatrrimin e shqiptareve po ku jan ata politikanet tjere te cilet po ne ket menyr shiten patriot te kombit shqiptar nje fjale e urte thot se trim asht ai qe qet pushk per vatan e jo ai qe qet pushk per te mar hakun e vellait .
te gjitha keto u harruan na u be nje fyrje ne sy dhe nuk po mund ta kuptojm kush na e beri shqiptaret e shitur apo maqedonasit nuk po mund te kuptojm ende se kush eshte trathtari nuk po mund te dime se nga ksuh te mrohemi nga shqoiptaret apo nga maqedonasit nuk po e njohim armikun .
pse nuk ngriten ne kemb patriotet e vertet qe i mbrojn interesat e shqipetareve interesat e kombit po me ket po tregojm se nuk po egostojn patriotet nuk po egzistojn forcat mbrojtese intelektuale te kombit shqiptar .te gjith kemi nje flamur te gjith kemi nje shqiponj pse nuk po mund te themi si i madhy yn PASHKO VASA mos shikoni kisha e xhamia se fe e shqiptarit eshte shqiptaria jemi ne te njejten gjendje ku jan forcat e reja pse po heshtim ku jemi ne rinia spe poo asimilohemi dit e me teper .
pse po na ndodhin kto fyerje te poshtera te cilat po na iritojn po spo i kushtojm rendesi ku kjo eshte qeshtje e rendesishme per xhdo njeri qe e ndjen veten te pakten shqiptar

O VLLEZER E MOTRA NE JEMI SHQIPTAR


ne kemi histori ne kemi te kaluar ne kemi identitet ne kemi bagazh te madh te njerezve te medhej po ku jemi ne pse spo behemi edhe me te medhej se ata ju ftoj ne bashkim komtar ju ftoj qe te mbroj idenititetin e kombit shqipetar ju bej thirrje edhe vellezerve dhe motrave kosovar se edhe ata jan nje gjak nje emer nje komb sikur ne jan shqiptar ore mos te kerkjn identitet tjeter sepse e kan identitetin e tyre jane shqiptar herdo kur do jemi SHQIPERIA E MADHE edhe ne qofte nuk ddo mundemi me teritor po me zemer o shqipetar te zgjohemi nga gjumi e kemi amanet nga te medhejt e kemi amanet nga shqipetaret ndaj shqipetareve ndaj atetheut . kerkoj falje per ndonje gabim teknik