Autoudha Durres-Prishtine

[dodoni]

Projektuesi i La Manshit bën studimin për “autostradën shqiptare”

Zyrtarisht fillon studimi i fizibilitetit për rrugën Durrës - Kukës - Prishtinë

BASHKIM SHALA KUKËS, 29 JANAR - Fillon zyrtarisht studimi i fizibilitetit për rrugën Durrës - Kukës (Morin) - Prishtinë. Kollosi botëror në fushën e projektimeve, kompania britanike MOTT MACDONALD, e cila ka projektuar tunelin e La Manshit, në bashkëpunim me kompaninë italiane TECNIC Consulting Engineers, do të kryejë këtë studim për variantet e kësaj rruge. Për këtë qëllim, menaxheri i kompanisë, britaniku Patrick Malone si dhe specialisti Konrad Grossey, si dhe koordinatori i projektit të Bankës Botërore Shkëlqim Zeqo, të mërkurën vizituan Kukësin. Në takim me prefektin e qytetit, Shaqir Shehu, ata kanë publikuar fillimin e punës në studimin e fizibilitetit. Shkëlqim Zeqo, në fillim ka prezentuar kompaninë fituese. “Konsorciumi MOTT MACDONALD është kollosi botëror i kompanive në fushën e projektimit. Ajo ka rreth 4300 projektues dhe ka bërë projekte në të gjithë botën dhe projekti i saj i fundit është tuneli në La Mansh. Ndërkohë që edhe kompania italiane e projektimit TECNIC Consulting Engineers për këtë punë është e njohur në tërë botën”.

Tri variantet e rrugës

Në vijim, koordinatori i Bankës Botërore ka bërë prezente variantet që do të studiojë kompania fituese për rrugën Durrës -Kukës - Prishtinë. “Përfundimisht studimi për rrugën e re Durrës - Kukës - Prishtinë do të bëhet në tri varinte dhe konkretisht: Milot-Mjedë-Pukë-Fushë-Arrëz- Kukës-Morin; Milot-Rrëshen-Shpal- Gjegjan (Pukë)-Fushë-Arrëz-Kukës- Morin; Milot-Rrëshen-Reps-Klos (Fanë)-Thirrë (tunel)-Kalimash- Kukës-Morin”, ka deklaruar Shkëlqim Zeqo. Në këtë takim është përjashtuar çdo lloj varianti tjetër për t’u studiuar, përfshirë këtu edhe variantin Qafë- Morinë-Gjakovë. Ky grup ka zhvilluar një takim edhe me drejtues të doganave të qarkullimit rrugor, të drejtorisë së rrugëve. Atyre u janë shpërndarë formularët me pyetjet që kanë të bëjnë me levërdinë e ndërtimit të kësaj rruge. Formularë të tillë në Kosovë do të shpërndahen gjatë muajit shkurt, kur delegacioni vjen në Prishtinë. Prefekti Shaqir Shehu do të bëjë koordinimin e të gjitha këtyre punëve, përkatësisht Kukësi do të shërbejë si urë lidhjeje për bashkëpunim të specialistëve me komunitetin në Kosovë. Patrick Malone ka bërë të ditur se specialistë të kompanisë deri tani në kuadër të këtij studimi kanë kryer fotografimin e të gjithë zonës, ka përfunduar digjitalizimi i të gjithë hartave të zonës për të tri variantet, ka përfunduar studimi topografik i të tria varianteve, ndërkohë që është në proces studimi gjeologjik.

Marre nga www.koha.net
Rrofshin Shqiptaret e Bashkuar dhe Shqiperia e Bashkuar

[vana]

shyqyr!