Ku na shpie mosdalja në zgjedhje?!

[h75]

Duhet thënë që në krye që dalja në zgjedhje nuk duhet të jëtë qështje, qështje duhet të jetë, për kë të votohet.
Dihet ose është relativisht e ditur që kishim e kemi udhëheqje të padenjë,por kjo nuk është arsye për të mos votuar, përkundrazi, kjo është njëra ndër arsyet pse duhet votuar, pse duhet vënë vizë disa politikanëve, por jo të gjithëve. Njeriu nuk duhet të zhgënjehet me të gjithë sepse e mira e përgjithshme, për të cilën po bëjmë sikur rropatemi nuk na e lejon këtë.Nëse deri më tani nuk kemi zgjedhur si duhet, këtë mund ta përmirësojmë vetëm duke dalë në zgjedhje e duke zgjedhur njerëzit e duhur.Kështu më thotë logjika e thjeshtë, por ja që njerëzit nuk mendojnë kaq thjeshtë. Tekefundit pse të mendosh kaq thjeshtë kur mund të mendosh në mënyrë shumë më të komplikuar.
Një mënyrë e komplikuar e të menduarit e që gjithëmonë në kohë zgjedhjesh na serviret nga organizata e respektuar ’’ Vetvendosje’’ na thotë që të mos dalim në zgjedhje sepse kështu do të legjitimojmë decentralizimin i cili tashmë është i legjitimuar. Edhe unë si shqiptar, duke ditur që decentralizimi i Kosovës nuk shkon në të mirë të kombit tim e rrjedhimisht as në të mirën time do të bojkotoja zgjedhjet, sikur ky decentralizim të shmangej , por kjo nuk është e thënë të bëhet kështu dhe tani.
Zatën, sa herë dëgjoj antarët e vetvendosjes, them, mirë e kanë, teorikisht mirë, por ja që rruga si do të materializohet një teori shpesh herë është më e rëndësishme se vetë teoria.Sepse po të ishin kaq të lehta gjërat nuk do të mbetej popull i pushtuar në botë. Kush e ka thënë që e drejta për vetvendosjen e popujve është e drejt e gatshme për shfrytëzim ka gabuar rëndë.Por të thuash që fuqia buron nga populli, dhe udhëheqja që bëhet zëdhënëse e popullit është më e fuqishme, kjo po.
Megjithatë të kthehemi tek zgjedhjet dhe arsyet për të votuar e për të mos votuar. Arsye për të votuar ka gjithmonë shumë, sidomos kur voton për vete e për shtetin tënd, pavarësishtë nëse ky shtet formalisht është i ndërtuar keq.Duhet votuar e mundësisht zgjedhur më të mirët sepse vetëm këta mund ta përmirësojnë gjendjen.Sot nuk ka tjetër alternativë. Askush nuk mund të vie në pushtet pa zgjedhje e të na i rregulloj gjërat.Kjo nuk mund të ndodhë në Evropë.
Duhet votuar për të mos i lënë militantët e partive të vendosin rezultatin e zgjedhjeve.
Duhet shfrytëzuar e drejta për votim sepse dosido zgjedhjet do te jenë legjitime, e këta nuk do t’i vrasë ndërgjegja sepse pati pjesëmarrje të ulët.Sepse pjesëmarrja e ulët do të komentohet tri ditë e pastaj ne do të vuajmë për katër vjet abstenimin tonë.Këtu s’do koment se kush është i dëmtuar, ne apo politikanët që u zgjodhën pa pjesëmarrjen tonë.
Ndërsa arsyet për të mos votuar që ’’Vetvendosja ’’ i ka gjetur, indirekt shkojnë në të mirë të kësaj klase politike, sepse thirrja për mospjesmarrje vetëm sa fuqizon votën e militantëve.
Megjithatë edhe në këto zgjedhje nuk pritet të ketë pjesëmarrje të lart , kështuqë ’’Vetëvendosja’’ do të ’’fitoj’’ siq ka ’’fituar’’ edhe në zgjedhjet e kaluara, ndoshta duke llogaritur kot që kjo përqindje e popullit e dëgjoi ’’Vetëvendosjen’’që nuk votoi, por ja që nuk i llogarit kush votat e padhëna por vetëm ato të dhëna.
’’Vetëvendosja’’ që të dijë peshën e vetë reale duhet të marrë pjesë në zgjedhje. Kjo është rruga e vetme për të kontribuar në ndryshimin e gjendjes së tanishme.Herët a vonë ’’Vetëvendosja’’ do ta kuptoj që politika bëhet në institucione, aty merren vendimet që i shohim e nuk i shohim, dhe se e vetmja rrugë për të ardhur në institucione janë zgjedhjet.
Unë uroj që ’’Vetëvendosja’’ ta kuptoj shpejt këtë në mënyrë që populli të ketë fatin t’i provoj edhe këta.Mbase këta janë të duhurit.
Deri atëherë të zgjedhim më të mirët në mes të atyre që garojnë në zgjedhje.

[Guri i Kuq]

He me te lumte,kenke kthyer !
h75,nder komentet me te mira qe kam lexuar koheve te fundit per kete ngjarje te madhe,Zgjedhjet 2009.
Do te ishte shume interesante pikepamja jote per ato qe ke pare e lexuar nga partite,kandidatet dhe programet per ndonje nga qytetet tona.
Si analist,si do ta komentoje performansen e partive kryesore ne kete fushate,sidomos te lidereve kryesor,natyrisht per ato parti qe kane lider ?
Shnet e sukses !

[h75]

I nderuar Guri i kuq,
Do të përpiqem që shkurtimisht të jap një përgjigje në lidhje me pyetjen tënde sa I përket fushatës zgjedhore.
Së pari, unë mendoj që nuk duhet dhënë vota askujt që ka keqpërdorur pushtetin. Kjo mundësi askujt nuk duhet t`I jepet dy here.
Ndërsa sa I përket fushatës zgjedhore në dukje është e mirë. Mund të them që fushata zgjedhore e shqiptarëve nuk dallon prej pjesës tjetër të Evropës,por dita e zgjedhjeve dhe ditët e mëpastajme dallojnë shumë.
Sa I përket kësaj fushate bien në sy premtimet milionëshe të kryeministrit për komunat ku do të fitoj PDK-ja. Duhet thënë që këto premtime janë të paligjshme sepse kryeministri është I tërë Kosovës dhe komunat ku do të fitoj partia e tij nuk mund t I shikoj me sy tjetër. Bugjeti që do tu jepet komunave nga qendra përcaktohet me akte normative e jo sipas dëshirave të dikujt, qoft ky edhe kryeministër. Se paku keshtu duhet te jete
Tjetër gjë që më ka rënë në sy janë premtimet e disave që udhëheqjen do të ja kthejnë popullit ose do të konsultohen me votuesin para se të vendosin për diçka. Kjo më duket shumë naïve nga këta njerëz, sepse populli ia jep pushtetin atyre pikërisht pse nuk mund të qeverisë me vetëveten. Ka udhëheqje në emër të popullit por jo edhe udhëheqje bashkë me popullin. Mendoj që konsultimi me votues që përdoret në komuna është vetëm farsë për t I ikur përgjegjsisë. Tjetër gjë është konsultimi popullor, si referendumi apo plebishiti që organizohen per qeshtje shume të rëndësishme.
Këtu si gjithmonë premtohet shumë, premtohet pa mbulesë, sepse gjithë këto premtime , në një kohë kaq të shkurtër nuk mund të realizohen as me ndonjë bugjet të ndonjë vendi të zhvilluar. P.sh. Astrit Salihu premton që ta bëjë Prishtinën si Ljublanën,por harron që Sllovenia bugjetin vjetor e ka 22 miliard , ndërsa Kosova mezi arrin ta kaloj një miliardshin. E Sllovenia dhe Kosova kanë përafërsisht të njëjtin numër banorësh.
Kryesisht premtimet këtu janë në rrugë, në shkolla, ujësjellës etj, që megjithëse janë të rëndësishme nuk sjellin përfitime ekonomike përveq se punësojnë për një kohë të shkurtër disa njerëz. Këtu askush nuk e përmend ndihmën për bujqësinë apo blektorinë që do t I siguronin të ardhura një shume të konsiderueshme të popullsisë, që do të rriste prodhimin në vend e me këtë edhe qarkullimin e parasë, e rrjedhimisht do të ndikonte në mirëqenjen e përgjithshme.
Këtu sikur nuk ka një strategji ekonomike që zgjat më tepër se katër vjet.
Por, përsëri të thuash që ne nuk kemi për kë të votojmë është gabim, në gjithë këtë grumbull që konkurojnë ka edhe njerëz të ndershëm , profesionist e jo rrahagjoks.
Mendoj që fushatën duhet pare me kujdes e pa eufori dhe të votohet për më të mirët(në këtë rast të komunës), e jo për atë që premtoi se da ta rregulloj asfaltin e fshatit.
E mira e përgjithshme e rrjedhimisht edhe e fshatit kërkon që të shohim përtej fshatit tone, e sidomos përtej çdo partie.

Të përshendes,