Të Vërtetat Dhe Normat E Jetës Së Krishterë

[simonpjetri]

KISHA DHE SAKRAMENTET


Kisha Katolike është bashkësia e besimtarëve që besojnë në Krishtin,
janë pagëzuar me ujë, në emër të Atit e të Birit e të Shpirtit Shenjt,
dhe janë në bashkimin e plotë të fesë me papën e Romës.

Sakramentet janë mjetet e shëlbimit, të themeluara prej Jezu Krishtit,
të cilat në mënyrë të dukshme e shënojnë
dhe njëkohësisht e realizojnë hirin e Zotit,
që është i padukshëm.

Sakramentet e Kishës janë shtatë:
1. Pagëzimi.
2. Krezmimi (ose Përforcimi).
3. Kungimi.
4. Rrëfimi.
5. Vajimi.
6. Urdhri shenjt.
7. Kurora e martesës.

[simonpjetri]

Pagëzimi është sakrament
në të cilin na falet mëkati i rrjedhshëm
dhe të gjitha mëkatet personale.
Me pagëzim bëhemi fëmijë të Zotit
dhe anëtarë të Kishës.
Fitojmë hirin shenjtërues
dhe të drejtën për të marrë sakramente tjera.

[simonpjetri]

Krezmimi (ose Përforcimi) është sakrament,
në të cilin marrim Shpirtin Shenjt,
që fenë tonë të krishterë
të mund ta jetojmë dhe ta dëshmojmë.

[simonpjetri]

Kungimi është sakrament,
në të cilin marrim Krishtin në zemër.

[simonpjetri]

Rrëfimi është sakrament i pajtimit tonë me Zotin.
Në rrëfim Zoti nëpërmjet meshtarit
na i fal mëkatet që i kemi bërë
pas pagëzimit.

[simonpjetri]

Vajimi është sakramenti i të sëmurëve,
për të mirën e shpirtit dhe të trupit të tyre.

[simonpjetri]

Urdhri shenjt është sakrament i meshtarisë.
Janë tri shkallë të urdhrit shenjt:
diakonati,
prezbiterati (apo meshtaria) dhe
episkopati (apo shërbesa ipeshkvore).

[simonpjetri]

Kurora e martesës është sakrament
me anë të cilit dy njerëz,
vetëm një burrë dhe vetëm një grua,
lidhen në jetë bashkëshortore deri në vdekje.

[simonpjetri]

Themelet e fesë së shenjtë:

1. Njënia dhe Trinia e Tenzot.

2. Mishërimi, mundimi, vdekja dhe ngjallja e Shëlbuesit tonë Jezu Krishtit.
Njënia do të thotë se ekziston vetëm një Zot.

Trinia do të thotë se në Zotin tonë janë tri veta hyjnore,
që quhen: Ati, Biri dhe Shpirti Shenjt.

Mishërimi, mundimi, vdekja dhe ngjallja e Shëlbuesit tonë do të thotë
se Veta e dytë e Shenjtërueshmes Trini,
Jezu Krishti, Biri i Zotit,
u bë njeri, u mundua, vdiq në kryq
dhe u ngjall për shëlbimin tonë.

[simonpjetri]

Të vërtetat kryesore të fesë së krishterë:


1. Është vetëm një Zot, e në të janë tri veta hyjnore: Ati, Biri dhe Shpirti Shenjt.

2. Zoti krijoi të gjitha sendet. Ai të gjitha i mban, i sundon dhe i drejton.

3. Shpirti i njeriut është i pavdekshëm.

4. Biri i Zotit u bë njeri dhe na shëlboi me vdekjen e vet në kryq.

5. Hiri i Zotit është i domosdoshëm për shëlbim.

6. Veprat e mira Zoti do t’i shpërblejë me lumturinë e amshuar,
ndërsa veprat e këqija do t’i dënojë me mundimin e amshuar.