Fjala e Berishes

[Brari]

Fjalimi i Berishes ne keshillin e Pd-se..


RD

-----------


Qeverisja ka humbur legjitimitetin nga dhunimi i votës

Berisha: Kriza kërkon zgjedhje të lira

Qeveria Nano 7 dështoi sepse ajo lindi e dështuar.
Lindi e dështuar sepse ajo nuk vinte nga zgjedhje të lira dhe të ndershme. Kështu, Malajt, që kishte ndërtuar 4 skema piramidale, që javën e parë të tij si ministër në qeverinë Fino kishte blerë falas frigoriferin e Vlorës ju varën në qafë privatizimet, Poçit që ishte akuzuar për një vit me radhë për ndërtimet e tij pa leje, iu dha Ministria e Punëve Publike dhe Transporteve, Dervishit që ishte arratisur nga vendi në fillim të viteve ‘90 për t’i shpëtuar dënimit, për tregtinë e fëmijëve dhe që pak muaj më parë ishte akuzuar dhjetëra herë nga gazeta e z. Nano për vjedhje të tokave iu dha Ministria e trojeve turistike, Dukës që i bëjnë pulat vezë të arta dhe televizione iu dhanë ushqimi, pulat dhe bujqësia, Leskajt, të cilës vaji dhe gjalpi i të urriturve iu shndërruan jo vetëm në pallate, por edhe në mandat, iu dha Ministria e Punës dhe e miellit social, Xhanit që ilaçet i janë bërë vila, iu dha shëndetësia. Dade, që ditën para se të largohej nga Ministria e Jashtme kishte emëruar me tender 36 zyrtarë jashtë shtetit u shpërblye me Ministrinë e Kulturës, Viktorit të errësirës iu dhanë dritat dhe Halimit të Nolit, financat e shtetit

Ne jemi të hapur, të gatshëm për krijimin e një force politike të vetme, bazuar në të gjitha rregullat e themelimit të saj si dhe pranimin e fraksioneve për të gjithë ata që do të jenë të aftë të krijojnë fraksione nga baza në qendër dhe këto jo sipas rregullit të tre dhjetësheve, siç e krijuan të tjerët, pra i qënies shumicë në dhjetë degë të partisë, i sigurimit të mbështetjes së 10 deputetëve dhe i fitimit të 10 % të votave të Kuvendit. Unë i siguroj idhtarët e fraksionit se ne jemi gati të negociojmë rregulla shumë më lehtësuese se këto, pra edhe të tre pesësheve po të duan, ose në rastin tjetër, kur kjo nuk është e mundur, le të themelojnë një forcë të re politike në të cilën të konkurojnë ata që duan, sipas të gjitha rregullave demokratike

Nga Sali BERISHA



Sapo e mbyllëm një vit dhe nisëm një vit tjetër pune dhe përpjekjesh për realizimin e objektivave tona.

Në vitin që sapo mbyllëm, ne hymë si një opozitë e ndëshkuar me mandate të vjedhura nga një regjim që, siç do ta cilësonte një personalitet i shquar ndërkombëtar, është çdo gjë tjetër, por jo i lirë dhe i ndershëm, nga një regjim që nuk përfaqëson vullnetin e popullit të tij.

Por ky ishte gjithashtu një vit përpjekjesh të jashtëzakonshme nga opozita, për të ndryshuar realitetin shqiptar. Si shumicë që doli nga zgjedhjet e 24 qershorit, opozita, ndonëse e ndëshkuar në bashkëpunim të ngushtë me komunitetin ndërkombëtar, përcaktoi zhvillimet më madhore të vitit.

Klanet socialiste, pasi qeverisja e tyre humbi legjimitetin me dhunimin e zgjedhjeve, në një luftë të egër brenda llojit, u vërsulën me tërbim kundër njëri-tjetrit dhe ndërruan brenda vitit 3 qeveri, duke provuar përfundimisht dështimin e plotë të qeverisjes socialiste. Në të gjitha këto zhvillime, ne si opozitë pa emocione dhe të vendosur luajtëm rolin që na takonte. "Bashkimi për Fitore" i mbështetur nga rezoluta e BE-së dhe i bashkuar me të gjitha forcat opozitare, nuk lejoi zgjedhjen e Nanos, pra të një presidenti socialist apo rizgjedhjen e Meidanit, por ia dolëm t’i jepnim vendit një president mbi partitë, një president legjitim që i duhej vendit dhe të respektuar nga shqiptarët dhe komuniteti ndërkombëtar, dhe kjo përbën, gjykoj unë, një zhvillim shumë pozitiv për vendin tonë.

Ne mbetemi të vendosur të mbështesim çdo përpjekje të tij për reforma dhe integrim të Shqipërisë në institucionet euroatlantike.

Vitin që kaloi Partia Demokratike dhe opozita në tërësi, me qëndrimet e saj, pati rol përcaktues në zhbllokimin e procesit të hapjes së negociatave të Stabilizim-Associimit të vendit në BE, proces të cilin regjimi jo i lirë dhe jo i ndershëm i Tiranës e mbante peng prej 5-6 vjetësh. Në 5 vitet që shkuan, 7 qeveritë socialiste dështuan njëra pas tjetrës dhe mbyllën derën e procesit të Associim–Stabilizimit Shqipërisë në BE. Kjo jo se BE nuk dëshironte hapjen e këtyre negociatave. E kundërta është e vërtetë. BE u detyrua të shtynte çdo 3 muaj rreth 25 herë në 5 vjet hapjen e tyre, për shkak të korrupsionit dhe babëzisë së papërmbajtur të qeveritarëve socialistë, si dhe lidhjeve të tyre me krimin e organizuar dhe trafiqeve kriminale për shkak të ekzekutimit pa gjyq, torturave dhe burgosjeve politike të opozitës, për shkak të dhunimit sistematik të votës së lirë të shqiptarëve.

Vokacioni perëndimor i Partisë Demokratike, si shprehje e vokacionit të natyrshëm kombëtar perëndimor, nuk mund të ndryshojë në asnjë rrethanë qeveri apo opozitë qofshin forcat tona politike. Opozita, me qëndrimet e saj në zgjedhjen e presidentit konsensual, pjesëmarrjen aktive në parlament, bëri të mundur hapjen së shpejti të negociatave dhe ne e përshëndesim këtë ditë. Ne votuam dhe votojmë për hapjen e negociatave jo për të ndihmuar qeverinë e dështuar socialiste, por sepse Associim-Stabilizimi do të thotë jo vetëm rikthim i kombit tonë në gjirin e kombeve të familjes së tij perëndimore, por do të thotë afrim i shqiptarëve me të ardhmen më të mirë të tyre, do të thotë ndihmë më e madhe për qytetarët shqiptarë, si dhe rruga më e sigurt për t’u shkëputur më shpejt nga varfëria dhe mjerimi në të cilat i ka zhytur regjimi i Tiranës. Ne jemi promotorë të këtij procesi jo për të ndihmuar qeverinë, por për të ndihmuar shoqërinë shqiptare dhe Shqipërinë, sepse ne jemi të bindur se nga bllokimi i procesit të Associim-Stabilizimit fiton vetëm mafia qeveritare, fiton krimi i organizuar dhe klanet kriminale për të cilat integrimi përbën një rrezik të vërtetë.



PD mbështet

çdo reformë

për shpejtimin e integrimit të

vendit në BE



Ne besojmë se me afrimin më të madh me BE-në dhe me NATO-n, më i fuqishëm dhe më efikas bëhet presioni dhe ndikimi i tyre për një proces zgjedhor të lirë dhe të ndershëm. Ne kemi besim, por edhe garanci, se vëzhgimi do të jetë i rreptë dhe i pandërprerë dhe do të përqëndrohet jo vetëm në problemet madhore ekonomike dhe sociale të Shqipërisë, por para së gjithash në parimet dhe normat themelore të demokracisë, si dhe në veset, mëkatet e mafies qeveritare, në lidhjet e saj me klanet kriminale. PD konsideron një shans për Shqipërinë periudhën e presidencës së BE-së nga Greqia dhe Italia këtë vit, garanton BE-në se ajo do të mbështesë çdo kërkesë dhe reformë për shpejtimin e integrimit të vendit në BE, dhe do të mbrojë me vendosmëri vlerat e shoqërisë perëndimore.

Integrimi i Shqipërisë në BE dhe NATO ka qenë dhe mbetet ylli polar i programit të PD-së.

Qershorin e vitit që kaloi, opozita nënshkroi një marrëveshje me të gjitha forcat politike parlamentare për reformimin e institucioneve të vendit.

Çdo qeveri, çdo shumicë parlamentare legjitime, ndërton në përputhje me ligjin institucionet shtetërore, të cilat garantojnë funksionimin e shtetit ligjor. Mirëpo në 5 vjet institucionet moniste të ndërtuara nga socialistët u provuan si institucione të zëvendësimit të shtetit ligjor me shtetin e klaneve mafioze, me sundimin në gjykata, media, parlament, qeveri, presidencë të vullnetit të këtyre klaneve.

Në 5 vjet me radhë Presidenti i vendit shpalli monstër opozitën dhe me platformën e likuidimit të saj, ai vërsuli me tërbim kundër saj hanxharët e krimit të shëmtuar politik.

Qeveria ndërroi disa kabinete, emëroi në 5 vjet 8 ministra të Brendshëm, bllokoi shtetin ligjor dhe procesin e integrimit të vendit, pasurimi i paligjshëm dhe babëzia qeveritare ishin ligji i saj.

Rendi u drejtua nga hajdutë të tipit Gjoni, trafikantë të tipit Mema, që do të dhunonin vullnetin politik të shqiptarëve më 24 qershor.

Policia lartësoi dhe vendosi në poste drejtuese shumë herë vrasës, përdhunues, trafikantë profesionistë. Togerë, majorë, kolonelë, ministra të saj, ekzekutuan Azem Hajdarin, dhjetra opozitarë dhe qytetarë të pafajshëm shndërruan vendin në skaforepublikë, organizuan trafiqet më të pista të grave, fëmijëve shqiptarë, drogës, armëve, vodhën dhjetra milionë dollarë në tenderat e kësaj ministrie. Vërtet në këtë institucion humbën jetën në krye të detyrës mbi 200 policë, por shumica e tyre u vranë nga byrazerë të qeveritarëve dhe sot, për vrasjen e tyre nuk janë të dënuar as 15 kriminelë. Në 5 vjet vetëm në Sarandë, Vlorë dhe Durrës u ndërruan me tender dhjetra e dhjetra komisarë policie.

Prokuroria u shndërrua në prokurorinë politike, që në 5 vjet mbrojti vrasës, përdhunues, trafikantë shtetërorë dhe nuk persekutoi qoftë edhe një nëpunës të thjeshtë për korrupsion, ndërsa ndaj opozitës formuloi akuzat më monstruoze "krime kundër njerëzimit".

Diplomacia shqiptare, në vend të forcimit të bashkëpunimit ndërkombëtar të vendit, konsolidimit të procesit të integrimit, u morë tërësisht me shpifje, trillime, sipas porosive të qendrës për opozitën.

Shërbimi Informativ Kombëtar, që organizoi ekzekutimin e Azem Hajdarit, u shndërrua në shërbim të vrasjeve politike, trafiqeve kriminale kombëtare, në "institucionin"e pushtetit obskurantist të kupolës së Meidanit, Gjinushit.

Për shqiptarët dhe komunitetin ndërkombëtar, institucionet e qeverisjes socialiste ishin një dështim dhe një penalizim i rëndë për vendin. Me inkriminimin e tyre dhe dhunimin e ligjit, ata vunë në dyshim fuqinë shtetformuese të shqiptarëve, bënë që Shqipëria të zinte vendin e parë për keq në të gjitha raportet ndërkombëtare për korrupsionin dhe krimin e organizuar. Në Europë u shkruan vëllime për mafien shqiptare, si mafien më të rrezikshme të kontinentit, kurse krimi transnacional shqiptar u shpall si krimi më agresiv i Europës.

Në këto rrethana PD, si parti e shtetit ligjor, nënshkroi së bashku me partitë e tjera parlamentare marrëveshjen për reformën e institucioneve socialiste të dështuara. Atyre që vlerësojnë të gabuar këtë hap, do t’ju rikujtoj se për ne si parti e lirive dhe e të drejtave njerëzore, shteti ligjor, funksionimi i tij, është kushti më vendimtar që qytetarët të gëzojnë të drejtat dhe liritë e tyre themelore. Ne nënshkruam marrëveshjen të vendosur të japim të gjithë ndihmesën tonë për reformimin, balancimin e institucioneve të dështuara partiake socialiste. Por në të njëjtën kohë, për të zhdukur çdo iluzion apo keqkuptim shpallim gjithashtu moton "nuk besoj, por nuk paragjykoj". Mirëpo çfarë provuan zhvillimet në vazhdim?



Nano 7, kabineti

i babëzizë së

papërmbajtur



Pas zgjedhjes së Presidentit të Republikës u formua qeveria Nano 7, për të cilën votuan të gjitha klanet socialiste, katarsistë, antikatarsistë, Metare, Cociane, madje edhe vetë Majko-Ulqin. PD që në formimin e kësaj qeverie e denoncoi atë si kabineti i babëzisë së papërmbajtur dhe i lidhur me klanet më të rrezikshme të vendit.

Qëllimi më kryesor i marrëveshjes për reformën institucionale për PD-në nuk ishte tjetër, veçse rikthimi nëpërmjet rivendosjes së shtetit ligjor i një procesi zgjedhor të lirë dhe të ndershëm, dhe kategorikisht jo ndarje me socialistët e pushtetit të tyre jolegjitim. Po le të analizojmë me objektivitet se cilat ishin zhvillimet në drejtim të një procesi zgjedhor të lirë dhe të ndershëm gjatë kësaj kohe. Në 7 muaj kanë ekzistuar të gjitha mundësitë në teori dhe në praktikë që regjimi të provonte se ai kishte ndryshuar dhe ishte vërtet i vendosur për një proces zgjedhor të lirë dhe të ndershëm në Shqipëri. Në të vërtetë, në mënyrë të përsëritur, ka provuar të kundërtën. Në Komisionin Bipartizan puna pothuaj ka ndaluar. Gjithçka është arritur gjer tani në Komision ka qenë para së gjithash insistim i faktorit ndërkombëtar dhe përfaqësuesve të opozitës, dhe jo gatishmëri apo vullnet i hapur i përfaqësuesve të PS-së. Në të gjithë ekzistencën e këtij komisioni, anëtarët socialistë të tij jo vetëm nuk kanë paraqitur asnjë amendament, propozim për reformën zgjedhore, por kanë hedhur poshtë, kanë bllokuar nëpërmjet mosmarrëveshjeve njëri me tjetrin në Komision, propozimet, amendamentet tona dhe të ODIHR-it, duke dëshmuar se jo progresi i punës së Komisionit, por bllokimi i kësaj pune, është interesi i tyre real. Por, po në praktikën elektorale çfarë ndodhi? Në praktikë, zgjedhjet e Bulqizës dhe ato të Elbasanit ishin një rast i përshtatshëm për të dëshmuar se mësimet ishin nxjerrë. Mirëpo qeveria provoi se në këto dy zona, ajo veçse kishte diversifikuar, përsosur akoma më tej metodën e manipulimit të votës, duke blerë ato me para droge apo të ndihmave humanitare. Në Elbasan dhe Bulqizë qeveria e ripërsëriti Dushkun, duke provuar se socialistët shqiptarë nuk mund të pranojnë përfundimisht një proces zgjedhor të lirë dhe të ndershëm.

Në Elbasan, mafia qeveritare me fytyrë lecke përdori të gjitha mjetet për të shndërruar në plaçkë tregu vullnetin e lirë të shqiptarëve, zemrën e lirisë së tyre, votën e lirë. Kurse kryeministri shqiptar Fatos Nano, në vend që të kërkonte një hetim të pavarur për turpin publik të ministres së tij, legjitimoi nga Sharm El Sheiku procedurën mafioze qeveritare dhe deklaroi se në Elbasan fitoi progresi dhe u provua performanca e qeverisë së tij. Me këtë deklaratë, Nano mori bashkëautorësinë e procedurave mafioze qeveritare në zonën 52 dhe pohoi se performanca e qeverisë së tij nuk është gjë tjetër veçse një miell i vjedhur dhe një leckë e grisur. Me këtë deklaratë Fatos Nano iu diktoi institucioneve të tij të fallsifikimit të zgjedhjeve, të mos guxojnë të vënë në diskutim mandatin e ministres së tij. Me këtë deklaratë ai kërcënoi Prokurorinë që kishte nisur hetimin. Pas saj komisioneri i fallsifikimit të zgjedhjeve, Celibashi, pa shqyrtuar asnjë dokument shpalli ministren e Nanos fituese. Mandati Lecka i Fatos Nanos u bë një problem ndërkombëtar. Lecka e grisur të zonës 52 iu përplas zotit Nano në tryezë nga përfaqësues të lartë të BE-së dhe vendeve mike. Për opozitën ai përbën një damkë tjetër të zezë të qeverisë së Dushkut.

Ne çmojmë qëndrimin e Presidentit të Republikës për sqarimin deri në fund të kësaj çështjeje.



PS po përgatit

manipulimin e

zgjedhjeve të

ardhshme lokale



Partia Socialiste me ethe po përgatit në fshehtësi në zyrat e ministrit Blushi manipulimin e zgjedhjeve të ardhshme lokale. Me mungesë të plotë transparence dhe në përputhje me interesat e krerëve lokalë dhe qendrorë të PS, Blushi i qeverisë po përgatit ndarjen e re territoriale të Shqipërisë, pa përfillur asnjë kriter apo standart europian.

Nga kjo tribunë dua të paralajmëroj qeverinë se nuk do të pranojmë asnjë ndarje territoriale të tipit Blushi dhe se për këtë ne kemi informuar të gjitha institucionet e rëndësishme të vendit dhe ato ndërkombëtare. Ne kërkojmë që ndarja territoriale të bëhet vetëm në përputhje me standartet e vendeve të BE dhe në funksion të autonomisë dhe bashkëpunimit rajonal, bashkiak dhe komunal europian..

Shqipëria është në prag të procesit të Associimit dhe dihet se në praktikat e BE ekzistojnë fonde dhe ndihma që iu adresohen direkt komunave, bashkive dhe rajoneve të vendit. Por kjo kërkon që ato të jenë të ndara, të ndërtuara mbi bazën e kritereve dhe të standarteve europiane.

Prandaj dhe konsiderojmë të domosdoshëm që ekspertë të KE dhe OSBE të angazhohen në këtë proces, përndryshe projekti sherrmbjellës dhe manipulativ i Blushit do të ketë përgjigjen dhe fatin që meriton. Ne do të mbrojmë interesat e qytetarëve shqiptarë.



Lufta kundër

korrupsionit

dhe krimit të

organizuar, tërë

sisht e bllokuar



Pas shkarkimit të Klosit dhe disa drejtuesve të tjerë të SHIK-ut, dhe pas arrestimit të disa zyrtarëve për korrupsion, lufta kundër korrupsionit dhe krimit të organizuar u bllokua tërësisht.

Le t’u referohemi fakteve, atyre socialiste dhe zyrtare

Fatos Nano, që një vit më parë si kryetar i PS qarkoi Shqipërinë, duke përsëritur për ministrat e tij akuzat që opozita i kishte formuluar publikisht me dhjetra e qindra herë për ta. Jo të paktë qenë ata që u mashtruan nga katarsisi i tij. Mirëpo çfarë ndodhi? Në rast se një vit më parë zoti Nano fliste për fajtorë me faje, akuzonte dhe riakuzonte në çdo takim ministrat dhe zyrtarët socialistë me emër, mbiemër, afera e madje edhe familjarë të tyre, tani si kryeministër, në parodinë e analizave të fundit flet vetëm për faje pa fajtorë, për korrupsion jetim, krime të organizuara anonime.

Paraliza e luftës kundër korrupsionit dhe metastazimi i mëtejshëm i këtij fenomeni në qeverinë e zotit Nano provohet qartë edhe nga analiza e të dhënave zyrtare të doganave shqiptare. Sipas të dhënave zyrtare, realizimi i të ardhurave në dogana ishte vetëm 80% dhe vjedhja në dogana ishte mbi 100 milionë dollarë. Por po të kemi parasysh raportin e formales me informalen në Shqipëri, si dhe të dhënat zyrtare të Bankës së Shtetit, që flasin për një rritje importi prej 78%, atëherë rezulton se vjedhja nga klanet qeveritare në doganat Nano-Islami, arrin së paku në gjysëm miliardë dollarë. Alternativa e zotit Nano për reformën e doganave është emërimi në krye të tyre i një fallsifikatori dhe kontrabandisti si Papadhima.

E vërteta është se lufta kundër korrupsionit u bllokua pikërisht kur ligji iu afrua, cënoi klanet e zotit Nano, si Mazin, Gjonin, Raftin, etj.



Qeveria Nano 7,

totalisht e

dështuar



Qeveria Nano 7 nuk ka dështuar vetëm në rivendosjen e një procesi të ndershëm elektoral dhe luftën kundër korrupsionit. Dështime madhore të tjera të saj janë kriza e thellë energjitike, kriza e rëndë ekonomike, thellimi i borxhit të brendshëm, i defiçitit tregtar, rritja e inflacionit, papunësia dhe rënia e prodhimit, papunësia masive dhe shtrirja e mjerimit nga lagja në lagje, nga rrethi në rreth, paraliza e plotë e procesit të privatizimit, dështimi total në përdorimin e qindra milion dollarëve të ndihmave të huaja për Shqipërinë, largimi gjithnjë e më i madh i shqiptarëve nga vendi.

Me marrëveshjen, ne synonim që në Shqipëri të krijohej klima e duhur për investimet e huaja, si kushti më themelor për progresin ekonomik të vendit, synonim të krijonim besimin tek investitorët e huaj

kliko per te vijuar
dhe vendas që t’i investonin paratë e tyre, të krijonin vende pune të reja. Por në të vërtetë, megjithë klimën e qetë të krijuar nga marrëveshja, për shkak të korrupsionit qeveritar dhe monopoleve të ministrave, përdorimit të çmimeve të referencës për fuqizimin e këtyre monopoleve, investitorët e huaj jo vetëm që nuk erdhën, por u larguan dhe me politikën e re fiskale, qindra në mos mijëra biznesmenë shqiptarë i pret falimentimi.

Me të drejtë mund të shtrohet pyetja: Përse kriza po thellohet, përse dështoi që në muajt e parë qeveria Nano 7, ndonëse kjo u ngrit me një konsensus të gjerë të klaneve socialiste? Pse ajo dështoi, ndonëse ajo erdhi në pushtet pas një kthese të rëndësishme të vendit dhe në kohën e një marrëveshje të rëndësishme me opozitën? Qeveria Nano 7 dështoi, sepse ajo lindi e dështuar. Lindi e dështuar, sepse ajo nuk vinte nga zgjedhje të lira dhe të ndershme, lindi e dështuar, sepse ajo u formua si një amalgamë e përfaqësuesve më të korruptuar, por edhe e sharlatanë të PS-së.

Ajo lindi e dështuar, sepse u ndërtua mbi bazën e konfliktit të interesave. Kështu, Malajt që kishte ndërtuar 4 skema piramidale, që javën e parë të tij si ministër në qeverinë Fino, kishte blerë falas frigoriferin e Vlorës, iu varën në qafë privatizimet, Poçit që ishte akuzuar për një vit me radhë për ndërtimet e tij pa leje, iu dha Ministria e Punëve Publike dhe Transporteve, Dervishit që ishte arratisur nga vendi në fillim të viteve ‘90 për t’i shpëtuar dënimit për tregtinë e fëmijëve dhe që pak muaj më parë ishte akuzuar dhjetra herë nga gazeta e zotit Nano për vjedhje të tokave, iu dha Ministria e Trojeve Turistike, Dukës që i bëjnë pulat vezë të arta dhe televizione, iu dha ushqimi, pulat dhe bujqësia, Leskajt, të cilës vaji dhe gjalpi i të uriturve iu shndërrua jo vetëm në pallate, por edhe në mandat, iu dha Ministria e Punës dhe e miellit social, Xhanit që ilaçet i janë bërë vila, iu dha shëndetësia.

Dade që ditën para se të largohej nga Ministria e Jashtme kishte emëruar me tender 36 zyrtarë jashtë shtetit, iu shpërblye Ministria e Kulturës, Viktorit të errësirës iu dhanë dritat dhe Halimit të Nolit, financat e shtetit.

Fatos Nano ndërtoi kabinetin e mëkatarëve të papenduar, kabinetin e babëzisë më të madhe në historinë e vendit. Lidhjet e krimit me anëtarët e kabinetit ishin ndër më të fuqishmet.

Këto lidhje, denoncimin e të cilave opozita e pagoi me gjakun e dhjetra martirëve të demokracisë, jo vetëm nuk u cënuan gjatë kabinetit Nano, por ato njohën dimensione të reja dhe shumë më të fuqishme. Një vit më parë, në takime publike në KPD, krahas ministrave, aferave të tyre, drejtuesit socialistë akuzonin njëri-tjetrin edhe me klanet kriminale respektive. Mirëpo sot pas një viti, jo vetëm që këto klane nuk kanë pësuar asgjë, por e kundërta ka ndodhur.

Kryeministri Nano iu dorëzoi atyre doganat e shtetit, kontrollin dhe çelësat e të gjitha trafiqeve, kurse Shqipëria damkoset gjithnjë e më shumë si delja e zezë e krimit të organizuar në Ballkan.

Në drejtësi ka

individë që

përfaqësojnë

mafien dhe

antishtetin



Vendi sot vërtet ka një drejtësi të korruptuar, në prokurori dhe gjykata gjenden individë që përfaqësojnë mafien dhe antishtetin, por shkaku themelor vendimtar i mosfunksionimit të shtetit ligjor, i paralizës së drejtësisë shqiptare, kur është fjala për luftë kundër korrupsionit qeveritar, lidhjeve të politikës me krimin, janë presioni dhe diktati politik mbi këto institucione, janë bllokimi i tyre nga qeveritarët dhe politikanët e inkriminuar. Në Shqipëri, në 6 vjet janë hequr imunitetet për kryengritjen e Klosit dhe grushte shteti të Meidanit, por nuk është cënuar asnjë imunitet për korrupsion, ndonëse janë vjedhur në këta 6 vjet miliarda dollarë. Kryeministri, në turneun e tij të sekretarit të parë në dikastere, pas një viti, sërish flet për korrupsion, por tashmë Shkëmbi i Pëllumbave është bërë Gusha e Pëllumbit, flet për larje parash të pista, por jo në lavatriçen e Ramës, por në media, natyrisht jo të Dukës, flet për lidhje të politikës me krimin, por përgatit kthimin e Gjinushit në qeveri, flet për luftë kundër kontrabandës, por emëron në krye të doganave kryekontrabandistin, flet për reforma në drejtësi, por emëron në KLD Strakoshën, tregtaren e fëmijëve, flet për luftë kundër trafiqeve, emëron në krye të policisë rrugore çirakun e klaneve më kriminale të vendit.

Në Shqipëri, ligji për ministrat dhe familjet e tyre nuk ekziston. Ministrat mund të vjedhin, fëmijët e tyre mund të vrasin, mund të arratisen. Kohërat e krimit të organizuar shtetëror janë ndër më të zezat që Shqipëria ka njohur.

Si përfundim, vendi ndodhet sot në një krizë të rëndë ekonomike institucionale, sociale dhe politike.



Cilat duhet të

jenë drejtimet

kryesore të

punës së PD në

këto rrethana



Për PD, eksperimentimi për stabilitet pa legjitimitet, d.m.th pa qeveri të dalë nga zgjedhje të lira dhe të ndershme, është tragjik, absurd dhe i dështuar. Në Shqipëri, korrupsionin nuk mund ta luftojnë ata që ndërtuan regjimin më të korruptuar, kontrabandën, krimin e organizuar, nuk mund ta luftojnë ata që janë dhe organizatorët dhe protektorët kryesorë të tyre, varfërinë, papunësinë nuk mund ta luftojnë ata që me monopolet e tyre shkatërrojnë çdo ditë qindra vende pune. Zgjedhje dhe vetëm zgjedhjet e lira dhe të ndershme janë zgjidhja e vërtetë.

PD është sot forca politike më e fuqishme e vendit, i takon PD-së e aleatëve të saj për të siguruar në një kohë sa më të përshtatshme një proces zgjedhor të lirë dhe të ndershëm. Prandaj dhe ne kemi përcaktuar si objektiv kryesor të PD-së një proces zgjedhor të lirë dhe të ndershëm. Ky është një objektiv shumë i vështirë, por aktualisht jo i pamundur.

Për realizimin e këtij objektivi PD duhet të përdorë të gjithë mundësitë dhe mjetet demokratike. Për të arritur këtë qëllim PD së pari duhet:

Të përfundojë reformën e Kodit dhe institucioneve të zgjedhjeve, në përputhje me rekomandimet e ODIHR-it dhe Kodin Etik të Zgjedhjeve të Komisionit të Venecias.

PD duhet të bashkërendojë qëndrimet me të gjitha forcat opozitare dhe përfaqësuesit e institucioneve ndërkombëtare, duhet të denoncojë kudo, brenda dhe jashtë vendit bllokimin e reformës zgjedhore nga pseudomazhoranca e Dushkut.

PD duhet të ndërgjegjësojë qytetarët për domosdoshmërinë jetike për ata, familjet dhe vendin e tyre, të një procesi zgjedhor të lirë dhe të ndershëm, sikundër duhet të përdorë dhe do të përdorë të gjitha mjetet demokratike për realizimin e tij.

Një drejtim tjetër kryesor i punës sonë do të jetë konsolidimi i strukturave të PD në të gjitha nivelet. Gjatë vitit që kaloi, ne kemi ngritur 60 nëndegë të reja. PD është sot forca politike me strukturat më të mira në vend. Decentralizimi që bëmë vitin e kaluar, rriti pjesëmarrjen në vendimmarrje, gjeneroi forca dhe siguroi burime të mëdha njerëzore. Sot, përparësi kryesore e jona duhet të jetë puna në rrënjë, puna në bazë, grassroots. Puna në rrënjë apo në bazë është kushti më përcaktues i realizimit të qëllimeve tona. T’i rikthehemi seksionit dhe territorit të tij, të shndërrojmë seksionet tona në njësi dinamike të hapura, njësi që kontrollojnë tërësisht, zotërojnë tërësisht territorin në të cilin ato shtrihen dhe situatën elektorale të këtij territori. Këtë detyrë e përmbush vetëm një seksion i përbërë nga anëtarë seriozë, burra dhe gra, djem dhe vajza, që kanë kuptuar se fati i zhvillimeve të vendit, i të ardhmes së tij, qëndron para së gjithash në përkushtimin e tyre. Opozita sot është mision vërtet i vështirë, por fisnik dhe kemi besim se anëtarët e seksioneve tona do jenë në lartësinë e këtij misioni. Për të përmbushur këtë mision është e domosdoshme që ato dhe të gjitha strukturat e PD të drejtohen nga individë që kanë të gjithë fuqinë morale të udhëheqin, të motivojnë, të frymëzojnë anëtarësinë e seksioneve.

Zotërimi i terrenit dhe situatës elektorale të territorit kërkon para së gjithash, që jo vetëm çdo qendër votimi të ketë seksionin e saj, por kërkon që çdo seksion të ketë si prioritet zgjerimin e tij me anëtarë të rinj. Vitin që kaloi PD ka patur tre mijë anëtarësime të reja. Mirëpo po të kemi parasysh largimin e detyruar për shkak të papunësisë, varfërisë dhe mjerimit të anëtarëve tanë në emigracion, është e domosdoshme që të bëhen përpjekjet më serioze për anëtarësime të reja, veçanërisht të rinj dhe gra.

Situata elektorale kërkon që në çdo kohë seksioni të disponojë me saktësi zgjedhësit e rajonit të tij, numrin e tyre, vendbanimin, gjendjen shoqërore dhe ekonomike, prirjet politike, interesat e tyre, si dhe të përcaktojë rrugët dhe mënyrat e dialogut, komunikimit më të përshtatshëm me ta. Situata elektorale kërkon së pari, që seksioni të jetë i shtrirë në të gjithë territorin e qendrës së votimit si kushtin më të rëndësishëm për të zotëruar situatën elektorale në nivelin e qendrës së votimit. Zotërimi i situatës elektorale kërkon që seksioni në çdo kohë të dijë se sa zgjedhës ka të pranishëm në territorin e tij, sa prej tyre nuk kanë emrin në listat e zgjedhësve, se sa është përqindja e zgjedhësve emigrantë në qendrën e tij të votimit, kjo pra është ajo që ne e quajmë dosja e seksionit. E tërë udhëheqja e PD-së duhet t’i përkushtohet funksionimit, dinamizmit, vitalizimit të punës në rrënjë, në bazë, në seksion. I gjithë kontrolli duhet të përqëndrohet para së gjithash në seksione. Në rast se do të bëjmë këtë pa mashtruar veten tonëh ne do të jemi zotër të terrenit, të situatës elektorale dhe do të ecim të sigurt drejt zgjedhjeve të lira dhe të ndershme.



PD, parti e

alternativave me

mbështetje të

gjerë kombëtare

dhe ndërkombëtare



Për realizimin e objektivave të saj, PD duhet të pushtojë mendjen dhe zemrën e zgjedhësve shqiptarë. Mendja dhe zemra e zgjedhësve nuk fitohet kurrë me konfliktualitet, me intolerancë, me indiferencë. Mendja dhe zemra e zgjedhësve fitohen me vlera qytetare dhe me frymë qytetare, me ndershmëri dhe dhembshuri njerë

kliko per te vijuar
zore, nuk fitohen me demoniim dhe etiketime boshe të kundërshtarëve, por fitohen me alternativa, me kritere të bazuara në fakte dhe dokumente. Në tërë historinë e saj, PD është konsideruar parti e alternativave me mbështetje të gjerë kombëtare dhe ndërkombëtare. Në Kuvendin e fundit, ne paraqitëm alternativën e PD për luftën kundër korrupsionit, krimit të organizuar, për zgjidhjen e krizës energjitike, papunësisë, etj. Por alternativat nuk janë dhe nuk mund të jenë fikse, ato vdesin po të ngurtësohen, ato vjetërsohen po të mos pasurohen dhe përshtaten. Për të qenë lider në alternativë, PD duhet të jetë e hapur ndaj intelektualëve. Departamentet tona duhet të jenë katedra të mendimit intelektual bashkëkohor. Asgjë nuk mund të vitalizojë më shumë alternativën politike, ekonomike, sociale të PD, sa mendimi intelektual. Historia, në mënyrë të përsëritur, ka provuar se janë përqafuar dhe kanë lëshuar rrënjë vetëm politika, vetëm alternativat e bazuara e mbështetura nga mendimi intelektual dhe e kundërta, janë shuar dhe përmbysur pavarësisht nga karakteri i tyre të gjitha politikat, alternativat që nuk kanë gjetur këtë mbështetje. Prandaj, është jetike për PD që të vendosë në të gjitha nivelet urat e bashkëpunimit të ngushtë me intelektualët më të mirë të vendit dhe shoqërinë civile. Reforma zgjedhore, konsolidimi i strukturave të PD, përpunimi i alternativave më të mira, ndonëse përcaktuese për një proces zgjedhor të lirë, të ndershëm dhe të suksesshëm për PD, duhet të plotësohen pa mëdyshje me institucionalizimin e bashkëpunimit opozitar.



"Bashkimi i opozitës": Të bashkojmë alternativat, qëndrimet, përpjekjet



Para zgjedhjeve të 24 Qershorit ne krijuam "Bashkimin për Fitore", koalicionin opozitar më të fuqishëm që vendi kishte njohur. Ky koalicion ishte përcaktues në rezultatin e zgjedhjeve, në të cilat opozita shqiptare ishte shumicë. Ky koalicion ishte përcaktues në dokumentimin dhe denoncimin kombëtar dhe ndërkombëtar të manipulimit të procesit zgjedhor në Shqipëri. Ai ishte dhe është promotori i ndryshimeve të mëdha në vend.

Por spektri i opozitës në vend është edhe më i gjerë. Si parti e vlerave liberal-demokratike ne kemi ftuar të gjitha forcat politike opozitare të bashkojmë alternativat, qëndrimet, përpjekjet dhe mundësitë tona për nxjerrjen e vendit nga kriza. Në opsionin tonë të institucionalizimit, të bashkëpunimit opozitar, ne jemi të hapur për të gjitha format e këtij bashkëpunimi. Unë ju ftoj ju të kontribuoni në këtë proces, të punoni me përkushtim, ndershmëri dhe tolerancë për konsolidimin e institucionalizimit e bashkëpunimit opozitar. Si parti e Qendrës së Djathtë, Partia Demokratike duhet të konsolidojë, zgjerojë dimensionin e saj liberal. Vlerat liberale dhe jo interesat apo hatërmbetjet personale duhet të qëndrojnë në bazë të tij. Janë këto vlera, është dialogu, mirëkuptimi, toleranca, respekti për dinjitetin e njeriut që kanë ndërtuar shoqëritë moderne perëndimore. Zhvillimi dhe konsolidimi i këtyre vlerave në vend të intolerancës dhe konfliktualitetit është jetik jo vetëm për të ardhmen e PD-së, por edhe të mbarë shoqërisë shqiptare. Ne nuk ftojmë njeri për rikthim mekanik ose dhe ribashkim, por për të gjithë ata që duan që me votën e tyre dhe qëndrimin të ndihmojnë në daljen e vendit nga kriza, ne jemi të hapur për të gjitha format e bashkëpunimit nga tryeza e rrumbulllakët për çështjet më madhore, te aleancat e bazuara në një partneritet dinjitoz me shkrirje të programeve dhe përcaktim të qartë të rregullave demokratike të funksionimit të tyre, përfshirë këtu vendimmarrjen. Por përveç këtyre, ne jemi të hapur, të gatshëm, për krijimin e një force politike të vetme bazuar në të gjitha rregullat e themelimit të saj si dhe pranimin e fraksioneve për të gjithë ata që do të jenë të aftë të krijojnë fraksione nga baza në qendër dhe këto jo sipas rregullit të tre dhjetësheve siç e krijuan të tjerët, pra i qenies shumicë në dhjetë degë të partisë, i sgurimit të mbështetjes së 10 deputetëve dhe i fitimit të 10% të votave të Kuvendit. Unë i siguroj idhtarët e fraksionit se ne jemi gati të negociojmë rregulla shumë më lehtësuese se këto, pra edhe të tre pesësheve po të duan ose në rastin tjetër, kur kjo nuk është e mundur, le të themelojnë një forcë të re politike në të cilën të konkurojnë ata që duan sipas të gjitha rregullave demokratike.

Unë ju ftoj ju këtu, ftoj të gjithë drejtuesit, anëtarësinë e Partisë Demokratike, që në axhendën e tyre afatshkurtër, afatmesme dhe afatgjatë, të kenë bashkëpunimin, aleancën me forcat liberal-demokratike, si një detyrim programor i PD-së dhe jo si dëshirë e këtij apo atij individi, si një nga mekanizmat më të fuqishëm për të rikthyer votën e lirë në Shqipëri dhe për të vendosur një qeverisje të aftë, kompetente, dinjitoze në vend, liberalizimi është vlerë, forcë dhe jo dobësim.

Në një kohë kur metastazat e korrupsionit po rrënojnë çdo ditë e më shumë ngrehinën e shoqërisë shqiptare, kur trafiqet dhe krimi i organizuar në mbrojtje dhe lidhje qeveritare po bëhen gjithnjë e më agresivë, kur reforma institucionale po ecën në kah të kundërt, mendoj se angazhimi ynë në luftën kundër këtyre fenomeneve dhe përgjegjësve kryesorë të tyre duhet të shumëfishohet. Natyrisht ne nuk mund të bëjmë policin, nuk mund të bëjmë gjykatësin, as prokurorin për të ndaluar, penalizuar dhe gjykuar zyrtarë të korruptuar dhe klanet kriminale të lidhura me qeveritarët. Por ne, duke shfrytëzuar çdo hapësirë ligjore, jemi dhe do të angazhohemi në një betejë dhëmb për dhëmb me qeveritarët dhe zyrtarë të korruptuar me klanet e tyre të krimit. Ne, me dokumente dhe fakte, do t’i denoncojmë ata çdo ditë në shtyp, do t’i denoncojmë ata çdo ditë tek çdo shqiptar, do t’i denoncojmë ata çdo ditë në të gjitha institucionet ndërkombëtare. Ne nuk kemi në dorë reformën e drejtësisë as dhe pastrimin e forcave të rendit nga trafikantët vrasës, as dhe emërimet në institucione të njerëzve të përkushtuar të ndershëm dhe të aftë. Por ne kemi në dorë komisionet hetimore parlamentare me të cilat ne, me dokumenta zyrtare, mund t’ju faktojmë shqiptarëve babëzinë qeveritare, vjedhjen dhe shpërdorimet e tyre duke përdorur pushtetin. Ne nisim vitin me Komisionin Hetimor për Edvin Ramën, kryetarin socialist të Bashkisë, që për shkak të komplekseve infantile dhe raptuseve që vuan dhe përjeton, i ka mbetur uturaku gjithnjë në gojë dhe kjo, jo për qëllime elektorale, por se Rama ka shndërruar Bashkinë e Tiranës në strofullën e krimit të tij të shëmtuar ekonomik. Pas Ramës, komisione të tjera do të ngrihen për aferat më të mëdha korruptive të qeveritarëve shqiptarë. Ne kemi në dorë që në komisionet e përhershme parlamentare me pyetjet dhe interpelancat, dëgjimet në parlament, të thërresim dhe të denoncojmë të gjithë zyrtarët dhe aferat e korrupsionit të tyre. Prandaj dhe unë ju siguroj se Grupi parlamentar i PD-së do të punojë me përkushtim të madh në luftën kundër korrupsionit dhe krimit të organizuar si drejtimi themelor i punës së tij.

Përmirësimi i legjislacionit antikorrupsion, amendimi i ligjeve ekzistuese, mbështetja e çdo inisiative në këtë drejtim, do të jenë angazhim konstant i PD.

Duke përfunduar, ju bëj thirrje ju dhe të gjithë anëtarëve dhe simpatizantëve të PD të punojnë me përkushtim për të nxjerrë vendin nga kriza, për të shpëtuar shoqërinë nga ky rrënim i madh dhe i pandërprerë që po i shkakton kriza, e cila po thellohet progresivisht. Shkaqet e saj janë ekonomike, sociale, politike, por shkaku i vërtetë i saj më themelor qëndron në dhunimin e vullnetit politik të shqiptarëve dhe instalimin e pseudomazhorancës së Dushkut, është regjimi jo i lirë dhe jo i ndershëm i socialistëve, është qeveria e babëzisë, sharlatanizmit dhe mafies së rrezikshme socialiste. Për rrjedhojë, vetëm zgjedhjet e lira dhe të ndershme janë antikriza e vërtetë, zgjedhjet e lira dhe rikthimi i opozitës në pushtet janë antikorrupsioni i vërtetë, antitrafiku real, antikrimi i sigurt, janë integrimi i shpejtë në institucionet Euroatlantike.



*Fjala e Kryetarit të PD mbajtur në Këshillin Kombëtar




---------------------






Berisha ec perpara !







pollot dashet e imamet ne se duan le te vijne kokulur si ushtare e jo si kapedana..
Askush nuk ka nevoje per 5 votat e qelbura te klyshve te Ps-se e Lino-bushtres.

[FATJON SOFTA]

Ketij fjalimi klasik,i mungon shpirti i brendeshem,nuk ka nje ze te brendeshem te forte,jane perseritje dhe perpjekje per te rifituar ate cfare humbi.
Eshte e vertete qe vendi kerkonte nje president konsensual,pamvaresisht se dhe ai nuk eshte me i miri i shqiptareve,dhe ai vjen nga arsenalet e ish bllokut,projektuesi i bunkereve te sistemit komunist,por megjithate nuk mund te vinte nga konsensusu Nano-Berisha nje burre tjeter jashte ketyre lidhjeve.
Ardhja e presidentit konsensual,erdhi edhe nha lufta e opozites,edhe nga lufta e klaneve brenda PS,dhe kryesisht nga faktori nderkombetar,i cili beri dy rezoluta teper te forta.
Por nuk kuptoj kompromiset e tjera,ne te mire te kujt jane.Te gjithe duam qetesine,por me shume nga te gjithe nuk humbi lideret apo deputetet e opozites,por votuesit e saj,te gjithe ato qe humben vendet e punes vetem per faktin se jane demokrate,klanet ne pushtet bene nje ekonomo solide,media te forte profesionale,kane rrejtin e tyre te lidhjeve me nderkombetaret etj dhe nqs nje dite e dorzijne pushtetin politik,ato jane te sigurte se nuk do te kete kurre "rruspa" te Berishes,nuk do te humbasin kurre ekonomine solide,pr do te jene ne gjendje te blejne demokratet e varfer qe do te drejtojne neser psh Doganat,Tatimet,Dejtesine Policine,Sherbimin informativ etj etj dhe si mjeshtra qe jane do te bertasin me shume per korrupsion dhe PD do te marre nje fature te rende ashtu si ne fillimet e demokracise qe ishte nje amalgame me demokrate te vertete dhe pseodemokrate qe i luftonin me shume finese dhe demokrattet sulmonin njeri tjetrin deri ne lodhje.
Berisha ka te drejte per deshimet e regjimit te Tiranes qe ne procesin e manipuluar te zgjedhjeve,por perse e lane kete lufte deri ne shkaterrim te shpresave te demokrateve.Ishte shume afer nderkombetarizimit,nga zgjedhje te ndershme te kalsifikuara,u vleresuan,te pranueshme,me pas me probleme,derri ne rishikim te tyre sidomos per skandalin e Dushkur unikal ne boten e qyteteruar.
Por per cudi parlamenti i kallashnikoveve,u be i dushkut dhe tani hap dhe mbyll sa here ka nevoje te rrine ne pushtet valvulen e kalimit klandestin,te skafeve,etj.
Greqia eshte bulur kembekryq ne Tirane,dhe pritet ne person nongrata,me antishqiptari.
Demokracia nuk eshte prone e nje njeriu te vetem,ajo eshte enderr e 60% te votuesve shqiptare qe votuan Berishen per te qeverisur.
Duhet te shpresojme ende??? Nuk duhet te rrime me menjeane,sot indiferentizmi eshte "antinacionalizem" qe lejon mbeterimin e se keqes.Berisha i fton te gjithe ne nje fronte te vetem,por ne fakt eshte vetem thirrje propagandistike,sepse nuk lejon te hyjne demokratet e vertete,por sharlatanet me dosje te cilet i tremb menjeher.Nuk do te fitoje PD duke ftuar Arben Imamin,Neritan Ceken,Yli Vejsiun,Frok Cupin,apo te tipit te tyre.Pd ka nevoje te kete nje baze me te gjere,me mbeshtetje popullore dhe per nje politike me baze te gjere,reale dhe jo njerez te deshtuar ne politike.Kerkohen njerez te rinj me mentalitete te kohes,te afte per te bere ndryshime dhe me votues nga pas dhe jo njerez te pje...
Faleminderit

[ganoid]

Nevila Perndoj /Kryetari i Partise Demokratike Sali Berisha deklaroi dje se mazhoranca ka humbur shumicen e saj ne Kuvend. Lideri i opozites solli si shembull faktin qe mazhoranca nuk arriti te plotesoje kuorumin prej 84 votash per te miratuar projektligjin per mbylljen e Duty Free Shop-eve. Berisha shtoi se ky projektligj nuk eshte miratuar si rezultat i kundershtimit nga 30 deputete te Partise Socialiste. "Deshiroj te informoj ketu se projektligji kerkon gjithsej 84 vota ne nje kohe kur socialistet pa Gjonin e arratisur disponojne 87 vota ne Kuvend. Ky ligj eshte hedhur poshte nga cdo tre muaj dhe ka marre perkatesisht ne te tri votimet, 57, 59 dhe 63 vota. Pra ne cdo votim kane votuar kundra ligjit 25 deri ne 30 deputete socialiste, duke qene arene perleshjeje mes klaneve qe disponoje magazinat doganore dhe klanet qe disponoje Duty Free Shop-et", tha Berisha. Per kete arsye, kryetari i demokrateve pranoi kerkesen e perfaqesuesve te FMN ne menyre qe bashke me votat e demokrateve te plotesohej numri i nevojshem per miratimin e ketij projektligji. Per kete pakt Berisha ka vendosur edhe kushte.

"PD e cila eshte e vendosur qe te luftoje cdo forme evazioni dhe korrupsioni. FMN e cila duke konstatuar qe qeveritaret nuk e votojne, sepse 87 mandate jane te mjaftueshme per te kaluar ligjin na u drejtuan ne dhe i siguruam ata se kete ligj ne do ta votojme me kusht qe do te votojme edhe per mbylljen e magazinave te Pocit, Dukes, te Rucit, te Malajt dhe te vendeve te tjera qeveritare. Do ta votojme me kusht qe te bejme transparencen e plote te cmimeve te referencave", tha Berisha. Ne rastin e mosmiratimit te ketyre kushteve ekzistojne te gjitha gjasat qe opozita te shikoje edhe mundesite e kundershtimit te ketij projektligji ne Kuvend. Berisha theksoi se grupi parlamentar i PD do te pergatise edhe nje pakete ligjore per kete ceshtje. "e do te cojme amendimet tona dhe transparencen e plote te cmimeve te referencave", tha Berisha.

..................................................

Berisha ka filluar te beje p_idhin e somes duke i bere bllok ne bashkpunim me me nacrat(anastas angjelin personifikimin e korrupsionit) & co ministrit te financave qe megjithse nuk eshte me i miri per ate post te pakten perpiqet te beje dicka.Por edhe aty ku ka te drejt do ta kundershtoje Sala se snjef menyre tjeter. Kesaj i thone "per inat te krushkes do shkoj te flej mullinain"
E mban dhe veten per patriot pa le!!