Ekonomistët francezë shprehen optimistë për të ardhmen e Shqipërisë. Revista Le Nouvel Economiste, në një artikull t ënumrit të saj të fundit, fokusohet në zhvillimin ekonomik të Shqipërisë dhe mundësive që ajo paraqet për biznesin e huaj. Kjo revistë e njohur ekonomike, nënvizon faktin se vendi ynë ofron një shans të mirë për investitorët e huaj. Tregu i përshatshëm shqiptar, shkruhet në artikull, ofron një shans të mirë për industrialistët evropianë që po ndeshen sot me konkurrencë të ashpër. Shqipëria, shpjegon Francis Mer, një prej personaliteteve më të njohura franceze dhe ish -ministër i ekonomisë në kabinetin e Jean-Pierre Raffarin, mund të bëhet një Kinë e dytë, përsa i përket krahut të punes, i cili është më i lire, por edhe më i kualifikuar dhe i motivuar sa në perëndim.
Ish–ministri i Ekonomisë thotë se Shqipëria që sapo ka hyrë në NATO dhe po troket në portën e Bashkimit Evropian, është sot me kompetitive se vende të tjera në zhvillim siç janë Tunizia apo edhe vetë Kina. Po ashtu, kostot e transportit nga Shqipëria në Evropë janë shumë më të ulëta se nga Azia. Kryeministri i saj, shkruhet më tej në artikull, një liberal i bindur, premton se do të mbajë taksën e sheshtë për të ardhurat në nivelin 10 % dhe se do të zhvilloje më tej infrastrukturën energjetike e atë rrugore. Berisha arriti të ulë shpenzimet qeveritare me 40 % dhe është treguar i ndjeshëm ndaj çështjeve të arsimit, vijon me tej shkrimi i Le Nouvel Economiste. Shqiptarët, argumenton ish –ministri Mer, kanë vuajtur shumë në të shkuarën dhe Evropa mund t’i ndihmojë tani duke u ofruar zhvillimin e qëndrueshëm. Industrialistët evropianë mund të kenë shanse të mëdha në Kinën e vogël të Ballkanit, përfundon revista.
www.tvklan.tv
Krijoni Kontakt