Albin Kurti (1975 - )

[VullkanM]

Albin Kurti-vizionari kombetar

[bili99]

[bili99]

Koha e Albin Kurtit dhe Vetvendosjes po vjen 2014

Viti 2012 ishte viti i 100 Vjetorit te pavarsise se Shtetit Shqiptar ( gjysmes), 2013 ishte viti i mbrapshet , le te jete 2014 Vit i Vetvendosjes.
Eshte ne nderin e secilit mos te vleresoje siperfaqsisht dhe nga propagandat boshe e partive politike ne Kosove dhe banalizmave te shtypit te paguar. Shpenzoni pak kohe per te njohur dhe pastaj vleresoni nje personalitet. Rrethanat e krijuara ne Kosove dhe gara per pushtet e cvleftesuan Levizjen Vetvendosje ,e nencmuan,e quajten te rruges rinine energjike dhe plot endrra,femijet e Kosoves me shikim kah ardhmeria qe ua kishin vjedhur po keta politikanet e pacipe qe luftonin per pozicionime personale. Kam qene athere dhe tash qe Albin Kurti dhe Levizja Vetvendosja duhet te kycen ne politiken oficiale(parti politike ) pasi mbeten ne rruge te perqeshur dhe te devalvuar e pa ndikim . Koha e Albin Kurtit dhe Levizjes Vetvendosje po vjen dhe po troket fuqishem ne ndergjegjen e popullit shqiptare te Kosoves. Popull ky qe e humbi flamurin, eshte duke e humb idenditetin dhe humbi pavarsine.Popull ky qe ka nje klase politike qe ulet ne nje banke perpara planeve te hueja dhe merr detyrat e deleguara nga te huajt .Klase e tille politike qe eshte jashta realitetit dhe cdo ndjeshmerie njerezore dhe kombetare nuk i duhet Kosoves dhe asnje vendi.
Shpesh ne shqiptaret vajtojme dhe konstatojme se populli yne eshte i mire,eshte i mencur ,i di punet etj.etj. duke folur ne superlativ per veten tone dhe popullin tone por,themi se i mungon udheheqesia e denje per ta udhehequr. Popull i mencur i Kosoves e keni shancin ne vitin qe vjen ,ju ka ardhe vera kah dera Albin Kurti Kryeminister. Jetesimi i pavarsise se Kosoves duhej te nisi dikund dhe ja sa ja nisi me Kryeqytetin ,dhe ky fakt eshte nje lajm i mire per Kosoven dhe me gjere. Rruga e Albinit per tu profilizuar si personalitet kombetar dhe luftetare per clirim,pavarsi dhe bashkim ka qene nje rruge e gjate dhe me duket se eshte duke mberri ne nje pike te rendesishme . Shendrrimi ne parti dhe mbajtjen e lidhjes dhe shpirtit te Levizjes i shkurtoi kilometrat ketij rrugetimi maratonik. Albin Kurti eshte nxenesi me besnik i Ukshin Hotit dhe eshte personaliteti qe i duhet Kosoves per shpetim ,pavarsim dhe shtetformim te vertete . Per ata te deshperuarit nga Albin Kurti pse " e la Levizjen " qe te beje parti , ju them ketheheni Vetvendosjes se Albini formoi parti qe te pozicionohet dhe nuk e humbi shpirtin dhe veprimin e Levizjes...Koha e Albinit po vjen, koha e Vetvendosjes po troket fuqishem tek ndergjegja e popullit te Kosoves.Brezi i ri e ka rradhen te marri ne dore vendin ,20 vitet e fundit Kosova krijoi kuadro qe te udheheqe me vetveten ,qe te Vetvendose per vetveten. Albin Kurti me shoket e Vetvendosjes jane Ceta Profete per shpetimin e Kosoves dhe bashkimin kombetar, brezi i ri duhet te jene te paret te rreshtohen ne perkrahje te kesaj Cete shpetimtare!

Me nderime ,
bili99

[SKIFTERI&12.05]

une mendoje se populli shqiptare e ka dhurate nga zoti albanin kurtin kso intelexhece jane te pakte ne bote leta provojn madje edhe nderkombetaret te nxen ngushti per ndonje teme po garante e kane te kote

[Llapi]

o keti klyshi titist se shpejti populli do ia tregoi vendin
a po e shifni qe populli u zgjua nga gjumi
ne fillim ne zgjedhjet e para shum kush u mashtrue ne ket
klysh titist dhe i mori do vota bukur shum
a ne zgjedhjet e fundit u pergjysmua ra ne 8%
e tani ne sato nacionale ky do ta ket shum veshtir te kaloi pragun 5%
e te perfaqsohet ne parlament
ky me idet komuniste e me anti amerikanizmin qe e ka
dhe antikombtarizmin nuk ka jet te gjat ne politik
ni parti qe nuk e njef shtetin e vet
simbolet e shtetit te vet
kushtetuten e shtetit te vet
luften per liri te popullit te vet
qka me prit prej saj
mos vall duhet ti besoim ne fjalet boshe qe i ka tuj u thierr
ne bashkim kombetar
prralla jan keto pordh te kalit
kur dihet se kush na e instaloi ket titist te vogel ne politik
ska gje prej ti eshte fat i mier qe miqet tan ne krye me
ameriken po e njofin dhe po e din qysh na e futen serbet ne politik
ket zagar te daqiqit.

[Llapi]

EDHE NE JEMI VETËVENDOSJE (INTERVISTË E FUAD Ramiqit DHËNË GAZETES "Express")

Botue më E martë, 02 Korrik 2013 10:23



Ramiqi: Qëndrimet e mia të afërta me Vetëvendosjen
18:55 / 1.07.2013


Fuad Ramiqi i Lëvizjes Islame Bashkohu (LISBA), duke treguar se pse iu bashkua Albin Kurtit në protestën e së enjtes para Parlamentit të Kosovës, thotë se Vetëvendosje mbron parimet e njëjta me ato të partisë së tij.



Lama: Vetëvendosje po flirton me ekstremistët fetarë

Nga Express | 05 Korrik 2013 08:13


(E plotësuar) Deputetja Alma Lama, përmes një letre publike, ka treguar shkaqet që e shtynë të largohet nga Lëvizja Vetëvendosje.

Ajo përmend në letrën e saj flirtimin e kësaj partie me rrymat ekstremiste islamike dhe dhunën si mjet të arritjes së qëllimeve politike.




Policia: Xhabirit i rrezikohet jeta
Nga Express | 29 Gusht 2013 14:37


Bashkësia Islame e Kosovës detyrohet që ta përcjell Xhabir Hamitin prej punës e deri në shtëpi dhe anasjelltas. Krejt kjo për shkak të kërcënimeve publike që ka marrë Hamiti nga Lëvizja Islamike “Bashkohu”.

Në letrën që Policia e Kosovës i ka dorëzuar sot BIK’ut të cilën e posedon Express thuhet kështu: “BIK urdhërohet që Xhabir Hamitit t’i sigurohet transporti deri në punë dhe anasjelltas nga institucioni ku ai punon, deri në përfundimin e rastit të tij”, thuhet në letrën e cila tashmë është arkivuar në BIK.

Këtë vendim të policisë, e ka konfirmuar edhe vet Hamiti. “Policia e ka vlerësuar gjendjen e sigurisë time. Rrjedhimisht BIK duket që të më shoqërojë me makinë zyrtare deri në punë dhe prej punës në shtëpi”, ka thënë vet Hamiti.

Hamiti aktualisht është profesor i rregullt në Fakultetin e Studimeve Islame, derisa mandatin zyrtar si kryetar i Këshillit të BIK e ka deri me 18 tetor të këtij viti. Pavarësisht kësaj, sot BIK ka zgjedhur kryetarin e ri të këshillit, pasi në mbledhjen e fundit ka marrë vendim për shkarkimin e Hamitit nga ky post.

[Llapi]

Albin Kurti e kërkon Republikën e tretë të Kosovës


__________________________________________________ ______________________________________









Kush bën pazare me Republikën e Kosovës?


Paqja është kur djemtë i varrosin etërit, kurse lufta kur etërit i varrosin djemtë
E dua lirinë e maleve, lirinë e Prekazit, lirinë që e solli UÇK-ja! E dua vetëm lirinë e dëshmorëve!
E dua vetëm Republikën që e fitoi me luftë e gjak, e shpalli populli im!
( S’e dua lirinë në të cilën ka hise pjella e dreqit!)


Kush bën pazare me Republikën e Kosovës?
Sikurse nuk do i jepnit një libër dikujt që nuk di të lexojë, mos ia jepni bukën (lirinë) atyre që hanë e pinë dhe pastaj, me nder me thënë, pëshu... e dh... në sofrën e magjen e saj. Mos ua jepni lirinë atyre që e duan vetëm si mall (pasuri) për të tregtuar nëpër tregjet e diplomacive t’Evropës deri n’Beograd, n’emër të sundimit “demokratik” të ligjit. Mos ua jepni lirinë e fituar me gjak, për ta përtypur hileqarët, bllacalitë, mohuesit, përgojuesit, sadistët, shkelësit e deridjeshëm të luftës çlirimtare, të cilët sot, si majmuni një sheqerkë të falur, e lëpijnë ëmbëlsinë e lirisë, e pastaj prapë e shajnë e tallin e mohojnë pavarësinë dhe kërkojnë Republikë të tretë: “Treqa Srpska Kosovska Republika!”
Liria nuk është e skllevërve të lumtur që kënaqen me cilësinë e robit për një copë rahmet, për një thes lypësie mbushur me mëshirë, për një bythë (posti) pushteti. Vallë, ata që sot po kërkojnë Republikë të tretë, okej, le t’i tregojnë popullit, cila na qenka Republika e parë në Kosovë? Cila na qenka Republika e dytë? E cila do jetë Republika e tretë?
Me siguri: “Treqa Srpska Kosovska Republika!”. Ja ëndrra e skenarit të Qosiqit, Milosheviqit, Vuk Drashkoviqit, Koshtunicës, Daçiqit: Për ta ndarë, për ta copëtuar Kosovën e lirë dhe të pavarur.
S‘e dua lirinë...
Liri, s’dua të jesh hise e skllevërve hamshorë n’emër të demokracisë dhe të drejtave të popujve pa liri, pa atdhe, pa fe e pa komb. Liri, s’dua të jesh hise e hileqarëve evropianë, gijotinë e trojeve të ndara e të gllabëruara me dhunë e suprimaci politike të Shqipërisë etnike, ata të djeshmit janë po këta të sotshmit, vetëm gëzofin e kanë ndërruar dhe, sot, ja, shihi si kafshojnë lëkurën e sundimit të ligjit të popujve të varfër, kafshojnë identitetin, lirinë e fituar me gjak dhe me luftë çlirimtare. Jo, s’e dua lirinë hise e spurdhjakëve nëpër dyer të kancelarive t’Evropës me lak në fyt të species Arbër, për një copë shpresërreme – për një copë mëshirë të helmatisur me demokraci biçim gjarpri! Dhe, e them ashiqare: S’e dua lirinë e blerë! S’e dua Republikën e tretë, ose, siç thonë mohuesit fatalë të gjithçkajes demokratike shqiptare, jo vetëm në Beograd, Moskë: “Treqa Srpska Kosovska Republika”! Kurrë e kurrë e kurrë! Sepse, UÇK-ja, gjaku i dëshmorëve, sakrifica e popullit me gjak kanë fituar një tjetër liri, një tjetër pavarësi, një tjetër shtet, një tjetër Republikë, dhe: Bac u kry! E dua përjetësisht lirinë farë e gjakut të dëshmorëve, e dua lirinë e sakrificës e bukës e djepit të popullit tim! E dua lirinë e maleve, lirinë e Prekazit, lirinë e lindur nga krisma të çlirimtarëve. E dua vetëm Republikën e popullit tim! Republikën e Kosovës! E, në e pastë sot lirinë e fituar me gjakun e heroizmin e UÇK-së, edhe pjella dreqit, të lus, o Zot: E paçin haram lirinë, lirinë e luftës çlirimtare, me të cilën po bëjnë tregti për poste e pushtet e fushatë parazgjedhore, me një fantom bastard e dal nga kuzhina e Beogradit: “Treqa Srpska Kosovska Republika”.
Një Republikë e tretë - një luftë e re?!
Ti, o totolesh, kohëve të fundit po tallesh edhe me
Skënderbeun, me Vlorën, ti po tallesh edhe me Prekazin, me fenë dhe me Zotin. Ti po tallesh dhe po mohon edhe komandantin legjendar, Adem Jashari, dhe familjen e tij emblematike historike. Ti po tallesh edhe me Idriz Seferin, me shenjtërueshmen Nëna Terezë, me bukën në sofër të popullit po tallesh, të cilit haptas ia mohove rritjen e pagës, deshe t’ia marrësh kafshoren nga goja popullit, që të dha votën e lirë, të solli lirinë, të rriti e ta fali gjuhën dhe këngën shqip. Ti tallesh dhe mohon Autostradën e kombit, pranoje, ti po tallesh me paqen, me dritën e syve, me dritën të mendjes dhe, nder me thanë: po e shkërdhen votën e lirë që njëherë ta dha një grup qytetarësh, e s’dihet, a ta falë më? Ti po tallesh edhe me prindërit tu, me Evropën, edhe me Amerikën, me Kuvendin, me Qeverinë. Ti, thua se po kërkon, haj medet: Një liri të re! Një pavarësi të re! Një Qeveri të re! Një shtet të ri! Një Republikë të re! Një luftë të re dhe sikur ke harruar kur ke injoruar, ia ke kthyer shpinën UÇK-së. Kush je ti, dil në shesh, para popullit dil, trego për synimet tua, tregoi popullit dhe jepi armë, dil në ballë të popullit, të luftës së re, për të fituar atë dreqin e zi: “Treqa Srpska Kosovska Republika”. Kush je ti që në sy bote po përpiqesh me mbështjell Kosovën e lirë dhe të pavarur, me një liri tjetër të rreme, me një shtet tjetër të rrem, një luftë tjetër dhe me një Republikë tjetër, bash sikur po përpiqet të bëj Serbia:
Të shpall në Kosovën e lirë një: “Treqa Srpska Kosovska Republika”. Dëgjoje mallkimin e popullit: “E paçi haram lirinë e fituar me gjakun e UÇK-së, me sakrificën dhe me bukën time!”.

[Llapi]

Pse e shmangin amerikanët Albin Kurtin

Petrit Selimi

- “Dëshmitë e fuqishme kundër Kurtit dhe arrestimi i tij janë lajm i mirë për Kosovën. Ngjarjet e 10 shkurtit ku humbën jetën dy njerëz si rezultat i taktikave të dhunshme të Vetëvendosjes dhe dëshirës së tyre për konfrontim […] tregojnë se Kurti është i rrezikshëm për sigurinë publikë në Kosovë. Ne përkrahim mbajtjen e tij në burg”, – këto ishin fjalët e Ambasadores Tina Kaidanow,

nëse u besojmë raporteve konfidenciale të botuara nga Wikileaks nga 2007. Pas detyrës në Kosovë, Ambasadorja luajti rolin e rëndësishëm të Zëvendës-asistent-sekretares së Parë të Shtetit të angazhuar për Europë dhe Euro-Azi.

- “Nuk i kam takuar dhe nuk do t’i takoj”, ishte refreni i Ambasadorit Chris Dell sa herë që pyetej nga gazetarët kosovarë se a do t’i takojë liderët e Vetëvendosjes. Ambasadori Dell shkoi, u emërua si Zëvendës-komandant i misionit ushtarak amerikan në kontinentin e Afrikës, diplomati parë civil në këtë rol të rëndësishëm, duke marrë parasysh luftën kundër piraterisë, misionin në Mali dhe zhvillimet e papritura të Pranverës Arabe.

- “Nuk mund të pajtohem me taktikat e kërcënimeve dhe dhunës [si dhe kërcënimeve ndaj ish-shefes sime Sekretares Albright]. Nuk mund të takohem me një Lëvizje e cila vepron me taktika të tilla” – janë fjalët e Ambasadores së re amerikane në Kosovë Tracey Ann Jacobson, një diplomate të shquar karriere e cila deri vonë është munduar shumë të rrijë jashtë debateve interne politike kosovare.

- Sekretarja e Shtetit Hillary Clinton bëri së fundi një vizitë në Kosovë dhe u takua me secilin lider politik në Kosovë, prej Kryeministrit Thaçi e deri tek përfaqësuesit e partive minoritare, prej Pacollit e deri te Isa Mustafa. Me Albin Kurtin nuk u takua edhepse qëndroi dy ditë të tëra në Kosovë, duke i bërë nder një shteti të vogël në mes të agjendës së ngjeshur me ngjarjet në Siri, uraganit Sandy dhe fushatës elektorale amerikane. Tashmë po përflitet se kjo zonjë mund të bëhet edhe Presidentja e parë femër Amerikane pasi që sot është ndër personalitetet më të popullarizuara politike në skenën amerikane.

Pra s’do mend dhe s’ka asnjë fije dyshimi se qëndrimi i SHBA’ve ndaj Vetëvendosjes nuk është vetëm mllef i një personi, apo rezultat i propagandës së PDK apo “keqinformimit” (paramendoni vetëm, State Department qenka i keqinformuar?!). Ky refuzim komplet dhe total i secilit diplomat amerikan që të ketë çfarëdo lidhje publike, qoftë edhe shtrëngim duarsh, me liderin e një partie kosovare është një politikë e vazhdueshme, e bazuar në inteligjencë dhe e rrënjosur në definimin preciz dhe afatgjatë të interesave kombëtare amerikane vis-a-vis Kosovës. Këtë nuk e them une. Kjo thuhet prej atyre që përfaqësojnë Amerikën. Që ta citoj edhe një herë Ambasadoren Kaidanow “Politikat e Kurtit jo vetëm që janë të rrezikshme, ato janë vdekjeprurëse”.

Ndoshta e kam gabim, por në kokën time dhe në zemrën time dhe me bindjen time më të thellë, besoj se SHBA, populli amerikan i përfaqësuar nga qeveritë suksesive republikane dhe demokrate ishin partneri, miku, mbështetësi dhe aleati më i rëndësishëm i shqiptarëve në modernitet dhe Kosovës në veçanti. Nëse merren parasysh niveli i ndihmave bilaterale, angazhimit ushtarak dhe investimeve, Kosova për kokë banori është përfituesi më i madh i ndihmës amerikane në histori, krahasueshëm vetëm me marrëdhënien e veçantë që SHBA-të kanë me shtetin e Izraelit. As më pak e as më shumë, ky grusht njerëzish që kemi, me tërë fukarallëkun material e intelektual, me kurrfarë resurse atraktive të tipit të naftës apo pozitës së veçantë gjeografike, kemi qenë përfitues më të mëdhenj në histori të Amerikës së ndihmës së tyre.

Më bën të rrëqethem kur mendoj se sa e rëndësishme është Amerika për neve, ashtu sië jam rrëqethur sa herë që kam lexuar vargjet e Fan Stilian Nolit “Do të ndihim pa kursyer / Për ty, nëna jonë e vyer / Që me drit’ e nder të thurësh / Dhe me bijt’ e tu të mburresh / Cila nënë lyp paranë? / Cilët bij me shpirt s’i dhanë? / Mbaju nënë mos ki frikë / Se ke djemtë në Amerikë!”

Kam arsye personale të adhurimit të Amerikës ashtu siç ka çdo kush që e konsideron veten shqiptar dhe çdo kush që e do Republikën e Kosovës si republikë të shqiptarëve, serbëve, romëve, myslimanëve, krishterëve, hebrenjve. Hera e parë kur e kam parë fragjilitetin e prindit, babës tim të ndjerë është kur pat hëngër dajak nga polici serbe me rastin e vizitës së kongresmenit Tom Lantos, të vetmit të mbijetuar të Holokaustit që ka shërbyer ndonjëherë në Kongres amerikan. I njëjti i cili për Kosovën ka thënë që më 1988: “Rrallëherë gjeni në tërë faqen e botës një popull më pro-demokraci dhe pro-Amerikë se populli i përvuajtur i Kosovës”. Portreti i tij është ndër portretet e rralla (me një qen të bardhë “pudllicë”) në dhomën e Komitetit për Punë të Jashtme të Kongresit (ku Engeli i madh – ai i Kosovës e i Izraelit – u përzgjodh këtë muaj të jetë Demokrati më i lartë në këtë Komitet.)

Isha vetëm 16 vjeç kur u ftova nga një organizatë kongresistësh në një konferencë liderësh të rinj nga bota, kur takova Senatorin Ted Keneddy dhe kur u magjepsa me mrekullinë e demokracisë amerikane. Si të gjithë ne, kam qarë e kam qeshur kur i kam parë bombarderët amerikanë, aq saktësisht të quajtur si engjëj, tek niset nga bazat angleze për ta ndërprerë gjenocidin në përgatitje. Pas luftës, senatorët kryesorë amerikanë na kanë qëndruar pranë (dhe po ashtu nuk di a të qaj a të qesh, sa herë e shoh Senatorin Schummer në YouTube tek mbledh para për katedralen e të shenjtës Nënë Terezë, dhe flet se Amerika ka nderin ta ketë mundësuar që populli i Kosovës ta valon flamurin e Kosovës mbi tokën e lirë të Kosovës).

Ne jemi, se Amerika është.

Ne nuk do të ishim, po të mos ishte Amerika. Ose do të ishim, por të shpërndarë e të vrarë, nomadë tragjikë të modernitetit.

E përmenda disa herë Izraelin sepse në Izrael partitë politike janë shumë agresive ndaj njëra-tjetrës, më shumë se në shumë demokraci perëndimore. Janë të flakët dhe akuzojnë dhe abuzojnë me fjalët më të rënda njëra-tjetrën. Ka parti liberale që marshojnë me gejat në Tel Aviv dhe parti ultra-ortodokse që s’e lëvizin gishtin në Shabat, me ditë që edhe bota rrotullohet. E ja që secila parti izraelite, pavarësisht majtizmit a djathtizmit, fesë, gjeografisë, nivelit të korrupsionit, vlerave te proklamuara, e konsiderojnë Amerikën dhe Qeverinë amerikane si partnere të padiskutueshme të përhershme të shtetit të tyre. Mburojë dhe shpatë. E dinë se SHBA nuk do t’i tradhtojë se Amerika nuk e tradhton veten.

Prandaj Vetëvendosja ka problem.

Është partia e vetme shqiptare, pos asaj Partisë së Punës vetë-gjenocidale të Enver Hoxhës të mbrapshtë dhe tragjik, që është në marrëdhënie antagoniste me Amerikën. Badihava proklamojnë “marshallët e Vetëvendosjës” (citat tjetër Amerikan nga WikiLeaks) se besojnë në “principe amerikane” apo në “popullin amerikan”. Këto janë sintagma të cekëta dhe të pavlefshme. Loja fjalësh që i kanë qejf liderët e Vetëvendosjes (e që nuk janë “lojna” hiç se mbjellin urrejtje, përçarje dhe vëllavrasje). Idealet e Amerikës dhe interesat kombëtare amerikane përfaqësohen nga State Departamenti, Pentagoni, Thesari, FBI, CIA, Presidenca, Kongresi, you name it – pra sistemi qeverisës amerikan. Nuk mundesh të jesh pro-Amerikë e të jesh sistematikisht dhe vazhdueshëm dhe papendueshëm kundër secilës politikë amerikane në Ballkan nga një kënd i diskursit vetëviktimizues kuazi-fetar (prej Rambuillet, Ahtisaarit, procesi i reformave të FSK, sulmeve ndaj Presidentes Jahjaga, vetë flamurit republikan të Kosovës e deri tek investimet private amerikane). Po të ishte mospajtuese me një politikë apo element, edhe do të ju falej, por Vetëvendosja ka qenë konsistent kundër SECILES shtyllë qendrore të politikës së jashtme dhe interesave nacionale të Amerikës në Kosovë.

Dhe jo vetëm aq.

Duke nënvleftësuar dhe duke atakuar politikat amerikane në Kosovë, duke mbjellë farën e poshtër të dyshimit në intencat amerikane në Kosovë, duke krijuar huti me komente të fëlliqta në portale online, duke përdhosur emrat e miqve më të shenjtë amerikanë, Vetëvendosja si rrallëherë kush në historinë tonë, bëhet pol i sjelljes thellësisht anti-shqiptare dhe anti-kosovare.

Nuk është Xhabiri më pro-Amerikan se tjerët (edhe aman burrë shko në burg se na korite të gjithëve). Nuk është PDK ndonjë bastion e as pionier i pazëvendësueshëm i amerikanizmit (siç nuk janë vitet e kaluara në burg të Albinit dëshmi e patriotizmit). Qeveritarët kosovarë që janë të përfshirë në korrupsion, hajni, nacionalizëm patetik nuk janë armiq më të vegjël të Kosovës dhe Amerikës. Jo. Jo. Nuk është poenta aty.

Poenta është se Kosova, si Izraeli, nuk ka jetë dhe dritë, mbrojtje dhe zhvillim pa Shtetet e Bashkuara të Amerikës.

Sa ma shpejtë ta kuptojë Albini këtë, e kjo kuptohet vetëm kur përkrahen vijat e trasha të proceseve Euro-Atlantike me dialogun me fqinj si thelb të saj, aq më mirë për te, për lëvizjen e tij të dëmshme dhe “vdekjeprurëse” (citat pra ky direkt i State Department) si dhe tërë popullin e Kosovës. Shqiptarë, serbë, romë, boshnjakë, strejt, gej, kuq, zi, bardh e kaltër.

*Autori është Zëvendësministër i Jashtëm i Kosovës. Opinionet janë personale dhe nuk përfaqësojnë institucionin. Botuar fillimisht në Express-in e Kosovës.

MAPO

[Llapi]

Buzhala: Vetëm VV ka marrëdhënie antagoniste me SHBA-të

Nga Express 12 Dhjetor 2012 13:56


Seanca plenare e Kuvendit të Kosovës ka filluar me akuza dhe kundërakuza midis deputetëve të pozitës dhe opozitës. Deputeti i PDK-së, Berat Buzhala lëvizjen Vetëvendosje e ka quajtur si partinë e ish-diktatorit Enver Hoxha. Ndërkohë që opozita ka adresuar akuza në drejtim të Qeverisë për korrupsionin e lartë në vend duke përmendur raportet e shpeshta për Kosovën, të cilat evidentojnë këtë fenomen.

Në kohën e deklarimeve, jashtë rendit të ditës, deputeti i Partisë Demokratike të Kosovës, Berat Buzhala, në emër të Grupit Parlamentar, ka thënë se orientim i liderëve tanë, duke filluar prej presidentit të ndjerë Ibrahim Rugova e duke vazhduar me ata që e bënë luftën nuk ka qenë verbal por ka qenë kulturor e politik.

Sipas tij, sa do të ashpër që kanë qenë përçarjet e krahut të luftës dhe të paqes, megjithatë referenca perëndimore ka qenë e përbashkët dhe asnjëherë nuk është vënë në dyshim.

Buzhala ka thënë se qytetarët e Kosovës kurrë nuk do të harrojnë kërcënimin e ish-sekretares amerikane, Medeline Albright ndaj forcave serbe që patën bërë masakër makabre në Prekaz.

Për më tepër ai ka shtuar se Lëvizja Vetëvendosje, kryetari i komisioni për Politikë të Jashtme, Albin Kurti i ka dërguar letër kërcënuese zonjës Albgriht asaj që dikur i dërgonte letër kërcënuese Sllobodan Millosheviqi.

Buzhala ka thënë se Kurti nuk e ka kërcënuar zonjën Albright, por Shtetet e Bashkuara të Amerikës, duke e krahasuar partinë e tij me atë të Enver Hoxhës.

“Kurti nuk është deputet, por është kryetar i komisioni për Politikë të Jashtme, është Kuvendi i Kosovës, ky është një ogur i zi për politikën kosovare. Fatkeqësisht në vend se për një gjë të tillë t’i kërkohet falje SHBA-ve, deputetët e Vetëvendosjes vetëm sa po e zhvillojnë cinizmin e tyre duke deklaruar se ambasadorja amerikane e ka keqkuptuar krejt ngjarjen. Është partia e vetme shqiptare pas asaj të partisë së punës dhe gjenocidale të Enver Hoxhës që është në marrëdhënie antagoniste me Shtetet e Bashkuara të Amerikës. Badihava proklamojnë marshallët e Vetëvendosjes se janë proamerikan dhe që janë properëndimor”, ka theksuar Buzhala.

Gjithashtu, ai ka thënë se këtë e kanë treguar tre ambasadorët e fundit të Shteteve të Bashkuara të Amerikës në Kosovë, Tina Kaidanow, Christopher Dell dhe Tracy Jakobson.

Ai në emër të Grupit Parlamentar ka kërkuar që kjo lëvizje dhe kryetari i Komisionit për Politikë të Jashtme të distancohet prej qëndrimeve antiamerikane.

Por pas këtyre deklarimeve të Buzhalës nuk kanë mundur që të replikojnë deputetët e Vetëvendosjes, pasi që kaloI koha e kohës për deklarime jashtë rendit të ditës.

Kryeparlamentari, Jakup Krasniqi në mënyrë ironike duke paralajmëruar përfundimin e kësaj pikë të rendit të ditës, tha se kishte mbaruar pika ‘Hajt pak’.

[Llapi]

Albin Kurti ne burgun e Pozharevcit






Thaçi e ka pyetur Kurtin, se si është e mundur kur shqiptarët vriteshin e rraheshin brutalisht në burgjet e Serbisë, “ty nuk të preku kush, por të organizonin konferenca shtypi në burg”. Thaçi i tha Kurtit se ti ke hyrë në politikë, përmes derës së Daçiqit duke të organizuar konferenca shtypi në burg, për promovim politik.