Albin Kurti (1975 - )

[diviner]

Lëvizja gjatë vitit 2007
Friday, 28 December 2007
Prezentimi i pakos së Ahtisaarit. Nëpër qytetet e Kosovës me qëllim të vetëdijësimit të qytetarëve për dëmin që i sjell Kosovës kjo pako. Aktivistë të Lëvizjes gjatë disa javëve kanë vizituar qytetet e Kosovës, nëpër rrugët e të cilave paraqiten vizuelisht proceset e përfshira në pako.

Demonstrata e 10 shkurtit.
Dhjetëra mijëra qytetarë të Kosovës iu përgjigjën ftesës së Lëvizjes VETËVENDOSJE! për ta demonstruar vendosmërinë tonë në kundërshtim të pakos së Ahtisaarit dhe ndarjes territoriale, fetare dhe institucionale të Kosovës që e bën kjo pako, vetëm e vetëm për ta mbajtur Kosovën si pjesë të Serbisë. Policia i bllokoi rrugët ku marshonin demonstruesit paqësor dhe intervenoi dhunshëm kur demobstruesit deshën të kalojnë për ta vazhduar marshin e tyre. Arben Xheladini dhe Mon Balaj u vranë, ndërsa 82 demonstrues të tjerë u plagosën, disa rëndë, nga plumbat e gomës që i përdori policia. 15 demonstrues u arrestuan.

Homazhe për Arben Xheladinin dhe Man Balajn. Më 11 shkurt aktivistë të Lëvizjes dhe qytetarë të Prishtinës u mblodhën në vendin ku kishin rënë dëshmorët Arben Xheladini dhe Mon Balaj për të bërë homazhe.

Demonstrata e 3 Marsit.
Demonstratës gjithëpopullore iu bashkuan dhjetëra mijëra qytetarë të cilët shprehën mllefin kundër pushtetit që robëron dhe vret. Policia e kishte bllokuar një pjesë të marshutës së demonstratës, por pas ultimatumit nga Lëvizja VETËVENDOSJE! ata u detyruan ta hapin rrugën. Para selisë së policisë në Prishtinë u vendos mbishkrimi VRASËS në të gjitha gjuhët e ekipeve policore që morën pjesë në intevernimin e 10 shkurtit.

Ekspozita e Pakos së Ahtisaarit.
Aktivistë të Lëvizjes VETËVENDOSJE! gjatë tërë javës kanë ekspozuar nenet nga Pakoja e Ahtisaarit, nene këto që ngërthejnë në vete padrejtësitë e tmerrshme të këtij dokumenti, i cili do t’ia shkatërrojë Kosovës të ardhmen. Këto nene nga të gjitha anekset e pakos shpjegojnë në detaje pengesat që do t’i ketë Kosova në të ardhmen, pengesa këto që kanë të bëjnë me funksionimin e politikës, ekonomisë dhe shoqërisë së Kosovës në përgjithësi.

Demonstratë me 31 Mars.
Në këtë demonstratë u kërkua vetëvendosja si lirim nga burgu kolektiv i popullit të Kosovës, dhe lirimi i të gjithë të burgosurëve politik individual në Kosovë.

Rrencat. Më 1 prill
qytetarët e Prishtinës i kanë votuar rrencat më të mëdhenjë ndër politikan. Procesi i votimit është mbajtur sot në Prishtinë, dhe është organizuar nga Lëvizja VETËVENDOSJE! Në të kanë marrë pjesë 974 qytetarë të Prishtinës. Fitues doli Hashim Thaçi me gjithsej 418 vota, pra gati gjysma e votuesve e shpallën atë rrencin më të madh.

1989. Më 5 prill 2007
deputetët e Kuvendit të Kosovës janë mbledhur në sallën e Kuvendit për ta miratuar me aklamacion një deklaratë mbështetëse për Pakon e Ahtisaarit. Me këtë Pako na është thënë se Kosova fiton çdo gjë. Njëjtë si më 1989, kur u pranuan ndryshimet kushtetuese të Serbisë që ia anulonin Kosovës autonominë. Madje edhe salla ishte e njëjtë.

“Lirojeni Albinin.” Kjo parullë është shkruar në murin e UNMIK-ut, si dhe në qendrat tjera të Kosovës.

VRASËS. Në makinat e UNMIK-ut është shkruar parulla VRASËS. Kjo parullë ua ka përkujtuar qytetarëve të Kosovës shndërrimin e regjimit kolonial në edhe regjim terroristë pas 10 shkurtit.

Tryezë. Lëvizja VETËVENDOSJE! në bashkëpunim me Këshillin e Studentëve të Fakultetit Juridik të UP-së organizoi tryezën e rrumbullakët me intelektualë “Pakoja e padrejtësisë dhe mosfunksionalitetit”. Aty u analizuan dëmet e pakos së Ahtisaarit në 3 rrafshe: atë juridiko/politik, rrafshin ekonomik dhe të sigurisë.

Tryezë dhe protestë në Pejë.
Më 19 maj 2007, në Pejë u mbajt tryeza e rrumbullakët, e organizuar nga Lëvizja VETËVENDOSJE! me temën Pakoja e Ahtisaarit – uzurpuese e trashëgimisë sonë. Në këtë tryezë ku morën pjesë intelektualë nga Peja si dhe përfaqësuesit e disa partive politike, përfshirë përfaqësuesit e Kuvendit Komunal të Pejës, u diskutua muri i cili ndërtohej në atë kohë përreth Patrikanës së Pejës. Pas tryezës aktivistë të Lëvizjes dhe qytetarë të Pejës organizuan protestë në hyrje të Patrikanës.

Tryezë në Drenas. Me 7 qershor
Lëvizja VETËVENSOJE ! organizoi tryezë në Drenas me temën Pakoja e padrejtësisë dhe jofunksionalitetit.

Dy vjetori. Me rastin e dy vjetorit të themelimit të Lëvizjes VETËVENDOSJE! u mbajt një ekspozitë ku janë përmbledhur fotografitë më të mira nga të gjitha aksionet, tubimet dhe demonstratat e organizuara gjatë këtyre dy viteve.

Pakoja e plehut. Në qershor Lëvizja VETËVENDOSJE! ka organizuar aksionin e shkrimit të parullës “Pakoja e Ahtisaarit” nëpër kontenierat e plehut në Prishtinë. Kjo ka simbolizuar pakon si një kontenjer që përmban shumë gjësende, të gjitha këto me vlerë plehu për të ardhmen e Kosovës. Ky aksion është realizuar edhe në qendrat tjera të Kosovës.

Memorandum.
Lëvizja VETËVENDOSJE! ua ka dërguar dy memorandume një numri të organizatave ndërkombëtare që merren me të drejtat e njeriut. Memorandumi argumenton se si janë shkelur të drejtat e njeriut me mbajtjen e vazhdueshme të aktivistëve tonë në paraburgim.

Tryezë në Besianë.
Më 27 qershor, në Besianë u mbajt tryeza e rrumbullakët e organizuar nga Qendra e Lëvizjes VETËVENDOSJE! atje.

6 mujori i 10 shkurtit.
Me 10 gusht 2007 me rastin e 6 mujorit të demonstratës së 10 shkurtit dhe rënies së Arbenit dhe Monit, Lëvizja ka organizuar homazhe te vendi ku u qëlluan dy dëshmorët. Pastaj kemi vazhduar drejt zyres së Britanisë së Madhe ku ia dërguam një letër publike shefit të zyres, David Blunt, me pyetjen – “Ku ndodhet Steven Curtis?”.Në fund shkuam te zyra e Rumanisë të cilën e goditëm me vezë të prishura. Ky shtet po i mbanë kriminelët që vranë Arbenin dhe Monin.

Manipulimi i UNMIK-ut.
Me 11 shtator në murin e UNMIK-ut kemi filluar me shkruarjen e parullës UNMIK-u manipulon fëmijët! Në këtë mur, ku zakonisht i shkruanim parullat tona liridashëse, UNMIK-u i ka angazhuar disa fëmijë për të vizatuar pikturat e veta aty. Në disa vende fëmijët kanë shkruar “E duam UNMIK-un”, shpërfaqje kjo e qartë e qyqarllëkut të këtij pushteti shtypës i cili po i manipulon fëmijët për ta mbrojtur veten dhe padrejtësinë e tij.

Promovimi i librit.
më 18 shtator 2007 u bë promovimi i librit "ZGJOHU! - Për rezistencë drejtë lirisë" i Albin Kurtit. Fjalët e rastit mbajtën Sadri Fetiu, Muhamet Mavraj dhe Glauk Konjufca.

Jo zgjedhje për parti.
Referendum për liri. Me 14 shtator 2007 kemi filluar fushatën kundër zgjedhjeve të 17 nëntorit, për t’i vetëdijësuar qytetarët e Kosovës për thelbin dhe mashtrimin që po i përgatitet nëpërmjet zgjedhjeve.

Themelohen dy qendra të reja të VETËVENDOSJE!-s në Kosovë. Më 26 tetor, u hap zyrja e Qendrës së Lëvizjes VETËVENDOSJE! në Pejë ndërsa më 27 tetor në Malishevë. .

Tryezë në Malishevë.
Më 27 tetor Lëvizja VETËVENSOJE! organizoi tryezë në Malishevë. Në këtë tryezë morën pjesë përfaqësues të subjekteve të ndryshme politike të Malishevës. Tryeza shqyrtonte kahjen që e ka marrë procesi politik në Kosovë dhe cakun e tij të paevitueshëm.

Më intelektualë në Prishtinë.
Më 10 nëntor, Lëvizja VETËVENDOSJE! organizoi tryezë më intelektualë në Prishtinë. Aty u diskutua për situatën aktuale politike, me theks të veçantë në padrejtësitë që po i bëhen popullit të Kosovës duke ia shkelur atij vullnetin dhe interesat

Kundër zgjedhjeve.
4 ditë para ditës së zgjedhjeve lokale të përgjithshme, aktivistë të Lëvizjes e vendosën një çrçaf të gjatë në të cilin u listuan një mori pyetjesh të cilat përmendnin problemet jetike të qytetarëve të cilat kishin mbetur të paadresuara përgjatë kohës sa kishim pasur zgjedhje. Në të njëjtën kohë Lëvizja VETËVENDOSJE! organizoi edhe një aksion simbolik, në kuadër të fushatës kundër zgjedhjeve të 17 nëntorit.

Dita e Flamurit –
Më 28 Nëntor. Duke filluar në orën 17:00, nga Qendra e Studentëve në Prishtinë, aktivistë të Lëvizjes VETËVENDOSJE! kanë bartur flamurin e madh kombëtar shqiptar me dimensione 12 metra X 6 metra, në një marsh nëpër rrugën “Agim Ramadani” e deri te Teatri Kombëtar “Adem Jashari”. Aktivistët gjatë marshit mbanin pishtarë të ndezur në duar dhe ashtu siç ishin të radhitur në formë të shkronjës “V” u vendosën në shkallët e Teatrit ndërkaq sipër tyre u ngjit lartë flamuri dhe më pas u intonua himni kombëtar.

Ahtisarit ¯ = HIV +.
Më 3 dhjetor 2007 dhjetëra aktivistë të VETËVENDOSJE!-s nëpërmjet një aksioni simbolik protestuan kundër ardhjes së treshes negociatore ndërkombëtare në Kosovës (Harçenko, Ishinger dhe Vizner). Nëpërmjet pankartave (Harçenko Ishinger Vizner - HIV), aktivistët treguan që zgjidhja e cila po i imponohet Kosovës është një paketë Ahtisari minus që është e barasvlefshme me HIV plus për Kosovën.

“10 Shkurti”.
Më 10 dhjetor 2007 në kinemanë ABC, në kuadër të festivalit të filmit dokumentar për të drejtat e njeriut "Nje Botë '07", u shfaq filmi dokumentar për demonstratën e 10 shkurtit të këtij viti, i përgatitur nga Lëvizja VETËVENDOSJE!. “10 Shkurti”, film u vlerësua nga juria e festivalit si filmi më i mirë.

Arrestimet dhe dënimet.
Gjatë këtij viti janë bërë 84 arrestime. Janë lënduar 84 aktivistë dhe qytetarë, si dhe janë rrahur 9 aktivistë

Tubimet me qytetarë.
Lëvizja VETËVENDOSJE! gjatë këtij vitit ka organizuar një numër të madh të tubimeve me qytetarë. Këto tubime janë organizuar në qytete dhe fshatra të ndryshme të Kosovës. Tubimet përqendroheshin në shtjellimin e pakos së Ahtisaarit dhe rreziqeve që i kanosen Kosovës nga aranzhimet territoriale dhe institucionale të kësaj pakoje.

Lëvizja VETËVENDOSJE!

[djalmalori]

rrofte albin kurti

[ARIANI_TB]

[ARIANI_TB]

[ARIANI_TB]

[biligoa]

Albin Kurti flet për KOSOVAPRESS


Shkruar nga Kreshnik Llabjani/KOSOVAPRESS
Tuesday, 01 January 2008

Protestat dhe demonstratat e parandalojnë gjakderdhjen e re

Lideri i Lëvizjes Vetëvendosje!, Albin Kurti në një intervistë dhënë për Kosovapress ka thënë se gjatë vitit që po lëmë pas janë bërë punë të mëdha në favor të Serbisë dhe vetëm sa është përforcuar autonomia për Kosovën. Ai si ngjarje pozitive vlerëson demonstratat dhe aksionet protestuese të Lëvizjes Vetëvendosje si dhe bojkoti që shumica e qytetarëve të Kosovës ia bën, siç thotë, farsës zgjedhore të 17 nëntorit.

Kurti pranon se nuk kanë arritur që t'i ndalin negociatat, por shprehet se kanë arritur t’i ngadalësojnë ato. Sipas tij, zhgënjimi politik në njërën anë dhe stagnimi ekonomik e mjerimi social në anën tjetër do të përputhen gjithnjë e më shumë dhe kur kësaj i shtohet edhe ndarja e përçarja etnike e fetare të cilën e sjell pakoja e Ahtisarit, atëherë e gjithë kjo pa dyshim se do ta bëjë gjendjen shpërthyese me shumë rrezik për konflikte të reja.

Kosovapress: Jemi në fund të vitit, si i vlerësoni zhvillimet e përgjithshme politike?

Kurti: Së pari, në vend se të konsiderohet që Kosova e ka një problem dhe ky problem quhet Serbi (por edhe UNMIK), Grupi Negociator i Kosovës ka pranuar që Kosovën ta cilësojë si problem dhe Serbinë ta shndërrojë në partner për zgjidhjen e problemit të quajtur Kosovë. Në vend se të thuhet që popullit i mungon liria këta kanë pranuar se Kosovës i mungon statusi. Rrjedhimisht, së dyti, ky adresimi i gabuar dhe kjo mënyra e gabuar për çështjen e Kosovës jo vetëm që nuk e kanë sjellë lirinë, pavarësinë dhe sovranitetin, por na kanë larguar nga ato, posaçërisht në këta dy vjetët e fundit.

Kosovapress: Cilat do t'i karakterizonit si ngjarje pozitive dhe negative për 2007?

Kurti: Ngjarje pozitive ishin demonstratat dhe aksionet protestuese të Lëvizjes Vetëvendosje! si dhe bojkoti që shumica e qytetarëve të Kosovës ia bënë farsës zgjedhore të 17 nëntorit. Ngjarje negative ishin Pakoja e Ahtisaarit, vrasja e Arben Xheladinit dhe Mon Balajt si dhe plagosja e mbi 80 demonstruesve të tjerë paqësor, në mesin e të cilëve rëndë u plagosën Zenel Zeneli, Mustafë Nerjovaj dhe Hysni Hyseni nga plumbat e policisë rumune të UNMIK-ut, vrasja e Triumf Rizës, Traktati i Miqësisë me Serbinë i Grupit Negociator, planet për Kosovën C, dhe shumë e shumë të tjera që mund të përmblidhen si rrenat dhe vjedhjet e politikanëve në qeveri e jashtë saj.

Kosovapress: Edhe pse nuk kemi definim të statusit të Kosovës po thuhet se janë bërë punë të mëdha në këtë drejtim. Çka thoni ju?

Kurti: Po, janë bërë punë të mëdha në favor të Serbisë. Nuk duhet të harrojmë që statusi në parim është i definuar – autonomia substanciale. Këtë gjë e parasheh Rezoluta 1244, e cila nuk u zëvendësua me ndonjë rezolutë të re. Këtë gjë e saktëson përmbajtja e Pakos së Ahtisarit. Nuk është çështja se kemi mbetur pa status, por se populli nuk u bë i lirë që të vendosë për fatin e tij dhe ta ndryshojë këtë status të padëshiruar.

Kosovapress: Po, sa i jemi afruar zgjidhjes së statusit të Kosovës, kur dihet fakti se negociatat 120 ditëshe kanë mbaruar?

Kurti: Pas këtyre 120 ditëve, meqë nuk u ndryshua, vetëm sa është përforcuar autonomia për Kosovën, mirëpo ende nuk kanë arritur të gjejnë një emërtim tjetër për këtë autonomi, duke ditur që shqiptarët nuk e durojnë termin autonomi.

Kosovapress: Lëvizja Vetëvendosje! ka qenë në vazhdimësi kundër negociatave, por nuk arriti të ketë ndonjë ndikim në to. Pranoni këtë fakt?

Kurti: Nuk kemi arritur që t'i ndalim negociatat, por nuk besoj që është e drejtë të thuhet që nuk kemi pasur ndikim në to. Njëmend nuk kemi arritur ta ndalim këtë të keqe, por kemi arritur ta ngadalësojmë. Jam i bindur se po të mos ekzistonte Lëvizja jonë gjërat do të ishin shumë më keq. Këta politikanë që po e falin tokën e Kosovës dhe po heqin dorë nga historia e Kosovës – për çfarë po paguhen me lejen për keqpërdorimin e djersës së popullit – nuk i frikësohen dikujt tjetër përveç vetëvendosjes.

Kosovapress: Prej se ekzistoni si Lëvizje, protesta më e madhe ishte ajo e 10 shkurtit, e cila u shpërnda edhe me vrasje. Pse nuk arritët të keni ndonjë organizim të fuqishëm më pas?

Kurti: Demonstrata më e madhe e Lëvizjes sonë me numrin e pjesëmarrësve nuk ishte ajo e 10 shkurtit, por ajo e 3 marsit. Mirëpo, sulmet nga shumica e mediave dhe inflacioni me premtime për pavarësi nga të gjithë politikanëve vendor e ndërkombëtar deri te Xhorxh Bushi, kanë bërë që qytetarët të presin e shpresojnë edhe më tutje.

Kosovapress: Keni bërë ndonjë analizë pse nuk keni përkrahje të mjaftueshme?

Kurti: Asnjë subjekt i veçantë politik në Kosovë nuk ka përkrahje sa Lëvizja jonë. Madje, kështu del edhe nga sondazhet e organizatave ndërkombëtare si UNDP e USAID ku kategorikisht ne krahasohemi me të gjitha ato subjekte së bashku, pra me IPVQ-të. Mirëpo, problemi është se kjo përkrahje për ne është ende mjaft pasive. Së këndejmi, nuk është çështja fare te sasia e vogël përkrahjes për ne, sepse ajo nuk është e tillë, por te natyra disi pasive e saj. Sërish, kjo është rezultat i globalizimit dhe ndërkombëtarizimit ekstrem të çështjes së Kosovës që e ka zvogëluar qytetarin e Kosovës dhe ka bërë që ai të ndjehet i parëndësishëm, i pafuqishëm e pa vetëbesim.

Kosovapress: Tani me fillim të vitit 2008 kemi edhe krijimin e Qeverisë së re të cilën do ta udhëheqë ish-lideri politik i UÇK-së, Hashim Thaçi. Do të ketë ndonjë ndikim pozitiv kjo për statusin?

Kurti: Jo, sepse edhe Hashim Thaçi ishte gjatë gjithë kohës një anëtar i devotshëm i Grupit Negociator. Ai po bëhet kryeministër pikërisht, sepse ua “bënte me sy” UNMIK-ut dhe zyrave të Quintit se do të jetë edhe më i butë se deri më tash, edhe më i dëgjueshëm se deri më tash.

Kosovapress: Keni thënë se me Thaçin kryeministër do ta keni më vështirë të veproni. Pse?

Kurti: Dihet që Agim Çeku ishte një kryeministër i dobët në një qeveri të dobët. Për dy arsye. E para, ishte vetëm një anëtar i thjeshtë në partinë e tij AAK, dhe, e dyta, AAK ishte partia e vogël në koalicionin qeverisës LDK-AAK. Në anën tjetër, kjo qeveri ishte e dobët, meqë po të dëshironte LDD-ja e Nexhat Dacit do të mund ta rrëzonte atë qeveri duke u bërë bashkë me PDK dhe ndonjë pari tjetër për të mos ia dhënë votëbesimin. Është e qartë se UNMIK-u dhe qarqe të ndryshme ndërkombëtare në Kosovë e deshën kësaj radhe Hashim Thaçin si kryeministër i fuqishëm në një qeveri të fuqishme. Ky, për dallim nga Agim Çeku, do të jetë një kryeministër i fuqishëm në një qeveri të fuqishme: ai është kryetar i partisë që doli e para në këto zgjedhje, por edhe duke qenë se do të kemi një koalicion të gjerë qeverisës përfshirë këtu partinë e dytë – LDK-në. Të gjithë e mbajmë mend se si Hashim Thaçi në Rambuje, në vitin 1999, e pat nënshkruar dokumentin që e parashihte çarmatosjen e UÇK-së si dhe autonominë për Kosovën në kuadër të Serbisë e Jugosllavisë. Mu atje, pra në Rambuje, ai u pat bërë kryeministër i qeverisë së përkohshme. Tash, ai po bëhet kryeministër për marrëveshje të reja kompromisi me Serbinë në vitin e ardhshëm. Dikur truprojat e tij i kanë sulmuar e rrahur aktivistët e Lëvizjes sonë pa ligj. Tash, këtë do të mund ta bëjë policia që ai mund ta ndërsejë duke përdorur edhe ligjin. Nuk është e rastësishme që në mbledhje të një organi drejtues të PDK-së, Hashim Thaçi ka thënë se PDK-ja duhet ta marrë medoemos Ministrinë e Punëve të Brendshme. Ai e di se do t'i duhet të marrë vendime antipopullore dhe për këtë arsye i duhet forca për ta shtypur popullin.

Kosovapress: Nga partitë politike të vendit, por edhe persona të bashkësisë ndërkombëtare jeni cilësuar si njerëz ekstremistë, radikalë, të papërgjegjshëm që po veproni kundër pavarësisë së Kosovës. Si i komentoni këto?

Kurti: Ata që thonë kështu janë ata që po veprojnë kundër pavarësisë. Dhe, kjo po shihet hapur tashmë. Nga pavarësia vetëm sa jemi larguar me këtë rrugë të tyre. Ata na urrejnë neve, sepse ne kemi kontribuar si askush tjetër në demaskimin e tyre.

Kosovapress: Klasa politike e Kosovës gjithmonë ka thënë se nuk pranon më pak se pavarësi për Kosovës, ndërkohë që ka pranuar pakon e Ahtisarit. Është kjo pako pavarësi?

Kurti: Kurrsesi jo. Janë gjashtë padrejtësi themelore të kësaj pakoje, të cilat jo vetëm që nuk e bëjnë Kosovën të pavarur, por madje ia pamundësojnë pavarësimin asaj. E para është që Kuvendi i ardhshëm i Kosovës do të operojë sipas modelit të shumicës së dyfishtë: për çfarëdo amendamentimi të Kushtetutës së ardhshme të Kosovës apo për çfarëdo aprovimi të ndonjë ligji me rëndësi jetike do të nevojitet edhe shumica e deputetëve serbë, e që do të thotë se nevojitet, në mënyrë indirekte, pëlqimi i Serbisë. Së dyti, decentralizimi sipas pakos së Ahtisarit i parasheh 11 komuna serbe, të cilat do të kenë të drejtë të lidhen horizontalisht ndërmjet veti dhe vertikalisht me Beogradin, ndërkohë që strukturat paralele aty nuk do të shpërbëhen. Së treti, 'eksterritorialiteti' vetëm për monumentet fetare ortodokse, që madje me dashakeqësi quhen serbe, i përfshin 45 zona të veçanta që së bashku ngërthejnë mijëra hektarë tokë. E qartë: duan ta marrin trashëgiminë kulturore të mesjetës dhe ta stërkeqin historinë për t'i paraqitur shqiptarët e Kosovës si ardhacakë. Së katërti, TMK-ja shuhet dhe do të kemi FSK-në e cila do të jetë me vetëm 2.500 pjesëtarë me armatim të lehtë dhe nën kontroll të NATO-s, pra një formacion i vogël i llojit të xhandarmërisë. Së pesti, UNMIK-u do të pasohet me një mision të BE-së, i cili si një autoritet suprem do ta ketë fjalën e fundit çdo herë e për çdo gjë duke pasur të drejtë që të na i shkarkojë ministrat e ndryshojë ligjet. Së gjashti, askund në pakon e Ahtisarit nuk parashihet që Serbia t'ia paguajë dëmshpërblimin Kosovës për humbjet dhe vuajtjet që ajo i shkaktoi për më se një shekull këtu, por për më keq, thuhet se Kosova do të marrë pjesë në borxhin e jashtëm të Serbisë!

Kosovapress: Në çfarë situate do të jetë Kosova nëse vazhdohet me zvarritjen e zgjidhjes së statusit, ose implementimin e pakos në fjalë?

Kurti: Zhgënjimi politik në njërën anë dhe stagnimi ekonomik e mjerimi social në anën tjetër do të përputhen gjithnjë e më shumë. Kur kësaj i shtohet edhe ndarja e përçarja etnike e fetare të cilën e sjell pakoja e Ahtisarit, atëherë e gjithë kjo pa dyshim se do ta bëjë gjendjen shpërthyese me shumë rrezik për konflikte të reja.

Kosovapress: Çka do të bëni ju në këtë rast?

Kurti: Ne do të jemi aty ku janë qytetarët e pakënaqur për ta ndihmuar organizimin dhe mobilizimin e tyre. Pikërisht protestat e demonstratat e parandalojnë gjakderdhjen e re.

Kosovapress: Ardhja e misionit të BE-së duhet të bëhet para definimit të statusit, pas apo nuk duhet të ndodh fare?

Kurti: Ashtu sikurse që ne nuk kemi nevojë për misionin e OKB-së në Kosovë, por për shtetin e pavarur të Kosovës si anëtar në OKB, krejtësisht njësoj, nuk kemi nevojë për misionin e BE-së në Kosovë, por për Kosovën sovrane që aderon në BE.

Kosovapress: Deri kur do të demonstroni dhe a është kjo mënyra e vetme për realizimin e synimeve që ka Lëvizja Vetëvendosje ?

Kurti: Se sa gjatë do të demonstrojmë dhe cilat krejt do të jenë veprimet tona nuk varet vetëm prej nesh. Varet edhe prej kundërshtarëve dhe armiqve, por varet edhe nga ajo se sa aktive do të bëhet përkrahja dhe mbështetja. Ne duam që me protesta dhe demonstrata masive dhe afatgjate deri sa të jetë e nevojshme të ngrehim një trysni gjithë popullore mbi UNMIK-un dhe mekanizmat e tij për një datë kur UNMIK-u shkon nga Kosova e që duhet të përputhet me referendumin për popullin e Kosovës. Kjo rrugë nuk është as e lehtë dhe as e shkurtër, por ne besojmë që gjithsesi se është më e mira.

Kosovapress: Krejt në fund, meqë jemi në ndërrim të mot-moteve, mesazhi juaj për qytetarët e Kosovës?

Kurti: Luftojeni pushtetin nëse doni që ai të jetë në shërbim tuajin.

[Llapi]

Arrestohet sërish Albin Kurti, nuk i’u përgjigj gjyqit për seancë P
e mërkurë . 30 janar 2008

Lideri i lëvizjes “Vetëvendosje”, Albin Kurti, nuk është paraqitur sot në seancën gjyqësore, që parashihej të niste në orën 9 30. Seanca është ndërprerë përkohësisht, ku më pas gjykatësi ndërkombëtar, Maurizio Salustro, ka dhënë urdhër për arrestimin e tij dhe dërgimin me dhunë në gjykatë. Kurti gjatë një konference për shtyp të mbajtur dje ka deklaruar se nuk do të marrë pjesë në seancën gjyqësore, ngase nuk e njeh sundimin jodemokratik të UNMIK-ut në Kosovë, e as gjyqësinë e padrejtë të tij. Rastin kundër tij Kurti e ka quajtur të motivuar politikisht, e jo ligjërisht. Seanca e sotme po zhvillohet me dyer të mbyllura.

[biligoa]

Refuzimi i drejtësisë së UNMIK-ut



UNË NUK DO TË MARRË PJESË NË SEANCË NGASE NUK E

NJOH SUNDIMIN JODEMOKRATIK TË UNMIK-ut

E AS GJYQËSINË E TIJ TË PADREJTË



Shkruan: Albin KURTI

Prishtinë, 29. I. 2008



Seanca e katërt gjyqësore në rastin kundër meje është caktuar për të mërkurën, më 30 janar. Unë nuk do të marrë pjesë në këtë seancë ngase nuk e njoh sundimin jodemokratik të UNMIK-ut në Kosovë e as gjyqësinë e tij të padrejtë. Kufizimi i bashkëveprimit tim me gjykatën e UNMIK-ut është përcaktim në bazë të parimeve dhe prioriteteve: derisa nuk bashkëveproj me sistemin e UNMIK-ut të drejtësisë, të padinjitetshëm dhe të padrejtë, unë vazhdoj ta kaloj kohën time duke punuar në mënyrë jo të dhunshme me popullin e Kosovës për drejtësi, dinjitet, barazi dhe vetëvendosje.


Rasti kundër meje është i motivuar nga politika, jo nga ligji. Ky rast e ilustron natyrën e regjimit të UNMK-ut në Kosovë dhe simbolizon padrejtësinë të cilën e ndjejnë mbi kurrizin e tyre të gjithë qytetarët e Kosovës nën sundimin ndërkombëtar këtu. Unë u burgosa pse pata marrë pjesë në një demonstratë jo të dhunshme që kërkonte të drejtën për vetëvendosje për popullin e Kosovës, demonstratë kjo që e kundërshtonte planin e Ahtisaarit dhe sundimin jodemokratik ndërkombëtar në Kosovë. Këto qëllime drejtpërsëdrejti i kundërshtojnë interesat e UNMIK-ut. Përderisa vetëvendosja do t’ia çirrte maskën e jolegjitimitetit sundimit ndërkombëtar në Kosovë dhe do t’ia hiqte atij bazën ligjore – Rezolutën 1244 – plani i Ahtisaarit mbështetet dhe imponohet nga UNMIK-u si mënyrë për ta vazhduar sundimin ndërkombëtar këtu.


Dy pikësynime të caktuara politike gjenden në thelb të rastit të UNMIK-ut kundër meje. Para së gjithash, në ditën e demonstratës sonë më 10 shkurt, 2007, policia e OKB-së nën urdhërin e UNMIK-ut dhunshëm na e shtypi të drejtën për tubim paqësor duke i vrarë dy protestues jo të dhunshëm, Arben Xheladinin dhe Mon Balajn, dhe duke i lënduar mbi 80 të tjerë. Rasti kundër meje është një përpjekje e UNMIK-ut për ta larë veten nga përgjegjësia për këto krime brutale. Derisa unë po ndiqem penalisht dhe po portretizohem si burim i dhunës së 10 shkurtit, UNMIK-u i lejoi vrasësit nga njësiti policor i Rumanisë të shkonin në shtëpi. Pikësynimi i dytë i UNMIK-ut përmes rastit kundër meje është t’i kriminalizojë të gjithë demonstruesit paqësor të 10 shkurtit dhe ta etiketojë VETËVENDOSJE!-n si kriminale dhe ekstreme për ta minimizuar përkrahjen ndaj nesh. Sunduesit ndërkombëtarë të Kosovës kanë frikë nga VETËVENDOSJE! ngase ne jemi e vetmja opozitë në Kosovë dhe pse ne punojmë në mënyrë jo të dhunshme për ta realizuar vullnetin e popullit.


Unë tashmë e kam paraqitur përmbledhjen e absurditetit të akuzave kundër meje gjatë seancës gjyqësore të 15 nëntorit dhe përmes mediave. Se rastit i mungon baza ligjore edhe njëherë u bë e qartë në seancën e fundit, ku dëshmitari kyç i prokurorisë, oficeri i SHPK-së, Ismet Hajdini, tha se përkundër dokumentacionit të prokurorisë, ai kurrë nuk më kishte parë mua të hidhja ndonjë gur më 10 shkurt, as nuk më kishte dëgjuar të bëja thirrje për çfarëdo hedhje gurësh. Ai konfirmoi se protesta kishte qenë paqësore deri atëherë kur kordoni ishte thyer dhe policia kishte hedhur gaz lotësjellës dhe kishte qëlluar me plumba të gomës në drejtim të turmës.


Parregullsitë e panumërta dhe shkeljet e të drejtave të mia në këtë rast janë dokumentuar p.sh. nga ana e Federatës Ndërkombëtare të Helsinkit, Amnesty International, Institucionit të Ombudspersonit në Kosovë dhe Këshillit për Mbrojtjen e të Drejtave dhe Lirive të Njeriut. Shkelja më e rëndë në këtë rast ka të bëjë me mungesën e pavarësisë dhe të paanshëmërisë: të gjithë gjykatësit, prokurorët dhe e ashtuquajtura mbrojtje në këtë rast janë emëruar nga UNMIK-u dhe kryesori i UNMIK-ut, PSSP-ja Joachim Ruecker – para të cilit secili prej gjykatësve të mi kanë dhënë betimin – është i cekur personalisht si palë e dëmtuar. Meqë UNMIK-u m’i mohon të gjitha mundësitë reale për ankesë ose për korrigjim/ndërmjetsim, unë javën e kaluar ua kam dërguar një letër organeve të ndryshme ndërkombëtare të të drejtave të njeriut duke përshkruar shkeljet e të drejtave të mia dhe duke shpjeguar pse ky rast duhet të shpallet i pavlefshëm. ( Lexo letrën e Albinit KETU )



Unë nuk do të marrë pjesë në seancën gjyqësore nesër ngase kam zgjedhur që ta kufizoj bashkëveprimin tim me gjyqësinë e padrejtë të UNMIK-ut vetëm në ato gjëra që jam i detyruar t’i bëj dhe ato që i shoh si të domosdoshme për ta përfaqësuar veten time dhe VETËVENDOSJE!-n. Unë nuk kam kurrfarë qëllimesh tjera në lidhje me procedurat gjyqësore kundër meje, madje as t’i pengoj ato. Përpos se nuk ndihem i obliguar të bashkëpunoj në mënyrë aktive me këto procedura kriminale, unë në gjyq kam paraqitur se si aktakuza kundër meje është absurde, pse unë e kundrështoj rastin dhe UNMIK-un si dhe pse e kam vënë në pikëpyetje dëshmitarin e vetëm deri tash. Unë gjithashtu kam treguar se si UNMIK-u i shkelë madje edhe ligjet e veta dhe ato të të drejtave të njeriut që kanë përparësi ndaj ligjeve të UNMIK-ut. Bashkëveprimi im i kufizuar me gjyqin gjithnjë ka pasur për qëllim ta çoj përpara e jo ta pengoj drejtësinë: duke e kufizuar pjesëmarrjen time në gjyqësinë e padrejtë të UNMIK-ut dhe në rastin e tij politik, unë e vazhdoj punën për një Kosovë të drejtë.


Rasti kundër meje e vë në dukje padrejtësinë brutale të sunduesve ndërkombëtarë të Kosovës. UNMIK-u vazhdon ta zbulojë përbuzjen e vet për parimet universale të drejtësisë dhe dinjitetit përkundër gjithë asaj për çka do të duhej të angazhohej OKB-ja në botë. Pikërisht ashtu si duhet t’i vijë fundi mbretërimit ndërkombëtar në Kosovë, rasti kundër meje duhet të shpallet i pavlefshëm menjëherë. Ashtu siç duhet të lirohem unë nga kjo përndjekje politike, mbarë populli i Kosovës duhet të çlirohet përmes një referendumi që do ta jetësonte të drejtën tonë për vetëvendosje.

[biligoa]

Letër që iu dërgua organizatave kryesore ndërkombëtare

për të drejtat e njeriut



DREJTËSIA E UNMIK-ut



· Kur më arrestuan pas demonstratës së 10 shkurtit, Shërbimi Policor i Kosovës nuk ma tregoi ndonjë fletëarrest as nuk më njohtoi mbi arsyet e arrestit apo mbi ligjin e duhur në zbatim ose faktet lidhur me të. Në vend të kësaj, policia hyri në zyren e VETËVENDOSJE!-s në mënyrë të dhunshme, përdori sprej djegës kundër meje dhe disa aktivistëve të tjerë të VETËVENDOSJE!-s, na shkelmuan dhe na rrahën, mua dhe të tjerët në zyrë, përfshirë këtu edhe një aktiviste, Shkurta Aliun, e cila u rrah deri në alivanosje dhe u dërgua në spital. Asnjëri nga policët nuk u godit dhe as nuk u lëndua gjatë arrestimit tim.



Shkruan: Albin KURTI

Prishtinë, 21. I. 2008



Seanca e katërt e rastit kundër meje do të mbahet më 30 janar



Unë u burgosa më 10 shkurt, 2007, pasi Lëvizja VETËVENDOSJE!, ku unë jam njëri prej udhëheqësve, mbajti një demonstratë të padhunshme. Seanca e katërt e rastit kundër meje do të mbahet më 30 janar. Më ngarkojnë me akuzat se: e kam organizuar turmën, e cila ka kryer vepër penale (si thuhet ‘në tentativë për të shkaktuar rrezik të përgjithshëm dhe/ose të dëmtojë pasurinë në shkallë të gjerë’), duke i penguar personat zyrtarë në kryerjen e detyrave të tyre (si të tilla përkufizohen (përpjekjet) për të formuar kordon policor në rrugë) dhe duke bërë thirrje për rezistencë (që thuhet të ketë qenë nxitja e popullit për ta thyer kordonin policor). Unë përballem me dënimin me burg deri në dhjetë vjet.


Kam treguar edhe tjetërkund se këto akuza janë absurde deri në detajet e tyre më të vogla (shiko te www.freealbinkurti.org ) dhe tash po iu shkruaj për të shpjeguar pse mendoj se rasti kundër meje duhet të hidhet poshtë dhe për të treguar për shkeljet e të drejtave të njeriut që po ndodhin gjatë gjithë procesit ligjor. Çdonjëri ka të drejtë për një jetë me dinjitet dhe drejtësi. Konventat ndërkombëtare të të drejtave të njeriut janë formuluar pikërisht me qëllim të mbrojtjes së kësaj të drejte. Shkeljet e të drejtave të mia të njeriut në rastin kundër meje, para së gjithash, të së drejtës sime për një gjykim të drejtë, e bëjnë të qartë se Kosova nën sundimin e OKB-së është lënë jashtë këtij rregulli ndërkombëtar të të drejtave të njeriut.


Para së gjithash, po e shoh si të domosdoshme të shpjegoj në pika të shkurtëra pse VETËVENDOSJE! demonstroi më 10 shkurt 2007 dhe çka ndodhi atë ditë. VETËVENDOSJE! është një lëvizje politike opozitare, e padhunshme dhe me aktivistë vullnetarë, e cila angazhohet për vetëvendosjen e Kosovës. Më 10 shkurt, VETËVENDOSJE! demonstroi kundër Pakos së Ahtisaarit – e cila, ne besojmë se Kosovës do t’i sjellë luftë dhe mjerim – si dhe kundër regjimit jodemokratik të UNMIK-ut këtu. Gjatë demonstratës dy demonstrues paqësor u qëlluan për vdekje nga ana e policisë së OKB-së, me plumba të gomës me afat të skaduar me të cilat protestuesit u qëlluan në kokë nga afër. Mbi tetëdhjetë protestues të tjerë u lënduan me plumba të gomës, njëri nga të cilët e ka humbur syrin dhe dy të tjerë kanë qenë nën kujdes intensiv me ditë të tëra.


Përkundër raportit të Prokurorit Special të vetë UNMIK-ut, Robert Dean, i cili konfirmoi se reagimi i policisë më 10 shkurt ishte kriminal, UNMK-u refuzoi të zhvillonte hetime mbi krimet gjatë atyre ngjarjeve. Edhe pse është vërtetuar se vrasësit ishin nga Njësiti Special i Policisë së Rumanisë, prokurori i OKB-së argumentoi kundër ndjekjes së tyre penale ngase nuk kishte mundësi të gjindej lidhshmëria në mes të plumbave dhe armëve individuale prej të cilave ishte shtënë. Në raportin e tij të dytë, Dean, e cilësoi shkëputjen në zinxhirin komandues si shkaktar të vrasjeve, por prap refuzoi të niste hetime për t’i identifikuar personat përgjegjës. Policisë rumune iu lejua që fshehtas të ikte nga Kosova dhe askush nga ata që ishin në krye të operacionit kriminal policor nuk është marrë në përgjegjësi. Në kërkim të pashpresë për një viktimë për t’ia ngarkuar fajin për krimin e vet, UNMIK-u më zgjodhi mua për të më nxjerrë në gjykim.


Arrestimi dhe paraburgimi


Kur më arrestuan pas demonstratës së 10 shkurtit, Shërbimi Policor i Kosovës nuk ma tregoi ndonjë fletëarrest as nuk më njohtoi mbi arsyet e arrestit apo mbi ligjin e duhur në zbatim ose faktet lidhur me të. Në vend të kësaj, policia hyri në zyren e VETËVENDOSJE!-s në mënyrë të dhunshme, përdori sprej djegës kundër meje dhe disa aktivistëve të tjerë të VETËVENDOSJE!-s, na shkelmuan dhe na rrahën, mua dhe të tjerët në zyrë, përfshirë këtu edhe një aktiviste, Shkurta Aliun, e cila u rrah deri në alivanosje dhe u dërgua në spital. Asnjëri nga policët nuk u godit dhe as nuk u lëndua gjatë arrestimit tim.


Paraburgimi im nuk kishte ndonjë bazë ligjore deri më 13 shkurt, kur u mbajt një seancë dëgjimore e mbyllur për opinionin. Që atëherë paraburgimi im është zgjatur zakonisht pa praninë time dhe ndonjëherë edhe pa dijen time. Disa nga seancat e mëposhtme të dëgjimit gjatë paraburgimit po ashtu kanë qenë të mbyllura për opinionin.


Federata Ndërkombëtare e Helsinkit (angl. IHF) si dhe Amnesty International (AI) kanë theksuar se paraburgimi im gjithnjë ka pasur bazë të dobët ligjore: atij i ka munguar arsyetimi i mjaftueshëm dhe si i tillë ka rezultuar me privim joligjor të lirisë. Gjithashtu, hapësira aktuale kohore prej dy muajsh në mes të seancës së tretë dhe të katërt të rastit kundër meje – prej 4 dhjetorit 2007 deri më 30 janar 2008 – dëshmon se gjykata e UNMIK-ut nuk e ka për qëllim ta zhvillojë procedurën gjyqësore me përshpejtim të duhur por në vend të kësaj synon ta zgjasë rastin për aq sa është e mundur.


Kur më transferuan për herë të parë në arrest shtëpiak, mua pa kurrfarë arsyetimi ligjor më qe ndaluar kontakti me VETËVENDOSJE!-n dhe me mediat. Gjatë arrestit tim të mëvonshëm shtëpiak këto kufizime u hoqën pa shpjegim, por në vend të kësaj një roje policore 24-orëshe (e përbërë nga dy policë të armatosur) u vendos para derës sime dhe mua nuk më lejohej ta qitja hapin jashtë derës së banesës sime. Kjo gjë ishte e pashembullt në historinë e Kosovës dhe kurrë nuk u arsyetua në mënyrë ligjore. Derisa isha në paraburim në burg, IHF-së nuk iu lejua të më vizitonte derisa vizitorëve ndërkombëtarë, ndër të tjerë diplomatit amerikan William Walker, i cili u përpoq të më bindte që të mos organizoja demonstrata, iu lejua vizita menjëherë.


Gjykimi i drejtë / Supozimi i pafajsisë


Rasti kundër meje dhe në veçanti paraburgimi im që nga fillimi janë bazuar në supozimin e fajsisë, jo atë të pafajsisë. Kjo nuk shihet vetëm nga vendimet dhe veprimet e gjykatësve që janë në krye të rastit tim. Autoritetet lokale dhe ndërkombëtare të Kosovës dhe zyrtarët publik – pëfshirë këtu disa nga politikanët lokal, zëdhënësin e Shërbimit Policor të Kosovës, Veton Elshani, Shefen e Zyres Amerikane në Kosovë, Tina Kaidanow dhe ish-zëvendës-shefin e UNMIK-ut (zëvendësin e PSSP-së), Steven Schook, që nga dita e parë e burgosjes sime publikisht kanë dhënë deklarata degraduese ndaj meje dhe VETËVEDOSJE!-s dhe e kanë shprehur mendimin se unë jam fajtor.


Barazia para ligjit


Që nga fillimi i rastit kundër meje unë jam vënë në disavantazh në krahasim me prokurorinë. Unë jam trajtuar ndryshe, nuk më është lejuar të shprehem dhe madje i jam nënshtruar ofendimit gojor: kur filloi gjykimi më 19 shtator, unë e kundërshtova panelin kryesues të gjykatësve për miratimin e parregullsive në rastin kundër meje, si dhe për mungesën e pavarësisë dhe paanshmërisë së tyre – paneli e përfaqëson UNMIK-un, i cili është njëherit edhe palë e dëmtuar edhe palë akuzuese në rastin tim. Pasi kërkuan që ta shpjegoja kundërshtimin tim ndaj panelit, gjykatësi kryesues, Maurizio Salustro, më ndërpreu duke më bërtitur dy herë që ‘ta mbyllja gojën!’ dhe e përfundoi seancën pa më lejuar të flisja.


Për më tepër, seanca e parë gjyqësore më 19 shtator filloi me leximin e një aktakuze plotësisht të re dhe të pakonfirmuar, pa paralajmërim. Mua nuk më patën informuar për këto akuza të reja kundër meje as mbi ligjin në zbatim apo për faktet në fjalë në të cilat ato akuza bazoheshin. Në seancën e ardhshme gjyqësore më 15 nëntor, gjykatësi Salustro deklaroi pa kurrfarë shpjegimi se kjo aktakuzë e re duhej të injorohej.


Unë kurrë nuk kam pranuar që të kem avokat mbrojtës në këtë rast, meqë ai do të emërohej nga UNMIK-u. Meqë UNMIK-u është pala gjykuese, akuzuese dhe e dëmtuar në rastin tim, e ashtuaquajtura mbrojtja ime përballet me konfikt interesash në mes të shërbimit që më ofron mua dhe autoritetit i cili e ka emëruar në atë detyrë. Përkundër shprehjes së përsëritur të këtij qëndrimi, UNMIK-u ma caktoi një mbrojtës në rastin tim. Gjatë seancës së dytë gjyqësore më 15 nëntor, gjykatësi Salustro e zgjodhi Fazli Balajn si të ashtuquajturin mbrojtësin e katërt në mënyrë tërësisht joprofesionale. Brenda një ore dhe pa kurrfarë procesi parapërgatitor, Balaj u paraqit në gjykatë pa pasur kohë që të njohtohej me rastin dhe ta përgatiste mbrojtjen e tij. Për ta bërë këtë edhe më keq, Balaj ka deklaruar publikisht për Televizionin e Kosovës se unë jam fajtor për më shumë se sa që më akuzojnë aktualisht – shih http://www.youtube.com/watch?v=F7wjbVLglIs Në gjykatë ai haptas i kundërshtoi argumentet e mia. Në një rast, sjellja e Balajt e shtyri prokurorinë që të kërkonte nga gjykatësi Salustro që ta sqaronte rolin e avokatit të detyrueshëm mbrojtës meqë dukej sikur ai vepronte kundër meje.


Në seancën e tretë gjyqësore më 4 dhjetor, 2007 unë ia dorëzova një DVD gjyqit si dëshmi për akuzimin e sheshtë timin dhe të VETËVENDOSJE!-s nga ana e Balajt për protestën e 10 shkurtit. Kishte probleme teknike, të cilat nuk e lejuan panelin e gjykatësve që ta shikonte DVD-në atë herë, por gjykatësi Salustro vendosi ta vazhdonte dëgjimin duke e injoruar kërkesën për shqyrtim të provave që unë i pata sjellë kundër të së ashtuaquajturës mbrojtjes sime. Gjykata nuk lëshoi fletërefuzim me arsyet për injorimin e provave të DVD-së.



Kur IHF-së nuk iu dha e drejta për të më vizituar gjatë mbajtjes sime në burg para gjykimit, ata mësuan se unë qesh klasifikuar si i burgosur i ‘Kategorisë A’ – kategorizim ky i rezervuar për të burgosurit më të rrezikshëm në Kosovë. As unë as i ashtuquajturi avokati imi mbrojtës nuk ishim informuar lidhur me këtë kategorizim apo me pasojat e tij. Meqë prokuroria ishte e informuar lidhur me këtë kategorizim, kjo e shkeli parimin e barazisë së palëve siç thekson IHF. Ky parim gjithashtu u shkel atëherë kur gjykatësi kryesues gjatë mbajtjes sime në burg para gjykimit iu afrua prokurorisë dhe pyeti ‘çka doni të bëj unë më tej?’.


E drejta për t’u ankuar


Edhe pse rasti gjyqësor kundër meje nuk e përmbush as ‘minimumin’ e asaj që kërkohet me të drejtën për shqyrtim të drejtë, mua më mohohen të gjitha mundësitë për ankesë apo zhdëmtim. Nuk ekzistojnë kurrfarë mekanizmash përmes të cilëve unë do të mund të inicoja një proces ankese kundër UNMIK-ut, gjykatësve ose prokurorisë në rastin tim dhe kurrfarë autoriteti më i lartë të cilit do të mund t’i ankohesha ose prej të cilit do të mund të kërkoja drejtësi. Për shembull, Gjykata Evropiane për të Drejtat e Njeriut nuk ka jurisdiksion në Kosovë nën sundimin e UNMIK-ut.


Pavarësia dhe paanshmëria


Gjyqësia në Kosovë nuk është as e pavarur as e paanshme, ashtu siç theksojnë edhe Human Rights Watch, IHF dhe AI. Gjithashtu, nuk ekziston ndarja e autoritetit në Kosovë për ta mbrojtur gjyqësinë nga ndërhyrja e palejuar: UNMIK-u dhe shefi i tij, PSSP, e përfaqëson dhe e personifikon gjithë gjyqësinë, autoritetin ekzekutiv dhe legjislativ. PSSP gjithashtu ka autoritet t’i shfuqizojë dhe t’i ndryshojë vendimet gjyqësore. Kjo mungesë e pavarësisë dhe paanshmërisë është kristalizuar veçanërisht gjatë rastit kundër meje: PSSP, Joachim Ruecker, i cili i emëron të gjithë gjykatësit dhe prokurorët në Kosovë – natyrisht përfshirë këtu edhe ata në rastin tim – është i cekur personalisht si palë e dëmtuar në aktakuzën kundër meje.


Është e qartë se motivi për rastin kundër meje është politik, jo ligjor. Sistemi ndërkombëtar i UNMIK-ut, i cili e kryeson rastin tim zakonisht merret vetëm me krime ndëretnike dhe krime të luftës, por shumë shpejt e përvetësoi rastin kundër meje pa shpjeguar përse. Megjithatë, arsyet e tyre për nisjen e rastit janë të qarta. Vetë puna ime si aktivist politik dhe i padhunshëm në VETËVENDOSJE! përqëndrohet në kundërshtimin e sistemit jodemokratik të UNMIK-ut dhe në fitimin e të drejtës për referendum për popullin e Kosovës. Si lëvizje vullnetare, politikisht opozitare dhe e padhunshme, VETËVENDOSJE! punon për ta bërë Kosovën një vend të drejtësisë, lirisë, dinjitetit dhe përparimit, pa sundim ndërkombëtar. Demonstrata e padhunshme më 10 shkurt, e cila është pikëpërqëndrimi i rastit kundër meje, ka qenë vepër e shprehjes së kundërshtimit ndaj UNMIK-ut dhe një thirrje për vetëvendosje për popullin e Kosovës.


Meqë zëri im i kundërshtimit jo të dhunshëm ndaj UNMIK-ut po fiton përkrahje në Kosovë, është qartas në interes të UNMIK-ut që të më mbaj mua të heshtur dhe të më izolojë nga populli i Kosovës i cili do të mund të bashkohej me mua. Fakti se gjatë mëse 10 muajve në paraburgim unë jam marrë në pyetje vetëm një herë – dhe atë vetëm për 30 minuta – e konfirmon se qëllimi i UNMIK-ut për paraburgimin tim gjithnjë ka qenë izolimi, e jo e vërteta ose hetimi. Gjatë procesit kundër meje, prokuroria madje edhe haptas ka provuar ta përdorë rolin tim politik për të argumentuar në favor të paraburgimit të vazhduar duke iu referuar ‘rrezikut’ që unë paraqes për procesin rreth statusit të ardhshëm të Kosovës. Rasti motivohet nga dëshira e flaktë e UNMIK-ut për të më mbajtur të heshtur dhe për të më izoluar mua dhe për ta margjinalizuar kundërshtinë politike të padhunshme të VETËVENDOSJE!-s duke e portretizuar lëvizjen si të dhunshme dhe ekstreme.


Se akuzat kundër meje janë pa bazë ligjore u dëshmua sërish në seancën e tretë të rastit më 5 dhjetor. Në këtë seancë dëshmitari kyç i prokurorisë, oficeri i Policisë së Kosovës, Ismet Hajdini, tha se përkundrazi nga ajo që thuhet në transkriptin e prokurorisë, ai nuk më kishte parë mua të hidhja gurë më 10 shkurt, as nuk më kishte dëgjuar të kisha bërë thirrje për të hedhur gurë. Ai tha se demonstrata atë ditë kishte qenë paqësore derisa ishte thyer kordoni dhe se policia kishte hedhur gaz lotësjellës dhe se ai nuk kishte dëgjuar t’u ishte tërhequr verejtja protestuesve nga ana e policisë atë ditë.


Më 19 dhjetor, 2007, unë u lirova nga arresti shtëpiak për shkak të shtypjes nga jashtë ndaj UNMIK-ut lidhur me mbajtjen time në paraburgim, në veçanti të një deklarate të Amnesty International të datës 10 dhjetor. Në mënyrë paradoksale, arsyeja kryesore për heqjen e arrestit shtëpiak ka qenë që të sigurohet vazhdimi më i lehtë i rastit – heqja e arrestit shtëpiak e ka zvogëluar shtypjen ndaj UNMIK-ut dhe i ka mundësuar atij ta vazhdojë procesin e tij politik dhe të rrejshëm kundër meje.


Shkeljet e të drejtave të njeriut në procesin gjyqësor të rastit kundër meje e kristalizojnë padrejtësinë brutale të cilën e përfaqëson dhe për të cilën angazhohet UNMIK-u në Kosovë. Rasti është shprehje e përbuzjes sistematike të parimeve universale të drejtësisë dhe dinjitetit, përkundër gjithë asaj për çka do të duhej të angazhohej OKB-ja në botë. Meqë unë nuk e njoh UNMIK-un as gjyqësinë e tij unë në këtë rast e kam kufizuar bashkëveprimin me të vetëm në gjërat që kam qenë i detyruar t’i bëj (jam sjellë në gjykatë nga rojet policore) dhe në ato që i kam parë të domosdoshme për ta përfaqësuar veten dhe VETËVENDOSJE!-n. Gjithashtu kam theksuar se si UNMIK-u i shkel madje edhe ligjet e veta dhe, ashtu si në këtë letër, kam treguar për disa nga shkeljet e të drejtave të njeriut që kanë ndodhur. Unë nuk kam kurrfarë synimesh të tjera lidhur me procedurën gjyqësore kundër meje, madje nuk synoj as ta pengoj atë.


Përveçse nuk kam ndjerë obligim që të marrë pjesë në mënyrë aktive në këto procedura kriminale (siç ka konfirmuar Gjyqi Evropian për të Drejtat e Njeriut , p.sh. në rastin Yagci dhe Saragin kundër Turqisë, 8 qershor, 1995), unë kam paraqitur në gjyq pse aktakuza kundër meje është tërësisht absurde, pse unë e kundërshtoj rastin dhe sistemin e UNMIK-ut, si dhe e kam shprehur dyshimin për paraqitjen e vetëm një dëshmitari në gjyq deri tash. Komunikimi im tejet i kufizuar me gjyqin gjithnjë ka pasur për qëllim ta çojë përpara e jo ta pengojë drejtësinë: duke mos bashkëpunuar me gjyqësinë e padrejtë të UNMIK-ut, unë vazhdoj të punoj për një Kosovë të drejtë. Duke mos bashkëvepruar me një gjyq të padinjitetshëm, të padrejtë, në një rast absurd politik, unë punoj me popullin e Kosovës për një vend të dinjitetit dhe të drejtësisë.

Arrestohet sërish Albin Kurti, nuk i’u përgjigj gjyqit për seancë P
e mërkurë . 30 janar 2008

Lideri i lëvizjes “Vetëvendosje”, Albin Kurti, nuk është paraqitur sot në seancën gjyqësore, që parashihej të niste në orën 9 30. Seanca është ndërprerë përkohësisht, ku më pas gjykatësi ndërkombëtar, Maurizio Salustro, ka dhënë urdhër për arrestimin e tij dhe dërgimin me dhunë në gjykatë. Kurti gjatë një konference për shtyp të mbajtur dje ka deklaruar se nuk do të marrë pjesë në seancën gjyqësore, ngase nuk e njeh sundimin jodemokratik të UNMIK-ut në Kosovë, e as gjyqësinë e padrejtë të tij. Rastin kundër tij Kurti e ka quajtur të motivuar politikisht, e jo ligjërisht. Seanca e sotme po zhvillohet me dyer të mbyllura.

[biligoa]

Refuzimi i drejtësisë së UNMIK-ut



UNË NUK DO TË MARRË PJESË NË SEANCË NGASE NUK E

NJOH SUNDIMIN JODEMOKRATIK TË UNMIK-ut

E AS GJYQËSINË E TIJ TË PADREJTË



Shkruan: Albin KURTI

Prishtinë, 29. I. 2008

Albin Kurti ne mes te policeve dhe
Vrasevit te protestave paqesore