101 ngjashmerite e Edvinit me Adolf Hitlerin..

[saura]

Dmth shohim e bejme do ma lesh plaken.....?Bravo ky eshte çun flori i lumt plakes e ka shkri talentin me ty.

[Der_Kaiser5]

http://www.sot.com.al/index.php?opti...iale&Itemid=64

Meqe jemi ne temen e Kryetarit te bashkise dhe Gazetes Sot.

[ramaik]

[Brari]

gazeta sot

Lajmet Kryesore

Precedentët e shitjes së Taiwanit në burg, Edi Rama i paprekshëm nga prokuroria

Dhjetëra kryetarë bashkie e komunash janë dënuar për shitjen e pronës shtetërore, ligji jo i njëjtë për të gjithë

Drejtësia shqiptare ka treguar çdo ditë e më shumë që zbatimi i ligjit nuk është i njëjtë për të gjithë. Vetëm vitet e fundit njihen me dhjetëra raste të abuzimit me pronat nga kryetarë bashkish e komunash që janë dënuar për abuzimet e kryera. Gazeta ka bërë një përmbledhje sipërfaqësore të rasteve kur këta drejtues vendorë janë dënuar për abuzimet me pronat, kryesisht me pronat shtetërore. Abuzimet fillojnë që nga shitja e tokës shtetërore dhe deri tek

dhënia e lejeve të ndërtimit mbi një pronë që shtetërore. Në të gjitha rastet e marra si precedent zbatimi i ligjit ka qenë i menjëhershëm, duke lëshuar urdhër arresti për këdo që ka abuzuar me pronën shtetërore. Por mesa duket zbatimi i ligjit në rastin e shitjes së pronës tek Taiwani është i paprecedent, pasi aty është protagonist Edi Rama dhe bashkëpunëtorët e tij. Statusi i një kryetari bashkie apo komune është i njëjtë qoftë ai në Tiranë apo edhe në Kukës, si dhe ligjet janë të njëjta si për një qytetar të Tiranës ashtu edhe për një të Konispolit. Por zbatimi i tyre nuk është i njëjtë për të gjithë. Kryetari i Bashkisë së Tiranës mund të shesë pronën shtetërore duke tejkaluar të gjitha kompetencat dhe duke shfrytëzuar postin dhe mos t’i hyjë asnjë gjemb në këmbë, kurse një kryetar i ndonjë bashkie rrethi nuk mund të administrojë dot një pronë shtetërore pa zbatuar me përpikëri ligjet pasi futet menjëherë në burg. Rastet e ndodhur vetëm vitet e fundit tregojnë ashiqare që Rama është i paprekshëm nga prokuroria, madje ai ka fituar imunitet nga ky institucion, i cili nuk ka guxuar të regjistroi asnjë procedim penal për të edhe pse kallëzimet kanë qenë të pafundme. Jo vetëm kallëzimi që bëhet nga qeveria. Janë me dhjetëra e qindra qytetarë që kanë denoncuar në prokurori përvetësimin e pronës së tyre dukje falsifikuar dokumentet dhe dhënien e lejeve të ndërtimit mbi pronat e tyre. Gjykata e Tiranës është shprehur jo pak herë në favor të qytetarëve, duke parë që faktet kanë treguar që abuzimi ka qenë tepër flagrant. Por edhe pse të njëjtët qytetarë kanë kryer kallëzimin penal në prokurori, provat e tyre nuk janë marrë parasysh duke i cilësuar si të pavlera, duke mbajtur Bashkinë e Tiranës dhe Edi Ramë larg çdo rreziku apo përballje me drejtësinë. Në jo pak raste është vënë re se abuzimet janë konstatuar edhe pas largimit nga detyra, kur denoncimet janë bërë nga KLSH apo nga pasardhësit e tyre dhe në këtë kohë ligji ka qenë i njëjtë. Qytetarët e abuzuar gjithmonë kanë ecur me shpresën se një ditë drejtësia do të vendoset në vend.

Abuzimi me 1 mijë metra katrorë tokë, pranga kreut të Komunës së Perondisë
Një nga rastet e abuzimeve me pronat dhe që drejtuesi i institucionit vendor ka përfunduar në pranga, ka qenë edhe rasti i kreut të komunës së Perondisë në Berat. Kreu i kësaj komune, Ramiz Oboni, akuzohet se ka abuzuar me pronat dhe ka shpërdoruar detyrën. Sipas prokurorisë Oboni në sajë të falsifikimeve dhe duke përfituar nga posti i kryetarit të Komisionit të Kthimit të Pronave ka arritur të përvetësojë rreth 1 mijë metra katrorë tokë. Por, me gjithë pretendimet e kreut të komunës, Oboni, se akuzat e prokurorisë janë tërësisht të pavërteta, gjykata atëherë e ka lënë në burg duke hedhur poshtë pretendimet e tij. Së bashku me Obonin janë arrestuar edhe tre zyrtarë të tjerë, Selim Piraj, Ismet Kapllani dhe Zarif Shushari janë akuzuar për shpërdorim të detyrës dhe falsifikim të dokumenteve të pronave.

Shiti tokën shtetërore, prangoset kreu i Komunës së Velipojës
Një nga rastet më flagrante të abuzimit me pronat shtetërore ka qenë abuzimi me 50 hektarë tokë bregdetare në Velipojë. Për këtë abuzim është arrestuar Dedë Kaçaj, kryetar komune dhe tre zyrtarë të tjerë. Arrestimi i tyre është realizuar më 30 qershor 2006 dhe të katër të akuzuarit janë hetuar dhe kanë dalë përpara drejtësisë. Dede Kaçaj, përfaqësues i Partisë Demokristiane, njëherazi kreu i komunës së Velipojës, Andi Gurashi, kryetar i Komisionit të Kthimit e Kompensimit të Pronave në Shkodër, Fatmir Tepelia, përgjegjës i seksionit të administrimit dhe mbrojtjes së tokës në Këshillin e Qarkut dhe Marash Bori, kryetar i komisionit të ndarjes së tokës në fshatin Velipojë- Sektor janë arrestuar, pas urdhër-arresteve të firmosura nga prokuroria lokale. Skandali i abuzimeve me trojet në bregdetin e Velipojës është regjistruar si çështje në datën 13 qershor 2005.

Nën hetim ish-kreu i Bashkisë së Orikumit, shiti pronën shtetërore
Një rast identik me abuzimin në parkun Rinia, ku denoncues është Kontrolli i Lartë i Shtetit është regjistruar edhe në Bashkinë e Orikumit. Kontrolli i Lartë i Shtetit ka denoncuar, ish-kryebashkiakun Beqir Kashuri, në mandatin 2003-2007 dhe ish-drejtorin e Urbanistikës në këtë institucion, Blendi Bani. Shkak janë bërë 20,7 milionë lekë dëme ekonomike të shkaktuara nga abuzimet me shitjen e pronave dhe dhënies së lejeve për ndërtim, duke shkelur ligjin nr. 8405, neni 51 dhe një nga vendimet e Këshillit Bashkiak. Sipas raportit të KLSH-se, ish-kryebashkiaku ka kryer zbardhjen e lejeve të ndërtimit pa i kaluar në KKRT e Këshillit të Qarkut Vlorë, shumë prej lejeve nuk janë shqyrtuar nga teknikët dhe veprime të tjera antiligjore. Ndërkohë që 4,3 milionë leke janë abuzime në fushën e prokurimeve. Shkelje janë gjetur edhe gjatë kontrolleve të kryera ne Bashkinë Korçë, me 18 milionë lekë dëme në dhënien e lejeve për ndërtim e prokurime e 4 milionë lekë në Bashkinë Mirditë në fushën e prokurimeve.

Gjashtë vjet burg për kreun e Komunës së Golemit
Demir Lika, kryetar i komunës së Golemit është dënuar me 6 vjet burg dhe 2 milion lekë gjobë për shpërdorim detyre. Gjatë kohës që ishte në krye të Komunës së Golemit Lika nuk ndërhynte në prishjen e lokaleve që ishin ndërtuar në breg të detit, për këtë ai u kërkonte ndërtuesve një shumë të konsiderueshme të hollash dhe u premtonte se sa kohë do të ishte ai në atë post nuk do të ngacmoheshin. Gjithashtu Lika ishte i përfshirë edhe në afera të tjera, pasi ai u jepte lejen e ndërtimit shumë prej pronarëve të lokaleve mbi një sipërfaqe toke në bregdet. Për të gjitha këto Prokuroria e Durrësit në bashkëpunim me Task-Forcën kanë zhvilluar një operacion për të zbardhur të gjitha abuzimet me pronat dhe ndërtimet në breg të detit, të mundësuara nga Demir Lika. Pasi u arrestuar dhe u zhvilluan hetimet, Lika së bashku me një zyrtar të Ministrisë së Turizmit Kulturës Rinisë dhe Sporteve u dërguan përpara drejtësisë.

Shiste prona, arrestohet kryetari i Komunës Dardhas
Abuzimi me pronat është konstatuar edhe në komunën Dardhas të Pogradecit dhe ligji aty ka qenë i rreptë për drejtuesit e pushtetit vendor, e jo si në rastet kur abuzimin ndodhur para syve të prokurorisë dhe nuk ndërhyhet. Ditor Fraholli, 37 vjeç, ish-kreu i komunës Dardhas deri në vitin 2007 është arrestuar me akuzën e korrupsionit pasiv. Arrestimi i tij u krye në kuadër të hetimeve për tjetërsimin e një sipërfaqe toke në komunë, që u janë dhënë personave të tjerë me firmën e Frahollit, ndërsa kishte dhe pronarë të tjerë pretendues. Nga abuzimet e kryera dyshohet ish-kryekomunari ka siguruar të ardhura personale. Është dashur largimi nga detyra i Ditor Frahollit gjatë zgjedhjeve lokale të 17 shkurtit 2007, që të nisin denoncimet ndaj tij dhe policia të fillonte hetimet me verifikimin e dokumentacionit në ndarjen e tokave të komunës Dardhas.

Shiti 12 dynymë pronë shtetërore, prangoset ish-kryekomunari i Kavajës
Një tjetër precedent me abuzimet e pronave që vë në dyshim punën e prokurorisë për rastin e shitjes së pronës tek Taiwani nga Edi Rama është shënuar në Kavajë. Një kryetar komune është arrestuar pasi ka shitur me çmim të lirë një pronë shtetërore, ndërkohë që sipas argumentimit të prokurorisë nuk i lejohet fare të shesë pronë shtetërore. Fatmir Çelhaka, ish-kryetar Komune në Helmes të Kavajës, është arrestuar se ka abuzuar me shitjen e 12 dynym
toke, para të cilat nuk janë dërguar në llogari të shtetit shqiptar. I arrestuari është hetuar për një kohë të gjatë nga Task- Forcë, pas një denoncimi që ishte bërë për këtë abuzim. Shërbimet e Komisariatit të Kavajës realizuan kapjen e shtetasit Fatmir Çelhaka, 46 vjeç, ish-kryetar komune, pranë Komunës Helmes. Sipas hetimeve, Fatmir Çelhaka dyshohet se përgjatë viteve 2004 deri në vitin 2007, në ushtrimin e detyrës së tij si kryetar komune, i ka shitur një shtetasi përreth 12 dynym tokë, duke e tjetërsuar pronën e shtetit të Komunës Helmes së Kavajës. "Kjo pronë ishte tokë bujqësore me vreshta, ku Fatmir Çelhaka i ka sjellë shtetit dëme të konsiderueshme".

Arrestohet ish kryetari i Bashkisë së Himarës, abuzoi me pronat dhe lejet e ndërtimeve
Viktor Mato dhe ish-vartësi i tij, Thoma Çalo, u arrestuan mëngjesin e datës 24 mars 2005 për shpërdorim detyre. Arrestimi i Viktor Matos, ish-kryetar i Bashkisë së Himarës, në vitet 2000-2003, dhe ish-shefit të Drejtorisë së Financave në këtë bashki, Thoma Çalo, u bë me urdhër të organit të akuzës në Vlorë. Prokuroria e Vlorës informoi në atë kohë se dy të arrestuarit akuzohen për "shpërdorim detyre në bashkëpunim". Të arrestuarit u përballën me akuzat e shkeljeve në detyrë, duke abuzuar me fondet publike, përvetësim të këtyre fondeve në sektorin qiradhënie, abuzim në shitjen e trojeve në zonën e Himarës dhe favorizim të kompanive të ndryshme në dhënien e lejeve të ndërtimit. Dy ish-drejtuesit e pushtetit vendor të Himarës akuzohen se kanë kryer veprën penale gjatë periudhës së viteve 2000-2003, kur ata ishin në detyrë.

Në gjyq dy ish kryetar dhe nën kryetar të komunës së Shëngjinit, abuzuan me pronat
Prokuroria e Lezhës akuzon komunarët e Shëngjinit për abuzime me trojet në bregdet. Hetimi nisi në bazë të raportit të Kontrollit të Lartë i Shtetit, i cili gjatë inspektimit të kryer në komunën e Shëngjinit konstatoi një sërë shkeljesh dhe aferash të shitblerjeve abuzive të trojeve të bregdetit. Pas raportit të KLSH-së, në të cilën evidentoheshin shkeljet me trojet nga zyrtarë dhe ish-zyrtarë të komunës, u vu në lëvizje organi i akuzës. Burime të kësaj prokurorie bënë të ditur se pas shqyrtimit dhe hetimit të materialit kallëzues të KLSH-së, dërguan për gjykim në Gjykatën e Lezhës Luigj Prelën, kryetar i komunës së Shëngjinit, Ndue Kolecin, ish-kryetar i komunës, si dhe Mëhill Ndreun, Gjergj Gjonin dhe Fran Prelën. Ata akuzohen për shpërdorim të detyrës dhe përvetësim të pronës publike në mënyrë të paligjshme. Akuza i referohet aferave të vitit 2005. Zyrtarët e komunës u përballën me drejtësinë për aferat e shumëpërfolura të shitblerjeve abuzive të trojeve në bregdetin më të lakmuar të Shëngjinit.

Shitën pronën shtetërore ku do ndërtohej shkolla, prangoset e gjithë administrata e komunës
Shitja e pronave shtetërore ka çuar në qeli jo pak drejtues të pushtetit vendor. Raste precedent me shitjen e pronave në Tiranë janë shënuar në të gjithë vendit dhe abuzuesit janë vënë përpara drejtësisë. Më datë 28 maj 2008 filloi procedimin penal lidhur me një sipërfaqe toke në komunën Gjepalaj Durrës, e cila dyshohej të ishte përfituar në mënyrë të padrejtë nga ish-Kryetari i Komunës Gjepalaj, Fatmir Elezi, u arrit në përfundimin se toka është përfituar në mënyrë të padrejtë. "Bazuar në provat ligjore të grumbulluara, Gjykata e Durrësit, me vendime të datës 17 Tetor 2008, ka përcaktuar masën e sigurimit personal "arrest në burg" në ngarkim, Fatmir Elezit, 54 vjeç, banues në lagjen numër 17, Durrës, me arsim të lartë, ish-Kryetar i Komunës Gjepalaj. Lulzim Voci, 55 vjeç, banues në Gjepalaj, me arsim të lartë, agronom pranë Komunës Gjepalaj Durrës. Bashkim Shahini, 56 vjeç, banues në Komunën Gjepalaj, ish-sekretar i Komunës Gjepalaj dhe Kurt Kecit, 56 vjeç, banues në Shijak, ish-teknik ndërtimi në Komunën Gjepalaj".

Romir Saraçi

[Dj-GabrieL]

Nuk kuptoj si mund të dëshmoj publikisht një Gazetë që është me PD-n , ose e paguar nga PD .

Të biesh në këtë nivel (një gazetë) siq është kjo (Gazeta Sot) nuk është e kuptueshme , dhe e pa arsyeshme .

Po ta pret mendja,pse ti mendon se do qeroj oriz nje gazetar i PS-së duke nxierr ter ato krahesime?!

[xfiles]

Si adhurues i Fyhrerit ndihem shume i fyer nga krahasimi i nje gjigandi si Hitleri me edi ramen.

[alem_de]

Si adhurues i Fyhrerit ndihem shume i fyer nga krahasimi i nje gjigandi si Hitleri me edi ramen.

Nuk e di zoteri,a e din se cfar thua...........

[xfiles]

Nuk e di zoteri,a e din se cfar thua...........

pse zoteri,
kur ka njerez qe adhurojne muhamedin,
kur ka njerez qe adhurojne salin,
kur ka njerez qe adhurojne enverin,
kur ka njerez qe adhurojne edi ramen,

pse mos te kete qe adhurojne hitlerin?

a po do ti shtroj dhe une 101 ngjashmeri mes muhamedit dhe hitlerit?

mjaft shitet moral,
nje hitler te kishte pas shqiperia se po e shikoje ku do ishim.

[alem_de]

pse zoteri,
kur ka njerez qe adhurojne muhamedin,
kur ka njerez qe adhurojne salin,
kur ka njerez qe adhurojne enverin,
kur ka njerez qe adhurojne edi ramen,

pse mos te kete qe adhurojne hitlerin?

a po do ti shtroj dhe une 101 ngjashmeri mes muhamedit dhe hitlerit?

mjaft shitet moral,
nje hitler te kishte pas shqiperia se po e shikoje ku do ishim.

Shqiperia e pati nje Hitler dhe familja ime e pagoi diktaturen e tije me 45 vjet burg politik,ne minien e Spacit.Ishalla nuk vjen me diktature ne Europe ne asnje forme.Po mendo ndryshe se je i ri.
Respekt.

[bindi]

Per politikanet shqiptare as nuk ia vlen te harxhohet energji!...Sepse ata e harruan kauzen
kombetare!...