Kosova është burim, vend transit dhe destinacion i trafikimit të femrave dhe fëmijëve me qëllim të shfrytëzimit seksual, thuhet në raportin më të ri të Departamentit amerikan të Shtetit.
Por gjithashtu në raport theksohet se edhe brenda Kosovës trafikohen femra dhe fëmijë për të njëjtin qëllim, duke apostrofuar këtë fenomen si më të rëndin te komuniteti rom.
Shumica e femrave viktima të trafikuara janë nga vendet e Evropës Lindore të cilat, siç thuhet, i nënshtrohen prostitucionit të detyruar, ndërsa viktimat nga Kosova trafikohen në vendet e Evropës si dhe në Maqedoni, Itali dhe Shqipëri.
Raporti thekson se Qeveria e Kosovës nuk i përmbush plotësisht standardet minimale për eliminimin e trafikut njerëzor, me gjithë përpjekjet për ta bërë një gjë të tillë. Gjithashtu nënvizohet se qeveria nuk i ka hetuar dhe ndjekur bartësit, korrupsionin që lidhet me trafiqet si dhe nuk ka bërë identifikimin e viktimave.
Ndër rekomandimet që bënë raporti janë hetimi, ndjekja dhe dënimi i shkaktarëve të këtij fenomeni, rritja e trajnimit të prokurorëve dhe gjyqtarëve, përmirësimi i shërbimeve mbrojtëse për viktimat si dhe rritja e zbulimit të viktimave të lypësisë së detyruar.
Sa i përket masave ndëshkuese, raporti thekson se ligji i Kosovës e dënon si vepër penale trafikimin për seks dhe punë të detyruar dhe dënime prej 2 deri në 12 vjet burg.
Gjatë viti 2008 janë ndjekur penalisht 24 raste që kanë rezultuar me 15 shpallje fajtor për shkaktarët e trafikut thekson raporti, i cili megjithatë lavdëron qeverinë për mbrojtje të viktimave gjatë viti 2008 dhe për përmirësime të masave parandaluese. /QiK/
Përgjigju Duke Cituar
Krijoni Kontakt