Incidentet e fushates elektorale ne Shqiperi

[Bledari]

Lexoini pak me mire lajmet pasi personi qe ka vrare ate eshte rrahur dy dite rrjesht nga viktima pasi ky i fundit e rrihte dhe e akuzonte se kishte girsur flamujt e PD dhe rrahja e fundit qe i eshte bere ne sy te gruas dhe nenes se tij e ka cuar ate ne shok psikollogjik dhe ka ndermare vrasjen ndaj viktimes.
Ja pse ka ndodhur

[iliria e para]

Ne Shqiperi cdo vrasje ( per fat te keq ka shume kesosh) behet mjet manipulimesh dhe shendrrohet ne vrasje politike. Para disa ditesh u vra nje njeri i PS dhe menjehere akuzuan PD, sot po ndodhe e kunderta, neser....?

Poashtu po e kritikove Berishen, te quajne komunist. Per kete jemi edhe vendi me i varfer ne Evrope, se bashku me Moldavine. Dallimi eshte se kjo e dyta nuk ka resurse, kurse Shqiperia ka te gjitha mundesite te jete me vendet me te pasura dhe me atraktive te Evropes. Per fat te keq, sa te kene sukses keta politikanet e korruptuar te na pecajne dhe sa te jeme me kete mentalitet qe kemi sot, ne do te vazhdojme te mbetemi "zorra qorre" e Evropes.

[estilen]

[QUOTE=beni67;2298199]Bejne mire komunistet te rrine urte e mos te ndihem shume. Kur do vije ajo dite qe te shuhet fara e tyre.......

O injorant i shekullit te perparimit.Ka thirrje me te tmerrshme se kjo qe ben ti....?
Nuk e di c'drejtues ka ky forum kur lejon qe ne te militojne Hitler me te tmerrshem se Hileri i vertete.
Kupto vetem nje fakt or i shkalluar.Ne se ne Shqiperi ata qe votojne per te majten ti i quan komuniste,atehere po te them me dekumenta se ne jemi nje shumic absolute dhe se ju jeni nje pakice aq e vogel sa qe fara e juaj po zhduket si rrezultat vetkonsumimit gjenetik.Ne dejet tua rrjedh gjak i shprishur,gjak i infekruar me lloj lloj kolaboracionisti e tradhetari,gjak i shperfytyruar perpara ketij populli qe ju njeh mire me rrenje e dhemballe si gjakpires e te pameshirshem,qe nga vitet 1500-1938
Por keto ide ka dhe krykrimineli i ketij populli Sali Berisha,agjenti i shitur tek serbet,atij i leverdis qe populli te vritet e te poshterohet ne kete fare feje,se zullumet e tij vetem keshtu erresohen.me gjakun e popullit.
Perca e Sundo.Ne jemi viktima te kesaj percarje....
Thirrjet e juaja per shuarje te fares se komunizmit,jane thirrje te kryebanditit neper mitingje si Hitleri.
Zoti ju ndricofte mendjen ne kete rruge pa krye ku jeni duke kaluar.
.
.

[Edvin83]

13.06.2009
Gazeta Shqip

Viktima, aktivist i Partisë Demokratike. Kapet autori i krimit

Përgjaket fushata elektorale. Një aktivist i Partisë Demokratike është vrarë në Qerret të Durrësit. I riu Artan Zeka humbi jetën nga plumbat e një automatiku, pas një grindjeje për posterat e flamuj elektoralë, ndërkohë që në spital për t‘iu gjendur pranë familjarëve të viktimës së një fushate të egër politike për pushtet kanë qenë kandidatët për deputetë, Ferdinand Xhaferri dhe Igli Cara, ministrja e Shëndetësisë Anila Godo dhe prefekti i qarkut, Klodjan Pajuni. Ngjarja ndodhi në një nga fshatrat që konsiderohen si bastione të PD-së në Durrës, në Qerret të Komunës Katund i Ri. Gjuha e ashpër e krerëve të politikës në këtë fushatë ka nisur të reflektohet me gjaknxehtësi deri në kryerje krimesh në bazë. Menjëherë pas ngjarjes së Qerretit ka reaguar Partia Demokratike, nëpërmjet Ferdinand Xhaferrit, por edhe zëdhënëses Majlinda Bregu, ndërsa dega lokale e Partisë Socialiste ka heshtur në lidhje me këtë ngjarje të rëndë, që cenoi imazhin e një fushate të qetë, të moderuar dhe qytetare në vend, duke shfaqur një fytyrë plot tension dhe gjaknxehtësi, deri në përdorim armësh mes militantësh partiakë. Autori i ngjarjes është Skënder Balla, njeri i njohur nga policia lokale si person me precedentë kriminalë. Sipas drejtuesve të Policisë së Qarkut Durrës, ai po hetohet dhe për një tjetër krim të ndodhur para 6 vitesh. Ndërkaq, ditën e djeshme, disa orë pas plagosjes me automatik, për shkak të dëmtimeve të rënda në organe jetike ndërroi jetë në spitalin e Durrësit 25-vjeçari Artan Zeka, baba i tre fëmijëve. Tentativat për ta dërguar drejt një spitali italian me helikopter dështuan, për shkak të gjendjes së rëndë të tij. Ideali partiak në një zonë të banuar kryesisht nga banorë me origjinë nga Kosova dhe të njohur për mbështetjen e gjerë të Partisë Demokratike ka marrë emrin e një sherri banal që ka nisur si reagim i ashpër i viktimës ndaj vendosjes së materialeve promovuese politike të PS-së nga ana e autorit, për t‘u mbyllur me vdekjen e njërit prej tyre. Sherri me fjalë fyese për bindjet politike dhe vendosjet e posterave dhe flamujve partiakë para një lokali në qendër të fshatit Qerret është komentuar në mënyra të ndryshme nga dëshmitarët dhe palët politike. Ata që kanë shkuar në këtë fshat, e dinë se situata në të është e errët për forcat e majta dhe simpatizantët e tyre. Dega lokale e PD-së menjëherë tha se Zeka u qëllua me automatik nga një simpatizant i Partisë Socialiste, ndërsa po vendoste flamuj dhe postera të partisë pranë një lokali në fshatin e tij Qerret. Mes viktimës dhe autorit ka pasur një sherr me fjalë fyese për bindje politike pak çaste para krimit. Më pas, Skënder Balla, në gjaknxehtësi e sipër dhe i fyer është larguar për t‘u rikthyer me një armë automatike dhe ka qëlluar në drejtim të Artan Zekës, duke e plagosur rëndë atë. Burime spitalore thanë se i dëmtuari menjëherë u fut në sallën e operacionit për t‘iu nënshtruar një ndërhyrjeje kirurgjikale, së cilës nuk ka mundur t‘i mbijetojë. Veprimet e shpejta të shërbimeve të policisë së Komisariatit të Shijakut çuan në prangosjen e 45-vjeçarit Balla rreth 10 minuta pas krimit, ndërsa ngjarja pas sqarimeve të para ka shkaktuar furtunë mes dy kampeve politike.

Kandidati për deputet i PD-së në Qarkun e Durrësit, Ferdinand Xhaferri, ndërsa shkoi menjëherë në spital për të vizituar Zekën, e cilësoi ngjarjen si një rast të paprecedent dhe si goditje të strukturave socialiste ndaj PD-së; një ngjarje që është tregues i mentalitetit të politikës së majtë shqiptare.

"Zeka u plagos me automatik në bark, teksa po vendoste në mënyrë paqësore flamujt dhe posterat e Partisë Demokratike pranë një lokali në fshatin e tij Qerret", tha Xhaferri, ndërsa vlerësoi ndërhyrjen e shpejtë të policisë për kapjen e autorit, që ai e përcaktoi si aktivist të PS-së.


Qëndrimi


Policia: Vrasje me

motive politike


Policia e Durrësit ka deklaruar menjëherë se ngjarja e ndodhur në Qerret kishte motive politike. Në njoftimin për shtyp të Drejtorisë së Policisë së Qarkut Durrës, thuhej se "të premten, rreth orës 09:00, në fshatin Qerret, Sukth, është plagosur rëndë me armë zjarri shtetasi Artan Zeka, 25 vjeç, simpatizant i Partisë Demokratike, lindur e banues në Qerret". Policia sqaronte më tej se "ngjarja ka ndodhur në qendër të fshatit, në afërsi të një lokali, ku i dëmtuari dhe autori janë konfliktuar me njëri-tjetrin për simbolet e subjekteve elektorale. Më pas autori i kësaj ngjarjeje, shtetasi Skënder Balla, simpatizant i Partisë Socialiste, 45 vjeç, është larguar për t‘u rikthyer me një armë automatike dhe ka gjuajtur në drejtim të shtetasit Artan Zeka, duke e plagosur rëndë. Ky i fundit më pas ka gjetur vdekjen në spitalin e qytetit të Durrësit".


Berisha e Rama dënojnë aktin kriminal


Kryeministri: Ruani gjakftohtësinë. Rama: Ngjarja nuk ka lidhje me PS

Krerët e partive politike kryesore në Shqipëri reaguan menjëherë dje pas ngjarjes së rëndë të ndodhur në Durrës, ku humbi jetën një 25-vjeçar. Si Kryeministri Sali Berisha, edhe kreu i Partisë Socialiste, Edi Rama, bënë thirrje për zhvillimin e një fushate elektorale larg përplasjeve dhe incidenteve. Të dy liderët theksuan nevojën për vetëpërmbajtje dhe kërkuan njëzëri dënimin maksimal të autorit të ngjarjes. Përtej agresivitetit të fushatës elektorale, dy kampet kryesore gjejnë rastin të bëjnë thirrje për gjakftohtësi.

Berisha

Kryeministri Berisha u bëri thirrje të gjithë anëtarëve dhe militantëve të partive politike të distancohen nga aktet kriminale dhe të përkushtohen në një fushatë zgjedhore të denjë për njerëz të lirë. Mesazhi i Kryeministrit Berisha erdhi menjëherë pas incidentit në Durrës, ku humbi jetën aktivisti i PD-së, Artan Zeka. Kryeministri Sali Berisha i shprehu ngushëllimet më të thella familjes së 25-vjeçarit Artan Zeka, babait të tre fëmijëve, që humbi tragjikisht jetën në Durrës. Kreu i qeverisë, në mesazhin e ngushëllimit, deklaroi se "i shpreh ngushëllimet më të thella familjes së Artan Zekës që humbi jetën tragjikisht nga një dorë kriminale. Lutjet e mia dhe të gjithë shqiptarëve shkojnë për shpirtin e të ndjerit dhe familjes së tij". Kryeministri Berisha u bëri thirrje të gjithë shqiptarëve të ruajnë gjakftohtësinë dhe vetëpërmbajtjen teksa kërkoi me forcë zbatimin e plotë të ligjit mbi autorin e këtij akti kriminal. Kryeministri u bëri thirrje edhe të gjithë aktivistëve dhe mbështetësve të Partisë Demokratike të mbajnë një minutë heshtje në tubimet e tyre për humbjen e demokratit Artan Zeka.

Rama

Menjëherë pasi është vënë në dijeni për ngjarjen reagoi edhe kreu i Partisë Socialiste, Edi Rama. Ai shprehu ngushëllimet për familjen e Artan Zekës, duke u distancuar nga ngjarja. Kreu i PS-së u shpreh se kërkohet dënimi maksimal i autorit dhe se është një spekulim përfshirja e emrit të kësaj partie në vendngjarje. Rama u shpreh se ballafaqimi në një fushatë elektorale duhet të zhvillohet në mënyrë qytetare, ashtu siç duhet për një vend si Shqipëria që është pjesë e Europës dhe dëshiron të integrohet në Bashkimin Europian. "I shpreh keqardhjen e thellë dhe ngushëllimet më të sinqerta familjes së viktimës, për këtë ngjarje tragjike, që është ndodhi për botën e tretë dhe jo për një vend që është pjesë e Europës dhe do të integrohet në BE, siç është Shqipëria, ku politika duhet të jetë një hapësirë, ku ballafaqimi zhvillohet në mënyrë qytetare dhe ku për shkak të ideve të ndryshme, nuk ka absolutisht asnjë arsye për të cenuar dinjitetin e njëri-tjetrit, e jo më integritetin fizik të personit", nënvizoi Rama. Njëkohësisht ai kërkoi dënimin maksimal të autorit, duke nënvizuar me forcë, se nuk ka asnjë lidhje me Partinë Socialiste dhe se përfshirja e emrit të Partisë Socialiste në këtë ngjarje, është një spekulim i ulët që e refuzon me përbuzje.

Bregu deklaroi dje vendimin e drejtuesve demokratë


PD ndërpret fushatën

në Durrës për 24 orë


Partia Demokratike i kërkoi degës së saj në Qarkun e Durrësit të ndërpresë për 24 orë fushatën elektorale. Shkak për këtë shkëputje u bë incidenti i mëngjesit të djeshëm në Durrës, ku mbeti i vrarë aktivisti i Partisë Demokratike, Artan Zeka.

Zëdhënësja e fushatës, Majlinda Bregu, bëri me dije se ndërprerja e fushatës në Durrës vjen si shenjë nderimi për aktivistin e vrarë të Partisë Demokratike, Artan Zeka. "Partia Demokratike, duke i shprehur familjes ngushëllimet, dhimbjen dhe pikëllimin e thellë për veprimtarin e saj të çmuar, dënon me ashpërsinë më të madhe këtë akt kriminal dhe prapavijën e tij me lidhje të sigurta me krimin e shëmtuar", u shpreh Bregu. Zëdhënësja e fushatës sqaroi se "Partia Demokratike kërkon dënimin maksimal për autorin e këtij krimi, por dhe frymëzuesit e tij, bos mafiozë që garojnë për të mbrojtur interesat mafioze të tyre. PD i kërkon Edi Ramës të distancohet dhe të dënojë aktin e kryer nga segmente të krimit të partisë së tij në Durrës. PD i kërkon të gjithë liderëve të partive politike të distancohen nga akte të tilla kriminale". Selia blu u bëri thirrje të gjithë militantëve dhe aktivistëve të saj të shmangin çdo lloj teprimi dhe konflikti dhe të ecin të sigurt se 28 qershori do të jetë ndëshkimi madhor për krimin dhe frymëzuesit e tij. Deputeti i PD-së në Durrës, Ferdinand Xhaferri, reagoi lidhur me ngjarjen e rëndë të ndodhur në Qerret të Durrësit, ku u plagos rëndë me armë zjarri shtetasi Artan Zeka, banor i këtij fshati. "Artan Zeka është plagosur rëndë me automatik vetëm sepse po vendoste në mënyrë paqësore flamurët dhe posterat e Partisë Demokratike pranë një lokali në fshatin e tij Qerret. Ngjarja është mjaft e rëndë dhe gjithashtu tregues i mentalitetit të krahut të majtë të politikës shqiptare, të cilët vazhdojnë të përdorin metodat e baballarëve të tyre. Ligji do të veprojë me forcë për ngjarje të tilla", theksoi Xhaferri.

Një tjetër reagim i menjëhershëm lidhur me këtë ngjarje ishte ai i prefektit të Qarkut të Durrësit Klodian Pajuni, i cili dënoi akte të tilla kriminale që jo vetëm trondisin klimën paraelektorale, por njollosin imazhin e gjithë shqiptarëve.

"Dje në orën 8:00 të mëngjesit, një dorë kriminale e ushqyer nga intoleranca dhe urrejtja, goditi për vdekje veprimtarin e Partisë Demokratike, babain e tre fëmijëve, 25-vjeçarin Artan Zeka. Ky është një akt kriminal i shëmtuar që godet jo vetëm një aktivist të Partisë Demokratike dhe familjen Zeka, por të gjithë shqiptarët që kanë sot një përkushtim të madh për një proces të ndershëm zgjedhor", thuhet në komunikimin për shtyp të Partisë Demokratike.

[Edvin83]

Ka ende idiote qe vriten per karriket e politikaneve, papapa, ky popull ka pjerdhe nga mendja!

[juanito02]

Me njoftoi nje mik nga Durresi qe ka shtepi ne Qerret dhe eshte aktualisht ne Boston.
Ai qe vdiq paska qene nje kapadai me origjine kosovare qe para situates zgjedhore e ka ofenduar disa here publikisht bile edhe para njerzve te tij.
Vrasesi paska nje klub ne breg te detit dhe viktima e ka ofenduar dhe aty ne sy te klienteve.
Vrasesi ka pasur precedente penale te grindjeve per pune pronash po jo me viktimen.
Heren e fundit viktima e ka dhunuar edhe fizikisht.
Pastaj ka mare vendimin makaber dhe e ka qelluar.
Le te levederohet pd me kapadai te tille qe kushdo do ja kish numeruar me ato qe ka bere ai.

Ja dhe intervista me familjaret.

----------------------------------------------------------------
DURRES- Njëqindepesëdhjetë metra distancë ajrore mbajën larg banesat e dy familjeve Zeka dhe Balla, në fshatin Qerret të komunës Katund i Ri në Durrës, aty ku dje ndodhi vrasja. Në njërën kishte pllakosur zija dhe kuja për 32-vjeçarin e vrarë, Artan Zeka dhe tre fëmijët e tij, tashmë jetim. Kurse në banesën tjetër, në atë të Skënder Balla ndihej një gjendje ankthi dhe pasigurie për ditën e nesërme. Tre gratë që ndodheshin te vetme në këtë shtëpi shohin gjithë frikë këdo që i afrohet furgonit të policisë, i cili kishte marrë urdhër që të mos lejonte askënd të futej pa lejen tyre.

Nëna dhe bashkëshortja e Skënder Ballës mohojnë që njeriu i tyre të kishte lidhje me ndonjë parti. Bukurie Balla, gruaja e Skënderit e pyetur nga “Gazeta Shqiptare” nëse ishte në dijeni për përfshirjen e tij apo nëse Skënderi kishte ndjekur ndonjë rrymë politike thotë: “Të siguroj që jo. Po nuk merremi ne me këtë punë. Pastaj, Skënderi as që ka votuar. S’e mbaj mend kur ka votuar për herë të fundit. Çdo gjë mund të bëhet hallall, por kjo nuk mund të bëhet hallall. Skënderi nuk është marrë asnjëherë me këto punë.”

Bashkëshortja e Skënderit, vazhdon më tej duke treguar detaje të ngjarjes së djeshme. Ajo tregon se deri në orën 8:30 të së premtes gjithçka ishte si zakonisht, derisa Zaim Zeka me të birin, Artanin ( viktima) dhe dhëndrin e këtyre, i sulmuan burrin që dilte me makinë për të shkuar në lokalin ku punonte. Vetëm pak momente më pas, edhe vetë ajo do të gjendej mes burrit dhe personave që e goditnin atë.

Në dëshminë e saj nëna e dy fëmijëve tregon se bashkëshorti i kishte treguar se fqinjët e akuzonin për grisjen e një flamuri, por që një veprim të tillë nuk e kishte kryer.
"Nuk di gjë unë cfarë ka ndodhur më aty. Kur pashë burrin aty, më iku mendja. Ta sjellin flamurin, ta shohim se ku e ka grisur. Burri ishte shtrirë në makinë." - dëshmon Bukuria.

Në lidhje me ngjarjen e rëndë titullarët e policisë së Durrësit, nëpërmjet dy komunikatave, kanë dhënë dy versione të saj. Në të parën evidentohet si shkak sherr mes dy protagonistëve, ndërsa në të dytën, grindja për motive politike, përkatësisht për posterat elektoral të PD e PS.

Për vrasjen reaguan dhe kryetari i PS-së Edi Rama dhe kryeministri Sali Berisha. Rama dje shprehu keqardhjen e ngushëllimet për familjen e viktimës Artan Zeka dhe kërkoi që të mos përdoret emri i PS-së, pasi autori i vrasjes nuk kishte lidhje me të.

“Kërkojmë dënimin maksimal të autorit, duke nënvizuar me forcë, se nuk ka asnjë lidhje me PS-në dhe se përfshirja e emrit të Partisë Socialiste në këtë ngjarje është një spekulim i ulët që ne e refuzojmë me përbuzje”, - deklaroi Rama

Në prononcimin e tij kryeministri Berisha i bëri thirrje anëtarësisë së partive politike, “të distancohen nga aktet kriminale”. (s.g/BalkanWeb)
----------------------------------------------------------------------

Ja tju rrahin 3 vete ne sy te gruas per nje cope flamur cfare do te benit ju ne kete rast.

[projekti21_dk]

Ka ende idiote qe vriten per karriket e politikaneve, papapa, ky popull ka pjerdhe nga mendja!

Mor Edvin, po të ishte kjo pjerdhje nga mendja dikund në fillim të vitetve të 90-ta hajde-hajde. Po i thonë 20 vite dhe akoma të pjerdhur nga mendja. Te ne në Kosovë, kur shohim se dikush ka lajthitur dhe nuk ka sjellje normale themi: "Ky ish ba për shkrolë ( hajmali )" ( qekna bërë për t'i shkruar te hoxha ).

Si s'ndërruam mentalitet mor aman!

Të vriten njerëzit për gjëra kaq banale, vërtet s'ka kuptim. Fundja cilado parti që të vijë të njëjtët janë. Të njëjtin brumë kanë. Që të gjithë ( mbi 80%) janë të lindur në komunizëm, prandaj vetëm emrin mund ta ndryshojnë, por në përmbajtje i gjithë ky brez kanë shpirt - komunisti. Asnjë e mirë nuk vie nga këta njerëz që prej dy dekadash e kanë dëshmuar veten për dështakë.

Kjo është katastrofë mentale kur mbi 60% e popullatës bëhen për "shkrolë". Trojet tona ( shqiptare ) troje te katastrofës mentale!

Mbase edhe mund të jem shprehur keq, por e them nga dhembja. Kjo më dhemb. Kjo më vret.

Për derisa nuk ndërrojmë mentalitetin, kështu do ta pësojmë gjithmonë. Kështu do të jemi në fundin e listës së botës për zhvillim ( varfnjakë) dhe të parët në listën e botës për të këqijat ( s'po i numëroj të këqijat se mbase i kemi mësuar si vjershë)

[Antimafia]

Socialisti vret aktivistin e PD
Enkelejda Arapi, "Koha Jonë"
E Shtune, 13 Qershor 2009

Ngjarja

Deshmite e mbledhura nga grupi hetimor i Policise se Durresit, zbuluan se perplasjet mes dy bashkefshatareve kishin nisur tre ditet e fundit per shkak te posterave dhe flamujve. Dyshohet se autori Skender Balla, griste dhe hiqte nga muret ne fshatin Qerret, posterat e Partise Demokratike dhe flamujt e vendosur. Ky akt eshte perseritur edhe diten e djeshme, ky dy personat jane konfliktuar dhe debatuar ashper. Burime zyrtare te policise, bene me dije se viktima ishte simpatizant i PD-se, kurse autori, i PS-se dhe ishin perplasur pikerisht per vendosjen e posterave dhe flamujve. Rreth ores 09:00 te mengjesit, Balla ka shkuar ne lokalin e fshatit ku eshte perplasur me Artan Zeken, duke i kerkuar te mos vendoste postera te Partise Demokratike dhe flamuj. Madje mesohet se ai ka kerkuar heqjen e flamujve nga lokali. Zeka ka qene i ulur ne nje prej tavolinave te lokalit per te pire kafe dhe aty dy personat jane share me njeri-tjetrin. Balla eshte larguar, por ne 5 minuta eshte kthyer me nje arme automatike "Kallashnikov" ne dore. Pa pritur shpjegime te tjera, 45-vjecari ka zbrazur nje bresheri automatiku nga nje distance prej 10 metrash, duke lene te pergjakur babain e tre femijeve.

Hetimet

Menjehere eshte njoftuar policia vendore, qe ne 10 minuta ka lokalizuar dhe arrestuar te dyshuarin Skender Balla, vetem pak metra nga vendi ku qelloi mbi Artan Zeken.
Madje Policia e Shtetit shkoi me tej, duke deklaruar se po heton perfshirjen e Balles ne nje tjeter krim te rende, nje vrasje e ndodhur gjate vitit 2003, por e pazbardhur. "Skender Balla, njihet nga policia si person me precedente penale dhe po hetohet perfshirja e tij e mundshme ne nje tjeter krim", deklaroi zedhenesi i Policise se Shtetit, Klodian Branko. Nuk u dhane detaje per ngjarjen e 6 viteve me pare ku dyshohet se eshte perfshire 45-vjecari.

[Mr.DD]

Ne radhe te pare ngushellime familjes se viktimes (paveresisht se ska gje qe i ngushellon) , sa per te tjerat turpi i zotit viti 2009 po i njejti avaz !!!!!!!!!!!!!!!!!!!!!!!!!!!!!!!!!!!!

[drenicaku]

vriten ne shqiperi vriten ne kosove vriten ne maqedoni vriten ne luginen e presheves
Nuk vriten ne serbi nuk vriten ne greqi nuk vriten ne maqedoni nuk vriten ne kroaci
ketu eshte pyetja per kultur qe fatekeqesisht na mungon.
Populli i thjeshte vritet ata te medhenjet zen pozita dhe nuk ju han palla me per ta,prandaj ejani te bejm diqka ti shajm te gjith apo mos ta shajm asnjerin,sa kisha pas deshir qe ta shof shqiperin ku populli fare nuk do te dilte ne zgjedhje sepse nuk ka ken ta zgjedh.
Si e ndiejn ata politikaj qe populli vritet nder veti per hater te tyre.
Definitivisht politikajt tan jan te pa shpirt te pa ndjena nuk jan njerz dhe si te till te shkojn ne rrot te sames qe te gjith pa dallim.