Adelina Ismaili (II)

[adelinafansi]

Adelina Ismaili Supermodel-Marc Jackobs clothe-Anabel shkurt 2010

``Vëllau``

[Elonaa]

Sa e tmerruar paska dal ka filuar te imitoj kohet e fundit si prodho me truri.

[adelinafansi]

ADELINA ISMAILI SUPERMODEL TIRANA "E PARA ESHTE ADELINA" Anabel shkurt 2010

``Vëllau``

[adelinafansi]

Adelina Ismaili Supermodel In Tirana February 2010

[Elonaa]

Leket qe ka mare gjyqeve kjo i ka ber operacione plastike dhe paguan gazetat per publicitet varja u plak!

[adelinafansi]

Elona: Shko pak te mjeku i ``gjelozise`` se paske nevoje per me pranu realitetin!!!

[Elonaa]

Elona: Shko pak te mjeku i ``gjelozise`` se paske nevoje per me pranu realitetin!!!

Xheloze jo aspak.Adelina ka qene dikur jo tani .bindu u plak.Elona ka par aktore dhe kengtaret amerikan.E kupton vet ti si duket adelina jote para tyre.cuditem me ty pse je kaq e apasionuar pas saj!Mos ke vetem vidiot e kesaj dhe shef vetem kte????

[Misisonia]

E PARA ËSHTË ADELINA
"Ishte hera e parë në jetën time që e kam ndjerë veten aq mirë " thotë ajo duke iu referuar seancës së fotografisë , teksa thith një cigare slim, në hollin e një hoteli-butik të Tiranës. E veshur me një fustan-golf të trikotuar ngjyrë vishnje, çizme të zeza sipër gjurit, flokët gështenjë të mbledhura topuz dhe buzët mishtore të lyera me buzëkuq vishnje Chanel, ajo të ngjan me një femme fatale, me sensualitetin dhe klasin e Xhildës së Rita Hayworth dhe sigurinë gati dominuese të Sharon Stone tek Basic Instict. E gjatë (mbi 170 cm), një trup elegant dhe një qëndrim prej balerine, ajo mund të joshë çdo njeri që i kalon pranë . Madje edhe një vajzë të lodhur e fytyrë-ngrysur, në fundin e turnit të saj të natës në një fast-food të Tiranës, e cila sa e pa, buzëqeshi e nisi të përkëdhelej a thua se ishte përpara një mashkulli. E ka këtë cilësi, edhe pse qesh kur ia them. Jo se nuk e di. Në fakt, Adelina e ka ditur gjithmonë që një nga armët e saj më të forta ishte pamja, por sepse shpesh bukuria e saj i ë shtë kthyer kundër. Kryesisht nga mediat dhe kolegë . Ndaj kur vendosëm që të bënim një seancë ku ajo do të dilte si askush tjetër më parë , nudo, e lyer me çokollatë , u hodh përpjetë nga gëzimi: "Kjo është ëndrra ime" Dhe më pas, kur Geli e la të lirë të sillej si të donte përpara aparatit, ajo tha: " Nuk e kam ndjerë veten kurrë kaq të lirë , dhe nuk jam pranuar kurrë ashtu siç jam pranuar këtu". Ato orë të "photo-shoot" të kaluara në pub-in më trendy të Tiranës, "Mju Mju" Adelina i ka kërkuar gjithë jetën e saj. Të thyente tabu siç e theu me foton e kopertinës është diçka e zakonshme për artisten, por të pranohej e të respektohej për këtë formë të shprehuri, kjo nuk i ka ndodhur shpesh. "Ajo që ndodhi në atë photo-shoot ishte art, ishte thyerja e një tabuje dhe ky është misioni im. Le të më gjykojnë ata që kanë vizituar Luvrin dhe jo ata që vitet e fundit kanë njohur pultin e televizorit." Ajo nuk e di ende se ç'do të thuhet kur të dalë revista në treg, por i paraprin, sepse pak a shumë në kokën e saj i ka përfytyruar vetullat e mbledhura dhe "pupu-të " e atyre të cilët e kanë ndjekur historikisht me laps në dorë , për të pritur "fatalitetin e rradhës" së artistes. “Gjithmonë për gjërat që kam bërë , jam vlerësuar një vit me vonesë . Në 2008-ën në modë ishte bourlesque dhe Dita von Teese. Më frymëzoi shumë stili i saj, dhe në një koncert televiziv në Kosovë , vesha një korse të blerë shumë shtrenjtë në një butik të Parisit. Menjëherë mediat më kritikuan, më quajtën anoreksike, duke harruar që korseja lidhet ngushtë pas belit, më quajtën Morticia Adams, më sugjeruan të bëja solar. Ndërsa në 2009-ën, pasi ky stil ishte përhapur mjaftueshëm, më thanë " Sa mirë ishte vjet!" Ndaj nuk është çudi që këtë foto që bëmë sot, ta vlerësojnë në 2011. " thotë ajo dhe qesh. Por a do të ishte Adelina kjo që është sot, nëse jeta e saj do t'i përngjante atyre orëve të lira dhe pa paragjykime të photo-shoot-it? Nuk do të kishte barriera për të kapë rcyer, tabu për të thyer, ajo do të pranohej dhe po ashtu shumë të tjerë më pak të guximshëm në situata të tjera. Ndaj edhe pse e shijoi atë moment në “Mju Mju”, në fakt, Adelina i përkiste asaj bote jashtë aparatit dhe dritave. Atij vendi të quajtur Kosovë që si Adelina kërkoi me vite më rradhë të çlirohej. Dhe shqiptarëve në përgjithësi, me ashpërsinë ballkanase, paragjykimet prej ish-të izoluari dhe me një dëshirë të pashpjeguar për të kritikuar “deri në kockë ” përpara se të pranojnë diccka. "Jam paragjykuar gjithmonë deri në masën ekstreme, fatkeqësisht edhe nga njerëz që dominojnë mediume shqiptare" Dhe është e kuptueshme. Bukuroshja nga Prishtina, është vetëm 30 vjeç (mos u habisni edhe ju si unë ) por ka 25 vjet në skenë . Ajo pothuajse ka lindur përballë kamerave dhe e ka parë suksesin që kur kë ndonte "Pink Panther" dhe turma fëmijësh të kryeqytetit kosovar thërrisnin rrugëve emrin e saj. Nuk kishte zërin e Nexhmije Pagarushës dhe atë herë e vogël, ende nuk kuptonte nga joshja dhe seksualiteti. Por kishte talentin e lindur për performancë. Në mënyrë intuitive e dinte se çfarë donin të tjerët, e njihte shumë mirë popullin e saj. "Kosova ka dy simbole, çiftelinë dhe Adelinën" do të shprehej një personalitet në Kosovë për artisten. Adelina është e vetmja shqiptare që ka karakteristikat e një artisteje ndërkombëtare, nga ato të pariciklueshmet, nga ato artiste që dashurie kanë ndikim në jetët tona, në lëvizje sociale e politike dhe nuk kalojnë lehtë vetëm me një hit. Ndoshta e ndihmoi dhe vendi që e rriti, sepse aty përjetoi disa periudha; U rrit në kohën e Jugosllavisë sw Titos , pa nga afër protestat e studentëve të Universitetit të Prishtinës në 91'shin, përjetoi zgjedhën e Milosheviçit, pa me sy luftën e 99-ës dhe më pas shijoi pavarësinë e 2008-ë s. Dhe të mendosh që në të gjithë këto periudha, ajo ishte e famshme, madje dikur, kur fitonte vendet e para në festivalet e ish-Jugosllavisë , kishte edhe fansa nga Serbia. "Jeta ime ka qenë një reality-tv. Kur më pyesin se çdo të thotë të jesh e famshme, unë nuk di të përgjigjem sepse famën e kam përjetuar që në moshën 8-veçare. Një ditë, më kujtohet gjatë një promovimi të një video-projekti ku kishte shumë gjeneralë e ministra, si edhe oponentë politikë , dikush prej tyre u ngrit edhe tha-Po të kishim gjoksin e Adelinës në flamurin kombëtar, do të kishim hyrë në Europë- Që e vogël kam mësuar se nuk bëhej më fjalë për "unë " si individ, por per “Adelina Ismailin” si një brand. Më ndodhte shpesh që të përzieja jetën personale me jetën që jetoja përpara kamerave." Të mos ishte për nënën që i rrinte pranë në fëmijërinë e saj, ndoshta këngëtarja nuk do të kishte këtë influencë që ka sot. Jo sepse do t'i humbte talenti dhe guximi, por sepse nuk do të dëgjonte zërin e autoritetit që ta kujtonte të mbështeste fort këmbët në tokë . "Kur isha e vogël, nga gjithë ajo famë u llastova por kujtoj se një ditë nëna më rrëmbeu dorën dhe më tha: Kurrë nuk duhet të ndodhë kjo. Edhe sikur të kapwsh yjet me dorë , ballafaqohu me realitetin. Ti do të jesh prapë një shqiptare" Por përsëri as si artiste shqiptare nuk mbeti e zakonshme. Në Shqipëri ajo do të mbahet mend si 13-vjeçarja që vraponte nëpër sallën e Pallatit të Kongreseve duke kënduar "Mos ma gjuaj diellin me gurë ". Deri atëherë , ajo ishte këngëtarja më e vogël që kishte interpretuar solo në kete Festival Kombëtar. Disa vite më vonë, popullariteti i saj në Shqipëri u katapultua kur performoi "Zemrën nuk ta fal". Nëse tani artistët tanë marrin shënime nga performancat e Madonës dhe Beyonce-s, atëherë shikonin me kujdes performancat e Adelinës. Tepër avant-garde të paktën për skenat e Shqipërisë , ajo ishte e para që interpretoi e shoqëruar nga balerinë , doli e veshur me një bluzë ku shkruhej "HASH" (Marijuanë ) dhe më pas u zhvesh vetëm me të brendshme dhe një tyl të kuq, duke shkaktuar "wow -in e parë " të publikut shqiptar. E më pas…e keni vetë parasysh se si nisën një nga një të hidhen pelerinat në tokë e të zhvishen xhaketat, të lulëzonin grupet e baletit të festivaleve. "I kam bërë gjërat sepse i kam ndjerë dhe jo sepse i shihja si marketing për veten. Doja të flisja për ato që të tjerët nuk do të guxonin. Pershembull, kur isha adoloshente kam bërë nw këngë për homoseksualët, kushtuar një shokut tim që është gay. Ajo këngë edhe sot e kësaj dite nuk transmetohet. " Kur nën regjimin e MIllosheviçit, në Kosovë po formohej ushtria, të gjithë e dinin por askush nuk e përmendte hapur. Derisa Adelina doli në ekran e veshur me të zeza dhe e deklaroi në këngën që më vonë do të bëhej hymn "Ushtrine time do ta bëj…me Rugovën". "Nuk e kam kuptuar kurrë tendencën e këngëtarëve tanë që të flasin më shumë për veshjen dhe make-up-in sesa për mesazhet që mbartin këngët e tyre. Unë merrem dy vjet me një album, derisa sigurohem që ato këngë kanë një mesazh, thonë diçka. Nuk e di se kur do ta kuptojmë që edhe Madonna, Rihanna apo Beyonce nuk janë rastësisht aty në majë , por çdo grim, çdo veshje, çdo koreografi e mbart nje mesazh." Dhe nëse mesazhi nuk ishte shumë komerçial për shtëpitë diskografike, ajo preferonte më mirë t’i financonte vetë videoklipet e saj. Por edhe kështu, duke ruajtur pavarësinë , ajo rriste famën, aq sa në vitin 2005 u bë këngëtarja me numrin më të madh të shitjeve të albumit “From the Beginning” duke përfituar 100,000 dollarë . Njw rekord shumw ende e paarritshme nga ndonjë artist tjetër shqiptar.

[Misisonia]

"Kam nostalgji për ato kohëra, kur nuk komentoheshin pantallonat deri në detajin e fundit.” Për t’u bindur më shumë se Adelina nuk ishte pre e marketingut, duhet të kthehemi mbrapa në historinë e saj familjare. Nëna e Adelinës, Mona, në vitet 70-të lyente flokët me dy ngjyra, madje sicc tregon Adelina, as gjyshen nuk e ka parë ndonjë herë të veshë një fund poshtë gjurit. Kohët e fundit, këngëtarja duke qeshur shton se familja "eshte moderuar, kanë bërë të gjithë tatuazhe” dhe ndërsa zhvillonim këtë intervistë , Zanfina, motra e vogël e telefonon dhe i thotë se kishte rruajtur gjysmën e kokës. "Eksperimentoja pa fund, çfarë më shihte syri doja ta provoja të paktën 2 muaj": Pantallona lëkure dhe kambale, rrobabanjo çiklamin dhe gërsheta të stilit “Reggae”. Kur ishte e vogël, pwrpiqej të dilte sa më mirë në shkollë ( vetëm që prindërit ta linin të luante futboll dhe basketboll, më pas në shkollë të mesme (Adelina studionte piano nw shkollën e muzikës) provoi fazën e "punk", qethi flokët, dhe për 2 vite nuk donte t'i rriste ato. Vinte paramanda në vesh, madje kishte ditë që shkonte në shkollë me flokë në ngjyra nga më të ccuditshmet, ose me fytyrë të lyer në ngjyrë bronxi. Më pas kaloi në fazën e rrepit dhe Run DMC, derisa njohu Nirvanat dhe "Smell like teen spirit" u bë himni i adoloshencës së së saj. Gjatë gjithë kësaj periudhe, Adelina kishte përparësi mbi shoqet se udhëtonte shpesh dhe ishte e para të sillte veshjet më trendy të perëndimit. "Kam qenë pro liberalizimit, demokratizimit, në kohën kur njerëzit ankoheshin se nuk ndiheshin të lirë . Veshjet e mia ishin një mënyre propogande për lirinë dhe jo vulgaritetin. Mundohesha të më shihnin më shumë për mesazhin që pë rcillja." E pamundur të evitohej një trup i bukur dhe i gjatë , sytë shprehës dhe buzët e trasha sensuale, për format e të cilave femrat sot harxhojnë miliona në doktorë estetikë . Adelina nuk mund t’i shpëtonte emërtimit “Sex Simbol”. "Në shkollë të mesme detyrohesha të mbuloja buzët me duar dhe vishja t-shirte dy numra më të mëdhenj që të mos bija në sy." Përpjekje e shkuar dëm, se jo vetëm që ra në sy, por Adelina u përzgjodh Miss Kosovarja në 1997-ë n-dhe përfaqësoi Shqipërinë e para në Miss Globe International në 1997. Edhe mund të futej në 10-tëshe, nëse nuk do tundohej sërish të shprehte atë që kishte në mendje, nëse përpara qindra mijëra teleshikuesve nga e gjithë bota, nuk do të deklaronte : "Përfaqësoj Shqipërinë dhe shtetin e Kosovës". (Kosova atëherë konsiderohej një provincë e Serbisë ). Një vit më pas do të nisnin bombardimet e NATO-s dhe vendi do të fitonte pavarësinë 9 vite më vonë. Por ajo duhet ta bënte atë deklaratë sepse kështu ishte gatuar, ashtu sicc shpesh do të lëshonte me këngë ose në intervista, deklarata politike pro ideve të Ibrahim Rugovës, për të cilin flet me të njëjtin pasion edhe sot e kësaj dite. Rugova nuk shkonte në asnjë tubim pa Adelinën, madje e quante si shembullin më të mirë të demokratizimit të rinisë kosovare. Popullaritetin e kishin njësoj. Të dy me mënyrat e tyre promovonin lirinë "Një herë jam ndjerë keq sepse presidenti që është idhulli im, po mbante fjalim, dhe unë kisha ftohtë ndaj duke kërkuar mamin t'i merrja xhaketën, ngjitem padashje në skenë dhe turma brohoret. Rugova ndërpret fjalimin."Por Rugova e mirëkuptoi, ashtu siç e toleronte shpesh kur këngëtarja në tubime serioze ku ekzisonte kodi i pashkruar i kostumit, vishte një korse brenda xhaketës. "Ndoshta sepse ishim të dy Shigjetarë në horoskop, ndaj merreshim vesh aq mirë ” kërkon ta thjeshtëzojë marrëdhënien e saj me Rugovën, që në fakt mund të konsiderohet fare mirë si marrëdhënia mes Bacës dhe Bijës së Kosovës. Aq shumë identifikohej Adelina me Rugovën, sa shpesh ndiente edhe sulmet e oponentëve politikë mbi krye. "Nuk sulmonin dot Rugovën, dhe ia nxirrnin të gjitha Adelinës." Dhe prapë falenderon shenjën e saj të Shigjetarit që sipas astrologjisë është “shenjë me fat se me tërë ato peripecira që kam kaluar, jam e lumtur që jam këtu dhe kështu si jam" tregon ajo. Artistja mund të jetë nga të paktët 30-vjeçarë te famshem në Shqipëri e Kosovë që biografinë e saj deri në këtë pikë të jetës do ta kishte një best-seller me trashësinë e Ana Kareninës. Ka edhe shumë histori për të cilat ajo hesht, ashtu sicc nuk do të flasë më për historinë e trishtë të humbjes së ish-të dashurit të saj, Triumf Rizës, e lodhur dhe e ofenduar nga mënyra se si mediat e interpretuan. A ka mundur Adelina të jetë e fortë çdo ditë përballë famës? "Ka kohë kur më lodhte e gjithë kjo vëmendje, doja të zhdukesha. Dikur kur nuk e përballoja më epitetin “Sex simbol”, bëja videoklipe ku e fshihja fare fytyrën time, ndërsa më vonë vendosa të merrja pushim nga skena. Siç ndodhi në vitin 2006-2007. Isha e lodhur shpirtërisht dhe fizikisht, sëmuresha shpesh nga ftohje në mushkëri, ndërsa mendërisht ikja nga realiteti. Gjatë atij pushimi mësova të vlerësoja gjërat e vogla të cilat padashje i kisha lënë pas dore."

[RockStar]

Per Adelinen nuk ia vlen as me lexu diqka.