Te jetojsh si musliman...

[Dritë]

Esselamu aleikum wr wb

Thash ta hapi kete teme sepse kam vene re se forumi ka me shume tema te natyres copy/paste, nderkohe mungojne tema ku mund ne te shkembehemi mes vehte rreth problemeve dhe sprovave te cilet i hasim gjate perditshmerise sone.

Besoj se kemi shume per te shkruar, por si per fillim deshta te ju pyes:

- Sa prej jush kane mundesi ta falin namazin ne shkolle/pune?
- Jeni diskriminuar shkaku fese ne jeten e perditshme?

Shkruani experiencat tuaja, zgjidhje, keshilloni njeri-tjetrin dhe diskutoni qete.

Wes'Selam

[burbuqe1]

Alejkum selam wr wb.

Teme mjaft interesante, Allahu te nderofte motrushe

Ne vendin tim diskriminohen myslimanet praktikant. Si ne shkollim ( sidomos ne shkolla te mesme) ashtu edhe ne pune dhe intervista te punes.

Pytja me qesharake qe me eshte bere ndonjeher ishte "Nese pranon te mos mbash me mbulese-shami, a do te ishe kthyer ne pune ?!" ironia me e madhe ishte se ajo me njihte aftesite e mia se vec kisha punua me heret aty...

Por mbulesa vazhdon te jete ende teme tabu tek ne, nderkohe qe ne vendet e civilizuara trajtohet shume normale.

[ruela]

Selam drite dhe flm per hapjen e kesaj teme.Keto jane pyetje qe te shqetesojne.Dhe me ne fund kemi mundesine per ti diskuatuar me njera-tjetren dhe ti behemi njekohesisht ndihmese.Une te pakten pavarsisht rendesise se detyres dhe vendit qe ja, me eshte krijuar lehtesire,sepse e dine qe une agjeroj,qe falem qe nuk pije alkool.Kjo eshte dicka pozitive sepse edhe une edhe ata ndjehemi komod.Por di qe shume e kane problem kete gje nga qekane frike mos i largojne nga puna apo i shohin shtrember.Probleme ka plot.Une do sugjeroja qe te gjithe muslimanet qe kane keto probleme te na shkruajne sepse ne kete menyre do e ndihmojm shume njeri-tjetrin.

[tulipanonero]

Esselamu Alejkum
Alalhu ta shperblefte moter per hapjen e kesaj teme
Eshte me te vertet shume aktuale dhe pothuajse na prek te gjitheve,pavarsisht se dike me pak e dike me shume.
Un ketu ku jetoj eshte shtet katolik keshtu qe musliman pervec te huajve nuk sheh
Duke anashkaluar faktin qe veshtersite ekzistojne duke u nisur qe nga ajo qe je i huaj dhe te shohin ndryshe.
Un personalisht jam perpjekur te gjej gjithmon pun te pjeseshme meqe nderkohe dhe studioj ,dhe me oraret e namazit nuk e kam pasur shume problem.
Por veshtersia e gjetjes se nje pune ekziston kur i thua qe ne fillim qe je musliman dhe qe ke namazin per te falur.Veshtire se mund te gjesh ate punedhenes qe pranon kete fakt,se max. mundte fshihet mbas asaj qe ti nuk do i kushtosh punes kohen e duhur(edhe pse namazi nuk zgjat me ore te tera)
Pastaj te jesh me mbulese eshte nje ceshtje komplet tjeter,un besoj se ketu ku jam nuk ka mundesi pune per ate qe eshte me mbulese,nuk e pranojne kurrsesi qe ti ne istituzionin e tyre te punosh e mbuluar.
Nuk e di ndoshta motrat kane pervoje dhe mund te shtojne dicka per kete ceshtje,se un e shoh paksa te pamundur,gjithmon flas per italine

Esselamu Alejkum,Allahu i ruajt te gjith muslimanet

[ruela]

Eshte e vertete qe femrat me shami e kane me te veshtire sepse une kam shoqe qe kane mbaruar shkolla ,mastera por problemi eshte qe te pakten ne tirane duhet ti bejme me shume jehone.Qe kejo femra nuk kane mbuluar trurin po koken.Qe jane te afta ne cdo fushe.Per kete duhet nje ndihme e madhe nga komuniteti.Menyra si e prezantojme veten se kjo eshte nje faktor i rendesishem.

[tulipanonero]

Eshte e vertete qe femrat me shami e kane me te veshtire sepse une kam shoqe qe kane mbaruar shkolla ,mastera por problemi eshte qe te pakten ne tirane duhet ti bejme me shume jehone.Qe kejo femra nuk kane mbuluar trurin po koken.Qe jane te afta ne cdo fushe.Per kete duhet nje ndihme e madhe nga komuniteti.Menyra si e prezantojme veten se kjo eshte nje faktor i rendesishem.

Esselamu Alejkum moter
Nuk e di ndoshta mund ta kem dhe gabim por nuk mendoj se problemi qendron qe duhet te behet jehone per te treguar qe femra muslimane eshte e afte.Se perderisa ka bere univeristet ,ka master etj e etj ,dmth qe rezultatet flasin vet!

Por problemi qendron se ne istituzione qofte ato shteterore ose private preferohet me shume te merren femra qe jane me shume te zhveshura se te veshura edhe pse mund mos te kene nje kualifikim te larte!

Mendoj se ceshtja qendron ne mospranimin e pasjes ne pune te femrave te mbuluara,pra tek veshja mendoj se qendron problemi kryesor....

[ruela]

Ska lidhje fare kjo.Sepse nuk qendron problemi qe i duan te zhveshura.Fakti sepse kane frike sepse eshte prezantuar nje islam tjeter ketu.Veshja ska lidhje fare.Sps kjo eshte nje teme qe e kam diskutuar me shume persona te instiucioneve.

[tulipanonero]

Ndoshta moter mund te jet dhe ashtu sic thoni ju.
Vecse me duket pak absurde se punedhenesi as nuk ja ka iden e islamit,pastaj nuk e kuptoj se clidhje mund te ket nqs ne pune e zejme eshte nje muslimane e veshur e cila i perket nje x sekti .Nuk e kuptoj clidhje mund te ket me punen

Po ti bej keto pyetje se me te vertet nuk po arrij te kuptoj llogjiken qe ndiqet?
Pastaj pse cfare islami po paraqitet ne shqiperi?

Esselamu Alejkum

[SenI_99]

Esalamun Alejkum vllezer dhe motra musliman,pytje me vend,un per vete jam ne mergim dhe e punsuar,ku punoj un se esht e mundur te vendosh shamin e as te falesh namazin ne koh te vet.Prandaj namazin e drekes dhe at te ikindis e fali kaza kur kthena nga puna. Lus zotin te me fal,

[Dritë]

Aleikumu selam motra

Cudi, asnje vella kendej i cili ka halle? lol


Burbuqe, me vjen sinqerisht keq per experiencat tua. Allahu ta lehtesofte dhe inshaAllah ne te ardhmen ke sukses te punesohesh ne profesionin tend. Une jetoj ne perendim dhe ketu liria e besimit eshte e garantuar me kushtetute. Ne shkolle lejohen vajzat me shami dhe i ke qe nga shkolla fillore e me larte. Madje ke edhe pedagoge te mbuluara nderkohe ne Kosove i perjashtojne nga puna.

Natyrisht se ka edhe ketu diskriminime por muslimanet ketu kane mundesi ti denoncojne rastet. Tani kur aplikon per pune eshte paksa rende ta permendish se cfar "kerkesash" ke si punemarres, dmth ti thuash se 5x ne dite don te kryejsh obligimin e faljes. Kjo shume shpejte keqkuptohet sepse punedhenesi mungesen tende nga vendi i punes e shikon me sy kritik dhe natyrisht shpesh refuzohen muslimanet, por asnjehere nuk permenden arsye fetare sepse vaj halli per ata, i hedhish pa problem ne gjyq.

Refuzimet si zakonisht i paketojne me fjalet:"Jeni teper te qualifikuar per kete pune!" lol "Nuk pershtateni profilit qe kerkojme ne!" etj etj Me nje fjale jane shume te kulturuar kur ta japin shkelmin

Une kur fillova punen nuk permenda asgje ne drejtori sepse qe ne fillim drejtoresha me tha se per dite te lira dhe pushimet mbrenda orarit te punes duhet te konsulltohem me koleget. Kam pas fat se kisha disa kolege shume te mira te cilet kishin mirekuptim kur terhiqesha per disa minuta te falem. Disa tjere ishin paragjykues dhe natyrisht kam ngrene edhe fjale, megjithate une ua ktheja pergjegjen se perderisa une kam mirekuptim kur ata cdo ore zhduken per 10 minuta te ju bejne hyzmet mushkerive me nikotin, le te kene edhe ata mirekuptim kur do te terhiqem ti bej une shpirtit tim hyzmet. Me kalimin e kohes e kane vene re se une punen e kryej me pergjegjesi te plote, keshtu qe edhe ata qe ishin paragjykues filluan te ndryshojne mendje. Por duhet ta pranoj se ka pas raste qe nuk e kam fal ne kohe por e kam fal kaza, Allahu ma falte.

Nuk kam kohe te shkruaj me gjate megjithate inshaAllah shkruajme edhe ne te ardhmen ne kete teme. Mendoj se mund te perfitojme shume nga kjo tema, jo vetem ne, po edhe jomuslimanet. Le te lexojne edhe ata se edhe ne duami shkollim, punesim, te jemi produktive ne nje shoqeri dinamike etj, por shpesh jane te tjeret te cilet na i kufizojne mundesite dhe na vendojne perpara te zgjedhim mes besimit dhe shkollimit/profesionit. Mendoj se me vullnet te mire dhe kompromise mund te gjenden rrugezgjidhje per shume probleme qe hasim gjate jetes perditshme.

Ne vijim thash e postoj edhe kete artikull, se di a ju kujtohet rasti. Ketu ne Universitet ka nje dhome apostafat per muslimanet ku mund te falen. Nderkohe ne Shqiperi...lexoni me poshte. Artikulli natyrisht eshte shkruar qe ne shikim te pare te mendojsh se nxenesit dhe drejtori lene pas dore detyrat e tyre, gje qe nuk eshte e vertete.

Wes'Selam

******

Skandali, drejtori i shkollës lë mësimin dhe falet në xhami

Drejtuesi i gjimnazit "Myslym Keta", Sadik Shima, pohon se në këtë shkollë ka nxënës që lënë mësimin fshehurazi për lutjet fetare

Drejtori i gjimnazit publik "Myslym Keta" në Kombinat të Tiranës, lë mësimin për t‘u falur në xhami.

Çdo ditë, në orën 12.00, drejtori i kësaj shkolle, Sadik Shima, del nga mesimi dhe futet në xhaminë që ndodhet atje pranë, ku falet dhe më pas kthehet në shkollë e vazhdon mësimin e lënë përgjysmë.

Këtë fakt e denoncoi në "Fiks Fare" prindi i një nxënësi të kësaj shkolle. Sipas këtij prindi, drejtori Sadik Shima është besimtar mysliman, propagandon në shkollë islamizmin dhe i dërgon nxënësit në xhami. Ndërkohë që gjimnazi "Myslym Keta" është një shkollë publike laike. Në shkollat publike në Shqipëri është e ndaluar propaganda fetare.

Për të vërtetuar ankesën e prindit, gazetarët e "Fiksit" qëndruan një ditë me kamera përpara gjimnazit "Myslym Keta" në Kombinat. Sapo u afrua orari i faljes, drejtori Shima doli nga dera e shkollës dhe shkoi në xhami.

Një ditë tjetër, gazetarët e takuan vetë drejtorin e shkollës, duke u prezantuar si të afërmit e një nxënëseje, e cila kërkonte të regjistrohej në këtë gjimnaz, pasi i duhej leje për t‘u falur gjatë orarit të mësimit.

Sapo drejtori Shima mori vesh që bëhej fjalë për një nxënëse besimtare, pranoi. Por me një kusht, që ajo nuk duhet të ishte e mbuluar. Për sa u përket vakteve të faljes, drejtori doli garant se atë nxënëse nuk do ta pengojë njeri, qoftë edhe gjatë orës së mësimit. "Unë falem vetë. Tani në xhami isha", tregon drejtori Shima. Madje i tregon edhe se si mund të falet fshehurazi në shkollë, së bashkume shoqe të tjera.

Duke marrë përsipër që të rregullojë gjithçka, drejtori entuziast pranon që kjo nxënëse të regjistrohet në gjimnazin që ai drejton, madje ta fusë në një klasë ku është një tjetër nxënëse që falet.



Fiksi- Në fakt unë kam time motër që dua ta sjell në shkollë këtu.

Drejtori - Ku e ke shtëpinë ti, në ç‘vend?

Fiksi - Në Durrës, por kemi ardhur këtu në Kombinat. Kemi marrë një shtëpi.

Drejtori - Në çfarë viti është ajo?

Fiksi - Në vit të dytë. Vetëm se kam një problem profesor. Ime motër është e mbuluar.

Drejtori - Aaa, po s‘lejohet.

Fiksi - Nuk lejohet ëëë?

Drejtori - Unë jam vetë mysliman, por pak me zor se është e vështirë shumë.

Drejtori - Si e mban atë, apo e kanë përjashtuar?

Fiksi - Jo, nuk e kanë përjashtuar, se e njoh drejtorin.

Drejtori - Unë jam vetë mysliman, por nuk di çfarë të të them, kam pas probleme.

Fiksi - Unë desha të di që në orën 12.00 ajo do të dalë, të falet patjetër.

Drejtori - Le ta gjejë vetë vendin. Unë shkoj vetë, tani në xhami isha. Ku t‘i gjejmë këto, po më hap shumë probleme. Dëgjo! E di pse e kam problem unë? Sepse thonë pastaj që ky...

Drejtori - Ti më fut në një siklet mua. Ti je besimtare vetë?

Fiksi - Besimtare, agjinoj po, po.

Drejtori - Ti më fut në gjynah mua, se unë jam vetë që fal pesë vakte.

Fiksi - Atë problem kam se duhet patjetër që ajo të ikë në një shkollë, që të ikë në orën 12.00 e të falet.

Drejtori - Se kam hallin e asaj shamisë, pa ia gjej unë mundësinë asaj, sipas rasteve, kuptohet, po nuk është e thënë që të shkoj në xhami patjetër, le të falet këtu në shkollë.

Fiksi - Mund të falet këtu në shkollë?

Drejtori - Fshehtas me shoqet e veta, ngaqë do me u fal.

Fiksi - Po, po.

Drejtori - E pra me shami kam frikë se po të mos jem unë ky që jam, dal hapur e do thonë filloi ta bëjë dhe këtë çerdhe islamikësh ky, se kam pasur një herë probleme me mjekrën.

Fiksi - Të kuptoj.

Drejtori - Unë të flas hapur fare se ku t‘i gjej këto, për mua direkt. Unë shyqyr që e gjeta, aq në siklet më ke fut.

Fiksi - Të lutem më ndihmo se dua ta çoj në një shkollë patjetër minimalisht të falet.

Drejtori - Unë e kam obligim.

Fiksi - Të kuptoj dhe faleminderit!

Drejtori - Unë e kam obligim, qenka e vogël që ta kisha marrë për çunin tim.

Drejtori - Për Zotin po! Se nuk po gjej dot nuse për çunin, se çuni fal pesë vaktet, e kam 30 vjeç. U ça shansi!

Fiksi - Pse nuk është asnjëra me shami?

Drejtori - Jo.

Fiksi - Po vajza që falen ka? Që të ketë ndonjë shoqe që të falet.

Drejtori - Është njëra në vit të dytë, ka qenë në Medrese.

Fiksi - Atje ka qenë dhe ime motër, te Medreseja në Durrës në vit të parë.

Drejtori - Dhe ajo në vit të parë ka qenë, në vit të dytë ka ardhur këtu, tani është në vit të tretë.


Drejtori - (flet me rojen) Mirë, qenka besimtare, falka pesë vakte.

Fiksi - Jo, jo desha të rezervoja një takim.

Drejtori - Dëgjo! Unë do të ndihmoj maksimalisht, do ta çoj te klasa e asaj gocës dhe ajo ka babën e vet me mjekër, d.m.th. me gjet mundësinë me e çu tek ajo klasa. Ishallah s‘ka shumë nxënës!

Fiksi - Shumë faleminderit!

Drejtori - Pastaj për sallat, e gjen vendin vetë ajo.

Fiksi - Të jam mirënjohëse.

Drejtori - T‘i falesh vetë, apo jo?


Fiksi - Falem ndonjëherë, pasi jam shumë e angazhuar.

Drejtori - Si më thua faleminderit? Se unë të arrij t‘i bëj të gjithë kështu se bëj sevap te Zoti im. Unë ç‘të bëj që s‘e marr dot të mbuluar, se s‘kam ç‘bëj. S‘kam asnjë, ajo goca rri me të gjata.

Fiksi - Me të gjata rri dhe ime motër.

Drejtori - Ku ta gjesh ashtu! Unë i marr për shembull. Shikoni sa bukur është, kjo e zbukuron, veshja.

Fiksi - Do vij t‘ju takoj sërish.

Drejtori - Selam Alekum!

Fiksi - Selam Alekum!

Drejtori - Do siglosh te Drejtoria Arsimore në Durrës dëftesën dhe do ta çosh te Drejtoria e Tiranës.

Fiksi - Selam Aleku!

Drejtori - Alekum Selam!

[Dritë]

Unë, mësuesja me shami
Që nga një dhjetori 2008 nuk më lejohet të vazhdoj punën si mësuese për shkak se e kam vënë shaminë
Shkruan: Minire Pantina

E mërkurë, 28 Janar 2009 13:49

Që nga një dhjetori 2008 nuk më lejohet të vazhdoj punën si mësuese për shkak se e kam vënë shaminë. Moslejimi për të punuar nuk është e gjitha ajo, që, unë, të paktën deri sa po i shkruaj këta rreshta në kompjuterin tim, më bën të ndiej një nostalgji për një shtet ligjor dhe demokratik. Kam dëgjuar dhe parë shumë fyerje për shaminë, dhe, natyrisht, më shumë fjalë të mira dhe krenari. Që nga një dhjetori 2008 e deri më sot (22 janar 2009), përveç një dokumenti që më tregohet që të mos lajmërohem në punë, derisa DKAK-ja të merrë një vendim, nuk më jepet asnjë shpjegim konkret me shkrim dhe, çuditërisht, vetëm fjalë dhe premtim se së shpejti do ta kesh një vendim me shkrim. Të gjitha adresat e kërkuara që të kërkoj drejtësi ligjore, që nga shkolla ku kam dhënë kontributin tim, në Ministrinë e Arsimit, tek kryetari i komunës, më dërgojnë në një adresë të vetme: Drejtoratoria e Arsimit dhe Kulturës në Klinë dhe tek drejtoresha e saj, Tushë Mehmetaj janë përgjegjëse për të pranuar ose për të përjashtuar nga puna. Të një zëri të gjithë. Asgjë më tepër nuk kërkova përveç një vendimi me shkrim ku të më sqarohej se çfarë shkelje ligjore bëra që s'kam të drejtë të punoj. Dhe, sot, (22 janar 2009), pra, vetëm sot më vjen vendimi me shkrim i shumëpritur. Pas një telefonate të bërë dje në këtë drejtori, përfundimisht na premton një zyrtarë se nesër do ta keni dokumentin gjithsesi. Meqenëse nuk isha e pranishme vetë për ta marrë këtë dokument, ma sjell burri im, i cili ishte në punë atje. Dhe, tani, dukumentin e kam, por, me një datë tjetër. Madje, asnjëherë nuk kam parë një dokument zyrtarë të ndonjë institucioni që nuk shkruan datën e saktë të lëshimit. Dhe, pikërisht këtu edhe fillon nostalgjia ime për shtetin ligjor. Kushdo mund ta shikojë këtë dokument dhe ta interpretojë si të dojë. Por, aty është e shënuar data 2. 12. 2008, dhe, drejtoresha nuk pranon të nënshkruajë (e përsëris, ishte burri im për ta marrë) se këtë e mora sot (më 22. 01. 2009) dhe jo me datën 02. 12. 2008.
Atëherë, lexuesit e këtyre rreshtave do të pyesin: Përse drejtoresha nuk pranon të nënshkruajë datën e saktë të lëshimit të dokumentit. Përgjigjen, të paktën unë mendoj ashtu, e gjeta në fundin e këtij dokumenti. Këtu shkruan:" KËSHILLA JURIDIKE: Ndaj këtij aktvendimi mësimdhënësja mund të parashtrojë ankesë në afat pre 30 ditësh Komisionit......" Unë, nuk dua të bëhem avokate për ta interpretuar këtë dokument, ngase, edhe këta rreshta po i shkruaj në nguti dhe aspak s'kam dëshirë që çështja e shamisë sime të bëhet hit medial. Por, tridhjetëditëshi që shënohet në këtë dokument për t'u ankuar kaloi akoma pa e marrë. Kështu është sipas matematikës sime. Këtë e dëshmoj me shumë dëshmitarë se ky dokument është dhënë sot. Nëse ka nevojë do t'i përmendim. Madje, kam edhe dëshminë tjetër, që më datën 14. 01. 2009 ju drejtohem Drejtorisë së arsimit dhe kryetarit të komunës, me shkrim, (i kam të protokoluara shkresat) pikërisht për të kërkuar një vendim me shkrim për statusin tim të punës.

Tani, ju drejtohem me emër të përgjithshëm: Pushtetarë! Ndonëse kam votuar për këtë pushtet, kam punuar edhe pa pagesë kur ka qenë nevoja e kontributit tim për të fituar pikërisht këta që sot janë në pushtet. Sot, nuk e di se cili është kufiri për t'u quajtur diçka diskriminim. Heshta për gati dy muaj. Asnjë gazetari nuk ia hapa telefonin sepse nuk doja ta bëja publike se jam diskriminuar në shtetin tim për shkak të bindjeve të mia fetare. Jam larguar nga shkolla me fjalë goje. Pas pesë ditësh ma japin një dokument për të mos u lajmëruar në punë, ndërsa tani, dokumentin tjetër, se jam suspenduar. Të dy dokumentet janë të një date. Të dy dokumentet në kundërthënie me njëri-tjetrin. Në bazë të cilit dokument të ankohem! Nuk besoj se dikush nga ju mund të mendojë se shkeljet e tilla të detyrës janë të rregullta. Apo, ndoshta koha e tranzicionit i lejon?!

Unë do t'i drejtohem përsëri organeve kompetente dhe, të paktën, kësaj radhe, shpresoj se nuk do ta ndiejë më kurrë vetën të pa mbrojtur nga ligji. Ama ligji, çfarëdo çoftë ai.

Ofertë për ta mohuar vetveten

Drejtoresha e DKAK-së në Klinë, më herët më dha këtë ofertë: Heqe shaminë dhe mund të shkosh në mësim për të vazhduar punën. Nga ky kontekst unë publikisht shtroj këtë pyetje: Nëse kushti për të punuar si mësuese është heqja e shamisë, atëherë, më tregoni se çfarë vlere ka reklamimi i flokëve në cilësinë e mësimdhënies? Pra, cili është kriteri për një mësuese? Ajo që është brenda në kokë apo ajo jashtë saj?!

Në Kushtetutën e Republikës së Kosovës, në nenin 38, paragrafi 2 shprehimisht thuhet: Liria e besimit, e ndërgjegjes dhe e fesë ngërthen të drejtën për të pranuar dhe për të manifestuar fenë, të drejtën për të shfaqur bindjet personale dhe të drejtën për të pranuar ose refuzuar për të qenë anëtarë i një bashkësie ose grupi fetar. Gjithashtu, unë nuk kam gjetur asnjë ligj që e ndalon qytetarin nga manifestimi dhe shfaqja e bindjeve fetare. Mirëpo, në shtetin tonë kjo ndalesë ndodh për nxënëset dhe mësueset, në mos në një rrafsh më të gjerë. Përderisa shamia është obligim fetar sipas besimit mysliman, atëherë ndalesa e saj në vendin e punës domosdo bie në kundërshtim me këtë që thuhet në kushtetutë, në paragrafin që cekëm dhe në paragrafët 1 dhe 3 të këtij neni, ku thuhet: 1. Liria e besimit, e ndërgjegjes dhe e fesë, është e garantuar. 3. Askush nuk mund të detyrohet ose të ndalohet, në kundërshtim me ndërgjegjen e vet, që të marrë pjesë në praktikimin e fesë si dhe të bëjë publike bindjet ose besimin e tij/saj. Nga ky kontekst, përsëri pyes: Përse femra myslimane kufizohet në shfaqjen e lirisë së besimit? Mandej, ku është liria e veshjes? Ku dhe në cilin nen të ndonjë ligji shkruan se si duhet të vishesh për të qenë mësuese? Në emër të lirisë së veshjes vesh kushdo çfarë të dojë, por, mjerisht kjo nuk bëhet edhe për fëmren e cila shaminë e ndien si obligim të vetin fetar.

Integrim apo lëndim i demokracisë?!

Shamia quhet propagandë fetare, por, quditërish, ata që e quajnë, sikur nuk i shohin vetë nënat e tyre me shami. Pra, ta mohosh një gjë që vetë nënat dhe gjyshet tona e kanë dhe e kanë pasur, në radhë të parë, mendoj unë, është mohim i traditës dhe qenies sonë kulturore dhe fetare. Unë nuk e di një gjë e tillë sot të ndodhë ndokund në botë. Të gjitha qeveritë tona që kanë kaluar nëpër këtë kohë tranzicioni, i kanë trumbetuar thënies se ne jemi nisur drejt rrugës për në integrimin evropian. Por, mohimi i të drejtës për të punuar me shami bie ndesh me këtë pohim. Në Evropë askush nuk e mohon asnjë pjesë të fesë dhe traditës së vet. E kanë mësimin fetar nëpër shkolla, madje, në Gjermani, kam familjarë që në bankat e shkollave të tyre ka plot nxënëse me shami. Ndërsa, në Angli, këto ditë kam gjetur lajmin se ka edhe police të uniformuara me shami. Kurse, Barak Obama, kur e dha betimin si president e vuri dorën mbi Bibël dhe u betua. Atij nuk i erdhi turp nga kjo sepse ajo që është e popullit të tij e manifestoi me krenari.

Tek ne, pushtetarët akoma nuk duan ta kuptojnë se qindra vjet traditë nuk shlyhen. Ky zë kundër shamisë a nuk është zë kundër nderit të nënave dhe gjysheve tona?! A nuk jemi mësuar që pamjet e shamisë t'i shohim që nga lindja?! Në shtëpi, në rrugë, afër qendrës së Klinës gjendet shtatorja "Nënë Tereza" me simbolin e shamisë në kokë. Madje, do të jetë e vështirë të gjendet një nënë dëshmori që të mos ketë shami.

Në vend të zërit kundër shamisë, pushtetarë, ndërtojeni infrastrukturën e demokracisë. Respektojeni manifestimin e besimit të secilës qytetare, edhe kur ajo është mësuese, mjeke, inxhiniere. Mos ia ngulfatni energjinë dhe vullnetin për të punuar vetëm për shkak se mbajnë shami, por, filloni t'i vlerësoni në bazë të profesionalizmit sepse shteti ynë ka nevojë për të gjithë.

Dhe, mbi të gjitha ……….

Shaminë e kam vënë sipas preferencës sime personale të veshjes dhe të shprehjes së lirë të besimit tim. Krenohem që e mbaj. Gjatë punës sime më se pesëvjeçare si mësuese, mendoj, se kam dhënë kontributin tim profesional dhe, kur kjo gjeneratë nxënësish të integrohet në botën e zhvilluar, do t'i kujtojë me habi njerëzit që një ditë e larguan mësuesen e tyre vetëm për shkak se mbante shami.


Marrur nga: www.mesazhi.com

[ruela]

Ashtu ne Shqiperi eshte pak e veshtire sepse njerzit pavarsisht se thone ne besojm,nuk e din se cperfaqeson veshja apo falja.Por ne perendim ose ne Amerike di qe vajzat me shami kane me shume perkrahje.Gje qe e kam ndeshur edhe vete kur kam udhetuar.Para disa vitesh isha ne nje udhetim ne nje vend shume te zhvilluar dhe ju betohem sa po merrja rrugen nga aeroporti ne drejtim te hoteli jam ndjere ne siklet me veten sepse pash shume vajza me shami.Dhe keto vajza i kam pare qe studiojne ,punojne.Ne Shqiperi eshte pak e veshtire por mendoj qe dicka po rregullohet.Sepse shoh dhe degjoj per shume vajza qe po shkollohen ,si ne shkolla shteterore ashtu edhe private.Po bejne nje jete aktive ne keto shkolla qe po studiojne dhe mendoj qe nje dite jo larg do ndjehet ndryshimi.
Por qe te kete sukses duhet qe te kontribojme shume te gjithe.


Selam
Rudina

[abdurrahman_tir]

Esselamu aleikum wr wb

Thash ta hapi kete teme sepse kam vene re se forumi ka me shume tema te natyres copy/paste, nderkohe mungojne tema ku mund ne te shkembehemi mes vehte rreth problemeve dhe sprovave te cilet i hasim gjate perditshmerise sone.

Besoj se kemi shume per te shkruar, por si per fillim deshta te ju pyes:


- Sa prej jush kane mundesi ta falin namazin ne shkolle/pune?
- Jeni diskriminuar shkaku fese ne jeten e perditshme?

Shkruani experiencat tuaja, zgjidhje, keshilloni njeri-tjetrin dhe diskutoni qete.

Wes'Selam

selam alejkum




aktualisht nuk jetoj ne shqiperi e ketu ku jam ( ne itali ) nuk kam pasur probleme me namazin si ne shkolle ashtu edhe ne pune ( tani keta talianet nuk ti thone gjerat ne sy se kane qejf te flasin per ty nga mbrapa ) po gjithsesi Allahu eshte Ai qe i ndihmon roberit e Vet. sa per diskriminimet.......eh.............edhe vete profeti Muhammed (salallahu alejhi ue selam) ka qene i diskriminuar dhe i keqtrajtuar nga pabesimtaret keshtu qe nuk eshte per tu habitur diskriminimi ndaj besimtareve muslimane.nejse mo

une nuk e shoh problemin tek pabesimtaret, porse tek muslimanet.
jane muslimanet ata qe i hapen pune vetvetes se te vjen vellai musliman e te thote o vella hiqe mjekren se nuk ben daua me mjekren ,
o vella vishu modern qe te te shohin me sy te mire.
nuk jemi njezeri ne te drejten , ne te verteten sepse menhexhi( metodologjia e kuptimit te fese) jone nuk eshte i njejte e keshtu jemi ne nje fitne te madhe.
asesi nuk mund te dalim nga kjo fitne vecse duke u kthyer tek feja e Allahut ashtu si na e ka dhene Pejgamberi (salallahu alejhi ue selam) dhe si e kane kuptuar te paret tane te mire.
tek muslimanet shqiptare per fat te keq mesohet pak dhe flitet shume.
disa prej tyre madje mahniten me mendjen e tyre . i duket vetja me i mire se te tjeret. e disa te tjere mendojne se te pasuarit e pabesimtareve ne menyrat e reja te dauas duhet patjeter se jemi tashme ne kohet "moderne" e keshtu jemi duke i ndjekur hap pas hapi e i jane futur muslimanet politikes me koke e kembe a thua valle politika do ti ndihmoje dhe bashkoje muslimanet, por jo, eshte ALLAHU AI qe jep suksesin.

kaq per sot ........................

[ruela]

Shamia dhe institucionet shtetërore
Shkruar nga Anjeza Xhaferaj
e hënë , 04 maj 2009

Anjeza Xhaferaj
Gjithmonë kam menduar se të diskutuarit në hapësirën publike i një çështjeje të caktuar nuk mund veçse t’i shërbejë për mirë kësaj të fundit, madje edhe kur zërat në fjalë shprehen kundër dhe në pamje të parë mund të duket sikur e dëmtojnë atë. Sa herë që një debat, i cili për nga përkufizimi ngërthen domosdoshmërisht qëndrime pro dhe kundra, ngrihet mbi një çështje, ai është në gjendje të mobilizojë njerëz nga grupime të ndryshme të shoqërisë të cilët japin qëndrimin e tyre në lidhje me të. Me këtë rast shoqëria arrin të njohë mendimet, rrymat, qëndrimet që qarkullojnë në midis të saj. Por përveç aspektit njohës, diskutimi publik ka aftësinë të rikonfigurojë në mënyrë të vazhdueshme popullsinë, në fakt të gjithë ata që si aktor apo spektator kanë qenë ndjekës të tij. Rikonfigurimi vjen si pasojë e një ndryshimi në kuptim, në perceptim ndaj koncepteve të përdorura, ndaj atyre koncepteve që kanë qenë motivi, qendra dhe njëkohësisht edhe themeli i diskutimit.
Një ndër çështjet që vazhdimisht është në gjendje të gjenerojë debat në hapësirën publikë shqiptare është ajo e shamisë së vajzave në shkolla dhe institucione shtetërore. Sa herë që problemi shtrohet, koncepte të tilla si laicizmi, progresi, publikja, privatja, demokracia, tradita shqiptare, etj. janë thirrur në ndihmë për të justifikuar qëndrimet pro dhe kundra mbajtjes së shamisë.
A mund të identifikohet prania ose mungesa e shamisë me progresin? Gabimisht, shpesh progresi kuptohet si një vektor me origjinë në të shkuarën dhe kahje nga e tashmja. Për pasojë sa më afër të ashtuquajturës origjinë të jesh aq më i prapambetur konsiderohesh. Ndërkaq afërsia me majën e vektorit të radhit çuditërisht në krah të progresistëve. Në një vështrim të shpejtë të historisë, do të shikonim se prania apo mungesa e shamisë kanë shënjuar gjendje të cilat nuk janë renditur në mënyrë vargore ku ardhja e njërës të mohonte praninë e tjetrës. Përkundrazi, këto gjendje janë alternuar vazhdimisht me njera tjetrën. Kështu shamia kristiane e më pas edhe ajo islame janë shfaqur pas antikitetit grek dhe ky i fundit nuk kish si bëhej më “transparent”, të paktën këtë gjë tregojnë skulpturat dhe pikturat e kohës. Po kështu Rilindja evropiane “mbiu” në mesjetë duke na treguar se si veshja dhe zhveshja mund të rrinë bashkë në të njëjtën kohë dhe në të njëjtën hapësirë. Megjithatë, më duket një këndvështrim reduktues i progresit ai që e lidh atë me veshjen. Progresi realizohet sa herë që njerëzit përdorin maksimalisht të gjitha potencialet e tyre dhe veprojnë bashkërisht. Për pasojë ai ka nevojë jo vetëm për një hapësirë ku individët mund të ushtrojnë talentet e tyre teksa jetojnë së bashku, por edhe për njohjen e pluralitetit, të pluralitetit në mendime, në të folur dhe veprime, pluralitet ky që e bën të identifikueshëm dhe unik çdo qenie njerëzore. Laicizmi “hyjnizohet” (të qëllon ndonjëherë të përdorësh terma fetarë edhe për laiken) jo se ndau shtetin nga feja, por se i hoqi kësaj të fundit monopolin mbi dijen dhe të vërtetën absolute e cila organizonte shoqërinë. Tashmë e vërteta, duke mos qenë e identifikueshme, duke mos qenë më monopol i dikujt nuk mund të përcaktojë më organizimin e shoqërisë, nuk mund të përcaktojë më mendimin që duhet të mbizotërojë në shoqëri. Për pasojë “uniteti” në mendim – i pranishëm në sistemet despotike dhe totalitare – zhbëhet dhe ajo çka shfaqet është pluraliteti i cili e merr kuptimin e tij të plotë sa herë që njerëzit shfaqen në hapësirën publike si të ndryshëm, si qenie unike që kanë potencialin të sjellin risi në shoqëri. Për pasojë çdo mëtim i lidhjes së progresit vetëm me një kah, vetëm me një pikë në fakt do ta c’progresonte atë. Asnjë gjendje që u imponon njerëzve se si duhet ta jetojnë jetën nuk mund të jetë progresiste.
Një koncept tjetër, tepër i rëndësishëm është ai i demokracisë. Edhe kjo e fundit nuk mund të lidhet me progresin. Demokracia është fanitur dhe zhdukur në historinë njerëzore. Ajo në momente të caktuara ka qenë sistemi i organizimit të shtetit dhe për pasojë ka përcaktuar edhe pjesëmarrjen e njerëzve në qeverisje dhe vendim-marrje. Diskutimi mbi demokracinë (pushteti i popullit) është shoqëruar gjithmonë me kuptimin që i jepet fjalës “popull” si dhe me të drejtat që i njihen atij. Populli vetë është rikonfiguruar vazhdimisht, rikonfigurim që ka ardhur si rezultat i njohjes së të drejtave të grupeve të skajuara, të harruara të shoqërisë: skllevërit, bujkrobërit, zezakët, të varfrit, femrat etj. Demokracia, në fakt është rigjeneruar sa herë që mendimi që qarkullon në shoqëri ka identifikuar si të harruara interesat e një grupi të caktuar të shoqërisë dhe sa herë që ky grup i skajuar i ka artikuluar këto interesa duke synuar që ato të bëhen pjesë e agjendës politike dhe për pasojë të jenë pjesë e strategjive dhe vendimeve politike. Historia e demokracisë është në fakt historia e atyre grupeve që nuk janë ndjerë të përfaqësuar, por përkundrazi janë ndjerë të diskriminuar. Në këtë kontekst, debati i fundit mbi shamitë, nuk është duke bërë gjë tjetër veçse duke formuar grupin e të papjesëve në vendimmarrje. Të përjashtosh vajzat me shami nga shkolla dhe nga institucionet shtetërore nuk je duke bërë gjë tjetër veçse duke krijuar grupin e atyre, interesat e të cilëve janë shpërfillur. Për më tepër je duke cenuar kushtetutshmërinë e shtetit. Sa herë që shteti nuk është në gjendje të përfaqësojë popullin që shtrihet në hapësirën territoriale në të cilën ai është ngritur, ai ka dështuar. Në rastin konkret, vetë shteti përjashton një pjesë të popullsisë nga populli duke mëtuar të bëjë një rikonfigurim të sforcuar të popullsisë, që në fakt nuk përputhet aspak me atë real. Andaj, çdo përjashtim i një grupi nga e drejta për të qenë pjesë e shoqërisë ku realisht bën pjesë, nuk bën gjë tjetër veçse cenon parimin demokratik.
Pika tjetër ku vërtiten diskutimet mbi shaminë ka lidhje me traditën shqiptare. Për sa kohë që shamia nuk është pjesë e traditës shqiptare, ajo nuk mund dhe nuk duhet të shfaqet në hapësirën shqiptare. Në fakt, tradita, nuk është një argument edhe aq i “leverdishëm” për ithtarët e saj e saj. Janë shumë gjëra të cilat nuk janë në traditën shqiptare dhe megjithatë ne kemi rendur t’i huazojmë, t’i bëjmë pjesë të jetës sonë. Për shembull demokracia nuk është pjesë e traditës shqiptare. Një herë e një kohë as kristianizmi nuk ka qenë pjesë e traditës shqiptare. Sikur njerëzimi të konservonte në mënyrë fanatike të shkuarën e tij, pa qenë në gjendje të sillte ndryshim, risi, do të ishte njësoj sikur i njëjti njeri të jetonte në të gjitha kohërat. Pikërisht këtu cenohet edhe kuptimi i progresit. Njeriu dallohet nga qeniet e tjera pikërisht se ka aftësinë të ndryshojë, pikërisht se ka aftësinë të mendojë, t’i parashtrojë vetes alternativa, të zgjedhë midis tyre, të prish kufijtë që një traditë e hershme i ka vënë dhe të ecë në shtigje të rrahura më parë ose jo. Në këtë kontekst, të thuash se shamia nuk është pjesë e kulturës, e traditës shqiptare, do të thotë ta shikosh këtë të fundit si të pandryshueshme dhe të ngurtë. Përkundrazi, tradita nuk duhet të jetë e tillë: ajo duhet të jetë sa më e pasur dhe i takon çdo individi të kontribuojë në këtë pasurim të saj. Ajo duhet të jetë rezervuari nga ku vazhdimisht mund të marrim për të pasuruar të tashmen dhe të ardhmen tonë. Si e tillë ajo e ka të domosdoshme të pasurohet vazhdimisht.
Së fundmi edhe diçka mbi publiken dhe privaten. Privatja, ashtu siç edhe vetë emri e tregon ka të bëjë me privimin e njeriut nga diçka. Në rastin konkret, ajo që u propozohet vajzave me shami është privimi nga hapësira publike. Rëndom (dhe gabimisht në fakt) institucionet shtetërore konsiderohen si të vetmet hapësira publike. Nëse ndjekim këtë logjikë, vetë shteti, duke i hedhur shtetasit e tij në hapësirën private i privon këta të fundit nga aksesi në hapësirën publike. Në këtë mënyrë shteti rrit vazhdimisht hapësirat private në kurriz të atyre publike. Në fakt ajo që kërkohet prej shtetit është që të jetë në gjendje të stimulojë sa më shumë pjesëmarrjen e qytetarëve të tij në qeverisje, në vendim-marrje, në çështje të interesit publik. Vetëm duke nxitur tek njerëzit këtë lloj aktivizimi bëhet i mundur një bashkëpunim më i mirë i individëve me njeri-tjetrin; bëhet e mundur shfaqja e solidaritetit mes tyre. Çdo përjashtim i një grupimi nga institucionet shtetërore të prezantuara si të vetmet institucione publike cenon kuptimin e hapësirës publike, ul interesin e këtij grupimi në çështje të interesit publik si edhe cilësinë e tyre si qytetar.
Përfundimisht mund të them se lejimi i vajzave me shami në shkollë dhe institucione shtetërore nuk cenon aspak demokracinë, progresin, laicizmin dhe traditën shqiptare. Prania e tyre në këto ambiente thjesht bën të dukshëm konfigurimin e shoqërisë dhe në të njëjtën kohë rrit legjitimitetin e shtetit demokratik.

[The Boy]

Sigurisht qe praktikimi9 i ISLAMIT kerkon DURIM, kerkon DIJE qe cdo pune dhe cdo veper adhurimi te ngrihet mbi dijien dhe te mos behet "qorrazi". Nje nga veprat e adhurimit dhe perkushtimit ndaj Allahut te lartesuar, Zotit te PLUTFUQISHEM eshte edhe menyra e veshjes si per meshkujt ashtu edhe per femrat, por sigurisht qe problemi qendron tek FEMRAT, tek motrat tona muslimane qe Allahu ua ka hapur zemrat dhe kane arritur qe te praktikojne ISLAMIN dhe te mbulohen ashtu sic Allahu ka urdheruar ne Kur`an dhe i Derguari i Tij neper HADITHE. Mirepo sot mbajtja e mbuleses mbart ne vetvete shume VESHTIRESI, sprova dhe FITNE te medhaja, kjo pastaj varet se KU jeton? Nga cilet njerez je e rrethuar, varet nese punon ose JO? Varet nese vazhdon ndonje shkolle apo jo? Dhe pastaj sigurisht qe varet edhe nga SHTETI perkates se cfare ligjesh ADMINISTRATIVE ka ne lidhje me shamine. Mirepo nje FRYME E PERGJITHSHME MBARE BOTERORE ESHTE E NJEJTE per te gjitha shtete dhe njerezit qe nuk jane MUSLIMANE dhe nuk e praktikojne ISLAMIN, = DHE KJO FRYME EHSTE SE: SIPAS TYRE, neve muslimanët jemi shumë të prapambetur, jemi shume "mbrapa botës" sepse neve e kemi mendjen VETEM PER TU FALUR NE XHAMI, neve e kemi mendjen VETEM PER LEXUAR KUR`AN, neve gjoja sipas tyre as nuk punojme, as nuk arsimohemi, as nuk marrim vesh fare nga "jeta", jo VETEM KAQ, POR NEVE MADJE I MBULOJME GRATE apo nenat apo motrat tona dhe kjo gje sipas tyre ESHTE KULMI I PRAPAMBETJES TONE dhe ata nuk e duan kete gje, nuk e durojnje dot dhe keshtu qe na sulmojne me gjuhet e tyre, me gjymtyret e tyre, na urrejne me ZEMER dhe me SHPIRT, PERPIQEN CDO DITE , cdo jave , cdo muaj dhe cdo vit, ne cdo çast dhe ne çdo kohe si e si ta "emancipojne" femran muslimane dhe si e si ta bejen qe ajo ta heqi "petkun e krenarise se saj", ta heqi mbulesen dhe te behet si duan ata, sic jane edhe vete, dhe per tja arritur ketej qellimi ata punojne naten dhe diten, pa lodhje, pa pushim, me durim te madh, keshtu ata bejne programe TELEVIZIVE apo Radiofonike, per te sensibilizuar ate qe quhet "OPINIONI PUBLIK" qe tja prishin mendjen dhe ti hedhin kunder muslimaneve dhe keshtu qe SPROVA PER MUSLIMANET behet me e madhe dhe me e fuqishme.

[The Boy]

Keshtu qe neve na hidhen kunderr MEDIAT, gazeata, revistaat, njerezit ne pune, ne shkolle, profesoret e "EMANCIPUAR DHE TE SHKOLLUAR", na hidhen madje madje edhe njerezit tane te farefisit apo edhe brenda familjes dhe perpiqen qe neve te jetojme ashtu sic duan ata, dhe jo sic duam neve dhe ashtu sic e KERKON I MADHI ALLAH, keshtu qe kjo ehste bote e eger, eshte bote e veshtire, o vellezer dhe motra LUFTA BEHET PER XHENNET ose per XHEHENNEM, dhe neve kete gje e dime shume mire, kurse jobesimtaret ja fusin kot, ata thjesht degjojne cfare thone mediat e çifuteve dhe pastaj na hidhen neve ne gryke, duhet ta duam njeri tjetrin me shume, duhet ta keshillojmen njeri tjetrin per hir te Allahut, duhet a nxisim njeri tjetrin per DIJE TE PASTER FETARE, NGA DIJETARET E MEDHENJ qe te mund te kemi IMAN TE FORTE DHE TE LARTE PER TE DURUAR FITNET E DYNJASE, shpresoj te jem bere sado pak i dobishem dhe te kem qene i qarte ..........SELAM

[ruela]

“Ne” dhe myslimanët
Share
Yesterday at 2:21pm
Elsa Ballauri

Historia e feve në Shqipëri është ndër më unikalet dhe çështja e besimit një ndër dilemat më të mëdha me të cilën ne shqiptarët ende nuk dimë të përballemi Të konvertuar dhe të rikonvertuar hershëm, duke u ngatërruar njëkohësisht me shumë halle të historisë sonë tekanjoze, në vend që të mos harrojmë se për të jetuar në këtë vend na duhet shumë mirëkuptim dhe dashuri mes nesh, kemi një predispozion djallëzor për t’i drejtuar gishtin tjetrit në formë akuze dhe për të gjetur fajtorin në çdo hap. Kjo po ndodh shumë shpesh këto vitet e fundit me fenë myslimane dhe me njerëzit që e përfaqësojnë atë.
Rasti më i fundit me vajza që largohen nga shkolla, sepse mbajnë shami, është edhe rasti më i parë i këtij lloji. Është e njëjta situatë e përsëritur, i njëjti debat i hapur, apo i diskutuar nëpër zyra çfarëdolloj të institucioneve shtetërore, apo të organizatave të pavarura, njerëz që ankohen dhe përgatiten të hapin çështje gjyqësore….
Ndërkohë, vazhdon një pyetje… e njëjta pyetje: “Prapë shamitë?”. Këtu dua të shtoj se ky është një fenomen recidiv në lidhje me terminologjinë , që jam e bindur se i nervozon besimtarët dhe të tjerët: shami, apo perçe, apo ferexhe.
Një nga problemet e komunitetit mysliman në Shqipëri, është raporti i këtij komuniteti me median. Në fakt, debati i mbetur në dorën e shumë gazetarëve naivë që nuk e vrasin mendjen se si shprehen, e çorodit në mënyrë shumë të dukshme opinionin. Shamia dhe ferexheja, ndonëse shërbejnë për të njëjtin qëllim: të mbulojnë kryet e gruas dhe të tregojnë në mënyrën e përulur fetare, bindjen ndaj fesë dhe Zotit që ata duan dhe ndjejnë, janë dy gjëra të ndryshme në aspektin e pamjes dhe kjo është shumë mirë të përcaktohet në informacionet që jepen nga mediat për opinionin publik. Abuzimi me termin, jam e bindur që bëhet padashje dhe është më tepër efekt i njohur i mosnjohjes dhe neglizhencës, dy nga tiparet e gazetarisë shqiptare.
Në terminologjinë arabe, midis të tjerave, qëndrojnë tre përcaktime për veshjen e grave: Hijab (hixhab), Niqab dhe Jilbab (xhilbab). Hijab (vjen nga fjala arabe hajaba që do të thotë të fshehësh, të mbulosh), është shamia, ajo që ne e shohim shpesh nëpër qytetet shqiptare dhe e cila ka bërë të përjashtohen nga e drejta e edukimit disa vajza besimtare. Shamia mbulon vetëm kokën dhe qafën dhe e le fytyrën të hapur, që do të thotë se nuk pengon në komunikimin me të tjerët. Niqab-i, është veshje që nuk e le fytyrën të duket, përveç syve, në fjalorin që ne njohim , është ferexhe. Në vende ku ekstremizmi islamik është real, si në Afganistan, gratë janë të detyruara të mbajnë edhe Burqa (ose burka), e cila i mbulon edhe sytë me një rrjetë të dendur. Në qoftë se shamia është e pranueshme deri diku për sytë e shqiptarëve të pamësuar me kokë grash të mbuluara, mosshfaqja e fytyrës përbën një vështirësi të madhe komunikimi, që pavarësisht se është në zgjedhje personale e besimtareve, duhet të përbëjë edhe një bazë diskutimi të gjerë në nivelet akademike, apo shkollat, sepse mbulimi në këtë rast shkon përtej zgjedhjes personale, duke u bërë edhe një element etik. Jilbab-i është veshja që femrat mbajnë në trup, e cila iu mbulon gjymtyrët e trupit sipas një mënyre veshje të veçantë.
Mbulimi në vetvete, sipas opinionit të shumë femrave myslimane, nuk është vetëm “ajo që Allahu ju kërkon atyre”. Një tjetër arsye e mbulimit është edhe kërkesa për modesti në të dyja llojet e mbulimit: qoftë kjo për gratë, apo për burrat. Ndërkohë, opinioni i shumë femrave myslimane është se me mbulimin ato kërkojnë të ndalojnë trajtimin e tyre nga burrat si objekt seksi, ato duan që burrat të injorojnë paraqitjen e tyre dhe të kujdesen për të parë personalitetin dhe trurin e tyre, ato duan që ata t’i marrin seriozisht dhe t’i trajtojnë ato të barabarta dhe jo duke i nënvleftësuar për paraqitjen e tyre fizike….
Në thelb kjo kërkesë e tyre, është një nga ato më të guximshmet të artikuluara nga lëvizja feministe moderne: barazia midis sekseve, pa asnjë nuancë ironie dhe nënvleftësimi.
Por sa femra myslimane e kuptojnë vërtet mbulimin si një proces që do të edukonte miliona mendje burrash protagonistë? Dhe sa të tjera e mbajnë shaminë pa menduar përse, por vetëm si rezultat i një kulture që duhet të ndjekin? Aktualisht të gjitha këto janë sot dilema dhe diskutime në botën myslimane të qytetëruar, ku vetë gratë janë shpeshherë protagoniste.
Për fat të keq shqiptarët nuk përfshihen dot, nuk mund të përfshihen dhe nuk marrin iniciativën të përfshihen në këtë debat. Shqiptarët janë shumë të gatshëm të përfshihen vetëm si paragjykues dhe të ngrenë teori të paragjykuara.
Nëse ka diskutime mbi Islamin në vendet e zhvilluara, në këto diskutime janë protagonistë vetë besimtarët. Gratë myslimane kanë një angazhim shumë interesant në dilemat dhe sfidat që përfaqësojnë. Maryum Jameelah (e quajtur më parë Margaret Marcus), është një nga gratë e famshme shkrimtare dhe lektore, e konvertuar nga hebraizmi në myslimanizëm, ajo shkruan dhe tregon për historinë dhe teorinë e saj. Sipas Jameelah, ajo e kupton bashkëpunimin mes njerëzve të feve dhe kombeve të ndryshëm duke i njohur ato dhe duke i respektuar.
Përveç raportit të pazgjidhur me median, feja myslimane ka shumë probleme të pazgjidhura me shtetin shqiptar, me shoqërinë dhe me vetveten.
Ardhja e shamive në Shqipëri erdhi së bashku me riardhjen e fesë. Ishim të pamësuar, të paragjykuar dhe si të tillë filluam të akuzonim njëri-tjetrin. Është e çuditshme pse nuk ka një debat konstruktiv në Shqipëri që të mund t’i lerë të gjitha palët të analizojnë dhe të rrëfejnë me qetësi... Befas, ndodh një ngjarje ekstreme dhe të gjithë kthejmë sytë andej dhe fillojmë të ulërijmë... Duket sikur s’dimë të flasim seriozisht dhe me përgjegjësi: fillojmë me kulme ngashëruese kur ngjarja ndodh, pastaj fluksi shuhet me një psherëtimë lehtësimi se më në fund çdo gjë është harruar dhe “çudia” nuk do të zgjatë më shumë se tri ditë. Një tjetër çështje është se asnjëherë ky problem nuk është diskutuar si një shkelje e të drejtave të njeriut. Duket sikur është më shumë një çështje e etikës, e kulturës dhe shpeshherë është kthyer në argument politik për të treguar se Shqipëria s’ka asnjë lidhje me fondamentalizmin mysliman dhe se sytë e saj janë drejtuar nga perëndimi kristian. “Ne”, kundër “atyre”, është një slogan psikologjik që shpeshherë më duket i frikshëm. Së pari, sepse jemi refuzues dhe nuk e pranojmë tjetrin për hir të të tjerëve, që përkthehet se nuk pranojmë formimin e hershëm mysliman të kombit e shtetit tonë për hir të snobizmit ndaj botës perëndimore, e cila ka një shtet e kombformim të ndryshëm nga yni. Së dyti, sepse nuk e kemi të qartë historinë tonë, që përkthehet se nuk dimë ta çmojmë atë që na ka dhuruar e kaluara jonë misterioze: tolerancën. (Gjyshi im ortodoks ishte shumë i lumtur kur priste vizitat e hareshme të miqve të tij myslimanë për të dielën e Pashkëve).
Së treti, se nuk dimë të respektojmë të drejtat e tjetrit... dhe jo vetëm kaq, por kemi të paqarta parimet e të drejtave bazë të njeriut dhe vetvetiu, kur i shkelim ato, ose nuk e kuptojmë atë që kemi bërë, ose nuk na dhimbset ajo që kemi shkaktuar.
Këto arsye na pozicionojnë në dy llogore të kundërta: Ne dhe Ata. Ne dhe Ato. “NE”-ja pretendon të jetë pjesa e kultivuar dhe përparuar, ata që janë mendjehapur dhe që dinë se si shkohet përpara. Problemi i tyre? Janë përjashtues dhe me këtë ndjenjë nuk mund ta ndërtosh dot atë që pretendon të bësh. Interesante është se shpeshherë “Ne”-ja më aktive ka emra tipikë myslimanë… Për fat të keq “Ne”-ja, shpeshherë ka fytyrën e shtetit ose të strukturave të tjera që akoma nuk kanë menduar të mendojnë për raportin që duhet të krijojë me besimin dhe me besimtarët në këtë vend. Kjo është e shfaqur në komitetet fiktive shtetërore të feve, në shpalljet e vendimeve absurde të ministrave për të vendosur dhe hequr rregulloret e shkollave sipas qejfit, në pasigurinë e organizatave për të mbrojtur besimtarët myslimanë...
Ndërkohë që Ata dhe Ato, për fat të keq me gjithë prezencën më të madhe që kanë në këtë vend, nuk kanë arritur dot të krijojnë atë bashkësi kompakte të duhur për të ndërtuar ato vlera që predikojnë. Të ndodhur mes një debati dhe kontradikte të brendshme, Komuniteti Mysliman, më i madhi në Shqipëri, ndërkohë është edhe më i dobëti: një pjesë përfituese, një pjesë ekstremiste, një pjesë idealiste dhe largpamëse, por e brishtë dhe e dobët për të fituar mbi dy pjesët e tjera. Zgjedhjet e reja me të njëjtin kryetar të përfolur dhe të paaftë të imponohet në instancat shtetërore dhe në mbarëkomunitetin e vet, treguan se debati më i rëndësishëm për çështjet që i takojnë myslimanëve të Shqipërisë, është debati i brendshëm midis tyre. Myslimanët shqiptarë ndodhen mes furtunave të ngritura nga ata vetë në njërën anë, dhe mes stuhive të ngritura nga shteti dhe ekstraislamikë t, nga ana tjetër. Nuk është serioze që debatet e hapura për të drejtën e vajzave besimtare për edukim dhe besim të nëpërkëmben nëpër zyra e zyrtarë dhe peshën e debatit konstruktiv që do duhej të ndryshonte situatën, nuk e mban dot askush mbi supe.
Ky peizazh social i krijuar ka një pasojë të rëndë: vetmia e myslimanëve do të bëhet vetmi e të gjithëve nëse nuk do t’i japim dorën dhe nuk do ta kuptojmë njëri-tjetrin në kohë.

[AnaH_M]

Esselamu aleikum wr wb

Thash ta hapi kete teme sepse kam vene re se forumi ka me shume tema te natyres copy/paste, nderkohe mungojne tema ku mund ne te shkembehemi mes vehte rreth problemeve dhe sprovave te cilet i hasim gjate perditshmerise sone.

Besoj se kemi shume per te shkruar, por si per fillim deshta te ju pyes:

- Sa prej jush kane mundesi ta falin namazin ne shkolle/pune?
- Jeni diskriminuar shkaku fese ne jeten e perditshme?

Shkruani experiencat tuaja, zgjidhje, keshilloni njeri-tjetrin dhe diskutoni qete.

Wes'Selam

teme e bukur kjo per tu diskutuar mirepo skam kohe shum tash,

un per vete skam pr me te falurit e namazit sepse ashtu e kam punen

edhe asnjeher sjam diskriminuar shkaku i fese,sepse skam pasur rast te kerkoj pune ndonjeher apo te lus nje jo musliman,po edhe ne shkoll ne fakultet kur kam studiuar ne gjuhen maqedone ne shkup edhe ateher skam qen i diskriminuar si musliman,por si shqiptar me shume,po dhasht zoti e ngadal te gjith i kuptojn gjerat e hajrit dhe iu largohen atyre te pavlerave sepse ska dyshim se islami esht ngadhnjyes dhe se shamia sot apo neser do lulezon ne cdo vend te botes

Slm

[drenicaku]

Mua me diskriminoin sepse nuk me lejojn ne vendin e punes te falem pes her,kujt ti drejtohem,me kan then se per falje nuk paguhesh,dhe nese deshiron te falesh 5 her shko ne avganistan atje eshte vendi i faljeve sa te duash me kan then.
E lash krejt ate pune se mu duk si pune e kot tani punoi dhe nuk falem fare asnje ndryshim nuk po e hetoi per dite e me shume po me duket qe po behna shqipetar dhe per ket jam shume i lumtur.
Feja e shqiptarit eshte shqiptaria

[muslimani72]

me te vertet keni te drejte se nuk parakalojme kendej,por ua bejme me dije se lufta e kryqzatave po zhvillohet ne anen tjeter, andaj pasi qe ti fitojme shkijet ju premtojme qe do dalim kendej per vizite

selam alejkum te gjitheve