BE pranon kerkesen e Shqiperise, do te hapen negociatat per anetaresim

[DYDRINAS]

Shqipëria do të paraqesë kërkesën për anëtarësim në BE


Ilirian Agolli
Zëri i Amerikës,Tiranë
26-04-2009


Qeveria shqiptare njoftoi sot se ka vendosur që të paraqesë në 28 prill kërkesën e Shqipërisë për statusin e vendit kandidat për anëtar të Bashkimit Europian.

Kryeministri Sali Berisha tha se ky është vendim i një rëndësie historike për shqiptarët. Ai deklaroi në një mbledhje të posaçme qeverie se ky nuk është një vendim i njëanshëm, por është bashkërenduar dhe konsultuar gjerësisht me drejtuesit e Bashkimit Europian.

"Shqipëria - tha kryeministri Berisha - paraqet kërkesën pasi të gjitha vendet anëtare të Bashkimit Europian votuan dhe ratifikuan në parlamentet e tyre Marrëveshjen e Asocim - Stabilizimit, pa ngritur qoftë edhe një rezervë të vogël, por u votua me vlerësime pozitive nga parlamentet e vendeve anëtare".

Zoti Berisha tha se krahas diplomatëve dhe specialistëve të administratës, qeveria falenderonte edhe opozitën, për votimin e reformave në parlament, duke theksuar se ky nuk ishte një veprim elektroral, por zbatim i rezolutës që bashkarisht kanë miratuar në parlament, sepse antarësimi në BE është një akt themelor i programit politik të të gjitha forcave politike serioze të vendit.

[firaku]

Uroje qe sa me pare ta shofim Shqiperine ne EU.

[Albo]

Kryeministri Berisha do të paraqesë zyrtarisht në 28 prill kërkesën e Shqipërisë për statusin e vendit kandidat për anëtar të BE-së


- Reformat e realizuara me sukses bënë të mundur që në një hark kohor të shkurtër Shqipëria të ftohet për të paraqitur kërkesën për statusin e kandidatit.

- Reformat bënë të mundur që ministrat e Jashtëm të 27 vendeve anëtare të shpallin suksesin e reformave të qeverisë shqiptare si frymëzuese për vendet e tjera të rajonit.

Kryeministri Berisha, në një mbledhje të posaçme të Këshillit të Ministrave, ku krahas ministrave të kabinetit qeveritar, ishin të pranishëm dhe drejtues të institucioneve dhe agjencive kryesore të shtetit, bëri të ditur vendimin e qeverisë shqiptare për të paraqitur, në 28 prill, në Pragë, kërkesën e Shqipërisë për statusin e vendit kandidat për anëtar të Bashkimit Europian.

Në fjalën e tij, Kryeministri Berisha u shpreh:

“Sot, në këtë mbledhje, ne informojmë shqiptarët për një vendim të një rëndësie historike që ne marrim, për të paraqitur zyrtarisht, në datën 28 prill, kërkesën e Shqipërisë për statusin e kandidatit për anëtar të Bashkimit Europian. Ky përbën një moment dhe një akt të një rëndësie përcaktuese në procesin e anëtarësimit të plotë të Shqipërisë në BE. Ky vendim i yni nuk vjen si një vendim i njëanshëm, por vjen si një vendim plotësisht i bashkërenduar me vendin që ka Kryesinë e radhës së Bashkimit Europian, vjen si një bashkërendim me vendet anëtare të Bashkimit Europian, të cilat mbështesin këtë akt dhe këtë vendim, vjen si një bashkërendim me Komisionin Europian.

Pra, vendimi për të paraqitur në datën 28 prill, në Pragë, kërkesën e Shqipërisë për statusin e kandidatit, është një vendim gjerësisht i konsultuar, sikundër kishim deklaruar edhe më parë.

Dua t’ju bëj të ditur qytetarëve shqiptarë dhe juve zotërinj të pranishëm në këtë mbledhje, se gjatë këtyre muajve janë zhvilluar negociata intensive me kancelaritë e vendeve anëtare të BE-së. Gjatë këtyre muajve është paraqitur pikëpamja e qeverisë shqiptare dhe ka gjetur mbështetje të plotë fakti se për vendin dhe kombin tim, procesi i anëtarësimit në BE duhet të bazohet, para së gjithash dhe mbi të gjitha, mbi reformat, eficencën e tyre, fuksionalitetin e qeverisjes dhe funksionimin e demokracisë. Nga ana tjetër, bazuar në këta faktorë, ky do të jetë një proces i pandalshëm, sepse ky proces, të cilin e mbështetin 96 për qind e shqiptarëve, përbën një forcë të fuqishme udhëheqëse në vetvete, përbën një motiv të pashtershëm të reformave të vazhdueshme për të arritur kriteret, standardet, normat e Bashkimit Europian.

Ne paraqesim kërkesën pasi kemi plotësuar me seriozitetin më të madh kërkesat dhe detyrimet që rrjedhin nga marrëveshja e ad-interim që kemi pasur. Ne paraqesim kërkesën pasi të gjitha vendet anëtare të Bashkimit Europian votuan dhe ratifikuan në parlamentet e tyre Marrëveshjen e Asociim – Stabilizimit, pa ngritur qoftë edhe një rezervë të vogël, përkundrazi, në tërësi, është votuar me vlerësimin më pozitiv dhe unanimitetin më të gjerë nga parlamentet e vendeve anëtare.

Ne paraqesim kërkesën pasi kemi vendosur një bashkëpunim të gjerë edhe në fushën ushtarake me Bashkimin Europian. Njësitë tona ushtarake ishin në Çad, janë në Bosnje dhe janë të gatshme të marrin pjesë në të gjitha misionet e paqes që Bashkimi Europian parashikon dhe do të parashikojë në të ardhmen.

Me këtë rast, dua të shpreh një mirënjohje të thellë për Komisionin Europian, i cili ka dhënë një ndihmë të gjithanshme Shqipërisë, ndihmë që ka bërë të mundur këtë ditë.

Një mirënjohje shumë të thellë dua t’ju përcjell të gjitha vendeve anëtare, së pari për solidaritetin e tyre të jashtëzakonshëm që i kanë dëshmuar Shqipërisë. Shumë nga këto vende kanë vendosur Shqipërinë në krye të të gjitha ndihmave ekonomike dhe të tjera, për frymë. Shqipëria ka pasur një mbështetje të plotë dhe totale në rrugën e reformave të saj, në rrugën e ndërtimit të demokracisë dhe ekonomisë së tregut, në rrugën e zgjidhjes së mijëra e mijëra problemeve të trashëguara nga e shkuara më e hidhur se çdo komb tjetër në Europë. Ndaj sot është një rast për t’i falënderuar ata me shumë përzemërsi.

Dua t’i falënderoj gjithashtu për mirëkuptimin që kanë treguar ndaj qeverisë shqiptar, për vlerësimin që i kanë bërë arritjeve të Shqipërisë dhe mbështetjes që i kanë dhënë për paraqitjen e kërkesës për statusin e Kandidatit.

Dua të falënderoj Kryeministrin Topolanek, qeverinë çeke, e cila ka bërë avokatin e shkëlqyer të arritjeve të kësaj qeverie, në gjirin e vendeve anëtare dhe ka ftuar, në datën 28 prill, Kryeministrin e Shqipërisë për të paraqitur zyrtarisht kërkesën.

Një falënderim shumë të përzemërt meritojnë punonjësit e administratës dhe institucioneve shtetërore, të cilët, gjatë këtyre katër viteve, iu përgjigjën me përkushtim kërkesës së vendit për reforma, i zbatuan ato me seriozitet të madh dhe shpejtësi. Ata bënë që reformat e kësaj qeverisjeje të rrezatojnë dhe rezonojnë gjithnjë e më fuqishëm. Ishin reformat ato që bënë të mundur që ministrat e Jashtëm të 27 vendeve anëtare të shpallin suksesin e reformave të qeverisë shqiptare si frymëzuese për vendet e tjera të rajonit. Suksesi i reformave do të merrte vlerësimin më maksimal nga Kancelarja Angela Merkel, Kryeministri Berluskoni, etj. dhe vetëm 2 ditë më parë nga Presidenti francez Nikola Sarkozy dhe ministri i jashtëm Kushner.

Pra, në rast se 4 vjet më parë ne u zotuam para shqiptarëve se “alfa” dhe “omega” e programit tonë do të jenë reformat, kënaqësia e madhe është se ato nuk ishin reforma në letër, por reforma me rezultate konkrete, reforma të cilat i mundësuan Shqipërisë që, në 4 prill 2009, të anëtarësohet në NATO, reforma të cilat bënë të mundur që, në një hark kohor më të shpejtë se për të gjitha vendet e rajonit, vendet anëtare të BE-së të ratifikojnë pa asnjë rezervë, Marrëveshjen e Stabilizim- Asociimit me Shqipërinë, reforma të cilat bënë të mundur që në një hark kohor të shkurtër Shqipëria të ftohet për të paraqitur kërkesën për statusin e kandidatit.

Lumenj djerse, mundi, sakrifice dhe mendjeje, janë derdhur për të shënuar këtë kthesë rrënjësore. Historia është e tillë; për të hapur negociatat dhe për të firmosur marrëveshjen e Stabilizim – Asociimit u deshën 7 vite, më gjatë se asnjë vend tjetër. Kjo nuk ndodhi absolutisht për ndonjë shqiptaro-fobi, përkundrazi, shqiptarët kanë pasur solidaritetin më të madh se çdo vend tjetër. Por kjo ka ndodhur sepse reformat mbeteshin në letër. Ndërsa, nga 12 shtatori 2006 deri në janar 2009, reformat e kësaj periudhe u certifikuan nga të gjitha vendet anëtare, me vlerësimet më pozitive.

Ndaj, falënderoj edhe njëherë të gjithë administratën, agjencitë përkatëse të ngritura për këtë çështje, ata të cilët, në një betejë të vendosur dhe me zero tolerancë, e nxorën Shqipërinë nga kthetrat e krimit të organizuar, çmontuan njëra pas tjetrës, mbi 200 grupe kriminale të krimit të organizuar, rikthyen sigurinë në vend, qetësinë, bënë që Shqipëria të ketë tregues kriminaliteti qartësisht më të ulët se mesatarja e vendeve anëtare të BE-së. Dua të falënderoj me shumë mirënjohje të gjithë ata të cilët, me punën dhe përkushtimin e tyre, shndërruan në një sukses të vërtetë luftën kundër korrupsionit, që bënë që Shqipëria, në vitin 2008, të renditet në 10 vendet për luftën eficente kundër korrupsionit, që bënë që qeveria e këtij vendi të vlerësohet si kampione e kësaj lufte, ndërkohë që trashëgoi korrupsionin si sistem, ndërkohë që mori në qeverisje një vend i cili grupohej në 24 vendet më të korruptuara të planetit dhe vitin që kaloi la pas 95 vende në këtë renditje.

Dua të falënderoj me shumë mirënjohje të gjithë ata punonjës dhe drejtues të agjencive, të cilët vendosën në Shqipëri disiplinën e munguar shqiptare, ndërmorën reformat më të thella për këto vite, në Europë, në fushën fiskale. Ata e shndërruan Shqipërinë në vendin me barrën fiskale më të ulët, por rritën të ardhurat, absolutisht më shumë se çdo vend tjetër, me 22 për qind çdo vit dhe bënë që kjo reformë të vlerësohet si reforma flamur, nga institucionet më serioze ndërkombëtare. Me reformat që ndërmorën, shndërruan Shqipërinë në një nga vendet më tërheqëse, për investimet e huaja dhe bënë që ky vend, në periudhën dhjetor 2008-janar 2009, të firmosë kontrata koncensionare prej 3.5 miliardë euro.

Dua të falënderoj të gjithë ata të cilët në fushat e tyre kanë shënuar ndryshime thelbësore. Shqipëria ka pasur një nga damkat më të zeza në sistemin e burgjeve të saj. Në vitin 2005 ajo po bëhej objekt i sanksioneve më të rënda, për shkak të shkeljes së të gjitha Konventave Ndërkombëtare. Sot, të gjithë ata që lexojnë raportin e fundit të Komitetit të Antitorturës së Këshillit të Europës, konstatojnë se ky komitet, në kontrollet e tij, në transparencë të plotë, paralajmëron një ndryshim të qartë, pothuajse rrënjësor, në sistemin e vuajtjes së dënimit në Shqipëri.

Dua të falënderoj ata të cilët bënë të mundur që arsimi shqiptar të jetë sot tjetër, të kemi një numër studentësh mbi dy herë më të madh se 3 vite më parë, ata që bënë të mundur zbatimin e një politike të rritjes së rrogave dhe të pensioneve, që e nxjerr Shqipërinë jo më pak se 30 për qind, para edhe se disa vendeve anëtare të BE-së.

Dua të falënderoj të gjithë ata që përmes reformave në institucionet e tyre, dëshmuan se Shqipëria ishte një vend i denjë për anëtarësim në NATO dhe kjo është një prerogativë shumë e rëndësishme në rrugën e integrimit të vendit. Dua të falënderoj ata që e ndryshuan Shqipërinë në fushën e mjedisit, bujqësisë, në fushën e turizmit ku, nga 300 mijë vizitorë, vitin e kaluar ky vend ka pranuar 2.7 milionë vizitorë.

Dua të falënderoj diplomacinë shqiptare, të falënderoj Ministrinë e Integrimit, e cila me përkushtim të madh ka ndjekur zbatimin e Marrëveshjes së Stabilizim – Asociimit dhe me kontakt të vazhdueshëm me KE-në, ka paraqitur me vërtetësi arritjet e vendit.

Dua të falënderoj opozitën për reformat që ka votuar në parlament dhe dua ta siguroj atë se ky akt nuk është elektoral, se ky akt është në zbatim të rezolutës që kemi votuar bashkërisht në parlament dhe se ky akt është interesi më i mirë i të gjithë shqiptarëve, pavarësisht nga bindjet e tyre politike. Ky akt është themelor të programin politik të të gjitha forcave politike serioze të vendit.

Në Pragë ne shkojmë me konsensusin më të gjerë. Këtë akt e mirëpresin 96 për qind e qytetarëve shqiptarë”.

* * *

Në përfundim të fjalës së tij, Kryeministri Berisha lexoi para mediave dhe më pas firmosi tekstin e letrës përkatëse që ai i drejton Presidentit të Këshillit të Bashkimit Europian, Shkëlqesisë së tij, z. Mirek Topolanek, ku bëhet i ditur vendimi i qeverisë shqiptare për paraqitjen e kërkesës së Shqipërisë për statusin e vendit kandidat për anëtar në Bashkimin Europian.

“Shkëlqesia Juaj, zoti President!

Në emër të Republikës së Shqipërisë, në vijim të rezolutës së Kuvendit të Shqipërisë për integrimin e Shqipërisë në Bashkimin Europian, të datës 29 janar 2009, mbështetur në aspiratën dhe vullnetin mbizotërues të popullit shqiptar për t’u bërë pjesë e Bashkimit Europian, kemi nderin që, në përputhje me nenin 49 të Traktatit të Bashkimit Europian, të paraqesim aplikimin e Republikës së Shqipërisë për anëtarësim në Bashkimin Europian.

Përfitojmë nga rasti për t’i ripërsëritur Shkëlqesisë Suaj sigurimet e konsideratës sonë më të lartë”

Kryeministria
26/04/2009

[Llapi]

Shqipëria dorëzon sot kërkesën për anëtarësim në Bashkimin Evropian

Kryeministri shqiptar Sali Berisha pritet t’i dorëzojë sot zyrtarisht kryeministrit çek Mirek Topolanek kërkesën e Shqipërisë për të marrë statusin e vendit kandidat për anëtar në BE. Berisha tha se për këtë vendim Qeveria shqiptare kishte marrë mbështetjen e presidencës së radhës, vendeve anëtare dhe KE. Gjatë vizitës së djeshme zyrtare në Tiranë kryeministrit grek Kostas Karamanlis ka shprehur mbështetje për anëtarësimin e Shqipërisë në Bashkimin Evropian.
Kërkesa e Shqipërisë për njohjen e statusit të kandidatit për pranim në BE, do t’i dorëzohet sot Çekisë, si kryesuese e radhës e Bashkimit Evropian, gjatë vizitës së kryeministrit të Shqipërisë, Sali Berisha në Pragë. Më herët kryeministri Berisha, ka thënë se vendimi për këtë ishte bashkërenditur me vendin kryesues dhe me vendet anëtare të BE-së, të cilat , sipas tij, e "mbështetën këtë akt dhe këtë vendim".

Kryeministri Berisha tha me këtë rast se ky hap është një akt me rëndësi përcaktuese në procesin e anëtarësimit të vendit.

“Ky vendim yni nuk vjen si një vendim i njëanshëm, por vjen si një vendim plotësisht i bashkërenduar me vendin që ka kryesinë e radhës së BE-së, vjen si një bashkëpunim me vendet anëtare te BE të cilat mbështesin këtë akt dhe këtë vendim, vjen si një bashkërendim me Komisionin Evropian,” - tha ndër të tjera kryeministri shqiptar.

Kryeministri Berisha falënderoi me këtë rast opozitën shqiptare për kontributin që ajo ka dhënë, duke siguruar se kjo kërkesë nuk është një akt elektoral.


| s.b & RTK staff |
28 prill 2009 - 09:02:13

[Nice_Boy]

Bashkoni temen time me kete tem ju lutem se edhe aty behet fjal per BE-n ..

Këtu


..


Gjermania e rezervuar ndaj kërkesës së Shqipërisë.



Gjermania shprehet e rezervuar ndaj kërkesës së Shqipërisë për kandidat në BE. Zëdhënësi i Ministrisë së Jashtme gjermane, Jens Plotner, tha se Shqipëria ka ende një rrugë shumë të gjatë përpara.

"Kërkesa e parashtruar do të diskutohet fillimisht nga Komisioni dhe anëtarët e BE-së dhe do të trajtohet më tej në instancat përkatëse. Nëse ka ndonjë shans për fillimin e negociatave, atëherë ky do të shqyrtohet me shumë kujdes nga vendet anëtare të BE-së, sidomos pasi është fjala për Shqipërinë", tha Plotner për programin shqip të Deutsche Welles.

Reagimin e parë, Komisioni pritet ta japë mbas zgjedhjeve parlamentare që do të zhvillohen në Shqipëri në fund të qershorit.

Plotner nuk bëri komente për kohën e dorëzimit të aplikimit. Disa kohë më parë, kancelarja gjermane Angela Merkel foli hapur për nevojën e një pushimi pesëvjeçar të procesit të zgjerimit të BE-së"

[dritek7]

ore Berisha nuk pjerdh qa thon Gjermanet a Italianet .. ai do te hyj ne BE ..ose me mir ai ka hyr ne BE qe ne1990 sipas mendjes se tij..pa te guxoj kush ti thot se Shqiperia nuk esht ne EU.

[martini1984]

Bashkoni temen time me kete tem ju lutem se edhe aty behet fjal per BE-n ..

Këtu


..


Gjermania e rezervuar ndaj kërkesës së Shqipërisë.



Gjermania shprehet e rezervuar ndaj kërkesës së Shqipërisë për kandidat në BE. Zëdhënësi i Ministrisë së Jashtme gjermane, Jens Plotner, tha se Shqipëria ka ende një rrugë shumë të gjatë përpara.

"Kërkesa e parashtruar do të diskutohet fillimisht nga Komisioni dhe anëtarët e BE-së dhe do të trajtohet më tej në instancat përkatëse. Nëse ka ndonjë shans për fillimin e negociatave, atëherë ky do të shqyrtohet me shumë kujdes nga vendet anëtare të BE-së, sidomos pasi është fjala për Shqipërinë", tha Plotner për programin shqip të Deutsche Welles.

Reagimin e parë, Komisioni pritet ta japë mbas zgjedhjeve parlamentare që do të zhvillohen në Shqipëri në fund të qershorit.

Plotner nuk bëri komente për kohën e dorëzimit të aplikimit. Disa kohë më parë, kancelarja gjermane Angela Merkel foli hapur për nevojën e një pushimi pesëvjeçar të procesit të zgjerimit të BE-së"

Ju mjaftoi Bullgaria dhe Rumania!
shnet

[Guri i Kuq]

Hap i madh dhe domethënës jo vetëm për Shqipërinë,por për tërë kombin.
Uroj që sa më parë t`a zëmë vendin tonë (që ka mbetur bosh tash e 1700 vjet) në sofren e madhe të Evropës plakë,ku edhe e kemi pasur vendin gjithmonë.
Hap i madh për kombin tonë....për kombin që sipas Natasha Kandiqit,kryetare e Komitetit të Helsinkit në Serbi:"shqiptarët ,aktualisht janë kombi më dinamik në Ballkan".(K.D. Prishtinë,27.4.2009,f.6)
Suksese, në këtë shekull .... të ri,tonin,të shqiptarëve !

[dritek7]

nuk e dija qe EU esht krijuar 1700 vjet me par....

[Llapi]

Prishtina mirëpret aplikimin e Shqipërisë për statusin e kandidatit për anëtarë të BE
“Lajm shumë i mirë për të gjithë rajonin” është cilësuar nga liderët në Prishtinë, aplikimi i Shqipërisë për statusin e vendit kandidat për Bashkimin Evropian. Ndërkohë edhe ekspertët e të Drejtës ndërkombëtare thanë se aplikimi është shtytje edhe për vendet tjera të Ballkanit Perëndimor që të përshpejtojnë reformat e domosdoshme për integrim.
Prishtina ka mirëpritur aplikimin e Shqipërisë për statusin e vendit kandidat për Bashkimin Evropian. Kryeministri Hashim Thaçi tha se ky është lajm i mirë për perspektivën euroatlantike të rajonit.
Brenda këtij muaji Shqipëria u bë anëtare me të drejta të plota e Aleancës Veriatlantike dhe zyrtarizoi kërkesën për integrim të plotë në Bashkimin Evropian. Profesori i së Drejtës ndërkombëtare në Universitetin e Prishtinës, Afrim Hoti tha se këto zhvillime janë hapa që sublimojnë sukseset e Shqipërisë. Sipas tij, aplikimi do të reflektohet edhe në vendet tjera të rajonit që synojnë integrimin në Bashkimin Evropian.
Kosova ndërkohë, edhe në procesin e integrimit në BE, sipas profesor Hotit është rast sui generis. Ajo ende përballet me problemin politik të mosnjohjes nga pesë vende të Unionit. Sidoqoftë, tha Hoti, nuk do të ketë shmangie të Kosovës nga procesi.
Që në vitin 2000 Bashkimi Evropian ka hapur dyert për vendet e Ballkanit Perëndimor dhe ka konfirmuar këtë perspektivë sidomos në Samitin e Selanikut në 2001. Aplikimi është ndër fazat e fundit në procesin e integrimit, por nuk nënkupton domosdoshmërisht edhe anëtarësimin. Komisioni Evropian shqyrton aplikimin dhe pastaj do i kthen një përgjigje vendit që ka aplikuar.


| s.b & RTK staff |
28 prill 2009 - 13:40:47

[Rina_87]

Thjesht po fascinohem cfare hapa gjigand historik eshte duke bo Shqiperia. Bravo! Shpresoj qe sa me shpejt te hyje ne BE.


P.S. gooo gooo Berisha

[tani_26]

Kshu e kemi ne shqiptaret kapim ekstremet, menjehere behemi optimiste zhgenjehemi shpejt e menjehere behemi pesimiste.
Me kembe ne toke djema mos u beni kaq se optimiste sepse kur tu thote Evropa se do duhen nja 10 vjet per tu bere antare ne BE do beheni pesimiste pastaj.

Tjeter gje te paraqesesh nje kerkese per aplikim e tjeter gje te pranohesh ose me sakte te arrish te marresh nje date per pranim.
Mos u gezoni kot, ky ishte nje manovrim i Berishes para zgjedhjeve per te bere optimist elektoratin shqiptar ishte po ky kryeminister demagog qe para pak vitesh kishte thene se ne 2012 do hynim ne BE....
Nejse Shqiperia e ka vendin ne Evrope por Evropa te pranon kur te arrish standartet e jo kur tu doje qejfi politikaneve shqiptare...

[DYDRINAS]

[Apollyon]

Kshu e kemi ne shqiptaret kapim ekstremet, menjehere behemi optimiste zhgenjehemi shpejt e menjehere behemi pesimiste.
Me kembe ne toke djema mos u beni kaq se optimiste sepse kur tu thote Evropa se do duhen nja 10 vjet per tu bere antare ne BE do beheni pesimiste pastaj.

Nuk ka rendesi se kur antarsohemi plotesisht ne BE.. lajmi i mire eshte se mund te levizim lirshem pa patur nevojen qe te marrim viza ne Ambasadat e huaja.

Shum lajm i rendesishem, nje nder lajmet me te mira qe mund ti vijn popullit shqiptar. Levizja lirshem e popullsise, eshte dicka tejet e rendesishme per te gjith ne.

Urime.

[oliinter]

tju vij zor qe shitet shqiperine tek greku. je njesh me zogun qe shiti shqiperine tek italianet. do vij koha kur do te zhdukeni or tradhetar nga shqiperia dhe do bridhni rrugeve si zogu.

ku jan trimat shqiptare

[Nice_Boy]

Edhe 100 vjet Berisha

• Alba Malltezi

Le të gjenden dokumente e superdokumente, dëshmi e superdëshmi, rrëfime e superrëfime, por mënyra më e saktë dhe e qartë e leximit të Shqipërisë së 50 viteve dikakturë është mes nesh: Shqipëria dhe Shqiptarët Sot. Po kalojnë tashmë gati 20 vjet demokraci, pra, po konsumohet gati gjysma e periudhës së Shqipërisë në diktaturë, për të parë se si sillen shqiptarët ndaj njerëzve në pushtet. Kemi prej po kaq vjetësh Berishën lider dhe parashikoj ta kemi për shumë shumë vite të tjera, deri kur, siç është shprehur ai vetë, Zoti ta mendojë se Berisha s’mund të rrijë më në politikë. Berisha dëshiron të rrijë në politikë, e ka ambicien e fortë për këtë, ka dhe vullnetin dhe përkushtimin e duhur. Shqiptarët e ndihmojnë me të tjerat. Askush nuk mund të thotë sot se jemi në dikaturë dhe kush thotë se “nuk mund të shkruhen apo thuhen disa gjëra”, gënjen. Di që shumë ankohen se pasi kanë thënë e shkruar ca gjëra janë kërcënuar me ndonjë të sharë apo heqje të afërmish nga poste publike, por bëhet vetëm më shumë qesharak në mjedisin e përgjithshëm grotesk të rezistencës bashkëkohore shqiptare ndaj diktaturave. Falë zotit kush ikën nga vende publike, shpejt e gjen një vend pune në privat, që është më mirë kur vendos të bësh “opozitarin” e vazhdueshëm me pushtetin, ndërsa kërcënimet nëpër klube e kafene nga pasuesit e Berishës flashken po aq shpejt sa dhe vrulli që marrin për të të kërcënuar. E vërteta e hidhur e realitetit tonë qëndron në një patologji të hershmë e të vonë nga e cila nuk e di se ç’mund të na shpëtojë: Ajo e adhurimit të të fortëve – dhe Berisha është i fortë, - dhe e viktimizimit përballë shantazhit më të lehtë. Nuk e di nëse në gjuhën popullore mund të thuhet mungesë kurajoje. Mjafton të hedhësh një sy në mjedisin politiko-mediatik shqiptar për të kuptuar këtë që them. Opozita që shumica e mediave i bëjnë skandaleve administrative të qeverisjes janë inekzistente: parë në Tv e shumicën e gazetave, çdo gjë shkon për bukuri në Shqipëri. Gati gati të duket koha e propagandës së Enver Hoxhës. Situata më alarmante është në opozitën shqiptare, e cila rrezikon të përfundojë si opozita italiane që me ekzistencën e saj veçse po i zgjat jetën një tjetër lideri si Berluskoni, që mbetet me i kritikuari dhe shembull i rrallë i një konflikti interesi në mbarë botën. Politika etike nuk ka asnjë lidhje me politikën që hesht në emër të një politike dialogu. Politika që hesht përballë skandaleve ekonomike në vend është po aq e përlyer se ata që janë protagonistë të këtyre skandaleve. Sot kryeministri Berisha po bën rolin e pushtetarit dhe të opozitarit, dy kushtet më optimale për ta bërë të qëndrojë në politikë edhe 100 vjet. Të kenë qëlluar gjirokastriti Enver Hoxha dhe tropojani Sali Berisha dy lexuesit më të mirë të inteligjencës sonë kombëtare?

[[Perla]]

"Proçesi nuk mund të ndodhë brenda një nate, Shqipërisë i duhet të bëjë ndryshime të mëdha për të arritur kriteret e anëtarësimit në BE". Kjo është deklarata që ka bërë sot qeveria e Britanisë së Madhe, një ditë pas dorëzimit të kërkesës së Shqipërisë për vend kandidat në BE.

Kjo deklaratë, tregon qartë se sa vështirë e ka vendi ynë për të qenë pjesë e familjes së madhe europiane. Zëdhënësi i Qeverisë britanike në deklaratën e sotme për mediat është shprehur se "edhe pse e ardhmja e Ballkanit Perëndimor është në BE, aplikimi është individual dhe anëtarësimi në bazë të standarteve.

"Ne besojmë se e ardhmja e Ballkanit Perëndimor është në BE. Por ky nuk është një proçes që do të ndodhë brenda natës dhe ndryshime të mëdha duhen bërë ende para se Shqipëria të plotësojë të gjithë kriteret. Çdo anëtarësim gjykohet në merita individuale dhe përballet me kritere të mirëpërcaktuara". Kështu u shpreh zëdhënësi i qeverisë britanike.

Shekulli online

[juanito02]

Cfare do bente Europa me Saline. I tha mos hajde se si ke kushtet akoma.
Shkoi Saliu si budalle ne Europe dhe budalles ja hapen rrugen sic bejne te tere me te marret.
I thane mire bere qe e solle po ne Europe ske pune akoma.
Ja kjo ishte vizita e kryebudalles tone ne ceki.

[[Perla]]

Ky eshte shpirti i fushates zgjedhore , prisni tani kur te ulerije ne mitingje... Shqiperia do futet ne BE, do liberalizojme vizat, ne ne dhe vetem neeeeeeee

[skampin]

asgje nuk shikohet jashte politikes ke ne shqipot dhe aq me pak ne forum.duhen pare interesat kombetare perpara atyre politike.edhe PS eshte e vetetdijshme tashi qe vizat jane pune e mbaruar dhe doli Taulant Balla dhe tha qe neve (ps)garantojme viza qe ne gjashte mujorin e pare te qeverisjes(nqs fitojne)dhe çeshte me e forta Rama tha ne Kukes qe rrugen Durres Kukes Morine do ta mbaroje PS qe i vodhi leket e takses shqiptareve per shume vite me radhe.
mua personalisht me iteresojne lajmet e mira si psh vizat se njerezit u rropen neper ambasada nga ushunjezat qe meren me ate pune dhe mbarimi i vepres me te madhe kombetare si rruga Durres Kukes Morine dhe pak me intereson se po e ben Berisha apo Rama.keshtu dhe puna e BE.
JO ÇDO GJE QE BEN KUNDERSHTARI POLITIK ESHTE E KEQE.