BE pranon kerkesen e Shqiperise, do te hapen negociatat per anetaresim

[Duaje Siveten]

Shekulli, 29/04/2009

Aplikimi në BE, Britania: Shqipëria,larg kritereve

"Proçesi nuk mund të ndodhë brenda një nate, Shqipërisë i duhet të bëjë ndryshime të mëdha për të arritur kriteret e anëtarësimit në BE". Kjo është deklarata që ka bërë sot qeveria e Britanisë së Madhe, një ditë pas dorëzimit të kërkesës së Shqipërisë për vend kandidat në BE.

Kjo deklaratë, tregon qartë se sa vështirë e ka vendi ynë për të qenë pjesë e familjes së madhe europiane. Zëdhënësi i Qeverisë britanike në deklaratën e sotme për mediat është shprehur se "edhe pse e ardhmja e Ballkanit Perëndimor është në BE, aplikimi është individual dhe anëtarësimi në bazë të standarteve.

"Ne besojmë se e ardhmja e Ballkanit Perëndimor është në BE. Por ky nuk është një proçes që do të ndodhë brenda natës dhe ndryshime të mëdha duhen bërë ende para se Shqipëria të plotësojë të gjithë kriteret. Çdo anëtarësim gjykohet në merita individuale dhe përballet me kritere të mirëpërcaktuara". Kështu u shpreh zëdhënësi i qeverisë britanike.

[ajzberg]

Shekulli, 29/04/2009

Aplikimi në BE, Britania: Shqipëria,larg kritereve

"Proçesi nuk mund të ndodhë brenda një nate, Shqipërisë i duhet të bëjë ndryshime të mëdha për të arritur kriteret e anëtarësimit në BE". Kjo është deklarata që ka bërë sot qeveria e Britanisë së Madhe, një ditë pas dorëzimit të kërkesës së Shqipërisë për vend kandidat në BE.

Kjo deklaratë, tregon qartë se sa vështirë e ka vendi ynë për të qenë pjesë e familjes së madhe europiane. Zëdhënësi i Qeverisë britanike në deklaratën e sotme për mediat është shprehur se "edhe pse e ardhmja e Ballkanit Perëndimor është në BE, aplikimi është individual dhe anëtarësimi në bazë të standarteve.

"Ne besojmë se e ardhmja e Ballkanit Perëndimor është në BE. Por ky nuk është një proçes që do të ndodhë brenda natës dhe ndryshime të mëdha duhen bërë ende para se Shqipëria të plotësojë të gjithë kriteret. Çdo anëtarësim gjykohet në merita individuale dhe përballet me kritere të mirëpërcaktuara". Kështu u shpreh zëdhënësi i qeverisë britanike.

Te gjithe e kane te qarte qe procesi nuk mund te ndodhi brenda nje nate,por une ne keto rrjeshta nuk shikoj te shkruhet ''LARG''autori i ketij artikulli duket se ferkon duart me gezim qe Shqiperia duhet te punoje shume..........

[Llapi]

Kryeministri i Republikës së Kosovës, Hashim Thaçi, përgëzon presidentin shqiptar Bamir Topi, me rastin e aplikimit të Shqipërisë për anëtarësim në Bashkim Evropian

Prishtinë, 29 prill 2009


Në mesazh thuhet:


I nderuari president Topi,


Kam nderin dhe privilegjin që në emër të Qeverisë së Republikës së Kosovës t’Ju shpreh urimet më të sinqerta me rastin e aplikimit të Republikës së Shqipërisë në Bashkim Evropian.


Një muaj më parë, Shqipëria, u bë pjesë e organizatës më të fuqishme botërore për siguri dhe paqe, NATO-s, duke rikonfirmuar thellimin e progresit në procesin e arritjes së standardeve të larta demokratike euroatlantike.


Qeveria e Republikës së Kosovës dhe gjithë qytetarët e saj i gëzohen arritjeve të Shqipërisë në kuadër të procesit të rëndësishëm të Integrimit në Bashkimin Evropian.


Ne besojmë se institucionet e Republikës së Shqipërisë do ta luajnë rolin e duhur për të mbështetur dhe afirmuar të arriturat e shtetit të Kosovës, në funksion të përshpejtimit të integrimit të Kosovës në institucionet euroatlantike.


Integrimi i ardhshëm i Shqipërisë në Bashkim Evropian do të jetë edhe një hap i madh i popullit shqiptar dhe një e arritur për gjithë rajonin tonë, duke kontribuar kështu në thellimin e paqes, stabilitetit dhe zhvillimit të qëndrueshëm ekonomik.


Në emër të Qeverisë së Republikës së Kosovës dhe në emrin tim edhe njëherë iu shpreh përgëzimet më të mira.


Hashim Thaçi,
Kryeministër i Republikës së Kosovës
-------------------------------------------------------


Kryeministri i Republikës së Kosovës, Hashim Thaçi, përgëzon homologun e tij, Sali Berisha, me rastin e aplikimit të Shqipërisë për anëtarësim në Bashkim Evropian

Prishtinë, 29 prill 2009


Në mesazh thuhet:

I nderuari kryeministër Berisha,

Kam nderin dhe privilegjin që në emër të Qeverisë së Republikës së Kosovës t’Ju shpreh përgëzimet më të sinqerta me rastin e aplikimit të Republikës së Shqipërisë në Bashkim Evropian.

Anëtarësimi i plotë Shqipërisë në NATO një muaj më parë ishte një e arritur e jashtëzakonshme e popullit shqiptar.

Shqipëria, duke u bërë pjesë e organizatës më të fuqishme botërore për siguri dhe paqe, u bë shembull i mirë i arritjes së standardeve të larta demokratike për shtetet në rajon.

Qeveria e Kosovës dhe gjithë qytetarët e saj i gëzohen arritjeve të Shqipërisë në të gjitha fushat e integrimeve euroatlantike.

Ne besojmë se institucionet e Shqipërisë do ta luajnë rolin e duhur për të ndihmuar dhe afirmuar të arriturat e Kosovës në institucionet ndërkombëtare.

Integrimi i ardhshëm i Shqipërisë në Bashkim Evropian do të jetë edhe një hap i madh i popullit shqiptar dhe një e arritur për të gjitha vendet fqinje.

Paqja, stabiliteti dhe përparimi i përgjithshëm po bëhet pjesë e rajonit tonë.

Në emër të Qeverisë së Kosovës dhe në emrin tim edhe njëherë iu shpreh përgëzimet më të mira.

Hashim Thaçi,
Kryeministër i Republikës së Kosovës

[Nice_Boy]

Sfida e Berishës dhe fiksioni i opozitës

Enver BYTYÇI

Sot Berisha mbërrin në Pragë. Një udhëtim historik, pas udhëtimeve të tij të ditëve të fundit nga Muri i Berlinit deri në Shën Elize. Historia shqiptare udhëtime të tilla i ka shënuar si evenimente të shënuara e të paharruara. Në Pragë kryeministri i Shqipërisë do të paraqesë kërkesën që Shqipëria të pranohet në Bashkimin Europian.

Kundërshtarët opozitarë të tij prej kohësh kanë bërë çmos që kjo ngjarje të shtyhej për një kohë tjetër. Në pragun e marrjes së ftesës për pranimin në NATO, erdhi si "për ters" shpërthimi në Gërdec. Opozita dhe kundërshtarët e qeverisë akuzuan me sa mundën, manipuluan me gjithçka dhe deri diku arritën që ta lënë në hije ftesën për anëtarësim në NATO. Bota demokratike euro-atlantike shpejtoi si asnjëherë tjetër dhe ia hapi rrugën vendit që të pranohej me të drejta të plota në organizatën politiko-ushtarake me të njëjtin emër.

Opozita, përveçse Pandeli Majkos, thanë se ky "nuk ishte sukses i Berishës". Ndërsa në qershor 2007, kur presidenti Bush vizitoi Shqipërinë, kreu i opozitës kishte shpikur "vjedhjen e orës" dhe bota e medias në vend të pritjes madhështore që shqiptarët i kishin bërë presidentit amerikan, kishtë përhapur me shpëjtësi lajmin e rremë për shpikjen (shpifjen) e shekullit made in Edi Rama. Kur para tri ditësh kryeministri Berisha ishte ftuar nga Presidenti i Francës, Nikola Sarkozy, në Paris, opozita kishte shpikur "aferën e mblerjes së helikopterëve", që kushtonin jo më shumë se 15 milion euro. Sesi një president francez "do të korruptohej" me një biznes të vendit të tij në masën e 15 milion eurove, këtë logjikë mund ta arësyetojnë vetëm njerëzit e marrë.

Sali Berisha është vetë sfida. Ai çdo dy ditë do të dëshmojë se sjell diçka të re në politikën shqiptare, se i bën një shërbim madhor shtesë vendit të tij. Këtë herë ai është në Pragë. E ka ftuar vetë kryesuesi i Bashkimit Europian, kryeministri çek, i cili do të pranojë zyrtarisht kërkesën e Shqipërisë për t'u pranuar në Bashkimin Europian. Një ngjarje kjo e jashtëzakonshme për shqiptarët dhe Shqipërinë pas pranimit në fillim të këtij muaji në NATO. Të dorëzosh kërkesën për t'u pranuar në BE nuk është vetëm sfidë protokollare. Eshtë sfidë e shumëfishtë, sfidë e kombëtare e rajonale. Asnjë kryeministër me përgjegjësi ndaj vendit të tij nuk mund të lejonte që Shqipëria ta zinte trenin europian pas Serbisë. Këtë nuk e meritojnë shqiptarët, edhe pse opozita do të ishte e kënaqur, sukur ky tren të vonohej.

Opozita ka provuar ta shijojë këtë kënaqësi të shndërruar njëkohësisht në marrëzi, sa herë që ka porositur artikuj kundër në mediat europiane, për t'i paraqitur si qëndrim europian në opinionin shqiptar, sa herë ka porositur ndonjë deklaratë te ndonjë europian antishqiptar, sa herë ka keqinterpretuar deklaratat e disa europianëve të tjerë, të cilët kanë dhënë këshilla të sinqerta.

Berisha është në Pragë jo si rezultat i ndonjë imponimi që ai i ka bërë BE-së. Ai është atje me dosjen shqiptare të aplikimit për pranim në BE me konsensusin e shteteve europiane, së paku të shumicës dërmuese të tyre. Ai është në Pragë edhe me bekimin e shqpiptarëve, të cilët besojnë sinqerisht në përpjekjet e kryeministrit shqiptar për ta integruar vendin në kontinentin e vjetër, pjesë e të cilit jemi. Nga një anketim i radios Dojçe Vele, në të cilin kanë marrë pjesë rreth 5600 persona, del se rreth 60 për qind e shqiptarëve besojnë se Shqipëria do të marrë statusin e vendit kandidat për t'u pranuar në Bashkimin Europian brenda këtij viti. Kjo do të thotë se tamburet antiaplikim të opozitës së majtë mbeten sajesa, trille të zakonshme, nga ato trille politike që dijnë të bëjne vetëm dështakët në artin e pikturës. Si për çudi, kreu i socialistëve, Edi Rama, ashtu si edhe Hitleri në fillimin e viteve 1930, ka ardhur në politikë si dështak në pikturë. Eshtë një rastësi apo një risi, kjo mbetet ende të qartësohet. Megjithatë në truke, në trille e në prapaskena Edi Rama ka dëshmuar se ka aftësi aq të mëdha se dhe paraardhësi i tij dështak në artin viziv, diktatori gjerman.

[Nice_Boy]

Financial Times: Mirëserdhe Shqipëri!


Zgjerimi drejt lindjes i bllokut evropian është një prej sukseseve të tij më të mëdha dhe ky proces duhet sforcuar duke mbështetur shtetet e brishta në Ballkanin Perëndimor, përfshirë këtu edhe Shqipërinë.

Sipas Financial Times, aplikimi për anëtarësim i Shqipërisë në BE, është njëri dnër sukseset e papërsëritshme që kontinenti evropian ka mundur të bëjë në rrugën e zgjerimit të saj. Zgjerimi drejt lindjes i bllokut evropian është një prej sukseseve të tij më të mëdha dhe ky proces duhet sforcuar duke mbështetur shtetet e brishta në Ballkanin Perëndimor, përfshirë këtu edhe Shqipërinë.

Turqia dhe Kroacia, dy vendet të cilat tashmë kanë hyrë në bisedimet për anëtarësim, kanë hasur në vështirësi.

Në rastin e Turqisë, ekziston një mungesë thelbësore e gatishmërisë politike të Bashkimit Evropian, e cila ka nxitur zhgënjime në Ankara. Në rastin e Kroacisë, problemi kryesor qëndron tek konflikti kufitar që ka me Slloveninë, për çka Lubjana është duke e bllokuar procesin e Zagrebit.

Katër vendet tjera të Ballkanit Perëndimor – Serbia, Bosnja, Maqedonia dhe Kosova – përballen me shumë sfida para se të mund të hyjnë në bisedime për anëtarësim. Serbia duhet të arrestojë fillimisht Ratko Mlladiqin, të akuzuarin për gjenocid; Bosnja duhet të dëshmojë unitet më të madh midis komuniteteve të ndara etnike; Maqedonia duhet ta zgjidhë konfliktin rreth emrit me Greqinë dhe Kosova duhet të fitojë më shumë njohje ndërkombëtare të pavarësisë së saj.

Dhe të gjitha këto vende, përfshirë këtu edhe Shqipërinë, duhet të bëjnë shumë më shumë në luftën kundër krimit dhe korrupsionit. E gjithë kjo nuk do të jetë e lehtë, por do të ishte edhe më e rëndë nëse s’do të ishin projektet për anëtarësim në Bashkimin Evropian.

Dhe, ndërkohë, Bashkimi Evropian duhet të gjenerojë një mbështetje më të fuqishme për zgjerimin në Ballkan. Që prej luftërave jugosllave, Ballkani Perëndimor ka qenë më shumë përgjegjësi e Bashkimit Evropian. Përgatitja e rajonit për anëtarësim është e vetmja rrugë racionale për të siguruar paqen dhe prosperitetin.

[Nice_Boy]

Suedia që merr Presidencën e BE në 6-mujorin e ardhshëm mbështet pa rezerva integrimin e Shqipërisë



Komisioni Europian do të punojë ngushtë me qeverinë shqiptare në mënyrë që Shqipëria ta përfitojë sa më shpejt statusin e vendit kandidat për anëtarësim në Bashkimin Evropian. Presidenti i Komisionit Europian, Hoze Manuel Barroso, gjatë një mëngjesi pune të titulluar "Të jetosh Europën", në të cilin ishte i pranishëm edhe kryeministri shqiptar, Sali Berisha, u shpreh me nota optimiste për ecurinë e Shqipërisë në procesin e integrimit europian. Në këtë mënyrë, kryeministri Berisha ka marrë një garanci të fortë nga Presidenti i Komisionit Europian, Hose Manuel Barroso, i cili i ka shprehur atij dëshirën për të punuar me qeverinë shqiptare, që pranimi i aplikimit të ndodhë sa më parë. "Ne po punojmë shumë mirë me Shqipërinë, është e rëndësishme të bëhet progres. Nuk dua të jap datë, por ne po punojmë në mënyrë konstruktive me Shqipërinë", është shprehur Barroso. Në panelin e drejtuar nga Barroso, u vlerësua gjithashtu se Shqipëria ka bërë progres me reformat dhe u shpreh optimizmi për një përshpejtim të procesit të anëtarësimit të Shqipërisë në BE. Në këtë panel ishte i pranishëm edhe kryeministri i Suedisë, vendi që do të pasojë Presidencën çeke në kryesimin e Bashkimit Evropian, i cili u shpreh i gatshëm për ta ndihmuar Shqipërinë në rrugën e anëtarësimit. "Ne do ta shqyrtojmë shpejt kërkesën e Shqipërisë për vend kandidat në BE dhe mbështesim plotësisht perspektivën evropiane të këtij vendi", u shpreh kreu i qeverisë suedeze në mëngjesin e punës. Në këtë mënyrë, ai ka lënë të kuptohet se edhe pas Presidencës çeke, e cila duhet thënë se ka kontribuar pozitivisht ndaj Shqipërisë gjatë drejtimit të BE-së prej saj, vendi ynë do të vijojë ta ketë të garantuar mbështetjen edhe prej Presidencës së re suedeze, për një anëtarësim sa më të shpejtë të saj në strukturat evropiane. Në këtë mënyrë, kreu i qeverisë mori garancinë e qeverisë suedeze, e cila do të mbajë dhe Presidencën e radhës së BE, se Suedia do të mbështesë fuqimisht Shqipërinë në procesin e saj pas aplikimit për statusin e vendit kandidat për anëtarësim në BE. Kreu i qeverisë suedeze, Ferederik Reinfield, gjatë një takimi të zhvilluar me kryeministrin Berisha, i ka shprehur atij sigurinë se Suedia do të mbështesë perspektivën e zgjerimit të Ballkanit Perëndimor. "Diskutova me kryeministrin Berisha mbi rëndësinë e perspektivës europiane për vendet e Ballkanit Perëndimor. Suedia ka një qëndrim të hapur pro zgjerimit. Ne do të marim aplikimin, do ta shqyrtojmë atë në mënyrën e duhur dhe shpresojmë të shohim një të ardhme me një BE, të zgjeruar", është shprehur Reinfield. Qeveria shqiptare u mbështet fort në këtë vendimmarrje për aplikim nga partnerët ndërkombëtarë, të cilët janë shprehur hapur pro perspektivës sa më të shpejtë europiane për Shqipërinë. Mirek Topolanek, kryeministri i Çekisë, njëkohësisht President i Këshillit Europian, garantoi angazhimin e posaçëm të vendit të tij që faza e shqyrtimit të kërkesës të mbyllet brenda Presidencës suedeze. Takimet me Presidentin e Komisionit Europian dhe kryeministrin e Suedisë, kryetari i qeverisë shqiptare i zhvilloi në Varshavë ku për dy ditë me radhë zhvilloi punimet Kongresi i Jashtëzakonshëm i Partive Popullore Europiane. Barroso kryesonte një prej paneleve të rëndësishme të zhvilluara në kuadër të këtij organizimi politik, atë të titulluar "Të jetosh Europën". Dy ditë më parë, kryetari i qeverisë shqiptare mori pjesë në punimet e panelit të organizuar nga Qendra për Studime Europiane me fokus, potencialet dhe perspektiva ekonomike e sektorit të energjisë. Këtu kryeministri theksoi një ndër objektivat strategjike të qeverisë së tij, shndërrimin e vendit brenda një kohe të shkurtër, në një fuqi të prodhimit të energjisë në rajon.

[Nice_Boy]

Anglia përkrah anëtarësimin e Shqipërisë në BE


Londër-Qeveria e Britanisë së madhe nëpërmjet zëdhënësit të saj bëri të ditur se përkrah aplikimin e Shqipërisë në BE dhe aspiratat e saj në fushën e integrimeve euro-atlantike. Britania e madhe beson se ardhmja e Ballkanit perëndimor është në BE thotë zëdhënësi i qeverisë britanike. Megjithatë, sipas tij ky nuk është një proces që do të ndodhë brenda natës. Shqipëria duhet të bëjë ndryshime të mëdha para se të bëhet anëtare e BE-së tha zëdhënës i qeverisë britanike.

Bota Sot

[Nice_Boy]

Mediat: Brukseli mirëpret aplikimin e Shqipërisë për anëtarësim në BE

Shqipëria aplikoi për statusin e vendit kandidat për anëtarësimin në Bashkimin Europian. Kryeministri Sali Berisha dorëzoi në Pragë kërkesën e Shqipërisë për statusin e vendit kandidat në BE. Ndërkohë, aplikimi i Shqipërisë në Bashkimin Evropian ka tërhequr vëmendjen e medias botërore, një përmbledhje të së cilës e bën Agjencia Telegrafike Shqiptare.

Radioja ''Dojçe Vele”: Shqipëria aplikoi për pranim në BE, pas takimit në Pragë mes kryeministrit çek, Mirek Topolanek, vendi i të cilit kryeson BE-në, dhe kryeministrit shqiptar, Sali Berisha. Shqipëria pason shtetin ballkanik të Malit të Zi, i cili aplikoi në dhjetor dhe mund të ndiqet nga Serbia këtë vit.

Radioja ''BBC'': Shqipëria paraqiti sot zyrtarisht kërkesën për statusin e vendit anëtar të Bashkimit Europian. Kërkesa u paraqit nga kryeministri i Shqipërisë, Sali Berisha në Pragë, për presidentin e Këshillit të Bashkimit Europian, Mirek Topolanek. Berisha theksoi se ''ky hap është një akt me rëndësi përcaktuese në procesin e anëtarësimit të vendit''. Ai falenderoi opozitën shqiptare për kontributin që ka dhënë duke siguruar se kjo kërkesë nuk është një akt elektoral.

Radioja ''Europa e Lirë”: Shqipëria dorëzoi sot kërkesën për aplikim në Bashkimin Evropian, në një ceremoni të zhvilluar në kryeqytetin e Çekisë, në Pragë. Kryeministri i Shqipërisë, Sali Berisha, ia ka dorëzuar këtë kërkesë homologut të tij çek, Mirek Topolanek. Ai rikujtoi se “procesi i zgjerimit të Bashkimit Evropian ka kriteret dhe kushtet e veta specifike”. “Shqipëria ka kaluar nëpër ndryshime të jashtëzakonshme dhe të mahnitshme dhe jam i lumtur që shumica e këtyre ndryshimeve janë bërë nën udhëheqjen e Sali Berishës”, tha Topolanek duke rikujtuar këtu edhe anëtarësimin e Shqipërisë në NATO. Kryeministri Berisha tha se anëtarësimi në Bashkimin Evropian është “projekti më i shkëlqyer për të ardhmen e popullit shqiptar dhe vendit të tij”.

Agjencia italiane e lajmeve ANSA: Shqipëria paraqiti sot në Pragë kërkesën zyrtare për antarësimin në Bashkimin Europian, deklaroi kryeministri çek Mirek Topolanek, vendi i të cilit mban presidencën e radhës së BE-së, gjatë një konference të përbashkët shtypi me homologun e tij shqiptar Sali Berisha në oborrin e selisë së qeverisë çeke në Pragë. Të 27 vendet e Bashkimit Europian kanë ratifikuar Marrëveshjen e Stabilizim-Asocimit e firmosur nga Shqipëria në vitin 2006 si premisë e nevojshme për nisjen e tratativave të pranimit të vendit në familjen e madhe europiane. Shqipëria bashkë me Kroacinë u bënë anëtare të NATO-s në fillim të muajit të kaluar.

Agjencia franceze e lajmeve AFP: "Një punë kolosale e pret Shqipërinë", deklaroi sot kryeministri çek, Mirek Topolanek, vendi i të cilit mban presidencën e radhës së BE-së, pasi kryeministri Sali Berisha paraqiti zyrtarisht në Pragë aplikimin e Shqipërisë për statusin e vendit kandidat në Bashkimin Evropian. Kryeministri shqiptar, Sali Berisha përshëndeti këtë moment historik, duke vlerësuar se ky moment "shënon rikthimin e Shqipërisë në familjen e vendeve evropiane". "Në të njëjtën kohë Shqipëria e sheh këtë hap si një detyrë të rëndësishme", shtoi ai në fund të ceremonisë së organizuar në pallatin qeveritar në Pragë.

Gazeta ''Wall Street Journal': Komisioni Evropian deklaroi sot se mirëpret aplikimin e Shqipërisë për statusin e vendit kandidat në Bashkimin Evropian. Komisioni, ekzekutivi i bllokut 27-anëtarësh, deklaroi se ishte gati për të përgatitur një raport lidhur me gatishmërinë e Shqipërisë për anëtarësim në BE, nëse vendet anëtare do të kërkojnë një gjë të tillë. "Shqipëria ka vazhduar të bëjë progres për sa i përket kryerjes së reformave të rëndësishme politike në kuadër të përgatitjeve për integrimin evropian", vlerësoi Drejtori i Përgjithshëm i Koordinimit dhe Zgjerimit në Komisionin Europian, Michael Leigh përmes një deklarate zyrtare.

Agjencia britanike e lajmeve Reuters: Shqipëria aplikoi sot zyrtarisht për t'u anëtarësuar në Bashkimin Evropian, deklaroi kryeministri çek Mirek Topolanek, vendi i të cilit mban kryesimin e presidencës së radhës së BE-së, pas një takimi me kryeministrin shqiptar, Sali Berisha. Me aplikimin për statusin e vendit kandidat për në familjen evropiane, Shqipëria pason shtetin tjetër ballkanik, Malin e Zi që aplikoi në dhjetor të vitit të kaluar. Shqipërisë mund t'i duhen ende disa vite deri në përmbushjen e aspiratave të saj për anëtarësim të plotë në familjen 27 anëtarëshe evropiane.

[Nice_Boy]

Rehn: Zgjedhjet, prova kritike


Pas aplikimit të Shqipërisë për statusin e vendit kandidat në BE, komisioneri për Zgjerimin Olli Rehn në një intervistë për Top Channel deklaroi se prova e parë kritike dhe e ardhshme janë zgjedhjet parlamentare në fund të qershorit.

Prej këtej varet edhe opinioni i Komisionit mbi gatishmërinë e Shqipërisë për t’u bërë vend kandidat e për të nisur negociatat e anëtarësimit, thotë ai, duke lënë të nënkuptohet se kjo procedurë do të nisë vetëm pasi zgjedhjet e 28 qershorit të kalojnë provën e zjarrit.

[DYDRINAS]

Kryeministri Berisha pret një grup akademikësh shqiptarë nga Kosova, Maqedonia dhe Mali i Zi


Kryeministri Berisha priti sot një grup personalitetesh të botës akademike shqiptare në Kosovë, Maqedoni dhe Mal të Zi.


Akademikët shqiptarë i shprehën Kryeministrit Berisha urimet e përzemërta për arritjet historike që ka bërë Shqipëria në periudhën e qeverisjes së tij, veçanërisht për pranimin e Shqipërisë në NATO dhe aplikimin për statusin e vendit kandidat në BE. Gjithashtu, akademikët shqiptarë i shprehën falënderimet Kryeministrit për ndërtimin e arteries më të madhe që bashkon kombin, rrugës Durrës–Kukës. Akademikët u shprehen se sukseset e arritura nga Shqipëria i përjetojnë të gjithë shqiptarët, kudo që jetojnë dhe ato lartësojnë gjithë kombin.


Kryeministri Berisha vlerësoi se pas pavarësisë së Kosovës, që është kryevepra e shqiptarëve në këtë shekull, pranimi i Shqipërisë në NATO dhe aplikimi për statusin e vendit kandidat në BE do t’i shërbejnë paqes dhe stabilitetit në rajon, si dhe do të përshpejtojnë zhvillimin jo vetëm të vetë Shqipërisë, por edhe të Kosovës dhe territoreve të tjera shqiptare në rajon.

01/05/2009

[YlliRiaN]

Nje hape shume i rendesishem per Shqiperin dhe gjithe Shqiptaret shpresojme qe edhe anetarsimi i plote te ndodhe sa me shpejt

Urime

[Llapi]

Rehn: Zgjedhjet e 28 qershorit janë prova e parë kritike për Shqipërinë

Komisioneri për Zgjerim i Bashkimit Evropian Oli Ren tha se zgjedhjet e 28 qershorit janë prova e parë kritike për Shqipërinë, pas paraqitjes së kërkesës për statusin e vendit kandidat për BE. “Prej tyre do të varet opinioni i Komisionit Evropian” tha Ren, në një intervistë për Top Chanel.
Pas aplikimit te Shqipërisë për statusin e vendit kandidat ne BE, komisioneri për Zgjerimin Oli Rehn deklaron se tani prova e pare kritike dhe e ardhshme janë zgjedhjet parlamentare ne fund te qershorit. Është absolutisht thelbësore qe ato te jene te lira, te ndershme dhe qe te përmbushin standardet ndërkombëtare. Me pas, ne kohen e duhur, Këshilli do t’i kërkoje Komisionit te përgatisë opinionin mbi gatishmërinë e Shqipërisë për t’u bere vend kandidat dhe për te nisur negociatat e anëtarësimit. Për Komisionin, ky proces me vendet e tjera te Ballkanit ka marre te paktën një vit, madje një vit e gjysme për te përgatitur opinionin. Është e vështire te thuhet paraprakisht, pasi ne duam qe te sigurojmë se kemi te bëjmë me produkt te cilësisë se larte, ndaj duhet ta bëjmë mire e siç duhet, ka thënë Komisioneri për Zgjerimin Oli Rehn në një intervistë për Top-Chanel.

[gerrard73]

Ministrat e Jashtem te Bashkimit Europian pranuan zyrtarisht aplikimin e Shqiperise per statusin kandidat.
Ne konferencen kryesore per shtyp ne mbremje, ne perfundim te mbledhjes, Keshilli do t'i kerkoje komisionit te pergatise opinionin mbi gadishmerine e vendit per te fituar statusin kandidat ne BE dhe hapjen e negociatave per antaresim.

Shqiperia aplikoi ne 28 prill 2009. Nga momenti qe Komisioni do te dergoje pyetesorin qindrafaqesh ndaj autoriteteve shqipetare, perllogariten afro 18 muaj deri ne publikimin e opinionit te Komisionit.

Teknikisht komisioni vlereson se i nevojiten 12 muaj, pas marrjes se pergjigjeve nga Tirana zyrtare qe te vleresoje nese Shqiperia eshte ose jo ne gjendje per te kaluar ne fazen tjeter te procesit integrues ne Bashkimin Europian.

/top channel/

[bujaa]

Merit e SALI BERISHES eshte kjo.

[saura]

Kulture eshte, qe ne si popull respektojme besimet e njeri -tjetrit por jemi gjithashtu dhe nje popull qe nuk e kemi pasur shume te thelle besimin .
Preferenca islame ne Shqiperi eshte shume e vogel .
Mendoj qe ka me shume idiot ne Europe qe i bien ziles se shtepise ore e pa ore ,ose te ndalojne ne rruge per imponuar dhe dhuruar tekste fetare .(dhe shumica jane vetem me shkolle fillore :P)
Faleminderit preferoj Niçen i pergjigjem dhe largohem me shpejtesi ....me shohin te habitur , jam e sigurte 100% qe se njohin....:P
Qe jane hipokrite shtetet Europiane jane , ,sepse neper kushtetutat e tyre shkruhet qe te gjithe kane te drejte te praktikojne besimet fetare qe kane deshire....etj etj
U lane jasht ne liberalizimin e vizave Bosnja ,Shqiperia dhe Kosova .
Ne Bosnje dhe ne Kosove Europianet vendosin per çdo gje ,çfare standartesh duan ,per ato qe si kane kryer vete ?!
U lejuan kriminelet te shetisin neper Europe , dhe viktimat te rrine te izoluara ,se keshtu don Europa ...

[gerrard73]

Ministrat e Jashtem te Bashkimit Europian pranuan zyrtarisht aplikimin e Shqiperise per statusin kandidat.

“Sot vendosem t'ia kalojme aplikimin e Shqiperise Komisionit per nje opinion, cfare eshte dicka shume e mire dhe jemi shume te lumtur qe ia arritem te ndermarrim kete hap tani dhe qeveria shqiptare duhet te perqendrohet dhe te beje gjitha perpjekjet e saj per t’iu pergjigjur pyetjeve te komisionit”, ka deklaruar Cecilia Malmstrom, ministre e Jashtme e Suedise, vendi qe kryeson presidencen e BE.

Komisioni parashikohet t'i dergoje autoriteteve shqiptare brenda 2 muajve nje liste me mbi 4 mije pyetje, qe perfshijne situaten politike, ekonomiko-sociale dhe pershtatshmerine me legjislacionin europian.

Ne rastin me te mire, nese Tirana zyrtare pergjigjet sic duhet ne kohe, 12 muaj me pas, Komisioni mund t'i rekomandoje Keshillit statusin kandidat per Shqiperine dhe nisjen e negociatave per anetaresim.

Nese pergjigjet e pales shqiptare konsiderohen te pamjaftueshme, ky proces mund te kerkoje pak me shume kohe, pasi Komisioni do te kerkoje sqarime te metejshme perpara se te perpiloje mendimin e tij mbi Shqiperine.

Shqiperia aplikoi ne prill 2009 dhe megjithese vendimi konsiderohet teknik ne kete faze te procesit, Keshilli i BE vonoi me shume se 6 muaj per t'u shprehur cfare shenon pritjen me te gjate ne Ballkan.

Ne historine e BE-se, kerkesa per anetaresim eshte refuzuar vetem ne nje rast, ne vitin 1987 ndaj Marokut, pasi nuk permbushte kriterin gjeografik per te qene pjese e Bashkimit Europian.

Per Shqiperine, Keshilli rikonfirmoi perspektiven europiane ne konkluzionet perfundimtare, si dhe nenvizoi se procesi i anetaresimit bazohet ne meritat e vendit per te permbushur kriteret e Kopenhagenit dhe zbatimin e duhur te Marreveshjes se Stabilizim-Asociimit.
/top channel/

[REALIST]

Kryetari i PS e ka pritur vendimin historik të Këshillit të Ministrave të BE për të pranuar aplikimin e Shqipërisë si vend kandidat për anëtar të BE me protesta. Ashtu sikurse edhe në prag të vendimeve të tjera madhore të Perëndimit për Shqipërinë, edhe ai i djeshmi e ka gjetur opozitën e Ramës në protesta. Por, qyteti i Fierit i dha shuplakën e radhës protestës absurde të Ramës, për hapjen e kutive. I konsideruar si bastion i majtë, Fieri ka bojkotuar Ramën në protestën e djeshme, megjithë angazhimin e madh që kishte marrë kreu i Bashkisë Fier. Socialistët e Fierit kanë lënë Ramën në shesh vetëm me mercenarët dhe punonjësit e institucioneve që varen nga pushteti lokal. Ajo që binte në sy ishte pjesëmarrja e detyrueshme e punonjësve të Bashkisë Fier, si dhe të disa komunave për rreth që drejtohen nga e majta. Në Fier, kanë hipur njëri pas tjetrit liderët e partive aleate të Ramës që "populli i detyroi të bojkotonin Parlamentin" me anë të votës së lirë. Vetë Rama ka bërë disa takime me të zgjedhurit lokalw nga Partia Socialiste, për të sjellë sa më shumë njerëz në mitingun e 20 nëntorit. Burime pranë PS-së së Fierit pohojnë, se Rama i ka dhënë ultimatum të prerë krerëve lokalw për protestën e 20 nëntorit. "Po nuk sollët njerëz mjaftueshëm më 20 nëntor vihet në pikëpytje rikandidimi i juaj", mësohet t'i ketë thënë Rama të zgjedhurve lokalw të Qarkut Fier. Kjo tendencë u pa dhe gjatë mitingut të djeshëm, ku identifikoheshin kollaj punonjësit e institucioneve që drejtohen nga e majta, pasi ata qëndronin grupe grupe, për t'i rënë në sy kryesocialistit Rama. Gjatë fjalës së deputetëve socialistë, disa njerëz të kthyer me fytyrë nga protestuesit i udhëzonin ata të duartrokisnin. Ky efekt mediatik bëhet nga regjia e PS-së për të krijuar atmosferën e një tubimi të madh. Megjithë imazhet mediatike të rregulluara, sërisht qytetarët e kanë braktisur Ramën në kauzën e tij absurde. Shumica e socialistëve e cilësojnë bojkotin të paargumentuar dhe pretendimet e Ramës për parregullsi në zgjedhje si të pabaza. Qytetarët e Fierit dhe mbarë Shqipërisë janë dëshmitarë për mënyrën perfekte se si u zhvillua procesi zgjedhor, duke mos shënuar asnjë incident apo parregullsi. Ky qëndrim i tyre u rikonfirmua më vonë nga raportet e vëzhguesve vendorë dhe ndërkombëtarë, të cilët i vlerësuan zgjedhjet në përputhje me standardet ndërkombëtare.
r.d.

[Brari]

e rren mendja Rd -ne ose e ben si i mjeri gomar qe tha.. bane zot anderr..
nuku vuan edvin ruc gjinushi per mercenare.. kan aq shume sa .. mize lisi e bejne sheshin e fierit e me sa duken bathet dhe tiranen..

prandaj ben mire rd -ja ti dale para ksaj situate.. pra ti zgjoje nga gjumi demokratet e njerzit qe nuku duan kasaphana qe te mos i gjej ne gjume falanga enveroiste edviniste.. qe kane mprehur hanxharet..

deri dhe vrasjen e xhindit po e perdor mjeshtri gebels-ed rama..
edhe bufi e di qe zyrat e drejtesise gjykatave e prokurorise jane plot e perplot me edvinoruciste.. dhe se askush me mire se celulat ed-ruciste nuk e di ceshtjen xhindi.. dhe se po te duan ata brenda gjys ore e kapin vrasesin e xhindit.. mirpo.. hm..

uroj qe tirana me 20 nentorin e frikshem te mos dale rrugve.. kur them tirana.. ata qe nuku jan kelisheri e ish regjimit enveristo dhe e mafies ed ruco dade lesko gjinushoiste..

---

ja cthote ballkani i gsh-se se edvin mallteze karlo njuz44-bollinos..



Protesta në Fier, Rama: Në 20 nëntor të pushojmë nga puna Berishën



FIER-Ndërsa renditi një sërë arsyesh për të kërkuar hapjen e kutive të votimit, kryesocialisti Edi Rama ftoi qytetarët ti bashkohen protestës së madhe të 20 nëntorit në kryeqytet, për të cuar deri në fund një të drejtë, që sic tha Rama, nuk mund ta mohojë askush.
Nga Fieri, kreu i opozitës theksoi se në 20 nëntor është koha për ti thënë kryeministrit Berisha se është mbushur kupa.

“Beteja për të nxjerrë të drejtën e votës sonë nga kutitë e mbyllura është betejë për të nxjerrë vendin nga zgjedhjet e deformuara. Në 20 nëntor në Tiranë për ti treguar të gjithëve se si mbrohet liria e votës nga një pushtet që po vjedh përditë të ardhmen e vendit dhe të ardhmen e fëmijëve tanë. Duke mbajtur peng kutitë e votimit, Berisha po afron vetëlargimin e tij” u shpreh Rama përpara qytetarëve të pranishëm në protestën e Fierit.

Kreu socialist përmendi vrasjen e deputetit socialist Fatmir Xhindi, duke nënvizuar se pas 6 muajsh besim tek drejtësia për zbardhjen e ngjarjes, tashmë socialistët nuk falin nëse sic tha Rama, drejtësia nuk bën drejtësi.
“Në atë kohë ne respektuam kujtimin e mikut tonë duke i kërkuar drejtësisë të thotë fjalën e vet ,pa dashur që atë humbje e atë vrasje barbare ta linim si një ngjarje politike. Por kane kaluar 6 muaj dhe ne sot nuk kemi marrë asnjë përgjigje. Në këtë moment Berisha dhe ata që ndjekin këtë protestë të dëgjojnë për një minutë zërin e heshtjes suaj në nderim të Fatmirit dhe në shprehje të së vërtetës së madhe se jo vetëm nuk harrojmë por në qoftë se drejtësia nuk bën drejtësi ne nuk falim” tha kryesocialisti.

Rama theksoi bindjen e socialistëve për të mos u futur në parlament duke nënvizuar se bojkoti është e vetmja zgjidhje për mbrojtjen e demokracisë.
“Lëvizja jonë e protestave nuk ka lindur nga dëshira jonë për të lëvizur qytet më qytet, kjo lëvizje është një zgjedhje e detyruar patriotike nga gjëndja e rëndë e demokracisë në vend. Bojkoti është vetmja rrugë që kemi sot për të mbrojtur demokracinë” u shpreh kreu socialist.

Rama foli edhe për pamjet e shembjes në tunelin e Thirrës të transmetuara sot ekskluzivisht nga Neës24, duke theksuar se Kryeministri Berisha duhet të përgjigjet në prokurori për këtë cështje, ndërsa e konsideroi shembjen pasojë të babëzisë për pushtet.
“Si mund të shembet tuneli që lidh dy pjesë të një ëndrre që ka vazhduar në pafundësi, Tuneli nuk u shemb për arsye natyrore apo teknike por për arsye të babëzisë për pushtet” theksoi Rama.

Hapja e kutive, nis protesta e opozitës në Fier
Pas protestave në qarqe të ndryshme të vendit, ku më e fundit ishte ajo e qytetit të Vlorës ka nisur protesta e radhës e Partisë Socialiste në qytetin e Ferit për të kërkuar sërish hapjen e kutive të votimit të zgjedhjeve të 28 qershorit.
PS e mbështetur edhe nga aleatët e saj dhe avokat Ngjela janë ndalur në stacionin e fundit përpara protestës së madhe që pritet të organizohet në kryeqytet të premten e ardhshme.

Burimet nga PS-ja bëjnë të ditur se oratorët edhe në këtë protestë do të shpalosin të njëjtat kërkesa drejtuar qeverisë së kryesuar nga Sali Berisha, por nuk do të mungojë edhe kërkesa për largimin e tij.
Në 20 nëntor socialistët mendojnë të protestojnë non-stop në Tiranë, në sheshin “Skënderbej”, por edhe para Kryeministrisë dhe rreth saj. Burimet pranë kësaj partie bëjnë të ditur se po merren masa për blerjen e çadrave, të cilat do të ngrihen ose në sheshin para Piramidës, pranë Kryeministrisë, ose në qendër të sheshit “Skënderbej”, për t’u dhënë mundësinë protestuesve që të qëndrojnë me orë të zgjatura në protestë.
Organizatorët e protestës së 20 nëntorit parashikojnë që ky të jetë një reagim qytetar i përmasave të mëdha dhe që mund të zgjasë edhe me ditë të tëra.
(e.n/BalkanWeb)

[SERAFIM DILO]

Sa protestojne dhe keta fetaret..asnje nuk ju ka thene se as Salizmi e as Socializmi nuk jane fe te njohura zyrtarisht....edhe se jane te barabarta o te njejta.

[skampin]

Brari rri pa merak se 97 tjeter nuk ka me se populli e provoi nje here çdo te thote shtet pa polici dhe pa ligj.
Ky Rama do e rrezoje nga pushteti Berishen sa rrezoi Berisha Nanon me mos hyrjen ne parlament mbas 97,beri gam gam Berisha dhe asnje sja vari ne ate kohe dhe e njejta gje do ndodhi edhe me kete Edushken e gjate. pati apo s´pati vjedhje votash vajti ajo pune tashi.keta majtistet thjeshte i bejne keq popullit te thjeshte me mos hyrjen ne kuvend dhe asgje me shume.ne vend qe ti hyne punes per vizat futjen ne BE dhe ketyre dhuratave qe iu behen fqinjeve rrine dhe bejne gam gam kot.
rezultati zgjedhjeve u firmos dhe vulos nga kqz e mire apo e keqe kjo dhe u njoften nga BE dhe SHBA.