Interneti nga Albtelekom - Sherbimi, cilesia etj..

[Njuton]

Sic mund te vini re ne likun e meposhtem
http://www.akep.al/images/stories/AKEP/publikime/te-ndryshme/1888_004_28122016.pdf
AKEP -i ka publikuar kete dhe dokumenta te tjere te futjes se njerezve ne pune pa date.
Sic duket agjensia qeveritate qe monitoron ofruesit e internetit dhe sherbimeve te tjera po ben ndikim negativ edhe ne cilesine e internetit.

[{A_N_G_E_L_69}]

Une personalisht jam shume i knaqur me sherbimin e AlbTelekom. Pervecse korrektesise ne sherbim dhe cilesi, kjo kompani na nderoi me ofertat qe na jep. Pese dite kam qe bera kontrate dyvjecare me AlbTelekom, duke paguar 1890 leke ne muaj, perfshihet internet 8mp/s, telefoni fix, dhe stacionet full te Digitalbit paketa familjare. Kjo ishte me 30% ulje. Pra nga 2700 mi leke qe ishte paguaj 1890. Nderkoh qe shume kompani te tjera ne treg ofrojne sherbim me te dobet dhe me te shtrenjte se AlbTelekom.


Shume interesante tema e hapu


Password si ndrrohet Njuton ma shpjego pak te lutem nese mundesh.

[Njuton]

Une personalisht jam shume i knaqur me sherbimin e AlbTelekom. Pervecse korrektesise ne sherbim dhe cilesi, kjo kompani na nderoi me ofertat qe na jep. Pese dite kam qe bera kontrate dyvjecare me AlbTelekom, duke paguar 1890 leke ne muaj, perfshihet internet 8mp/s, telefoni fix, dhe stacionet full te Digitalbit paketa familjare. Kjo ishte me 30% ulje. Pra nga 2700 mi leke qe ishte paguaj 1890. Nderkoh qe shume kompani te tjera ne treg ofrojne sherbim me te dobet dhe me te shtrenjte se AlbTelekom.


Shume interesante tema e hapu


Password si ndrrohet Njuton ma shpjego pak te lutem nese mundesh.

te falenderoj A_N_G_E_L_69 për vëmendjen e treguar ndaj temës së shërbimit Internet nga Albtelecom Sh.a
Para përgjigjes së pyetje suaj po shënoj mundësitë e komunikimit me shërbimin e klientit të Albtelecom

1. 123 nga numrat fiks te Albtelecom
2. 042200123 nga firmat e tjera telefonike dhe celulare
3. 0672012300 nga firmat e tjera telefonike dhe celulare
4. 0672000123 nga Viber dhe WhatsApp
5. facebook.com/albtelecom.al
6. social@albtelecom.al

Së dyti, nëse e keni fjalën për password-in e rrjetit wireless të modemit, vepron si vijon:

1. nga një kompjuter ose celular smartphone hap browser-in dhe shkon tek faqja e konfigurimit të modemit 192.168.1.1
2. shkruan username/password të modemit psh. admin/admin, ose root/@Hua1234, ose admin/Albtelecom12345678
3. Klik tek menuja Wireless
4. Klik tek Wireless Security
5. Tek WPA-PSK/WPA2-PSK, në fushën Password shënon password-in e ri të rrjetit wireless.
6. Për të ruajtur ndryshimet klik tek Save

Së treti, sa i përket korrektësisë në cilësi dhe shërbim.
Shërbimi i klientit ndahet në dy pjesë:

1. Shërbimi i klientit përmes Callcenter-it dhe rrjetit të dyqaneve me logon Albtelecom ose Eaglemobile
2. Shërbimi i mirembajtjes së rrjetik kabllor, të cilët paraqiten edhe tek shtëpia e abonentit për të bërë lidhjen e kabllit dhe konfigurimin e modemit.

Shërbimi i pikës së dytë kryhet nga kontraktori i quajtur Makhes Albania me drejtues z. Rrezart Muja. Sa i përket drejtimit të kësaj firme për informacion mund të kërkosh ne google termat Kleves Muja dhe Rrezart Muja. Mund të kuptosh që firmën e kanë në dorë njerëz të partisë Socialiste.

[Njuton]

http://online.pubhtml5.com/bidc/utol/#p=12

Yjet e suksesit, motivim për të ofruar fjalën e fundit të teknologjisë.

Infrastrktura e rrjetit IPv6 të ALBtelecom është pranuar dhe çertifikuar nga Qendra e Koordinimit të Rrjetit RIPE për Evropën, Lindjen e Mesme dhe pjesë të Azisë Qendrore, si një infrastrukturë që i plotëson të gjitha kushtet për të ofruar shërbim me standardet e duhura. Bazuar në performancën dhe aftësitë e shfaqura gjatë bashkëpunimit me këtë Autoritet, kompania ALBtelecom është çertifiruar me yjet IPv6 në tre kategori: IPv6 Security, IPv6 Addressing, dhe IPv6 Essentials.
Ata janë yje plotësisht të merituar. Shqipëria, përmes kompanisë ALBtelecom, renditet si një ndër vendet që mundëson shërbime IPv6 me lidhje ndërkombëtare interneti afërsisht 100 Gbps, duke u bërë pjesë e listës së shteteve që plotësojnë kushtet e shërbimit të intenetit përmes protokollit IPv6. Ky është një përmirësim i vazhdueshëm dhe proces optimizimi në teknologjinë e avancuar që ALBtelecom i ofron tregut shqiptar, duke i mundësuar atij kapacitete pa limit, akses dhe siguri të plotë në internet, duke u fokusuar plotësisht tek abonentët, për t'i ofruar shërbimet më të mira
IPv6 është skema e re e adresimit të pajisjeve të rrjetit apo të përdoruesve që është projektuar për të gjithë ofruesit e shërbimeve të internetit nëpër botë. Duke shfrytëzuar këtë skemë për të cilën kompania ALBtelecom është çertifikuar dhe ka marrë yjet përkatës IPv6, çdo përdorues interneti dhe çdo pajisje në Shqipëri mund të aksesojë dhe mund të aksesohet në të gjithë botën, pa limit në sasinë e pajisjeve të duhet të lidhen në internet.
Në ditët e sotme, në kohën e interetit, kjo teknologji e fjalës së fundit do t'ju mundësojë të automatizoni pajisjet tuaja personale ose shtëpiake, proceset e punës në distancë etj., pa kufizim në vendndodhje, apo numër pajisjesh për çdo përdorues.

Shënim i postuesit: me termin "pa limit" autori kupton capacitetin e madh të transmetimit si dhe mos përdorimin e teknikës kufizuese të quajtur PNAT(port network address traslation) në routera/gateway.

[Njuton]

Faqja ndihmoveten.blogspot.al

[Njuton]

3- Te pakten dy firma, njera me kompetence nenshkrimi te nivelit te pare, tjetra me kompetence nenshkrimi te nivelit te dyte, me qellim qe brenda kufijve te Republikes se Shqiperise te ndjeke biznesin tone ne te gjitha zyrat dhe institucionet zyrtare dhe private, institucionet dhe organizatat publike, autoritetet ushtarake, bashki, per te marre dhe per te dhene dokumenta, per te depozituar garancite e perkohshme dhe perfundimtare, si dhe per t'i terhequr ato, per te pare vendet e puneve qe i nenshtrohen tenderit, per te marre dokumentat e shikimit te vendit, per te bere kontrata me palen tjeter per ato qe mbeten ne tenderat tane, per kundershtim, kur e kerkon puna, per ta marre mbrapsht, per te bere transaksione sigurimi dhe per t'i kerkuar te tjereve te bejne transaksione sigurimi, per te percaktuar stafin teknik qe do te marre persiper pergjegjesine shkencore, per ta ndryshuar ate, per te marre pjese ne pranimin e perkohshem dhe perfundimtar me dorezimin e punes dhe te vendit, per te nenshkruar procesverbalet qe do te mbahen, per te kundershtuar,6- Me dy firma te cilitdo nivel per pranimin dhe miratimin e pagesave progresive (progressive payments)'. 7-Me nje firme te cilitdo nivel per te gjitha deklaratat, njoftimet, borderote dhe shkresat qe do t'i jepen institucioneve zyrtare,. 8-Me nje firme te vetme te nivelit te pare ose te dyte per te lidhur firmen tone me shkresa, fatura, dekont dhe dokumente te ngjashme qe nuk permbajne borxhe dhe obligime. PERSONAT KOMPETENTE PER FIRMEN E NIVELIT TE PARE : Rrezart MUJA, MEHMET GURKAN. PERSONAT KOMPETENTE PER FIRMEN E NIVELIT TE DYTE: Florjan GUZA. PERSONAT KOMPETENTE PER FIRMEN E NIVELIT TE TRETE Durim XHAJA, Ervin GJONI, Artan ROKO, Xhemil DALIPI, Dorian KURETA, Laidi DEMA, Andi KALLACEJ, Armand KURTI, Altin REXHEPI, Arjan HOXHA, Ervis CIKU. Jane te nevojshme dhe te mjaftueshme per t'u hedhur nen vulen e firmes: 2- Dy firma me kompetence te nivelit te pare per te ngritur padi prane cdo lloj gjykate per firmen tone, per te perfaqesuar firmen per ceshtjet e hapura ne gjykate, per blerjen, shitjen e pasurive te paluajtshme, hipotekat ne pasuri te paluajtshme dhe letrat me vlere, per pengun dhe te drejta te tjera te ngjashme, marrjen dhe grumbullimin, kerkesen per kredi, sigurimin e kredise, huamarrjen, obligacionet dhe letrat me vlere te borxhit; garanci dhe kontrogaranci, arbitrazh, zgjidhje dhe dokumente e mospasjes se borxhit, prokura publike per te gjitha blerjet dhe shitjet e bera me cdo lloj institucioni zyrtar dhe person privat ose institucione private dhe marreveshjet kolektive te punes si dhe cdo lloj dokumentacioni qe permban obligim dhe cdo lloj borxhi. Jane te nevojshme dhe te mjaftueshme per tu hedhur nen vulen e firmes: Dy firma, ku njera te jete firme e nivelit te pare, tjetra te pakten firme e nivelit te dyte, per te bere terheqjen e parave nga Bankat brenda kufijve te Republikes se Shqiperise, per te kryer veprimet EFT dhe veprimet e transfertave, vleresimin e çeqeve, per te marre kredi dhe per te terhequr overdraft deri ne vleren 100 000 (njeqind mije) Euro ne emer te fimes nga bankat e nivelit te dyte, per te ushtruar kompetencen per te thyer çeqet deri ne shumen 100 000 (njeqind mije) Euro te dhena ne emer te Makhes Albania nga Albtelekom Sha, Drejtori i Makhes Albania Rrezart MUJA, me dy firma, ku njera te jete firme e nivelit te pare, tjetra te pakten firme e nivelit te dyte, per te nxjerre Karte Krediti ne shumen 10 000 Euro nga Dega Laprake e Bankes Tregtare Kombetare (BKT). per te bere korrespondence, per te njoftuar dhe per te hetuar per shqetesimin, per t'u pergjigjur, per te zbatuar te gjitha llojet e te drejtave lidhur me punen e ngarkuar te ndermarre prej njoftimeve, informimeve, drejtuesve punedhenes, per t'i bere te tjeret te zbatojne keto te drejta, per te hartuar dhe per te nenshkruar dokumentacionin, per te pergatitur ose per te kujtuar te tjeret te pergatisin raportet per perfitimin e ketyre te drejtave, per te marre ne dorezim materialet qe do te jepen nga administrata punedhenese ne lidhje me kete pune, per te kthyer materialet, per te pare perputhshmerine e materialit, per te dhene letra garancie te perkohshme dhe te formes se prere, per ta kthyer, per ta ndryshuar; per te perfaqesuar firmen tone para administrates se punedhenesit, per te ndjekur te gjitha punet tona para te gjithe autoriteteve dhe insitucioneve zyrtare apo private brenda territorit te Republikes se Shqiperise, si dhe te gjitha institucioneve dhe organizatave si Institucioni i Sigurimeve Shoqerore, Drejtoria Rajonale e Punes, per te marre me qira pasuri te patundshme, makinerite e punes, automjete dhe asete fikse, per te hartuar dhe per te firmosur dokumentac onin e nevojshem.

[Njuton]

Përshëndetje!
Në faqen zyrtare të firmës Albtelecom Sh.a. thuhet se me 700 Lekë në muaj ke internet 1Mbps.
Me telefonin e shtëpisë përfito çdo muaj:

60 minuta ndërkombëtare, FALAS
Telefonata drejt ALBtelecom Fiks & ALBtelecom Mobile nga ora 20:00-08:00, FALAS
Internet ADSL me shpejtësi 1 Mbps, FALAS
Instalim të shërbimit internet, FALAS

A e ka provuar ndokush këtë shërbim?

[Njuton]

pas kalimit të përdouesve celularë nga rrjeti Albtelecom Mobile (eaglemobile) në rrjetin One.al (amc), si ka shkuar shpejtësia e internetit?

[Njuton]

https://telegraf.al/aktualitet/kompa...-me-cez-cek-2/

Kompania hungareze që po “befason”. A ka ngjashmëri me “CEZ“ çek?
Nga Gazeta Telegraf -20 Prill, 2023102

Njihuni me firmën e “uritur” për blerje në të gjithë tregjet e Evropës Lindore. Nënshkrimi një marrëveshje për të blerë 100% të kompanisë së telekomunikacionit Digi në Hungari, për 625 milionë Euro dhe, blerjet “falas” të dy kompanive në Shqipëri.
Sigal


Një vështrim mbi “ofensivën” e një kompanie në tregun shqiptar dhe atë europian. Si, vetëm pak më parë, Ministria e Komunikimit e Izraelit dhe Autoriteti i Konkurrencës në Shqipëri, shtyn autorizimin për aprovimin e marrëveshjeve të blerjes së kompanive të telekomunikacionit në të dy vendet. Izraeli nuk ka nënshkruar ende marrëveshjen për shkak të shqetësimeve nga Shin Bet (Agjencia e Sigurisë e Izraelit). Dhe pse Shqipëria e miratoi më pas këtë marrëveshje!

A është e lidhur kompania “4iG” me kryeministrin e Hungarisë Victor Urban?

Si kompania, që kërkon të jetë lider i telekomunikacionit në Ballkanin Perëndimor, i siguron kapitalet e veta?

Kompania e listuar e IT 4iG mblodhi 291.4 miliardë HUF (770 milinë Euro) në të ardhura nga letra me vlerë të emetuar në kuadrin e Skemës së Financimit të Bonove për Rritjen (BGS) të Bankës Kombëtare të Hungarisë. Nënshkrimi një marrëveshje për të blerë 100% të kompanisë së telekomunikacionit Digi në Hungari, për 625 milionë Euro dhe, blerjet “falas” të dy kompanive në Shqipëri.

“Pas firmës nga Komisioni i Konkurrencës 4iG merr kështu kontrollin 2 ndër 3 operatorët e telefonisë lëvizëse ALBtelecom dhe ONE, që operojnë në vendin tonë, duke e përqëndruar edhe më shumë tregun.”

Ja si kompania hungareze “befason”! A ka ngjashmëri me “CEZ“ çek?
Shtyhet shqyrtimi.

Autoriteti i Konkurrencës në Shqipëri kishte njoftuar se shtynte, për një periudhë të pacaktuar, marrjen në shqyrtim për autorizim të marrëveshjes së blerjes të kompanisë së telefonisë “One” nga hungarezët e 4iG. Dokumenti i shitblerjes së aksioneve në masën 100% është protokolluar që më datë 20 janar të vitit 2022.

Sipas njoftimeve të media-s, kujtojmë se kompania hungareze 4iG nuk ka arritur marrëveshje vetëm me “ONE” për blerjen e aksioneve, por edhe me “Albtelecom”, transaksion, i cili gjithashtu ka nevojë për autorizim nga Autoriteti i Konkurrencës. Marrëveshja me “Albtelecom” i referohet rreth 80% të aksioneve dhe dokumenti i transaksionit është depozituar pranë autoritetit që më datë 22 dhjetor të një viti më parë.

Pranë Autoritetit të Konkurrencës është protokolluar shkresa nr.542 prot., i AK, datë 22.12.2021, “Konfirmim i depozitimit të dokumenteve”, ku AK është njoftuar mbi shitjen e 80.27% të kapitalit aksionar të shoqërisë Albtelecom SHA tek shoqëria 4iG Nyilvanosan Mukodo Reszvenytarsasag.

Me autorizimin e këtyre dy operacioneve 4iG merr kështu kontrollin 2 ndër 3 operatorët e telefonisë lëvizëse, që operojnë në vendin tonë, duke e përqëndruar edhe më shumë tregun.

Por në 8 mars 2022 Komisioni i Konkurrencës, bazuar në legjislacionin për konkurrencën në fuqi, ka autorizuar me Vendimin nr. 869, datë 08.03.2022, përqendrimin e realizuar nëpërmjet përfitimit të kontrollit të shoqërisë Albania Telecom Invest AD nga shoqëria 4iG Nyilvanosan Mukodo Reszvenytarsasag.

Kjo do të thotë se Shoqëria 4iG Nyrt ka hyrë në tregun e komunikimeve elektronike në Shqipëri, pas mbylljes së marrëveshjes për përftimin e kontrollit nëpërmjet blerjes së 80.27% të aksioneve të shoqërisë Albtelecom SHA, dhe nëpërmjet këtij transaksioni, shoqëria 4iG Nyrt ka marrë kontrollin e një konkurrenti tjetër në këtë treg (One Telecommunications SHA).

“Kompanitë ONE dhe ALBtelecom janë ligjërisht një kompani e vetme. Edhe pse kompania siguroi se abonentët nuk e ndjejnë aspak këtë ndryshim, ndërsa abonentët e ONE, do kenw akses në infrastrukturën më të mirë të fibrës dhe në shërbimet IPTV, në dyqanet e ONE Albania ka vetëm njerëz që ankohen!”

Cila është kompania “4iG”-Blerjet?
Historia fillon herët. Në vitin 2016 operatori satelitor izraelit Spacecom ishte në diskutime me një kompani me bazë në Kinë mbi perspektivat e blerjes së Spacecom nga Kina. “Spacecom” operon flotën e satelitëve “Amos”. Ishte kompania “Beijing Xinëei Technology Group”, që ofroi për 285 milionë dollarë për këtë blerje. Por kjo nuk u realizua ndonjëherë!

Në 25 janar 2022, u njoftua se Ministria e Komunikimit e Izraelit po vonon – dhe mund të ndalojë – shitjen e biznesit satelitor të Spacecom të Izraelit. Këtë herë në rradhë ishte në proces të shitjes, jo tek kinezët, por te një kompani hungareze, 4iG.

Raportet lokale në Izrael thonë se ministria e komunikimit ka refuzuar të nënshkruajë marrëveshjen për shkak të shqetësimeve në lidhje me lidhjet që 4iG pretendohet të ketë me kryeministrin e Hungarisë Viktor Orban. Pretendimet nuk jane vërtetuar, ose të paktën nuk janë bërë të njohura për shtypin. Shqetësimet thuhet se mbahen nga agjencia e fuqishme e sigurisë Shin Bet e Izraelit.

Ministri i Komunikimit i Izraelit, Yoaz Hendel, që u tha mediave, duke folur në një conferencë se: “Ministria e komunikimit po shmang shitjen e kompanisë izraelite “Spacecom” tek kompania hungareze “4iG”, për shkak të shqetësimeve se kryeministri hungarez Viktor Orban është i lidhur ngushtë me kompaninë.

Pra Izraeli, deri më tani, ka refuzuar të autorizojë shitjen e “Spacecom”, e cila operon satelitët e komunikimit izraelit, për shkak të shqetësimeve të sigurisë, për shkak të shqetësimeve nga Shin Bet (Agjencia e Sigurisë së Izraelit) në lidhje me një palë të huaj, që kontrollon satelitët e komunikimit “Amos”, të cilat i përdor gjithashtu struktura izraelite e sigurisë. Media-t ndërkombëtare raportuan një shqetësim tjetër, duke thënë se aksionerët kryesorë në “4iG” kanë lidhje të ngushta me Orban” dhe se “këto lidhje janë gjithashtu shqetësuese për SHBA-në”,- thanë burimet, sepse “Uashingtoni është shprehur kundër lëvizjeve të kryeministrit hungarez për të kufizuar lirinë e fjalës dhe nuk dëshiron që ai të ketë ndonjë kontroll mbi një kanal komunikimi strategjik, siç janë satelitët “Amos”.

Sidoqoftë, licenca e Spacecom nuk e përjashton shitjen e saj te aksionarët e huaj.

Sakaq, një zyrtar hungarez mohoi se qeveria kishte ndonjë lidhje me shitjen, duke thënë se Budapesti e “sheh atë thjesht si një marrëveshje biznesi dhe nuk është një palë e interesuar në të”. Marrëveshja Spacecom-4iG u njoftua në qershor 2021. Por “Spacecom” nuk ka pranuar as aktorë të tjerë për shitjen e saj. Kompania “Hutchison” mori një rrugë të ngjashme vitin e kaluar me “Cellcom”, kompania e dytë më e madhe e telekomit në Izrael. “Hutchison”, një kompani me bazë në Hong Kong, shpresonte të blinte shumicën e aksioneve. Nuk u refuzua zyrtarisht oferta, por Izraeli kurrë nuk e autorizoi atë, në dritën e shqetësimeve të sigurisë dhe presionit të SHBA. “Hutchison” përfundimisht tërhoqi ofertën dhe një grup izraelit bleu kontrollin e “Cellcom”.

Sakaq, sipas njoftimeve zyrtare, “Spacecom” vlerësohet të jetë një shitje e vështirë. Dy klientët e saj më të mëdhenj janë qeveria e Izraelit, e cila përbënte një të tretën e të ardhurave të saj në vitin 2020 dhe “Yes”, kompania e televizionit satelitor, e cila përfaqësonte një të katërtën e të ardhurave të saj po atë vit.

”Yes” po kalon në transmetimin përmes internetit deri në vitin 2026 dhe “Israel Aerospace Industries” po ndërton një satelit që qeveria ta përdorë.

“Blerja e operatorëve në Shqipëri e Malin e Zi dhe veçanërisht blerja e Vodafone Hungarisë, e bën grupin 4iG një lojtar kryesor në tregjet e telekomunikacionit të Ballkanit Perëndimor dhe Europës Qendrore. Tarifat Roaming mes vendeve deh shërbimi vijon të shqetësojë klientët! Autoriteti i Komunikimeve Elektronike e Postare, AKEP, nuk ka barë asnjë reagim! AKEP as që ia ndjen!”

Hungari: Kompania 4iG do të marrë drejtimin e tregut.
Pak histori: Në shtator të 2021 u njoftua në media se “4iG” e mbylli gjysmën e parë të këtij viti me një rritje të shënuar të të ardhurave vjetore si rezultat i blerjeve dhe zhvillimeve të veta, por ata kanë plane edhe më të mëdha për vitin 2022.

Në vitin 2022, ajo dëshironte të ishte lideri i tregut në tregun hungarez të IT, sipas një prospekti investitori të publikuar në faqen e internetit të Bursës së Budapestit.

Pozicioni i liderit të tregut të vitit 2022 gjithashtu, nuk u konsiderua i paarritshëm. Fakt është se në gjysmën e parë të 2021 kompania performoi mjaft mirë në anën e të ardhurave: 32.12 miliardë HUF (1000HUF=2.81 Euro) ishin në dispozicion të saj. Kjo është 59% më e lartë se në të njëjtën periudhë të vitit 2020.

Sipas pritshmërive të tyre, rritja do të vijojë, pasi kompania ka një kontratë prej më shumë se 42 miliardë HUF (1000HUF=2.81 Euro), përveç atyre tashmë të përfunduara. Rritja dinamike e mbështetur nga blerjet vazhdon: norma e rritjes ishte mbi 25% në 2021 dhe rritje vjetore prej më shumë se 10% ishte pas 2022.

Në mars 2021, “4iG” fitoi 70% të pronësisë së aksioneve të “Spacenet Zrt”., e cila regjistroi një qarkullim prej më shumë se 5 miliardë HUF (1000HUF=2.81 Euro) vitin e kaluar. Në qershor, ajo bleu “Poli Computer PC Kft“ përmes një marrëveshjeje blerjeje aksionesh, duke e bërë atë lider në treg në segmentin e shërbimeve të IT-së, të kontraktuara dhe të menaxhuara në Hungari.

“Hungaro DigiTel” është ofruesi kryesor i telekomunikacionit satelitor në Hungari.

Është interesante që ky operator tashmë trajtohet si pjesë e grupit të kompanive, në informacionin e investitorëve, ndërsa “4iG” ka lidhur një marrëveshje bashkëpunimi me qeverinë hungareze për të promovuar kompanitë e saj të profilit të telekomunikacionit tek “AH Zrt shtetërore”, – pra ka një shans të mirë për t’u bërë pronar i shumicës.

Para marrjes nga “4iG”, “Invitech” ishte në pronësi të shumicës së “CEE Equity Partners”, e cila përfaqëson Fondin e Bashkëpunimit të Investimeve të Evropës Qendrore dhe Lindore të Kinës. Ky fond i kapitalit privat u krijua nga “China Exim Bank” në partneritet me investitorët institucionalë evropianë (të menaxhuar nga Luxembourg Investment Solutions SA).

“Ministri i Komunikimit i Izraelit, u tha mediave se: “Ministria e komunikimit po shmang shitjen e kompanisë izraelite “Spacecom” te kompania hungareze “4iG”, për shkak se kryeministri hungarez Viktor Orban është i lidhur me kompaninë. Këto lidhje janë gjithashtu shqetësuese për SHBA sepse “Uashingtoni është shprehur kundër lëvizjeve të kryeministrit hungarez për të kufizuar lirinë e fjalës”

“4iG” në Shqipëri…
Kompania hungareze “4iG PLC” ka nënshkruar një marrëveshje përfundimtare për të blerë 80.27% të aksioneve të ALBtelecom nga “Cetel Telecom”, një degë e shumicës në pronësi të “Çalik Holding” të Turqisë. Njoftimi u shpall në fillim nga “4iG” në Bursën e Budapestit.

Shteti shqiptar do të vazhdojë të ushtrojë të drejtat e tij të pronësisë minoritare në kompani nëpërmjet Ministrisë së Financave dhe Ekonomisë (13.78%) dhe Postës Shqiptare (2.47%). Albtelecom ishte operatori lider në Shqipëri i internetit dhe TV me linjë fikse, pronari më i madh i një rrjeti fibër në vend dhe një operator celular, me një rrjet të rëndësishëm të tijin.

Blerja ishte një tjetër hap i rëndësishëm në strategjinë e zgjerimit të Grupit “4iG” në Ballkanin Perëndimor: Grupi zgjerohet në një vend tjetër në rajon si një investitor strategjik, duke sjellë shërbimet e tij të telekomunikacionit dhe dixhitale. Falë transaksionit, Çalik Holding, një nga konglomeratet më të mëdha të Turqisë, bëhet një investitor institucional në “4iG”. Blerja e shumicës kontrolluese të aksioneve të ALBtelecom u mbyll në 8 mars 2022, me miratimin e autoriteteve shqiptare.

“ALBtelecom është një ofrues telekomunikacioni me potencial të madh rritjeje. Blerja është një hap i rëndësishëm për zgjerimin tonë në sektorin e telekomunikacionit të Ballkanit Perëndimor, i cili mund të hapë mundësi të mëtejshme, për ne, në tregjet shqiptare të telekomunikacionit dhe IT-së.” – tha në atë kohë Z. Gellért Jászai, Kryetar dhe CEO i “4iG”, pas nënshkrimit të marrëveshjes.

“Ne kemi ardhur në vend si një investitor strategjik, ku duam të jemi prezent në afat të gjatë në ofrimin e shërbimeve me cilësi të lartë për klientët me pakicë dhe korporatat. Blerja jonë është një hap i rëndësishëm përmes synimeve tona strategjike dhe ne jemi të përkushtuar ndaj zhvillimit të sektorit shqiptar të telekomit dhe përpjekjeve të Shqipërisë për dixhitalizimin”,- theksoi Kryetari-CEO, sipas shtypit të huaj.

“Jemi të kënaqur që ALBtelecom do të zotërohet nga një investitor strategjik i përkushtuar ndaj kompanisë. Ky është hapi i parë në zhvillimin e partneritetit tonë strategjik me 4iG Group, i cili mund të ofrojë mundësi të mëtejshme biznesi për të dyja kompanitë tona në të ardhmen.” – tha, në të njëjtën kohë, për marrëveshjen, z.Ahmet Çalik, President i Çalik Holding, sipas të njëjtit burim.

ALBtelecom, që u themelua në vitin 1912 dhe kishte 743 punonjës, ishte i pranishëm në të gjitha fushat e telekomunikacionit (televizion, zë fiks, zë celular dhe internet broadband). Në këtë vit, kompania arriti një fitim para taksave prej 17.4 milionë euro, me të ardhura prej 57.9 milionë euro. Kompania ishte ofruesi më i madh i telekomunikacioneve fikse në Shqipëri me 168,000 abonentë me zë fiks, 129,000 internet dhe 71,000 abonentë TV dhe operatori i tretë më i madh celular me 420,000 abonentë celularë. ALBtelecom kishte një infrastrukturë të jashtëzakonshme telekomunikacioni: përveç rrjetit më të madh të shtyllës optike të Shqipërisë prej 4500 kilometrash, kompania kishte gjithashtu mbulimin më të madh të rrjetit optik gjeografikisht (GPON).

Përveç infrastrukturës me tela, ALBtelecom kishte edhe 450 stacione ripërsëritëse celulare, shumë prej të cilave ofronin lidhje me rrjetin nëpërmjet rrjetit të vet optik. Kompania nisi shërbimet e saj të bazuara në LTE (4G) në 2015 dhe rinovoi frekuencat e saj 2G/3G në 2019, e cila zakonisht kërkohet për të ofruar lidhje celulare në zonat malore. ALBtelecom kishte 88 dyqane ekskluzive në mbarë vendin.

Palët nuk kanë bërë të ditur vlerën e transaksionit, por njohësit e këtij transaksioni vlerësojnë se do të ketë një çmim shumë më të ulët se sa blerja prej 625 milionë Eurosh e kompanisë hungareze, e cila ka vetëm 188 mijë abonentë (?!?.

Interesante janë faktet në Hungari, ku numri i transaksioneve në një vit, në këtë treg, u rrit nga 40.5 për qind në 59, por mbeti shumë poshtë niveleve të para Covid-it, siç tregohet nga vëllimi i transaksioneve, i cili u rrit me 12.6 për qind, në 1.08 miliardë euro. “4iG” bleu gjithashtu “DIGI” dhe “Invitech” dhe, këto transaksione kontribuan në shfaqjen e sektorëve të telekomunikacionit dhe IT në tregun e blerjeve.

Kompania tjetër shqiptare e telekomit, blerë nga 4iG
Është arritur një marrëveshje edhe për blerjen e “ONE Telecommunications“ nga “4iG Plc“. Me 1.36 milionë abonentë, kompania në fjalë ishte operatori i dytë i celularit në Shqipëri dhe me rritjen më të shpejtë.

Kompania kishte arritur një fitim, para taksave, prej 20.8 milionë eurosh nga shitjet prej 68.1 milionë eurosh dhe rentabiliteti i saj kaloi 30%.

Vetë infrastruktura e ONE ishte e jashtëzakonshme edhe në krahasim rajonal, me 632 kulla transmetuese të përshtatshme për komunikime celulare 5G përveç shërbimeve LTE. Blerja shënoi një tjetër hap në strategjinë e zgjerimit të “4iG“ në Ballkanin Perëndimor dhe transaksioni mori konfirmimin nga Autoriteti i Konkurrencës, sipas procedurave rregullatore shqiptare.

“ONE“ ka rritur ndjeshëm pjesën e saj të tregut në periudhën e fundit.

“Falë rrjetit të saj të rinovuar të telekomunikacionit, ONE Telecommunications është një ofrues telekomunikacioni me potencial të fortë rritjeje, i cili do të përshtatet mirë në portofolin tonë të telekomunikacionit të Ballkanit Perëndimor pas mbylljes së blerjes. Ne jemi krenarë që me blerjen e ONE Telecommunications dhe ALBtelecom, 4iG Group do të bëhet një nga investitorët më të mëdhenjtë të Shqipërisë dhe lojtari më i madh në tregun shqiptar të telekomunikacionit. Ne mbërritëm në vend si një investitor profesionist, ku do të donim të ishim prezent në një afat të gjatë me shërbime cilësore për klientët me pakicë dhe bizneset. ”,- theksoi Gellért Jászai, President dhe CEO i “4iG“, sipas një njoftimi në faqen zyrtare të kompanisë, të publikuar menjëherë pas blerjes.

“Gjatë tre viteve të fundit, ne e kemi zhvilluar ONE në operatorin më të mirë celular në Shqipëri. Transaksioni konfirmon profesionalizmin dhe përpjekjet e punonjësve tanë, gjë që gjithashtu ka solli një ndryshim në tregun shqiptar të celularëve. Ne kemi besim se me ekspertizën e “4iG“,“ONE Telecommunications“ do të vazhdojë të evoluojë”, thotë (në të njëjtën ditë), Elvin Guri, pronari i shumicës.

Kur autoritetet ranë dakord edhe për blerjen e “ONE Telecommunications“, Grupi “4iG“ u bë lojtari më i madh i Shqipërisë në sektorin e telekomunikacionit.



Nga vinte kapitali i “4iG“?
Kompania e listuar e IT 4iG mblodhi 291.4 miliardë HUF në të ardhura nga letra me vlerë të emetuar në kuadrin e Skemës së Financimit të Bonove për Rritjen (BGS) të Bankës Kombëtare të Hungarisë (MNB) në një ankand një muaj më parë, sipas një raporti nga televizioni shtetëror i lajmeve MTI.

“4iG“ kishte ofruar 350 miliardë HUF nga obligacionet 10-vjeçare, me një kupon 6%. Ofertat arritën në 287.8 miliardë HUF. “4iG fillimisht njoftoi planet për emetimin 10-vjeçar prej 350 miliardë HUF në fund të nëntorit, pasi nënshkroi një marrëveshje për të blerë 100% të kompanisë së telekomunikacionit “Digi“ për 625 milionë Euro.

Në fillim të dhjetorit 2021, agjencia e vlerësimit “Scope Ratings“ uli “4iG“ një nivel në B+ nga BB-, për shkak të një numri në rritje të blerjeve në treg.

27 janar 2022…

Grupi i mbrojtjes dhe prodhimit të automjeteve me bazë në Dusseldorf, “Rheinmetall“, ka rënë dakord të blejë 25.12% të aksioneve në grupin hungarez të IT dhe telekomunikacionit “4iG“, duke e bërë atë investitorin më të madh ndërkombëtar të këtij të fundit, subjekt i miratimit nga Ministria e Brendshme e Hungarisë, sipas ligjeve të blerjeve të huaja. Marrëveshja përfshin blerjen e aksioneve nga kompania investuese e biznesmenit hungarez Gellert Jaszai KZF Vagyonkezelo, së bashku me një vendosje private të aksioneve. “4iG“ njoftoi se, nëse transaksioni përfundon, pronësia indirekte e z. Jaszai në grup do të ulet nga 56.85% në 50.22%, ndërsa 4iG “do të bëhet një partner kyç i dixhitalizimit dhe IT” për “Rheinmetall“, i cili operon globalisht.
Ndër filialet e saj, “4iG“ zotëron kompanitë hungareze të telekomunikacionit “DIGI“, “Invitel“, “Invitech“ dhe “Hungaro DigiTel“, si dhe “Telenor Montenegro“. Në tetor 2021, “4iG“ goditi sërish, duke rënë dakord të blinte 100% të aksioneve në “Telenor Montenegro“ nga “PPF Group“, me bazë në Republikën Çeke, për një çmim të pazbuluar. Marrëveshja u mbyll më 21 dhjetor 2021, pas miratimit rregullator nga autoritetet e konkurrencës në vend. Kompania u shërben më shumë se 400 000 abonentëve, nëpërmjet 436 stacioneve bazë.

Kjo tregon se peizazhi i telekomit në Evropën Lindore ka ndryshuar në mënyrë dramatike gjatë dekadës së fundit, me marrëveshjet, që riformësuan një numër tregjesh në të gjithë rajonin.



Pak informacion historik për blerësin e fuqishëm.
Kompania e njohur tani si “4iG“ u themelua në vitin 1990 si “Freesoft Szoftverfejleszto es Szamitatechnikai Szolgaltato Nyrt“. Emri “4iG“ u prezantua në vitin 2014 dhe kompania arriti një listim premium në Bursën e Budapestit në 2019.

Me përvojë në dixhitalizim, shërbime të menaxhuara të TI-së, siguri kibernetike, infrastrukturë dhe integrim, “4iG“ e cilëson veten si “një nga grupet kryesore në ekonominë dixhitale të bazuar në njohuri të Hungarisë”.

2022 duket si një vit tjetër plot ngjarje për kompaninë hungareze të IT dhe telekomit“4iG“. 12 muaj më parë, mezi ishte dëgjuar për të jashtë vendit. Tani ajo njihet si një nga kompanitë me rritje më të shpejtë në rajonin e Ballkanit Perëndimor. Fusha më e re e fokusit të kompanisë është brenda sektorit të telekomit, duke kërkuar të krijojë pozicione dominuese në treg në të gjithë Evropën Qendrore dhe Lindore.

Megjithëse kompania ka akumuluar sukses, nuk po blen “TeleGroup“ dhe interesat e tij. “4iG Plc.“ nuk do të blejë TeleGroup, me bazë në Beograd dhe interesat e tij dhe palët janë tërhequr bashkërisht nga marrëveshja jodetyruese, Njoftimi është në faqen e internetit të Bursës së Budapestit.

Marrëveshja parashikonte blerjen e 70% të aksioneve në “TeleGroup Limited“ dhe “TeleGroup Banja Lu“, duke përfshirë filialet e saj. Të ardhurat e konsoliduara të TeleGroup në vitin 2020 ishin 64 milionë euro dhe EBITDA e tij arriti në 5.3 milionë euro.

Me pesë blerje kryesore të telekomit të siguruara në më pak se një vit, “4iG“ nuk ka humbur kohë në ekzekutimin e vizionit të saj, për të krijuar një grup të ri të komunikimit rajonal.

Nuk ka asnjë informacion lidhur me dhënien e autorizimit dhe shtyrjen në kohë të tij nga ana e institucioneve zyrtare shqiptare. Mbase duhet “shoshitur“ mirë e gjithë kjo histori transaksionesh, për të mos përsëritur në Shqipëri “CEZ“ e famshëm çek!



Epilog
ONE Telecommunications dhe ALBtelecom janë bërë One Albania. Ky bashkim tashmë është zyrtar dhe shënon fillimin e një rrugëtimi që e pozicionon këtë kompani si lider në info-komunikim. Ky është një hap i rëndësishëm drejt bashkimit të dy bizneseve në një organizatë të vetme, si pjesë e grupit 4iG.

Duke filluar nga data 14 mars 2023, abonentët e Albtelecom mund t’i drejtohen vetëm One Albania. One Albania sh.a njoftoi gjithashtu se duke filluar nga data 14 mars 2023 ofronte tre plane të reja të vlefshme për abonentët me kontratë individuale dhe biznese të vogla.

Ndryshimet e mësipërme, por edhe të tjera krijon gjendje anomalie në treg dhe shumë klientë të dy kompanive iu drejtuan rrjeteve sociale sepse kompania dhe autoriteti mbikqyrës, AKEP, nuk reaguan asnjëherë për anomalitë!

Kompanitë ONE dhe ALBtelecom janë ligjërisht një kompani e vetme, që prej datës 1 janar të këtij viti.
“ONE Albania, kompania e integruar prej operatorëve të parë fiks dhe mobile, do të jetë lider në telekomunikacion, duke bashkuar aspektet më të mira të secilit operator. Bashkimi i dy operatorëve solli zgjerimin e rrjetit të dyqaneve dhe të portofolit të produkteve tona, për të gjeneruar shërbime dhe rrjet më të mirë për abonentët tanë. Ne tashmë operojmë si një kompani e vetme, me standarde dhe praktika të përmirësuara”,- thanë zyrtarët e kompanisë.

Nga ky bashkim, abonentët e ALBtelecom, u transferuan në rrjetin e ONE. Bashkimi ligjor, bashki edhe rrjetet. Edhe pse kompania siguroi se abonentët nuk e ndjejnë aspak këtë ndryshim dhe se do të përfitojnë përvojë më të mirë në komunikimin e lëvizshëm, ndërsa abonentët e ONE, duke pasur akses në infrastrukturën më të mirë të fibrës dhe në shërbimet IPTV, në dyqanet e ONE Albania ka vetëm njerëz që ankohen!

Por zyrtarët vijojnë të këmbëngulin se, si pjesë e grupit hungarez 4iG, mundësitë për zgjerim në tregjet rajonale janë edhe më të shumta, nisur nga strategjia dinamike e zgjerimit që ky grup ndjek. Blerja e operatorëve në Shqipëri e Malin e Zi dhe veçanërisht blerja e Vodafone Hungarisë, e bën grupin 4iG një lojtar kryesor në tregjet e telekomunikacionit të Ballkanit Perëndimor dhe Europës Qendrore. Edhe përfshirja në marrëveshjen për tarifat Roaming mes vendeve të Ballkanit Perëndimor dhe Bashkimit Europian shkon në këtë drejtim! Por shërbimi vijon të shqetësojë klientët!

Nëse ky shqetësim shfaqet kudo, Autoriteti i Komunikimeve Elektronike e Postare, AKEP, nuk ka barë asnjë reagim! AKEP as që ia ndjen!



ANEX
Profile
DIGI

Tregu: Hungari

Marrëveshja e rënë dakord: Mars 2021

Marrëveshja e përfunduar: Janar 2022

Vlera: 625 milionë euro

Baza e abonentëve celularë: 187,000 (shtator 2021)



Invitech Solutions

Tregu: Hungari

Marrëveshja e rënë dakord: Shtator 2021

Marrëveshja e përfunduar: Shtator 2021

Vlera: e pazbuluar

Baza e abonentëve celularë: N/A



Telenor Podgorica

Tregu: Mali i Zi

Marrëveshja e rënë dakord: Tetor 2021

Marrëveshja e përfunduar: Dhjetor 2021

Vlera: e pazbuluar

Baza e abonentëve celularë: 419,503 (shtator 2021)



ALBtelecom

Tregu: Shqipëri

Marrëveshja e rënë dakord: Dhjetor 2021

Marrëveshja e përfunduar: Në pritje

Vlera: e pazbuluar

Baza e abonentëve celularë: 429,958 (shtator 2021)



Telekomunikacioni ONE

Tregu: Shqipëri

Marrëveshja e rënë dakord: Dhjetor 2021

Marrëveshja e përfunduar: Në pritje

Vlera: e pazbuluar

Baza e abonentëve celularë: 1.099 milion (shtator 2021)