“Takimet e Poeteshave Shqiptare” në Vushtrri 2009

[Vicianum]

Vushtrri, 13 Prill 2009(VushtrriaPRESS)-Për të njëzeteshtatën herë në qytetin e Vushtrrisë më 15 dhe 16 maj të këtij viti do të mbahet Manifestimi më i madh letrar në Kosovë kushtuar femrave krijuese i titulluar “Takimet e Poeteshave Shqiptare”. Të drejtë pjesëmarrjeje me poezi në konkursin e shpallur nga Drejtoria për Kulturë e Komunës së Vushtrrisë kanë të gjitha poetet nga të gjitha trojet shqiptare pasi ky manifestim përveç që është tradicional ka karakter edhe mbarëkombëtar. Njoftohet se ky festival do t’i ndaj tre çmime kryesore për tre poezitë më të mira, vendi i parë do të shpërblehet me 500 euro, i dyti me 300, ndërsa vendi i tretë me 200 euro. Gjatë dy ditëve sa do të mbahet ky manifestim është paralajmëruar se do të mbahen aktivitete të shumta kulturore.



VushtrriaPRESS
www.vushtrriapress.shqipo.com

[Vicianum]

Ledri Kurti dhe Mimoza Sali, fituese të vendit të parë në “Takimet e Poeteshave Shqiptare-Vushtrria 2009”

VUSHTRRI,16 MAJ 2009(VushtrriaPress)-Nën moton “Vushtrria frymon me poezinë”si dhe me një organizim të shkëlqyer madje i cilësuar si ndër më të mirët që prej fillimit të këtij festivali me përmasa gjithëkombëtare Vushtrria ka arritur që për të njëzeteshtatën herë me radhë të përmbyllë suksesshëm Festivalin tradicional dy ditorë “Takimet e Poeteshave Shqiptare-Vushtrria 2009. Në emër të Qeverisë së Kosovës me një fjalë rasti të pranishmit i ka përshëndetur zv.kryeministri Hajredin Kuçi, i cili është shprehur se Qeveria e çmon mendimin e lirë dhe shprehjet letrare. Ndërsa Kryetarja e Këshillit Organizativ Xhevahire Izmaku, në fjalën e saj hyrëse në këto takime letrare ka çmuar lartë kontributin e këtyre takimeve në ruajtjen dhe kultivimin e vlerave të mirëfillta kulturore dhe letrare. Juria e festivalit në përbërje të së cilës ishin:Avdullah Konushevci, Xhevahire Izmaku si dhe Bedri Tahiri kanë vendosur që dy poeteshat Ledri Kurti dhe Mimoza Sali të jenë fituese të vendit të parë, kurse fituese të vendit të dytë janë shpallur Aida Rexhepi dhe Kozeta Zavalani, fituese të vendit të tretë janë shpallur Meri Lala dhe Marjela Mango. Drejtoria për Arsim në Vushtrri po ashtu ka ndarë dy çmime speciale për Etleva Tafën dhe Merushe Gjoshaj. Këto takime janë mbyllur për këtë vit me një tribunë letrare me temë “Poezia e Lasgush Poradecit” si dhe me një program të pasur kulturo-artistik. www.vushtrriapress.shqipo.com

[Ermelita]

urime per fitueset...sa doja te isha atje ne kete ditefeste te letersise :s