Rauf Fratari

[Albo]

Historia e tragjike e vrasjes së mallakastriotit që u diplomua në Stamboll dhe firmosi aktin e Pavarsisë në 28 nëntorin e 1912-ës. Pse u arratis nga Shqipëria, i biri i tij, Raufi

Fratari, nënprefekti i Izmirit që u vra nga rebelët e Haxhi Qamilit
Për shkak se Jugosllavia ishte shëndrruar në burg kombesh, faza e parë e lirisë nuk mund të mos marrë formën e shkëputjes së këtyre kombeve nga Jugosllavia. Të këmbëngulësh për të kundërtën, do të thotë të ecësh kundër logjikës së lirisë, madje të mohosh nevojën e ndryshimit, nevojën historike për përmbysjen e Millosheviçit. Të kërkosh të mbash në këmbë mbeturina të këtyre bashkimeve pa liri, do të thotë ta ushqesh hapur skllavërinë


Dashnor Kaloçi

Babai im, Rauf Fratari, që ishte diplomuar si oficer në Akademinë Ushtarake të Modenas në Itali, e gjatë Luftës kishte shërbyer si adjutant i Abaz Kupit, në fundin e nëntorit të vitit 1944 u largua nga Shqipëria së bashku me shumë eksponentë të tjerë nacionalistë të Ballit dhe Legalitetit. Pasi qëndroi për afro pesë vjet në kampin e Rexhio-Emilias, ai fitoi azilin politik dhe u largua për në SHBA, ku u vendos me banim në shtetin e Nju-Xhersit. Që nga ajo kohë e deri në vitin 1973 që babi ndërroi jetë atje në dhe të huaj, larg miqve dhe familjes, regjimi komunist e kishte shpallur atë në listën e kriminelëve të Luftës që u ndalohej kthimi në Shqipëri.

Në atë kohë që iku babai, unë isha vetëm dy-vjeç, por nëna më ka treguar se komunistët që erdhën në pushtet ne nuk na ngacmuan, për arsye se ne u strehuam në shtëpinë e gjyshit tonë, (babajt të nënës) Avni Gjilanit, i cili ishte një nga personalitetet e Luftës Antifashiste. Vetëm në saj të tij dhe të dajës, Feti Gjilanit, unë munda që të diplomohesha në Fakultetin e Inxhinjerisë së Ndërtimit, pasi kisha mbaruar shkollën e mesme me të gjitha notat maksimale. Por mbrojtja që pata nga njerzit e nënës sime dhe tre djemtë e Mehmet Shehut me të cilët unë kisha miqësi të ngushtë, nuk ishte e përherëshme. Në vitin 1978 kur unë punoja në si inxhinjer ndërtimi në Tepelenë, edhe pse Feçorr Shehu kishte thënë se nuk kemi gjë me të, pas dy tre ditësh më arrestuan dhe më dënuan me 20-vjet burg politik, duke më akuzuar për agjitacion e propagandë dhe sabotazh". Njeriu që flet dhe dëshmon për herë të parë për "Gazetën", është 60-vjeçari Hajredin Fratari me origjinë nga Mallakastra, i cili rrëfen të gjithë historinë e tij dhe të familjes, që nga gjyshi, Hajredini, që në 1912-ën, firmosi me Ismail Qemalin, aktin e Pavarsisë në Vlorë, babait të tij, major Rauf Fratari, të diplomuar në Modena të Italisë që shërbeu në Gardën Mbrerëore të Monarkisë së Zogut. Po kështu në rrëfimin e tij, Dine Fratari, dëshmon edhe për peripecitë e pafundme që nuk ia ndanë gjatë viteve të regjimit komunist, deri sa përfundoi në burg. Të gjitha ato vuajtje e mundime i erdhën për të vetim fakt, se komunistët e kishin shpallur "armik të popullit", babanë e tij, Rauf Fratarin, pasi ai kishte shërbyer si adjutant i Abaz Kupit dhe e kishte shoqëruar atë si në Konferencën e Pezës, ashtu dhe në atë të Mukjes. Po cila është origjina dhe e kaluara e familjes Fratari? Kush ishte Hajredin Fratari, ku ishte shkolluar ai, cilat ishin lidhjet e tij me Ismail Qemalin e patriotët e tjerë të asaj kohe dhe përse u ekzekutua nga rebelët e Haxhi Qamilit në vitin 1915-të? Cili ishte qëndrimi që u mbajt ndaj asaj familje të njohur mallakastriote gjatë viteve të Monarkisë së Zogut dhe në periudhën e regjimit komunist të Enver Hoxhës?

Kush ishte Rauf Fratari

Rauf Fratari u lind në vitin 1908-të në fshatin Fratar të Mallakastrës, prej nga është dhe origjina e asaj familje. Në atë kohë babai i tij, Hajredin Fratari, shërbente si nënprefekt në një nga nënprefekturat e Mamisit të vilajetit të Izmirit në Turqi. Pasi mbaroi shkollën fillore në fshatin e tij të lindjes, Raufi u dërgua për të ndjekur studimet në Modena të Italisë. Në atë qytet ai u regjistrua dhe mbaroi me rezultate shumë të mira shkollën e mesme ushtarake dhe më pas vazhdoi studimet në degën e Kavalerisë në Akademinë Ushtarake, të cilën gjithashtu e mbaroi me rezultate shumë të mira në vitin 1933. Lidhur me këtë dhe karrierën e tij ushtarake, i biri i tij, 60-vjeçari Dine Fratari, dëshmon: "Pas diplomimit në degën Kavalerisë pranë Akademisë së Modenas, ku babai mori gradën e nëntogerit, ai u kthye në Shqipëri dhe u emërua në Gardën Mbretërore të Zogut".

(vijon nesër)

1. Marash Vata, i Shkrelit 14-15 dhjetor 2001
2. Mehdi Frashëri, kryeministër 7-8-9-10 janar 2002
3. Nasuf Bej Novosela, Kolonjë 11-12 janar 2002
4. Margilajt e Trieshit, Tuz 25-26 shkurt 2002
5. Eshref Boçari, Vlorë 2-3 mars 2002
6. Filip Çeka, Shkodër 9-10 mars 2002
7. Javer Bej Hurshiti, Gjirokastër 16-17 mars 2002
8. Gjin Pjetër Përvizi, Kurbin 23-24 mars 2002
9. Familja e Isa Boletinit, Kosove 26 mars 2002
10. Familja Dema, Dibër 22-23 qershor 2002
11. Familja Kokoshi, Vlorë 2-3 korrik 2002
12. Familja Pustina, Dibër 9-10 korrik 2002
13. Familja Mul Bajraktari, Shkodër 26-28 gusht 2002
14. Familja Benussi, Shkodër 6-7 shtator 2002
15. Familja Dibra , Dibër e Madhe 10-11 shtator 2002
16. Familja Bezhani,Vlorë 7-8 tetor 2002
17. Familja Ndreu, Dibër 25-26-28 tetor 2002
18. Familja Metalia, Tropojë 22-23 nëntor 2002
19. Familja Hobdari, Tiranë 10-11 dhjetor 2002
20. Familja Sefa, Lushnje 23-24 dhjetor 2002