1. Duhet ta falënderosh Zotin që nuk je në burg!
2. Duhet ta falënderosh Zotin që je shëndosh e mirë!
3. Duhet ta falënderosh Zotin që ke ushqim dhe strehim!
4. Duhet ta falënderosh Zotin që të ka ruajtur nga fatkeqësitë!
5. Duhet ta falënderosh Zotin që nuk ke lindur i gjymtë!
6. Duhet ta falënderosh Zotin që je i punësuar!
7. Duhet ta falënderosh Zotin që ke fëmijë!
8. Duhet ta falënderosh Zotin që të ka lindur në kontinentin Evropian!
9. Duhet ta falënderosh Zotin që të ka dhënë mend e dituri!
10. Duhet ta falënderosh Zotin që ke një jetë të lumtur!
Nëse i vështron dhe mediton me kujdes këto gjëra që në fillim të duken të parëndësishme, do ta kuptosh që ka shumë njerëz në këtë botë që i kanë dhe i përjetojnë këto fatkeqësi apo që ëndërrojnë t’i kenë këto të mira që i ke ti.
Po filloj me përshkrimin e këtyre gjërave një nga një:
Ka shumë njerëz që janë në burg, kanë dëshirë të jetojnë të lirë, janë penduar për veprën që e kanë bërë, por duhet ta presin afatin e përmbushjes së dënimit.
Ka shumë njerëz që janë të sëmurë rëndë e që e dijnë që kanë për të vdekur shumë shpejt por nuk mund të bëjnë agjë kundër sëmundjes dhe i numërojnë ditët që i kanë mbetur.
Ka shumë njerëz që nuk kanë as strehim e as ushqim të cilët gëzohen kur ju ofrohet një pjatë me ushqim falas apo një batanije për ta mbuluar trupin gjatë natës.
Ka shumë njerëz që në jetë u ndodhin fatkeqësi të një-pas-njëshme dhe në fund nuk mund të pajtohen më me jetën dhe kryejnë vetëvrasje.
Ka shumë njerëz që lindin me të meta dhe ju vie turp të shfaqen në publik.
Ka shumë njerëz që nuk janë në punë dhe rrijnë tërë ditën në shëpi ku në shumë raste marrin kritika të rënda apo fjalë të hidhura që ia dobësojnë edhe më shumë zemrën.
Ka shumë njerëz që nuk kanë fëmijë e që mallin dhe dashurinë e tyre e shprehin ndaj fëmijëve të njerëzve tjerë dhe qajnë në vete sa herë që shohin ndonjë çift me fëmijë.
Ka shumë njerëz që jetojnë në vende ku kanë mungesë të kushteve themelore të jetës si p.sh. në Afrikë apo në Indi, kurse ne përveq tjerash kemi edhe qasje interneti në shtëpitë tona.
Ka shumë njerëz që tërë jetën bëjnë punë të rënda fizike sepse nuk kanë qenë të suksesshëm në shkollë apo mësime sepse nuk kanë mjaft inteligjencë.
Ka shumë njerëz që edhe pse kanë pasuri nuk bëjnë jetë të lumtur.
Allahu xh.sh. na këshillon në Kur’an:
7:10. Ne ju vendosëm në tokë dhe ju mundësuam jetesën (mjetet për të jetuar), e pak prej jush po falënderoni.
Krijoni Kontakt