Perse gjuha greke ne K.O.A.SH?

[sabah08]

mos u qaj hallin orthodhokseve se sic e ruajten fene e tyre per 2000 vjet, kane per ta ruajtur edhe per 2000 vjet te tjera. Dhe ne e kemi per nder dhe jo per turp qe ne krye te KOASH kemi nje nga orthodhokset misionare me ne ze te shekullit te XX.



Albo

Albo ti je nje emigrant tashme dhe nuk takon te futesh aq thelle ne problemet e brendeshme politike dhe shoqerore qe ndodhin ne shqiperi.Pse e them kete.Me ato qe shpreh je shume larg realitetit.Edhe une edhe ti dikur kur jetoje ne shqiperi nuk ke qene besimtar fanatik.Shqiptaret ne genin e tyre kane te tjera karakteristika fetare nga kombet e tjera .Pashko vasa e ka pershkruar bukur:feja e shqiptarit eshte shqiptaria dhe une si shumica e shqiptareve para se gjithash besoj ne kete fe.Pastaj te jesh apo te mos jesh besimtar eshte dicka individuale.''E besoj shume ''ate deklarim qe paske bere pak me lart qe ortodokset po bejne 2000vjet qe e kane ruajtur
fene e tyre.Sa miljona shqiptare jane asimiluar ne Greqi fale atij ortodoksizmi?Po ne Serbi,e mos te vazhdojme me Italine?Ne shqiperi gjate ketij tranzicioni kane vershuar shume misionare te shume besimesh te ndryshme.Per arsye te ekonomise se dobet per te perfituar ndonje ndihme ekonomike,shume shqiptare jane bere pjesemares ne keta organizata fetare.Ketu krahas shqiptareve me prejardhje muslimane ka me shumice edhe ortodokse por pa perjashtuar edhe katolike.Po a megjithmend jane besimtare keta njerez.Jo.Arsyet e pjesmarjes i citova me lart.Ja qe keta ''besimtare''nuk e mbrojten fene ortodokse.Per gati 50 vjet komunizmi i largoi kishat e xhamiat.A doli ndonje besimtar qe ta mbronte kete fe?Ketyre predikimeve qe ben ti per pune feje u ka ikur koha.Me kete mbrojtje qe po i ben Janullatosit dhe prapesive qe ai ka bere gjate kesaj kohe qe ndodhet ne shqiperi ke bere shume hapa prapa.Mos kujto se e ke rehabilituar figuren e nje prifti grek qe eshte vetzgjedhur ne krye te kishes ortodokse shqiptare(autoqefale nuk mund te quhet persa kohe ne drejtim te saj ndodhet nje i huaj).Interesi i jone para se te jete fetar duhet te jete kombetar.Nuk te pranon kush ne organizata evropiane apo boterore me nje identitet te dyzuar.Kaq te pazote qenkan shqiptaret qe nuk paskan nje prift te tyre,perderisa pranojne ne krye te tyre nje te huaj aq me teper nje grek.Akoma do ta lejojme janullen te shije ne shqiperi??

[ilia spiro]

Mbi gjuhen greke ne faqen e web sitit te Kishes Orthodokse Autoqefale Shqiptare !!

Po te shikoni faqen e kishes ortodokse ne rrjet, midis gjuhes shqipe te detyruar dhe asaj anglishte, do te vini re dhe gjuhen greke!

Kete mund ta verifikoni personalisht: www.orthodoxalbania.org

Kureshtja na detyroi dergimin e nje mesazhi sqarimi ne lidhje me perdorimin e gjuhes greke, dhe pergjigjja qe morem ishte kjo:

Pershendetje! Gezuar festat dhe qofte nje vit i bekuar!
Gezohemi qe keni vizituar faqen tone te internetit! Ne kete faqe perpiqemi te presantojme nje tablo te jetes dhe veprimtarise se Kishes Orthodokse te Shqiperise .... Dhe ne kete kuader perpiqemi ta prezantojme ne nje publik te gjere, ashtu sic eshte interneti qe nuk ka kufije (as shtetesh as kontinentesh) pra jo vetem shqiptar por edhe te huaj, keshtu shfrytezojme mundesine per ta prezantuar edhe ne anglisht si gjuha me e perdorur ne bote. ...Nderkohe ne jemi ne perpjekje e siper per te prezantuar jo vetem ne anglisht por edhe ne gjuhe te tjera, si greqisht, rusisht etj. Kemi vene tani per tani si nje mundesi prezantimi edhe ne greqisht sepse eshte gjuha me e perdorshme pas anglishtes ne Kishen Orthodokse ne bote. Dhe madje akoma jemi ne punim e siper sepse akoma nuk e kemi vendosur materjalin prezantues.
(njesoj sic e kemi ne shqip dhe ne anglisht).
Kjo eshte arsyeja e vendosjes se mundesise prezantuese ne gjuhen greke te jetes kishtare shqiptare, ashtu sic eshte edhe per anglishten dhe per gjuhe te tjera qe mendojme te veme ne te ardhmen.
Ju urojme shendet dhe suksese ne jete!
nga stafi orthchal

Pas mesazhit qe morem, verifikuam nese ishte e vertete qe gjuha greke ishte me e perdorura ne kishat ortodokse ne bote dhe kontrolluam ne faqet e tyre te internetit.
Por ne keto faqe nuk kishte asnje gjurme te gjuhes greke, sic pretendojne keta bukuroshet greko-file te kishes shqiptare!!

Shikojini vete web faqet e kishave bullgare, ruse, serbe , rumune nuk kane asnje gjurme te greqishtes!!
Kisha Bullgare eshte shpallur Autoqefale me 927 te eres sone, por per liturgjine ka perdorur gjuhen e saj sllavo-bullgare qe ne vitin 893 te eres sone me ardhjen ne Bullgari te dy vellezerve prifterinj, Cyril dhe Methodius, nga Thesaloniku !
http://bulch.tripod.com/boc/mainpage.htm/

Kisha Ruse eshte shpallur Autoqefale me 1589 dhe ka perdorur gjithmone gjuhen e saj sllavo- ruse qe ne shekullin e 9-te te eres sone, kur dy vellezerit prifterinj nga Thesaloniku, Cyril dhe Methodius filluan kistianizimin e ruseve!! http://www.russianorthodoxchurch.ws/

Kisha Serbe eshte shpallur Autoqefale me 1880 dhe ka nisur ne shekullin e 17 te perdore gjuhen serbe si gjuhe zyrtare ne administrate, leter shkembime dhe ne liturgji. http://www.serbianorthodoxchurch.com/

Kisha Rumune eshte shpallur Autoqefale me 1866 dhe ka perdorur si gjuhe liturgie gjuhen rumune qe me 1568! http://www.crestinism-ortodox.ro/
Mesazhit te dyte ku i pyesnim se pse tek faqet e kishave rumune, serbe, ruse, bulgare etj., nuk figuronte ndokund gjuha greke si "gjuha me e perdorur ne kishen ortodokse", nuk i janë pergjigjur akoma.
KOASH duhet kthyer ne KOSH (plehrash) ose ne KOHSH (Kisha Ortodokse Heteroqefale e Shqiperise).
Pra Kishe me vete jo e jo, po as Kishe shqiptare, pasi shqipen qe perdor, e perdor thjesht nga halli.

Ke humbur luften me KOASH-in, prandaj e hap kete teme ku praktikisht nuk thua asgje. Te perdoresh pak greqisht ne raste te rralla nuk do te thote se Kisha eshte jo shqiptare. (pak a shume sic perdorin arabishten muslimanet, ne raste te rralla vetem kur kendon hoxha, tek ne perdoret shume me pak).

Gjithcka ne Kishen Orthodhokse Autoqefale te Shqiperise: Liturgjia Hyjnore, literatura, komunikimi, etj., jane vetem ne gjuhen shqipe.

Lufta qe ti ben kunder KOASH-it, eshte shume e trashe.

[sabah08]

Goxha i pregatitur qenke ti ilias.Pse nuk behesh ti krye peshkop dhe ne ta leme Janullen dhe ata qe e perkrahin.Greqishtja kudo qe cfaqet ne shqiperi eshte nje ciban i huaj dhe shqiptaret e kane per detyre ta shkulin me gjithe rrenje faren e keqe.Ne rast se je shqiptar jepe kontributin tend per pastertine e gjuhes shqiptare nga greqizmat.

[ilia spiro]

Liturgjia Hyjnore e Shën Joan Gojartit

--------------------------------------------------------------------------------

Botohet me miratimin dhe bekimin
e Fortlumturisë së tij Imzot Anastasit,
Kryepiskop i Tiranës dhe i gjithë Shqipërisë




LITURGJIA HYJNORE
E ATIT TONE NDËR SHENJTORET
JOAN GOJARTIT





Botim i Kishës Orthodhokse Autoqefale të Shqipërisë
Tiranë-1995
Fotografitë e Bashkëngjitura


Sponsorizuesit e Forumit

Sponsorizuesit e Forumit
Forumi Shqiptar
Reklama



ilia spiro
Shiko Profilin Publik
Dërgo një mesazh privat tek ilia spiro
Dërgoi email ilia spiro
Gjej më shumë postime nga ilia spiro
Shto ilia spiro në Listën e Miqve

16-03-2009, 02:05 #502
ilia spiro
Besimtar Orthodhoks


Anëtarësuar: 02-02-2009
Vendndodhja: Tirane
Postime: 251
LITURGJIA (MESHA) HYJNORE:

Vepër e Perëndisë me bashkëpunëtor gjithë popullin e Tij

Teksti që mban në duart e tua është nga më të rëndësishmit që qarkulluan ndonjëherë në botë. Ka vënë vulën e vet në qytetërimin orthodhoks. Ndihmoi popullin besimtar që të shkojë përpara në majat e jetës shpirtërore dhe t'i krijimtarisë. E mbajti atë sypafjetur, plot qëndresë dhe shpresë në vitet e zymta të vuajtjeve të ndryshme, duke i hapur atij panndërprerë horizontin drejt realitetit të Perëndisë, të botës, të misterit të Shpëtimit.

Ka qenë dhe është mbështetje, burim jete dhe bekimesh për secilin. Për të diturin dhe të paditurin, për të fuqishmin dhe të dobëtin, për banorin kompleks të qyteteve ashtu edhe për punëtorin e thjeshtë të krahut nga fshat.. Prej shekujsh tanimë bashkon besimtarët në një «komunikim» mistik, të shenjtë, të mbushur me shijen e përjetësisë dhe të lirisë shpirtërore.

Duke e ngjeshur mesazhin e përjetshëm të çlirimit më Krishtin me forma estetike të pavjetëruara, mbetet ajo çka është më e mirëfilltë, më përfaqësuese dhe më dinamike për traditën e popullit tonë.


*

Por në të njëjtën kohë, teksti i Liturgjisë Hyjnore ka brenda vetes pafundësinë e së përbotshmes. Hap zemrën për përqafimin e gjithë botëS. Na bën të ndjejmë se në gjakun tonë mbajmë gjithë njerëzit që nga Adami e deri më sot. Ata që shkuan, ata që rrojnë, ata që do të vijnë.

Këtë tekst, bashkë me Dhiatën e Re dhe me Psalltirin, ua dhanë për herë të parë të përkthyer popujve misionarët orthodhoksë, duke u dhënë dritën e besimit kristian. Dhe çuan kështu, në mënyrën më të sigurtë, më të kthjelltët e më festive, fise të thjeshtë e të ashpër në një nivel jete më të lartë.

Liturgjia Hyjnore përbën boshtin e mendimit, të përvojës, të lavdërimit dhe të moralit të gjithë orthodhoksëve, cilado qoftë gjuha që flasin, në cilindo vend që të ndodhen.


*

Teksti i Liturgjisë Hyjnore nuk u shkrua që të lexohet thjesht si fjalë e shkruar, si një vepër letrare, por kryesisht si një udhëzues për kryerjen misterit kristian: të Falenderimit hyjnor. Eshtë tekst i hirshëm, i destinuar të shndërrohet në vepër të shenjtë dhe hyjnore, me veprimin e Shpirtit të Shenjtë dhe me pjesëmarrjen e klerit dhe të popullit.

Kryhet në Kishë me perspektivë që të vazhdohet në jetën personale të çdo të krishteri. Kryerja e Liturgjisë Hyjnore përmbledh misterin e shpëtimit më Krishtin. I bën mistikisht të ndjeshme, këtu dhe tani, të gjitha etapat e tij: Lindjen, Kryqëzimin, Ngjalljen, Pesëdhjetoren, Vështrimin e Ardhjes së dytë të Tij. Njëkohësisht, bashkon në këto çështje të përjetshme dhe të përbotshme të gjitha problemet e drejtpërdrejta dhe dëshirat e njeriut. Çdo frazë dhe fjalë koncentron një pasuri të vërtetash, perspektivash dhe mundësish.

Teksti që pason, mbetet një ndihmesë për njohjen e zhvillimit të Liturgjisë Hyjnore dhe për orientimin e mendjes. Dhe nuk duhet të jemi të lidhur pas asaj, gjatë kohës së kryerjes e saj. Nuk destinohet për lexim, por për mbështetje gjatë ngjitjes në hapësiren e përvojës vetiake. Një përvojë që vetëm me veprimin e Shpirtit të Shenjtë brenda Kishës jetohet dhe ripërtërihet.

Liturgjia hyjnore nuk është shfaqje për shikim apo dëgjim, por vepër e Perëndisë me bashkëpunëtor gjithë popullin e Tij. Prandaj Kisha na fton të marrim pjesë në të jo si spektatorë por si bashkëmeshtarë.

Brenda atmosferës së saj të kultit gjallërues, besimtari përtërihet, neutralizon infektimin gjithfarësh të mendimeve, tendencave dhe të dëshirave, në të cilat është i ekspozuar përditë dhe fiton forca të reja për të vazhduar rrugën e tij si «një trup i vetëm» dhe si «një gjak i vetëm» me Krishtin. Që të kthehet në jetën e përditshme, më i përulur dhe më i butë në marrëdhëniet me njerëzit e tjerë, më rezistent e më i durueshëm në ngritjen e kryqit të tij, më i guximshëm, më trim dhe i painteres në dashurinë e tij, më paskal në vështrimin dhe në moralin e tij, me një kthjelltësi më të madhe në fytyrën e në zemrën e tij.

I vendosur që të kërkojë nga jeta të drejtën më kryesore të njeriut: të shkojë drejt qëllimit final, për të cilin dhe u gatua; domethënë të bëhet «sipas shëmbëllimit» të Krishtit, mbartës i Shpirtit të Shenjtë në jetën shoqërore, faktor zhvillimi i njerëzimit drejt qëllimit të tij final, drejt «një komunikimi dashurie», sipas modelit të Trinisë së Shenjtë.

Tiranë, 24 Qershor 1994.


+ Anastasi
Kryepiskop i Tiranës dhe gjithë Shqipërisë

[ilia spiro]

A

LITURGJIA E KATIKUMENEVE

Dhiaku: Beko o Zot.

Prifti:: E bekuar është mbretëria e Atit, e Birit dhe e Shpirtit të Shenjtë, tani e përherë e në jetë të jetëve.

Psaltët ose Populli: Amin.




ANDIFONET

Dhiaku: Me paqe le t'i lutemi Zotit.

Populli: Mëshiro, o Zot.

Dhiaku: Për paqen që lartazi, dhe për shpëtimin e shpirtrave tanë, le t'i lutemi Zotit.

Populli: Mëshiro, o Zot.

Dhiaku: Për paqen e tërë botës, qëndrimin e mirë të Kishave të shenjta të Perëndisë, dhe për bashkimin e të gjithëve, le t'i lutemi Zotit.

Populli: Mëshiro, o Zot.

Dhiaku: Për këtë shtëpi të shenjtë dhe për ata që hyjnë brenda në të me besim, shpresëtari dhe frikë Perëndie, le t'i lutemi Zotit.

Populli: Mëshiro, o Zot.

Dhiaku: Për Kryepiskopin (ose episkopin) tonë (Aksh), të nderuarën presviteri dhe dhiakonatën më Krishtin, për tërë klerin dhe popullin, le t'i lutemi Zotit.

Populli: Mëshiro, o Zot.

Dhiaku: Për Republikën e Shqipërisë, Qeverinë, Ushtrinë dhe gjithë popullin, le t'i lutemi Zotit.

Populli: Mëshiro, o Zot.

Dhiaku: Për këtë qytet, çdo qytet dhe vend dhe për ata që banojnë ndër to me besim, le t'i lutemi Zotit.

Populli: Mëshiro, o Zot.

Dhiaku: Për erëra të mira, begati të pemëve të dheut, dhe për kohë me paqe, le t'i lutemi Zotit.

Populli: Mëshiro, o Zot.

Dhiaku: Për ata që lundrojnë, që udhëtojnë, për të sëmurët, vuajtësit, robërit dhe për shpëtimin e tyre, le t'i lutemi Zotit.

Populli: Mëshiro, o Zot.

Dhiaku: Që të shpëtojmë prej çdo hidhërimi, zemërimi, rreziku dhe nevoje, le t'i lutemi Zotit.

Populli: Mëshiro, o Zot.

Dhiaku: Përkrahna, shpëtona, mëshirona dhe ruajna, o Perëndi, me hirin tënd.

Populli: Mëshiro, o Zot.

Dhiaku: Të tërëshenjtën, të pacënuarën, të përmbibekuarën, të lavdëruarën Zonjën tonë Hyjlindëse dhe gjithmonë Virgjërën Mari, bashkë me gjithë shenjtorët duke kujtuar, veten tonë dhe njëri-tjetrin dhe gjithë jetën tonë, Krishtit Perëndisë, le t'ia parashtrojmë.

Populli: Ty, o Zot.


Urata e Andifonit të parë:

Priftime zë të ulët) O Zot Perëndia ynë, pushteti i të cilit s'mund të merret me mend dhe lavdia është e pakuptueshme, përdëllimi i të cilit është i pakufishëm dhe njeridashja e patreguar; Ti o Zot, sipas dhembshurisë sate hidh syrin tënd mbi ne dhe mbi këtë shtëpi të shenjtë, dhe dërgo mbi ne dhe mbi ata që falen bashkë me ne, përdëllimet dhe dhembshuritë e Tua të pasura

(me zë të lartë) Se Ty të përket tërë lavdia, nderimi dhe adhurimi, Atit e Birit edhe Shpirtit të Shenjtë, tani e përherë e në jetë të jetëve.

Populli: Amin.

Dhe menjëherë psalin andifonin e parë:

Populli: Me ndërmjetimet e Hyjlindëses, Shpëtimtar, shpëtona (tri herë).

Dhiaku: Përsëri dhe përsëri me paqe, le t'i lutemi Zotit.

Populli: Mëshiro, o Zot.

Dhiaku: Përkrahna, shpëtona, mëshirona dhe ruajna, o Perëndi, me hirin tënd.

Populli: Mëshiro, o Zot.

Dhiaku: Të Tërëshenjtën, të pacënuarën, të përmbibekuarën, të lavdëruarën Zonjën tonë Hyjlindëse dhe gjithmonë Virgjërën Mari, bashkë me gjithë shenjtorët duke e kujtuar, veten tonë dhe njeri-tjetrin dhe gjithë jetën tonë, Krishtit Perëndisë, le t'i a parashtrojmë.

Populli: Ty, o Zot.


Urata e Andifonit të dytë:

Priftime zë të ulët) O Zot, Perëndia ynë, shpëto popullin tënd dhe beko trashëgimin tënd; tërë besimtarët e Kishës sate ruaji; shenjtëroi ata që duan hijeshinë e shtëpisë sate. Edhe Ti lavdëroi ata me fuqinë tënde të perëndishme dhe mos na ler ne që shpresojmë tek Ti.

(me zë të lartë) Se yti është pushteti dhe jotja është mbretëria, dhe fuqia, dhe lavdia, e Atit, e Birit dhe e Shpirtit të Shenjtë, tani e përherë e në jetë të jetëve.

Populli: Amin.


Dhe menjëherë psalin Andifonin e dytë:

Populli: Shpëtona, o Bir i Perëndisë, që u ngjalle prej së vdekurish, ne që të psalim Aliluia (tri herë).
Kur është e kremte ose në ditë të tjera brenda javës, në vend të «që u ngjalle prej së vdekurish» thuhet: «o i çuditshëm ndër shenjtorët».

Lavdi Atit e Birit edhe Shpirtit të Shenjtë.
Tani e përherë e në jetë të jetëve. Amin.
O i vetëmlindur Bir dhe Fjalë e Perëndisë, që je i pavdekshëm, dhe denjove për shpëtimin tonë, të trupëzohesh prej Hyjlindëses së shenjtë dhe gjithmonë Virgjërës Mari, duke u bërë njeri pa ndryshuar; që u kryqëzove, o Krisht Perëndi, dhe shkele vdekjen me vdekje, që je një prej Trinisë së Shenjtë dhe lavdërohesh bashkë me Atin dhe me Shpirtin e Shenjtë, shpëtona.

Dhiaku: Përsëri dhe përsëri me paqe, le t'i lutemi Zotit.

Populli: Mëshiro, o Zot.

Dhiaku: Përkrahna, shpëtona, mëshirona dhe ruajna, o Perëndi, me hirin tënd.

Populli: Mëshiro, o Zot.

Dhiaku: Të Tërëshënjtën, të pacënuarën, të përmbibekuarën, të lavdëruarën Zonjën tonë Hyjlindëse dhe gjithmonë Virgjërën Mari, bashkë me gjithë shenjtorët duke kujtuar, veten tonë dhe njëri-tjetrin dhe gjithë jetën tonë, Krishtit Perëndisë, le t'ia parashtrojmë.

Populli: Ty, o Zot.


Urata e Andifonit të tretë:

Prifti: (me zë' të ulët) Ti që na fale këto lutje, të cilat i bëjmë dhe i themi së bashku, dhe që premtove t'u japësh ç'të kërkojnë të bashkuarve në emrin tënd, qofshin këta edhe vetëm dy ose tre; Ti dhe tani plotësoi kërkesat e shërbëtorëve në dobi të tyre, duke na falur në këtë botë njohjen e së vërtetës sate dhe duke na dhuruar në botën tjetër jetë të amëshuar.

(Me zë të lartë) Se Ti je Perëndi mëshirues dhe njeridashës dhe Ty ta drejtojmë lavdinë, Atit e Birit edhe Shpirtit të Shenjtë, tani e përherë e në jetë të jetëve.

Populli: Amin.

--------------------------------------------------------------------------------
Ndryshuar për herë të fundit nga Albo : 27-06-2006 më 11:18.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

28-06-2006, 21:46 #4
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

HYRJA E VOGEL


Dhe duke u psalur përlëshoren e tingullit ose të shenjtit, bëhet hyrja e Ungjillit.:

Populli: (me zë të ulët): Le t'i lutemi Zotit. Mëshiro, o Zot.

Urata e Hyrjes

Prifti:: (me zë të ulët) O Zot Perëndia ynë, ti që vendose në qiejt legjione dhe armata engjëjsh dhe kryeengjëjsh për t'i shërbyer lavdisë sate; bëj që bashkë me hyrjen tonë, të hyjnë dhe engjëj të shenjtë, që të meshojnë bashkë me ne dhe të lavdërojnë bashkë me ne mirësinë tënde. Se Ty të përket tërë lavdia, nderimi dhe adhurimi, Atit e Birit edhe Shpirtit të Shenjtë, tani e përherë e në jetë të jetëve.

Populli: (me zë të ulët) Beko, o Zot, Hyrjen e shenjtë.

Prifti duke bekuar thotë:

Prifti:: (me zë të ulët) E bekuar është hyrja në shenjtëroren tënde, o Zot, gjithnjë; tani e përherë e në jetë të jetëve. Amin.

Dhiaku: (me zë të lartë) Urtësi. Drejte.

Populli: Ejani t'i falemi e t'i biem ndër këmbë Krishtit. Shpëtona, o Bir i Perëndisë, që u ngjalle prej së vdekurish, ne që të psalim, Aliluia.

Në ditët e zakonshme në vënd të «u ngjalle prej së vdekurish», thuhet «o i çuditshëm ndër shenjtorët».
Në qoftë se meshon episkop ose më shumë se një prift «Ejani t'i falemi ...» psalet prej tyre në mes të Kishës, ndërsa psaltët përsëritin edhe një herë«Shpëtona,...». Pastaj psalet përlëshorja ngjallësore e tingullit, tropari i shenjtit të kishës dhe e shenjtit të ditës dhe kondaqi në qoftë se ka; po të mos ketë thuhet kondaqi i të kremteve të mëdha (të Ngritjes së Kryqit, të Hyrjes së Shën Marisë në tempull, të Krishtlindjes, të Ujit të Bekuar, të Ipapandisë, të Ungjillëzimit, të Pashkës, të Ngritjes në qiell, të Shpërfytyrimit, të Fjetjes së Hyjlindëses), ndërsa në të djelat e tjera Kondaqi (shkurtore) i mëposhtëm.

Mbrojtje e paturpëruar e të krishterëve, ndërmjetim i pandërprerë ndaj krijuesit, dëgjo zërat e lutjeve të mëkatarëve, dhe arri si e mirë për të na ndihmuar ne që të thërresim me besim, nxito të ndërmjetosh dhe shpejto të lutesh, o Hyjlindëse, që mbron ngaherë ata që të nderojnë.

--------------------------------------------------------------------------------
Ndryshuar për herë të fundit nga Albo : 28-06-2006 më 22:44.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

28-06-2006, 22:06 #5
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

HIMNI TRISHENJTOR


Populli: Le t'i lutemi Zotit.

Populli: Mëshiro, o Zot.

Prifti: (me zë të ulët) O Perëndi i shenjtë, që prehesh ndër të shenjtët, që himnohesh me zë trishenjtor nga serafimet dhe që lavdërohesh nga keruvimet e që adhurohesh nga çdo fuqi qiellore; ti që krijove gjithësinë nga e mosqena; që bëre njeriun simbas ikonës dhe shembëllesës sate, dhe e stolise me tërë dhuratat e tua; ti që i jep urtësi dhe mençuri atij që kërkon, dhe nuk e heq syrin nga mëkatari, por caktove pendimin për shpëtim; ti që na bëre të denjë ne shërbëtorët e tu të përulur dhe të padenjë që të qëndrojmë në këtë orë përpara lavdisë së altarit tënd të shenjtë dhe të të parashtrojmë adhurimin dhe lavdërimin që kemi për detyrë ndaj Teje. Ti, o Zot, prano dhe nga goja e ne mëkatarëve himnin trishenjtor, dhe vështrona me mirësinë tënde. Falna çdo faj të bërë me dashje ose pa dashje; shenjtërona shpirtrat dhe trupat tanë; dhe bëna të denjë që të të adhurojmë me shpresëtari tërë ditët e jetës sonë; me ndërmjetimet e Hyjlindëses së shenjtë dhe të gjithë shenjtorëve që të kanë pëlqyer që prej jete.
(me zë të lartë) Se i shenjtë je, o Perëndia ynë, dhe Ty ta drejtojmë lavdinë, Atit e Birit edhe Shpirtit të Shenjtë, tani e përherë.

Populli: E në jetë të jetëve.

Populli: Amin.

Dhe menjëherë psalin:

Populli: Shenjt Perëndi, Shenjt i fuqishëm, Shenjt i pavdekshëm, mëshirona (tri herë).

Lavdi Atit e Birit edhe Shpirtit të Shenjtë.

Tani e përherë e në jetë të jetëve. Amin.

Shenjt i pavdekshëm mëshirona.

Populli: Fuqi.

Populli: Shenjt Perëndi, Shenjt i fuqishëm, Shenjt i pavdekshëm, mëshirona.

Në kohën kur psalet Himni Trishenjtor:

Populli: (me zë të ulët) Urdhëro, o Zot.

Prifti bekon duke thënë:

Prifti: (me zë të ulët) I bekuar është ai që vjen në emrin e Zotit.

Populli: (me zë të ulët) Beko, o Zot, fronin lart.

Prifti: (me zë të ulët) I bekuar je mbi fronin e lavdisë së mbretërisë sate, ti që rri mbi keruvimet, gjithnjë; tani e përherë e në jetë të jetëve. Amin.

--------------------------------------------------------------------------------
Ndryshuar për herë të fundit nga Albo : 28-06-2006 më 23:49.

[ilia spiro]

KËNDIME


Pas mbarimit të «Shenjt Perëndi...» dhiaku del te Dera e Bukur.

Lexuesi (anagnosti) thotë vargun e parë të Apostullit.

Dhiaku: Le të vëmë re!

Lexuesi (anagnosti) thotë vargun e dytë të Apostullit.

Dhiaku: Urtësi!

Lexuesi: Këndimi nga letra e ...

Dhiaku: Le të vëmë re!

Lexuesi (anagnosti) vazhdon Apostullin.

Dhiaku merr temjanicën dhe me zë të ulët i thotë priftit:

Beko o Zot, temjamin.

Prifti e bekon atë, duke thënë me zë të ulët uratën e Temjamit:

I bekuar është Perëndia ynë gjithnjë; tani e përherë, e ne jetë të jetëve. Amin.

Temjam po të blatojmë, o Krisht Perëndi, si erë kundërmimi shpirtëror, të cilën pasi ta pranosh në altarin tënd përmbiqiellor, dërgona si shpërblim hirin e Shpirtit tënd të tërëshenjtë.

Dhiaku temjanis rreth Tryezës së Shenjtë, Proskomidhinë e shenjtë; dhe nga Dera e Bukur temjanis ikonat dhespotike, fronin arkieratik edhe popullin. Kthehet në Hierore, temjanis Tryezën e Shenjtë, priftin dhe gjithë priftërinjtë.

Dhiaku: (me zë të ulët) Le t'i lutemi Zotit. Mëshiro, o Zot.

Urata para Ungjillit:

Prifti: (me zë të ulët) O Zot njeridashës, bëj që të shkëlqejë në zemrat tona drita e kulluar e njohjes së hyjnisë sate, dhe çil syt e mendjes sonë për të kuptuar mësimet e tua ungjillore. Futna dhe frikën e porosive të tua të lumtura, që, pasi të shtypim të gjitha epshet trupore të mundim të kalojmë një jetë shpirtërore, duke menduar dhe duke bërë të gjitha ato që të pëlqejnë. Se Ti je ndriçimi i shpirtrave dhe i trupave tanë, o Krisht Perëndi, dhe Ty ta drejtojmë lavdinë, bashkë me Atin tënd pa fillim, dhe Shpirtin tënd të tërëshenjtë, të mirë dhe jetëbërës, tani e përherë e në jetë të jetëve. Amin.

Dhiaku: (me zë të ulët) Beko o Zot, lexuesin e Ungjillit të Apostullit të shenjtë dhe Ungjillorit (Aksh).

Prifti: (me zë të ulët) Perëndia, me ndërmjetimet e Apostullit të shenjtë, të lavdëruar dhe Ungjillor (Aksh), të dhëntë, ty lexuesit fuqi të shumtë, për të plotësuar veprën e Ungjillit të Birit të tij të dashur dhe Zotit tonë Jisu Krisht.

Dhiaku: (me zë të ulët) Amin. Amin. Amin. U bëftë sipas fjalës sate. O Apostul] i shenjtë dhe Ungjillor ..., ndërmjeto tek Perëndia mëshirëplotë, që t'u japë ndjesë fajesh shpirtrave tanë.

Pasi mbarohet këndimi i Apostullit:

(me zë të lartë) Paqe mbi ty që këndon dhe mbi gjithë popullin.

Populli: Aliluia (tri herë).

Prifti: (me zë të lartë) Urtësi. Drejtë. Le të dëgjojmë Ungjillin e Shenjtë. Paqe në të gjithë.

Populli: Dhe në shpirtin tënd.

Dhiaku: Këndimi prej Ungjillit të Shenjtë sipas ...

Prifti: Le të vëmë re.

Populli: Lavdi më Ty, o Zot, lavdi më Ty.

Kur nuk ka dhiak, prifti e këndon Ungjillin nga Dera e Bukur.

Dhiaku këndon Ungjillin e ditës.

Kur mbaron këndimi i Ungjillit prifti bekon:

Prifti: Paqe më ty që këndon Ungjillin.

Populli: Lavdi më Ty, o Zot, lavdi më Ty.

--------------------------------------------------------------------------------
Ndryshuar për herë të fundit nga Albo : 28-06-2006 më 23:49.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

28-06-2006, 22:44 #7
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

LITANIA E GJERË


Dhiaku: Le të themi të gjithë,me tërë shpirtin dhe me tërë mendjen tonë, le të themi:

Populli: Mëshiro, o Zot (tri herë).

Dhiaku: O Zot i gjithëpushtetshëm, Perëndi i etërve tanë, të lutemi, dëgjo e mëshiro.

Populli: Mëshiro, o Zot (tri herë).

Dhiaku: Mëshirona, o Perëndi, sipas mëshirës sate të madhe, të lutemi, dëgjo e mëshiro.

Populli: Mëshiro, o Zot (tri herë).

Dhiaku: Lutemi edhe për të krishterët shpresëtarë dhe orthodhoksë.

Populli: Mëshiro, o Zot (tri herë).

Në kohën që dhiaku thotë litaninë e gjerë (ektenis), prifti thotë këtë uratë:[/color]

Prifti: (me zë të ulët) O Zot Perëndia ynë, prano këtë lutje të gjerë prej shërbëtorëve të tu dhe mëshirona sipas mëshirës sate të shumtë; dhe dërgo dhembshuritë e Tua mbi ne dhe mbi gjithë popullin tënd që pret prej Teje mëshirën e pasur.

Dhiaku: Lutemi edhe për Kryepiskopin (ose episkopin) tonë (Aksh).

Populli: Mëshiro, o Zot (tri herë).

Dhiaku: Lutemi edhe për vëllezërit tanë: priftërinjtë, ieromonakët, ierodhiakonët, monakët dhe për tërë vëllazërinë tonë më Krishtin.

Populli: Mëshiro, o Zot (tri herë).

Dhiaku: Lutemi edhe për mëshirë, jetë, paqe, shëndet, shpëtim, vështrim, ndjesë dhe falje të mëkateve të shërbëtorëve të Perëndisë, gjithë të krishterëve shpresëtarë dhe orthodhoksë, që banojnë dhe ndodhen në këtë qytet (ose manastir).

Populli: Mëshiro, o Zot (tri herë).

Dhiaku: Lutemi edhe për të lumturit dhe gjithmonëkujtueshmit themelues të kësaj shtëpie të shenjtë, dhe për tërë etërit dhe vëllezërit tanë të parafjetur, orthodhoksë që prehen me shpresë këtu e kudo.

Populli: Mëshiro, o Zot (tri herë).

Dhiaku: Lutemi edhe për ata që sjellin pemë dhe bëjnë punë të mira në këtë kishë të shenjtë dhe të gjithënderuar, që mundohen, që psalin dhe për popullin që qëndron rrotull, dhe pret prej Teje mëshirën e madhe dhe të pasur.

Populli: Mëshiro, o Zot (tri herë).

Prifti: (më zë të lartë) Se Ti je Perëndi mëshirues dhe njeridashës dhe Ty ta drejtojmë lavdinë, Atit e Birit edhe Shpirtit të Shenjtë, tani e përherë e në jetë të jetëve.

Populli: Amin.

--------------------------------------------------------------------------------
Ndryshuar për herë të fundit nga Albo : 31-07-2006 më 22:25.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

28-06-2006, 23:45 #8
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

LUTJA PER KATIKUMENËT


Dhiaku: Lutjuni Zotit, ju katikumenët.

Ne besimtarët le të lutemi për kalikumenët.

Që t'i mëshirojë Zoti.

Që t'u mësojë fjalën e së vërtetës.

Që t'u zbulojë ungjillin e drejtësisë.

Që t'i bashkojë me Kishën e shenjtë, të përgjithshme dhe apostolike.

Shpëtoi, mëshiroi, përkrahi dhe ruaji, o Perëndi, me hirin tënd.

Ju katikumenët, kryet tuaj uljani Zotit.

Urata e katikumenëve të cilën prifti e thotë përpara se të hapet Andiminsi:

Prifti: (me zë të ulët)[/color] O Zot, Perëndia ynë, që rri në të lartat dhe kqyr ata që ndodhen poshtë, që i dërgove njerëzisë shpëtimin, Birin tënd të vetëmlindur dhe Perëndi, Zotin tonë Jisu Krisht, shtjer sytë mbi shërbëtorët e tu katikumenë, që kanë ulur kryet përpara Teje, dhe në kohën e duhur bëji të denjë për banjën e rilindjes, për ndjesën e mëkateve, dhe për rroben e mosprishjes; bashkoi me Kishën tënde të shenjtë, të përgjithshme dhe apostolike dbe numëroi bashkë me grigjën tënde të zgjedhur.

(me zë të lartë) Që dhe ata bashkë me ne të lavdërojnë emrin tënd të gjithënderuar dhe madhështor, të Atit, të Birit dhe të Shpirtit të Shenjtë, tani e përherë e në jetë të jetëve.

Populli: Amin.

Dhiaku: Sa jeni katikumenë, shkoni; ju katikumenët, shkoni; sa jeni katikumenë, shkoni. Asnjë nga katikumenët të mos qëndrojë.

--------------------------------------------------------------------------------
Ndryshuar për herë të fundit nga Albo : 28-06-2006 më 23:50.

[ilia spiro]

B

LITURGJIA E BESIMTARËVE

Dhiaku: Sa jeni besimtarët.Përsëri dhe përsëri me paqe, le t'i lutemi Zotit.

Populli: Mëshiro, o Zot.


Urata e parë e besimtarëve

Prifti: (me zë të ulët) Të falenderojmë, o Zot, Perëndi i Fuqive, që na bëre të denjë të qëndrojmë dhe tani përpara altarit tënd të shenjtë dhe të lypim gjunjazi dhembshuritë e Tua, për mëkatet tona dhe për fajet e popullit të bëra nga padija. Prano, o Perëndi, lutjen tonë; bëj që të jemi të denjë të të bëjmë lutje, dhe kërkesa dhe therore të pagjakshme për tërë popullin tënd; dhe ne që na caktove në këtë shërbesën tënde bëna të aftë, me fuqinë e Shpirtit tënd të Shenjtë, që pa faje dhe pengesa të të thërresim me dëshminë e ndërgjegjes sonë të pastër në çdo kohë dhe vend; në mënyrë që pasi të na dëgjosh, të tregohesh i butë sipas mirësisë sate të shumtë.

Dhiaku: Përkrahna, shpëtona, mëshirona dhe ruajna, o Perëndi, me hirin tënd. Urtësi.

Prifti: (me zë të lartë) Se Ty të përket tërë lavdia, nderimi dhe adhurimi, Atit e Birit edhe Shpirtit të Shenjtë, tani e përherë e në jetë të jetëve.

Populli: Amin.

Dhiaku: Përsëri dhe përsëri me paqe, le t'i lutemi Zotit.

Populli: Mëshiro, o Zot.


Urata e dytë e besimtarëve

Prifti: (me zë të ulët) Përsëri dhe shumë herë të biem ndër këmbë dhe të lutemi, o i Mirë dhe njeridashës, që, duke vënë re lutjen tonë, të pastrosh shpirtrat dhe trupat tanë nga çdo ndyrësi trupi dhe shpirti; dhe bëna të qëndrojmë përpara altarit tënd të shenjtë, pa faj dhe pa dënim. Dhuroju, o Perëndi, dhe atyre që falen bashkë me ne përparim në jetë, në besë, dhe në mençuri shpirtërore; jepu që të të adhurojnë gjithnjë me frikë dhe dashuri, dhe të marrin pjesë në misteret e T'ua të shenjta, pa faj dhe pa dënim, dhe të tregohen të denjë për mbretërinë tënde qiellore.

Dhiaku: Përkrahna, shpëtona, mëshirona dhe ruajna, o Perëndi, me hirin tënd. Urtësi.

Populli: Mëshiro, o Zot.

Prifti: (me zë të lartë) Që të ruajtur gjithnjë prej fuqisë sate të të drejtojmë lavdinë, Atit e Birit edhe Shpirtit të Shenjtë, tani e përherë e në jetë të jetëve.

Populli: Amin.

--------------------------------------------------------------------------------
Ndryshuar për herë të fundit nga Albo : 11-07-2006 më 21:29.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

11-07-2006, 22:03 #10
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

HYRJA E MADHE

Himni Keruvik

Populli: Ne që simbolizojmë mistikisht keruvimet, dhe i këndojmë Trinisë jetëbërëse himnin trishenjtor, le të largojmë prej nesh tërë kujdesin për jetën;

Në kohën psalet Himni Keruvik:

Dhiaku: (me zë të ulët) Le t'i lutemi Zotit.


Urata e Himnit Keruvik

Prifti: (me zë të ulët) Asnjë nga ata që janë lidhur me epshet dhe dëfrimet trupore nuk është i denjë të vijë tek Ti, ose të të afrohet ose të të shërbejë Ty, o mbret i lavdisë. Se të shërbyerit tek Ti është një gjë e madhe dhe e frikshme edhe për fuqitë qiellore. Mirëpo nga njeridashja jote e patregueshme dhe e pamatshme u bëre njeri pa u ndryshuar, dhe ke qenë kryeprifti ynë, dhe si Zot i gjithësisë na dorëzove shërbesën e shenjtë të kësaj Meshe dhe theroreje të pagjakshme; se vetëm Ti, o Zot Perëndia ynë, i sundon qielloret dhe të dheshmet, Ti që rri mbi fronin keruvik, Zoti i serafimeve dhe mbret i Izraelit që je i vetmi shenjt dhe që prehesh ndër shenjtorët. Të lutem pra, Ty, të vetmit të mirë dhe të gatshëm për të dëgjuar; shtjer sytë mbi mua shërbëtorin tënd mëkatar dhe të padobishëm, dhe pastroma shpirtin dhe zemrën nga ndërgjegja e keqe, dhe bëmë të zotin me fuqinë e Shpirtit tënd të Shenjtë, mua që kam veshur hirin e priftërisë, të qëndroj përpara kësaj Tryezës tënde të shenjtë, dhe t'i shërbej flijimit të Trupit tënd të shenjtë e të pacënuar dhe Gjakut tënd të nderuar. Se tek Ti vij duke ulur kryet dhe Ty të lutem; mos e hiq fytyrën tënde nga unë, as mos më përjashto nga rrethi i shërbëtorëve të Tu, po denjo të të blatohen këto dhurata prej meje, shërbëtorit tënd mëkatar dhe të padenjë. Se Ti je blatuesi dhe i blatuari, Ai që pranon dhe që jep vetveten, o Krisht Perëndia ynë, dhe Ty ta drejtojmë lavdinë, bashkë me Atin tënd pa fillim dhe Shpirtin tënd të tërëshenjtë, të mirë dhe jetëbërës, tani e përherë e në jetë të jetëve. Amin.



Dhe pas Uratës:

Prifti: (me zë të ulët) Ne që simbolizojmë mistikisht keruvimet, dhe i këndojmë Trinisë jetëbërëse himnin trishenjtor, le të largojmë prej nesh tërë kujdesin për jetën (tri herë).

Dhiaku: Që mbretin e të gjithave të presim të pasuar padukurisht prej rreshtave engjëllore. Aliluia, Aliluia, Aliluia (tri herë).

Prifti temjanis Tryezën e Shenjtë, ikonat dhe popullin duke thënë me zë të ulët: «Në që pamë ngjalljen e Krishtit...» dhe pastaj «Ejani të falemi...» (tri herë) edhe Psalmin 50.

Prifti dhe dhiaku kthehen nga populli duke thënë:

O vëllezër, falmëni mua mëkatarin.

O Perëndi, fali ata që na urrejnë e na duan.

(me zë të ulët) Ngreji, o Zot.

(me zë të ulët) Me paqe ngrini duart tuaja në të shenjtat dhe bekoni Zotin.

Pastaj prifti merr Dhiskun e shenjtë të mbuluar dhe ia vendos me vëmendje dhe shpresëtari dhiakut mbi krye. Merr dhe prifti Potirin e shenjtë, gjithashtu të mbuluar duke thënë;

U ngjit Zoti me brohoritje, Zoti me zë trumbete.

Dhe bëhet Hyrja e Madhe.

Prifti dhe dhiaku dalin nga dera veriore për Hyrjen e Madhe; përpara shkojnë fëmijë me Kryqin, gjashtëkrahëshet, llambadha të ndezura dhe temjanicë. Duke shkuar mesit të kishës, dhiaku thotë:

Dhiaku: (me zë të lartë) Të gjithë ne, edhe të gjithë të krishterët shpresëtarë orthodhoksë na kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Populli: Amin.

Prifti kur arrin në mes të kishës thotë:

Prifti: Kryepiskopin (ose episkopin) tonë (Aksh), dhe gjithë vëllazërinë tonë më Krishtin, kombin tonë shpresëtar, udhëheqjen dhe ushtrinë e tij. Të gjithë ata që banojnë e ndodhen në këtë qytet: enoritët, epitropët, ndihmëtarët, dhuruesit e kësaj kishe të shenjtë, si edhe të gjithë ne që marrim pjesë në këtë Meshë Hyjnore.

Populli: Amin.

Prifti:Ndërtuesit e lumtur e të gjithmonëkujtueshëm, rindërtuesit dhe dhuruesit e kësaj kishe të shenjtë, ata që ranë për fenë e për atdhenë dhe të gjithë etërit dhe vëllezërit tanë që kanë ndërruar jetë me shpresë ngjalljeje dhe jetë të pasosur, i kujtoftë Zoti Perëndia në mbretërinë e Tij, gjithnjë; tani e përherë dhe në jetë të jetëve.

Populli: Amin.

Kur merr pjesë në Meshë episkop ose kryeipiskop, nuk del në Hyrjen e Madhe por qëndron përpara Derës së Bukur pa mitër dhe pret Dhuratat e çmuara, ndërsa dhiaku dhe prifti duke i dorëzuar me radhë, i pari Dhiskun dhe i dyti Potirin, thonë:

Kryepriftërinë tënde e kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Psaltet: Amin.

Duke hyrë në Hierore, dhiaku i thotë priftit ose Kryepiskopit apo episkopit:

Dhiaku: Priftërinë (ose Kryepriftërinë) tënde e kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Prifti ose Kryepiskopi apo episkopi thotë:

Dhiakoninë tënde e kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Populli: Që mbretin e të gjithave të presim, të pasuar padukurisht prej rreshtave engjëllore. Aliluia, Aliluia, Aliluia.

Duke vendosur Dhuratat e çmuara mbi Tryezën e Shenjtë:

Prifti: Bujari Josif, si e zbriti prej drurit trupin tënd të pacënuar, e mbështolli me pëlhurë të pastër dhe me aroma dhe e varrosi duke e vënë në një varr të ri.

Dhiaku: Bëj të mirë, o Zot.

Prifti temjanis të Shenjtat duke thënë:

Atëherë do të sjellin viça mbi altarin tënd (tri herë).

Dhe i thotë dhiakut:

Priftiujtomë, o vëlla dhe bashkëmeshëtar,

Dhiaku: Priftërinë tënde e kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Lutu për mua, o zot i shenjtë.

Prifti: Shpirti i Shenjtë do të vijë mbi Ty dhe fuqia e të Lartit do të të mbrojë.

Dhiaku: Shpirti vetë do të meshojë bashkë me ne tërë ditët e jetës sonë.

Kujtomë, o zot i shenjtë.

Prifti: Dhiakoninë tënde e kujtoftë Zoti Perëndia në mbretërinë e Tij, gjithnjë; tani e përherë e në jetë të jetëve.

Dhiaku: Amin.

--------------------------------------------------------------------------------
Ndryshuar për herë të fundit nga Albo : 11-07-2006 më 22:07.


Albo
Shiko Profilin Publik
Dërgo një mesazh privat tek Albo
Dërgoi email Albo
Vizito faqen e Albo!
Gjej më shumë postime nga Albo
Shto Albo në Listën e Miqve

01-08-2006, 00:01 #11
Albo
Shpirt Shqiptari




Anëtarësuar: 16-04-2002
Vendndodhja: Philadelphia
Postime: 11,010

LUTJA E DHURATAVE TË SHENJTA

Dhiaku: Le ta plotësojmë lutjen tonë ndaj Zotit.

Populli: Mëshiro, o Zot.

Dhiaku: Për Dhuratat e çmuara të paravëna, le t'i lutemi Zotit.

Populli: Mëshiro, o Zot.

Dhiaku: Për këtë shtëpi të shenjtë dhe për ata që hyjnë brenda në të me besim, shpresëtari dhe frikë Perëndie, le t'i lutemi Zotit.

Populli: Mëshiro, o Zot.

Dhiaku: Që të shpëtojmë prej çdo hidhërimi, zemërimi, rreziku dhe nevoje, le t'i lutemi Zotit.

Populli: Mëshiro, o Zot.

Dhiaku: Përkrahna, shpëtona, mëshirona dhe ruajna, o Perëndi, me hirin tënd.

Populli: Amin.

Dhiaku: Ditën të tërë, të përsosur, të shenjtë, me paqe dhe të pamëkatshme, le t'ia lypim Zotit.

Populli: Falna, o Zot.

Dhiaku: Engjëll paqeje, udhëheqës besnik, ruajtës të shpirtrave dhe të trupave tanë, le t'i lypim Zotit.

Populli: Falna, o Zot.

Dhiaku: Ndjesë dhe falje të mëkatave dhe të fajeve tona, le t'i lypim Zotit.

Populli: Falna, o Zot.

Dhiaku: Të mirat dhe të dobishmet për shpirtrat tanë dhe paqe për botën, le t'i lypim Zotit.

Populli: Falna, o Zot.

Dhiaku: Që të kalojmë në paqe dhe në pendim jetën që na mbetet, le t'i lypim Zotit.

Populli: Falna, o Zot.

Dhiaku: Mbarim të krishterë të jetës sonë, pa dhimbje, faqebardhë, me paqe dhe mbrojtje të mirë përpara gjykatores së frikshme të Krishtit, le të lypim.

Populli: Falna, o Zot.

Dhiaku: Të Tërëshenjtën, të pacënuarën, të përmbibekuarën, të lavdëruarën Zonjën tonë Hyjlindëse dhe gjithmonë Virgjërën Mari, bashkë me gjithë shenjtorët duke kujtuar, veten tonë dhe njeri-tjetrin dhe gjithë jetën tonë, Krishtit Perëndisë, le t'ia parashtrojmë.

Populli: Ty, o Zot.



Urata e Proskomidhisë:


Prifti: (me zë të ulët) O Zot, Perëndi i tërëfuqishëm, i vetmi i shenjtë, që pret therore lavdërimi prej atyre që të thërresin me gjithë zemër, prano dhe lutjet e ne mëkatarëve dhe shpjere në altarin tënd të shenjtë; dhe bëna të zotët të të sjellim dhurata dhe therore shpirtërore për mëkatet tona dhe për fajet e popullit të bëra nga padija.

Bëna të denjë të gjejmë hir përpara Teje që të bëhet mirëpritur prej Teje therori ynë, dhe Shpirti i mirë i hirit tënd të ngrerë tendën mbi ne dhe mbi këto dhurata që ndodhen përpara dhe mbi tërë popullin tënd.

(me zë të lartë) Me përdëllimet e Birit tënd të vetëmlindur, me të cilin je i bekuar, bashkë me Shpirtin tënd të tërëshenjtë, të mirë dhe jetëbërës, tani e përherë e në jetë të jetëve.

Populli: Amin.

Prifti: Paqe në të gjithë.

Populli: Dhe në shpirtin tënd.

Dhiaku: Le të duam njeri-tjetrin që të rrëfejmë me një mendje,

Populli: Atin e Birin edhe Shpirtin e Shenjtë, Trininë e njëqenshme e të pandarë.

Priftime zë të ulët) Do të të dua, o Zot, fuqia ime, Zoti është mbështetja ime, dhe streha ime, dhe shpëtimtari im.

Dhiakume zë të lartë) Dyert! Dyert! me urtësi, le të vëmë re.



Simboli i Besimit:


Populli:

I.- Besoj në një Perëndi, Atë të tërëfuqishëm, krijues të qiellit dhe të dheut dhe të gjithë të dukurave dhe të padukurave.

II.- Dhe në një Zot, Jisu Krishtin, Birin e Perëndisë, të vetëmlindurin, që lindi prej Atit përpara gjithë shekujve. Dritë prej drite, Perëndi të vërtetë, prej Perëndie të vërtetë, të lindur, jo të bërë, që ka të qenët një me Atin, me anën e të cilit u bënë të gjitha.

III.- Që për ne njerëzit edhe për shpëtimin tonë, zbriti prej qiejve, dhe u trupëzua prej Shpirtit të Shenjtë edhe Virgjëreshës Mari dhe u bë njeri.

IV.- Dhe u kryqëzua për ne në kohën e Pontit Pilat, dhe pësoi e u varros.

V.- Dhe u ngjall të tretën ditë sipas Shkrimeve.

VI.- Dhe u ngjit në qiejt dhe rri në të djathtë të Atit.

VII.- Dhe do të vijë përsëri me lavdi të gjykojë të gjallët dhe të vdekurit, mbretëria e të cilit nuk do të ketë mbarim.

VIII.- Dhe në Shpirtin e Shenjtë, Zot, jetëbërës, që buron prej Atit, që adhurohet e lavdërohet bashkë me Atin e me Birin, që foli me anën e profetëve.

IX.- Në një Kishë të shenjtë, të përgjithshme dhe apostolike.

X.- Pohoj një pagëzim për ndjesën e mëkateve.

XI.- Pres ngjalljen e të vdekurve.

XII.- Dhe jetën e ardhshme të amëshuar.

Amin.

--------------------------------------------------------------------------------
Ndryshuar për herë të fundit nga Albo : 01-08-2006 më 00:03.

[sabah08]

Shume mire ilias, bravo ,ke bere perparime ne teologji,por ke ngatruar adrese,ketu nuk eshte kishe.

[ilia spiro]

Postova vetem 60 % e Liturgjise Hyjnore qe festohet cdo te diel dhe te kremte ne Kishen Orthodhokse Autoqefale te Shqiperise. 40 % nuk e merrte nga shkaku i fotove.
Une me sa kuptoj une gjithcka eshte shqip.
Pra mos shpif o Mengjes08.

[sabah08]

Ilias per koken tende a ka mundesi te heqesh gjuhen greke nga portali i kishes ortodokse shqiptare dhe une e mbyll temen.A na e ben dot kete lehtesire se nuk jemi miqesuar me janullen e jo me me gjuhen greke.