Panorama, 25/03/2009 - 08:53
Per nje Shqiperi Anormale
Blendi Kajsiu
Nė replikėn e tij me shkrimin tim Shėmtimi pervers i PD-sė, kolegu Ēili argumentonte se nuk ka asgjė perverse nė sulmet e PD-sė ndaj liderit tė opozitės. Sipas tij kemi tė bėjmė me njė ligjėrim tipik konservator qė merret me jetėn private tė kundėrshtarit politik, sikurse ndodh me shumė parti konservatore nė Europė apo Amerikė. Empirikisht ky argument qėndron. Po tė shikojmė fushatat elektorale tė Xhorxh Bushit nė Amerikė tė organizuara nga strategu i tij Karl Rove, do shikojmė se ato janė marrė shumė me jetėn personale tė kundėrshtarit. Kėshtu kur Bush konkurronte pėrballė Mekeinit brenda Partisė Republikane, Karl Rove hapi fjalė se fėmija me ngjyrė qė Mekeini kish adoptuar ishte nė fakt fėmija i tij ilegjitim jashtė martese. Natyrisht kjo nuk ishte e vėrtetė, por me tu mbjellė dyshimi nė mendjen e republikanėve qė janė kryesisht tė bardhė, konservatorė dhe kanė alergji nga fėmijėt jashtė martese, sidomos ata me ngjyrė, efekti ishte tejet i madh dhe Xhon Mekeini humbi zgjedhjet, edhe pse nė tė gjitha aspektet ai ishte shumė superior ndaj Xhorxh Bushit.
E dhashė shembullin e mėsipėrm thjesht pėr tė treguar se njė realitet empirik qoftė edhe nė Amerikė nuk kthehet automatikisht nė njė dimension normativ nė Shqipėri. Pra, fakti qė ka parti konservatore qė merren me jetėn personale tė kundėrshtarit nuk do tė thotė qė kjo ėshtė apo duhet tė jetė normė pėr partitė konservatore. Pėrkundrazi pėr njė parti konservatore jeta personale dhe familja ėshtė e shenjtė dhe si e tillė respektohet jo vetėm tek vetja, por edhe tek tjetri.
Kėshtu nėse shtėpia ime ėshtė kėshtjella ime, sikurse u shpreh Berisha kur kritikoi futjen e kamerave tė Fiks-it nė shtėpinė e Pangos, atėherė nga njė pikėpamje konservatore ėshtė imorale tė futesh nė shtėpinė, dhomėn e gjumit apo krevatin e tjetrit. Pikėrisht pėr kėtė arsye edhe Karl Rove thashethemet e tij i hapte dhe i krijonte me mjaft kujdes. Thashethemin pėr Mekeinin ai e krijoi nėpėrmjet njė pyetje tė pafajshme qė i drejtohej republikanėve nė njė pyetėsor elektoral ku thuhej; si do tė ndiheshit ju nėse merrnit vesh qė Mekein ka njė fėmijė me ngjyrė jashtė martese? Pyetje tė tilla pėr ēėshtje kaq personale ngaqė janė nė thelb tė pavėrtetueshme mbjellin dyshime qė nuk fshihen dot kurrė. Ama edhe nė kėtė rast marrja me jetėn personale tė kundėrshtarit, edhe pse vėrtet perverse, bėhej fshehtas dhe nė mėnyrė tė sofistikuar. Dhe jo siē bėn PD-ja sot duke nxjerrė zėdhėnėsin e partisė qė na thotė para kamerave muhabetet qė, sipas tij, Rama ka bėrė me gruan e tij tė parė nė dhomėn e gjumit. Apo kur vetė lideri i PD-sė del dhe flet pėr kastrimin e Ramės para turmave elektorale.
E megjithatė kolegu Ēili pėrsėri ka tė drejtė; kjo tashmė duket se nuk i bėn mė pėrshtypje njeriu dhe pėr pasojė mund tė konsiderohet normale. Po ky nuk ėshtė njė normalitet qė ka tė bėjė me normat dhe traditėn shqiptare apo me vlerat konservatore. Nė normat dhe traditėn shqiptare familja ėshtė vėrtet e shenjtė dhe pėr pasojė rrallėkush futet nė intimitetet e saj publikisht.
Normaliteti aktual buron nga mpirja e sensorėve tanė normativė, sidomos pas shpėrthimit tė Gėrdecit. Sot pakkujt i bėn pėrshtypje se pushteti mund tė ushtrohet me familjarėt dhe nė funksion tė tyre edhe kur prodhon viktima tė pafajshme. Sot pakkujt i bėn pėrshtypje se kryetari i PD-sė, Berisha, bėn koalicion elektoral me kryetarin e PR-sė, Mediu, pėrgjegjėsin kryesor politik tė Gėrdecit. Sot abuzimi me pushtetin ėshtė kthyer nė dukuri krejt normale, disa e bėjnė me miqtė, disa me fėmijėt, disa me familjarėt. Madje sot ne tė gjithėve nuk na bėn pėrshtypje fare se Rama nesėr mund tė abuzojė me pushtetin, por thjesht shpresojmė ta bėjė kėtė me mė pak kosto dhe viktima se sot.
Nė tė gjitha kėto raste normaliteti ėshtė zhveshur nga ēfarėdolloj norme. Ai ėshtė kthyer thjesht nė njė realitet empirik, ku ajo qė ndodh pranohet si normale pėr faktin e thjeshtė sepse ndodh. I vetmi test normativ ėshtė krahasimi me perėndimin; pra nėse pushteti ushtrohet familjarisht nė Greqi apo Itali, pse jo edhe tek ne, nėse politika merret me trillime dhe shpifje nė Amerikė, pse jo edhe tek ne. Nė kėtė mėnyrė garantohet tejkalimi i ēdo norme duke iu referuar deficencave perėndimore me tė cilat mund tė justifikohet gjithēka.
Nė mungesė tė normave ky normalitet nuk ka kufi, ai kthehet thjesht nė pasqyrė tė realitetit, duke normalizuar ēdo gjė qė ndodh brenda tij. Ai zgjerohet pafund duke normalizuar edhe fenomene qė mė parė do na dukeshin krejtėsisht anormale. Krejtėsisht anormale do na dukej mė parė Gėrdeci, ideja se nė kėrkim tė fitimit mund tė vrasėsh njerėz tė pafajshėm dhe jo vetėm tė mos dėnohesh, por tė futesh edhe nė koalicion elektoral dhe tė zgjidhesh deputet. Edhe nė kohėt anormale tė diktaturės diēka e tillė do kish qenė e papranueshme. Krejtėsisht anormale do na dukej mė parė sharja nga nėna dhe motra qė kryeministri Berisha i bėri deputetit Balla. Krejt anormale do na dukej nė fillimet e tranzicionit, apo edhe vetėm 4-5 vite mė parė, njė kryeministėr qė u flet turmave pėr kastrimin e liderit tė opozitės.
Shumė nga ata qė dje ishin me PD-nė nė opozitė shumėēka qė ka ndodhur sot, dje do tu dukej e pabesueshme, apo anormale. Krejt anormale do tu dukej se si anti-korrupsioni mund tė prodhonte njė korrupsion tė pėrmasave dhe pasojave tė papara mė parė. Sot tė gjitha kėto bėjnė pjesė nė mozaikun e asaj qė miku im Ēili e quan Shqipėria krejt normale. Dhe ka tė drejtė. Prandaj mendoj se sot na duhet njė Shqipėri sa mė anormale.
Krijoni Kontakt