Vetura Teknologjia e Fundit

[new-man]

I mirënjohuri Ugur Sahin, i cili në të kaluarën u nderua për interpretimin modern të Ferrari Dino, së fundmi e ka zbuluar projektin e tij të ri për ri-interpretimin e Corvette C6 në bashkëpunim me kompaninë "Mallet Cars".

Projekti Z03 ka kaluar nëpër një revizion më të lehtë stilistik dhe tash duket shumë më atraktiv dhe joshës.

Befasia e vërtetë fshihet nën kapakun e motorit, ku është i vendosur LS7 V8 në GM me kompresor, me fuqi mbi 700 KF.

Ky motor u dedikohet shoferëve pak më normalë!?, ndërsa për fanatikët e vërtetë ekziston mundësia që me shtimin e dy turbo-mbushësve në motor të arrihen 999 KF.

Vetëm përpunimi i Corvette C6 sipas recetës së Ugur Sahin, do të kushtojë 69.000 dollarë amerikanë (duke mos e përfshirë çmimin e automjetit).

Vetëm për ‘tuning-un’ e motorit që të zhvillojë 700 KF paguhet shtesë 32.700 dollarë, ndërsa për motorin që zhvillon 999 KF nevojiten 37.795.

[new-man]

Njoftohet se në panairin automobilistik të Frankfurtit, Bugatti do të paraqesë një model të ri- versionin limuzinë të Veyron.

Besohet se bëhet fjalë për interpretimin modern të modelit Type 41 Royale, që gjatë periudhës 1927-1933 janë prodhuar vetëm gjashtë të tillë, megjithatë edhe në ditët e sotme konsiderohet si njëri nga automjetet më prestigjioze të Buggatit.

Burime të ndryshme pohojnë se edhe modeli i ri do të prodhohet vetëm në gjashtë ekzemplarë.

Nga ana teknike shumica e pjesëve, përfshirë edhe platformën dhe motorin do të merren nga Veyron, në të cilin do të bazohet automjeti modern Royale.

[new-man]

Koncepti i ri i Hyundait, me një emër më pak të çuditshëm, Nuvis, premierën e ka përjetuar në panairin e automjeteve në New York. Bëhet fjalë për një kombinim të ‘cross-over-it’, automjetit kompakt dhe kupesë.

Nga ana e dizajnimit, këtë automjet e karakterizojnë linjat futuristike, që është gjë normale për një koncept, ndërsa detal interesant janë dyert e mëdha anësore të cilat e mbulojnë thuajse të gjithë automjetin dhe mundësojnë hyrje më të lehtë në ulësen e pasme, ndërsa hapen nga lartë, sikurse në automjetet sportive.

Ende më interesant është fakti se Nuvis është automjet hibrid. Motori i tij është benzinë 2.4 litërsh, (i lidhur me një motor elektrik me fuqi prej 41 KF dhe 205 Nm moment rrotullues) me fuqi të përgjithshme tërheqëse prej më shumë se 200KF dhe moment rrotullues pre 300 Nm.

Për ndërrimin e shpejtësive është përgjegjës marrshi automatik gjashtë shkallësh. Ndërsa harxhimi do të jetë 7 litra në 100 km.

[new-man]

Dhjetëvjetorin e ekzistimit të tij, departamenti OPC i Opel-it e ka festuar me një ultra version të Insignia-s së re, e cila do të ketë turbo motor, i cili do të zhvillojë 325 KF, ndërsa tërheqja do të jetë me të katër rrotat.

Duke u bazuar në modelin e zakonshëm, dallimet do të jenë në pjesën e poshtme të automjetit, e cila këtu është 10 mm më e ulët në krahasim me modelin Sport dhe ka stabilizues të rinj.

Ndryshime ka edhe në sistemin drejtues, me ç’rast burime pranë OPC njoftojnë se sistemi drejtues do të jetë shumë më preciz, dhe nuk do të dallohen vibrimet dhe pjesët jo të rrafshëta të rrugës. Shoferi do të ketë mundësi ta zgjedhë sistemin amortizues nga tre opsionet: Standard, Sport dhe OPC.

Tërheqja do të jetë me të katër rrotat, për vetë faktin se vetëm njëri bosht nuk do të mund ta ‘mbante’ fuqinë e motorit të madh 2.8 litërsh V6 turbo, me moment rrotullimi 400 Nm dhe me 325 KF.

Arritja e shpejtësisë prej 100 km/h do të zgjasë vetëm 6 sekonda, ndërsa shpejtësia maksimale do të jetë e kufizuar në 250 km/h.

Marshi do të jetë manual me gjashtë shkallë. Ndërsa, burime nga Ople njoftojnë se ata kanë punuar edhe në zërin e automjetit, i cili do të jetë i veçantë për ta kënaqur vozitësin.

[new-man]

Tani për tani të gjithë jemi familjar me tipet e reja të kompanisë Chrysler. Kjo sepse në të gjitha anët përballemi me tipet me të reja të kësaj makine, sidomos në New York.

Me këtë ne mund të mendojmë se kjo kompani tani mendon edhe për vitin 2011, pasi që tani ata kanë krijuar tipin më të ri, të emëruar “Jeep Grand Cherokee? Makina ka një komfor të mirë dhe është një makinë që nuk e ndot ambientin.

Gjithçka është bërë gati që kjo kompani të na befasoj me tipin e saj më të ri. Jeep ka reputacionin e një makine si arkë, shpenzues dhe me e ndryshme në dizajn nga makinat e tjera.

Modeli i ri i kësaj kompanie që do të del në treg në vitin 2011, është paraqitur në New York, dhe atë në dy mënyra.

Prodhimi i ri ka një motor jo më të madh se 280 kuaj fuqi dhe ka gjashtë shpejtësi. Kjo paraqet një rritje të përqindjes në kuaj fuqi dhe shpejtësisë rrotullimit të motorit të saj.

Modeli i ri Grand Cherokee po ashtu mund të bëhet edhe me motor 360 kuaj fuqi. Kjo ka bërë që ai të ketë edhe një kapacitet më të madhe, ku do të këtë një motor me katër cilindra që i mundësojnë atij një vozitje shumë të mirë, sidomos në autostradë.

[new-man]

Pak më parë folëm për makinën Jeep Grand Cherokee, një makinë kjo për të gjitha terrenet, e fuqishme për t’u ngjitur madje edhe në maje Gjeravicës, për ata që dëshirojnë. Por, modeli i ri i Acura, ZDX, është një koncept që mund t’ua ndërroj mendjen adhuruesve të makinave.

Dizajni dhe filozofia e tanishme e Acura’s paraqet një makinë të mprehtë më katër qoshe në ngjyrë metali që të tregojnë se kemi të bëjmë me një makinë të shpejt si vetëtima. Me një fjalë ajo është një makinë sportive me katër dyer, e gatshme për t’i hyrë çdo aventure me vozitësit që kanë dëshirë të vozisin shpejt.

Përformancat e saj paraqesin një motor me gjashtë shpejtësi dhe lirim të gazrave që nuk e ndotin ambientin.

Acura ka një sistem shumë të mirë për vozitje, ndoshta më të mirin në industrinë e automobilizmit, ku karriga e shoferit është shumë e mirë, sidomos kur ulemi. Madje, gazetari i New York Times ka pasur një përvojë të mirë në vozitjen e kësaj makine.

Acura ZDX e tëra i takon teknologjisë se fundit automobilistike.

Ajo ka sistem të navigimit dhe i përshtatet shumë trafikut dhe kushteve atmosferike. Zërimi i saj është Premium, standard me sistemin tonë të informimit.

Koncepti i ri i Acura ZDX është ardhur pas atij Acura MDX me të cilin kjo kompani pati një sukses të madh ndërkombëtarë.

[oktapodhi1]

makina te bukura

[new-man]

Kanë arritur edhe zyrtarisht fotografitë dhe detajet e limuzinave të ridizajnuara sportive – Mercedes S65 AMG e S63 AMG.

Ndryshimet vizuale janë diskrete, si edhe tek modelet standarde dhe ato dallohen nga maska e re e ftohësit me pjesën e poshtme më të theksuar, mbrojtës tjerë, retrovizorë dhe drita LED. Ndryshime të vogla vërehen edhe në kabinë (timoni i ri sportiv).

Sa i përket motorizimit, ai mbetet i njëjti - S63 AMG me motorin 6.2-litërsh V8 edhe më tutje ka 525 KF dhe 630 Nm, derisa S65 AMG me motorin V12 prej 6.0 litrash 612 KF dhe 1.000 Nm (të kufizuar në mënyrë elektronike).

Për shkak të momentit të madh të rrotullimit, tek S65 AMG është mbajtur marshi automatik prej pesë shpejtësish, për dallim nga ai prej shtatë shpejtësish tek versionet më të dobëta.

Shpejtësia maksimale në formë tradicionale është kufizuar në 250 km/h, por blerësi me pagesë shtesë mund të kërkojë që kufiri të vendoset në 300 km/h.

[new-man]

Volkswagen, si duet është ngutur për ta prezantuar modelin e saj më të ri të GTI në panairin e New York-ut.

Makina e quajtur Volkswagen GTI dhe Golf TDI pritet që në treg të del gjatë vitit 2010 dhë është një zgjidhje shumë e mirë, sidomos për ata të cilët dëshirojnë që të ruajnë xhepin e tyre.

Makina ka dy versione. Me dy dhe katër dyer. Ka cilësi sportive por edhe familjare.

Motori i saj është 200 kuaj fuqi, ndërkaq ka gjashtë shpejtësi dhe bën lirim mesatar të gazrave.

Çmimi i kësaj makine pritet të jetë nga 21 655 deri në 22 211 dollarë.

[new-man]

Modeli i ri i Fordi, i quajtur Fusion Hybrid 2010 është njëra ndër makinat që sot po konsiderohet si ndotësja me e vogël e ambientit ku jetojmë.

Kjo është një makinë me katër dyer dhe konsiderohet një makinë familjare,

Po ashtu, ajo ka një motor jo shumë të madh prej 156 kuaj fuqi, dhe mund të bëj lirim mesatar të gazrave.

Ky tip i makinës do të del në vitin 2010 dhe do të kushtoj deri në 27 270 dollarë.

[new-man]

Modeli i ri sportiv në gamën Q3 të prodhuesit Audi do të paraqitet në vitin 2011. Audi ditë më parë ka konfirmuar zyrtarisht se prodhimi i këtij modeli do të zhvendoset në fabrikat e Seatit në Martorell, në Spanjë, për t’u ruajtur 1.200 vende pune të punësuarve të atjeshëm.

Në kompani për një kohë kanë shikuar mundësinë e prodhimit të këtij modeli në Shtetet e Bashkuara të Amerikës, por kriza aktuale ekonomike është shkak pse kjo nuk ka ndodhur.

Audi është një prej kompanive të rralla e cila është duke bërë afarizëm me profit përkundër turbulencave të theksuara në tregun e automjeteve, derisa në Seat janë më shumë më se të kënaqur me këtë hap dhe vazhdimin e bashkëpunimit me brendin e njohur botëror.

[new-man]

Nga fillimi i korrikut blerësit evropianë do të kanë në dispozicion Audi A4 2.0 TDI 'e' i cili, sipas të dhënave zyrtare, në ciklin e kombinuar shpenzon gjithsej 4.6 litra karburant në njëqind kilometra të kaluara.

Në mënyrë që limuzina e tyre e klasës së ulët të arrijë këtë rezultat, në Ingolstadt kanë vendosur të bëjnë një seri të testeve teknike.

A4 2.0 TDI 'e' është i pajisur me teknologjinë start-stop, marshin mekanik prej gjashtë shpejtësish të përshtatur si dhe me rrjetën gjysmë të mbyllur të ftohësit.

Në Audi pohojnë se limuzina e tyre ekonomike arrin shpejtësinë prej 100 kilometrash në orë për 9.7 sekonda dhe atë maksimale prej 215 km/h.

Çmimi i paralajmëruar i modelit A4 ekologjik në Gjermani do të jetë 30.800 euro, derisa versioni karavan Avant i cili shpenzon diç më shumë (4.9 litra në njëqind kilometra) do të kushtojë 32.800 euro.

[new-man]

Nga prodhuesi gjerman i automjeteve “Audi” është paralajmëruar se më 16 korrik, me rastin e festimit të 100-vjetorit të ekzistimit të kompanisë, premierën do ta ketë një model i ri, i cili tani për tani po ruhet nën vellon e fshehtësisë.

Thashethemet thonë se do të mund të ishte një RS5, R8 Spider apo A5 Sportback, edhe pse asnjë supozim nuk është për mos tu lavdëruar.

Fillimi i kremtimit të njëqindvjetorit të ekzistimit do të fillojë me ceremoninë gara në Audi Forum, në Ingoldstadt, derisa në ceremoninë katër-ditore do të merr pjesë edhe kancelaria e Gjermanisë, Angela Merkel.

[new-man]

Gjiganti i përkulur amerikan i automjeteve General Motors ka ndërmarrë hapin e parë të ristrukturimit të vet. GM ka shuar modelin Pontiac pas 83 vitesh të ekzistimit të këtij brendi.

Një fat i ngjashëm, siç po qëndrojnë hesapet, i pret edhe Saab, Saturn e Hummer, duke marrë parasysh se prodhuesi amerikan nuk po arrin të gjej blerës të interesuar në këto kohë krize, derisa koha për strukturim çdo ditë është më e shkurtër.

GM në periudhën vijuese planifikon të fokusohet në katër brende – Chevrolet, Cadillac, Buick e GMC.

Në të njëjtën kohë General Motors planifikon të zvogëlojë edhe fuqinë punëtore nga 61.000 sa ishin në vitin 2008 në 40.000 në vitin 2010.

[new-man]

Audi R8 pa kulm ka marrë dritën e gjelbër për prodhim serik.

Pas shumë muaj thashethemesh dhe fotografi spiunësh, versioni kabriolet i Audi R8 përfundimisht dhe zyrtarisht ka marrë dritën e gjelbër për prodhim serik.

Informatat jozyrtare thonë se njësitë e parë do të mund të dilnin nga shiritat e fabrikës gjatë vitit 2011.

Më herët është konsideruar se R8 ka kulm në fakt nuk do të jetë një kabriolet i vërtetë, por një version i tij me kulm të fortë, megjithatë revista “What Car” pohon se do të ketë kulm të butë.

Kulmi i fortë është anuluar për shkak të faktit të thjeshtë se motori është vendosur prapa, që pamundëson zbatimin e tij.

Supozohet se versioni serik do të thirret R8 Spider dhe do të përdorë paletën e plotë të motorëve të versionit standard.

[new-man]

Automjeti i ri Seat Ibiza Ecomotive, i cili përndryshe publikut i është paraqitur gjatë tetorit të vitit të kaluar në panairin e automjeteve në Paris, ka arritur një rezultat të jashtëzakonshëm duke kaluar 1.562 kilometra me një rezervuar karburant, që do të thotë se shpenzimi mesatar ka qenë vetëm 2.9 litra në 100 kilometra.

Në timonin e Ibiza Ecomotive përndryshe ka qenë austriaku Gerhard Plattner, i cili ka udhëtuar nga Martorella afër Barcelonës në Spanjë, e nëpër Francë deri në qytetin Gottingen të Gjermanisë.

Për një rezultat të këtillë janë meritorë aerodinamika e përmirësuar e automjetit, njësia e modifikuar kontrolluese elektronike e motorit me naftë 1.4 litërsh (ka 80 KF dhe moment të rrotullimit prej 195 Nm), pesha diç më e vogël dhe gomat SP10A 175/70 R14 me rezistencë më të vogël të rrotullimit, etj.

Ibiza Ecomotive për të arritur shpejtësinë prej 100 km/h ka nevojë për 12.9 sekonda, derisa atë maksimale e arrin në 177 km/h.

Nën pajisjet standarde të Ibiza Ecomotive ndryshe, në mes tjerash gjenden ABS, ESP, TCS + EBA, Hill Hold Control, MP3, servo timon, mbyllje qendrore nga largësia dhe shumë opsione tjera.

[new-man]

Land Rover ka freskuar ofertën e modelit me gjeneratën e katërt të Discovery.

Edhe pse quhet Discovery 4, ai nuk është model 100 për qind i ri. Bëhet fjalë për një ndryshim të theksuar të pamjes në të cilin janë përmirësuar të gjitha segmentet e automjetit.

Në të gjendet edhe enterieri i ri, frenat janë më të fuqishme derisa në lëvizje e fut edhe motori i ri.

TDV6 tre litërsh zhvillon 245 kuaj fuqi, të cilët në katër boshtet i transmeton marshi automatik.

[new-man]

Para se Porsche të përfundonte projektin e automjetit të para me dy palë dyer – Panamera, nëpër hapësirën e internetit flitej për versionin kupe të tij.

Edhe pse fjalët për trashëguesin e modelit legjendar 928 nuk kanë pushuar ende, nga Auto Motor und Sport vjen paralajmërimi për versionin kabriolet të Panameras.

Gazetarë e revistës automobilistike gjermane kanë biseduar me drejtorin e Porsche për zhvillimin e produkteve Wolfgang Dürheimer i cili ka thënë se kabrioleti tani për tani nuk është në plan dhe se kanë edhe bukur do punë të pakryera të shtëpisë kur bëhet fjalë për Panameran, siç është lansimi i saj me motor prej gjashtë cilindrash si dhe përgatitja e versionit të parë hibrid.

Gazetarëve të Auto Motor und Sport kjo u ka mjaftuar të konkludojnë se versioni kabriolet do të mund të ketë në dispozicion kulm të butë në vend të atij të fortë dhe se do të mund të hyj në mesin e modeleve të Porsche pa kulm.

[new-man]

Duket se pasojat e ngrohjes globale, kanë bërë që shumica e prodhuesve të atumojeteve të mendojnë që në treg të hedhin makinë që dëmtojnë shumë pak ambientin.

E tillë është edhe “Toyota Camry 2010”, e cila ka katër dyer dhe zë pesë pasagjer. Motori i saj është 169 kuaj fuqi dhe ajo harxhon deri në 8 litra në 100 km.

Shpejtësitë e saj mund të jenë automatike dhe mekanike, varësisht nga dëshira e shoferit, përderisa ajo është testuar si njëra nga makinat që ndot më se paku ambientin.

Edhe kjo makinë do të del në treg në fillim të vitit 2010, por prodhuesit e saj ende nuk kanë menduar për çmimin e saj.

[new-man]

Pavarësisht krizës ekonomike, duke se njerëzit nuk kursejnë kur është në pyetje luksi në makinë. E tillë është edhe makinë Audi A3 2009, e cila sipas një sondazhi në Gjermani ka pasur një rritje në shitjen e saj.

Me çmimin e sja prej 26 920 deri në 36 975, Audi A3 po vazhdon suksesin e saj të shitjes në Evropë dhe në SHBA. Audi A3 konsiderohet si një makinë po ashtu ekonomike që nuk harxhon shumë, pavarësisht se motori i saj është 200 kuaj fuqi.

Ajo bën lirim mesatar të gazrave dhe ka gjashtë shpejtësi, nëse ka motor mekanike. Makina mund të porositet edhe me ndërrues shpejtësish automatike.

A3 është seria e re e Audi A3 për 2009.