Vetura Teknologjia e Fundit

[new-man]

Limuzina sportive Jaguar XF bëhet edhe me versionin karavan.

Jaguar që një kohë të gjatë është duke punuar në versionin karavan të modelit të vet XF, i cili së shpejti do të duhej të paraqitej edhe zyrtarisht.

Në formë jozyrtare, premiera është përcaktuar për panairin e automjeteve në Frankfurt gjatë vjeshtës.

Edhe pse bëhet fjalë për versionin sallon, automjeti i paraqitur, sipas pohimeve të një burimi të brendshëm, do të jetë i gatshëm për prodhimin serik, i cili do të duhej të fillonte deri në fund të këtij viti.

Është shumë interesante se po punohet edhe në versionin R – Jaguar XF-R Estate me 510 kuaj fuqi i cili do të jetë një konkurrent i fortë për karavanët e fuqishëm nga Gjermania.

[new-man]

Prodhuesve, të cilët automjetet e tyre kompakte i kthejnë në ato sportive, së shpejti do t’u bashkohet edhe Opel, pohojnë në portalin e njohur britanik për automobilistikë - Autoexpress.

Britanikët kanë arritur deri tek informata të besueshme dhe fotografi, sipas të cilave, siç pohojnë gjermanët, kanë arritur të krijojnë Opel Corsan 4x4.

Corsa sportive gjoja do të duhej të ndërtohej në platformën e përshtatur të modelit Agila.

Automjetin me të cilin prodhuesi gjerman i automjeteve Opel, do t’i konkurronte edhe atij Yeti, të paraqitur kohë më parë nga Skoda, do ta fusin në lëvizje një paletë e motorëve të vegjël me turbo-mbushës me benzinë dhe naftë.

Corsa 4x4 megjithatë nuk do të paraqitet para gjeneratës së re të Corsa e Meriva diku në vitin 2011, pohojnë britanikët.

[new-man]

Audi A4 ne tregun gjerman i ka mundur të gjithë rivalët e tij.

Audi A4 vitin e kaluar ka qenë automjeti më i shitur në klasën e vet në tregun gjerman, tanimë tradicionalisht më të madhin në Evropë, kur bëhet fjalë për limuzinat luksoze të klasës së mesme.

Gjithsej janë shitur 98.714 njësi të këtij modeli, me të cilën gjë janë mundur bindshëm rivalët.

Sa i përket vetë Audit, modeli A4 merr madje 40% në Gjermani.

As automjetet tjera me katër unaza në maskën e përparme nuk janë mbrapa – A6 gjithashtu është lider në segmentin e vet, që vlen edhe për modelin TT.

[new-man]

Qysh muajin e ardhshëm në panairin e automjeteve në New York do të paraqitet versioni sportiv i AMG-së.

Mercedes E63 AMG futet në lëvizje nga motori i njohur AMG prej 6.2 litrash, 525 kuaj fuqi dhe moment të rrotullimit prej 630 Nm.

Performansat janë diç më të mira në krahasim me versionin paraprak – 4.5 sekonda deri në 100 km/h, derisa shpejtësia maksimale, natyrisht, në mënyrë elektronike është kufizuar në 250 km/h. Megjithatë, me një pagesë bukur të majme shtesë kufizimi mund të largohet

[new-man]

Roadster 2009 ka katër dyer dhe zë vetëm dy pasagjer. Është një makinë sportive dhe shumë e përshtatshme me vetëm dy shpejtësi.

Motori i saj standard ka 258 fuqi dhe bën lirim standard të gazrave.

Roadster 2009 është projekt i vitit 2008 por në shitje ka dalë këtë viti dhe kushton 109 000 dollarë.

[new-man]

Makina Camry do të jetë me katër dyer dhe do të zë pesë pasagjer. Është një makinë familjare.

Camry-Grade 6-Spd MT, ka një motor 169 kuaj fuqi dhe harxhon deri në 8 litra në 100 km. Ka gjashtë shpejtësi manuale dhe bën lirim standard të gazrave. Motori i saj mund të porositet edhe me 268 kuaj fuqi.

Camry do të jetë projekt automobilistik i vitit 2010 dhe do të shitet në këtë vit.

[new-man]

Tata Nano, automobili më i lirë në botë, do të prezantohet në Indi.

Me çmimin 100,000 rupi (1,979 dollar ose 1,366 funte), Nano do të prezantohet në Mumbai, para se të shitet në mbarë Indinë në 10 ditët e ardhshme.

Tata shpreson se automobili, 3 metra i gjatë dhe me 5 ulëse do të jetë mjaft i lirë sa do t’i inkurajojë miliona indianë që të heqin dorë nga motoçikletat e tyre.

Ekspertët e industrisë së automobilave vlerësojnë se Tatas do t’i duhen 5 deri në 6 vjet për të filluar të bëj profit me Nanon.

[new-man]

Kia ka paraqitur në tregun korean versionin hibrid të modelit Forte, ndërsa tash për tash nuk është njoftuar nëse ky automjet do të paraqitet në treg edhe në vendet tjera.

Kia Forte LPI Hybrid ka motor me benzinë, 1.6 litra dhe zhvillon 114 KF, ndërsa për ndihmesë e ka elektromotorin 15 kW/20.4 KF.

Leva e marsheve, kuptohet është automatike, por jo klasike, por i pashkallëzuar- CVT.

Për shkak të çmimit të lartë, peshës, teknologjisë hibride dhe marshit automatik, dhe harxhimit jo aq mbresëlënës (5.8 l/100), duket se nuk do të ketë edhe aq blerës në Evropë, duke llogaritur ekzistimin e automjeteve të mira dizel.

[new-man]

Tata Nano është automjet për të cilin është folur më së shumti gjatë këtij viti, i konsideruar si automjeti më i lirë në botë duke lëkundur të gjithë industrinë automobilistike.

Megjithatë çmimi i tij prej 2.000 dollarësh, pa tatim vlen vetëm për Indinë, kështu që prodhuesit tjerë nuk janë edhe aq të shqetësuar.

Siç njofton “Financial Times”, kompania Tata Motors është duke planifikuar që prodhimin e vet ta nxjerrë edhe në tregjet evropiane dhe ato amerikane.

Prodhuesit e Tata Nanos janë të vetëdijshëm se duhet t’i plotësojnë shumë standarde për siguri dhe për ekologji, dhe të shtojnë edhe aparaturë shtesë nëse dëshirojnë të kenë sukses, mirëpo kjo do të thotë se do të duhet ta rrisin edhe çmimin.

Planet që ky automjet të arrijë në Evropë llogariten deri në vitin 2011, ndërsa për në SHBA, në vitin 2012.

[new-man]

Tacoma 4X2 është një kamionetë me katër dyer për pesë pasagjer. Në dispozicion keni 11 shpejtësi për vendet malore dhe në rrafshina, përderisa mund të llogariten vetëm gjashtë shpejtësi manuale.

Motori i saj është 159 kuaj fuqi dhe harxhon 11 litra në 100 km katrorë, varësisht prej vendit. Makina bën lirim mesatar të gazrave ndërkaq me porosi motori i saj mund të bëhet deri në 236 kuaj fuqi.

Tacoma 4X2 është projekt i vitit 2008 të Toyota-s por në shitje ka dalë këtë vit dhe kushton nga 14 210 – 23 450 dollarë.

[new-man]

VW CC është një automobil me katër dyer për katër pasagjer me një enterier sportiv me pesë shpejtësi, qoftë manuale apo automatike, varësisht nga dëshira e vozitësit.

CC ka 200 kuaj fuqi dhe harxhon tetë litra në 100 km. Makina liron sasi minimale të gazrave dhe është një makinë që nuk e ndot ambientin. Motori i saj mund të porositet dhe të rritet në 280 kuaj fuqi.

CC është krejtësisht e re dhe prodhim i këtij viti, ndërkaq për ata që kanë para nuk është një makinë e shtrenjtë pasi kushton nga 25 252 deri në 37 277 dollarë.

[new-man]

Hyundai Motor Company ia ka paraqitur publikut për herë të parë logon – Blue Drive. Ajo përbëhet nga një gjethe e gjelbër e cila simbolizon ciklin jetësor të tokës, derisa ngjyra e kaltër simbolizon pastërtinë e oqeanit dhe qiellit.

Modeli i parë i cili në vete do të bartë këtë shenjë është i30 Blue me teknologjinë inovative ISG (Idle Stop Go). Bëhet fjalë për një sistem i cili ndalë motorin gjatë kohës sa qëndron në vend, dhe e nis atë sërish me të lëvizur me të cilën zvogëlohet shpenzimi i karburantit dhe rrjedhimisht emetimi i dyoksid karbonit.

Gama e modeleve Blue Drive së shpejti do të zgjerohet edhe më shumë me modelet tani për tani konceptuale Gas-Electric Hybrid, LPI- Electric Hybrid, modelet me motorët Flex-Fuel, modelet me motorët CRDi dhe teknologjinë CFP dhe modelet me hidrogjen.

[Reiart]

KENAQU SE I PE.............
POR DERI KETU, SE PARE NUK KE he he he

[new-man]

Peugeot e ka promovuar në Gjenevë versionin serik të tipit njëvëllimor sportiv, Peugeot 3008.

MPV dhe SUV në një ‘paketim’- Peugeot 3008 ofron funksionalitet dhe kënaqësi gjatë vozitjes.

Bëhet fjalë për një model familjar, i cili është i ngritur pakëz më tepër nga toka, me qëllim që të shfaqen atributet ‘cross-over’ të cilat i përmban ky automjet.

Ky model dallon në pamje nga gama e zakonshme e automjeteve të Peugeot, me ç’rast jep idenë se si do të duken modelet tjera të Peugeot në të ardhmen.

3008 bazohet në platformën e përshtatur të modelit 308, që do të thotë se sigurisht do të duhej të ketë edhe paletën e njëjtë të motorëve.

[new-man]

Në kuadër të grupit të automjeteve gjermane të promovuara në Gjenevë, ka rënë në sy versioni gjysmë-sportiv i Porsche Carrera, GT3, i cili përmbush kërkesat e dashamirësve të motorëve klasikë-atmosferikë me benzinë.

Magjistarët e Porschesë, padyshim që dinë të prodhojnë një automjet të cilin do ta ‘shijojë’ vozitësi.

Motori 3.8 litërsh me gjashtë cilindra, zhvillon 430 KF, pa ndihmën e mbushësit turbo, që do të thotë se ka 20 KF më shumë se versioni mëparshëm.

Performancat e Porsche Carrera, GT3 janë të mjaftueshme për ta kënaqur secilin entuziast: shpejtësinë prej 100 km/h e arrin për 4.1 sekonda, ndërsa shpejtësia maksimale e arritshme është 312 km/h.

[new-man]

Për shkak të krizës financiare botërore shumë automjete të planifikuara nuk do të paraqiten, e në mesin e tyre gjendet edhe Ford Fiesta RS.

Versioni sportiv i Fiestas, me shenjën shtesë RS, është dashur të nis shitjen vitin e ardhshëm, por sipas informatave të fundit kjo nuk do të ndodhë.

Në fakt, duket se i tërë projekti është shuar, prandaj automjetet siç janë Renault Clio RS e Opel Corsa OPC do të mbesin pa rivalin e tyre të rrezikshëm.

Ford Fiesta RS është dashur të ketë motor 1.6 litërsh me rreth 200 kuaj fuqi, që do t’i ofronte performansa më shumë se modeste.

Ata që kanë qenë të interesuar për këtë automjet sportiv, u mbetet të presin kohë më të mira.

[new-man]

E klasa e re sapo ka dalë, e djemtë nga Brabus veçmë e kanë përgatitur versionin e vet.

Pasi që versioni AMG e Mercedesit të ri të klasës E do të vjen më pas, të gjithë vozitësit për të cilët E500 nuk është i shpejtë sa duhet, mund të blejnë versionin Brabus të këtij automjeti.

Si zakonisht, në të është motori V8 i modelit E500, por nga 5.5 është rritur në 6.1 litra. Po ashtu në gjendet edhe elektronika e re si dhe sistemi i ri i ajrosjes, prandaj fuqia prej 388 është rritur në 462 kuaj fuqi.

Shpejtësinë deri në 100 kilometra në orë e arrinë për 4.7 sekonda, derisa shpejtësia maksimale është 305 km/h.

[hot_prinz]

Roadster 2009 ka katër dyer dhe zë vetëm dy pasagjer. Është një makinë sportive dhe shumë e përshtatshme me vetëm dy shpejtësi.

Motori i saj standard ka 258 fuqi dhe bën lirim standard të gazrave.

Roadster 2009 është projekt i vitit 2008 por në shitje ka dalë këtë viti dhe kushton 109 000 dollarë.

Tesla Roadster nuk liron fare gazra, sepse leviz me eneregji elektrike e prodhuar nga 6831 bateri (te njejta me ato qe perdoren ne laptop). Per me shume:

Specifikacionet e Tesla Roadster

[new-man]

Në panairin e New Yorkut tanimë tradicionalisht është përzgjedhur automjeti i viti (World Car of the Year). Në vitin 2009 ky nder i ka takuar Volkswagen Golfit të gjeneratës së gjashtë.

Pesëdhjetë e nëntë gazetarë të automobilistikes nga njëzet e nëntë shtete e kanë zgjedhur VW Golfin për automjetin më të mirë në botë para Ford Fiestas e Toyota IQ-së.

Në kategorinë për automjetin më të mirë sportiv të vitit në botë është zgjedhur Nissan GT-R para Corvette ZR 1 e Porsche 911.

Çmimi për dizajnin më të mirë i ka takuar automjetit Fiat 500 i cili ka fituar ndaj Jaguar XF e Citroën C5.

[new-man]

Automjeti i parë ‘kupe’ i kompanisë koreane Kia, karakterizohet me dizajn atraktiv edhe pse pak a shumë ngjanë me Civic. Platforma është thuajse krejtësisht e re, e cila duhet të mundësoji aftësi më të mira të vozitjes

Plani për ta pushtuar tregun botëror të automjeteve, nuk mund të realizohet pa një model sportiv. Për këtë arsye, Kia i ka kushtuar vëmendje të veçantë konstruktimit të këtij modeli, i cili krahas pamjes së bukur duhet të jetë i këndshëm në vozitje dhe nuk duhet të kushtojë shtrenjtë.

Tërheqja është me rrotat e para, ndërsa sa i përket motorizimit, do të ekzistojnë automjete me lloje të ndryshme të motorëve benzinë: me 2.0 me 156 KF dhe 2.4 me 173 KF.

Do të jenë në dispozicionin automjetet me marshe manuale dhe automatike, te motori më i dobët me pesë shkallë (4+R), ndërsa te automjetet me motorin më të fortë me nga një shkallë më shumë.

Kia Koup pritet që premierën e saj ta përjetojë në panairit automobilistik në Frankfurt gjatë muajve të fundit të këtij viti.