Arratisja nr. 2, Rizai sfidon Greqinë

[RaPSouL]

Tre vjet pas arratisë së parë, 32-vjeçari nga Ballshi zgjedh të njëjtin skenar: Ikje spektakolare me helikopter nga burgu i sigurisë së lartë në Athinë

Aventurat e shqiptarit Alket Rizai nuk kanë të sosur. Ai ka arritur sërish të kryejë një arratisje spektakolare në burgun e sigurisë së lartë në shtetin fqinj, Greqi. Kështu, ai është arratisur për herë të dytë nga burgu i sigurisë së lartë në Greqi, bashkë me shokun e tij grek, Vasilis Paleokostas, me të cilin realizoi edhe arratisjen e parë. Rizai ka mundur sërish të arratiset me helikopter, sapo është kthyer nga gjykata, ku akuzohet për arratisjen e parë, duke alarmuar edhe njëherë forcat e policisë së shtetit fqinj, të cilat janë vënë në kërkim të shqiptarit.

Duket se burgu për Alket Rizain nuk është i përshtatshëm. Tre vjet pas arratisjes së tij të parë, ai sërish ka zgjedhur një helikopter, të njëjtën skemë për të kaluar muret e larta të burgut, ku vuante dënimin, mesditën e djeshme, kur ai ka qenë në ajrosje, bashkë me gjithë të burgosurit e tjerë, një helikopter ka kaluar sipër burgut, ka hedhur një palë shkallë dhe në to është ngjitur shqiptari Alket Rizai. Menjëherë në burg është dhënë alarmi për këtë arratisje, ndërkohë që forcat e policisë kanë nisur kërkimet për kapjen e tij. Mediat greke kanë raportuar se dy nga burrat më të kërkuar në Greqi kanë marrë guximin dhe me një helikopter kanë shpëtuar nga burgu i sigurisë së lartë në Athinë, për herë të dytë në tre vjet. Rrëmbyesi serial dhe grabitësi me armë, Vasilis Paleokostas dhe ndihmësi i tij shqiptar, Alket Rizai, kanë mundur të arratisen direkt pas gjyqit, ku akuzoheshin për arratisjen e vitit 2006. Ata mundën të arratisen nga burgu "Korydallos", kur një helikopter, nga kulmi i burgut hodhi një litar në shkallët ku po qëndronin shqiptari dhe greku.

Por, policia ka rrethuar gjithë zonën dhe ka nisur edhe kërkimet për helikopterin, i cili është mbajtur nën mbikëqyrje në distancë. Sipas policisë greke, rreth një orë pas arratisjes, helikopteri është gjetur i braktisur në një nga autostradat kryesore të Athinës. Rruga në fjalë të çon drejt një vargu malor të Greqisë qendrore, ku Paleokostas, 42 vjeç, ka mundur të fshihet gjatë viteve të kaluara. Në këtë drejtim mendohet se kanë ikur edhe dy të arratisurit, bashkë me ndihmësit e tyre, të cilët realizuan arratisjen, ndërkohë që ende nuk ka asnjë informacion për vendndodhjen aktuale të tyre. Sipas policisë greke, kërkimi ka vijuar edhe gjatë orëve të natës dhe kapja e tyre është vetëm çështje kohe. Megjithatë, arratisja e dytë brenda një burgu të sigurisë së lartë në Athinë ka vënë në pikëpyetje të madhe sigurinë e gjithë sistemit të burgjeve në Greqi.

Siç dihet, Alket Rizai bashkë me Vasilis Paleokostas, më 2 qershor 2006 u arratisën nga burgu i Athinës me një helikopter. Rojet greke të burgut që ndodheshin në momentin e arratisjes, kanë kujtuar se helikopteri që po ulej ishte i policisë dhe ndoshta ishte ndonjë VIP në të ose po bëhej ndonjë transferim i zakonshëm. Ata nuk kanë munduar të shohin gjë, sepse një re pluhuri është ngritur nga ulja dhe ngritja e helikopterit. Në atë kohë, pas dy orë kërkimesh forcat e policisë kanë mundur të gjejnë të braktisur helikopterin rreth 55 km larg Athinës, në lokalitetin "Sisto". Pak më vonë janë gjetur edhe dy motorët të braktisur, për të cilët mendohet se janë përdorur prej të arratisurve nga burgu grek në Koridhalo.



Dënimi


Kush është shqiptari i shumëkërkuar


Shqiptari Alket Rizai, 32 vjeç nga Ballshi, i biri i Donikës dhe i Ramizit, konsiderohet po kaq i rrezikshëm sa edhe shumë të dënuar të tjerë. Emigrant prej vitesh në Greqi, Rizai vuante dënimin për vrasjen e një qytetari grek, sipërmarrësin Thanasi Koropiotis, për të cilin dyshonte se kishte lidhje me të dashurën e tij ruse, Oksana. Ngjarja ka ndodhur më 3 maj 2003. Autorët e rrëmbyen të riun helen Koropioti, në Marusi dhe më tej me një makinë e dërguan në pyjet e zonës së Atikës, ku edhe e ekzekutuan e më pas zhdukën kufomën. Fillimisht, policia arrestoi tre bashkëpunëtorët e Rizait, dy grekë dhe një ruse, ndërsa një muaj më vonë u arrestua edhe i dyshuari shqiptar. Në pranga ranë edhe grekët Kiriako Pakaturidi, Janguli Foka dhe rusja Viktorja Tarasevic.


Precedenti


Arratisja e parë e Rizait,

bashkë me Paleokostas


Arratisja e parë e shqiptarit Rizai me shokun e tij ndodhi pikërisht më 2 qershor të vitit 2006. Ndërsa të gjithë të dënuarit shijonin orët e ajrimit në oborrin e burgut dhe gardianët mbikëqyrnin situatën, sipër burgut është shfaqur një helikopter, që fillimisht është menduar si një mjet fluturues i policisë. Madje, shfaqja e tij nuk ka shqetësuar as rojet e burgut, të cilët nuk kanë bërë dot asgjë në momentin kur ai ka ndaluar fluturimin dhe në mes të oborrit ka hedhur një litar me shkallë, duke marrë me vete dy të dënuar. Arratisja ka ndodhur orët e pasdites së datës 2 qershor 2006 dhe autorë të kësaj arratisjeje janë pikërisht shqiptari Alket Rizai dhe miku i tij grek, i dënuar për disa vepra penale. Sipas mediave greke në atë kohë, u mësua se ndërsa dy të dënuarit ngjisnin shkallët drejt helikopterit, të dënuarit e tjerë kanë mbetur të shokuar nga shfaqja, ndërsa policët, si të magjepsur, nuk kanë mundur as të lëvizin për t‘i ndaluar. Pasi kanë hipur në helikopter, shqiptari dhe miku i tij grek, Vasilis Paleokostas, i dënuar për rrëmbim dhe grabitje bankash, kanë ndaluar në një zonë periferike pranë varrezave të një prej lagjeve të Athinës dhe më pas janë larguar pa lënë asnjë gjurmë. Policia greke tha se dy të arratisurit dhe ndihmësit e tyre, pasi kanë braktisur helikopterin në bordin e disa motorëve shumë të fuqishëm, janë futur në thellësi të zonës së pyllëzuar dhe askush nuk ka arritur t‘i shihte më.



Athinë


Shqiptari u arrestua

vetëm pas tre muajsh


Vetëm pas tre muajsh nga dita e arratisjes, policia greke do të mund të arrestonte në një zonë bregdetare jashtë Athinës Alket Rizain. Ky i fundit është gjetur në një vilë dykatëshe dhe strehohej atje nga një kushëri i vet që prej tre muajsh. Në banesë u gjetën një granatë, një pistoletë dhe një automatik tip UZI. Në operacion u angazhuan mbi 30 forca speciale të policisë greke. Siç u shprehën burimet policore, gjatë arrestimit të Alket Rizait pati shumë kujdes se kishin frikë se mos qëllohej drejt policisë dhe se mos merrej edhe ndonjë peng prej tyre. Kur u futën në banesë, Alket Rizai menjëherë në përballje me policinë greke tentoi të merrte një granatë që e kishte atje pranë, por policia e neutralizoi menjëherë atë. Bashkë me Alket Rizain policia greke bëri edhe arrestimin e kushëririt të tij, duke e akuzuar atë si strehues të tij. Sipas policisë, mësohet se Alket Rizai, për të humbur gjurmët nga policia greke, kishte ndryshuar luk, kishte lënë mjekër dhe kishte lyer flokët e tij, duke i transformuar nga ngjyrë të zezë më parë në biondë.


Shqip

[cool_shqype]

ne qofte se ky Alketi ka vrere dhe ben shoqeri me krunde, asgje e mire nuk i vjen emigranteve te tjere prej sjelljes se tij. ndofta hollovudi do te beje skenar filmi ate c'ka ndolli por besoj se aventura do te kthehet ne fshesa e te tjera te ketij lloji.
pra mendoj se nuk duhet pare me shum admirim fenomeni AlketSupermeni

[goldian]

une se shoh si supermen po me ben cudi si arriti per te dyten here te arratiset

[ari32]

Thuhet se dy te arratisurit kishin dore dhe ne pengmarjen e bisnesmenit panagopulos,qe do te thot se disponojne nje sasi shume te madhe parash.Me te cilat kane korruptuar dhe gardian te burgut.Mos haroni se pavarsisht GR ndodhe ne BE,korrupsioni eshte pothuajse njesoj si ne Shqiperi.

[prenceedi]

Korrupsioni ne Greqi eshte me i larte se ne Shqiperi o Ari32.
Ketu ne cdo instance qe te vesh duhet te paguash (fakelaki) qe i thone keta.
Nuk jam dakort me keqberesit por nga njera ane them se mire ua bejne qe i turperojne keshtu keta te ndyret.Jo per gje po policia e ketyre vetem shqiptaret fukarenj qe shkojne ne pune di te kape .

[Darius]

Ky shqiptari nuk eshte dhe aq fukara, aq me teper puntor. Mos ja mbysni kot si kau peles. Nje njeri qe arrin te organizoje nje arratisje te tille spektakolare ka mjete financiare te mjaftueshme dhe ato sja la as i ati e as e ema. Nuk eshte gje e mire te krenohesh me krimin e kriminelin. Mesa duket kane filluar te perdorin parate qe moren nga sekuestrimi i Panagopulos. Fukarenj te tille na nxijne emrin. Me mire te kalben burgjeve.

[KUSi]

Ne nje web titiullin keti lajmi i kishin ven " Aratisje Spektakulare " dhe me te vertet eshte ashtu , keta dy o jane njerez qe punojne per shtetin grek o jane njerez te ndonje rrjeti teper te organizuar per krim.

[cool_shqype]

mendoj se ai eshte thjesht nje bashkepunetor i vellejzerve Paleokosta dhe rrjetit te madh qe ata kane ne te gjith Greqine......nuk diskutohet edhe mbrojtja nga politikane te ndryshem qe kane patur e kane....gjithmone ky burg ka qene me nje fame te keqe per sigurine e dobet dhe bashkpunimet qe kane patur si gardianet me te burgosurit ashtu edhe disa kapobanda kane kthyer qelite ne zyra pune........pra me mire te themi qe ai eshte nje vegel dhe kam frike se nje dite per te shpetuar prapnicen e tyre ata do te shesin veglen se per aq iu desh.....
PO TE ISHTE I PAFAJSHEM NUK DO TE ISHTE NEVOJA 2 HERE TE KTHEHEJ NE PALIVAN E TE MERRTE HELIKOPTERIN....PASTAJ EDHE ATO VEGLAT E PUNES QI IU GJETEN KUR E ARRESTUAN HEREN E PARE..........EDHE NJE HERE VEPRA E TIJ ESHTE BERE USHQIM PER MEDIAN QENE GREKE E HAJDE TI NDALOSH TANI....

[mondishall]

Media greke nuk po meret me origjinat e dy te ikurve, bile ne te shumten e lajmeve permendet vetem emri, Paleokosta. Disa mendje ketu kane mbetur akoma me kohen kur nje mize te vriste nje shqiptar, mbusheshin lajmet me bemat e alvanozeve. Ajo kohe ka kohe qe ka ikur. Jo se u lodhen mediat, jo se s'ka qarqe qe duan t'i meshojne me shume te keqes nga emigrantet e huaj e kryesisht shqiptare, por sepse kur dicka behet boze, kthehet ne bumerang ndaj atij qe e ben. Sa per pak sqarim. Paleokosta ishte me ata qe rrembyen ketu ne Selanik, te pasurin Milona dhe jo ate qe shkruhet me lart. Kur u kap muaj me pare, mbeten pa rene ne dore te policise mbi 5 milion evro. Mendoni c'mund te behet me kete shume, jo helikopter me qira, po dhe nje aeroplan e me shume. Si shqiptari dhe greku lidheshin e komunikonin me celulare te sajuar me mjeshteri ne ore dore(greku) dhe ore trapeze(shqiptari).
Ikja 2 here po ne te njejten dite te javes, te djele, qe ja u kalon dhe filmave hollivudiane, ka shkaktuar gjendje shoku ne qeverine greke, kurse ne publik dhe media kete rradhe eshte kthyer ne tallje, qeshje, deri ne sajime anekdotash e satirash me emrat e protagonisteve dhe instancave te shtetit.
Kyci kryesor i realizimit praktik te arratisjes, thuhet qe eshte nje femer, e cila me pare me dokumenta fallco si biznesmene, e kishte bredhur qiellin e Athines me helikopterin e mare me qira prej saj. Hollesite e tjera besoj se merzitin lexuesin, keshtu qe po e mbyll me kaq.

[DI_ANA]

Nuk kemi cfare ti lavderojme ketij lloj trimi..Prej tipave si ky njollosemi si popull.Paraja sot po korrupton dhe ata qe drejtojne burgjet se sma merr mendja qe eshte arratisur pa asnje lloj ndihme nga brenda se nga jashte dihet.

[goldian]

a ka nej foto te ketij patriotit tone

[Black_Mamba]

Sa mire e ka bere edhe ky,hallall i koft qumshti nenes ketij trimi,mendoni se na ulen dicka neve ky jo jo gabim e keni,nje shtet si ky i greqis keshtu duhet me i bere po plus edhe me keq,keta bij kurvash malltretojn e malltretojn shqiptar dhe kjo eshte si nje shuplak e fort qeveris se greqis,edhe pse ikje nga burgu,po le ti tregoj botes se keta minjt e greqis as mizen prej qumshti sen e nxjerin e lene me te jene ne EU.

I ndoqa lajmet te Top Channel dje a pardje nuk me kujtohet,e ndegjova nje plak kur fliste per te dhe ai tha keshtu,KY ESHTE AVNI RUSTEMI I DYTE.

[Black_Mamba]

a ka nej foto te ketij patriotit tone

[YoUGoTNoGaMe]

[RaPSouL]

Arratisja, telefonata e fundit e Rizait

Tronditet Greqia. Arratia spektakolare e shqiptarit 34-vjeçar u "ha kokën" tre zyrtarëve të lartë. Në pranga, katër gardianë dhe piloti i helikopterit

Katër gardianë burgu dhe një pilot helikopteri janë arrestuar në Greqi për shkak të dy personave më të kërkuar nga autoritetet e vendit fqinj, të cilët mundën të arratisen nga një burg i sigurisë së lartë për të dytën herë brenda tre vjetësh. Nga ana tjetër, edhe tre zyrtarë të lartë të Greqisë janë shkarkuar nga detyra me urdhër të ministrit të Drejtësisë, Nikos Dendias. Por, me gjithë këto zhvillime, opozita nuk është mjaftuar duke kërkuar zgjedhje të parakohshme, pasi është lëkundur shumë niveli i sigurisë në vend. Ndërsa policia, e cila ka vijuar kërkimet gjatë gjithë natës dhe ditës së djeshme, nuk ka mundur të bjerë në gjurmët e shqiptarit dhe grekut të arratisur, Alket Rizai dhe Vasilis Paleokostas.

Pas arratisjes së dytë të dy personazheve të njohura në Greqi ka ardhur edhe reagimi i gjithë kaheve politike për sigurinë në vend, ndërkohë që policia ka vijuar hetimet për gjetjen dhe kapjen e dy të shumëkërkuarve. Opozita ka sulmuar kreun aktual të qeverisë helene Karamanlis, të cilit i ka kërkuar zgjedhje të parakohshme dhe e ka thirrur në një takim përfshirës të politikës për të diskutuar mbi këtë çështje. Edhe analistët e medias greke e kanë cilësuar këtë ngjarje si një turp për vendin, ndërkohë që nuk kanë munguar edhe reagimet. Kështu, Ministri i Drejtësisë, Nikos Dendias, ka urdhëruar shkarkimin e tre zyrtarëve të lartë për sigurinë në burgje. Sipas mediave greke, janë pushuar ministri i Burgjeve të Sigurisë së Lartë, drejtori i Përgjithshëm i Burgjeve dhe drejtori i burgut Korydallos, ku ndodhi arratisja. Veç këtyre shkarkimeve, hetimet janë fokusuar te katër gardianë të burgut, për të cilët dyshohet se kanë bashkëpunuar në arratisjen e shqiptarit dhe shokut të tij grek. Kështu, ata janë arrestuar dhe akuzuar sipas kodit të procedurës penale greke, ndërkohë që është kërkuar edhe një hetim më i detajuar. Sipas një prononcimi të ministrit të Drejtësisë në Greqi, është urdhëruar që t‘u kontrollohen llogaritë bankare gjithë të arrestuarve për të vënë re nëse kanë pasur ndonjë transfertë gjatë kohëve të fundit. Një veprim i tillë do të kryhet edhe për gardianët e tjerë të burgut, me qëllim për të zbuluar se kush kanë qenë bashkëpunëtorët në arratisje.

Gjithashtu, prangave nuk u ka shpëtuar as piloti i helikopterit, me të cilin u krye arratisja spektakolare. Ai është gjetur i lidhur dhe me një qeskë në kokë. Ai i ka deklaruar policisë se e kishin kërcënuar se do ta vrisnin, nëse nuk kryente veprimet që e urdhëronin. Kështu, ai ka shpjeguar se disa herë, një çift e kishte marrë me qira për të udhëtuar nga Itea deri në Athinë. Sipas tij, e njëjta gjë ka ndodhur edhe ditën e diel, por gruaja kishte nxjerrë një armë automatike, ndërsa burri mbante një pistoletë dhe një granatë me të cilat e detyruan të ndiqte destinacionin që i kërkuan. Megjithatë, ky nuk ka qenë një version i besueshëm për grupin hetimor, që ka vendosur arrestimin e pilotit të helikopterit duke dyshuar se ai është bashkëpunëtor në arratisjen spektakolare. Sipas policisë greke, ata kanë ndërtuar edhe identikitet e burrit dhe gruas që u përfshinë në arratisjen e të burgosurve, por ende nuk ka të dhëna konkrete për ta. Sipas policisë, mendohet se ata pasi detyruan helikopterin të fluturonte sipër burgut, gruaja ka hedhur shkallët me litar, nga ku janë ngjitur Rizai dhe Paleokostas. Në këto momente, gardianët e burgut kanë qëlluar në drejtim të helikopterit, por gruaja është kundërpërgjigjur po me armë. Më pas, helikopteri është larguar duke u gjetur pak kohë më vonë i braktisur. Aty mendohet se të arratisurit janë larguar me dy makina "Jeep". Madje, arratisja është filmuar edhe nga një kamerë amatore, nga një banor i zonës, i cili ka filluar filmimet kur ka dëgjuar krismat. Ndërkaq, policia tha se ka nisur punën për ngrirjen e pasurisë së Paelokostas, e cila mendohet se arrin në pesë milionë euro dhe fshihet në një bankë jashtë Greqisë.



Dënimi


Kush është

shqiptari i

shumëkërkuar


Shqiptari Alket Rizai, 34 vjeç nga Ballshi, i biri i Donikës dhe i Ramizit, konsiderohet po kaq i rrezikshëm sa edhe shumë të dënuar të tjerë. Emigrant prej vitesh në Greqi, Rizai vuante dënimin për vrasjen e një qytetari grek, sipërmarrësin Thanasi Koropiotis, për të cilin dyshonte se kishte lidhje me të dashurën e tij ruse, Oksana. Ngjarja ka ndodhur më 3 maj 2003. Autorët e rrëmbyen të riun helen Koropioti, në Marusi dhe më tej me një makinë e dërguan në pyjet e zonës së Atikës, ku edhe e ekzekutuan e më pas zhdukën kufomën. Fillimisht, policia arrestoi tre bashkëpunëtorët e Rizait, dy grekë dhe një ruse, ndërsa një muaj më vonë u arrestua edhe i dyshuari shqiptar. Në pranga ranë edhe grekët Kiriako Pakaturidi, Janguli Foka dhe rusja Viktorja Tarasevic.



Precedenti


Arratisja e parë e Rizait, bashkë me Paleokostas


Arratisja e parë e shqiptarit Rizai me shokun e tij ndodhi pikërisht më 2 qershor të vitit 2006. Ndërsa të gjithë të dënuarit shijonin orët e ajrimit në oborrin e burgut dhe gardianët mbikëqyrnin situatën, sipër burgut është shfaqur një helikopter, që fillimisht është menduar si një mjet fluturues i policisë. Madje, shfaqja e tij nuk ka shqetësuar as rojet e burgut, të cilët nuk kanë bërë dot asgjë në momentin kur ai ka ndaluar fluturimin dhe në mes të oborrit ka hedhur një litar me shkallë, duke marrë me vete dy të dënuar. Arratisja ka ndodhur orët e pasdites së datës 2 qershor 2006 dhe autorë të kësaj arratisjeje janë pikërisht shqiptari Alket Rizai dhe miku i tij grek, i dënuar për disa vepra penale. Sipas mediave greke në atë kohë, u mësua se ndërsa dy të dënuarit ngjisnin shkallët drejt helikopterit, të dënuarit e tjerë kanë mbetur të shokuar nga shfaqja, ndërsa policët, si të magjepsur, nuk kanë mundur as të lëvizin për t‘i ndaluar. Pasi kanë hipur në helikopter, shqiptari dhe miku i tij grek, Vasilis Paleokostas, i dënuar për rrëmbim dhe grabitje bankash, kanë ndaluar në një zonë periferike pranë varrezave të një prej lagjeve të Athinës dhe më pas janë larguar pa lënë asnjë gjurmë. Policia greke tha se dy të arratisurit dhe ndihmësit e tyre, pasi kanë braktisur helikopterin në bordin e disa motorëve shumë të fuqishëm, janë futur në thellësi të zonës së pyllëzuar dhe askush nuk ka arritur t‘i shihte më. Vetëm pas tre muajsh nga dita e arratisjes, policia greke do të mund të arrestonte në një zonë bregdetare jashtë Athinës Alket Rizain. Ky i fundit është gjetur në një vilë dykatëshe dhe strehohej atje nga një kushëri i vet që prej tre muajsh. Në banesë u gjetën një granatë, një pistoletë dhe një automatik tip UZI. Në operacion u angazhuan mbi 30 forca speciale të policisë greke. Siç u shprehën burimet policore, gjatë arrestimit të Alket Rizait pati shumë kujdes se kishin frikë se mos qëllohej drejt policisë dhe se mos merrej edhe ndonjë peng prej tyre. Kur u futën në banesë, Alket Rizai menjëherë në përballje me policinë greke tentoi të merrte një granatë që e kishte atje pranë, por policia e neutralizoi menjëherë atë. Bashkë me Alket Rizain, policia greke bëri edhe arrestimin e kushëririt të tij, duke e akuzuar atë si strehues të tij. Sipas policisë, mësohet se Alket Rizai, për të humbur gjurmët nga policia greke, kishte ndryshuar luk, kishte lënë mjekër dhe kishte lyer flokët e tij, duke i transformuar nga ngjyrë të zezë më parë në biondë.


Ballsh, banorët e krahasojnë

Rizain me Avni Rustemin


Shumë prej banorëve të Ballshit e konsiderojnë Alket Rizain një Avni Rustemi të dytë, ndërsa të tjerë e shohin si një Konti i Monte Kristos. Në këtë qytezë, askush nuk e ka dënuar veprimin e Alketit, ndërkohë që para lokalit dhe banesës së prindërve të tij shumë qytetarë të Ballshit kanë shprehur se do të hapin dyert për strehimin e tij. Ata kërkojnë që Rizai, nëpërmjet ndërhyrjeve të shtetit tonë, nëse kapet, të kthehet në atdhe. Xhemal Malaj, kushëri me Alketin, thotë se ai "është një hero. Ai do të vërë drejtësinë në vend. Ai nuk është vrasës dhe për të vërtetuar këtë po regjistron edhe arratisjen". Teza e një arratisjeje të stisur bazohet në pretendimin se këtë herë ajo është bërë nga autoritetet e burgut me qëllim vrasjen. "Të mundesh që nga një burg i sigurisë së lartë të ikësh me helikopter është diçka e paimagjinueshme. Jo vetëm kjo, por edhe plumbat e shtënë ndaj Alketit dhe Kostës, atij grekut, tregojnë atë që ishte vendosur", shprehen familjarët. Sipas të dhënave, Qarku i Fierit është prekur edhe herë të tjera nga arratisje spektakolare nga burgu. Kujtohet rasti i Fatmir Kallashit nga Krapsi i Fierit, i cili katër vite më parë, me anën e një litari 40 metra të gjatë, mundi të dalë nga një burg i sigurisë së lartë dhe pasi ka qëndruar për katër ditë në një shpellë, mundi të kthehej në Shqipëri nëpërmjet kalimit ilegalisht nga Korfuzi. Fatmir Kallashi ishte në burg për trafik droge, ndërkohë që vuan të njëjtin dënim në burgun e Rrogozhinës në Shqipëri.


Rrëfimi i së ëmës, Donika:

Telefonata e fundit me Alketin


"Më tha që e drejta do të dalë shumë shpejt"


Banorët e qytezës së vogël të Ballshit e shohim si diçka heroike arratisjen spektakolare nga burgu të 34-vjeçarit Alket Rizai. Krejt ndryshe, familjarët e tij shprehin dyshimet se gjithçka është sajuar me qëllim eliminimin e tij. Që prej mbrëmjes të së dielës, kur ekranet e televizioneve shfaqën riarratisjen e Rizait, në banesën e tij, që ndodhet vetëm pak metra larg qendrës së Ballshit, në katin e parë të një pallati trekatësh, nisën vizitat e shumta të të afërmve të familjes. Nga bashkëbisedimet me ta mësojmë se jo vetëm të afërmit, por një pjesë e madhe e komunitetit të Ballshit ka uruar prindërit e Alketit, Donikën dhe Ramizin, për "lirinë" e fituar të të birit. Vizitat e urimit si dhe interesimi kanë vijuar edhe të hënën. Të gjithë vlerësojnë arratisjen dhe përsëritjen e skenarit të para tri viteve. Sakaq, policia lokale ka ngritur postblloqe policore në të gjitha hyrjet e daljet e qytetit dhe banesa e të afërmit e Alket Rizait mësohet se po mbahen nën survejimin e policisë. "Plumbat ndaj tim biri treguan fatin e tij. Atë po përpiqen ta eliminojnë", vlerëson Donika Rizai, nëna e Alketit. Në moshën 56-vjeçare, ajo e ka humbur normalitetin e jetës vite më parë, atëherë kur njëri nga tre djemtë e saj, Alketi, arrestohet nën akuzën e vrasjes. Por, qershori i vitit 2006, kur i biri shënoi arratisjen e parë spektakolare për Donikën ishte periudha më e vështirë e jetës. "Im bir, nëse do të ishte vrasës, gjatë tre muajve që nuk u kap pas arratisjes së parë, do të realizonte të tilla. Ai kërkon drejtësinë e munguar nga shteti grek. Ai ende nuk ka dalë në gjyq dhe zvarritja e procesit dhe e hetimeve bëhet me qëllim nga qarqe raciste të qeverisë greke", shton Donika. Ajo përpiqet të mos flasë shumë për çështjen e të birit, madje shpesh kërkon të mos pyetet. Donika thotë se që nga mbrëmja e së dielës nuk ndihet mirë me shëndet dhe gjatë gjithë natës së kaluar nuk ka vënë gjumë në sy. Megjithatë, pret e përcjell në lokalin përballë shtëpisë shumë të afërm dhe të njohur, të cilët i thonë shprehjen "shyqyr që shpëtoi". "Kam komunikuar në telefon shpeshherë me tim bir. Kurrë nuk më ka thënë për arratisje nga burgu, por vetëm ka pohuar që e drejta do të dalë shumë shpejt në shesh", rrëfen nëna e Alketit për "Shqip". Ajo thotë se telefonatën e fundit e ka marrë para disa ditëve dhe si zakonisht kanë biseduar mbi shëndetin e tyre. Pas këmbënguljes sonë për të mësuar diçka nga nëna e të arratisurit, marrim vesh se pas riarrestimit në vitin 2006 të Alket Rizait, ajo dhe bashkëshorti kanë dashur të shkojnë në Greqi, por kjo u bë e pamundur për shkak të vizës. Familjarët e Alketit, babai dhe nëna, kanë kërkuar nëpërmjet qeverisë shqiptare, ambasadës shqiptare në Athinë, si dhe organizmave të tjerë që procesi gjyqësor ndaj djalit të tyre të zhvillohet sa më shpejt. Donika Rizai hedh poshtë pretendimet se Alketi është dënuar me burgim të përjetshëm dhe këmbëngul në faktin se ndaj tij ka munguar drejtësia. "Ku ka drejtësi në një shtet kur nuk respektohen afatet e daljes në gjyq? A është drejtësi ajo kur një shtet nuk ka mundësi të ndalë dy të arratisur dhe qëllon me breshëri armësh automatike ndaj tyre? A ka drejtësi ndaj një emigranti shqiptar që shkon për bukën e gojës refugjat, i duhet të përballet me përbuzjen e autoriteteve shtetërore?", shtron pyetjet Donika. Të afërmit e Rizait thonë se skenari i arratisjes ngjan më shumë me një prapaskenë për eliminimin e tij.



Reagimi? Policia merr masa


Familja Rizai, jeta në qytezën e Ballshit


Alket Rizai, sot 34 vjeç, ka lindur në fshatin Aranitas të Rrethit të Mallakastrës. Familja e tij zhvendoset pak muaj pas lindjes së tij në qendër të qytetit të Ballshit. Donika, para vitit 1990, ka punuar në një lokal në qendër të Ballshit, ndërkohë që bashkëshorti, Ramizi, punonte pranë filialit të Postës Shqiptare në këtë qytet. Familja ka një ekonomi mesatare dhe të ardhurat aktuale sigurohen nga lokali i vogël që menaxhon nëna e Alketit, si dhe paga e të atit të tij, Ramizit. Vëllai i tij më i madh ndodhet në Angli, kurse ai më i vogli në Belgjikë. Sipas Pajtimit, shokut të tij të ngushtë, i cili ka qenë gjatë gjithë së hënës në lokalin e prindërve të Alketit, mësojmë se Alketi ka ikur emigrant prej vitesh në Greqi. Ka ikur që i vogël dhe kërkonte jetë më të mirë. Vëllezërit e tij janë me familje dhe dokumente të rregullta dhe atë dëshironte edhe Alketi. Ai ka përfunduar shkollën 8-vjeçare në qytetin e Ballshit, ndërkohë që nuk ka qenë problematik. Policia lokale, që nga mbrëmja e së dielës, ka planifikuar masa ekstra për një rikthim të mundshëm të Alket Rizait. Kreu i Komisariatit të Policisë së Ballshit, Viktor Ago, u shpreh për gazetën se ka rritur numrin e shërbimeve policore në qytet dhe se po mban nën kontroll të plotë të gjitha hyrjet dhe daljet e tij. Nga shefi i komisariatit mësojmë se asnjë prej të afërmve të tij nuk është marrë në pyetje dhe se veprimet e mundshme mbahen sekret prej policisë shqiptare. Këtë fakt e pohon edhe drejtori i Policisë së Qarkut të Fierit, Shemsi Premçi, i cili u shpreh për "Shqip" se "nuk bëhet publik asnjë informacion që mund të sigurojë policia shqiptare lidhur me Alket Rizain". Ndërkohë që inspektorët e Policisë Kriminale të Komisariatit të Ballshit kanë mbushur qendrën e Mallakastrës dhe mjaft uniforma blu po mbajnë në mbikëqyrje banesën e tij. Arratisjen e parë, Alket Rizai e ka shënuar më 2 qershorin e vitit 2006, ku ka përdorur të njëjtin skenar. Ai është ndaluar tre muaj më vonë në banesën e një të afërmi në Athinë. Ndërkohë që me prangat e policisë greke është njohur në mars të vitit 2003. Sipas mediave greke, Alket Rizai është dënuar për vrasje dhe po gjykohet për trafik lëndësh narkotike, si dhe për pjesëmarrje në organizata kriminale. Kurse në Shqipëri, Alket Rizai e ka dosjen e pastër.


Shqip

[ari32]

Mondishall nuk e di nese e degjove ne lajme,se ne helikopter ndodhej nje femer bjonde,ku pretendohet te kete qene dhe ne pengmarjen e dyte.
Krahasimet e mesiperme me duken te pa goditura,nje vrases ngelet vrases.

[mondishall]

Mondishall nuk e di nese e degjove ne lajme,se ne helikopter ndodhej nje femer bjonde,ku pretendohet te kete qene dhe ne pengmarjen e dyte.
Krahasimet e mesiperme me duken te pa goditura,nje vrases ngelet vrases.

Lajmet i kam sterdegjuar dhe ate shkruaj ne fund edhe per ate femren, bionde apo brune qofte. Kur shkruajme dicka, te ndjejme pergjegjesine e saj, pergjegjesi qe nuk duhet ndikuar nga hamendje e trillime.
Ne shkrimin tim nuk ka kurfare krahasimesh, keshtu qe sakteso te lutem adresimin e thenies tende.
Me fal tani se ne staticioni televiziv Antena, ka nje emision satirik posacerisht per kete arratisje tragjikomike dhe s'dua ta humbas.

[ari32]

Mondi nuk e thashe per shkrimin tend,por per ate qe e krahasoi me Avni Rustemin.

[Black_Mamba]

Mondi nuk e thashe per shkrimin tend,por per ate qe e krahasoi me Avni Rustemin.

Me mua e paske?!,lexoje mire dhe kuptoje mire cka shkruajta,po une jam i kenaqur nga kjo ndodhi,mir ua ka bere ky ketyre felliqesirave grek,nese te pengon me teper kjo fjalia qe jam duke then felliqesira ateher trego,se me te vertet ne realitet felliqesira jan greket.

[Apollyon]

Ky eshte Kriminel edhe aspak Hero apo Superman. Te tille kriminela i kan nxjerr namin e keq shqiperise ne cdo vend te botes, edhe sot per shkak te ketyre tipave ne vuajm rracizmin siper kokes nga vendet fqinje.

Kriminel , por aspak i rendomte, eshte kriminel qe ka miliarda leke ndoshta, edhe organizon arratisje te tilla.