ELBASAN - Një histori incesti ka tronditur sërish një fshat të largët në kufijtë e qarkut të Elbasanit. Një 18-vjeçare ka zbuluar dje se ishte në muajin e gjashtë të shtatzënisë, ndërsa u mësua se shtatë muaj më parë ajo ishte përdhunuar nga dy kushërinjtë e saj. Historia është zbuluar nga mjeku që e vizitoi vajzën dje duke konfirmuar edhe shtatzëninë e saj. Prindërit, të tronditur nga lajmi kanë rendur të pyesin fëmijën e tyre, së cilës nuk ia kishin vënë re ndryshimet në trup se si kishte ndodhur, ndërsa kanë mësuar se rreth shtatë muaj më parë , teksa ishte duke kullotur bagëtitë në fshatin Plangaricë, ajo është përdhunuar nga dy kushërinjtë. Vajza e kërcënuar nuk ka treguar gjë në shtëpi, por dy ditë më parë do të zbulohej gjithçka.
***
18-vjeçarja kishte filluar të ankohej për dhimbje dhe një gjendje jo të mirë dhe këtë herë prindërit janë nisur drejt Elbasanit, edhe pse rruga nga ky fshat është e vështirë dhe e largët. Teksa e kanë çuar në urgjencë për dhimbjet që kishte, ata kanë marrë si përgjigje se vajza ishte shtatzënë. I ndodhur përballë kësaj
situate, babai ka marrë të bijën dhe ka bërë kallëzimin në polici. Menjëherë për këtë ngjarje është komunikuar me Prokurorinë për të miturit në Durrës. Pas hetimeve paraprake dhe konfirmimeve të marra agjentët e policisë kanë përcjellë prova e dëshmi prokurorit të çështjes në Durrës për autorësinë. Ky i fundit nisur nga dëshmitë e të dhënat në dispozicion ka vendosur shpalljen në kërkim policor të shtetasit të lindur në vitin 1990 me banim në Plangaricë dhe ndjekjen në gjendje të lirë për vëllanë e tij i vitlindjes 1993. Policia konfirmoi se vajza ka deklaruar se është përdhunuar nga dy kushërinjtë, të cilët e kanë detyruar të kryejë marrëdhënie seksuale pa dëshirën e saj.
***
Ndaj dy të rinjve, njëri prej të cilëve ende i mitur ka filluar procedimi penal për " kryerje të marrëdhënieve seksuale me të mitur 14-18 vjeç në bashkëpunim", si dhe "kryerje të marrëdhënie seksuale me persona në gjini". Mësohet se pas shoqërimit, vëllai i vogël do të duhet të paraqitet herë pas here pranë prokurorisë, ndërsa për vëllanë më të madh u bë shpallja në kërkim. Mësohet se 19-vjeçari është larguar për në Greqi.
***
Me gjithëse mjekët nuk kanë dashur të shprehen lidhur me gjendjen e vajzës dhe të fëmijës, sipas të dhënave të para nga një kontroll i bërë, situata paraqitet e mirë. Gjithsesi, sipas mjekëve, vajza ndodhet edhe nën një stres të madh psikologjik dhe gjithçka mund ta pësojë fëmija. Mësohet se prindërit e vajzës kanë kërkuar informacion edhe në lidhje me një abort të mundshëm, por shtatzënia e vajzës është e madhe dhe kjo gjë është përjashtuar nga mjekët. Mësohet se pasi të lindë fëmija do të vendoset se ç'do të bëhet me të. Familjarët, duke qenë se kanë edhe një lidhje të afërt gjaku me dhunuesit, janë ndodhur përballë një situate shumë të rëndë. Në Plangaricë pjesa më e madhe e banorëve janë me një mbiemër dhe lidhje gjaku, dhe si rrjedhojë ngjarja ka tronditur të gjithë fshatin. Mësohet se dy familjet me 9 dhe 8 fëmijë janë në gjendje mjaft të vështirë ekonomike. Komunikimi i kësaj zone me qytetin është mjaft i vështirë dhe lëvizja bëhet kryesisht me kafshë, për një pjesë të fshatit deri në rrugën kryesore nacionale.
BARDHA NERGJONI
Shekulli online
Postuar më parë nga arjeta3
edhe ne SHBA ndodhin ku ka fshatra muslimane ??
Regullat e Postimit
Përgjigju Duke Cituar
Krijoni Kontakt