Kushtetuta e Kosoves kunder bashkimit kombetar?

[Sabriu]

KUSHTETUTA E KOSOVËS KUNDËR BASHKIMIT KOMBËTAR SHQIPTAR!?
Publikuar më 06 shkurt, 2009

Prof.Dr. Mehdi Hyseni

*** Këtë minus politik, kombëtar dhe shtetëror, që Kosova të ecën me hapa të shpejtë drejt krijimit dhe konkretizimit të “kombit të ri kosovar”, pikërisht e provojnë atributet shtetërore të saj, siç janë: /1/ Kushtetuta, /2/Flamuri, /3/Himni dhe /4/Stema e saj me karakter multietnik dhe pluralist kosovar, që atributin e kombëtares shqiptare të Republikës së Kosovës e kanë përjashtuar në tërësi, edhe në aspektin doktrinar, edhe në atë praktik të përkufizimit dhe të ushtrimit të pushtetit shtetëror të Kosovës.

*** Veç ndryshimit dhe mohimit të simboleve kombëtare shqiptare, autorët konstitucionalistë shqiptarë të Kosovës me rastin e hartimit të Kushtetutës së shtetit të ri, gabimin më të madh e kanë bërë, edhe me sanksionimin e “klauzolës” juridike kushtetuese kundër bashkimit të Kosovës me Shqipërinë, se :” 3. Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti.” (Kushtetuta e Republikës së Kosovës, Kapitulli I, Dispozitat themelore, Neni 1, paragrafi 3).

*** Ekspertët konstitucionalistë shqiptarë të Kosovës, para se ta shkruanin Kushtetutën e Republikës së Kosovës, është dashur ta konsultojnë Kushtetutën e Republikës së Shqipërisë, ku thuhet:” me aspiratën shekullore të popullit shqiptar për identitetin dhe bashkimin kombëtar:”(Shih: Kushtetuta e Republikës së Shqipërisë/preambula/, “Pegi”, Tiranë,2002, f.5).
Mirëfilli, sikur specialistët e së drejtës dhe të sistemit kushtetues të Kosovës, paraprakisht ta kishin lexuar këtë paragraf të Kushtetutës së Republikës së Shqipërisë (edhe pse kjo klauzolë për “identitetin dhe bashkimin kombëtar” figuron vetëm në letër, megjithatë, e ka efektin e vet si në planin historik, ashtu edhe në atë kombëtar dhe ndërkombëtar, sepse vë në dukje kërkesën dhe domosdoshmërinë e pashmangshme të zgjidhjes së çështjes kombëtare shqiptare në Ballkan mos sot, nesër), nuk do të kishin rënë në gabimin e pakorrigjueshëm të sajimit të përkufizimit të tyre “juridiko-kushtetues” dhe antikombëtar se :” 3. Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti.” (Kushtetuta e Republikës së Kosovës, Kapitulli I, Dispozitat themelore, Neni 1, paragrafi 3).
Ky është rreziku më i madh, që sot kanos qenien e gjithmbarshme kombëtare dhe shtetërore, jo vetëm në Kosovë, por në mbarë hapësirat e Shqipërisë Etnike. E them këtë, sepse ndryshimi i simboleve kombëtare dhe shtetërore shqiptare, si dhe miratimi i Kushtetutës multietnike (pa atributet burimore kombëtare shqiptare), janë argumentet më të fuqishme, që synojnë “kosovarizimin”, përkatësisht “libanizimin” e kombit dhe të shtetit etnik shqiptar në Ballkan.
Me të lexuar dhe analizuar vëmendshëm në frymën etike, kombëtare atdhetare shqiptare dhe profesionale Kushtetutën e Republikës së Kosovës (të miratuar më 15 qershor 2008), fitohet përshtypja se përmbajtja e saj më tepër i ngjet një përkthimi dhe imitimi të dobët të gjuhës angleze, sesa ndonjë teksti burimor origjinal, të shkruar në gjuhën shqipe nga konstitucionalistët specialistë shqiptarë të Universitetit të Kosovës.

Mirëpo, ne nuk do të përqendrohemi në gjuhën dhe në stilin e papërkryer juridik të kësaj kushtetute, sepse ka gabime të shumta, të cilat nuk i kuptojnë, as nuk i kanë të qarta, as vetë autorët e saj, se çfarë kanë dashur të thonë me përkufizimin e nocioneve juridike-kushtetuese. Për të ilustruar këtë nonsens të deforrmitetit profesional, po citojmë vetëm këtë shembull: “ 2. Republika e Kosovës është shtet i shtetasve të vet...” (Shih: Kushtetuta e Republikës së Kosovës, Neni 1, paragrafi 2.).

Çfarë do të thotë kjo “frazë juridike-kushtetues” për juristët e së drejtës kushtetuese se “2. Republika e Kosovës është shtet i shtetasve të vet...”? – Kush janë ata “shtetasë” të Kosovës? A kanë ata ndonjë emër, apo ndonjë përkatësi të tyre?!

Si në kuptimin e përgjithshëm, ashtu edhe në atë vokabularit profesional juridiko-kushtetues, përkufizimi i “Republikës së Kosovës si shtet i shtetasve të vet”, është jo vetëm një absurd, por edhe gabim lëndor, sepse është formuluar në mënyrë shumë të përgjithësuar. Kjo formë përkufizuese e atributit të shtetësisë së Kosovës në favor të “shtetasve të vet”, është shkruar, tamam në frymën e tendencës së keqe të legjitimimit dhe të jetësimit të tezës antishqiptare “kombi kosovar”.

Mirëpo, ky është gabim sepse konstitucionalistët nuk e kanë konkretizuar emërtimin “shtetasve”, kur dihet se shtetasit e Kosovës kanë emrat e vet të ndryshëm, të përveçëm; kur dihet se nga shumica dërrmuese (mbi 90% e kombit shqiptar) përbëhet struktura e shtetasve të Republikës së Kosovës. Prandaj, në vend të formulimit të tillë, patjetër do të duhej, të përfillej parimi kombëtar, dhe të thuhet se : “Republika e Kosovës është shtet kombëtar shqiptar dhe i të gjithë qytetarëve të tjerë që jetojnë dhe e pranojnë atë si shtet të vetin”.


Shikuar, kombëtarisht, historikisht, juridikisht, politikisht, moralisht, demokratikisht dhe profesionalisht, kështu do të duhej të konkretizohej përkufizimi i shtetësisë së Republikës së Kosovës, me emër dhe me mbiemër të të vërtetë dhe konkret të titullarit legal dhe legjitim të saj-kombit shqiptar.

Pse kundër bashkimit me Shqipërinë?
Gjithashtu, në kuadrin e këtij artikulli, do të citojmë edhe këtë përkufizim të gabuar (si mbi të drejtën historike, ashtu edhe mbi atë të së drejtës ndërkombëtare), të përfshirë në dispozitat e Kushtetutës së Republikës së Kosovës: “3. Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti.”(Kushtetuta e Republikës së Kosovës, Kapitulli I, Dispozitat themelore, Neni 1, paragrafi 3.).

Ç’ është e vërteta në brendinë e këtij paragrafi nuk përmendet emri Shqipëri, as nuk thuhet se Kosova nuk do të bashkohet me Shqipërinë, mirëpo, kjo nënkuptohet sepse Kosova nuk ka me kë tjetër të bashkohet veçëse me Shqipërinë ngase kjo historikisht, etnikisht dhe territorialisht i përket Shqipërisë etnike, jo Serbisë dhe shteteve të tjera fqinje sllave. Këtë të vërtetë e dinë edhe armiqtë, jo vetëm shqiptarët e Shqipërisë.

Ngarkesa e vetvetes me marrjen përsipër të një obligimi të tillë nga Evropa dhe nga bashkësia ndërkombëtare, se Kosova nuk do të bashkohet me asnjë shtet fqinj, e as me Shqipërinë, është e gabueshme dhe tejet iracionale, sepse në afat të gjatë paraqet një rrezik të madh për shkolonizimin, për vetëvendosjen dhe për zgjidhjen e çështjes kombëtare shqiptare në Ballkan.

Pavarësisht nga ushtrimi i trysnisë dhe i diktatit të jashtëm, “klauzola” kundër bashkimit të Kosovës me Shqipërinë, kurrsesi nuk është dashur të sanksionohet në asnjë dispozitë dhe, në asnjë paragraf të Kushtetutës së Republikës së Kosovës, sepse dëmton interesin e përgjithshëm kombëtar dhe shtetëror të shqiptarëve në Ballkan.

Charles de Gaulle pro bashkimit të Gjermanisë!

Në këtë pikëvështrim, kur është fjala për ndryshimin dhe kontestimin e simboleve kombëtare shqiptare, si dhe për kundërshtimin e bashkimit të Kosovës me Shqipërinë, Kushtetuta e Republikës së Kosovës(15 qershor 2008), mund të krahasohet me Kushtetutën famëkeqe të Republikës Demokrate të Gjermanisë Lindore të Erih Honekerit, i cili, edhe ai, dikur, (në erën e diktatit dhe të ultimatumeve të BRSS-së, në emër dhe, për hir të mbrojtjes së interesave të gjeopolitkës dhe gjeostrategjisë së saj, si superfuqi botërore)botërisht (me Kushtetutë dhe me atribute shtetërore antikombëtare gjermane), dëshmoi para botës ndarjen dhe copëtimin e kombit dhe të shtetit gjerman. Mirëpo, me gjithë dëgjueshmërinë dhe vasalitetin e tij lojal ndaj politikës dhe diktat absolut të ish-Bashkimit Sovjetik, në vitet e 90-ta të shekullit XX, u bë bashkimi i kombit, i territorit dhe i shtet gjerman. Në këtë mënyrë, erdhi në shprehje korrigjimi i padrejtësisë gjysmëshekullore të copëtimit dhe të ndarjes së Gjermanisë dhe të gjermanëve, si rrjedhim i hipotekës së nazifashizmit të Gjermanisë së Hitlerit gjatë Luftës së Dytë Botërore (1939-1945).

Një gabim të tillë të rëndë dhe të pafalshëm politik dhe kombëtar të kryetarit të Republikës Demokrate të Gjermanisë Lindore, Erih Honeker, nga shtetarët dhe politikanët evropianë dhe botërorë, i vetmi e pat kritikuar ashpër dhe me plotë arsye, presidenti i Republikës së Pestë të Francës, Sharl Dë Gol, i cili, edhe pse nuk ishte mik i madh i Gjermanisë (për shkak të përvojës së hidhur të historisë së marrëdhënieve të këqia midis Francës dhe Gjermanisë, si para, ashtu edhe gjatë Luftës së Dytë Botërore, për shkak të okupimit nga Gjermania hitleriane), pat deklaruar se “Copëtimi dhe ndarja e Gjermanisë nga ana Bashkimit Sovjetik dhe e aleatëve të tij, ishte padrejtësia më e madhe, që iu bë kombit gjerman. Mirëpo, megjithëkëtë, kombi gjerman gëzon të drejtën e plotë të ribashkimit të tij.”.

S’ka dyshim se vlerësimi i presidentit frëng, Sharl Dë Gol (edhe pse i deklaruar që në vitet e 60-ta të shekullit XX) lidhur me bashkimin e Gjermanisë ishte i drejtë, racional dhe vizionar, sepse pas zhbërjes së BRSS-së (1990), me të përfunduar lufta e ftohtë midis dy superfuqive botërore (SHBA – BRSS, 1948-1989), si rrjedhim u rrënua edhe Muri famëkeq i Berlinit i Erih Honekerit (i ngritur më 1962), me ç’rast u bë edhe ribashkimi i kombit dhe i shtetit gjerman.

- Jo “libanizimit” të shqiptarëve dhe të Ballkanit!

Këtë filozofi politike të drejtë dhe largpamëse të ish-presidentit frëng, Sharl Dë Gol, duhet ta kenë marrë në konsideratë jo vetëm elitat politike dhe shkencore shqiptare (Prishtinë, Tiranë, Tetovë, Ulqin, Tuz dhe Preshevë), por edhe aleatët e tyre ndërkombëtarë , siç janë, në radhë të parë Shtetet e Bashkuara të Amerikës, që patjetër, nevojitet t’ia prenë hovin çdo prirjeje dhe tendence të strategjisë politike, të ashtuquajtur “kombi kosovar”, i cili është “bomba atomike” për shkyerjen e KOMBIT SHQIPTAR dhe të shkatërrimit total të SHQIPËRISË ETNIKE në Ballkan.

Sa më sipër, të gjithë ata që duan të shohin Kosovën e lirë, të përparuar, të demokratizuar dhe të zhvilluar ekonomikisht dhe politikisht, patjetër, duhet ta mbështesin procesin e bashkimit të saj me Shqipërinë, sepse kjo është e vetmja formë e natyrshme, e ligjshme dhe demokratike, që do të shkallmonte çdo iniciativë, çdo propozim dhe çdo strategji të krijimit dhe të promovimit gradual të “kombit kosovar”, jetësimi i të cilit, do të përflakte jo vetëm kombin dhe shtetin shqiptar, por mbarë Ballkanin.

“Kombi kosovar” nuk i duhet askujt, sepse shqiptarët e Kosovës nuk janë kurrfarë sajese e re kombëtare (por vetëm shtet i ri), por janë janë pjesë e vjetër qindravjeçare dhe e pandashme e KOMBIT SHQIPTAR. Nuk kanë asnjë nevojë, që të krijojnë kurrfarë “kombi të ri kosovar”, sepse ky do të ishte edhe një problem më shumë për stabilitetin, për paqen dhe për sigurinë jo vetëm të Ballkanit, por edhe të vetë Evropës.

Të moskeqkuptohemi as me miqtë e as me armiqtë tanë, të gjithë ne e kemi mbështetur dhe, e mbështesim krijimin dhe njohjen ndërkombëtare të pavarësimit të Kosovës si shtet i pavarur, sovran dhe demokratik (piksëpari, duke ia njohur përjetësisht meritat, e krijuesit të tij-Amerikës së Bill Klintonit dhe të Xhorxh W. Bushit), por në asnjë mënyrë nuk parapëlqehet, që të mbështetet dhe të stimulohet (qoftë moralisht, politikisht, diplomatikisht, ligjërisht, apo qoftë financiarisht dhe ekonomikisht) strategjia e krijimit të njëfarë “kombi kosovar” të trilluar nga armiqtë e KOMBIT SHQIPTAR.

Po rithkesojmë se , Kosova shtet i pavarur, sovran dhe demokratik PO! Por, “komb kosovar” JO! - Sepse nuk duam “libanizimin” e Kosovës-Shqipërisë Etnike e as të Ballkanit.

Paraqet, Sabri Selmani

[extreme]

Kjo kushtetut nuk e pasqyron vullnetin e popullit por qe ne nje far menyre e pasqyron per arsye politike per ta marur pvararsin kosova nuk ka guxuar ta ket nje kushtetut te till ku thiret apo lejohet nje bashkim kombtar me shqiperin neve me ligj skemi dreit te kerkoim bashkim kombetar por mjafton qe shqiperia nuk e ka ne kushtetut te till pra besoj nese neve jemi te vendos per bashkim kombtar ateher shqiperia e ka te dreiten ta kerkon nje gje te till pastaj kushtetuta nuk eshte e pa ndryshuar besoj dhe shpresoj se nje dit do te ngjallen zerat per bashkim kombtar .

KUSHTETUTA E KOSOVËS KUNDËR sabri-talibanit me shok

e kjo po qe eshte nje e mir e madhe

[Harudi]

po mire se ta ndalo kushtetuta bashkimin po me apliku te gjithe kosovaret per pashaporte shqiptare kush ta ndalon

sic bejne bullgaret greket qipriotet
serbet e kosoves me pashaporta serbe


ke me shume kosovare me pashaporta serbe se pashaporta te shqiperis dhe mbas 19 vitesh qe ne u lejojme te merrni pashaporta shqiptare

Pa mos e gjykue se sa është apo nuk është tërheqëse nënshtetësia (pasaporta) shqiptare për "kosovarët",çfarë rregulla ligjore duhet përmbushë "kosovarët" për fitimin e pasaportës shqiptare?
A janë të njëjtat rregullat ligjore edhe për "kosovarët",sikurse janë për të huajt e të cilët janë të interesuar për pasaportë shqiptare,apo për kërkuesit "kosovar"vlenë lehtësime ligjore nga shteti shqiptar?

asp.gov.al/mpo/ligjet/shtetesia%20shqiptare.pdf

Disa të dhëna që i gjeta me të parën ne google rreth heqjes dorë nga shtetësia shqiptare (nga vetë shtetasit e Shqipërisë).

Pak per situaten konkrete te aplikimeve per shtetesine shqipatre :
Per vitin 2002 ne Sektorin e Pasaportes dhe te Huajve kane mbritur 627 kerkesa per fitim, rifitim dhe per heqje dore nga shtetesia shqiptare .
Prej ketyre jane percjelle ne Preseidence kerkesat per 447 shtetas dhe u jane kthyer ne drejtori te qarqeve per mangesi e plotesim kerkesat e 162 shtetasve.

Eshte dekretuar : Heqja dore nga shtetesia shqiptare per 630 shtetas,
Fitimi i shtetesise shqiptare per 13 shtetas,
Rifitimi i shtetesise shqiptare per 27 shtetas.

burimi nga MPJ e Shqipërisë.

p.s.
Po Kushtetuta e Shqipërisë e ka në mbrendësin e saj (amandamentin për) Bashkimin Kombëtar?
A i llogaritë Shqipëria zyrtare të githë shqiptarët jashtë kufinjëve të saj si qytetarë nënshtetas të saj,sikurse bën Srbia,Greqia,Bullgaria,etj?

[Harudi]

Si duket dokumenti ne pdf në postimin paraprak nuk po hapet,prandaj po sjellë të kopjuar një pjesë të ligjit që ka të bëjë me përfitimin e shtetësisë shqiptare.


REPUBLIKA E SHQIPERISE
Ministria e Rendit Publik
Drejtoria e Përgjithshme e Policisë së Shtetit


Cilat jane kushtet, qe duhet te plotesoje shtetasi i huaj per te fituarshtetesine shqiptare me natyralizim ?
Shtetasit te huaj i lind e drejta te per te kerkuar shtetesine shqiptare menatyralizim kur plotesohen kushtet vijuese :
1. Te kete mbushur moshen 18 vjeç.Llogaritja behet ne diten e berjes se kerkeses2. Te kete banuar ligjerisht ne territorin e Republikes se Shqiperise, ne menyre tevazhdueshme, per jo me pak se 5 vjet.
3. Te kete banese dhe te disponoje te ardhura te mjaftueshme.
4. Te mos kete qene ndonjehere i denuar (ne Republiken e Shqiperise ose ne ndonje vend tjeter) per vepra penale, per te cilat ligji parashikon denime me jo me pak se 3 vjet heqje lirie. Perjashtim nga ky rregull behen ne rastet kur vleresohet se denimi eshte dhene per motive politike.
5. Te kete njohur , te pakten fillestare, te gjuhes shqipe.
6. Dhenia e shtetesise shqiptare te mos preke sigurimin dhe mbrojtjen eRepublikes se Shqiperise.
etj...

[Milkway]

Kur te flasim per kushtetun e Kosoves duhet pak te ndalemi edhe te mendojm thelle. E di qe eshte gabim kjo qe ka ndodh me kete kushtetut edhe kjo kushtetut nuk pasqyron mendimin e shumices se popullates tone , por ketu eshte ndikimi nderkombetare . Paramendoni sikur ne kushtetut te futet neni qe kerkon bashkimin me Shqiperi kurr nuk kishim mund te fitonim pavarsin , une nuk pajtohem me asgje ne kete kushtetut po duhet pranuar sepse skem tjeter.

Sa i perket qeshtjes se flamurit ,simboleve e himnit kjo per mue eshte katastrof zgjedhja qe eshte bere , po perseri skishim mujt te pranohemi si shtet me flamurin kuq e zi , pra eshte dashur nje flamur i ri , nje himn i ri per shtetin me te ri .

Kushtetuta nuk eshte bibel e as Kur'an te mos ndryshohet , mundet mbas 5-10 vjetve te ndryshohet .

NJO DINE TE GJITH QE SHQIPTART E KOSOVES GJITHMON E KAN PAS EDHE DO TA KEN SHQIPERIN NE ZEMER

Eshte turp per disa qe mendojn ndryshe se gjithkujt ne Kosove qe se paku i thot vetit shqiptar i flen flamuri kuq e zi ne zemer , me endje e ndegjon himnin kombetar , por keta qe flasin skan qen kurr ne Kosove me pa gjendjen .

Kur luan Shqiperia futboll garantoj qe me shum ka tifozllek nga Kosova se nga Shqiperia e shum e shum gjera tjera .

[chino]

KUSHTETUTA E KOSOVËS KUNDËR BASHKIMIT KOMBËTAR SHQIPTAR!?
Publikuar më 06 shkurt, 2009

Prof.Dr. Mehdi Hyseni

(...)

*** Veç ndryshimit dhe mohimit të simboleve kombëtare shqiptare, autorët konstitucionalistë shqiptarë të Kosovës me rastin e hartimit të Kushtetutës së shtetit të ri, gabimin më të madh e kanë bërë, edhe me sanksionimin e “klauzolës” juridike kushtetuese kundër bashkimit të Kosovës me Shqipërinë, se :” 3. Republika e Kosovës nuk ka pretendime territoriale ndaj asnjë shteti ose pjese të ndonjë shteti dhe nuk do të kërkojë të bashkohet me asnjë shtet ose pjesë të ndonjë shteti.” (Kushtetuta e Republikës së Kosovës, Kapitulli I, Dispozitat themelore, Neni 1, paragrafi 3).

...
Ky është rreziku më i madh, që sot kanos qenien e gjithmbarshme kombëtare dhe shtetërore, jo vetëm në Kosovë, por në mbarë hapësirat e Shqipërisë Etnike.

Qe Kushtetuta e Kosoves deklaron shprehimisht se Kosova nuk ka pretendime teritoriale ndaj ndonje shtetit fqinje apo pretendime bashkimi me ndonje te tille, eshte vetem nje emertim konkret i asaj, te ciles te gjithe shtetet i nenshtrohen nepermjet dispozitave te se drejtes internacionale publike. Pra edhe sikur te mos shkruante ne Kushtetuten e Kosoves, se Kosova nuk ka synime teritoriale ndaj shteteve fqinje apo pretendime bashkimi me to, per kete Kosova do ishte e obliguar sipas konventave nderkombetare, te cilave ajo si cdo shtet tjeter demokratik u bashkengjitet. Keshtu qe Neni 1, Paragrafi 3 i Kushtetutes ka me teper karakter deklarativ e jo konstitutiv.

Por sa per te larguar autorit te artikullit pak a shume terbimin qe e paska kapluar, do citoj edhe kete dispozite te Kushtetutes se Kosoves:

Neni 144 [Amendamentimi]

1. Qeveria, Presidenti ose një e katërta (1/4) e deputetëve të Kuvendit, sipas Rregullores së Punës të Kuvendit, mund të propozojnë ndryshime dhe amendamentime të kësaj Kushtetute.

2. Çdo ndryshim do të kërkojë miratimin e dy të tretave (2/3) të të gjithë deputetëve të Kuvendit, përfshirë dy të tretat (2/3) e të gjithë deputetëve të Kuvendit që mbajnë vende të rezervuara ose të garantuara për përfaqësuesit e komuniteteve që nuk janë shumicë në Republikën e Kosovës.

3. Ndryshimet në këtë Kushtetutë mund të miratohen nga Kuvendi vetëm pasi të ketë adresuar Kryetari i Kuvendit të Kosovës amendamentin e propozuar në Gjykatën Kushtetuese për të vlerësuar paraprakisht nëse ndryshimi i propozuar nuk pakëson ndonjë të drejtë dhe liritë e përcaktuara në Kapitullin II të Kushtetutës.

4. Ndryshimet e Kushtetutës hyjnë në fuqi menjëherë pas miratimit të tyre në Kuvendin e Republikës së Kosovës.

Ketu shihet mjaft qarte sa problem serioz eshte Kushtetuta e Kosoves per bashkimin kombetar, prandaj i shmangem komentimeve tjera me keqardhje per autorin se sa shume shkruan per gjera qe s'i kupton as ne themel.

Mirëpo, ne nuk do të përqendrohemi në gjuhën dhe në stilin e papërkryer juridik të kësaj kushtetute, sepse ka gabime të shumta, të cilat nuk i kuptojnë, as nuk i kanë të qarta, as vetë autorët e saj, se çfarë kanë dashur të thonë me përkufizimin e nocioneve juridike-kushtetuese. Për të ilustruar këtë nonsens të deforrmitetit profesional, po citojmë vetëm këtë shembull: “ 2. Republika e Kosovës është shtet i shtetasve të vet...” (Shih: Kushtetuta e Republikës së Kosovës, Neni 1, paragrafi 2.).

Çfarë do të thotë kjo “frazë juridike-kushtetues” për juristët e së drejtës kushtetuese se “2. Republika e Kosovës është shtet i shtetasve të vet...”? – Kush janë ata “shtetasë” të Kosovës? A kanë ata ndonjë emër, apo ndonjë përkatësi të tyre?!

Si në kuptimin e përgjithshëm, ashtu edhe në atë vokabularit profesional juridiko-kushtetues, përkufizimi i “Republikës së Kosovës si shtet i shtetasve të vet”, është jo vetëm një absurd, por edhe gabim lëndor, sepse është formuluar në mënyrë shumë të përgjithësuar. Kjo formë përkufizuese e atributit të shtetësisë së Kosovës në favor të “shtetasve të vet”, është shkruar, tamam në frymën e tendencës së keqe të legjitimimit dhe të jetësimit të tezës antishqiptare “kombi kosovar”.

Se cfare do te thote kjo fjali, e di cdo student i lendes se drejtesise qe ka kaluar semestrin e pare, si dhe cdo njeri qe e kupton termin demokraci liberale, sistemin shoqeror kushtetutor kosovar, i cili reglementohet ne kete fjali. Do te thote se shtetasi eshte sovrani i shtetit, i zoti i shtetit, instanca qe vendose mbi formen konkrete te shtetit te tij. Shtetasi e merr kete vendim me anen e votes se tij. Kjo fjali tregon se Shteti i Kosoves nuk eshte - sic e kemi njohur ne te kaluaren p.sh. nga komunistet - prone ne vullnetin e "Partise", apo - sic e njohim deri sot p.sh. nga feja islame - prone ne libidon e "Allahut". Por eshte shtet i shtetasve kosovare, vullnetit te se shumices te se cileve ai (lexo: shteti) me te gjitha instancat e tij nenshtrohet. Kaq nenkupton kjo fjali. Jo me pak.

Dhe nuk eshte e vertete qe Kushtetuta e Kosoves deshiron te "libanizoj" Kosoven apo shqiptaret atje. Poashtu nuk eshte e vertete qe ajo e mohon ndonje identitet kombetar te shtetaseve kosovare, aq me pak indentitetin e shqiptareve atje. Sipas Kushtetutes Kosovare - nepermjet te te drejtave themelore - mund te jesh shqiptar sa te duash. Cka sipas Kushtetutes nuk ka "karakter shqiptare", jane disa dukuri shteterore si p.sh. flamuri e tjera. Mirepo qe njerezit jetojne me shekuj te tere nen flamuje joshqiptare pa e humbur identitetin kombetar, kete e dijne kosovaret me mire se cdo kush tjeter. Keshtu qe vertete: i tere ky artikull s'eshte gje tjeter pos balast dhe edhe nje turp tjeter per gazetarine kosovare.

.

[Kandili 1]

[I]Neni 144 [Amendamentimi]

1. Qeveria, Presidenti ose një e katërta (1/4) e deputetëve të Kuvendit, sipas Rregullores së Punës të Kuvendit, mund të propozojnë ndryshime dhe amendamentime të kësaj Kushtetute.

2. Çdo ndryshim do të kërkojë miratimin e dy të tretave (2/3) të të gjithë deputetëve të Kuvendit, përfshirë dy të tretat (2/3) e të gjithë deputetëve të Kuvendit që mbajnë vende të rezervuara ose të garantuara për përfaqësuesit e komuniteteve që nuk janë shumicë në Republikën e Kosovës.

Mire fort keto sqarimet.
Po si thoni ju,a mund te quhet shtet Kosova, kur per ndryshimin e kushtetutes te saj jane te domosdoshme votat e 2/3-tes se pakicave te saj?!

Ne shtetet demokratike ndryshimi i kushtetutes behet ,kur nga numri i tersishem i delegateve, 2/3-at e delegateve jane per ndryshim.

Pakicat s`kane te drejte ta drejtojne(frenojne) shtetin ,d.m.th. shumicen.Pakicat kane te drejte te kundershtojne ,nese u cenohen te drejtat qe u jane te garantuara me kushtetute.

Shteti yne i ri me pordhokracine e saj pritet te mberrije shume.D.m.th. per pakicat.

[loni-loni]

Si duket dokumenti ne pdf në postimin paraprak nuk po hapet,prandaj po sjellë të kopjuar një pjesë të ligjit që ka të bëjë me përfitimin e shtetësisë shqiptare.


REPUBLIKA E SHQIPERISE
Ministria e Rendit Publik
Drejtoria e Përgjithshme e Policisë së Shtetit


Cilat jane kushtet, qe duhet te plotesoje shtetasi i huaj per te fituarshtetesine shqiptare me natyralizim ?
Shtetasit te huaj i lind e drejta te per te kerkuar shtetesine shqiptare menatyralizim kur plotesohen kushtet vijuese :
1. Te kete mbushur moshen 18 vjeç.Llogaritja behet ne diten e berjes se kerkeses2. Te kete banuar ligjerisht ne territorin e Republikes se Shqiperise, ne menyre tevazhdueshme, per jo me pak se 5 vjet.
3. Te kete banese dhe te disponoje te ardhura te mjaftueshme.
4. Te mos kete qene ndonjehere i denuar (ne Republiken e Shqiperise ose ne ndonje vend tjeter) per vepra penale, per te cilat ligji parashikon denime me jo me pak se 3 vjet heqje lirie. Perjashtim nga ky rregull behen ne rastet kur vleresohet se denimi eshte dhene per motive politike.
5. Te kete njohur , te pakten fillestare, te gjuhes shqipe.
6. Dhenia e shtetesise shqiptare te mos preke sigurimin dhe mbrojtjen eRepublikes se Shqiperise.
etj...

6 - Dhenia e shtetesise shqiptare te mos demtoje STABILITETIN NE RAJON

[Albo]

Shume fjale qe vertiten rreth nje pyetje te thjeshte:

- Perse te krijohej nje shtet i ri ne Kosove e Kosova te mos i bashkohej Republikes se Shqiperise?

Po ua them shkurt e qarte qe ta mesoni:

1. Sepse ne Ballkan nuk jetojne shqiptare vetem ne Kosove e Shqiperi, por edhe ne Mal te Zi, Maqedoni, Greqi, Turqi. Nese dikush do te lejonte nje bashkim territorial te Kosoves me Shqiperine, atehere kjo do te sillte destabilizim te gjithe Ballkanit dhe askush nuk e do nje gje te tille.

2. Sepse nje bashkim i Kosoves me Shqiperine do te behej i mundur vetem nese Kosova ndahej mes Shqiperise e Serbise, nje pjese te Kosoves e merr Serbia, nje pjese te Kosoves e merr Shqiperia. Kjo do te ishte zgjidhja me e shemtuar, pasi te humburit me te medhenj jane vete banoret e Kosoves qe do ta gjenin veten perseri te ndare nga nje vije e re kufiri.

3. Sepse Republika e Shqiperise nuk eshte dakord per nje bashkim te tille pasi nje bashkim i tille qe vjen me nje te rene te lapsit, do te ishte katastrofal jo vetem per Kosoven por edhe per Shqiperine. Po ti lesh menjane te gjitha dallimet e forta kulturore midis shqiptareve ne te dy anet e kufirit, kushtet ekonomike nuk e lejojne nje bashkim te tille: nje nga popujt me te varfer dhe me te vonuar i Evropes sic eshte Shqiperia do te merrte persiper bashkimin me popullin me dendesine dhe papunesine me te larte ne Evrope. Deshtimi i shtetit shqiptar do te ishte i pashmangshem.

4. Sepse Shqiperia apo Kosova nuk jane ne gjendje te sigurojne terresine territoriale te shtetit te ri te zgjeruar pa pranine e forcave nderkombetare te NATO.

5. Sepse nderkombetaret e kane te qarte se strategjia e vetme e largimit te trupave te tyre nje dite nga Kosova eshte paqetimi i urrejtjes nderetnike midis shqiptareve dhe serbve. Dhe menyra se si mund ta mbareshtrojne kete paqetim me kohen eshte duke krijuar nje shtet multiethnik ne Kosove qe importon te njejtat vlera demokratike qe gjejme edhe ne shoqerite multiethnike e demokratike ne Perendim.

6. Duke u mohuar shqiptareve deshiren per tu bashkuar me Shqiperine dhe serbeve deshiren per tu bashkuar me Serbine, Perendimi po kultivon ne Kosove nevojen e integrimit dhe jo disintegrimit te shtetit te Kosoves. I vetedijshem qe ky eshte nje eksperiment qe do te kerkoje kohe dhe mund te japi frute ose mund te deshtoje. Suksesi do te matej me nje shoqeri multiethnike ne Kosove ku te gjitha grupet etnike jane te integruara dhe perfaqesuar ne jeten e vendit dhe besojne ne nje te ardhme me te mire ne Kosove. Deshtimi do te hidhte poshte kete eksperiment dhe do te provonte se ballkanasit jane kokeshkrete e te pakorrigjueshem, dhe si te tille, meritojne qe te hane koken e njeri-tjetrit. Perendimoret terheqin trupat nga Kosova dhe thone hani koken e njeri-tjetrit tani.

7. Krijimi i shtetit te ri ne Kosove eshte kompromisi me i mire per ceshtjen ne fjale: Kosova eshte e pavarur por nuk eshte pjese e "Shqiperise se Madhe". Kosova eshte nje shtet demokratik ku liria dhe te drejtat e te gjithe shtetasve te vete pa perjashtim, jane te garantuara jo vetem nga shumica shqiptare, por edhe nga prania nderkombetare. Kjo neutralizon ndikimet negative te nacionalizmit serb apo shqiptar dhe i jep nje shans shtetit te Kosoves qe te ngrihet ne kembe.


Pse na mohojne bashkimin kombetar?

99% e shqiptareve qe flasin per "bashkim kombetar" nuk e kane idene se cfare do te thote ky togefjalesh dhe ca me pak te kene vizionin e duhur per te arritur atje. Bashkimi Kombetar i shqiptareve nuk eshte as "bashkim fizik tokash", nuk eshte as "bashkim fizik njerezish", eshte mbi te gjitha nje bashkim shpirteror qe lind tek te gjithe ata popuj qe kane te njejten vetedije kombetare. Vetedija kombetare duhet kuptuar si nje vleresim i trashegimise e tradites se te pareve dhe aspirata te njejta per te ardhmen.

Ajo qe u mohon shqiptareve bashkimin kombetar eshte nje fakt i thjeshte i observueshem nga kushdo: shqiptaret ne dy anet e kufirit kane dallime te forta kulturore e shoqerore me njeri-tjetrin dhe nuk gezojne te njejtin nivel vetedije kombetare. Dhe bashkimi kombetar nuk ka per te ndodhur as me diktat e as me sforcime, ai vjen natyrshem vetem atehere kur keto disnivele nivelohen. Prandaj lerini fjalet e teperta dhe jepni shembullin tuaj, beni punen tuaj ne kete drejtim. Ekziston nje etje e madhe per dije dhe per te njohur me mire njeri-tjetrin tani qe jemi duke jetuar ne kohet e arta te lirise.

Askush nuk na e mohon bashkimin kombetar pasi bashkimi kombetar nuk lind ne troje e ne dokumenta zyrtare, lind ne mendjet e zemrat e njerezve.

Albo

[extreme]

Kur te flasim per kushtetun e Kosoves duhet pak te ndalemi edhe te mendojm thelle. E di qe eshte gabim kjo qe ka ndodh me kete kushtetut edhe kjo kushtetut nuk pasqyron mendimin e shumices se popullates tone , por ketu eshte ndikimi nderkombetare . Paramendoni sikur ne kushtetut te futet neni qe kerkon bashkimin me Shqiperi kurr nuk kishim mund te fitonim pavarsin , une nuk pajtohem me asgje ne kete kushtetut po duhet pranuar sepse skem tjeter.

Sa i perket qeshtjes se flamurit ,simboleve e himnit kjo per mue eshte katastrof zgjedhja qe eshte bere , po perseri skishim mujt te pranohemi si shtet me flamurin kuq e zi , pra eshte dashur nje flamur i ri , nje himn i ri per shtetin me te ri .

Kushtetuta nuk eshte bibel e as Kur'an te mos ndryshohet , mundet mbas 5-10 vjetve te ndryshohet .

NJO DINE TE GJITH QE SHQIPTART E KOSOVES GJITHMON E KAN PAS EDHE DO TA KEN SHQIPERIN NE ZEMER

Eshte turp per disa qe mendojn ndryshe se gjithkujt ne Kosove qe se paku i thot vetit shqiptar i flen flamuri kuq e zi ne zemer , me endje e ndegjon himnin kombetar , por keta qe flasin skan qen kurr ne Kosove me pa gjendjen .

Kur luan Shqiperia futboll garantoj qe me shum ka tifozllek nga Kosova se nga Shqiperia e shum e shum gjera tjera .

Qaty osht esenca na besoj se 99% e popullit nuk e pranon me deshir kit kushtetut po qysh ka than ai i moqmi ma mir pak se hiq