Nga 22 janari deri më 28 shkurt, vendi ynë do të furnizojë me energji elektrike fqinjin jugor
TIRANË - Ndryshe nga tradita, Shqipëria për tetë orë në ditë do të radhitët ndër vendet eksportuese të energjisë. Sipas marrëveshjes midis Korporatës
Energjetike Shqiptare dhe homologes së saj greke, gjatë një muaji, vendi ynë do të eksportojë drejt fqinjit jugor 53 mijë MW energji elektrike, me një kapacitet deri në 200 MW në ditë. Nga këto, gjysma e sasisë do të garantohet nga KESH-i dhe pjesa tjetër nga operatorë të tjerë, sipas marrëveshjeve dypalëshe ditore.
Sipas ministrit të Ekonomisë, Tregtisë dhe Energjetikës, Genc Ruli, kjo ndarje është bërë me qëllim ruajtjen e sigurisë së sistemit elektro-energjetik. "Në rastet kur ky sistem nuk do të konsiderohet në rrezik, KESH-it do t'i lejohet të shesë edhe pjesën tjetër", - tha ai.
Eksporti i energjisë elektrike drejt Greqisë ka filluar që më 22 janar dhe do të përfundojë më datë 28 shkurt 2009. Energjia në fjalë do të shitet sipas çmimeve në bursën e Athinës dhe parashikohet që nga totali të zbritet ajo pjesë që humb në rrjetin e transmetimit, e cila parashikohet të jetë 4 për qind.
Ruli siguroi se kjo shitje nuk bëhet në dëm të plotësimit të nevojave për energji të konsumatorëve shqiptarë. Fillimi i eksportit të energjisë u bë i mundur si pasojë e përmirësimit të ndjeshëm të situatës hidrike në vend, nga reshjet e bollshme të disa ditëve.
Sipas Rulit, niveli i basenit të hidrocentralit të Fierzës ka arritur në 288 metra, me një kapacitet prurje 432 m³/sek. Për momentin, Shqipëria konsumon afërsisht 21 milionë kilovat orë në ditë, ndërsa kapaciteti prodhimit është 18.6 milionë kilovat/orë në ditë dhe pjesa tjetër plotësohet nga importi.
nga shekulli.com
Mendime të thjeshta:
Në të njëjtën kohë që konsumimi i energjisë në Shqipëri është më i ulët nga prodhimi z. Ruli thotë kjo shitje nuk bëhet në dëm të plotësimit të nevojave për energji të konsumatorëve shqiptarë.
Megjithëse nevojat e konsumatorëve shqiptarë nuk do plotësohen, shteti shqiptar do ketë fitime do thoshte dikush. Por le të shikojme këto "fitime"
Energjia në fjalë do të shitet sipas çmimeve në bursën e Athinës dhe parashikohet që nga totali të zbritet ajo pjesë që humb në rrjetin e transmetimit, e cila parashikohet të jetë 4 për qind.
Rrjedhimisht, jo vetem populli shqiptar humb energji të nevojshme, por dhe pagesa për këtë energji sështë e plotë!
E pse seshim energji te Greqia?
Greqia masakroi Çamërinë, Greqia bashkëpunon me grupe që kërkojnë coptimin e Shqipërisë, Greqia keqtrajton emigrantët Shqiptarë.
Kur gjithë emigrantët të tjerë ne Greqi, që të marrin leje qëndrimi 10-vjeçare, duhet të plotësojnë të njëjtat kushte, emigranti Shqiptar, duhet të japi "provime diturie të historisë greke"
Ska të drejta vetëm shteti grek, por dhe populli shqiptar...
http://rilindja.wordpress.com/2009/0...ergji-greqise/
lexoni, komentoni(dhe ne blog po keni mundesine)
Krijoni Kontakt