Dollari

[ganoid]

EURO FORCOHET NE KOHEN ME TE KEQE PER TE

"New York Times"

Nese po hakmerren Shtetet e Bashkuara ndaj Frances dhe Gjermanise (qe e kundershtuan ate per luften ne Irak), me ane te renies se vleres se dollarit, eshte ceshtje e njerezve vetullngrysur ne dy brigjet e Atlantikut. Sekretari i Thesarit te Shteteve te Bashkuara, Xhon Snou, tha fundjaven qe shkoi se ata do ta tolerojne edhe me dollarin e dobet. Renia e dollarit perkthehet drejtperdrejt me ngritjen e euros, gje qe i ben automjetet gjermane dhe veren franceze me te shtrenjta ne Shtetet e Bashkuara. Dollari i dobet mund te ndihmoje ne ringjalljen e ekonomise amerikane, por euroja e fryre ndikon keq ne nevojat per rritje te eksportit evropian. Disa evropiane besojne ne menyren e tyre se politika amerikane eshte e motivuar me shume per hakmarrje sesa ne interes te saj. Por teorite e konspiracionit shkaktojne dekurajim te thelle. Evropa, gati e mundur nga perdorimi i fuqise ushtarake te Uashingtonit, ndien gjithashtu se eshte shtyre berrylas ne ekonomi. Euro eshte supozuar te permiresoje mosbalancen ekonomike. Duke i bashkuar 300 milione evropiane ne nje valute, ne nje politike monetare dhe politika fiskale te koordinuara rrepte, arkitektet e Evropes se re besojne se ata mund t'i krijojne nje kunderpeshe fuqise ekonomike amerikane, nga Dablini ne Athine. Patem tri vite te rritjes se paqendrueshme ekonomike dhe lekundje ne politiken amerikane te dollarit, per ta rigjykuar kete. "Ky eshte nje eksperiment i paprecedent",- thote Niall Ferguson, ekspert i historise se ekonomise. "Ende nuk ma merr mendja se se kjo do te mund te shpallet sukses. Me pare do ta quaja se ky eshte nje deshtim i ngadalte",- thote Fergusoni. Per turistin apo tregtarin amerikan te valutave qe viziton Evropen kjo mund te duket bizare. Ne fund te fundit, euro po tregtohet me shtrenjte, qe nga paraqitja e tij ne vitin 1999. Euro po behet pasuri e preferuar per investitoret nderkombetare, te cilet nuk trazohen per deficitin ne Shtetet e Bashkuara. Problemi, i quajtur "fuqia e euros", po vjen pikerisht ne castin me te pavolitshem per fatin e ekonomise evropiane. Gjermania, Italia dhe Holanda jane ne prag te recesionit dhe ky do te jete i dyti ne keto dy vjet. Menyra me e shpejte per ta ngadalesuar rritjen e euros eshte zvogelimi i shkalles se kamatave, dicka qe eshte bere disa here ne SHBA. "Kreatoret e politikes amerikane nuk jane dogmatike",- thote Dejvid Maki, ekoomisti kryesor ne Morgan Cejs. "Ata blejne per nje stine dhe i heqin qafe kur vjen koha per te levizur nga vendi. Kreatoret e politikes evropiane jane ngulitur ne dogma",- konkludon Dejvid Maki.

[ganoid]

SHBA i kthehet "dollarit te forte "
Valuta amerikane, dollari i eshte rikthyer rikuperimit te vlerave ne tregjet nderkombetare te kembimit fill pas nje deklarate te Presidentit te SHBA, George Bush se, politika e tij eshte duke mbeshtetur "dollarin e forte".

``Politika e administrates time eshte te bejme nje dollar te forte,'' eshte shprehur Bush dje ne nje interviste dhene per televizonin Rus "RTR TV". Sakaq, komentet e Sekretarit te Thesarit John Snoe kete muaj kane bere qe valuta amerikane te koutohet rreth 21 per qind me pak ndaj euros ne krahasim me vitin e kaluar duke ndihmuar keshtu eksportuesit amerikane te shesin mallrat stok ne drejtim te Europes. Ndersa rritja e vlerave te euros i ka bere prodhuesit europiane pasive, nderkohe qe shume kompani europiane kane shtuar blerjet e produkteve amerikane per shkak te cmimeve me te ulta. Sakaq ne takimin e ministrave te Finances, Snoe tha se, vlera e dollarit ka qene nje loje e ndershme modeste. Nga ana e tij presidenti Bush eshte shprehur para gazetareve se, qendrimi i tij ne samitin e Frances do te jete per dollarin e forte. Megjithate do te jene jene tregjet ato qe do te vendosin per vleresimin ose jo te dollarit eshte shprehur Bush. ``Politika jone eshte dollari i forte dhe ne besojme ne politikat e mira fiskale dhe monetare, duke qene se jane faktoret qe do te cojne ekonomine amerikane ne rritje" eshte shprehur ai. Menjehere pas kesaj deklarate kane reaguar tregjet e kembimit ku dollari eshte vleresuar gati me 0,5 pike ndaj monedhes se perbashket, euro. Ndryshimet jane percuar menjehere edhe ne vendin tone. Ku nje dollar ka kushtuar dje 118,6 leke nga 118,3 qe ishte nje dite me pare. Ne tregjet nderkombetare nje euro kushtoi dje 1,17 usd nga 118 qe ishte nje dite me pare. Ne fakt analistet e ekonomise ne agjencite e lajmeve nderkombetare ekonomike e vleresojne renien e dollarit si pasoje e politikave te posacme qe ka ndjekur Rezerva Federale ne lidhje me normat e interesit. Te cilat jane me te ultat e 45 viteve te fundit me vetem 1,25 per qind. Ne Shqiperi renia e dollarit ka coroditur tregun imobilar, i cili tradicionalisht ka ofruar kontrata me valuten amerikane. Me renien e saj shume ndertues i kane kthyer kontratat e shitjes dhe te qerave per banesat ne euro. Nderkohe qe ne prespektiven afatgjate dollari mbetet monedha me e qendrueshme per shkak se, ekonomia e SHBA-se pavaresisht problemeve te fundit ka performance me te mire se ajo e Eurozones dhe Japonise.

[ganoid]

BQE ul interesat per euron, dje USD 120 leke
Banka Qendrore Europiane mori vendimin dje per uljen e normave te interesit per euron ne 2 per qind nga 2,5 qe ishin me pare, duke synuar keshtu nje kompensim te hendekut qe eshte krijuar kete vit ndermjet kembimit te valutes amerikane, dollarit dhe euros. Ulja e normes se interesit nga BQE ne nivelet me te ulta qe prej vitit 1948 eshte pershendetur menjehere nga analistet e ekonomise, te cilet e kane vleresuar kete levizje te Guvernatorit Vim Dujsemberg si nje sinjal pozitiv per ekonomine e eurozones. Per shkak te kesaj situate ne tregjet boterore te kembimit eshte verejtur nje vleresim i menjehershem i valutes amerikane per shkak te spekullimeve me uljen e pritshme te normes se interesit nga BQE. Ne vijim te kesaj politike edhe Banka Qendrore Britanike eshte duke marre ne shqyrtim keto dite uljen e normes se interesit. Prej ketyre ndryshimeve ne tregun shqiptar dollari dje u vleresua nje pike ne kembim me monedhen vendase lekun duke kushtuar ne blerje 120 leke dhe ne shitje 121 leke. Vendimi i BQE erdhi menjehere pas Samitit te Evian ku nje pjese e diskutimeve te liderve te 8 vendeve me te zhvilluara u perqendrua ne veshtiresite qe kishte krjiuar ne ekonomine globale renia e dollarit. Rezerva Federale kete vit ka ndjekur nje politike monetare vetjake duke stimuluar renien e dollarit, i cili krijoi probleme serioze te eksportuesit europiane. Nderkoe qe Presidenti Bush eshte shprehur se, poltikat e se ardhmes synojne forcimin e dollarit.

[ganoid]

Dollari nis javen me humbje, dje 117,4 leke
Valuta amerikane dollari e filloi javen me humbje ne tregun vendas te kembimit dhe ne ato nderkombetare. Ne agjencite e kembimit valutor nje dollar u ble dje 117,4 leke dhe u shit me 118,3 leke, ndersa nje euro u ble me 139,7 leke dhe u shit me 140,4 leke. Ndryshimet reflektojne nje qendrueshmeri te lekut ndaj valutave te huaja. Kjo situate sipas, eksperteve te ketij sektori do te vijoje edhe me tej gjate sezonit te veres per shkak te prurjeve te emigranteve dhe hyrjeve valutore prej sezonit turistik. Prurjet valutore pritet te rrisin oferten per valute e per rrjedhoje te ndikojne ne rritjen e kerkeses per leke, duke cuar ne rritjen e vleres se monedhes vendase.

[ganoid]

Specialistët e huaj pohojnë se monedha europiane do të vazhdojë ngritjen e saj edhe gjatë muajve në vazhdim

Euro përmbys çdo rekord përballë dollarit


prof.ass. Adrian CIVICI

Shumë ekonomistë dhe bankierë vlerësojnë se monedha europiane mund ta kalojë dhe pragun e këmbimit prej 1.21 dollarësh në muajt e ardhshëm, bile të arrijë dhe kuotën prej 1.30 USD. Çfarë situatash mund të provokojë një fenomen i tillë për ekonominë dhe biznesin shqiptar ? Të martën e kaluar në bursën e New Jork-ut, ndërkohë që operatorët e shumtë ekonomikë e financiarë preokupoheshin për shifrat shqetësuese të deficitit amerikan dhe tentativat për politika proteksioniste të administratës Bush, euro “reagon” dhe arrin ndërkohë një raport këmbimi 1 me 1,1973 dollarë amerikanë. Kjo tendencë në ngritje vazhdon dhe gjatë gjithë ditës së mërkurë dhe këtë radhë është bursa e Tokios që regjistron shifrat 1 me 1,1979 dollarë. Po kështu dhe në bursën e Parisit, euro këmbehet gjatë ditës me 1,1961 dollarë, duke thyer kështu rekordin e saj të fundit të 27 majit të kaluar kur 1 euro u këmbye me 1.933 dollarë. Që nga lançimi i parë i saj në janar 1999, monedha europiane ka njohur një progresion prej 2.55%. Vala e fundit e “temperaturës” së euros është në fakt një vazhdim logjik i ecurisë disajavore, kur ditë pas dite euro avanconte në nivelet 1 me 1.15 dhe së fundi 1.18 dollarë të premten e kaluar. Kalimi i kuotës prej 1.185 dollarë për 1 euro i dha një shtytje akoma më të madhe lëvizjeve për rivlerësimin e euros. “Shumë nga operatorët e bursave mendojnë se dollari do të vazhdojë të ulet dhe prandaj shesin dollarë në tregun financiar”, -deklaron Dennis Heidt, operator në BNP Paris. Ndërkohë, Stephen Gallager, ekonomist në bankën “Société Général” shprehet se “ky ishte një fenomen që tashmë pritej”. Sipas Gallager, lëvizjet e këtyre ditëve të fundit në favor të vlerësimit të euros u provokuan si pasojë e shifrave të publikuara nga Departamenti amerikan i Thesarit në lidhje me fluksin e kapitaleve të huaja të hyra në SHBA gjatë muajit shtator 2003, si dhe nga mundësitë eventuale që administrata amerikane, që gjykon se prodhuesit amerikanë të tekstileve janë prekur nga importet masive kineze, të imponojë kuota për importet e tekstileve si dhe barriera të tjera tregtare për Kinën. “Tregjet ndërkombëtare janë shumë të ndjeshme në lidhje me politikat amerikane në kuadrin e zgjedhjeve të ardhshme presidenciale, dhe sidomos ato ngrenë shumë pikëpyetje në lidhje me masat speciale që mund të ndërmerren në SHBA në kuadrin e përpjekjeve për të stimuluar krijimin e vendeve të reja të punës”, -nënvizon Gallager. Ndërkohë tregjet ndërkombëtare kanë reaguar negativisht javën e kaluar ndaj konfirmimit të SHBA për të dërguar në Gjykatën e Apelit verdiktin e Organizatës Botërore të Tregtisë (OBT) që i gjykon si “ilegale mbitaksat amerikane të aplikuara ndaj importeve të çeliqeve”. OBT i ka kërkuar SHBA që t’i suprimojë këto mbitaksa, por ndërkohë nuk shihet asnjë lëvizje në këtë drejtim, megjithëse kjo pritet të jetë gjithashtu një nga temat që do të diskutohen me kryeministrin Bler gjatë vizitës së presidentit Bush në Londër. “Iniciativat proteksioniste amerikane i hapin rrugë reagimeve kundërvepruese nga ana e vendeve të tjera, dhe derisa ky problem të zgjidhet, dollari mund të vazhdojë të jetë i pafavorizuar në këmbimet financiare ndërkombëtare”, -vlerëson George Meillis, guvernator i bankës “Wells Fargo”. Një tjetër frikë e operatorëve të tregjeve financiare është dhe ngadalësimi i hyrjes së kapitaleve në SHBA, fenomen që vë në pikëpyetje zgjidhjen e çështjes esenciale të financimit të deficitit amerikan, financim që aktualisht realizohet nga blerja e bonove të thesarit nga investitorë ndërkombëtare, kryesisht japonezë e kinezë. Nga ana tjetër, Departamenti i Thesarit amerikan ka njoftuar disa ditë më parë se të huajt kishin blerë gjatë muajit shtator 2003 vetëm 4.2 miliardë dollarë (3.57 miliardë euro) bono thesari apo tituj burse amerikane, një shumë kjo shumë e vogël nëse krahasohet me shifrat prej 49.9 miliardë dollarë (42.37 miliardë euro) të muajit gusht, apo atë të 76 miliardë dollarë (64.53 miliardë euro) të investuara në SHBA gjatë 6 -mujorit të parë të vitit 2003. Një tjetër pengesë për monedhën e gjelbër është dhe deficiti amerikan. “Çdo herë që dollari ndodhet në situata presioni të fortë, shumë njerëz dyshojnë për deficite akoma më të mëdha që kanë lidhje me bilancin e pagesave apo deficitin e përgjithshëm buxhetor”, dhe kjo ndikon akoma më shumë në këtë tendencë, nënvizon Thomas Benfer, kambist në Bankën e Mont Real-it në Kanada. Sot, investitorët ndërkombëtarë, por dhe një numër i madh amerikanësh, preferojnë të investojnë në bursat europiane më shumë se ato amerikane. Megjithëse perspektivat ekonomike në Europë janë më pak të favorshme, Europa ju ofron atyre jo vetëm përqindje interesash më të larta, por dhe fitime në bursë e të ardhura suplementare si pasojë e efekteve të përqindjeve të këmbimit. Perballë gjithë këtyre vështirësive që duhet të përballojë dollari amerikan, analistët mendojnë se monedha europiane do ta vazhdojë ngritjen e saj dhe në muajt në vazhdim, megjithë periudha qetësie të përkohshme që mund të shfaqen në bursat ndërkombëtare. “Mund të parashikohet që euro të arrijë shifrat 1 me 1.21 – 1.22 dollarë në gjashtë muajt e ardhshëm”, -vlerëson Thomas Benfer. “Kjo nuk më pengon të mendoj se ekonomia amerikane do të ecë mirë në raport me ekonominë botërore dhe që perspektivat ekonomike të SHBA janë shumë të mira, por tregjet shpeshherë reagojnë në sens të kundërt’,- nënvizon Benfer. Kjo situatë e dollarit amerikan “natyrisht që nuk është aspak favorizuese për eksportet europiane. Nëse euro kalon kufirin e këmbimit 1 me 1.20 dollarë, ekonomia europiane mund të gjendet përpara surprizave të reja jo shumë të lakmuara” të cilat mund të vënë në rrezik dhe të asfiksojnë që në “vezë” ritmet e zhvillimit në eurozonë, thekson Gallager. Dhe sipas parashikimeve në perspektivë, 1 euro e barabartë me 1.30 dollarë është plotësisht e imagjinueshme në mes të vitit 2004! Ndërkohë eksportet amerikane “kushtojnë dhe do të vazhdojnë të kushtojnë më lirë” dhe do të bëhen gjithnjë e më atraktive për operatorët ndërkombëtarë duke nxitur kështu një reduktim të mundshëm të deficitit tregtar amerikan si dhe nxitjen e ekonomisë nëpërmjet hapjes së vendeve të reja të punës. Po kështu, rënia e dollarit do të rrisë artificialisht akoma më shumë shkallën e kompetivitetit të ekonomisë kineze, e cila që nga viti 1994 e ka lidhur monedhën e saj me dollarin, megjithë presionet e administratës amerikane për ta shkëputur këtë lidhje. Të gjitha këto zhvillime e fenomene pritet të krijojnë konjuktura të reja në ekonominë dhe tregjet botërore dhe tashmë vendet kryesore si SHBA, BE-ja, Japonia, Kina, Rusia, Kanadaja, Brazili, etj., kanë filluar të përpunojnë strategjitë e përballimit te kësaj situate. Nuk do të ishte pa vend, që edhe në Shqipëri, institucionet dhe operatorët përkatës të përpunonin një platformë të përballimit të zhvillimeve të reja që priten në tregjet dhe ekonominë botërore, duke ndihmuar kështu ekonominë dhe biznesin vendas që të orientohet më mirë në këto situata jo shumë “dashamirëse” për vendet e vogla e ekonomitë e brishta.



21/11/2003

[mateo]

the beer should be strong, corrency not neccessarely!

[ganoid]

Kursi i këmbimit

Leku fiton ndaj USD Dorëzohet ndaj euros



Gjatë ditëve të fundit të muajit nëntor të këtij viti, leku njohu vlerën maksimale në kursin e këmbimit me dollarin, duke u këmbyer me 113.6 lekë. Në Agjencitë Valutore të Tiranës, dollari ka arritur vlerën minimale kundrejt lekut, vlerë e cila, është ndër më të ultat në vitet e fundit. Kjo është hera e parë që dollari bie në të tilla kuota të ulta në kursin e këmbimit me lekun. Vlerën më të lartë, dollari e ka arritur në vitet 1997, kur një dollar këmbehej me 148 lekë, dhe në vitin 1998 duke arritur në kuotën 150.6 lekë. Sipas ekspertëve të bankave, forcimi i lekut, nuk ka ardhur si rrjedhojë e një zhvillimi të lartë ekonomik në vend, por është reflektim i situatës në bursat ndërkombëtare, ku monedha e gjelbër amerikane, ka rënë në nivele të ulta. Gjatë gjithë muajit nëntor, euro ka fituar pikë ndaj dollarit në bursat ndërkombëtare, duke dhënë efektet e veta dhe në tregun e këmbimit valutor vendas. Një pjesë e mirë e transaksioneve të shumë bizneseve, që kryheshin deri para një viti me dollarë, tani janë zëvendësuar me euro. Këtu përfshihen sektorët e ndërtimit, ku të gjitha shitjet e apartamenteve tani, kryhen me euro. I njëjti fenomen ndodh në Agjencitë ajrore dhe ato turistike, në linjat e trageteve, etj, ku të gjitha veprimet që më parë, kryheshin me dollarë, tani janë zëvendësuar me euro. Monedha evropiane, vitin që kaloi mori revanshin drejt forcimit, kundrejt dollarit dhe lekut në vend. Nga një vrojtim i bërë në periudhën Janar-Dhjetor 2002, kur Euro hyri në fuqi në shtetet e eurozonës, në tregjet e këmbimit u forcua kundrejt dollarit dhe lekut. Ndërsa në fillim të Janarit 2002, 1 USD blihej 136 lekë, 1 euro blihej 121 lekë. Periudha Maj-Qershor, u karakterizua nga një forcim i dollarit në kursin e këmbimit me euron dhe me lekun, që erdhi si pasojë e rritjes së vlerës së valutës amerikane në bursat ndërkombëtare. Mbas kësaj periudhe, u vu re ngushtimi gradual i diferencës së dollarit dhe euros në këmbimin me lekun. Kështu, në datën 1 Dhjetor 2002, 1 USD u ble 137 lekë dhe 1 euro u ble 136,6 lekë.

[ganoid]

Sistemi Bankar
Dollari amerikan “gremiset” në nivele të reja rekord ndaj euros

Në tregun e këmbimit valutor të kryeqytetit, një dollar është blerë me 113.3 lekë dhe është shitur me 113.9 lekë






Data (28-11-2003)

Aida Korkuti

“Fundoset” dollari amerikan. Në seancat e djeshme të tregjeve kryesore valutore monedha amerikane ka zbritur në nivelet më të ulëta kundrejt monedhave më kryesore. Dollari ka vazhduar të ruajë nivele të ulëta kundrejt euros, ndërkohë që tregtarët vazhdojnë të kenë dyshime ndaj zhvillimeve të ekonomisë amerikane dhe ndaj financimit të deficitit buxhetor. Rritja e mëtejshme ekonomike e Shteteve të Bashkuara të Amerikës nuk ka bërë asgjë për të ndihmuar monedhën amerikane. Ndërkohë, në tregjet valutore monedha e përbashkët europiane ka arritur në kuotën 1.194 dollarë në fillim të seancës së djeshme, për të rënë në kuotën 1.191 dollarë në fund të saj.
Lëvizjet ndërmjet monedhave në tregjet ndërkombëtare kanë dhënë ndikimet e tyre edhe në tregun shqiptar të këmbimit valutor. Gjatë dy javëve të fundit raportet e këmbimit të monedhave kryesore, dollarit dhe euros, kundrejt lekut kanë ndjekur lëvizjet në tregjet ndërkombëtare. Dollari ka pësuar rënie të konsiderueshme gjatë këtyre ditëve kundrejt lekut, për të arritur dje nivelin më të ulët, atë të 113.3 lekëve në blerje. Nga ana tjetër, euro është këmbyer me 135.9 lekë, duke shënuar një rritje prej rreth 0.2 lekësh krahasuar me një ditë më parë.
Analistët
Shqetësimet e vazhdueshme lidhur me deficitin e shtetit amerikan, lufta e mundshme tregtare me Kinën dhe zhvillimet më të fundit në Eurozonë kanë qenë disa nga arsyet që kanë çuar monedhën amerikane në nivelin më të ulët në këto pesë vjet kundrejt stërlinës dhe nivelin më të ulët në këto tri javë kundrejt euros. Tregtarët kanë vënë re se kapitalet kanë qenë mjaft të ulëta, ndërkohë që investitorët janë treguar dyshues për të mbajtur dollarin në nivele të larta përpara festave të fundvitit. Mendohet se këto festa mund të sjellin një rritje mosbesimi ndaj monedhës amerikane.
Lidhur me problemin e rritjes së çmimeve në fund të vitit, Banka e Shqipërisë ka ndërmarrë një fushatë për parandalimin e një rritjeje artificiale të çmimeve për festat e fundvitit. Duke u bazuar në politikën e saj monetare lehtësuese, ka qenë e pranishme në tregun valutor duke blerë valutë të huaj. Sipas raportit të fundit të kësaj banke, blerja e valutës ka penguar mbiçmimin e lekut, duke rritur dhe likuiditetin në treg gjatë nëntëmujorit të këtij viti.

[ganoid]

Euro thyen rekordet historike
Valuta amerikane, dollari ka pesuar kete jave nje kolpo ne vlerat e kembimit me euron pas nje pauze disa mujore. Shkak per renien vlerave te dollarit jane bere fillimisht atentatet ne Stamboll te Turqise, te cilat ndikuan si edhe ne raste te tjera te ngjashme negativisht ne besimin e investitoreve tek valuta amerikane. Dollari per shkak te kesaj situate humbi ne kembim me valutat kryesore diten e atentatit nje cent, ndersa rekordet u thyen nje dite me pare kur monedha e perbashket euro kushtoi per here te pare qe nga krijimi i saj 1.2 dollare. Keto ndryshime ne tregjet nderkombetare te kembimit nuk jane percjellur kete jave teresisht ne tregjet vendase. Ne agjencite vendase te kembimit eshte vene re nje dobesim i dollarit ndaj lekut me me shume se 2 pike gjate javes, nderkohe qe monedha e perbashket eshte kembyer me lekun thuajse ne te njetat kuota. Analistet e kembimit ne tregjet nderkombetare parashikojne nje rritje te euros ne muajt ne vazhdim ne kuoten e 1,25 dollare. Gjithashtu ata parshikojne qe euro te dobesohet atehere kur ekonomia amerikane te kete permiresuar rritjen ekonomike, dhe treguesit e tjere ekonomike qe mund te detyrojne Rezerven Federale te ngreje normen e interesit per dollarin.

[ganoid]

Monedha e përbashkët europiane nuk njeh më kufij

Në tregjet ndërkombëtare një euro është këmbyer me 1.20 dollarë, niveli më i lartë që nga viti 1999, kur euro është hedhur në treg






Data (01-12-2003)


Monedha e përbashkët europiane ka arritur nivele rekord kundrejt dollarit amerikan. Në seancën e fundit të fundjavës së kaluar euro shënoi kuotën e 1.20 dollarëve. Ky është niveli më i lartë për këtë monedhë kundrejt euros që nga hedhja në treg e saj, në janar të vitit 1999. Sipas analistëve të huaj, euro mund të arrijë deri në 1.25 dollarë në muajt e ardhshëm. Ndërkohë, ndikimi i këtyre lëvizjeve në tregjet ndërkombëtare ka qenë i menjëhershëm në tregun valutor shqiptar. Dollari ka shënuar një vlerësim të menjëhershëm ndaj lekut. Gjatë fundjavës së kaluar një dollar është blerë me 112.5 lekë dhe është shitur me 113.2 lekë, ndërsa euro është blerë me 134.5 lekë dhe është shitur me 135.5 lekë. Mundësia e një “lufte” të mundshme tregtare me Kinën dhe ankthi i faktorëve gjeopolitikë mendohet të kenë disa nga arsyet që kanë sjellë dobësimin e monedhës jeshile jo vetëm kundrejt euro-s, por edhe kundrejt monedhave më kryesore të tregjeve ndërkombëtare valutore. Ky dobësim i dollarit amerikan ka ardhur pavarësisht të dhënave pozitive që kanë ardhur nga SHBA-ja.

Parashikimet
Sipas analistëve të huaj, euro mund të arrijë deri në 1.25 dollarë në muajt e ardhshëm. "Ne presim që euro të arrijë në nivele më të larta në momentin që rigjenerimi i ekonomisë amerikane të arrijë të prodhojë më shumë vende pune. Një gjë e tillë do të nxisë Bankën Qendrore Amerikane (Fed) të rrisë normat e interesit”, shprehet një analist i MG Financial Group në Nju-Jork.

Analistët
Sipas analistëve, një rritje e tillë e euros ka ardhur si rezultat i rritjes së shqetësimeve lidhur me financimin e deficitit të Shteteve të Bashkuara të Amerikës. Kjo rritje u mbështet dhe nga shenjat pozitive të ardhura nga ekonomia e Eurozonës, që tregonin për një rritje të mëtejshme ekonomike të saj. Komisioni Europian është shprehur ditët e fundit që treguesit ekonomikë kanë arritur në nivelet më të larta në 18 muaj. Por, nga ana tjetër, mjaft ekonomistë kanë paralajmëruar se një forcim i mëtejshëm i euros mund të “mbysë” shenjën e parë të rigjenerimit në Eurozonë. "Në lidhje me dollarin euro është vlerësuar 15 për qind më shumë këtë vit. Një gjë e tillë do të ndikojë në rigjenerimin e të dhënave ekonomike amerikane për vitin e ardhshëm”, shprehen analistët e tregjeve ndërkombëtare valutore.