Shënimi i përvjetorit të 541-të të vdekjes së kryeheroit kombëtar shqiptar, Gjergj Kastrioti-Skënderbeu në Shkup është përcjellur me një incident të vogël protokollar. Përfaqësuesit e lartë të partisë ‘Demokracia e Re’ nuk janë lejuar të vendosin kurrora pranë permendores së Skënderbeut,
para se këtë ta bëjnë dy ministrat e partisë në Pushtet Bashkimit Demokratik për Integrim, Bujar Osmani dhe Xhelal Bajrami.
Nga organizatori i këtij tubimi Shoqata jo-qeveritare ‘Zgjohu’ nga Shkupi thonë se ata nuk janë fajtor për incidentin pasi nuk kanë pasur rol në protokoll.
“Skandali i sapondodhur është rrjedhim i situatës në të gjithë shoqërinë tonë shqiptare këtu në Maqedoni, andaj edhe nuk është ndonjë suprizëe veçantë por tregon për nivelin me të cilin ne veprojmë. Nuk kishim ndonjë rol në protokoll, por më vjen keq për këtë që ndodhi dhe shprej keqardhjen time të thellë”, thotë kryetari i Shoqatës qytetare ‘Zgjohu’, Artan Grubi.
Incidentin para bustit të Skenderbeut në Shkup e ka dënuar partia Demokracia e Re. Zëdhënësi i saj Arijanit Hoxha thotë se dita e vdekjes së Skenderbeut për shqiptarët është e shenjtë, e jo rast për të treguar fuqi fizike nga ana e krerëve të BDI-së.
“Ky incidente është akoma më I turpshëm, nga vetë fakti se në këtë manifestim kanë marë pjesë ministrat nga radhët e BDI-së, kryetari I komunës së Çairit dhe vetë iniciuesi I incidentit, kryetari I degës së BDI-së për Çairin Beqir Hasan i njohur per policine si problematik. Dhe tani me këtë incident të fundit me ç’rastë ne apelojmë dhe kemi rezervat tona për zgjedhjet të cilat do të zhvillohen me 22 mars të këtij viti”, thotë zëdhënësi Hoxha.
Shqipmedia
Krijoni Kontakt