Telefonat 'Mobile' - Teknologjia e fundit

[new-man]

Familja Ultra nga kompania Samsung është më e pasur edhe për një anëtar. Modeli me shenjën Ultra Touch S8300 është rrëshqitës dhe, si shumica e modeleve të reja, përmban ekranin të ndjeshëm në prekje.

Tastiera numerike tek modeli Ultra Touch S8300 është e fshehur nën mekanizmin rrëshqitës, mirëpo me shumicën e mundësive të pajisjes udhëhiqet me ekranin e ndjeshëm në prekje AMOLED prej 2.8 inçësh.

Celulari është i pajisur me fotoaparatin prej tetë megapikselash dhe blicin e integruar LED, të plotësuar me teknologjitë e avancuara për njohjen e fytyrës dhe buzëqeshjes.

Nga detajet tjera theksojmë se pajisja mbështet riprodhimin e formateve për video DviX, XviD, H.263, H.264, WMV9 e MPEG4 si dhe ato audio MP3, AAC, AAC+ i WMA, përmban të pranues të radiovalëve FM me RDS, Bluetooth A2DP dhe modulin A-GPS. Hapësira e të dhënave është kufizuar në 80 MB, mirëpo ajo mund të zgjerohet tutje me anë të qasjes microSDHC (deri në 16 GB).

Dimensionet e plota të pajisjes janë 110 x 51.5 x 12.7 milimetra, derisa çmimi dhe koha e paraqitjes në treg do të bëhen të njohura gjatë javës së ardhshme në kongresin “Mobile World Congress”.

[Bessy07]

Kam pershtypjen se me Nokia N97 do beje Revolucion.Eshte nga ata tipa qe pa frike mund te quhet Full Option

[NBAlbania]

Në kuadër të vetëdijesimit ekologjik Samsung ka paraqitur Blue Earth, një celular i cili mbushet me energji me anë të qelive diellore, por kjo nuk është e tëra.

Shtëpiza është krijuar nga plastika e ricikluar, derisa pajisja ka një mënyrë të veçantë “eko” të punës në të cilën kursehet me anë të ndriçimit të ekranit, Bluetoothit dhe kohëzgjatjes së ndriçimit të prapavijës.

Për të rritur edhe vetëdijen ekologjike të përdoruesve, celulari përmban pedometër i cili mat sa dyoksid karboni i kemi kursyer planetit Tokë duke ecur në vend që të vozisim.

Tani për tani nuk është e njohur se kur do të del në shitje dhe me çfarë çmimi.

[NBAlbania]

Nuviphone M20 është fryt i punës së ekspertëve nga kompanitë Garmin e Asus. Njëra kompani është e njohur për sistemet e navigimit satelitor, e tjetra për kompjuterë, prandaj ky kombinim tingëllon mirë.

Që një kohë të gjatë po flitet për telefonin e mençur të Ganmin i cili ende e bart shenjën G60 dhe nga ai nuk është hequr dorë. I vjetri G60 gjithashtu është rezultat i kësaj aleance dhe do të lëshohet në shitje para modelit M20. Dallimi themelor në mes të këtyre dy telefonave celularë do të jetë sistemi operativ. I paralajmëruari më herët G60 përdorë Linux, derisa i paralajmëruari rishtazi M20 përdorë atë Windows Mobile, që padyshim është produkt i bashkëpunimit të ngushtë me Asus.

M20 do të jetë pajisje 3G me ekran të madh VGA të rezolucion 640x480 megapiksela dhe mundësitë e theksuara të navigimit. Në specifika përmendet edhe kamera digjitale prej tre megapikselash, WiFi adapter, Bluetooth adapter dhe parainstalimi i kartelave të navigimit në rajonin në të cilin shitet telefoni. Është fascinante që Asus e Garmin të gjitha këto mundësi do t'i integrojnë në një telefon i cili peshon gjithsej 99 gramë.


Nuviphone M20 do të paraqitej në shitje në gjysmën e dytë të këtij viti.

[YlliRiaN]

Palm ka njoftuar fillimin e kalimit në sistemin operativ webOS, që me vazhdimin e mbështetjes për Windows Mobile nënkupton fundit të sistemit të vjetër Palm OS.

Pajisja Centro është produkti i fundit i Palm i bazuar në Palm OS, i cili fillimisht është paraqitur në vitin 1996.

Kompania në muajin janar ka demonstruar versionet e para të versionit webOS me emër kodues Mojo i bazuar në Linux, i cili mbështet shumë standarde moderne siç është HTML5. Mjedisi zhvillues për Mojo është bazuar në Eclipse vjen më vonë gjatë këtij viti, derisa Palm nuk e ka për qëllim tani për tani ta ofrojë sistemin operativ webOS si licencë me budim të hapur (open source).

[YlliRiaN]

Siç shkruan gazeta britanike "The Guardian", telefonat e kompanisë Samsung me sistemin operativ Android nuk do t'i shohim edhe aq shpejt. Kështu së paku ka deklaruar Younhee Lee, shefe e marketingut në njësinë e Samsungut për celularë.

Edhe pse fillimisht celulari i Samsung i bazuar në sistemin operativ Android nga Google është paralajmëruar për pranverë, informatat e reja flasin se jo vetëm se nuk do të paraqes një model të tillë në kongresin "Mobile World Congress", por nuk pritet as para pjesës së dytë të vitit.

Çfarë është shkaku ende nuk dihet, mirëpo Samsung është në negociata me një numër të madh të operatorëve telefonik, dhe kjo do të mund të ishte njëra prej arsyeve.

Deri në këtë vit prodhuesi korean telefonat e vet të mencur i ka bazuar pothuajse tërësisht në sistemin operativ Windows Mobile. Pos modelit me Android, pritet që ata do të kanë edhe sistemin Symbianom.

[YlliRiaN]

Krahas përzgjedhjes së tetë maskave të ndryshueshme “Style-Up” dhe “SensMe”, përdoruesit mund ta personalizojnë këtë celular, në mënyrë që të përshtatet me humorin e tyre, si dhe që të kënaqen në përvojën e vërtetë interaktive. Me anë të teknologjive “të mençura”, si psh kontrollit “Shake” dhe “Gesture control”, përdoruesit mund të kënaqen në një përvojë

[YlliRiaN]

Në kuadër të vetëdijesimit ekologjik Samsung ka paraqitur Blue Earth, një celular i cili mbushet me energji me anë të qelive diellore, por kjo nuk është e tëra.

Shtëpiza është krijuar nga plastika e ricikluar, derisa pajisja ka një mënyrë të veçantë “eko” të punës në të cilën kursehet me anë të ndriçimit të ekranit, Bluetoothit dhe kohëzgjatjes së ndriçimit të prapavijës.

Për të rritur edhe vetëdijen ekologjike të përdoruesve, celulari përmban pedometër i cili mat sa dyoksid karboni i kemi kursyer planetit Tokë duke ecur në vend që të vozisim.

Tani për tani nuk është e njohur se kur do të del në shitje dhe me çfarë çmimi.

Javën e ardhshme, LG dhe Samsung do të paraqesin celularë që ju ndoshta nuk do të dëshironit t’i mbanit në xhepin tuaj. Këto kompani kanë krijuar celularë që rimbushen përmes paneleve diellore të ndërtuara enkas për këtë çështje.

Celulari i Samsung quhet Blue Earth që është një celular me mundësi operimi përmes gishtave (touch-screen) dhe është i ndërtuar nga riciklimi i shisheve plastike. Ndërkohë kompania LG nuk ka dhënë shumë hollësi për ndërtimin e celularit, por të dhënat tregojnë se celulari mund të jetë një kopje e KF750.

Paneli diellor nuk prodhon energji të mjaftueshme për ta drejtuar celularin direkt, ndërsa mund të përdoret për të mbushur edhe bateritë e zakonshme brenda celularit.
Por celularët nuk mund të mbushen kur ata janë në xhep ose brenda ndonjë çante, ata patjetër duhet të jenë të ekspozuar në dritë. Ndërkohë kompanitë nuk e kanë caktua datën përfundimtare të lançimit e as çmimin.

[BlooD_VenoM]

O cuna po sa mire i keni mesuar shenjat e pikesimit ne shkolle mer .Zili ju kam.

[Slimshaddy]

Po mer Bloodo mir e ke ti a nuk lodheni vlla :P

[YlliRiaN]

Sipas informatave të cilat i ka lëshuar Nokia, në kongresin “Mobile World Congress” do të mund të paraqitej edhe celulari i kësaj kompanie me tetë megapiksela.

Në kongresin MWC i cili fillon sot me gjasë do të paraqitet celulari i parë i Nokias me fotoaparat prej tetë megapikselash dhe thjerrëza të kompanisë së famshme Carl Zeiss, ka njoftuar Nokia në blogun e saj zyrtar.

Deri më tani Nokia ka integruar sensorë maksimal deri në pesë megapiksela. Detajet për vet celularin ende nuk janë të njohura, mirëpo sipas specifikave të paraqitura ky fotoaparat do të mund t’i përshtatej vetëm celularit me emrin kodues Corolla.

Ajo që dihet është se ky celular do të ketë tastierën unike gjysmë-QWERTY, 8 GB memorie dhe ekran 3-inçësh i cili nuk do të jetë i ndjeshëm në prekje.

Pritet që celulari të paraqitet zyrtarisht qysh sot, e hënë, së bashku me disa modeleve tjera.

[YlliRiaN]

Pa pritur, Sony Ericsson në kongresin Mobile World Congress i cili ka filluar sot në Barcelonë të Spanjës ka paraqitur celular me rezolucion prej 12.1 megapikselash.

Sony Ericsson Idou është telefon i mençur (smartphone) me ekran të madh të ndjeshëm në prekje, me diagonale prej 3.5 inçësh dhe rezolucion 640 x 320 piksela, derisa nga ana e pasme e pajisjes gjendet fotoaparati me rezolucion hiq më të vogël se 12.1 megapiksela.

Ajo që na pëlqen veçanërisht tek ky celular është se bazohet në sistemin operativ Symbian (ende nuk dihet se për cilin version bëhet fjalë), që definitivisht është një plus i madh në krahasim me Xperia-n i cili është paraqitur kohë më parë, që punon tanimë në “të lodhëtin” Windows Mobile 6.1.

[new-man]

Panairin e sivjetmë GSMA “Mobile World Congress” nuk e ka anashkaluar as prodhuesi më i madh i telefonave të mençur në botë, i cili publikut ia ka shfaqur dy pajisje të saj të reja.

HTC Touch Pro2 është pajisje rrëshqitëse e cila nën pjesën e poshtme përmban tastierë të plotë, e për dallim me modelin e mëhershëm të kësaj serie këndet e pajisjeve janë më sferike. Pajisja edhe më tutje vihet në funksion nga sistemi operativ Windows Mobile 6.1, mirëpo pamja TouchFLO 3D e HTC-së është përmirësuar edhe më tutje.

Nga gjërat tjera theksojmë se HTC Touch Pro2 përmban ekran 3.6 inçësh të ndjeshëm në prekje, GPS, Wi-Fi, fotoaparat 3.2-megapikselësh, player multimedial e Bluetooth. Dimensionet e plota janë 116 x 59.2 x 17.25 milimetra, derisa peshon 175 gramë.

Risia tjetër është në modelin HTC Touch Diamond2. Pajisja përmban ekran 3.2 inçësh të ndjeshëm në prekje, gjithashtu është avancuar pamja TouchFLO 3D e cila prej tani mundëson zmadhimin e zvogëlimin e përmbajtjeve të cilat paraqiten në ekran, fotoaparat 5 megapikselësh, GPS, Bluetooth, pranues të radiovalëve FM, me dimensione prej 107.85 x 53.1 x 13.7 milimetra, derisa pesha e këtij modeli është 117.5 gramë.

[Diesel Industry]

Shume i bukur ai Sony Ericsson

[YlliRiaN]

Kongresi i sivjetmë GSMA “Mobile World Congress” nuk është i dedikuar ekskluzivisht për paraqitjen e pajisjeve të reja dhe shtojcave të ndryshme për pajisje mobile, por edhe për paraqitjen e teknologjive dhe bashkëpunimeve të reja. Në vazhdën e risive kemi zgjedhur një lajm i cili do t’i gëzoj pronarët e telefonave celularë.

Prodhuesit LG, Motorola, Nokia, Qualcomm, Samsung, Sony Ericsson dhe operatorët e tjerë të telefonisë mbile 3 Group, AT&T, KTF, Mobilkom Austria, Orange, Telecom Italia, Telefónica, Telenor, Telstra, T-Mobile e Vodafone në panairin MWC janë pajtuar për detajet e iniciativës sipas së cilës do të duhej të standardizohej mënyra e mbushjes së celularëve të prodhuesve të ndryshëm. Si standard i përbashkët është zgjedhur Micro USB.

Sipas paralajmërimeve, mbushësit e parë dhe pajisjet të cilat mbushen ekskluzivisht në këtë mënyrë do të duhej të paraqiteshin qysh këtë vit, derisa transicioni i plotë në standardin e ri do të duhej të zhvillohet deri në vitin 2012.

[YlliRiaN]

Edhe Nokia më në fund ka paraqitur versionin e vet të vendit të centralizuar për blerjen e aplikacioneve për celularët e tyre.

Pas kompanisë Apple vonohen pothuajse një vit (qartazi, kaq u është nevojitur të kopjojnë konceptin) – në ndërkohë, në App Store kanë gjetur vend mbi 20.000 aplikacione.

Pas thashetheme të shumta, Nokia ka paraqitur Ovi Store – një vend të centralizuar për blerjen e aplikacioneve për telefonat celularë me platformat S40 e S60 të cilët vihen në funksion me sistemin operativ Symbian.

Ovi Store është përgjigje e Nokias ndaj dyqanit online App Store të kompanisë Apple, Application Center i RIM dhe Windows Marketplace for Mobile.

Sistemi do të integrojë shërbimet ekzistuese të Nokias (Download!, MOSH e WidSets) në platformën Ovi, derisa përdoruesit do të mund të blejnë aplikacione dhe lojëra, mirëpo do të mund të blihen edhe widgets, podcasts dhe video. Forma e pagesës do të bëhet me kartelë krediti apo nëpërmes operatorëve të telefonisë mobile.

Ovi Store do të filloj punën gjatë muajit maj, derisa celulari i parë i cili do të vjen me mbështetje të integruar do të jetë Nokia N97.

[new-man]

Kompanitë Lenovo e Research In Motion (RIM) kanë bërë publike së do të bashkëpunojnë në promovimin e zgjidhjeve të reja mobile nga Lenovo. Zgjidhjet do tu ndihmojnë përdoruesve afarist të cilët vazhdimisht janë në lëvizje me integrimin më të madh të pajisjeve të tyre ThinkPad e BlackBerry.

Zgjidhja e parë nga Lenovo bart emrin Constant Connect, derisa ajo do të mundësojë pranimin e postës elektronike të afarizmit në BlackBerryn e përdoruesit e cila me anë të Bluetooth në mënyrë automatike do të sinkronizohet me ThinkPad, e madje edhe në raste kur laptopi ThinkPad do të jetë i fikur – pa pasur nevojë që përdoruesit të ndërmerr çfarëdo hapash tjerë.

Pos shtimit të fleksibilitetit më të madh mund të zvogëlojë po ashtu nevojën për përdorimin e laptopit tek rrjetet Wi-Fi të cilat paguhen.

Pritet se Lenovo Constant Connect do të jetë në dispozicion të kompanisë Lenovo dhe partnerëve të saj afarist qysh në tremujorin e dytë të vitit 2009 në tregun e Shteteve të Bashkuara të Amerikës, e më vonë gjatë këtij viti edhe në tregjet tjera në mbarë botën.

[YlliRiaN]

Siç edhe paralajmëron emri i këtij modeli multimedial, ky telefon ka kamerë prej 8 mega-pikselave dhe fuqi të tjera në këtë segment.

Edhe pse mundohet të dëshmohet vetëm për kah numri i pikselave (disa prodhues tashmë kanë modele edhe me 12 MP) N86 sjell kamerën e parë në telefon e cila posedon objektivin shumë-këndesh prej 28mm. ndërsa mbyllësi mekanik edhe më shumë e përmirëson optikën Carl Zeiss.

Për më shumë, kjo kamerë përmban ndriçues të dyfisht LED dhe autofokus. Kamera poashtu përmban edhe blend variabël, kështu që gjatë natës ju mund të bëni incizime më të mira me blend të hapur (F2,4) përkatësisht (F4,8) blend gjatë ditës.

Nokia N86 ka edhe memorie të brendshme prej 8 gigabajtëve e cila gjithashtu mund të zgjerohet përmes microSD kartelave, FM radio, Wi-Fi, GPS, dalje për TV, Nokia Maps, Ovi Store (dyqani për aplikacionet online për Symbian) dhe shumë gjëra të tjera.

Ky telefon pritet që në treg të paraqitet me një çmim të përafërt prej 375€.

[YlliRiaN]

Në kongresin e sivjetmë “Mobile World Congress” na presin paraqitjet e një vargu të gjerë të modeleve të reja të celularëve.

Për një kohë të gjatë nëpër internet po paraqiten thashethemet e nxitura nga fotografitë e telefonit të ri të mençur të kompanisë LG. Prodhuesi ka vendosur tu jap fund duke konfirmuar ekzistencën e celularit.

Specifikat e modelit i cili do të bart emrin Arena KM900 njihen edhe nga më herët. Ai ka ekran të ndjeshëm në prekje prej tre inçësh me rezolucion prej 800 x 480 piksela, fotoaparat me rezolucion pesë megapikselash, GPS, FM radio, Wi-Fi e TV tuner. Video materialet në të do të mund të incizohet në kualitetin DVD. Trashësia e shtëpizës së celularit është 12 milimetra.

Celulari fillimisht do të paraqitet në ofertën e operatorit gjerman T-Mobile. Për çmimin ende nuk dihet asgjë, derisa paraqitja zyrtare e tij do të jetë në kongresin “Mobile World Congress” i cili fillon në mesin e këtij muaji.

“LG Electronics”, njëri nga liderët teknologjikë botërorë në fushën e komunikimeve mobile, ka lansuar modelin e ri të celularit “LG-KM900″ në Kongresin botëror “3GSM Mobile” në Barcelonë. “LG - KM900″, apo “Arena”, është celulari i parë në botë me ‘interface’ intuitiv tredimensional (3D), gjë që e bën mjaft atraktiv dhe të thjeshtë për përdorim.

[YlliRiaN]

Për ata të cilët duan të dallohen nga masa, LG ka paraqitur një celular me tastierë të punuar nga plastika transparente.

LG ka paraqitur celularin GD900 i cili dallohet specifikat e tij të dizajnit “i pari në botë”. Në fakt, pasi që tastiera të tërhiqet në këtë telefon rrëshqitës, në vend të plastikës klasike dhe të mërzitshme do tu pres ajo transparente. Pjesa transparente e tastierës gjithashtu do të jetë e ndriçuar.

Trashësia e celularit do të jetë 13.4 milimetra, do të mund të lidhet në rrjetet HDSPA, e në plan janë edhe dëgjueset Bluetooth të dizajnuara veçanërisht për të, të cilat do të mund të përshtaten në mënyrë të përsosur me celularin.

Pos kësaj, specifikat e këtij celulari edhe më tutje në masë të madhe janë të panjohura, e si transparenca do të ndikoj përdorimin e tij, epo, për pronarët e ardhshëm të këtij celulari kjo nuk do të jetë me rëndësi të madhe.

Paraqitja në treg e këtij celulari është përcaktuar të jetë për tremujorin e dytë të këtij viti, me çmim tani për tani të panjohur.