E bukura e shpirtit tim

[hazir]

Në vazhdim do të ju postoj poezitë nga libri im E BUKURA E SHPIRTIT TIM

[hazir]

Quhem Hazir Luta u linda më 17. 6. 1980 në Malësi të Vogël të Rahovecit.
Shkollën fillore e kam mbaruar në vendlindje, gjimnazin Matematiko-Natyror në Ratkoc të Rahovecit.
Pas mbarimit të gjimnazit u regjistrova në Fakultetin e Filologjisë, dega Gjuhë dhe Letërsi shqipe, në Universitetin e Prishtinës, ku u diplomova në shkurt të vitit 2005.
Deri më tani kam botuar këto vepra:
- “JETA ËSHTË DASHURI”, ( poezi )
- “SHTEGTIM NË BUZËQESHJE” ( poezi ) dhe
“E BUKURA E SHPIRTIT TIM”, ( poezi )

tani po e postoj nje poezi timen nga libri i trete


VRASËSI I MALLIT

Më zuri sherri
U përplasa me mallin
Thashë njëherë ta fal
Por zemra s’duroi
Bam bam bam
Tri herë mbi të qëlloj
Lumenjtë e shpirtit buruan gjak
Për ty mora hak
Gjykatësit e territ
M’i prenë rrobat e zeza
Më dënuan me burg të përjetshëm
Në qelinë e mallit
Aty ku s’ke të drejtë të më vizitosh
Edhe syzet e imagjinatës
Një ditë do të nxihen
Dhe n’u takofsha në atëbotë
Me mallin tënd
Në muret e ftohta
Hijen tënde do ta përqafoj
Dhe mallin prapë kam për ta vrarë

[Agim Metbala]

I nderuar mik Hazir LUTA, mirë se erdhët në Letërsinë shqiptare, lirisht mund të them, temën më të lexuar nga të gjitha Forumet, (kuptohet në gjuhën shqipe), ku janë të prezentuar një numër i madh i poetëve - shkrimtarëve shqiptarë e botëror, temë ku këmbehen mendimet, komentet... në mënyrë më miqësore, me laxues që dijnë të lexojnë poezinë...

Besoj se do të kaloni çaste të këndshme...

Edhe një herë, mirë se erdhët!

[hazir]

mire se iu gjeta mik,Agim Metbala, qe ne fillim po ndihem mire dhe ngrohtesisht ne mesin e te gjithe juve qe me shkronjat tuaja te arta po e stolisni boten poetike, prandaj kam nderin dhe knaqesine te jem ne mesin tuaj.

[Roi]

MIre se erdhe z. Hazir,
Neve presim qe ju te na sjellni vargje te bukura...
Kalomi mire ne Forumin SHqipetar, Nuk keni per te kaluar askund me mire..

Me respekt Roi