Nëse vazhdojnë bastisjet ish-UÇK do të riorganizohet

[RaPSouL]

Ish-komandanti i Ushtrisë Çlirimtare Kombëtare (UÇK), Xhezair Shaqiri-Hoxha deklaroi për agjencinë INA që faktori politik shqiptar në Qeveri të ngrejë zërin për të ndërprerë aksionet e policisë ose të përkrahë ato hapur.

“Kërkojmë nga subjekti politik shqiptar në Qeveri BDI dhe personalisht Ali Ahmeti që të distancohet ose ti përkrahë publikisht aksionet e tilla. Nëse vazhdojnë kështu ne do të urdhërojmë riorganizimin e UÇK-së për të mbrojtur popullin shqiptar”, theksoi për agjencinë INA, Xhezair Shaqiri.

Sipas tij, bastisjet dhe arrestimet e ish-ushtarëve të UÇK-së kanë indinjuar të gjithë ish-ushtarët dhe popullin shqiptar. “Prandaj reagojmë ashpër ndaj Qeverisë dhe tandemit Gruevski-Mijalkov, që të ndërpresin sulmet të tilla sepse kanë tejkaluar vijën e kuqe të durimit. Për herë të fundit kërkojmë nga faktori ndërkombëtarë që të ndërhyjë me të vetmin qëllim ruajtjen e paqes”, thekson ish-deputeti i Partisë Demokratike Kombëtare, i cili vazhdon të qëndrojë në Tanushë, për shkak të fletëarrestit të autoriteteve maqedonase për një vepër të kryer penale pas konfliktit të vitit 2001, për të cilën ai deklarohet se është i pafajshëm.

(INA)

[Alex731]

Perkrah pa rezerve kete iniciativ nese meret?

[Faik]

Shaqiri kërcënohet me rikthimin e UÇK-së



Nëse nuk ndërpriten bastisjet dhe arrestimet do ta riortganizojë UÇK-në për ta mbrojtur populllin thotë ish komandanti Xhezair Shaqiri.

Ish-komandanti i Ushtrisë Çlirimtare Kombëtare, Xhezair Shaqiri-Hoxha ka deklaruar sot për ALSAT se nëse faktori politik shqiptar në Qeveri Bashkimi Demokratik për Integrim nuk e ngre zërin për të ndërprerë aksionet e policisë, do të urdhërojë riorganizimin e UÇK-së për të mbrojtur popullin shqiptar, I cili gjatë periudhës së fundit është bërë cak I bastisjeve dhe arrestimeve të njëpasnjëshme.

"Përgjegjësia më e madhe bjen tek subjekti politik shqiptarë, te njena apo tjetra apo sot tek BDI-ja sot që është në Qeveri, më së paku duhet të bëje atë, ose le ti përkrah këto aksione të sllavo-maqedonëve ndaj shqiptarëve ose le të distancohet le të thoje mirë, ne nuk jemi të pzetur për këtë aksion edhe distancohemi nga kjo dhe nuk mund të lejohen këto gjëra. Nga partneri I koalicioni shqiptarë heshtin shuajnë dhe ruajn kolltuqet. Nuk e dij se cka presin kur për një natë 200 e disa familje në Shkup e Kumanovë, malltretohen fizikisht, gra, fëmijë dhe pleq", thotë ish komandati I UCK-së, Xhezair Shaqiri-Hoxha.

Sipas Xhezair Shqirit, bastisjet dhe arrestimet e ish-ushtarëve të UÇK-së kanë indinjuar të gjithë ish-ushtarët dhe mbarë popullin shqiptar. Prandaj ne kemi reaguar ashpër ndaj Qeverisë dhe dyshes Nikolla Gruevski dhe Sashi Mijallkov-drejtorit të drejtorisë për zbulim dhe kundër zbulim. Kërkojmë që të ndërpresin sulmet e këtillala, meqë kanë tejkaluar vijën e kuqe të durimit të popullit shqiptarë.

"Ka disa intelektual disa parti që ngrisin një gjysmë zëri në këtë drejtim,komiteti ndërkombëtar besoj se e bënë atë të veten për tu jë thënë Gruevskit dhe Sasho Mijalkovit drejtorit të DBK-së mos se nuk bënë kështu. Ne kemi metodat e mbrojtjes tona dhe padyshim dhe pa hezitim mund të them lirisht se kemi aq kapacitet q ëish UCK-ja të riorganizohet dhe të vetëmbrohet dhe këtu nuk na jetë faji ne, fajin do ta ketë VMRO-DPMNE-ja, Nikolla Gruevski, Jankullovska dhe Sasho Mijallkovi drejtor I DBK-së", shton Shaqiri.
Ish-komandanti i Ushtrisë Çlirimtare Kombëtare, Xhezair Shaqiri-Hoxha tre vite me radhë po qëndron në Tanushë për shkak të një fletëarresti të gjykatës për vepër të kryer penale pas konfliktit të vitit 2001, për të cilën ai deklarohet se është i pafajshëm.
Valmir Kuçi

[RaPSouL]

Veçanërisht dje situata ka qenë tepër e tensionuar. Të gjitha partitë politike shqiptare dolën dhe shprehën ankesat e tyre për dhunën që ushtrohet kundër shqiptarëve, vetëm partia në pushtet BDI-ja hesht, asnjë deklarat në lidhje me këtë çështje pos asaj të njëfar Tahiri a se di siç quhej aj, i cili ishte përfaqësues i BDI-së, vërtetoi thashethëmet që në koalicionin qeveritar ka krizë të madhe.

[RaPSouL]

Hani: Koalicioni me VMRO-DPMNE me vështirësi

BDI për herë të parë pranon që ka vështirësi në funksionimin e koalicionit me VMRO-DPMNE. Këtë e ka deklaruar koordinatori i Grupit parlamentar të kësaj partie Tahir Hani.
Ai tha se BDI po bën përpjekje që të ketë rolin e saj të merituar në koalicion dhe se çështjet duhet lëvizur në drejtim pozitiv edhe për shqiptarët.
"BDI është në një proces politik të koalicionimit me VMRO-DPMNE dhe me siguri që BDI do të bëj përpjekjet maksimale që rolin e vet në koalicionin qeveritar ta ketë në nivel të duhur pavarësisht që kemi vështirësitë tona në koalicionim por shpresoj se koalicionimi duhet patjetër të ketë rrjedhë pozitive edhe për shqiptarët në Maqedoni", deklaroi koordinator i BDI Tahir Hani.
Por këto akuza të Hanit, zëdhënësi i VMRO – DPMNE –së nuk pranoi t'i komentojë.
"Unë nuk kam informacione të tilla", tha zëdhënësi i kësaj partie Aleksandar Biçikliski.
Ai, me këtë rast nuk pranoi ta komentojë edhe aksionin e policisë.
Ndërkaq sa I përket thirrjes së liderit të BDSH Bardhyl Mahmuti drejtuar personalisht Hanit, Xhevat Ademit dhe Xhemail Jasharit nga BDI-ja që të reagojnë për bastisjet e realizuara nga ana e MPB në shumë familje shqiptare, Hani tha se kritika e tij diku është pozitive e diku negative dhe se partia e tij si pjesë e pushtetit ekzekutiv do të bëj çmos që institucionet shtetërore e në veçanti MPB gjatë aksioneve të tilla t'i përmbahet kodit etik.
"Reagimi I tij e rrit shqetësimin tonë si parti politike pozitare dhe do të rris edhe ndërgjegjen tonë të funksionimit të detyrave tona. Unë mendoj se për çdo reagim që ndodh apo për çdo ngjarje që ndodh në territorin e Maqedonisë ne do ta trajtojmë seriozisht dhe ne duhet të jemi në krye të detyrës që të gjitha reagimet që ndodhin nga ana e ekzekutivit e në këtë rast nga ana e MPB do të duhet ti përmbahet kodeksit etik të MPB", theksoi Hani.
Shkas për të gjitha këto akuzat mes partive politike ishte aksioni i së dielës i MPB ku u bastisën më shumë se 20 shtëpi të familjeve shqiptare në Kumanovë, Çair dhe Haraçinë.

Alsat

[beni33]

e pershendes ket inciativ por dyshoj se dote mbersin fjal te kota edhe qka duhet te ju ndodh shqiptarve te ilirides qe ta kuptojn se maqedonia nuk esht shteti i tyre

[King_Arthur]

pershendes iniciativen e marre nga Xhezair Shaqiri dhe jam pro riorganizimit te UCK per mbrojten e shqiptareve te Maqedonise dhe per te drejtat e tyre .