Ajete këshilluese

[prizrenasi_30]

Selam alejkum

Këtu mund të postoni ajete këshilluese nga Kur'ani.

Ja një për fillim:

4:36. Adhurojeni All-llahun e mos i shoqëroni Atij asnjë send, silluni mirë ndaj prindërve, ndaj të afërmve, ndaj jetimëve, ndaj të varfërve, ndaj fqiut të afërt, ndaj fqiut të largët, ndaj shokut pranë vetes, ndaj udhëtarit të largët dhe ndaj robërve. All-llahu nuk e do atë që është kryelartë dhe atë që lavdërohet.

[ocean]

1. Pasha diellin dhe dritën e tij!
2. Pasha hënën kur vjen pas tij!
3. Pasha ditën kur ai (dielli) e shndrit!
4. Pasha natën kur ajo e mbulon atë (dritën e diellit)!
5. Pasha qiellin dhe Atë që e ndërtoi atë!
6. Pasha tokën dhe Atë që e shtriu atë (e sheshoi)!
7. Pasha njeriun dhe Atë që e krijoi atë!
8. Dhe ia mësoi se cilat janë të këqijat dhe të mirat e tij.
9. Pra, ka shpëtuar ai që e pastroi vetveten.

[fisniku-student]

Nje Keshille qe na nevoitet gati per qdo Dite: (Surja Kehf)

18:23.Dhe mos thuaj kurrsesi për ndonjë çështje: “Unë do të bëj këtë nesër!”

18:24.Vetëm (nëse i shton): “Në dashtë All-llah!” E kur të harrosh, përmende Zotin tënd dhe thuaj: “Shpresohet se Zoti im do të më japë udhëzim edhe më të afërt prej këtij (të as-habi kehfit)”.

Shpeher ngutemi dhe thojm se neser do ta beje kete apo ate pune ,ndersa nuk thojm Inshallah apo Kismet ,keshtu qe duhet te ndryshojm dhe te praktkiojm kete Keshille Kuranore,e cila eshte mjat e kjart.

[ocean]

24-35

All-llahu është Drita e qiejve dhe e tokës.

Shembulli i dritës së Tij i gjason kandilit të vendosur në një zgavër të errët.

Kandili gjendet brenda një qelqi si të ishte yll flakërus e që ndizet prej (vajit të) një druri të bekuar, prej ullirit që nuk mund të quhet as i lindjes e as i perëndimit, e vaji i tij ndriçon pothuajse edhe pa e prekur zjarri.

Dritë mbi dritë. All-llahu udhëzon kah drita e Vet atë që do Ai.

Dhe All-llahu I flet njerezimit me alegori, sepse All-llahu eshte I dijshem per te gjitha gjerat

[ocean]

3-185.
Secili njeri do të shijojë vdekjen, e shpërblimet tuaja u plotësohen ditën e kijametit, e kush shmanget zjarrit e futet në xhennet, ai ka arritur shpëtim, e jeta e kësaj bote nuk është tjetër pos një iluzion.

18-7.
Gjithçka që është mbi tokë, Ne e bëmë stoli të saj, për t'i provuar ata, se cili prej tyre do të jetë më vepërmirë.

18-46.
Pasuria dhe fëmijët janë stoli e jetës së kësaj bote, kurse veprat e mira (fryti i të cilave është i përjetshëm) janë shpërblimi më i mirë te Zoti yt dhe janë shpresa më e mirë.

[ocean]

Allahu eshte Meshiruesi e Meshirploti, (Rrahman er Rrahim)

7-156. …., e mëshira Ime ka përfshirë secilin send. …

[ocean]

Shpeshehere kur i ofrojme ndihme dikujte, mburremi per ndihmen qe kemi bere, dhe presim qe edhe ata te na e kthejne me te mire. Por Zoti thote ndihmoni nevojtaret vetem per hir te tije, pra pa asnje interes personal.

Insan

76-8. "Ata janë që për hir të Tij u japin ushqim të varfërve, jetimëve dhe të zënëve rob".

76-9. (Duke thene) "Ne ju ushqejmë vetëm për hir të All-llahut. Ne nuk duam nga ju asnje shpërblim e as falënderim."

[h_one_y]

1.Pasha kohen!
2.Nuk ka dyshim se njeriu eshte ne nje humbje te sigurte.
3.Me perjashtim te atyre qe besuan, qe bene vepra te mira, qe porositen njeri tjetrin dhe qe e keshilluan njeri-tjetrin te jene te durueshem.

[Omeri r.a]

Me emrin e All-llahut, Mëshiruesit, Mëshirëbërësit! Falënderimi i takon All-llahut, Zotit tëbotëve!
Mëshiruesit, Mëshirëbërësit!
Sunduesit të Ditës së Gjykimit (përgjegjësisë-shpërblimit)!
Vetëm Ty të adhurojmë dhe vetëm te Ty kërkojmë ndihmë!
Udhëzona (përforcona) në rrugën e drejtë! Në rrugën e atyre, të cilët i begatove me të mira, jo në të atyre që kundër veti tërhoqën hidhërimin, e as në të atyre që e humbën veten!

[ocean]

Ne si shpirtera, (qe eshte forma origjinale e krijimit tone d.m.th. kur Zoti na krijoi ne fillim ende pa I veshur rrobat e trupit fizike) qendruam te gjithe para Zotit me adhurim, dhe deshmuam ekzistencen e Tije. Prandaj sipas Kuranit ne Diten e Gjykimit nuk do te mund te arsyetohemi duke thene se ne nuk e kemi deshmuar ndonjehere ekzistencen e Zotit.

Harresa e ketije deshmimi madheshtore ka pasuar ketu ne toke mbasi jemi dhene shume pas botes materiale dhe si pasoje kemi harruar natyren tone te vertete hyjnore qe ne posedojme.

7-172.

Përkujto kur Zoti Yt nxori nga shpina e bijve të Ademit a.s. pasardhësit e tyre, faren e tyre, dhe i bëri dëshmues të vetes së tyre (duke u thënë): "A nuk jam Zoti juaj?" Ata thanë: "Po, dëshmuam!". Prandaje të mos thoni në ditën e kijametit: "Ne nga ky (dëshmim) ishim të panjohur".

[prizrenasi_30]

38:29. (Ky është) Libër i begatshëm, Ne ta shpallëm ty këtë, që t'i studiojnë argumentet e tij dhe që të marrin mësim prej tij ata që kanë mend.

6:96. Ai është krijues i dritës së mëngjesit. Natën e bëri kohë pushimi, e diellin dhe hënën për llogaritje të kohës. Ky (rregull) është caktim i të plotfuqishmit, i gjithëdijshmit.

5:87. O ju që besuat! Mos i ndaloni (mos i bëni haram) të mirat që për ju i lejoi All-llahu (i bëri hallall) dhe mos teproni, se All-llahu nuk i do ata që e teprojnë (i kalojnë kufijtë e dispozitave të Zotit).

4:79. Çfarëdo e mire që të vjen është nga All-llahu, e çka të ndodhë nga ndonjë e keqe është nga vetë ti. Ne të dërguam ty Pejgamber për mbarë botën. Mjafton që All-llahu është dëshmues për këtë.

18:23. Dhe mos thuaj kurrsesi për ndonjë çështje: “Unë do ta bëj këtë nesër!”

18:24. Vetëm (nëse i shton): “Në dashtë All-llahu!” E kur të harrosh, përmende Zotin tënd dhe thuaj: “Shpresohet se Zoti im do të më japë udhëzim edhe më të afërt prej këtij (të as-habi kehfit)”.

4:37. Ata që vetë janë koprracë dhe urdhërojnë njerëzit për koprraci, dhe e fshehin atë që ju ka dhënë All-llahu nga mirësitë e veta. Ne kemi përgatitur dënim të turpshëm për jobesimtarët;

4:38. Edhe ata që e japin pasurinë e tyre për sy e faqe të botës, e nuk e besojnë All-llahun as ditën e mbramë. E ai që e ka shok djallin, ai pra është shok i shëmtuar.

Autor: Sefedin Muqaj, Prizren, Kosovë.

Referenca: Kur’ani – përkthim i Sherif Ahmetit

[ocean]

6-94.
Në të vërtetë ju na erdhët një nga një (të vetmuar), ashtu si ju krijuam së pari;

17-51
… Thuaj: "Ai që ju krijoi për të parën herë!" …

18-48.
Dhe ato do të prezentohen para Zotit tënd të rreshtuar (e u thuhet atyre): "Tani me te vertete erdhët tek Ne, ashtu si ju krijuam herën e parë, por ju patët menduar se Ne nuk kemi caktuar takimin me ju".

19-9.
Tha: "Ja, kështu Zoti yt ka thënë: se ajo për Mua është lehtë; ashtu si të krijova Unë më parë ty, atehere kur nuk ishe fare!"

21- 104.
Dita kur Ne e palojmë qiellin sikurse palimi i fletëve në libër. Ashtu si Ne e filluam krijimin e parë, Ne do ta rikthejmë. Me te vertete! Ne do ta bëjmë këtë.

[ocean]

22- 47.

Ata kërkojnë prej teje t'ua ngutësh dënimin, po All-llahu nuk e thyen premtimin e Vet, pse një ditë te Zoti yt është sa një mijë vjet, si llogaritni ju.

[ocean]

6-108.
Ju mos ua shani ata (zota) që u luten (idhujtarët), pos All-llahut, e (si hakmarrje) të fyejnë All-llahun nga armiqësia, duke mos ditur (për madhërinë e Tij). Kështu Ne ia kemi zbukuruar çdo populli veprimin e vet, mandej kthimi i tyre është tek Zoti i tyre, e Ai i shpërblen për atë që vepruan.

10-47.
Secili popull kishte të dërguarin e vet, e kur u vinte i dërguari i tyre bëhej gjykimi i drejtë mes tyre, atyre nuk u bëhet padrejtësi.

22-67.
Secilit popull Ne i dhamë ligj (fetar) që ata veprojnë sipas tij, pra le të mos polemizojnë (popujt e tjerë) me ty për këtë çështje (për çështjen e sheriatit islam), e ti thirri te Zoti yt, se pa dyshim ti je në një rrugë të drejtë.

10-99.
Sikur të kishte dashur Zoti yt, do t'i besonin çka janë në tokë që të gjithë. A ti do t'i detyrosh njerëzit të bëhen besimtarë?

10-100.
Nuk është e mundur për asnjë njeri të besojë, pos me lejen e All-llahut. Ai ka vene papasterti ne ata qe nuk kuptojne.

16- 9.
Dhe e All-llahut eshte drejtimi i rrugës, dhe disa (rruge) nuk shkojne drejte. Po sikur të kishte dëshiruar Ai, do t'u kishte udhëzuar që të gjithëve.

16-93.
Sikur të dëshironte All-llahu do t'ju bënte një popull (në një fe), por (sipas dijes së Vet) Ai e lë të humbur atë që do, dhe e udhëzon tjetrin që do, e patjetër do të përgjigjeni për atë që vepruat.

[ocean]

(Kur'an 2-62)
Vërtet, ata që besuan, dhe ata që ishin jehudi, krishterët sabejët , kush besoi prej tyre (sinqerisht) All-llahun, dhe botën tjetër dhe bëri vepra të mira, ata e kanë shpërblimin te Zoti i tyre. Për ta nuk ka frikë as nuk kanë përse të pikëllohen.

(Kur'an 3-113)
Ata (ithtarët e librit) nuk janë të njëjtë. Nga ithtarët e librit ka që janë në rrugë të drejtë, gjatë natës lexojnë ajetet e All-llahut duke u lutur.

(Kur'an 3-114)
I besojnë All-llahut dhe ditës së gjykimit këshillojnë për të mirë dhe largojnë nga të këqijat, përpiqen për punë të dobishme, edhe ata janë prej të mirëve.

(Kur'an 3-115)
E çfarëdo të mire që bëjnë, ajo nuk u mohohet. All-llahu i di shumë mirë të devotshmit.

(Kur'an 3-199)
Po edhe nga ithtarët e librit ka që besojnë All-llahun, e besojnë atë që u është shpallur juve, e besojnë atë që është shpallur atyre, janë të bindur ndaj All-llahut, dhe argumentet e All-llahut në shpallje nuk i shesin për pak send të kësaj jete, të tillët kanë shpërblimin e vet tek Zoti i tyre, e All-llahu është që llogarinë e bën shpejt.

[Fatrii]

Selamu aleikum,, Shume teme e qelluar, Allahu ju shperbleft me Xhenet (amin)

Nje Keshille Kuranore qe me kte Keshille Allahu ju drejtohet atyre Mendjemedhenjeve, Dhe qe ecin me mburrje ne toke .......

O Njerez mos ecni me Mburrje dhe Mendjemadhesi ne toke, se ju as nuk e cajni dot token,dhe as nuk e arrini dot lartesine e maleve !!

[ocean]

2. Bekare

173. (All-llahu) Ua ndaloi juve vetëm të ngordhtën, gjakun, mishin e derrit dhe atë që therret (ngrihet zëri me të) jo në emër të All-llahut. E kush nga nevoja e domosdoshme detyrohet (të hajë nga këto) duke mos pasur për qëllim lakmi ne shije dhe duke mos e tepruar, për të nuk është mëkat. Vërtet All-llahu falë, është mëshirues.

[ocean]

Kur'an 5-32.
…. kush mbyt një njeri, pa pasë mbytur ai ndonjë tjetër dhe pa pasë bërë ai korruptim në tokë, atëherë (krimi i tij) është si t'i kishte mbytur te gjithë njerëzimin. E kush e shpeton jeten e njerit është si te kishte shpëtuar të gjithë njerëzimin…

[prizrenasi_30]

4:85. Kush ofron ndihmë të mirë, do të ketë pjesë nga ajo, dhe kush ofron ndihmë të keqe do të ngarkohet me të. All-llahu është i plotfuqishëm ndaj çdo sendi.

[ocean]

(Kur'an 49-11)
O ju që besuat, nuk bën të tallet një popull me një popull tjetër, meqë të përqeshurit mund të jenë më të mirë nga ata të cilët përqeshin dikë tjetër, e as gratë me gratë e tjera, sepse mund të ndodhë që gratë e tjera të jenë më të mira se ato që përqeshin (duke e nënçmuar njëri-tjetrin) dhe mos etiketoni njëri-tjetrin me llagape. Pas besimit është keq të përhapet llagapi i keq. E ata që nuk pendohen, janë mizorë.

(Kur'an 49-12)
O ju që keni besuar, largohuni prej dyshimeve të shumta, meqë disa dyshime janë mëkat dhe mos hulumtoni për zbulimin e të metave të njëri-tjetrit, dhe mos gjuani me fjalë njëri-tjetrin; a mos ndonjëri prej jush dëshiron të hajë mishin e vëllait të vet të vdekur? Atë pra e urreni! Kini frikë nga ndëshkimi i All-llahut, e All-llahu është mëshirues, Ai pranon shumë pendimin.

(Kur'an 25-63)
E robërit e Zotit janë ata që ecin nëpër tokë të qetë, e kur atyre me fjalë u drejtohen injorantët, ata thonë: "Paqe!"