Peticioni: Greqia te njohe shqipen si gjuhe zyrtare

[EDLIN]

Intelektualët, memorandum Parlamentit grek

Kërkojnë institucionalizim të shqipes, varrezat dhe kthimin e pronave të çamëve

Sanksionimi i shqipes si gjuhë e parë zyrtare në zonat e banuara nga shtetas grekë me kombësi shqiptare dhe një sërë kërkesash të tjera janë objekt i letrës që një grup intelektualësh shqiptarë i kanë drejtuar Parlamentit të Greqisë. Dokumenti i përpiluar në tri gjuhë, shqip, anglisht dhe greqisht i është dërguar për dijeni edhe Parlamentit të Shqipërisë, Parlamentit Evropian, Organizatës së Kombeve të Bashkuara dhe selisë së NATO-s në Bruksel. Teksti i memorandumit bazohet në mungesën e theksuar të barazisë e reciprocitetit të shtetit shqiptar me fqinjin tonë të jugut - Greqinë komunitare dhe mungesën e plotë të rezultateve të frytshme prej "traktatit të miqësisë dhe bashkëpunimit midis dy vendeve. Grupi i intelektualëve kërkojnë të njihet institucionalisht gjuha shqipe, si gjuha e parë zyrtare në zonat dhe nënzonat e populluara nga shtetas grekë me kombësi shqiptare (arvanitas), autoktonë, në përgjithësi në të gjithë territorin e Republikës së Greqisë. Në veçanti, e shtetasve me etni shqiptare që jetojnë në qendrat: Kostur, Konicë, Follorinë, Janinë, Filat, Paramithi, Margëlliç, Igumenisë, Pargë, Arpicë, Prevezë, Sul dhe në të gjitha nënzonat përreth qendrave të sipërpërmendura. Kërkesë tjetër është të bëhet zyrtarizmi i statistikave reale mbi numrin e saktë të popullsisë shqiptare autoktone në epiqendrat e sipërshkruara dhe rrethinat e tyre, si dhe i emigrantëve shqiptarë. I kërkohet Parlamentit grek të ratifikojë ndryshime kushtetuese në favor të të drejtave të popullsisë shqiptare brenda territorit administrativ të vet (si asaj autoktone, po ashtu asaj pjese që gëzon statusin e emigrantit), duke iu dhënë mundësinë të jenë të barabartë me qytetarët e kombësisë greke, bazuar në konventat dhe marrëveshjet ndërkombëtare mbi të drejtat e njeriut, të etnive dhe emigracionet. Sakaq, kërkohet të njihen ligjërisht e njëkohësisht të implementohen në praktikë politika zyrtare për mbështetje programesh qeveritare e fondesh të veçanta për çeljen e institucioneve të dijës si: parashkollor, shkolla të nivelit të ulët, të mesëm, universitete, akademi etj., në gjuhën shqipe. Duke vlerësuar se kjo strategji do të ndihmojë dukshëm në ruajtjen e vlerave kulturore të gjithsecilës etni dhe në harmonizimin e këtyre vlerave me ato të etnive të tjera (turke, ruso-ponde, maqedonase, izraelite, vllahe, rome) në shtetin grek, që janë imazhi real multietnik i asaj shoqërie. Në memorandum thuhet se duhet shfuqizuar juridikisht e me urgjencë Ligji i Luftës 26/36 (1940), si element që së pari, komprometon pa kurrfarë dyshimi ekzistencën e Aleancës Paqeruajtëse (NATO), pjesë e së cilës dhe me të drejta reciprokisht të barabarta është edhe shteti grek; së dyti çka është dhe më esenciale, përdoret si çelës bllokues i të drejtave pronësore të shqiptarëve të Çamërisë. Intelektualët firmëtarë shtrojnë nevojën e respektimit të normave ligjore që sanksionojnë të drejtat e njeriut, të cilat në shumë raste, janë dhunuar haptazi, jo vetëm nga qarqet ultranacionaliste të shfaqura brenda politikës greke, por edhe nga institucionet e po këtij shteti. Kërkohet të respektohen të drejtat e emigrantëve shqiptarë (që e gëzojnë statusin) si pjesë integrale e shoqërisë greke, të qytetarëve shqiptarë aktualisht me liri të kufizuar, të biznesmenëve shqiptarë që operojnë në po këtë shtet etj. Memorandumi bën thirrje të evitohen, deri në eliminim, aktet e ulëta të diskriminimit racial ndaj shqiptarëve emigrantë dhe njëkohësisht format e presionit psiko-institucional, prej shekujt, ndaj popullsisë arvanite me kombësi shqiptare. Çështja e fundit ka të bëjë me zgjidhjen e problemit të varreve masive të të rënëve shqiptarë të Çamërisë gjatë Luftës së Dytë Botërore në territorin aktual grek, si dhe ngritja e një memoriali në kujtim të tyre.


Qëndrimi


Organizatat, kundër

memorandumit OMONIA


Rrjeti i organizatave shqiptare u pozicionua një ditë më parë kundër memorandumit që organizata OMONIA i ka dërguar qeverisë greke për të mos nënshkruar Marrëveshjen e Stabilizim-Asocimit të Bashkimit Evropian me Shqipërinë. Ky forum ku përfshihen Klubi Kombëtar, lëvizja "Mjaft!", ASAN, shoqëria "Çamëria" dhe Instituti Liberal Shqiptar kërkuan që qeveria të mos bëjë pazare me OMONIA-n. Rrjeti i organizatave shqiptare u bën thirrje organeve qeveritare që të mos e konsiderojnë procesin e stabilizim-asocimit të Shqipërisë si një pazar në marrëdhëniet dypalëshe me cilindo shtet anëtar të BE-së që mund të shkëmbehet me varreza ushtarësh, shpallje gjuhësh zyrtare, apo më keq, rivizatime të kufijve administrativë të Shqipërisë, për të krijuar njësi autonome territoriale në modelin e "Republika Serbska" në territorin e vendit.

http://www.gazeta-shqip.com/artikull.php?id=55381

[loni-loni]

Ky memorandum asht pa vlere, mosmethane qesharak

Duhet qe vete popullata shqipfolese e Greqise ta baja nje kerkese te tille ne organizatat nderkombetare , por sic dihet e shihet kjo popullsi asht asimilu komplet, ndersa emigrantet nuk kane asnje te drejte persakohe jon pa nenshtetesi greke

[Lorena1]

qesharake sigurisht! Me teper kjo eshte pjese treatrale qe jane drejtuar parlamentit grec. Per sa i perket Europe edhe shtyhet.

[shitesi]

Me emocionoi pa mase.
E mrekullueshme.
Me se fundmi u zgjuan dhe Shqiptaret qe banojne ne toket e veta ne greqi.

[EDLIN]

Kjo sigurisht qe eshte per t'u pershendetur, por mua me duket si shume e vonuar, me teper duket si nje pergjigje anemike per inerci te deklaratave te fundit te fillogrekeve....
Gjithsesi nje hap pozitiv qe duhej te ishte bere kohe me pare.

[BARAT]

Greqia të njohë gjuhën shqipe për arvanitasit


15/12/2008 gazeta Metropol


Të nisë regjistrimi i popullsisë sipas kombësisë si dhe të happen shkollat

Një grup intelektualësh shqiptarë u kanë kërkuar dje autoriteteve greke si dhe Parlamentit Evropian dhe Organizatës së Kombeve të Bashkuara njohjen e të drejtave të popullsisë shqiptare që jeton në territorin grek. Në mbështetje të të drejtave të minoriteteve me anë të një memorandumi kërkohet zyrtarizimi I gjuhës shqipe në të gjitha zonat ku jeton popullsia autoktone shqiptare. Ndërsa janë zonat Kostur, Konicë, Follorinë, Janinë, Pilat, Paramithi, Margëlliç, Igumenicë, Pargë, Arpicë, Preves dhe Sulë të cilat janë cilësuar si minoritet shqiptar. Përveç njohjes së gjuhës, është kërkuar nisja e regjistrimit të menjëhershëm të popullsisë në bazë të KOmbësisë dhe në bazë të saj të njihen dhe të drejtat e pjesëmarrjes në qeveri. Intelektualët që e kanë firmosur memorandumin kërkojnë dhe mbështetjen me fonde të posaçme për hapjen e institucioneve shkollore në gjuhën shqipe me qëllim arsimimin në gjuhën e nënës për gjithë shqiptarët.

Kërkesa është argumentur në mungesën e barazisë dhe reciprocitetit, ku ndonëse shteti shqiptar ka njohur dhe mbështetur të drejtat e gjithë minoriteteve greke, shqteti ynë nuk pranon njohjen e pakicave. Ndaj dhe është kërkuar ndërhyrja prej Parlamentit Evropian si dhe Organizatës së Kombeve të Bashkuara, si garant për të drejtat e njeriut. Një kërkesë e tillë vjen për herë të parë e mbështetut dhe me firmat e disa intelektualëve.

[saura]

Bravo ketyre intelektualeve ,mjaft me duke zbatuar te gjitha kerkesat e Greqise e ne duke mos kerkuar asgje .Parlamenti Europian duhet te degjoje te dyja kembanat .

[Edvin83]

Ja nje pune me mend ne kushtet kur qeveria jote te braktis e nuk can koken per ty!

[flory80]

Të gjithë e dimë që do të vijë një ditë e tillë kur Shqiptarët të ngrenë zërin dhe të kërkojnë atë që u takon.
Ky është vetëm fillimi, dhe të tilla kërkesa do të fillojnë të bëhen shumë të shpeshta në të ardhmen e afërt. Të gjithë ne duhet të kontribojmë me çfarë kemi mundësi për të mbështetur këto zëra të guximshëm.
Edhe thjesht duke i mbështetur, duke qënë dakord me ta, edhe ky është një kontirbut.


Çonju Shqiptar prej gjumit, çonju
E t'gjith si vllazën n'nji bes shtërngonju......

[sulioti]

do zoti e shkojn ne veshin e duhur keto britma dhe thirrje patriotike shqiptare se na eshte ngjirur zeri per drejtesi per kombin ton.

[Darius]

Me duket se i doli llogaria keq Greqise me emigrantet shqiptare. U perpoq ti greqizonte po mesa duken bathet do shqiptarizohen greket.

[Testim]

Po të mblidhnin forcat gjithë shqiptarët, atje do bëhej Shqipëri. Politikanët nëpër botë nuk e kanë kot atë zakonin që të caktojnë se çka është prioritet, ku forcat më të mëdha investohen aty. pra në prioritet.

[arbereshi_niko]

Me fort se gjuhe zyrtare, duhet te njihet minoriteti.
Pasi nuk ka mundesi te jene 1,2,3, o me shume gjuhe zyrtare ne nje vend si Greqia.
Por te njihet minoriteti shqiptar qe banon atje, ku çdo e drejte qe duhet te gezoje ky komunitet si; shkolla ne gjuhen shqipe, rruget te shkrojtura ne dy gjuhe, perfaqesues ne politiken ku ky komunitet eshte ne hegjemoni, gazeta, televizjone,pra te gjitha keto dhe te tjera akoma, atehere po, le te njihet, por jo si gjuhe zyrtare, pasi me duket nje çik shume.
Gjerat e mira behen ngadale, pasi i thone nje fjale; shume e per lume!

[Testim]

Me fort se gjuhe zyrtare, duhet te njihet minoriteti.
Pasi nuk ka mundesi te jene 1,2,3, o me shume gjuhe zyrtare ne nje vend si Greqia.
Por te njihet minoriteti shqiptar qe banon atje, ku çdo e drejte qe duhet te gezoje ky komunitet si; shkolla ne gjuhen shqipe, rruget te shkrojtura ne dy gjuhe, perfaqesues ne politiken ku ky komunitet eshte ne hegjemoni, gazeta, televizjone,pra te gjitha keto dhe te tjera akoma, atehere po, le te njihet, por jo si gjuhe zyrtare, pasi me duket nje çik shume.

Kjo që thu është gjuhë zyrtare. Edhe ashtu ka qenë pikëpyetje një herë e një kohë, të bëhet gjuhë zyrtare shqipja apo një gjuhë e vdekur tashmë. Mbreti gjerman tha 'dua t'i ringjall helenët', dhe Hellada jonë u mbush me jevgj. Në Kosovë, turqishtja gjuhë zyrtare në Prizren, serbishtja nëpër enklavat serbe, magjupishtja nëpër magjupitë e vogla aty këtu etj. Pse të mos kërkojnë të njëjtën gjë arbërorët.

[saura]

Duhet te pregatitet tereni nga andej ,ta ngrene zerin ata dhe ne duhet ti mbeshtetim ,keshtu ben Greqia pergatit keto ketej nga ne dhe pastaj ulerin per te drejtat e minoritareve .
Te shfrytezojme dhe ne situatat ,tek ne vijne dhe deputetet grek fusin hundet kur jane zgjedhjet .
Ne greqi i shkon sigurimi mbrapa gazetareve tone qe duan te filmojne shqiptaret ne tokat e tyre ,keto gjera duhet ti dije Europa ,ta njohi mire ''demokracine greke''.
Europes dhe Amerikes i duhet nje popull si ne ne Ballkan ,qe kemi qene gjithmone te urte si me Serbet ,Grekerit dhe Maqedonasit ,jo nacionalist ekstremist .Do zoti e kane kuptuar kete tani dhe na ndihmojne.

[shiu2008]

Keshtu eshte kur je i varfer ,se po te ishte ndryshe te investoje ne keto zona te banuar me Shqiptar qe te ngrinin koke vete ashtu sic bejne minoriteti grek tek ne , dhe do shikoje pastaj nese do kishte Bollano qe te lehi apo prifterinj agjent grek qe vijn nga lindja e mesme ,si rasti i atij priftit qe u punesua nga Janullatosi ne jug te Shqiperis ,i cili u debua nga lindja e mesme nga autoritet Izraelite per lidhje me Hamasin.
Kam takuar nje Shqiptar grek ketu ne usa qe kishte ardhur para 40 viteve, me pyeti se nga jam i thash Shqiptar edhe un Shqiptar me tha qe jam nga Kozani i Greqis.Filloi te me tregonte se si Greqia u tregua e zgjuar me ne tha qe na ndau ne tere Greqin duke na dhene edhe favore ekonomike ne menyre qe te mos qendronim bashke dhe tani qe gjenerata ka ndryshuar edhe pse shumica ia kane trasheguar femijeve origjinen , me nje Shqiperi te dobet qe skan cfar ti besojn e kane veshtire te pranojn se nga vijn.

[Zëu_s]

E njejta gje duhet te kerkohet edhe ne Turki. Natyrisht pasi te perfundojme punet me Greqine

[saura]

E njejta gje duhet te kerkohet edhe ne Turki. Natyrisht pasi te perfundojme punet me Greqine

Po ne Turqi kane emigruar ,nuk jane si ne Greqi ne tokat e veta,ne Turqi nuk kane frike me thene qe jane Shqiptar ,si ne Greqi.

[MISTREC_BERATI]

Po ne Turqi kane emigruar ,nuk jane si ne Greqi ne tokat e veta,ne Turqi nuk kane frike me thene qe jane Shqiptar ,si ne Greqi.

pse ore ku kane frike shqiptaret ne greqi qe te thon qe jan shqiptar ata qe kane firke dhe e mohojn qe jan shqiptar jan njerez injoantqe mohojn kombin e tyre

[sulioti]

E njejta gje duhet te kerkohet edhe ne Turki. Natyrisht pasi te perfundojme punet me Greqine

dhe ne turqi thuhet se jan shtat milon shqipo aty pse mos te bejn dhe ate nje kerkes per gjuhe te dyt ne turqi gjuhen shqipe a po harrova se nuk dun tja prishin vellezerve te tyre te dashur myslima;