Postuar më parë nga
ademgashi_dk
ENVER HOXHA
KOSOVA
është
SHQIPËRI
- nga Ditari Politik -
Botimet Neraida
Enver Hoxha
Kosova është Shqipëri
Përmbledhje dokumentesh
Përgatitur nga Ilir Hoxha
Fragment:...........
Gjatë gjithë jetës së tij politike, Enver Hoxha ngriti zërin për padrejtësinë e madhe që iu bë Shqipërisë dhe kombit shqiptar duke e mbajtur të ndarë si territor e popull, denoncoi me forcë gjenocidet, poshtërimet, shtypjen barbare, burgosjen, vrasjet e popullsisë shqiptare, luftoi që ta mbronte popullin e Kosovës dhe shqiptarët e tjerë që jetonin në trojet e veta, të mbronte të drejtat kombëtare, gjuhën, zakonet, doket, si dhe t'ju tregonte rrugën e vërtetë drejt ëndrrës së përbashkët të shqiptarëve, bashkimin e Kosovës dhe trojeve të tjera shqiptare me atdheun amë, Shqipërinë. Për të arritur këtë, Enver Hoxha shtronte hapur e qartë: "Kosova është shqiptare, mbetet shqiptare dhe i përket Shqipërisë".(E.H. Ditari Politik,19 shkurt 1966).
Shpesh, kur diskutohet për çështjen e Kosovës dhe të kosovarëve, dhe kjo gjë ndodh edhe në tavolinat e diskutimeve dhe në strategjinë e shteteve të interesuara për këtë çështje, harrohet, dhe jo pa qëllim, se problemi i shqiptarëve si komb është pak më i thellë dhe më i komplikuar se sa mundohen ta paraqesin
ata. "Kur flasim për Kosovën dhe kosovarët,- vë në dukje Enver Hoxha,- nuk kemi parasysh vetëm atë si krahinë gjeografike por çështjen e të gjithë tokave dhe të të gjithë shqiptarëve që jetojnë brenda kufijve aktualë të RSF të Jugosllavisë, ngjitur me kufijtë e atdheut mëmë, RPS të Shqipërisë. Qëndrimi ynë ka genë dhe është që vëllezërit tanë që jetojnë në Kosovë, Mal të Zi dhe në Maqedoni janë në vatrat e tyre, në tokat shqiptare. Shqiptarët në Jugosilavi, përbëjnë një etni, një popull të formuar në shekuj, që ka historinë, gjuhën, kulturën e vet, një popull autokton, të cilin, siç dihet, fuqitë e mëdha imperiallste e coptuan, e shkëputën nga mëmëdheu i vet dhe ia aneksuan Jugosllavisë. Këtë askush nuk mund ta fshehë. Çdo interpretim tjetër i këtij problemi e i kësaj çështje është arbitrar, është një shtrembërim, një falsifikim i rëndë e i dëmshëm i historisë. Historia tregon se, i vetëm, pa asnjë përkrahje nga fuqitë e huaja, të cilat i ka pasur kurdoherë kundër, populli shqiptar ka rezistuar dhe ka luftuar me sukses për lirinë e kombit të vet dhe për kompaktësinë e tij, ka luftuar për mbrojtjen e pavarësisë si shtet sovran, të kulturës së tij dhe të të drejtave të tij të natyrshme e të ligjëshme. Kurdoherë vetëm lufta dhe gjaku i tij i derdhur kanë bërë
që të arrihet fitorja." ( E.H. Ditari Politik, 2 korrik 1981).
Krijoni Kontakt