Do të vazhdojë të mbajë fryte.
Lum ai njeri që beson te Zoti dhe besimi i të cilit është Zoti!
Ai do të jetë si një pemë i mbjellë pranë ujit,
që i shtrin rrënjët e tij gjatë lumit.
Nuk do ta ndjejë kur vjen vapa
dhe gjethet e tij do të mbeten të gjelbra;
në vitin e thatësirës nuk do të ketë asnjë shqetësim
dhe do të vazhdojë të mbajë fryte.
URTIA
Lum ai njeri që ka gjetur diturinë
dhe njeriu që ka përftuar arsyen.
Sepse fitimi i tij është më i mirë se fitimi i argjendit
dhe fryti i tij vlen më tepër se ari i kulluar.
Ajo është më e çmuar se perlat
dhe mbarë gjërat më të këndshme
nuk mund të barazohen me të.
DËNIM... I MËSHIRSHËM.
Ja, lum njeriu që Perëndia dënon;
prandaj ti mos e përbuz ndëshkimin e të Plotfuqishmit;
sepse ai e bën plagën, dhe pastaj e fashon,
plagos, por duart e tij shërojnë.
Kërkoni të mirën
Kërkoni të mirën e jo të keqen:
e atëherë do të jetoni
dhe Zoti Hyj do të jetë me ju.
DASHURIA E ZOTIT NDAJ NESH.
Shikoni ç`dashuri të madhe na dha Ati,
që të quhemi bij të Perëndisë.
Prandaj bota nuk na njeh, sepse nuk e ka njohur atë.
Shumë të dashur, tani jemi bij të Perëndisë,
por ende nuk është shfaqur ç`do të jemi;
por dimë se, kur të shfaqet ai,
do të jemi të ngjashëm me të,
sepse do ta shohim se si është ai.
TOBIA I MËSHIRSHMI.
Mos i bëj askuit çka s' dëshiron të të bëhet ty.
Ndaje bukën tënde me të uriturit
dhe veshjen tënde me të zhveshurit.
Kërkoji këshillat e të drejtëve
e mos i përbuz këshillat e dobishme.
Në çdo kohë bekoje Zotin
dhe kërko prej tij t'i drejtojë udhët e tua
e të gjitha shtigjet e tua
që të shkojnë për së mbari
synimet e tua.
Jini të shenjtë!
Jini të shenjtë, sepse unë jam i shenjtë, Zoti, Hyji juaj!
Mos vidhni! Mos rreni!
Askush mos ta gënjejë të afërmin e vet!
Mos u përbe rrejshëm me emrin tim
e kështu ta përdhosësh emrin e Hyjit tënd.
Mos iu shpif të afërmit tënd
dhe mos e rrëmbe.
Fitimin e mëditësit mos e mbaj ti deri në mëngjes.
Mos e shaj të shurdhin
e mos i qit para pengesës të verbërit,
por druaje Hyjin tënd. Unë jam Zoti.
Mos bëni padrejtësi në gjyqe.
Mos i mbaj krahun të varfrit as mos e përkrah të fortin:
gjykoje me drejtësi të afërmin tënd.
Mos shpërpall shpifje në popullin tënd
dhe mos bashkëpuno në gjakderdhjen e të afërmit tënd. Unë jam Zoti.
Mos e urre në zemrën tënde vëllanë tënd.
E ke detyrë ta qortosh bashkëvendasin,
të mos kesh pjesë në mëkatin e tij.
Mos u hakmerr as mos ushqe hidhërim ndaj bijve të popullit tënd.
Duaje të afërmin tënd porsi vetveten.
"Jini të shenjtë, sepse unë jam i shenjtë".
Prandaj, ngjeshni ijët e mendjes suaj,
rrini zgjuar dhe mbani shpresë të plotë në hirin
që do vijë mbi ju në zbulesën e Jezu Krishtit.
Si bij të bindur, mos iu përshtatni lakmive të mëparshme
kur ishit në padijen tuaj,
por ashtu si është i shenjtë ai që ju thirri,
të jini edhe ju të shenjtë në gjithë sjelljen tuaj,
sepse është shkruar: "Jini të shenjtë, sepse unë jam i shenjtë"
Bëhuni bërës të fjalës
Dhe bëhuni bërës të fjalës
dhe jo vetëm dëgjues, që gënjejnë vetveten
Ndërsa ai që do të shikojë me vemendje ligjin e përsosur,
i cili është ligji i lirisë, dhe ngulmon në të,
duke mos qenë një dëgjues harraq,
por një bërës i veprës,
ai do të jetë i lumtur në veprimtarinë e vet.
PREFERENCAT E ZOTIT!
Kështu thotë Zoti:
"Qielli është froni im
dhe toka është mbështetësja e këmbëve të mia.
Ku është, pra, shtëpia që mund të më ndërtoni
dhe ku është vendi i çlodhjes sime?
Tërë këto gjëra i ka bërë dora ime
dhe të gjitha kanë ardhur në ekzistencë,
thotë Zoti.
Mbi kë, pra, do të kthej shikimin tim?
Mbi atë që është i përulur,
ka frymë të penduar
dhe dridhet nga fjala ime.
ZOTI, HYJI YT...
Zoti, Hyji yt, është ai që formon malet dhe krijon erën,
që i bën të njohur njeriut cili është mendimi i tij,
që e kthen agimin në terr dhe ecën mbi vendet e larta të tokës: Zoti!.
AI ËSHTË ZOTI YT.
Ai ka bërë Plejadat dhe Orionin,
e kthen hijen e vdekjes në agim
dhe e bën ditën të errët si nata;
thërret ujërat e detit
dhe i derdh mbi faqen e dheut:
AI është Zoti yt.
Emri i tij është Zoti.
Éshtë ai që ndërton në qiejt dhomat e tij të sipërme
dhe ka vënë mbi tokë themelet e kupës së tij qiellore;
ai thërret ujërat e detit dhe i derdh mbi faqen e dheut;
emri i tij është Zoti.
DUANI JEZU KRISHTIN
Për këtë gëzohuni, ndonëse, në qoftë se duhet, për pak kohë,
tani duhet të trishtoheni nga prova të ndryshme,
që prova e besimit tuaj, që është shumë më i çmuar nga ari që prishet,
edhe pse provohet me zjarr, të dalë për lëvdim,
nder e lavdi në zbulesën e Jezu Krishtit,
të cilin, megjithëse ju nuk e keni parë, e doni,
duke besuar në të, megithëse tani nuk e shihni,
dhe ngazëllohuni nga një hare e patregueshme dhe e lavdishme,
duke arritur përmbushjen e besimit tuaj, shpëtimin e shpirtrave.
Mos e trishtoni Frymën e Shenjtë të Perëndisë!
Asnjë fjalë e keqe le të mos dalë nga goja juaj,
por ajo që është e mirë për ndërtimin,
sipas nevojës, që t`u japë hir atyre që dëgjojnë.
Dhe mos e trishtoni Frymën e Shenjtë të Perëndisë,
me të cilin u vulosët për ditën e shpengimit.
Le të flaket larg jush çdo hidhërim, zemërim, inat, trazirë dhe shpifje me çdo ligësi.
Por jini të mirë dhe të mëshirshëm njeri me tjetrin,
duke e falur njëri-tjetrin, sikurse edhe Perëndia ju ka falur në Krishtin.
Kini të njejtë mendim!
Pra, në qoftë se ka ndonjë ngushëllim në Krishtin,
ndonjë ngushëllim dashurie,
ndonjë pjesëmarrje të Frymës,
ndonjë mallëngjim e dhembshuri,
atëherë e bëni të plotë gëzimin tim,
duke pasur të njejtin mendim,
të njëjtën dashuri,
një unanimitet
dhe një mendje të vetme.
Mos bëni asgjë për rivalitet as për mendjemadhësi,
por me përulësi, secili ta çmojë tjetrin më shumë se vetveten.
Mos mendojë secili për interesin e vet, por edhe atë të të tjerëve.
PASI JENI TË SHEJNTËR
Vishuni, pra, si të zgjedhur të Perëndisë,
shenjtorë dhe të dashur,
me dhembshuri të brendshme, mirësinë, përulësinë,
me zemërbutësinë dhe me durimin,
duke duruar njeri tjetrin dhe duke falur njeri tjetrin,
nëqoftëse dikush ankohet kundër një tjetri;
dhe sikundër Krishti ju ka falur, ashtu bëni edhe ju.
Kthehuni dhe secili prej jush
le të pagëzohet në emër të Jezu Krishtit.
Le ta dijë, pra, pa farë dyshimi mbarëpopulli i Izraelit
se mu këtë Jezus, që ju e kryqëzuat,
Hyji e bëri Zotëri e Mesi.”
Kur i dëgjuan këto fjalë, u tronditën në zemër
dhe i thanë Pjetrit e apostujve të tjerë:
“Çfarë duhet të bëjmë ne, o vëllezër?”
Pjetri u dha përgjigje: “Kthehuni
dhe secili prej jush le të pagëzohet në emër të Jezu Krishtit
që t’ju falen mëkatet
e atëherë do ta merrni dhuratë - Shpirtin Shenjt.
Mjafton qe nje fe te kete urdher direkt, shembell direkt apo ithtare te medhenj askete, dhe ajo eshte fe e shume me te lartit Zot. Heqja dore nga femra, si barke e keqe djajsh dhe nga materia e natyres si shpelle plot me djaj te ben medoemos te jesh ne rruge te drejte, te mundimit dhe Kryqit te vertete qe e meritojne tashme besimtaret.
Postuar më parë nga Ciarli
Dhe Jezusi shkoi në malin e Ullinjve.
Por, si zbardhi dita, u kthye përsëri në tempull dhe gjithë populli erdhi tek ai; dhe ai u ul dhe i mësonte.
Atëherë farisenjtë dhe skribët i prunë një grua që ishte kapur duke shkelur kurorën dhe, mbasi e vunë në mes,
i thanë Jezusit: ``Mësues, kjo grua është kapur në flagrancë, duke shkelur kurorën.
Por në ligj Moisiu na ka urdhëruar të vriten me gurë gra të tilla, por ti ç`thua?``.
Flisnin kështu për ta vënë në provë dhe për të pasur diçka për ta paditur. Por Jezusi, duke u shtënë se nuk dëgjoi, u përkul dhe shkruante me gisht në dhe.
Dhe, kur ata vazhdonin ta pyesnin, ai u drejtua dhe u tha atyre: ``Kush nga ju është pa mëkat, le ta hedhë i pari gurin kundër saj!``.
Pastaj u përkul përsëri dhe shkruante në dhe.
Atëherë ata, e dëgjuan këtë dhe të bindur nga ndërgjegjja, u larguan një nga një, duke filluar nga më të vjetrit e deri te të fundit; kështu Jezusi mbeti vetëm me atë grua, që qëndronte atje në mes.
Jezusi atëherë u ngrit dhe, duke mos parë tjetër përveç gruas, i tha: ``O grua, ku janë ata që të paditnin? Askush nuk të dënoi?``.
Dhe ajo u përgjigj: ``Askush, Zot``. Atëherë Jezusi i tha: ``As unë nuk të dënoj; shko dhe mos mëkato më``.
Çiarli, burri që e ka shpëtuar këtë grua, ishte i pastër dhe i shejntë, dhe ia ka rikthyer asaj dinjitetin njërzor!
Të tjerët ishin të papastër e donin ta vrasin!
Regullat e Postimit
Përgjigju Duke Cituar
Krijoni Kontakt