Close
Faqja 15 prej 15 FillimFillim ... 5131415
Duke shfaqur rezultatin 281 deri 298 prej 298
  1. #281
    Happy Maska e milanistja_el
    Anëtarësuar
    22-09-2006
    Vendndodhja
    ne krahet e dashurise... por me mendje ne Elbasanin tim te dashur...
    Postime
    2,065
    Mirese ju gjeta...

    Si po ma kaloni? C'thote sofra?

    Meqe saura donte shurup thane une du thana safi... ka ngel noi cik apo i keni ba te gjitha raki

    Ju pershendes dhe ju uroj gjithe te mirat, kudo qofshit.
    Mos ua bej te tjereve ç'ka s'do te doje qe te tjeret te ta benin ty...

  2. #282
    Ca do te pish milaniste se sot qeras une se jam ne shtepi.?
    "Expensive watches do not create time, but reflect how expensive it is to their owner."

  3. #283
    ILIR NË GEN Maska e flory80
    Anëtarësuar
    03-12-2006
    Vendndodhja
    Buzë Vjosës Kaltëroshe
    Postime
    1,531
    Citim Postuar më parë nga saura Lexo Postimin
    O sa popull i mire dhe i bute qe jeni mo Flori ,dhe xhane i thua ?
    mua me çdo me gostitesh ,ndonje gliko me manafera dhe nje çik shurup thane dua une ,i qani zaijrete dhe nikoqire e te paster jeni e ne fund nje kenge te Mentor Xhemalit ,degjohemi prap sofra ...
    Ty të lumtë goja, se mjalt nxirke nga goja, mos ke ndonjë damar nga Përmeti zotrote!
    Mirë se na urdhërove një herë se na nderove.
    Për të ngrënë e për të pirë unë s'po zgjatem shumë por po të sjell një pjesë nga Fan S Noli:
    "Do të hash e të bësh qejf,
    Sofrën shtruar si për mbret,
    Pastërtar e për yzmet,
    Të tillë gjen veç në Përmet..."
    Eh çma kujtove atë rehaninë e thanës se gjyshja ime e qan, edhe rehani manaferre bën por unë për vete preferoj atë të thanës. Gliko kemi nga të gjitha sojet, do gliko arre, a do gliko kumbulle, a do gliko shalqini?

    Edhe në fund të përshëndes me "O dhëndërr ku vete kështu" nga Mentor Xhemali!

    EH I ZIU NJERI, GËLLTIT DIKU NJE LUGË ÇORBË TË PRISHUR, EDHE VJELL PASTAJ PËR GJITHË JETËN!

  4. #284
    Lux Libera Nos Maska e Shkelqesia_E_Tij
    Anëtarësuar
    23-09-2002
    Vendndodhja
    Where ladies pray the God
    Postime
    1,028
    Pershendetje sofra

    Uroj te jeni mire dhe po hedh nja dy teke raki per shendetin tuaj

    Blossoms of heaven, Ashes of hell...

  5. #285
    ILIR NË GEN Maska e flory80
    Anëtarësuar
    03-12-2006
    Vendndodhja
    Buzë Vjosës Kaltëroshe
    Postime
    1,531
    E de e, avash me ato teket, se po se toke një çikëz gotën, sikur nuk zë ai shëndeti.
    Ja të paça!
    EH I ZIU NJERI, GËLLTIT DIKU NJE LUGË ÇORBË TË PRISHUR, EDHE VJELL PASTAJ PËR GJITHË JETËN!

  6. #286
    ♣AbSoLuT♣ Maska e [LoTi]
    Anëtarësuar
    25-04-2007
    Vendndodhja
    IT
    Postime
    837
    Mir se ju gjeta Permetar.



    |- Më Pikòj NPik Loti, Në Fòrm Realiteti -|

  7. #287
    Voleur du coeur.. Maska e Roi
    Anëtarësuar
    10-06-2004
    Vendndodhja
    Ne vendin tim....
    Postime
    2,303
    O mire se ju gjeta..
    Ne kete Sofer te madhe...
    Fal po munde, mos ndrysho por ruaje tenden...

  8. #288
    i/e regjistruar
    Anëtarësuar
    27-05-2009
    Postime
    1
    pershendetje flori dhe zoti te dhente shendet dhe gjithe te mirat qe na bene te cmallemi me qytetin ton me qytetin e trendafilave dhe te kultures faleminderit per fotot qe ke vene aty se e shikojme dhe na duket sikur jemi ne permetin e trendafilave

  9. #289
    i/e regjistruar Maska e bucelthi
    Anëtarësuar
    30-07-2009
    Postime
    2
    mireseugjeta sofra permetare

  10. #290
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Ca gjëra ndodhin për herë të parë në Përmet

    Emri:  1676987172_246133234364092largejpg.jpg

Shikime: 95

Madhësia:  54.2 KB

    Frrok Çupi

    Në të vetmen hapësirë ku mund të them se njeriu e ka në dorë orën e kohës; e ka në dorë dhe e kthen pas, e mban në vend, e dëshmon si një ditë e një shekull, i bën çfarë të dojë… Mendoj se Përmeti ka sfiduar filozofë të mëdhenj të botës që thonë me të drejtë se ‘koha nuk kthehet pas’.

    A mund të vini ta provoni?! Kur po ndërtohen rrugët e Përmetit drejt Leskovikut e Kolonjës dëgjoheshin fëshfërima fjalësh sikur ‘po na ikën duarsh’ edhe kjo strehë. Kudo ku janë ndërtuar rrugë e ura, kudo ka ndodhur të mos jetë më ajo që ishte. Kam provuar vite të shkuara në Drimadhes, ku parkonte vetëm makina ime dhe e nja dhjetë të tjera, e notonin 30 vetë gjithsej. Kur njerëzit vërshuan në komoditet, atëherë humbi ‘Drimadhes’.

    Çfarë e mban Përmetin larg kësaj ligjësie?

    Në Përmet çfarë ndodh, ndodh për herë të parë. E pyeta kryetaren e Bashkisë, zonjën Alma Hoxha: ‘Moj mike, a nuk ke frikë?… A nuk ke frikë se papritur, teksa ti je në post e sa hap sytë Përmeti të ka dalë duarsh; të mos jetë më ky që është?”.

    Kjo mund të ndodhë mijëra herë, por më duket se jo Përmetit.

    Është i fundit ky që ka mbetur prej gjithë historisë sonë kombëtare, ku koha ka marrë formatin e një serveri gjigand kompjuterik, server që të mban në kohë, të sjell kohën që ishte, të projekton edhe për nesër.

    Këtu shumë gjëra, që i thërrasim kombëtare, këtu kanë ndodhur për herë të parë.

    Ti mund të vish për herë të parë në Përmet, por s’e besoj se ka mbetur njeri për një ‘herë të parë’. Ke harruar se ka disa orare ku në rrugët e qytetit nuk gjen as këmbësorë as makina. Asnjë, për bè! Është e shtune; dal në dritaren e hotelit tradicional ‘Përmeti’ ku më shfaqet gjithë qyteti për andej nga Gryka e Sopotit. Asnjë njeri në rrugë. Të shtunave dhe të dielave qyteti i ngjan një perle të botës së Perëndimit: Gjenevës, a Bonit, a Oslos… Për herë të parë në Përmet, që nga shekulli i kaluar, shikoj se dy orë në ditë mund të mos blesh dot as cigare: Që nga ora 3 deri në 5 pasdite gjithçka mbyllet. Njerëzit mblidhen në familje, marrin fëmijët nga kudo janë, i japin ‘avdes’ jetës dhe pastaj prapë në lëvizje. Në Parmet ka një dekadë që nuk shënohet asnjë vepër penale në gjykatë.

    Këtu të gjitha rrugët kalojnë përmes njerëzve të murosur, sidomos natën. Natën bie një dritë e mahnitshme poshtë që nga mali me borë dhe zbardh portrete mermeri në parqe. Përmeti është i pari mes qyteteve të Mesdheut që numrin e ‘të lavdishmëve në statuja’ e ka më të lartin në raport me të gjallët e qytetit. Kam frikë se po të takojmë një artist të admiruar duhet të ruhemi e mos e pyesim nga është se na del ‘nga Përmeti’. Si me themelet e një shkolle në Durrës: Sa nisën të gërmojnë, aty u zbulua një pasuri e madhe arkeologjike; para dy ditësh. Sapo disa artistë kishin hapur një faqe në fb për ditëlindjen e Antoneta Papapavlit, aktore, shfaqet Përmeti si vendlindje.

    Të tjerët janë botërisht të njohur.

    Ka shumë njerëz, ndoshta shumica, që për herë të parë po mësojnë tani se edhe Tefta Tashko Koço ishte me rrënjë Përmeti. Tefta Tashko është vajza e patriotit te shquar nga Frasheri, Thanas Tashko.

    Hera e parë në historinë e një skulptori të përmasave botërore, Odise Paskali, këtu në Përmet është hapur pavijoni i muzeut të tij. E bija vjen herë pas here, vjen në shtëpinë e saj prej babai. Por hera e parë që një artist si ai ka guxuar t’i shikojë ‘gjigandët’ e vet edhe në trajtë minore përveçse të stërmadhe. Aty ke një Skënderbe të madh, dhe një bocet të vogël pranë; një Enver Hoxhë të madh dhe një sa gjysma e dorës; aty ke të Uriturin- të madh, dhe bocetin e të Uriturit; Mihal Gramenon, Çerçiz Topullin, Idriz Seferin, Vëllezërit Frashëri, Partizanin Fitimtar, Holokaustin… të gjithë- edhe të mëdhenj edhe minorë pranë njëri tjetrit. Artisti i dominon vetë përbindëshin brenda njeriut.

    Pranë njëri tjetrit i ka mbajtur Përmeti edhe ‘armiqtë’; në Përmet nuk janë ‘grindur’ kurrë. Këtu janë së bashku Aili Bej Këlcyra dhe monumenti i Kongresit të Përmetit, gjë që nuk ka bërë vaki të jenë edhe zogistë edhe komunistë; edhe bejlerë edhe shpronësues; edhe komunistë edhe ballistë, edhe pd-istë edhe ps- istë, edhe besimtarë edhe të pa fe.. Kongresi ua shtetëzoi ‘Ali Bejve’ sarajet, floririn, pasurinë të tërë, por në Përmet rrinë përballë kalaja e Ali Këlcyrës si atraksion turistik, ashtu edhe vetë Kongresi. I pari qytet i Shqipërisë ku nuk ka një zhgarravinë mbi monumentin e Kongresit- ky është Përmeti. Historia në këtë qytet i përket secilit.

    Edhe Mit’hat Frashëri është mbajtur pranë të të atit, si një njeri i gjallë përjetë. Më vjen siku babë e bir kaluan dekada nën rrënojat e tërmetit- siç po ndodh në Turqi, por mbijetuan gji në gji, nën rrënoja. Në shkollat e vendit tonë janë dhënë mijëra orë mësimi mbi lavdinë e Abdyl Frashërit, por asnjëherë nuk thanë se Abdyli ishte babai i Mit’hat Frashëri- një kolos tjetër i mendimit dhe vlerës sonë.

    Njëri ishte mbajtur, Mit’hati ishte ‘fshirë’. Përmeti nuk fshin asnjë vlerë. Bëhet pyetja ku ndodhet ky bark kaq i gjerë që i mban të gjitha vlerat e kësaj krahine. Madje është një qytet kaq i vogël, kaq i pastër, kaq bukur arreduar e shtruar… Gjatë gjithë kohës prodhon verë, por verë që sa ka humbur ai që nuk e provon. Prodhon gliko e raki, zahire të pashoqe dhe bujari…

    Por prapë Përmeti mbetet ky qytet i vogël që ka magjinë e kohës: Sa herë ndodh një gjë, këtu ndodh për herë të parë. Për herë të parë do ta shijosh Përmetin edhe sikur para një jave të kesh kaluar.

    Shqiptarja

  11. Anetarët më poshtë kanë falenderuar Albo për postimin:

    Kryeplaku (03-07-2023)

  12. #291
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Mbrëmë në Përmetin tim dhe Nonda Bulka që qesh e qan si bilbili!

    Pas një takimi të rastësishem, të ngrohte e jo të shkurtër, në një kafene të thjeshtë përkrah ish- kinema ‘Partizani’, me partizanen shekullore Mynever Shuteriqi, u përgatita për të udhëtuar drejt Permetit tim. Ashtu i emocionuar nga ajo bisedë aspak e rëndomtë me një grua të rrallë, të mençur e fisnike, që këmbënguli ta ndanim bashkë një ëmbëlsirë të vogël mbi tavolinë, po meditoja natyrshëm.

    Emri:  1627814615_permet1.jpg

Shikime: 95

Madhësia:  51.1 KB

    Kristo Mërtiri

    Pas një takimi të rastësishem, të ngrohte e jo të shkurtër, në një kafene të thjeshtë përkrah ish- kinema ‘Partizani’, me partizanen shekullore Mynever Shuteriqi, u përgatita për të udhëtuar drejt Permetit tim. Ashtu i emocionuar nga ajo bisedë aspak e rëndomtë me një grua të rrallë, të mençur e fisnike, që këmbënguli ta ndanim bashkë një ëmbëlsirë të vogël mbi tavolinë, po meditoja natyrshëm. Është ndoshta e fundit dëshmimtare e gjallë dhe punonjëse veterane e shtypit, që nga koha e ndritur e Luftës Antifashiste Nacionalçlirimtare. Vajzë me rrënjë gjirokastrite. Një ditë të afërt, me siguri do të shkruaj më gjatë… Kisha të drejtë të përfytyroja edhe ato vajza të nënave si yje, tek rendnin me pushkët në krah dhe torbat me fishekë e fletorka ku mësonin shkrim e këndim gjatë pushimit te betejave. Rendnin drejt atij kuvendi historik të paharruar, drejt Kongresit të Përmetit. Si delegate të zgjedhura nga populli, por edhe si partizane të kulluara që ëndërronin dhe luftonin për lirinë e mëmëdheut. Demokrate të vërteta, në shpirt e në mendime, në fjalë e në veprime. Kujtova udhetimin tim të parë, pasi lashë Tiranën e do të filloja korespodent profesionist, me rezidencë në qytetin e luleve të pathara në çdo stinë. Historikisht, 2 përmbytje dhe 3 zhuritje, me urë zjarri në duart e pushtuesve, mbahen mend nga shkretimi dhe përvëlimi i gonxheve të pa çelura. Dhe ‘’ashtu si tërë Arbri , i përngjet atij zogut të Lindjes, që digjet dhe ringjallet prej hirit te vet !’’.U bë më i bukur, më i mirë. Por mbrëmë Vjosa e bekuar, sikur e la mënjanë gumëzhitjen dhe mërmërimën gurgulluese të pranverës. Rreth 80 maje kështu ! Ua la vendin kabave e sazeve të gëzuara…

    Ajo mbrëmja dhe nata e pare si gazetar, nuk më shqitet nga mendja. Sidomos data 23 Maj ! Shëmbellente me përgatitjet e një dasme të madhe. Dhe jo vetëm nga këngët e meloditë që zgjeronin kraharorin e njeriut. Era e sokakëve të sapo lyer me gëlqere, ndiehej në çdo hap. Familjet ndërronin qilimat e rrugicat e shtruara në dimër. Bëheshin gati disa lloje glikosh për të pritur miqtë e mysafiret. Qyteti dyfishohej si papritur . Selvite e famshme rreth banesës së fundit të Dëshmorëve të Atdheut, grumbullonin më tepër se kurrë bilbila e zogj shtegtarë që nuk pushonin së kënduari. Vonë, te lëndina përballë, shikoje mjaft njerez të ulur këmbëkryq sipas fiseve, fshatrave, shoqërive e miqësive. Të veshur me rroba të reja, të pastra si bora mbi Nëmërçkë. Shtroheshin pranë ‘ sofrave’ të mëdha në natyrë, me mish, bulmet, raki e verë. Sikur hidheshin pas kraheve hallet e marazet ! Dhe shpërthenin këngët popullore. Ja thoshte Deshnica e ia priste Malëshova, Dangëllia, Cerja, Rrëza e Shqeria. Një festival i çuditshëm masiv, pa dirigjente e konferencierë, pa skena zyrtare.

    “Shokët” , vepra monumentale e drithëruese e përmetarit të madh, Odhise Paskali, priste e percillte vizitorë të thjeshtë dhe “këmbët” i mbulonte me lule të fresketa.Një natë e pa gjumë që gëzonte edhe gurët e drurët. Dhe i thoshte si pa kuptuar “ Mirëserdhe !”, dates 24. U kthye në traditë të veçantë, që pluralizmi e pakësoi dhe e zbehu shumë. Rrallë mund të ketë munguar i pa përsëritshmi këngëtar, Mentor Xhemali, ish-mitralieri partizan te beteja e njohur e Grykës se Mezhgoranit. Linte pak orë kryeqytetin, Teatrin e Operës e Baletit dhe zbriste në vendlindje më i përtërirë e pa fodullëk. Por lidheshin edhe dashuri e miqësi të reja.

    ‘Përmeti im ! A të kujtohet? Dikur 2 bilbila, kanë kënduar këtyre anëve: njëri majë kodrave të Dangëllisë, tjetri prapa Dhëmbelit, në fushat e Çajupit!. Ja mernin këngës me të qarë. BilbilFrashëri e bilbil Zagorie. Kënduan edhe për të ardhmen, që nuk e panë dot me sy. Ndërsa për braktisjen biblike të sotme të fshatit shqiptar, me siguri do të vajtonin hidhur e plot revoltë. Kohëra të tjera me rropamë kapitaliste po rrokullisen shpejt edhe në psikologjinë kolektive në fshat e qytet. ‘ Modernja’ me petkun e majmunërisë, herë-herë sikur i vë brylin traditës së mirë dhe nxjerr gjuhën e tallet nga istikamet ‘europiane’. Megjithëse Sazet e Përmetit vazhdojnë të ngrenë në këmbë e të duartrokasin, edhe vetë Parlamentin Evropian ! Pa harruar zërin e mrekullueshem si burimet rrëzë Dhëmbelit të Tefta Tashko Koços, që shpesh ngre edhe të vdekurin nga varri. Pa harruar akademikë të sotëm në gjuhësi, skulpturë e pikturë, muzikë e teatër, etj. Të gjithë me themele të forta Përmeti ! 24 Maji i ftonte e ofronte secilin pa ftesa në zarfe, pa vula zyrtare e salltanete fanfare. Të vërtetën e atij Kuvendi historik me shumicën e delegateve patriotë e figura popullore të zgjedhura nga populli i krahinave të ndryshme, jo partiakë të thekur. Parti mbi çdo parti kishin Shqipërinë hallemadhe ! Rrezet e atij Kongresi të paharruar e me erë baroti (jo me brilantine nga zyrat nazifashiste) , ‘ia çorën përgjithmonë perden natës shekullore, grisën errësiren e Dimrit dhe paralajmëruan Pranverën e madhe. Rreze që ngrohen dhe ndezën zemrën e një populli të tërë’ …

    Kur po mbaroja vitin e parë të studimeve të larta në gazetari, më ka mbetur në mendje një letër e botuar në gazetën ‘Drita’, dy javë para 24 majit, e titulluar ‘ Heroizmi u perket trimave’. E shkruar në vigjilje të Çlirimit, në mes të partizanëve në Shkallë të Tiranës. Origjinalin e kishte ruajtur Shefqet Musaraj nga Lumi i Vlorës. Nuk qe shkruar nga një dorë dosido, por nga pena e një përmetari penëmprehte, nga pena e shkrimtarit dhe publicistit te shquar, Nonda Bulka. E kujtova edhe mbrëmë, kur po kaloja pranë shkollës me emrin e tij. ‘ Të paktën, dy librat e tij me redaktore Rozeta Uçin, duhet t’i mbajnë si libra xhepi studentët e sotëm të Degës së Gazetarisë’, më thotë me të drejtë shpesh në Tiranë një kolegu im i vjetër. Shkollë më vete, që thyen erën e ftohtë dhe të akullt në përshkrimet e ditës. Nonda Bulka që gjithë jetën qau e qeshi si bilibli, përmetar 24 karat, profesori ynë i dashur Muzafer Xhaxhiu e gdhendëte me dy fjali: ‘ Idealisti i pastër që nuk diti kurre ç’eshte paraja, nuk vuri kurrë një grosh në xhepin e tij… Erdhi në këtë botë me ironine e mprehtë në majën e gjuhës dhe iku duke marrë me vete gazin e jetës’. Ishte pranë revistës së famshme ‘Hosteni’, qysh në orët e para të lindjes së saj. Në kohën e Luftës Antifashiste Nacionalçlirimtare, kur propaganda ligërshane e shërbëtorëve faqezinj të pushtuesit, villte vrer e zehër mbi të rejat e të rinjtë partizanë dhe shpifte pacipërisht, 38 vjeçari nga Leusa, e mbyllte letren thjesht e mjaft fshikullues ndaj rrufjanëve të korruptuar. Pa bërtitur e vetëm me një episod të shkurter që flet gjatë:

    ‘Xha Goxhoja nga Brataj i Vlorës, vullnetar i orës së parë, është 68 vjeç. Ka mësuar Abetaren pune e madhe dhe, aq sa ua kapërceu çunave dhe mori lëvdata. Hyri në Brigadën e Pestë Partizane për të zëvendësuar djalin e tij që ra heroikisht në Brigadën e Parë.

    Në këtë minutë që po të shkruaj erdhi lajmi se xha Goxhoja ra edhe ai Dëshmor për Atdhe !..’.

    Mbrëmë në Përmetin tim bisedova gjatë me Nondën dhe gjithe përmetarët e mi…


    Shqiptarja

  13. Anetarët më poshtë kanë falenderuar Albo për postimin:

    Neteorm (25-05-2023)

  14. #292
    Promete (i lidhur) Maska e Kryeplaku
    Anëtarësuar
    12-09-2002
    Vendndodhja
    në realitetin e hidhur
    Postime
    2,202

    Për: Ju lumshin këmbët! Mirë se erdhët në Përmet!

    Video interesante per Permetin.


  15. Anetarët më poshtë kanë falenderuar Kryeplaku për postimin:

    Albo (23-09-2023)

  16. #293
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Qyteti ka patur me shume gjelberim ne qender. Tani duket se gjithcka eshte kthyer ne beton dhe asfalt. Sistemuar paster e bukur por gjelberimi mungon.

    Profesori Aleks Todhe beri nje gabim te vogel ne pershkrimin e Gurit te Qytetit. Nuk mendohet qe aty te jete lutur Shen Pjetri, por Shen Pavli. Ne librat e Dhiates se Re lexojme edhe thenien e tij: "Predikova Ungjillin nga Jeruzalimi ne Iliri..."

    Rreth gurit te qytetit ka patur shkembinj te tjere me te vegjel. Keta shkembenj u hodhen ne ere me dinamit ne kohen e komunizmit per te ndertuar rrugen, lulishten e pallatet. Gjithe tabani nentokesor i qytetit eshte shkembor. Kjo duket edhe shkembinjte anes dy brigjeve te Vjoses.

    Emri Përmet i qytetit mund të jetë në nder të princit Prempti në kohën e mesjetës, por unë mendoj se emri i qytetit është në nder të Shën Parashqevisë. Ajo është një nga shenjtoret më të hershme të Krishtërimit në Romë. Parashqevi është greqisht dhe në shqip është e prempte. Qyteti ka edhe Kishën e vetë në nder të kësaj shenjtore, Kishën e Shën e Premptes. Unë mendoj se kjo shenjtore është mbrojtëse e qytetit dhe në nder të saj ka marrë emrin edhe qyteti.



    Përmetarët kanë patur një traditë të zhvilluar për verën. Në të dyja anët e Vjosës kur vjen nga Leskoviku, lugina ka qenë e gjitha vreshtari. Përmetarët kultivonin rrushin dhe prodhonin raki dhe verë. Kjo traditë u prish dhe humbi me ardhjen e komunizmit, që kolektivizoi tokën dhe i prishi vreshtat. Fatkeqësia e madhe është që njerëzit humbën këtë traditë, nuk e trashëguan dot.

    Qendra administrative e zones nuk ka qene Gjirokastra, ka qene Janina. Përmeti ka më afër Janinën se Tiranën. Gjithë tregtarët përmetarë blinin e sillnin mall nga Janina. Përmeti ka qenë edhe një qendër e madhe tregtare për gjithë zonën. Qyteti ka patur mbi 200 dyqane të vogla në qendër. Ata furnizonin jo vetëm qytetin e vogël të Përmetit, por gjithë fshtatrat përreth. 3/4 e gjithë popullsisë së zonës së Përmetit jetonin në fshatrat e zonës. Zgjidhnin të jetonin të lirë majë malesh, larg ndikimit të administratave pushtuese. Në qytet jetonin vetëm tregtarët dhe njerëzit e administratës osmane dhe familjet e pasura.

    Fshati më i mirë i gjithë zonës ka qenë Leusa, që është vetëm pak minuta më këmbë nga Përmeti. Skulptori Odhise Paskali ishte me origjinë nga ky fshat. Edhe pse ishte fshat i vogël, aty jetonin familje të pasura dhe me kulturë, falë emigracionit të hershëm. Këtë e tregon edhe kisha e Shën Marisë që është madhështore me pikturat dhe artin kishtar. Nga krahinat, krahina më e kulturuar ka qenë krahina e Shqerisë. Prej kësaj krahine kanë dalë shumë koka të kombit, rilindasi Jani Vreto një prej tyre. I cili ishte miku më i mirë i vëllezërve Frashëri në Stamboll dhe ndër të parët që punoi për të na dhënë alfabetin e parë shqip e gjuhën shqipe që flasim e shkruajmë sot.

    Përmeti është vend i bekuar nga Zoti! Eshtë vend që ka një traditë të pasur të krishterë. Eshte turp për ata që e drejtojnë atë qytet dhe atë vend, që nuk i kthejnë Kishës Orthodhokse qendrën shpirtërore të gjithë qytetit: kishën e Shën Marisë së Pazarit. Kjo kishë ka qenë zemra e gjithë qytetit dhe rreth saj zhvillohej gjithë jeta tregtare e qytetit. Bekimi dhe hiri i Zotit është ajo që i dallon përmetarët nga gjithë shqiptarët e tjerët. Kultura e tradita janë nënprodukte të këtij bekimi e këtij Hiri Perëndie!

    Kthejini Kishën e Shën Marisë Zotit për adhurimin e të cilit të parët tanë e ngritën! Bëjeni një orë e më parë, që të mos bier mbi ju dhe familjet tuaja mallkimi i Zotit! Dita që ajo kishë do të hapet do të jetë dita kur Zoti do ta derdhi lumë hirin e Tij mbi atë qytet e atë popull.

    Albo
    Ndryshuar për herë të fundit nga Albo : 23-09-2023 më 23:30

  17. #294
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Historia e Krishterimit ne Permet


  18. #295
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Kosova e Përmetit


  19. #296
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Shen Maria e Kosinës


  20. #297
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Kisha e Shën Kollit në Përmet


  21. #298
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Ju lumshin këmbët! Mirë se erdhët në Përmet!

    Kisha e Ungjillizimit të Virgjëreshës Mari në Këlcyrë


Faqja 15 prej 15 FillimFillim ... 5131415

Tema të Ngjashme

  1. Forca e jetës në këmbët e vogëlushes 10 vjeçare
    Nga ^_BIM_BUM_BAM_^ në forumin Aktualitete shoqërore
    Përgjigje: 10
    Postimi i Fundit: 25-03-2009, 12:44
  2. Përgjigje: 8
    Postimi i Fundit: 30-05-2006, 18:09
  3. Kenaqesia? Eshte nje fakt vetmitar
    Nga Xhuxhumaku në forumin Filozofi-psikologji-sociologji
    Përgjigje: 5
    Postimi i Fundit: 21-07-2005, 19:26
  4. Kembet - pesediteshit
    Nga qyfyri në forumin Letërsia shqiptare
    Përgjigje: 3
    Postimi i Fundit: 30-07-2002, 12:23

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •